2004 年 3 月 8 日 星期一 【晴】

唉........今日就 last day 喇！！估唔到咁快過呀d時間..........
升中四o既時候覺得會考係一件好遙遠o既事，咁快就迫到埋身.....

小息時我地不斷咁影相，今日同左好多人影呀！！可能琴日影得唔多啦！
但係仲未同 Miss Law and 陳 sir 影呀！兩個都唔舒服，miss Law 今日就冇番...
陳 sir就好早走..........OH~~no......
今日 lunch 同葉 sir 一齊食，兩年黎第一次同佢食咋！！
到放學........又影想同簽名..........之後就番屋企放低d野就出去新城市食 pizza hut ~~
都唔係好貴�............ha左一陣就出中央喇！

去到玩，跟住唱歌，搞到個個都喊到豬頭咁！！
後來更一發不可收拾，越黎越多人失控....................
之後又講感想。其實我有好多野想講架，但係一出到去就一片空白.......
想講都講唔到！！
不過算啦！！可能唔講仲好呢！！

>>March 9, 2004 at 5:27:32 PM GMT+8

2004 年 3 月 6 日 星期六 【晴】

唉.............超耐冇寫過日記仔喇！不過成日都入唔黎我都冇辦法架喎！？！
好多野想寫，但係又入唔到黎..........

星期五放左學就練左陣笛，之後就陪 Zoe 出去新城市買琴書喇！
ha 左陣就搭車番教會補習...........
番到去見到阿旦同阿華，同阿旦串左幾句佢就走 Lu ~~
到差唔多就入房補 Chem .............
點知補補吓子軒發脾4喎！搞到 Zoe ........
"子軒發火，非同小可"大家要記住呀！
佢真係勁兇架個樣，驚驚地~~~
發完脾4之後又響度講笑話喎！真係吹佢唔漲...........情緒化得很！！
到十點幾就走喇！去左7仔唱錢搭車，點知行番轉頭個陣子軒對鞋o既鞋底成塊爛左喎！
佢拋棄左佢之後一邊高一邊低，就咁佢就搭車番去，我就行番出黃大仙搭 bus ~~

到星期六呢~~一朝早就要番學校練笛，晏晝比賽喇！緊張...
去到個陣仲驚，見到個個上到去都會錯左少少，唉~~~~~
過左差唔多一個鐘就到我喇！上到台都冇乜點望落去............吹錯左少少呀！可惡>.<
落番去隻腳勁震..........
過多一陣就宣佈喇！唉...........真係"鄧"肥超唔抵...........
攞番張評分紙，都有82分，算係咁啦！！

>>March 7, 2004 at 3:37:11 PM GMT+8

2004 年 2 月 17 日 星期二 【晴】

今日自己生日
同左阿珊、晶姐、家琪去左食壽司~~~

好多謝你地肯陪我，讓我知道邊個真係有呢個心..........

>>February 20, 2004 at 4:00:51 PM GMT+8

2004 年 2 月 13 日 星期五 【晴】

~~今日係情人節~~

今日一早就出左自修室，雖然得兩個鐘到，不過都差唔多做晒份 Chem 喇！
之後十一點幾出左去一陣，點知見到倫喎！傾左幾句，就入番去執野走喇！
去左西田買朱古力番教會，十二點幾番到去。岩岩上完堂咋佢地，
跟住就要練下詩歌比賽個首歌喇！練左一陣，話就話一陣，不過真係禁到好攰。
到 lunch ，去左食粥，麻麻地好味！番番教會練多陣，就玩 ice braking。
今日玩o個個遊戲都唔知咩黎，都 ok 好玩~~
玩完之後，無端端叫晒2月生日o既人出黎，原來有人今日生日架！！
搞完之後就真係開始崇拜~~

開頭都好第第，點知一唱完第二定第三首歌之後，偉漢為 Patrick 祈禱。
Patrick 因腦出血，瞓o係醫院度..............星期三定四收到呢個消息，初頭我聽到都好咢然，
但係仲未知係邊個....夜晚幫佢祈禱，漸漸都諗番起佢係邊個。到星期五，
番去同阿華開組，開完之後佢就講番而家 Patrick o既情況。都知道佢唔會醒，
腦細胞死晒，只不過身體機能仲運作，聽完阿華講完都冇乜事..
點知今日再祈禱，已經不斷咁喊，好多人都好傷心。敬拜完之後，
阿成就原原本本咁將佢o既情況講出黎，就更加多人喊~~~
雖然唔係同佢太熟，不過我真係感受到佢對神o既愛有幾大。
阿成叫我地小組o既成員講下對佢o既感受或有咩想同佢講。
好多人都一路講一路喊！聽左好多個人講，soso 同 cecilia 講o既一番說話最感動，
我又開始眼濕濕 (本來已經止左)。當大家講完之後已經四點幾，唱多次首歌就散 Lu ~

