2003 年 10 月 3 日 星期五 【晴】

呢幾日冇寫日記,因為部電腦上唔到網,咁其實我呢幾日去左睇無間道2啦,返工啦,返學啦,踢波啦等等,都係冇做過咩.......無間道2真係唉,冇想像中咁好睇,睇完後大佬基又急急腳走人,都唔知發生咩事,之後阿yu同碧嘉就在戲院門前等,真係唔好意思呀,好彩曾健打左俾佢地走先姐,如果唔係就真係唔係咁好(因為今次活動係我搞既)..........所以我要改善下
昨晚收到一個壞消息,真係,唉,我都唔想講呀,總之係影響我日後既生活好重要啦,唉,好傷心,唔好提喇,我想我以後的生活都不會好過,不過最慘,最辛苦都係我阿媽,唉,我都係擔心佢多d

>>October 3, 2003 at 5:23:33 PM GMT+8

2003 年 9 月 30 日 星期二 【晴】

今日第一日帶飯返學食，原來果到都幾多人帶飯去食喎，之後夜晚返屋企前，去左攞隱形眼鏡，都帶得唔慣，所以都幾辛苦呀對眼，我近來發覺我鍾意"英雄刀少年”的兩個女主角，都幾靚女．．．
今晚見到無間道套戲，就想起大佬基，叫佢一齊去睇，都約左唔小人！！！

>>September 30, 2003 at 4:39:16 PM GMT+8

2003 年 9 月 29 日 星期一 【晴】

今日無咩特別，都係一如以往咁返學，所以唔想寫....最重要係交左grant & loan 果張form

>>September 30, 2003 at 4:29:19 PM GMT+8

2003 年 9 月 27 日 星期六 【晴】

今日好正，真係正，點解我咁講呢，因為今日實在太開心了，今朝同班舊同學仔去左踢，我一d都估唔到，本來以為冇乜人去啦，點知原來係差不多踢波既男仔都來哂，好開心，雖然太耐冇踢，仲踢得非常之差添，但係我係抱住釣勝於魚既心態，我重視的是同班朋友仔一齊踢，一齊開心，一齊出身汗，呢種感覺很好，我在當中雖不是活躍者，但係我心中是開心，歡喜的．．．其實我發覺原來個個朋友仔都過得唔係咁好，好似強哥仔佢成日都為左返工，學業煩惱，大佬基就為左唔知學咩而煩惱，曾健都係，波記更加唔洗講．．．等等佢地都係對新環境不太熟習，我都為他們煩惱．．．希望呢場波會幫到佢地釋放下自己啦．．．
其實我今日唔係咁好意思，因為大佬基主動叫我地一齊食飯同踢多陣，但係因為我阿媽叫我返去食飯，大家都知啦，阿媽既話緊係要聽啦，不過講返轉頭，真係錯過左呢個機會，難得大家咁齊人，我唯有在這裡同各位鄭重講聲------對不起．．．
食完飯之後都冇咩野做，打左陣winning，夜晚就自己一個配隱形眼鏡咁囉....

>>September 28, 2003 at 1:32:59 PM GMT+8

2003 年 9 月 26 日 星期五 【晴】

其實今日冇乜特喇，不過我看見留言有感而發，講真，關心我既人有很多（我覺得佢地會關心我)，不如就在此講一講佢地個名啦，排名不分先後既有:卓文漢，曾健，強哥仔，大佬基，肥彬，穎沁，jackie仔，阿yen，娟，阿蕾，阿歡，阿爸，阿媽，細佬等等，在我心目中當然係阿媽對我最好啦，所以我亦都對佢係最好，而我最想念的朋友當然是卓文漢啦，唉，真懷念從前同佢打球的日子，返學的日子，闘嘴的日子，不過算了吧，過去的事已經過去，就樣我向前看吧，向後望不是我們年青人有的態度．．．
講返今日，今日係返工天，都沒什麼特別，不過生意額都唔錯，呢分工，一句講哂，唔洗點做野，d野實在係簡單呀...今日都食左好多野，不過我一d都唔覺得飽，唔知點解，唉，大家都知我係一個好瘦的人（望落），不過其實我好大食，如果大家有咩方法增肥，不妨說來聽聽．．．

