2004 年 1 月 18 日 星期日 【乍雨乍晴】


我同嘟嘟約了等麵包放工,一齊去行街街,咁麵包同嘟嘟都遲到,
我就食西北風,麵包超人話儲物櫃裹的零食食完想買多些,
咁我們就去買,結果都是冇麵包想買的,一路行,一路行就撞到
Emily同佢同學一齊行,行完之後,我們就步行去灣仔,一路行,
我見到蒙嘉慧,她是馬路旁邊行過,總之拍定照片啦!
期間麵包個電話響個不停,大家都知道是邊個邊個打來,
去到灣仔悠閒卡菲,今次是自助餐形式,有好多甜品食,
又玩波子棋,有來多左一個姐姐,另外兩個姐姐去左另一邊做,
沒有來過來招呼我們,食完就拍照,我仲拍到兩個姐姐相,
本來我拍新姐姐,後來個個都走開,姐姐仲認得我們,幾好呀!
下一次等阿儀返來,我們一班人再去興祝!
之後我,Emily,嘟嘟,麵包同佢男朋友一齊去行年宵,
麵包同佢男朋友買左一對熊仔扣,咁我們四個買左同一款睡袋,
我同Emily講大家一齊撞桃花,點知道大家都是撞到,
本來仲想着玩到凌晨,點知行到十一點幾就走啦!


>>January 23, 2004 at 3:55:20 PM GMT+8

2004 年 1 月 14 日 星期三 【乍暖還寒】


本來約了麵包超人一齊去銅鑼灣行街街,順便買東西,
後來妖怪打電話給我,想叫我出來,因為她帶妖女去複診,
她早些打電話來就同了她一齊去玩啦!
麵包超人要返四點鐘,咁我約了佢二點半,
一路走,一路講好多野,全部都是同公司有關


>>January 17, 2004 at 4:31:17 PM GMT+8

2004 年 1 月 8 日 星期四 【乍暖還寒】


今日是好特別的日子,可能會永遠記得,
真是有好多同事都是好好人,
世界上好難會有同你相處得來,
人是好自私,但是有這會好好人,
就算在街上不小心撞到人,都會微笑對着人!
在晚上收到一個好消息,點都要多謝大家!
同請大家食燒夜啦!
多謝!多謝!恩兒!


>>January 9, 2004 at 2:23:19 PM GMT+8

2004 年 1 月 6 日 星期二 【乍暖還寒】


我同嘟嘟都要五點幾起床,佢就要見工,我就要返工,
昨日我同其他人玩ICQ玩到一點幾,睡覺就兩點鐘,
但嘟嘟好勁三點鐘才睡,終於都有公司聘請佢,
真是恭喜恭喜,現在全部人都忙,有些返工,
有些返學,有些養女,有些拍拖,總之大家都各有各忙,
好難約一日大家食飯,不知道是否等阿儀返來才能夠相聚呢!
今日返工時常做錯野,俾人話左好多次,如果做唔好會罰錢!
又要賠六十五圓正,都唔知道邊到出錯!


>>January 7, 2004 at 2:57:52 PM GMT+8

2003 年 12 月 30 日 星期二 【乍暖還寒】


放假想去玩,點知Emily話要收拾好間屋,麵包又返夜,
放工佢一定陪伴佢男朋友,嘟嘟見大家唔去,
如果得我同佢,都唔知道去邊到,咁就取消了,
唯有陪媽媽去食野同買野,忽然Alice打電話俾我,
叫我一齊去食野,咁就叫妖怪去啦!
妖女都有去,不過佢個臉俾蚊子咬了好多,
原來妖怪就快搬走,遲些唔可以同佢玩和見不到妖女,
好唔想佢搬走,好掛念你!
恩兒話陪我看日出,佢唔陪我就睡啦!
可惡恩兒!可惡恩兒!
快陪伴我啦!