過左冇耐就自己走喇！個個都有野做...............
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Dear Patrick,
我覺得你真係好愛好愛神，你能夠為左番教會而放棄左你自己最鍾意o既野！
你呢份盡心盡性盡意盡力愛主------你的上帝。我知道主一定會感受到，
雖然你離開左我地，但係並唔係永遠都見唔到你，
我相信我地成班肢體一定能夠o係天國見番你。你讓我學識左好多野，
你讓我知道人生無常，生死只係一息間o既事，無人知道你聽日、後日、大後日會點，
你讓我學懂要珍惜眼前人.......你會係一支燒不盡o既火柴，你o既心之遠都會係我地心裡面~

From：Red

>>February 14, 2004 at 4:51:39 PM GMT+8

2004 年 2 月 7 日 星期六 【晴】

唉............終於都要闊別敬拜隊練習喇！其實自己覺得好唔抵架！
話晒都練左咁耐，到最後都係冇得試~~
不過算啦~係你o既此終係你，唔係你o既此終唔係你！
強求都冇用，可能係神仲未想我試住呢！
星期六個日諗住同阿旦私底下講架，因為我知道我實會喊！
但係當zoe帶完敬拜之後，阿旦又要我向住咁多人講喎！
初頭都諗緊好唔好講，但係最後都係講左，唔知點解喎又！
都未講完就真係喊左出黎，樣衰到死！
最衰都係阿旦..........講笑�

到 lunch 都冇乜野 Lu ~同阿華食飯，都同佢講左我唔番敬拜隊！！
食完之後上番去練多陣。今日遲到呀！搞到練個個幾個字............
今次阿華都教左唔少，仲練左我地詩歌比賽個首 "316"，勁好笑囉！
不過呢首歌好容易彈咋！好快就練上手>.<
好期待詩歌比賽........................

>>February 8, 2004 at 3:19:32 PM GMT+8

2004 年 1 月 27 日 星期二 【晴】

咁快就放完成個新年架 Lu ~~
成個假都唔知做過d乜，拜年、做功課...........之後都冇乜喇！

今日一早出左去自修室，溫到差唔多點幾就出去食 lunch ~~~
不過今日好趕急呀！三個字就要上番去.......唉
到四點幾就走喇！因為溫到冇乜心機，而且又冇野好溫，
所以呢.........就去左行街！！！仲撞到 Joey (my friend) 呀！
今日收穫都頗豐富，買左本小說—林詠琛新出架！
之後又見到 Speed 隻 save the children 演唱會喎~~~考慮左陣，都係買左！正
之後就番屋企喇！番到黎食完飯先睇隻 VCD ~~
睇左一半就冇得睇喇！ cos Dad 要sleep >.<

>>January 28, 2004 at 2:22:42 PM GMT+8

2004 年 1 月 25 日 星期日 【晴】

。。。。。。。。。。。。。。。。。。。。。。。。。。。。。。。。。。。。。。。。。
呢排病左呀！
初二個日病到今日先到好番~~點知今日到 Christo 病！唉...........
今日要番教會，本來八點鐘起左身，但係見咁早，諗住瞓多陣啦！點知一瞓就八點九！
斃家伙！跟住仲要o係張床度 "懶" 左一陣床先起身~之後擦牙，即刻打俾阿芝，
諗住問佢幾點出門口啦！點知佢話九點鐘出門口............噢！情天 pig pig
咁我就叫佢去先啦！收左線之後就換衫，好彩今朝成家人出晒去，唔係都唔知點出去！
換完衫都成九點一二，電話響喎！原來.........hehe~~阿芝黎架！
原來佢話約左 Christo 9點9 (原本9點半) ！yeah~~跟住我就o拿o拿臨執野、著鞋。
好快就出門口。我仲驚死遲到，跑成大段斜路追車，死左半條命。
點知去到等左陣，見到小輝輝。就叫埋佢一齊等啦！個死人野仲遲到，黎到扮冇事！
俾佢吹漲~~~~~~~
行番去教會仲好笑。我行阿芝隔離，我地行到過左街市個段路。
個陣阿芝傾緊電話，點知一聲大叫，我仲以為咩事，
原來有 "劈"新鮮滾熱辣o既白鴿屎"降臨"幾佢頭上，笑死！真係未試過囉！
如果我行過少少可能中頭獎o既人會係我 >.<
番到去已經十點半，遲左半個鐘，番到去俾人訓話。之後都冇事 Lu ~
跟住玩遊戲，戲後檢討，再傾埋區同組d野，then就eat lunch。
食完番到去敬拜..........到五點幾就去 Lu ~
之後就自己出左去新城市換野，番到屋企都差唔多七點 Lu ~