>>September 27, 2003 at 3:36:15 PM GMT+8

2003 年 9 月 25 日 星期四 【晴】

今日一早被人噪醒，唉．．算了吧，反正今天要去攞糧，一早去左寄信俾卓文漢，之後同阿鄒輝去出糧，不過我地去左食野同行左陣先，返到上水，去左影印同埋返d日月野咁囉，都洗左百幾蚊，之後六點幾返到來訓左陣就上網喇．．．
不過今天下午都幾忙，雖然寫左好小野

>>September 26, 2003 at 4:13:21 PM GMT+8

2003 年 9 月 24 日 星期三 【晴】

唉．．．今日都唔係咁想寫日記，不過為了支持我的朋友仔，好似強哥仔曾健等，我都要寫下咁啦，今日又是上學天，都沒什麼特別，不過今日上普通話堂，同學仔們都好雀躍，我都樂在其中，之後放學去左返工，返果到係以前做既體育鋪，都係頂下假咁囉，d時間過得鬼死咁快，好快就收左工喇，不過都成九點半，之後返左屋企係我全日最精彩的時間，因為我細佬借左隻廣末涼子既戲返來，叫做"秘密”，都非常之好睇，大家不妨睇下呀，不過最慘就係我阿媽搞肚痛，我成晚係咁走來走去，搞到我睇得唔係咁過癮，又要我走落去買藥..........

>>September 26, 2003 at 4:05:56 PM GMT+8

2003 年 9 月 23 日 星期二 【晴】

今日返學第一堂,唉,勁無聊呀,果個前港大既professor一早就好似唸經咁,唉,佢又唔係講好多旅遊既野喎,只係係咁罵個政府,罵個教育制度,唉,我俾錢入來讀書唔係聽你講廢話架,佢一係又講埋d好鬼深既野喎,嘩,真係呀,大佬呀,你講得淺d都係咁講姐,你洗唔洗講到全世界都唔係好知你講咩呀,唉,總之呢堂上左等於冇上,點知聽個同學仔講,話下晝仲有佢堂喎,唉,真係傷心呀
之後到左兩點幾啦,上miss chik堂,嘩,終於聽到人教既書喇,真係好開心,今日學扮導遊在車上講野,總算係學到小小野啦.......呀,今日在IVE同sport management果d人打左陣排球,都唔係好勁(因為佢地唔識打)
今晚去左攞証件相,發覺比起期望的差很多,算啦,下次去影樓影,一定要影得靚過今次十倍

>>September 24, 2003 at 1:37:54 PM GMT+8

2003 年 9 月 23 日 星期二 【晴】

其實都唔係好記得今日做過d咩,只係記得今日返學都係d miss 阿sir自我介紹,之後又叫我地自我介紹,唉,呢兩日每堂都介紹自己,真係你唔悶我都悶,基本上已經唔係好想聽d人自我介紹,因為聽得太厭了,不過最厲害的是我唔係好知某些同學仔的名,雖然聽左幾日,但係都唔係好聽得入耳....
今日攰到死呀,一返到屋企即刻訓覺,都唔好講笑!!!!!!!!!訓醒就食喇,之後食完野落左街影証件相,點知撞到阿蕊,其實都冇乜野,不過估唔到佢會send message俾我.........有時有人send下message俾我都係一件開心既事離既.........

>>September 23, 2003 at 4:38:08 PM GMT+8

2003 年 9 月 21 日 星期日 【綿綿細雨】

今日好眼訓呀,第一日正式返學,早左返去一個鐘,傻仔左添,之後今日都冇咩特別,d阿sir,miss都講d冇乜用既野,唉,總之我而家好眼訓,都冇心機寫,最特別既事係今日寫左信俾卓文漢..........都幾掛住佢,唔知d同學仔有冇keep住寫信俾佢呢........
好似有d秋意,都係時侯轉季喇,又要洗一筆了,買咩衫好呢????????今季又興咩呢?????有咩人答到我

>>September 22, 2003 at 3:54:02 PM GMT+8