2003 年 12 月 23 日 星期二 【乍暖還寒】

哈哈！！24號個晚玩得好開心呀！
首先去左阿華屋企開 party ，原來阿華屋企俾我想像中大o架！又靚喎！
雖然係二樓，不過一d都唔嘈！！
之後又玩又食，食左好多野呀！飽飽~~~
到差唔多五點，就走喇！佢地要番去練歌呀！
而我都打俾晶姐叫佢出門口，o係教會等！
去到個陣晶姐已經到左喇！勁快~~之後同 Gilbert 同阿東落去幫子軒買花紙，
勁好笑囉同佢地行，一路行一路笑！！講埋d白痴野~~~
番到上去包埋，磨左陣，就出去行喇！
佢地去機鋪打機，我同晶姐就去行下買野咬，
話咁快就8點喇！佢地已經 ready 好晒，我地都去左 join佢地！好快就開始敬拜！
仲撞到校長呀！！敬拜完之後就出去報佳音，第一次咋！
可惜我把聲又..........唔係唱得好耐，不過都好開心呀！
唱完一首就嗌一次 "聖誕快樂"、"生意興隆"..................
最後去三角公園集合，唱多陣就要走喇！媽媽要我11點前番到屋企呀！
又唔俾我去姑姐到瞓，搞到我要勁趕，佢地都未唱完就要走！唉.............
好彩有晶姐陪我~~~番到去都遲左少少，媽媽都瞓左覺，總之就唔使咁趕啦~~~

>>December 28, 2003 at 3:49:02 PM GMT+8

2003 年 12 月 20 日 星期六 【晴】

琴日星期六，本來要番教會架！點知冇端端又要 Sport Day 喎！搞到冇得番！可惡........

今次好叻叻呀！竟然冇遲到，仲有剩時間、勁好彩……
之後就要做工作人員，上次鉛球、今次標槍.......由於我係工作人員關係，
可以標先。勁開心囉！咁都攞到第四，諗住可能係最後一年，所以先玩下！
都冇諗過會攞獎~~~
之後到男仔標，佢地個個都標得好好笑架！其中有一個標兩次，
兩次都整到個頭，勁好笑呀！佢個樣仲要傻傻地咁！肯定痛到 <死掉> 啦！！
跟住就跑社際喇！今年又有得跑~~呵呵！！不過今年差左呀！跑第三咋！
慢左好多，超可惡..........

食完飯番黎，就要整咩拼圖，成千人o既拼圖...........
搞左好耐，又影左好耐...........最後就跳繩，勁好玩！
班際又有排球隊又有........不過.............
之後就散喇！佢地要去食飯，好彩都唔係剩番自己番隉I！
((今年都攞到唔少獎：400m 第四、標槍第四、社際第三)) → 開心！！

>>December 21, 2003 at 4:26:15 PM GMT+8

2003 年 12 月 14 日 星期日 【乍暖還寒】

今日好凍呵~~~

今日心情好唔好，係咁諗野。個樣野連我都估唔到點解會發生o係我身上，
但係又發生左喎！！我都唔知點.........
就係因為呢樣野搞到我唔知點面對佢........好煩呀！！
其實我都未搞清楚我點諗..........剩係覺得好亂

>>December 15, 2003 at 2:40:05 PM GMT+8

2003 年 12 月 11 日 星期四 【晴】

今日呢............
今日晏晝要跑四百呀~~本來分兩組架！點知d人唔知去晒邊，剩番七個人，
咁就一次過跑埋去~~勁可憐囉！！七個裡面六個同一個社，得我自己係另一個社........
超大壓力~~
—到跑o既時候，初頭o個二百米都跑得唔錯，點知之後o個二百米冇氣，
俾人追過左........好辛苦咁跑番去，仲要俾人追到勁貼，
好彩都攞到個第四，以為自己冇架，好大o既bonus！！
搞到而家隻腳勁攰~~~
比完所有賽之後，就番上去坐啦！春梅突然問我佢條短褲呢？？
係喎！佢條褲呢？我四周圍咁搵，勁驚唔見左佢條褲，
到左司令堂問，咁"琱S有條喎！！應該係佢架喇！！勁開心攞搵番！
之後就大家一齊影相，跟住就走 Lu ~~

