2004 年 3 月 29 日 星期一 【晴】

今日一朝就要執d唔著o既衫出黎俾媽咪，佢地話要番大陸喎星期五..........
好似星期一先番黎，太好喇！屋企剩番我同家姐，耳根清靜........

晏晝就落左大快活食，食食下撞到子子、曾博麟、仲有一個唔記得左個名.........
之後阿芝就打黎問我神托會幾時開，佢話屋企好多人，溫唔到書喎！
咁我就同佢一齊去溫書喇！！
溫到五點幾出去買野食，點知諗住番去o既時候落勁大雨，唯有流連一陣啦！
番到去之後都溫左陣，之後就唔知點解咁講左教會d錯綜複雜o既愛情........
原來教會裡面d人好多都有暗戀人架！！
俾阿芝講一講，我諗我已經知道晒教會邊個鍾意邊個..........
阿芝畫o既‘愛情網’，真係畫左好多人架！！
所以俾我知道左好多‘秘密’.........呵呵>.<唔講真係唔知佢地同佢地係有野.......

溫到九點半就走喇！！番屋企途中仲俾我撞到‘佢’喎~~~~~
可惜阿芝都係見唔到佢個樣............

。。。。。。。。。。。。堅持同放棄只差一線。。。。。。。。。。。。

>>March 31, 2004 at 1:59:34 AM GMT+8

2004 年 3 月 28 日 星期日 【晴】

哎�..........勁憫呀！！開唔到個 icq 呀！
都唔知做乜事，一開左個 icq 張 list 冇晒 d 人，一張空白o既 list .......
搞到我玩唔到呀！可惡........

今日去左自修室溫書呀！首先就去萬寧睇下有冇朱古力買黎食，
之後就逛埋惠康，見惠康冇乜野o岩食就落番萬寧喇！
點知.......係呢個時候，阿芝同 Christo 見到我喎！
呵........阿芝就陪我買朱古力啦！而佢就出左去睇佢個部單車喇！
我買完之後就拿拿臨去自修室，因我都遲左 d 喇！
同佢地講完 bye bye 就走 Lu ~~

>>March 31, 2004 at 1:44:13 AM GMT+8

2004 年 3 月 27 日 星期六 【晴】

。。。。。。。。。。。。。。。。。。。。。。。。。。。。。。。。。。。。。
今日唔記得起身呀~~成九點一先起身，搞到要十點幾先出到去補 Chem ~~
好彩晶姐都要搵野，所以唔使佢等咁耐........
補完之後就行左陣，見到部手提幾靚，接機黎架！！不過都唔知幾時可以買到 Lu ~~~
番到黎都成點幾，跟住仲要幫阿芝整部 mp3 ，不過好快就整好左，
冇o即刻俾番去呀！溫左陣書到差唔多八點先攞番俾佢~~~~
陪左佢去買雪糕，佢攞左番屋企之後就同我落左去球場一路坐一路傾謁...........
不知不覺就傾左成個幾鐘，傾左好多野呀！！哈哈...........
都唔知幾時可以再係咁一齊坐o係度傾謁，勁舒服，勁鍾意咁樣同人傾謁..........

不過............都唔知幾時真係可以同"你"一齊傾喇！連機會都唔知有冇........

P.S 對唔住呀！我下次唔會講架喇！因為我真係唔知唔講得架！ Sorry ~~ >.<
。。。。。。。。。。。。。。。。。。。。。。。。。。。。。。。。。。。。。

>>March 28, 2004 at 2:44:55 PM GMT+8

2004 年 3 月 26 日 星期五 【晴】

哎�..........勁憫呀！！開唔到個 icq 呀！
都唔知做乜事，一開左個 icq 張 list 冇晒 d 人，一張空白o既 list .......
搞到我玩唔到呀！可惡........

