2003 年 12 月 1 日 星期一 【晴】

唉,真係慘,電腦仲未整,搞到我成日都冇得打日記,要響學校打,
呢個星期真係忙得很,星期一要present,test星期五又要出車扮導遊,又要做project喎,
呢排真係慘呀,山窮水盡,冇錢洗,
星期六收到卓小朋友的聖誕卡,估唔到咁早收到,不過真係好開心好開心...

>>December 2, 2003 at 3:41:58 AM GMT+8

2003 年 11 月 24 日 星期一 【晴】

今日本來學校放假,不過要去觀塘上化妝堂,一早起左身,以為返十點,點知原來係返十點半,不過算啦,好耐都未試過早到喇........
第一次上呢d堂,個miss教我地洗面先,應該用咩護膚品洗面,用咩整走眼袋等等....之後就教女仔喇.....教完之後就俾我地試下點用,我就試左點用粉底同電眼睫毛,都幾好玩.....
之後上完堂去左阿勇屋企做project,不過我地來到都無乜點做過野,一來到就去食野,食完都成兩點,上到去,又唔係好落力咁做,阿勇仲問我睇唔睇整蠱專家,唉,咁咪一路睇一路做囉,點知佢話"不如睇完先做啦",咁最終睇完咁又開始過做,做左一陣,都係無乜心機,阿sandy又上來喎,又話煮野食囉,咁咪又食囉,唉,最終都係無做過野,最大的得獲係'終於'搵到wto網址--------真係大收獲呀!!!!!!!

>>November 25, 2003 at 9:39:32 AM GMT+8

2003 年 11 月 23 日 星期日 【晴】

呢幾日心情都不太好，因為屋企成日都係得我一個，這個情況已經係持續了一段時間了．．．
其實我都唔算早返屋企，都要成七，八，九點先返到，不過屋企都總係無人，每次我一入門口，都見到一個黑色的畫面，全屋都係漆黑一片，我最討厭的便是這樣的情境．．．

>>November 24, 2003 at 3:31:09 AM GMT+8

2003 年 11 月 17 日 星期一 【晴】

I haven't type my diary for a few day cause my computer has been broken down.And one more thing that is very unlucky for me-----i lost my mobile phone.therefore i can't contact any person if i am at home.As you know that, i don't have home telephone.Too bad...................

>>November 18, 2003 at 2:43:35 AM GMT+8

2003 年 11 月 10 日 星期一 【晴】

今日排球選拔，點知因為得十幾，二十人，之後話唔洗選喎，搞到我一早換好哂衫，出到來先話唔洗，真係樣衰呀，仲叫埋阿勇，搞到佢同我傻埋一分

>>November 12, 2003 at 3:18:52 AM GMT+8

2003 年 11 月 9 日 星期日 【乍雨乍晴】

今日一如以往咁返學，唔同既係，今日凍左好多，大家朋友仔著多d衫喇．．．
我發覺左一樣野，原來新界比市區真係凍好多，我返到粉嶺一落車，已經陣陣寒風吹來，我在九龍塘的時候都未有既，返到屋企，我拿拿林收拾好我既東西，執一執間屋，因為今日有個人來我屋企補習，幫佢補左一個鐘，其實佢都幾聰明，一點就明．．．
今日收到卓文漢既信，非常之開心，唔知佢幾時返呢，我諗佢英文都進步左既，不過佢話同鬼佬講野依然都不太流利(但係至少佢識聽呀！！）今次佢好耐先寄返俾我，大概係佢太多野做啦．．．

>>November 11, 2003 at 2:10:12 AM GMT+8

2003 年 11 月 9 日 星期日 【晴】

Ar..........my comuter was broken down and i can't use my computer to online.That's terrible.If you have messages,please leave and i will restart to type my diary when my computer is recover