>>December 12, 2003 at 3:07:18 PM GMT+8

2003 年 12 月 6 日 星期六 【乍暖還寒】

。~~。~~。~~。~~。~~。~~。~~。~~。~~。~~。~~。~~。~~。~~。~~。~~。~~。~~。~~。~~。
今日開心到 <死掉> 呀！！
今日十八區慶典，晨咁早就要出去幫手！！
去到之後就敬拜，雖然唔係好耐，不過唔緊要啦！！有心隈~~
途中有首歌係話咩......鷹 ------>點知個陣時有一大班唔知鷹定鳥o既物體飛過！！
真係好大}蘇[！仲有呀~~ —祈禱就超大風，一唱歌就冇乜風，幾神奇呀？？？
而最開心就係.........未洗禮都有得領 <聖餐> 呀！！初頭以為剩係導師先有
點知佢地又派個杯俾我地喎！！勁驚奇喎~~領完聖餐番埋位，我對住杯葡萄汁同塊餅傻笑~~
有d低低o地~~唔知呀！！開心啦就係........

跟住就要幫手喇！出到去隧道口企，超熱~~企響度都唔知做乜？？
到三點三就入番去~~嘩！！勁多人~~都唔知有冇成萬人？總之就好多啦~~
坐左陣，又要走，又要企街，話咩控制人流，勁好笑~

今日自己番屋企~~一路行出去一路響度諗埋d無聊野~~不過我都係鍾意自己一個行隉I！
。~~。~~。~~。~~。~~。~~。~~。~~。~~。~~。~~。~~。~~。~~。~~。~~。~~。~~。~~。~~。
我一路企響隧道裡面，見到d人不斷咁行過。
原來基督徒同唔係基督徒都幾易分~~
當一個基督徒行過我身邊，佢就會講：「祝福你！」、「辛苦晒！」等等o既說話，
佢地亦都會對住我笑，但係唔識個喎！！
但係唔係基督徒呢？？行過就會望下問下做乜咁多人，有d又會望下件衫係咩團體
行過係絕對唔會對住我笑~~直行直過扮見唔到~~
哈~~真係咁得意架喎！！
當我企企下又響度諗：「點解人人都有眼、耳、口、鼻，但係拼出黎o既樣又個個唔同？」
係未個個都係獨特架呢？？個個都係同一個人所 "生"，但係d性格又會差咁遠？

>>December 7, 2003 at 2:47:27 PM GMT+8

2003 年 11 月 29 日 星期六 【乍雨乍晴】

今日都終於完左成個學界喇~~之後就可以專心d讀書喇...............

今日凍到死掉呀，但係又要起身去比賽喎，想瞓多陣都唔得！！
之後食完早餐就出去喇！！對崇蘭呀！！
第一局同第二局開頭都打得唔錯，但係到尾個陣又唔知做乜，
俾人連追幾分？仲打到 23 比 23 tim ，嚇到死掉呀！！
好彩最尾都可以贏到，攞第二呀！！叻叻.........

跟住好匆忙咁飛出新城市買番本簿，超靚呀！！仲半價，本來百幾搞到而家六十幾--->抵
用黎當紀念冊寫，正！！
之後去左交學費，而佢地就去買野食 <------聽日去旅行嘛 ~~~~

>>November 30, 2003 at 2:39:30 PM GMT+8

2003 年 11 月 25 日 星期二 【晴】

>>>>>>>>>>>>>>>>>>>>>>>>唔開心o既一日<<<<<<<<<<<<<<<<<<<<<<<<<

>>November 26, 2003 at 2:34:52 PM GMT+8

2003 年 11 月 23 日 星期日 【晴】

今日剩係番半晝咋，之後就同 zoe 出去睇戲 <古宅心慌慌> 呀！！都幾好睇喎！！
初頭我同 zoe 都好驚架！兩個驚o既人走埋一齊，咁未驚上架驚！！
睇到半路先至恐怖， zoe 驚到振呀！！我就.........
不過到最尾都冇咁恐怖~~仲有d好笑 tim ~~
行左陣之後就番屋企 Lu ~~

