2003 年 12 月 28 日 星期日 【晴】

今日一早以為可以打排球,點知我阿媽今日放假,咁唯有同敏講話我唔去得啦......我阿媽一早九點鐘就叫醒我,唔係,應該係嘈醒,之後仲要我執屋,咁岩我今日病得好勁,真係辛苦,執到咁上下,還返部相機俾人,之後去左食野....
出到尖沙咀,搵到好多酒店,平日我背果d,原來真係響果度,我就一路同我阿媽講呢間幾星,果間幾星,幾好玩,我阿媽上當年就係成日響呢d地方返工,去呢d地方行街,講左佢以前小小野,之後陪佢去左旺角,行下街,我一直都係病到暈暈地咁,傻下傻下咁,差點想嘔,真係想了結自己就算,真慘.....
行到六點幾,去左沙田食飯,然後去physical做gym同我阿媽,其實佢係去跳舞,咁佢可以帶我去玩幾次,唔洗錢既,玩左幾個鐘,見到d人個個都大大隻隻咁,真係唔係好咁響到做gym,我心想俾佢打一下,都真係命都短幾年,果度d machines都好鬼齊,如果我係會員就好喇,夜晚響果度沖埋涼先走,正!!!!!!!!!!!!!!!!!!!!!!!!不過我依然係病得要死,差點跑跑下暈低,好彩我冇去盡,如果唔係就大件事喇!

>>December 29, 2003 at 4:23:09 PM GMT+8

2003 年 12 月 27 日 星期六 【乍雨乍晴】

今日又返工,真無癮,睇在生活分上,只好照返,下午係好鬼忙,全日係有成萬蚊生意額....都幾多!!
今日阿yu入左我間野,佢好似靚左,著得成熟左,睇落唔似岩岩讀完書,仲染埋個髮,實在係yeah過頭,之後,今日都冇乜特別,悶到死!!!!!!!!

>>December 28, 2003 at 2:17:04 PM GMT+8

2003 年 12 月 26 日 星期五 【晴】

又返工,都冇乜好寫,
放工返到屋企,
食下野,上下網,
咁就一日喇！！
真”充實”！！！

>>December 26, 2003 at 4:48:35 PM GMT+8

2003 年 12 月 24 日 星期三 【晴】

聖誕節正日,要返工,我只感到無奈,本來今晚一早約左阿媽同細佬食飯,但係細佬夜晚都要返工,咁都無計啦,我阿媽又話取消,我都好唔知點咁大佬基又搞唔成食飯,咁唯有約人食啦,話哂都係正日,之後行左陣,就返左屋企喇.....夜晚都幾開心既

>>December 25, 2003 at 3:07:56 PM GMT+8

2003 年 12 月 22 日 星期一 【晴】

今日一早去左幫手練波,都練得幾好,佢地都唔太差既其實,仲好似好左好多添,可惜冇一個好既教練.....練到一半,我趕住幫人補習,所以走左先,如果唔係今晚冇錢睇魔戒....今日睇魔戒之前,估唔到有一個意外的消息,嚇一嚇先入去睇,唉....總之一句到尾呢,就唔好咁易將d重要既野俾人,如果唔係會野上殺身之禍!!!!!!
嘩,今日睇魔戒,超正呀,好睇到暈,我強調係女主角係靚到暈呀下,其實我每一刻都等緊佢出現既鏡頭,直到呢一刻佢依然在我心裡,伶伶碎碎咁在我記憶重溫又重溫,好似中左毒咁,我就來暈喇,呀~~~整體來講,都好睇既,除左女主角之外,其實我想講既,d境真係超正囉,好似一幅畫咁,你冇辦法相信眼前既係境,唔係畫,實在太過宏偉浩瀚喇,令我有d打冷陣,氣勢強得有d透得過氣來,總之就正啦!!!!!!
睇完之後,肥彬走左先,我地去左食飯,就不禁想起歡樂茶餐廳事件簿,今年我地冇重轁覆轍,之後又講返上當年我地在學校的日子,真係笑死,太好玩喇,成班一齊,我好喜歡呢種感覺,不過又令我諗起你了,卓文漢......

>>December 23, 2003 at 3:34:23 PM GMT+8

2003 年 12 月 20 日 星期六 【乍雨乍晴】

今日無咩好寫，返工又冇得出街的日子，只係得個悶字，唯一特別係返工見到好多人，好似權叔，嫂，鴨仔，敏，粟子，淫榮，阿yen，強哥同apple，仲見到強哥阿爸阿媽，又見到誠同埋彥，真係見到好多人．．．
同埋想講既係今日下午忙到p直呀