>>November 10, 2003 at 4:18:36 AM GMT+8

2003 年 11 月 7 日 星期五 【晴】

今日好開心，雖然一大朝早要返柴灣交form，仲俾人串添，但係一d都不減我開心既心情，因為今日係自A level之後第一次返去基新，好開心，基新一d都冇變過，好有親切感，對我來說，就好似昨日返完學，今日返返去咁，d師弟妹都變左好多，d男仔變左聲，高左，哈，都係一件好事來既，原來都非常之多人識我，我返到去就好似明星咁，哈！
我返到去，做左好多野打排球啦，踢波啦，同miss阿sir傾計啦，見返d小朋友啦，幫手睇排球啦，好開心好開心，其實我想搵黃麗雯老師傾計嫁，不過佢好似唔係好得閒咁，佢俾左d聯絡方法我，嘻，有機會搵佢啦，之後踢波喎，入左一球，強哥仔，我都唔算丟你假啦，我地全日入得兩球咋，見返葉sir，都非常之開心．．．其實我都好想見阿大佬基，因為好耐冇見喇....
今日都見左好多阿sir,miss，佢地都認得我，仲話我靚仔添，不過我唔覺，不過俾人讚都好既．．．見到既阿sir,miss有miss蔡啦，葉sir,校長，楊sir，雙黃啦，雲sir，鄧sir，阮sir等等啦，我仲攞埋張certificate，哈，其實我都唔係好想攞，咁鬼差，幾乎想唔要呀．．．
今日見到阿女，同佢打左陣排球，佢勁左好多，呢個女真係好得我歡心，真係唔叫佢做阿女都唔得，之後成六點幾先走人，去左祥華村打排球，叫到阿囉，原來佢識阿女，呢個世界真係細呀，打到七點半，同阿女去許留山食甜品，佢就食，我就飲咁囉，飲完之後，佢帶左我去睇佢鍾意既袋，咁其實我一早話送野俾佢，咁見佢咁鍾意，咪送俾佢囉，佢好開心，我都因為佢開心搞到我都好開心，返到屋企仲要打俾我係咁講多謝．．．星期一開始幫佢補習
夜晚同我細佬睇套惡報既殺人片，都好核突，執左陣屋，上下網．．．就訓喇

>>November 7, 2003 at 6:10:23 PM GMT+8

2003 年 11 月 4 日 星期二 【晴】

今日要present，係一個大日子，我準備左好耐，都只係為個５分鐘，雖然我每次溫都背唔入腦，又懶懶散散咁，不過都為左佢挨左幾晚夜，都努力左成個星期，哈．．．點知天意弄人，我抽中一個topic係我從未溫過，我抽到既時候，打左個突，我冷係鎮定咁，其實我正在諗緊點樣講，因為我一d資料都冇，只好咩都講一餐，亂咁講，點知都講到d，好過上次，上次實在太緊張，出到去咩都唔記得，我發覺我係一個唔可以死背書的人，最多只可以記points，上次因為死背書，就衰左喇．．．
不過經過今次，我知道左好多香港的名勝，可能係以前覺得一d都唔起眼的地方，原來佢係一個旅遊點，一d從未聽過香港的東西而家知道左，見識多左，我諗我將會有更多野學，更多野需要知．．．
點都好，今晚終於可以休息下喇！

>>November 5, 2003 at 1:47:03 PM GMT+8

2003 年 11 月 3 日 星期一 【晴】

昨晚溫溫下書訓著左，唉，又冇較鬧鐘，搞到我遲左成兩個幾鐘，好彩叫人tick左attendance，返到去以為第２堂上１１點鐘啦，點知係返十點半，搞到俾阿sir問我做乜遲到，之後都冇乜野，不過一路上堂就一路溫書，搞到我一d書都冇聽，終於都放學喇，不過要測驗，睇住人地有得走我冇得走，真係．．．無奈，測到成６：３０PM先放人返到屋企，都成８點鐘喇，食埋飯９點幾，之後就準備聽日PRESENT，我諗今晚都冇覺好訓喇！！！唉，近日真係心力交瘁

>>November 4, 2003 at 1:32:19 PM GMT+8