>>November 24, 2003 at 3:54:05 PM GMT+8

2003 年 11 月 22 日 星期六 【晴】

今日星期日，要比賽

今朝九點鐘先起身，食完早餐睇埋報紙十點就出門口 Lu ~~
去到o岩o岩好十點三，冇遲到喎！仲撞到白兔，成日都見到架！！
去到換衫，點知剩係見到高妹，之後就上左去睇男排，好激呀打到。
睇睇下就落去熱身，十一點到就番上去，都仲未打完！！
睇多陣，男排聖心贏左體藝呀！！勁~~

打完男排到我地，今場我地又係對聖心呀！！個個又高又好打，初頭都驚架！！
o係開賽前 Miss Law 同我地講只要贏呢場就好有機會攞第二~~唔係就會攞第三
好勁架喇~~今年先升番上 D1 ，咁快就有咁好o既成績~~真係好
Miss Law 話我地今年咁辛苦先番番上黎 D1 ，唔想我地又跌番落去 D2，
所以就要我地當打冠軍賽咁打，要博晒命咁，扑都扑去接番球波，唔好咁容易俾個波落地喎！

第一局都打左好耐，大家d分數都咬得好緊，不過最後我地都以幾分之微贏左對手
好開心架，連聖心咁勁o既隊伍我地都贏第一局喎！！
之後打第二局，初頭都打得ok~~點知中段個陣唔知做乜事，打到唔知點咁~~
好彩都唔係輸好多分隈~唔係就會冇晒士氣架喇！！
到第三局，只要贏埋呢一局我地就會攞第二架喇！！不過呢局只係打十五分.......
要贏就要攞左頭幾分先得~~雙方都好緊張呀！！打到呢個時候先輸好唔抵架嘛！！
Miss Law ~~係場邊勁緊張，場裡面d人又緊張。o係最尾個幾分miss叫左個暫停，
不斷問我地有冇信心贏，又要我地不斷咁嗌 C.C. best 咁~~提高大家o既士氣
一連嗌左四五次，之後又繼續打，打到最尾十四比十三，我地掙一分就得架喇！
超緊張，好彩..........最後我地都贏十五比十三，我地個個開心到走晒入場呀！
Miss Law Law又勁開心喎！！勁激動呀！！阿史仲.............真係驚到個心都差d跳左出黎架！
真係勁開心，剩番30號個場就打完成個學界喇！好唔捨得呀！！

>>November 24, 2003 at 3:39:42 PM GMT+8

2003 年 11 月 21 日 星期五 【微冷】

哎�鴰~~好耐都冇寫喇~~都唔知邊個衰人整個 diary ，搞到冇得寫！！可惡...........

呢幾日發生左好多好、超、勁開心o既野呀！！
首先呢~~今日，好早就番到教會，冇遲到呀！！唔使請野飲。
番到去見阿蛋仲未到，本來諗住較快個鐘，等佢以為自己遲到，
點知佢又到左喎，掙阿莫未到，勁失望，整蠱阿蛋o既計劃失敗左>.<
跟往就敬拜先，阿蛋話下個星期開始每人負責帶一次敬拜呀！！驚驚.........
敬拜完之後就練歌喇！！今次個幾首歌好容易咋，好快就掌握到~~
練到差唔多就同阿華 and zoe 去買麥記~~飽飽.....

食完練多陣歌都已經一點九，要收野開始敬拜 Lu ~~
直到四點幾就完，去左開小組，勁搞笑！！
去到三樓，見到阿東條褲已經有d想笑架喇！！點知傾傾下謁o既時候，
佢係度做d勁好笑o既野喎！！我就笑左出黎啦~~(其他人仲未知我笑乜)
之後係咁笑笑笑，連晶姐都笑埋，兩個成個傻婆咁~~
好耐都未試過笑得咁開心喇~~感謝主！！

今日得自己一個人走咋，因為晶姐要去食飯，唔同得我一齊走
我就自己出左去黃大仙買繩~~open day 要用喎~~
跟住就番屋企，都成七點幾.........番到去仲要俾人審咁早去左邊...........

>>November 24, 2003 at 3:01:02 PM GMT+8