>>January 26, 2004 at 3:34:45 PM GMT+8

2004 年 1 月 17 日 星期六 【晴】

琴日番左成個月冇番o既教會~~心情有點兒緊張，
但係我都唔知點解喎！！

星期五去左姑姐度瞓，去左接表弟仔放學，好可愛呀佢！！
番到屋企教佢做功課，有個 ee 黎左坐左陣，之後就去左西九龍行街~~
個 ee 話要買衫俾佢個女，而我就想買 "冷" 織頸巾，
勁平呀個度，40蚊三舊！每舊都織到一條頸巾架！
跟住我就買左米白色，諗住織俾人 >.<
行到咁上下番屋企，夜晚打邊爐！食到勁飽~~~仲飲左一碗半o既糖水~~好好味

瞓左一晚之後，朝早起身就番教會喇！番去練歌，好耐冇練喇！
番到去去左二樓，冇人！再上去十樓，見到佢地 Lu ！
得三個，等多陣晶姐都到埋喇！之後就落番二樓，
搵歌，整結他......敬拜隊敬拜，冇唱歌呀！
因冇準備 >.< 跟住就開始練歌！練到十二點幾就去食飯！

敬拜、講道、小組！今次小組講左好多野！
講就容易做就難，都唔知點！
七點半番到屋企俾人鬧.............

>>January 18, 2004 at 3:59:09 AM GMT+8

2003 年 12 月 30 日 星期二 【晴】

>.< >.< >.< >.< >.< >.< >.< >.< >.< >.< >.< >.< >.< >.< >.< >.< >.< >.< >.< >.< >.< >.< >.< >.< >.< >.<
☆哈哈~~~果然俾我估仲左。今日補課又有人電話響喇！
☆不過今次果個好細聲咋！不惜都俾人聽到，又寫家長信 Lu ！真係唔好彩~~
☆
☆今日補課 Zoe 冇番呀！病左呀！都叫你 take care 架啦~~~之前病完又病！
☆唉！下次著多幾件衫~~知唔知呀？？？
☆真係唔好意思呀！唔記得幫你攞野~~~ >.<
☆放左之後就出左好運諗住買番本 <2 in 1> 答案，點知冇............勁無奈囉！！
☆都唔知點做好~~~
☆之後就番屋企喇！番到去都冇乜心機溫書~~
☆今日其實想出去玩架，不過...................
☆一路磨到夜晚。今日溫書好唔專心呀！梗係坐唔定......................
☆聽日要努力d，唔係就會溫唔切！！ >.<
☆
☆ Happy ☆
☆ Happy New ☆
☆ Happy New Year ☆
☆ Happy New ☆
☆ Happy ☆
☆
>.< >.< >.< >.< >.< >.< >.< >.< >.< >.< >.< >.< >.< >.< >.< >.< >.< >.< >.< >.< >.< >.< >.< >.< >.< >.<

>>December 31, 2003 at 3:45:23 PM GMT+8

2003 年 12 月 29 日 星期一 【晴】

悲痛...........梅艷芳因癌症死左~~雖然佢應該唔係一個基督徒，
不過都希望神能夠保佑佢啦！！
今朝起身睇新聞，先知道佢死左。好突然囉！之前都好似 "好第第"！點知.........

勁樣衰呀琴日，補補下課無端端電話響喎！仲要勁大聲，樣衰死~~
原來我唔記得搞震機呀！當我搞完之係，miss 就黎收我部電話喇！！
唉............勁無奈囉~~~
勁難咁捱完成個補課，之後就要去贖番個電話！
佢竟然要我寫張家長信俾佢喎！俾佢吹漲~~不過是但啦！都係自己寫隈~

哈哈！好笑o既係今日。補補下又有電話響，勁搞笑！
好樣衰咁拎部電話出去。 Yeah ~~有人陪我樣衰，絕對唔緊要！！
唔知聽日有冇呢~~~

唉！好唔想溫書，悶到死掉呀！日日對住本書~~

>>December 30, 2003 at 3:27:44 PM GMT+8