今日去左自修室溫書呀！首先就去萬寧睇下有冇朱古力買黎食，
之後就逛埋惠康，見惠康冇乜野o岩食就落番萬寧喇！
點知.......係呢個時候，阿芝見到我喎！
呵........阿芝就陪我買朱古力啦！而佢就出左去睇佢個部單車喇！
我買完之後就拿拿臨去自修室，因我都遲左 d 喇！
同佢地講完 bye bye 就走 Lu ~~

>>March 30, 2004 at 3:25:41 AM GMT+8

2004 年 3 月 26 日 星期五 【晴】

今日終於都番番好耐冇番o既敬拜隊喇！
一朝就約左阿芝一齊搭車番去，仲撞到佢爸爸呀！超後生呀我覺得........
番到去就執歌，祈禱，敬拜.........就開始練喇！
不過實在太耐冇練喇！好多 chord 都唔係好識，但係又唔係好想問阿蛋喎！
所以.......唔覺唔覺咁過左去，彈左 d 差唔多音o既 chord ，睇黎都要練多 d 喇！

練完之後就講左 d 敬拜隊o既野，祈多次禱就散喇！
我地就要上去開組，上到去10樓狂俾阿蛋話我‘大頭妹’.........可惡
之後佢仲同思微夾攻..........Oh no..........毫無還擊o既餘地、任人魚肉.........

大戰之後就真係正經地開組，開開下阿華都入埋黎扮新朋友
又講你覺得我點、我覺得你點咁............咁就開完喇！
最尾仲要俾人點我做 sum up o既祈禱，超驚！

到兩點就開始少年區o既敬拜、講道、四點幾就散得！
又上左十樓寫阿華張咭，搞搞下都成五點幾先走.......
搭車番黎時仲係媽媽話我做乜去成日...................

P.S.我係未激嬲左你呀？！

>>March 27, 2004 at 3:58:50 PM GMT+8

2004 年 3 月 26 日 星期五 【晴】

哎�.........今日都唔知做乜事..........
變態0既我今日考左四份卷，由朝早一考考到四點幾，
仲要做唔晒份 listening ，超難呀！四十幾個 points 要寫........
不過考完都唔使計分，純粹係一個 practice........
考完之後見佢地要練波，都同 Sisi 打左陣，
打打下 miss 叫我地教班 c grade 開波，咁就逗留左陣，再番教會。
一上到車，感覺怪怪地咁，唔知點.......好似唔係好想番咁
所以一落左車就去左九龍城廣場行陣，但係好無聊.......
之後都好似好唔想咁番左去。番到去一陣就開核心.........
今次核心都唔錯.........仲為左"你"祈禱呀！希望你快 d 好番啦！！
開完就開始補習，做第五份卷..........簡直想死 >.<
之前已經冇左半條人命，做埋第五份卷又冇多一半，剩番四分一條命仔，唉...........
做到九點鍾度就對答案，講到十點幾十一點就走喇...........

心情時好時壞，成日諗埋晒 d 無聊野，搞到自己 d 思緒亂晒！
亦唔知自己想點，好煩...................

>>March 26, 2004 at 5:02:03 PM GMT+8

2004 年 3 月 21 日 星期日 【晴】

都好似好耐冇寫過個日記仔喇！！對上個次都已經係...........
咁就差唔多一個禮拜喇！時間過得好快，仲未溫好d書............

琴日春梅生日呀！！
不過我好似到而家都仲未同佢講生日快樂.......hehe~~~
琴日同晶姐補家習後就去睇禮物，行左好耐都唔知買咩好..........
到最後買左件衫同條鏈，條鏈好靚架，我都諗住遲d買條俾自己！哈哈！
到兩點幾先番到屋企，之後食野同溫書，到七點就落去同佢慶祝生日喇！
去左大排檔食，d野食都唔係好好味隈~~~
食食吓阿珊都黎埋，佢整左個蛋糕仔同送左隻鴨仔氣球俾佢，好可愛架！
影左d相，到九點幾就散喇！

番到家就俾人鬧........冇理
沖涼後就溫書喇！仲有好多未溫呀個陣！唉............
之後就四點起身繼續，不過溫下瞓下咁囉~~~~
所以今日考都唔係好識，仲要佢講話剩15分鐘我仲剩番一條半未做......

P.S.
To：yu yan 多謝你o既關心，我已經冇乜事架喇！！
To：Gil 你都要小心呀！就黎會考，唔好到會考先病呀！加油~~
To：春梅 生日快樂！！生日快樂！！

