2003 年 10 月 6 日 星期一 【晴】


老闆娘打電話叫我一齊去赤柱,佢打給我時看人妖打排球,
同咁遲打俾我,失敗!之後,老闆娘同Alice都一齊遲到,
要我等佢地,實在太可惡,我們去食野啦!因為Alice冇食野,
就要陪伴佢,跟住我們乘坐地鐵去,然後再轉搭巴士,
巴士要等二十分鐘才到,實在是很久,我們一邊坐車,
一邊食野,一邊看風景,簡直好靚,靚到不得了,好有渡假感覺,
同包租公的地方一樣感覺,這裡有很多美麗的別墅,
Helen話想買間屋在這裏往,仲買一隻狗往大屋,
你們話Helen的夢想幾勁呀!之後,我地去赤柱大街行同食物店,
仲拍左很多照片,但是看不到日落,因為我們狂街太投入,
冇去看日落,留待下次再看啦!
這裡的環境同氣氛很好,不過,我們太遲去,只是行完就走,
有些可惜,下次再去過,但是老闆娘同Alice在綠色的公司大購物,
一次過購入很多貨,佢地走去赤柱唔是買手信,不過,
有些店舖星期六,日才開,現在冇開,是好可惜!
下次一齊去呀!朋友,好唔好!


>>October 15, 2003 at 7:23:47 AM GMT+8

2003 年 10 月 5 日 星期日 【晴】


普天同慶的日子,吃團月飯的時間又到啦!不過有三個人沒有到
(May Chan,妖怪,小五毛),下次可能多番些人啦!
我,老闆娘,Alice,Emily,嘟嘟,麵包超人,雪魚,阿貓,佩兒都一齊去
泉記大酒樓,(以上的排列都是由最早到至最遲到,通常遲到
都是請大家吃飯,我一定唔會遲,我是最守時)
老闆娘叫左一道很特別的餸,叫蝦果炒腰仁,繼咕嚕肉又另一
傑作,從此以後,這道餸就成為例牌,因此加入我們的大家庭啦!
第一次的聚會當中,麵包超人就改變,如佢講說話越來越大聲,
把聲比起以前相差很遠,因此,同我地做朋友包你會變大聲!
我們一邊食,一邊大拍照,一邊大聲說話,同以前一樣,
不過,Emily出的條件太可刻,我是絕對唔會同意,
我一定唔會穿,死都唔會穿,一定唔會,呵呵!
之後,我地去糖水店,我們邊行邊大聲說話,在車都唔駛講啦!
大聲到街都知我們,非常佩服自己,我們去到新的糖水店,
就有很多人來,可能我們勁,令間店舖旺,間糖水店有貓,
有些害怕貓的就大叫同左閃右避,唔害怕貓的就玩貓同一齊拍照,
見到貓之後,害怕的人就想快速食完就撇,食完都九點幾,跟住各散東西!
我返到家裏,見到月亮都幾圓,所以就拍下來,月亮旁邊有星星,
只有一粒,後來我就同麵包超人一齊online,仲講到凌晨三點幾,
有好多野講,之後一齊睡覺,我無論怎樣睡都睡唔到,
直至四點幾左右,我才睡得着,可能玩到興奮,一時睡唔到,
但就有一件事很可惡,我想炒佢,我想投訢佢,我想打敗佢,
我要一報之氣.


>>October 15, 2003 at 7:23:21 AM GMT+8

2003 年 10 月 4 日 星期六 【酷熱】


我同老闆娘一齊去尖沙咀行街,我們坐船仔去尖沙咀,仲是包租公
借給我們去,實在太興奮啦!我好開心,大家感唔感受到!
我們去一個大型的商場,(我都唔知這是什麼地方,所以講唔出
給大家聽啦!你問包闆娘)跟住,我們一路行,一路行,去到清真寺的街道,
我們仲買左一對耳環,老闆娘仲見到"至net小人類的主持"伍文伸,
但我就看不到啦!一路行,一路行,行到佐敦,但老闆娘想行到旺角,
當時已經有六點幾,去到已經深夜,行,行,行,就去到廟街,你話勁唔勁!
我地又一齊購買一個袋,不過我看到有一間的店舖上面掛住一個小飛俠,
是會旋轉飛,我想會唔會撞死人上報紙呢!(可能是第一次)
後來,我們就回家,一路上很多人,全部人同是同一個方向走去海旁看煙花,
仲有很多差人叔叔,我地唔知路,就問差人叔叔,
佢答:(一是搭的士,一是搭地下鐵,全部都封路,沒有巴士啦!)
我們只好搭地下鐵,再乘巴士啦!去到灣仔仲多人,車行的天橋都可以給人行,
全部都是人,簡直是人海,我想叫老闆娘一齊去行,佢又唔想,
為有坐到巴士上看,去到維園附近,煙花就開始,很靚,我是第一次看,
仲是咁近,坐車內都聽到聲,好勁呀!
下次一齊去看煙花,好唔好啦!朋友,我們上到東區走廊,一部車都冇,
只有前面的巴士,同我們的巴士,方圓十厘都冇車,是沒有嘗試過,
但對面非常多車,勁到你,可能沒有見過,海上面有很多船,
仲是停在下來,開住燈,連大遊船都停,煙花的魅力真勁,
令所有做野的人都停下,一定要看煙花!
(邊個有錄影煙花,可唔可以借給我呀!)
今次實在太好玩啦!下次一起去玩啦!朋友!



