2004 年 3 月 2 日 星期二 【颳風】


我放工就去找Helen去街,後來叫了Alice,Cherry,雪魚同佢男朋友一齊去食飯,
大家是七點才到達,跟住我們又去了Pizza Hat,實在是很難得的一次,
有些好少同佢吃飯,有些好少出夜街,如果可以的話,
會不會真的有一次可以全部人來一次食飯,希望快些到暑假來臨,
有好多計劃我們要去,知不知道!六個人分開來談,什麼話題都講,
一邊食,一邊談,有些傾電話,食完了雪魚同佢男朋友先走,
餘下我們去行街,行到九點幾Alice又走啦!最後我,Helen同Cherry繼續行,
Cherry都開始有些睡意,佢都唔想行想走,結果我同Helen去食甜品,
一邊食,一邊傾電話,而我就食沒有理會她,最後,佢又約了人,
我陪她到十二點左右就走啦!


>>March 12, 2004 at 5:50:39 PM GMT+8

2004 年 2 月 29 日 星期日 【颳風】


Helen來接我放工,然後我們去會合麵包,咁我們一齊去銅鑼灣,
一路行,一路講秘密,大家四處遊啦!行了好多地方,
Helen買了好多野,行到八點幾我們才去食飯是Pizza Hat,
今次叫了二人餐,大家一齊吃,最勁是去到了一陣,
Helen同麵包就開始傾電話,只有我看餐牌,總之唔叫兩個傻婆去啦!
最後大家吃到十點幾繼續行,行到十一點幾就走啦!


>>March 12, 2004 at 4:58:14 PM GMT+8

2004 年 2 月 26 日 星期四 【乍雨乍晴】


放工之後Helen就約了我一齊去明記吃糖水,
佢要我等一個鐘才出門,要我同圍逛,
逛到沒有地方去啦!後來去之前,大家一齊去食雪糕,
本來想叫麵包超人去,不過佢要返夜,所以沒有去到啦!
我同Helen一邊食,一邊談,總之Helen講了好多秘密給我知,
吃完後,我們一路行,一路談,由西灣河行去鰂魚涌,
走到十一點幾就回家,而Helen同我一齊回家


>>March 4, 2004 at 4:47:14 AM GMT+8

2004 年 2 月 22 日 星期日 【炎熱】


麵包返九點放十二點,咁佢放工就同我一齊去買禮物,
這天又是麵包個男朋友生日,所以大家都要買禮物,
我是買給Helen,她又買給男朋友同Helen,首先,
我們是銅鑼灣地帶裹仙跡岩吃午餐,後來大家一齊
買了一枝花(是臘祝型同有香味)一路行,一路談,
後來我們去金百利廣場,點知俾我們見到黎景德同一個
女性朋友,佢想見工,我就同麵包去了一間刻字店舖刻了兩個,
一個是鎖匙扣,一個是電話繩,另一個是同恩兒一對,之後,
麵包好繁忙要買禮物送給佢個男朋友(是情女錶),
後來佢又來了,咁佢話想吃野,所以又去仙跡岩到食
(不是開頭那一間)我同麵包都叫野飲,佢就叫了好多食物,
食完我同麵包又要為Helen份禮物煩惱,所以我們行去灣仔,
一路行,一路談,去了好多地方都買不到,最後,我覺得肚饑,
大家就去意粉屋,麵包個男朋友叫我將所有有意粉餐,
全部走意粉,你話好唔好笑,食完差不多走啦!忽然發生倒水事件,
主角人物是我,還記得上一次又同麵包個男朋友,又是這樣,
每次坐我對面都會有事情發生,食完又要想着禮物,最後都買到啦!
咁大家就覺自回家,只可惜我一個人回家!


>>February 28, 2004 at 2:54:35 PM GMT+8

2004 年 2 月 17 日 星期二 【乍雨乍晴】


上完堂之後,我約了麵包是時代廣場等,點知要她等我十幾分鐘,
行了一會兒,點知道有一樣喜出望外的事情,原本阿貓同May Chan
一齊行街,May Chan話有工作做,只是一個星期,而且是舊公司
叫佢返去做,一日要做十二個鐘,阿貓就化了濃濃的"莊"同她們
談幾句後就分別啦!
之後,我同麵包超人去食Pizza Hat是新開,
我地叫左大批同雞翼餐,食到我們好飽,而麵包仲想叫多些食物,
我真是佩服她啦!食完後,我們再四處逛買食物同禮物,
最終買不到禮物!


>>February 22, 2004 at 5:35:03 PM GMT+8

2004 年 2 月 9 日 星期一 【乍雨乍晴】


下午約了Helen出街,她話睡不着咁就去了逛街,原本我約了Alice
去香港仔遊都沒有去到,只好同Helen一齊去行街買東西,
分別去了杏花邨,銅鑼灣,行到四點幾左右,Alice就會合我們,
跟住去灣仔海旁看激光匯演,Helen話想回家睡覺同要上班,
所以沒有去啦!之後,我同Alice去海旁觀看,仲拍了好多照片同
談了很多心事,全部是Alice,不是我的,大約二十分鐘就完畢,
大家就回家,我同Alice一齊乘車,她回家,我就約了人,之後
我約了恩兒去食糖水是西灣河明記,吃完都想回家,
不過有人打電話來想看電影,咁我同恩兒坐電車去銅鑼灣,
仲是一大班同事,恩兒,啫喱,文仔,輝仔,阿威一齊去看花好月圓,
開始是十二點十分,咁我們去仙跡岩飲茶,結果我同恩兒去左
有五次廁所,仲是二,三個鐘,是不是好功,開始看時,我同恩兒去廁所,
點知道有個男人被我戲弄,總之好好笑,看完後都兩點幾啦!
回到家裡差不多三點鐘啦!