>>March 22, 2004 at 4:56:20 AM GMT+8

2004 年 3 月 15 日 星期一 【晴】

驚險o既一日~~~~~

今朝本來諗住早 d 起身溫書，所以叫晶姐打俾我叫我起身啦！
佢五點鐘打俾我，但係我都仲未起到身喎~~之後佢過多陣打俾我，
問我唔知 d 咩~~但係我都仲係未醒喎！
一瞓就瞓到七點喇！諗住起身梳洗下番學啦！點知起左身之後個頭仲比琴日痛同暈，
我以為冇乜事，到我入左 toilat 去完洗手間，正當我要洗手o既時候，我就已經暈左喇！
我係完全冇左知覺咁瞓左響 toilat 度，到我之後問番爸爸，佢話佢聽到勁大聲之後走入黎，
見我瞓左o係度勁驚，就夾手夾腳同我阿媽拖我出黎，佢地不斷咁叫我，其實我聽到架，
只不過我真係冇力去應佢地。之後佢地就 call 999，叫十字車o黎。
我就響梳化到繼續瞓(已清醒)，瞓到 d 醫護人員黎，d 人又不斷咁問我野喎！
都唔知點答佢好。跟住佢地就送左我入醫院喇！
入到去已經七點十一，唉...........唔使考試，今日仲要考英文 paper (Ⅰ)and(Ⅳ)
跟住又 cheak 咩心電圖同照 x-光，照完晒先走得，番到屋企都十點~~~

之後就係咁瞓，瞓到一點鐘度食左 d 野，再瞓，瞓到四點鐘。
要起身溫 a maths 喇！再唔溫就唔合格，不過溫唔溫都會唔合格........
溫到五點幾食左d藥開始發作 -----------有睡意
又瞓，瞓到七點鐘..........
一日就咁過左..............
仲要冇左 paper (Ⅰ)and(Ⅳ) o既分..................

>>March 17, 2004 at 8:07:20 AM GMT+8

2004 年 3 月 14 日 星期日 【晴】

今日 mock 要考英文 paper (Ⅱ)~~
今朝七點幾起身，之後溫吓 d 英文，點知越溫越頭痛喎！
之後食左 d 藥，以為過一陣就會冇事，初頭番到學校都 ok 架！
點知考完番屋企，已經痛到爆，諗住溫多陣書都唔得~~
即刻彈左響張床到瞓，瞓左超耐，由五點幾瞓到七點幾！唉...........溫唔切書啦實
好彩起身之後都好番 d ，唔係聽日都唔知點考...............

今日考緊試o既時候俾 miss cheung 捉頭髮過長呀！
考完之後要成班犯左規o既同學仔留響 hall 度~~顧 sir 仲話逐個逐個黎講犯咩事，
不過好彩最後都係俾 miss cheung 訓話左幾句，叫我聽日扎番起 d 頭髮就得。
之後就走得喇！

>>March 15, 2004 at 2:03:12 PM GMT+8

2004 年 3 月 12 日 星期五 【晴】

琴日要考 mock 喇！考R.S ~~雖然有 d 唔係好識，不過算數啦！都考左咯~~~
考完之後同 Sarah 個堆一齊行出新城市，佢地就去食野，我就去自修室溫書喇！
到五點幾，就搵埋 zoe 一齊出去喇！點知佢要去買野同睇野喎！咁就陪佢啦！
行到六點幾，本來今日要開核心架！不過遲左 Lu ~~真係唔好意思！
開到七點幾，之後就食野，ha 左一陣年開始補習......................
唉...........又發脾氣喇！真可惡>.<
話說補習已經遲左好多開始，點知仲要補左少少就唔補..
超激氣......受到良心責備，因為就咁冇左幾個鐘...........
講機會率講左好耐........但係zoe仲係唔明，我都十分明白佢.........之後佢仲要..............
講左差唔多一個鐘，"佢"就話唔補喇！！
勁無奈囉！都唔知補過 d 乜，諗住問啦~~佢又唔想喎！！唉..............
之後阿芝見我地咁，就同"佢"談判左陣，佢地好似講到好激動呀！
可惜我唔知佢地講 d 咩~~~之後講到十一點，就執野走喇！
我都費事留響裡面，即刻走左出去等阿芝..........
********************************************************************************************************
今日番左教會呀！出奇地最近媽咪冇鬧我喎！太好喇！！
我諗我可能會 keep 住咁番 Lu ，但係到真係會考個陣我就唔知番唔番喇！
因為我都驚我自己會唔夠時間溫書呀！！
今日仲有兩個新朋友黎左，不過都唔係同佢地講左好多野咋！！
臨去o既時候開左陣小組.......認識新朋友喎！！
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
最近有 d 唔妥，好容易俾人影響到 d 情緒，亦好容易唔開心
唔知係未經過個件事呢？！！

>>March 13, 2004 at 3:27:05 PM GMT+8