>>October 15, 2003 at 7:23:06 AM GMT+8

2003 年 10 月 3 日 星期五 【乍寒還暖】


麵包超人又同我玩啦!其他人都唔知去左邊到,
連老闆娘同Emily都很久沒有寫日記啦!
老闆娘實在太忙啦!很久見不到佢個人啦!
真是很想見到佢,快些見到佢,
May Chan話佢唔去得食飯呀!佢話要返大陸呀!
少了一個,唯有等下次,或者下次都唔知有幾多人去?
很期待快些到這一天,你要等我泉記大飯店!
到時可能人才齊齊,一起打麻雀,
同邊個遲到要佢請大家食飯啦!
好唔好,大家!



>>October 15, 2003 at 7:22:50 AM GMT+8

2003 年 10 月 2 日 星期四 【晴】


麵包超人同我真是沒有緣份,點解,
因為我同佢的online時份唔同,可能太早或太夜,
真是奇怪!可解會撞不到,
而平時常常撞到佢呢!
好彩,我夜間online,否則撞不到麵包超人呢!
小五毛有icq啦!佢第一次同我傾談,
不過我offline啦!
為有等待佢下一次online!



>>October 3, 2003 at 4:45:08 PM GMT+8

2003 年 10 月 1 日 星期三 【晴】


麵包超人傳送了很多歌俾我,仲是一首一首的傳送給我,
弄到我部電腦hung機,仲是幾次,十分可惡,
後來佢仲駡我部電腦唔得呀!
佢又唔可以一次過傳送給我,
一定要一首一首來,真是笨呀!
笨麵包超人!
笨麵包超人!


>>October 15, 2003 at 7:22:15 AM GMT+8

2003 年 9 月 30 日 星期二 【晴】


我,Emily同麵包超人一齊去深水埗行街,佢地一齊遲到呀!
要我等候十五分鐘,實在唔得,包租公會找你地去做苦工,
小心!小心!原本Emily想買材料做,點知,
整條街的店舖都沒有開,(我未見過這種程況)後來,
我們改行西九龍商場,一個商場可以由早上行到傍晚,
簡直佩服自己,我們由最底層開始行,一直慢慢行,
行到最高層的時候,有一間店舖給引我們,
我們可能足足留在這層兩個鐘,這是一間手工店舖,
要是自己親手做的手工,仲是獨一無二,沒有人同你相同,
麵包超人特別慢,食野慢過我們,連做野都慢,真失敗呀!
我們完成之後一路逛街,又再見到一間買鎖匙扣,
我們買下來,仲刻了"友共情"真是很勁呀!
我們回程時,非常多人,簡直迫爆商場呀!很難逃走!
我同Emily講一齊去看煙花就要跳車,佢講我跳先,
先到佢,沒有得看煙花,我感覺很可惜,為有明年看啦!


>>October 15, 2003 at 7:22:04 AM GMT+8

2003 年 9 月 29 日 星期一 【晴】


下午,我正在吃飯,忽然,麵包超人打電話來叫我去唱k,
真是太急啦!邊有可能一打電話,人就可以立即到呀!
不過,我都要放棄吃午飯,為有一定要去啦!
朋友叫到點到要去,我份人唔會遲到,
點知雪魚同老闆娘一齊遲到,你地知唔知,
我同麵包超人等候老闆娘足足半個鐘,
等到我都好想去洗手間,實在太可惡啦!
之後,我們去紅色的公司(因為我想要一些某某),
我,麵包超人,老闆娘一齊組合成兒歌合唱團,
仲唱左很多兒歌,後來,Emily知道我地組合成兒歌
合唱團,佢又想加入,如果想加入我地兒歌合唱團,
首先要顛不過要話給我聽才得,歡迎加入多謝!
唱完之後都很夜,我地再去買飯盒,點知要去到維園食,
仲是對住馬路同冇太多燈街,是暗淡簡直看不到飯餸,
有一個女人行過,點知俾佢看到我食野呀!
一路行,一路看,簡直沒有凈眼,冇面見人啦!
是人生第一次是街邊食飯,真是可憐啦!
跟住,我們去維園看攤位,有一個攤位很給引老闆娘,
就是水晶店,佢一次過買了四條,破壞我地的計劃,
我想去波波池同撞撞車玩,佢地唔俾我玩,
可惡!可惡!可惡!


>>October 15, 2003 at 7:21:51 AM GMT+8

2003 年 9 月 28 日 星期日 【晴】


本來想約麵包超人在星期三一齊去行街同一齊找工,
跟着遲些再通知Emily,點知過了一會兒,佢就打電話
來啦!叫我出街,這個朋友同我會唔會有心靈感應呢?
Emily你每日都看信箱,是唔是返學看一次,放學看一次,
無論都要看信箱幾次,仲是一日幾次,連樓下的保安人
員都以為你是唔是有病呀,佢或者太忙啦!沒有時間回覆文人!
老闆娘開始返兩份工作,佢返完上午再返下午,一直
儲存到足夠金錢為止,而我到現在都沒有工作呀!
看着老闆娘返工作,我都想快些同心急的有工
作做,佢實在太忙啦!沒有時間同我一齊玩啦!
麵包超人實在太勁啦!可以起床三次,仲是叫佢屋企人,
連阿媽都要找個女叫佢起床,有響的鐘都唔要,
要人叫的鐘,我真是佩服佢一家人啦!




>>October 15, 2003 at 7:21:11 AM GMT+8

2003 年 9 月 27 日 星期六 【晴】


我有看<四葉草>,真是很好看呀!不過裏面的女主角很團結,
感情又好,咁我們會唔會好似佢地一樣咁,
有很好很好的友情直到永遠呢!
很多謝麵包超人,不過我現在籌備當中,
要慢慢收集資料,才開始寫作,話唔定要三,五,七年
的時間,Emily同麵包超人要慢慢等待,要有納心等待呀!


>>October 14, 2003 at 4:23:47 PM GMT+8