>>December 21, 2003 at 4:22:35 PM GMT+8

2003 年 12 月 19 日 星期五 【晴】

今日一早起唔到身，搞到返工遲到，好彩林生冇罵，佢仲請左我食早餐添．．．
嘩！今朝幾凍呀，搞到我傷風，又要伸隻手出來派傳單喎，咁惡劣的情況下，我就緊係唔會點sell野啦，我將呢個咁大既責任交左俾林生做，哈，我只係執下頭執下尾，就袋二百蚊喇．．．
放左工之後，我忘記左身上原來得返六蚊，八達通又負錢，好彩我有EPS，不過一入就要入二百蚊，所以我決定周圍搵機攞錢，點知搵極都搵唔到，最後，我都係入左二百蚊就算，搞到我哂左鬼死咁多時間，響我搵既途中，我發現到原來何韻詩在新世紀廣場．．．
今晚去左睇無間道３，都ok既套戲，不過有d野發生左．．．
呢件事令我諗起我阿媽以前，我阿媽響我細個時試過暈過幾次，細個時我都唔知點處理，我好驚，我唔知點做好，佢全身冇哂力，我阿爸以前又一係好夜返屋企，一係響大陸做野，我細佬又好似唔係點著緊，我好似一d都幫唔到我阿媽咁，我好似試過’咩’佢去搭的士，又試過抱佢，但係因為鈿個，我係抱唔起佢．．．唔知大家有冇試過，當最親的人很痛苦很痛苦的時候你幫唔到佢，感到非常無助的時候未呢，你會覺得，你係非常之無用，一個連最親既人你都保護唔到，你知佢好辛苦呀，但，但你又做得d咩呢，我好傷心，傷心唔只係因為佢辛苦，而更重要的是你係做唔到d乜野!!!!!
今日我面對住同樣的情況，雖然人唔同左，但我依然．．．

>>December 21, 2003 at 4:09:40 PM GMT+8

2003 年 12 月 18 日 星期四 【乍雨乍晴】

今日應該係今年最後一次出車,計埋今次,都大大話話去左呢個港島遊五次咁大把喇,真係都唔知係好事定壞事,好事係因為我學左好多關於香港既野,壞事係我為左呢幾次出車,我連覺都冇得好訓呀,就好似尋晚之麻,我只係訓得一個鐘多d,前兩晚訓得果兩粒幾鐘,唉,大家唔好以為我讀得好過癮,哼,旅遊,聽就好似好易讀,背都背死你呀,我背左成兩晚,都冇乜結果............
聽日又返工喇,係我以前賣書包果份,不過一早七點幾要去到太子,不過有二百蚊,實在太好喇!
今日一出完車,又要evaluation,又要見班主任,搞到我鬼死咁趕返基新幫手練排球,仲要著住套老西去,好彩冇乜老師見到,因為實在太誇張喇,有些唔想返去,不過話左俾人聽我返又唔返又好衰仔喎,自己又想打下,咁就返左喇,嘩,今日都殺左好多球波,除左因為我打得興起外,d兩姐弟弟都打得不錯,set得幾好,勇氣可加.....不過見到敏,更令我開心......
今日上到山頂,嘩,凍到你唔信,我估得6度倒啦,嘩,寒風吹正心口,真係爽呀,今日影左好多相,因為今次之後就會去其他地方出車,例如大嶼山,新界...

>>December 19, 2003 at 2:15:09 PM GMT+8

2003 年 12 月 16 日 星期二 【晴】

幾經辛苦,終於整好電腦了,大家可以繼續睇我既日記,
遲d魔戒上畫,有人想去請報名
我星期六開始放假
星期五又要出車
真慘!!!!!

>>December 17, 2003 at 1:46:48 PM GMT+8

2003 年 12 月 9 日 星期二 【晴】

大近視喇,仲未整好部電腦,仲未上得返網,前幾日問左田鴨借XP隻碟,不過曾健同田鴨最近都要考試,整唔到部電腦住......
上個星期又出車喇,又係港島遊,可以話俾你聽,今次已經係第三次去喇,每次都係聽人介紹,今次第三次.終於到自己扮導遊喇,嘩,好多野背,仲要見d人望下左望下右,又背得不太熟,哈,不過無論係點,今次都總算係PRESENT得最好的一次,嘻,因為前果兩次都準備得不足...........唉,離緊仲有兩次呢個港島遊,呀....!又係時候要背野喇,今次背得仲"金"呀!!!!!!
昨天測驗,測呢個酒店,我發覺原來我都幾鍾意讀酒店,早知報呢科啦,今次測驗,係要背哂香港既酒店係幾星級,邊一區,屬於咩集團,真係!!!!!!!!!!!!搞到我成晚都幾乎冇訓,夜晚仲要幫人補習,真係勁爆眼訓呀!!!!!!!!!!!!!!!!!!!!!仲要溫唔熟果下先死呀
前幾日踢波,嘩,原來耐冇運動,真係差左好多,唉,都係要踢多d波先得!!!!!!!!!!!!之後同左強,基,健去食飯,正

>>December 10, 2003 at 5:55:55 AM GMT+8