>>February 22, 2004 at 4:55:31 PM GMT+8

2004 年 2 月 7 日 星期六 【乍雨乍晴】


早上下着微微的細雨,可能不想她的離開,所以越下越大,
大約早上七時半左右,我,阿儀及Helen一齊去桃原島吃早餐,
本來約了妖怪,但是她又再一次睡着了,另一次失約,一邊談,
一邊吃,講了很多事情及將來,不知道將來會是怎樣呢?
好期待啊!吃完早餐,阿儀回家拿行李走啦!
而我同Helen就等了她幾分鐘,她的行李好大個或者大部份是食物,
最可惜是沒有得放假,可以的話我都好想送她上機呀!她的大姐姐,
我和Helen都送她上巴士,再見的一聲唯有等待暑假的來臨,
之後我同Helen一齊去太古中心逛街,好多商店都沒有開門,
要等待十時正才開門,只好欣賞觀光,時間一分一秒的走過,
到了要走的時間,唯有等待下一次同你一齊去逛街啦!
不過要由早上逛到晚上


>>February 15, 2004 at 11:44:05 AM GMT+8

2004 年 2 月 4 日 星期三 【乍雨乍晴】


元宵節的日子Helen,May Chan,Emily,阿儀,麵包一齊去唱k都唔等我來,
佢地各人都遲到,她們唱到好開心,可惜我又要返工,沒有得同她們去瘋狂,
唯有等待暑期的來臨,我們一齊去探包租公和上獅子星號,麗星遊輪玩,
她們玩到好開心,唔多想離開,仲想唱長些啦!最後,
她們唱完就去悠閒卡菲到食晚飯,而麵包等待我放工就打電話俾我,
大家傾談同玩波子棋,又見到麵包男朋友,而我就叫了一杯青蘋果綠茶,
點知俾大家飲一口,很快沒有啦!麵包個男朋友只好傾電話,
我們就談論某些大事,吃完後,我,麵包同阿儀一齊去明記吃糖水,
其他人都沒有空閒要回家休息,吃糖水期間,阿儀同麵包撞到舊同學,
真是太神奇,希望有一天,我會撞到好多舊同學啦!最後,我們一齊回家,
一齊玩ICQ,我同阿儀好似好久都沒有玩得這麼久,
一玩玩到三點鐘左右,而麵包都是沒有回答我所有問題,
可能她一邊玩,一邊睡着了


>>February 22, 2004 at 5:37:02 PM GMT+8

2004 年 2 月 3 日 星期二 【乍雨乍晴】


早上,阿儀打電話俾我叫我起身,但是佢把聲真是唔得,好似未睡醒,
我仲早過佢起身,後來約了佢十二點半,佢足足遅了十分鐘,
令我變成冰人等佢,點解次次出街,個個人都遲到,
下次真是遲到的人請食飯,各位朋友聽不聽到,我們乘巴士去,
途中講左好多麵包同佢男朋友的事,實在很好笑,到了後我們去吃飯啦!
吃完阿儀想買波鞋,行了好多店舖都是不適合她,
她又想買電話用來打俾我們,不過都是話貴啦!行一行就下雨啦!
只好走啦,又差不多到團月大會的時間,走途中想買野飲,
本來好想請佢飲,結果佢請了我,我們回去途中麵包打電話俾我,
阿儀不斷玩我,好想被麵包知道,佢又想買零食,咁我約佢六點半等,
結果阿儀買了食物,而我沒有買手信回家,可惜!
今次聚會地點是桃源島,但是我同麵包和二家姐都好早到,
不過我們是六點五十分左右到達,其他人都是七點二十幾分鐘才到,
某些人可以八點才到,有我,麵包,大大,Helen,Emily,阿儀,Alice,May Chan,
雪魚同佢男朋友,佩兒啦!最可惡是妖怪話來又不來,連手機都變成留言信箱,
好難得阿儀返來第一次聚會,當中有人沒人來,首先嘟嘟病了,
阿貓返工,妖怪騙了我同大家,我們好嘈吵,連侍應生都唔想招待我們,
可能下一次入去已經列入黑明單,唔俾我們入去啦!當中唔少得有禮物收,
糖果同拍照,每次都會特別嘈,由其事回來的人,雪魚同佢男朋友好勁,
沒有離開半步,仍然互相一齊坐,吃完後個個都是用利士錢來付帳,
吃完後,我們殺入去另外一間店舖吃雪糕,我們一班人又是最嘈同最大班人,
雪魚同佢男朋友坐了一會兒就走啦!一邊食一邊交換電話同相約下個
月的日期,吃到十點幾,各人都撇回家中啦!


>>February 5, 2004 at 6:54:51 PM GMT+8

2004 年 1 月 20 日 星期二 【乍雨乍晴】


除夕夜的脕上,我吃完團年,我同媽媽一齊行街街,
行到十一點左右就返公司找恩兒去行年宵,
本來想同恩兒去,後來她的同學,阿威同輝仔又一齊去,
仲要等到十二點幾才出去,期間在公司發生好多事,
有好多好笑事情,一班人就乘坐地鐵去維園,
去到好多人,多到排長龍,排到巴士站入面,
入到去仲辛苦,我們都是在中間,看不到旁邊的店舖,
一路是被人推向前,只有向前推,有時我都會變成蟹來行路,
我們行到中間又會停在一旁,總之好多人同未見過咁多人啦!
行了一會兒,我們去買食物,全部都是別人請,
行到三點幾我同恩兒,分別乘車回家,回到家裏已經四點鐘左右!


>>January 26, 2004 at 3:46:29 PM GMT+8