>>January 7, 2004 at 2:58:47 PM GMT+8

2003 年 12 月 29 日 星期一 【乍暖還寒】


放工就同同事去食燒夜,有三個人去,連同自己有四個,
食到十一點幾就走啦!同Alice講生日快樂,
第一次阿儀不在香港陪伴我們玩,
但你一定要玩得開心同快樂,我打電話俾麵包,
佢又唔接我電話,本來想同大家一齊去倒數,
一齊開開心心玩到回家同食晚飯!


>>January 7, 2004 at 2:58:17 PM GMT+8

2003 年 12 月 24 日 星期三 【乍暖還寒】


我放工就約了Emily,Alice去灣仔悠閒卡菲,本來叫麵包超人,
忽然間,公司叫佢返工,唯有等佢放工再去玩,不過佢都
有買聖誕禮物來交換,Emily就約定時間去,咁就可以
有位坐,我們入去見到第一次是銅鑼灣悠閒卡菲食飯
幫我們寫野的四眼姐姐,佢都是好好玩的人,Emily同我約定下一
個月都去灣仔悠閒卡菲食飯連同行年宵邊個去要快些通知我呀!
我們慢慢食,一面食,一面談,由七點左右至到九點鐘,咁食完有
聖誕帽送,Emily見到四眼姐姐帶個聖誕帽很漂亮,就問佢有冇第二隻,
結果是冇,咁四眼姐姐就俾佢,而且是最後一隻帽,可惡!可惡!
咁要另外啦!我們交換禮物,我抽中Emily禮物,各人都抽到禮物,
咁我們去找麵包超人去天馬鑑玩,Alice就要回家沒有去到,
原來麵包約左佢男朋友一齊,仲買左一份禮物俾佢呀!
麵包講了一個柲密俾我知,原來是麵包生日阿儀打電話俾佢,
好可惡,好想打敗你呀!知唔知道,你幾時還十三權俾我,
咁我們是天馬鑑拍完相就去中環看燈,是太聖誕樹,仲拍了很多相,
只可惜麵包同佢男朋友唔多想拍照,唯有我同Emily玩手指拍照片,
最後玩得太多Emily就唔同我玩,咁我地玩到十二點幾才走!


>>December 30, 2003 at 6:53:22 PM GMT+8

2003 年 12 月 23 日 星期二 【乍暖還寒】


原來台灣讀書,聖誕節是沒有假期放,你要好好讀書,阿儀好想同
我們一齊去行街,好似好久都沒有同佢去街,原快些返來同
我一齊玩撇,本來約了大家一齊食飯,各位都放飛機,
打電話俾佢地,佢地又唔聽電話,真可惡,只好等Emily放學
才去行街,咁我同佢去銅鑼灣食下午茶,一去就去左麵包超
人做的地方食,本來想去工展會,但是太遠啦!
所以改去天馬鑑,我們由銅鑼灣行去金鐘,仲見到好多野,
一邊看,一邊行,我們買了三隻聖誕帽,想着我,麵包超人同
Emily一齊帶去食飯,咁同買了聖誕禮物!


>>December 30, 2003 at 5:40:18 PM GMT+8

2003 年 12 月 15 日 星期一 【乍暖還寒】


我約了嘟嘟太古等,佢都差不多夠時間才出現,如果遲到就要佢請食糖,
最後都是剛剛好才出現,咁我們一路談,一路看,想着要買什麼聖誕禮物
俾妖女同交換禮物,小五毛可唔可以話俾我知買什麼好呀,
(不過唔好買食物)跟住我們去太古,行了一陣之後,有位魔術師表演,
表演到一陣,有人做雪飄下,我們看了一半就去返斗城進攻,
仲玩左好多玩具,呵呵,一定會有人羡慕,阿儀想唔想去呀,我帶你去呀!
之後,我們坐丁丁去灣仔,期間坐丁丁發生很多事,由其事嘟嘟,
大家想知問下佢啦!我們去了玩具街,但是行了很多店舖都是買不到,
Emily本來想唱k,不過時間要8點至12點,邊到有可能去呀,
咁我們三人就去行街街,銅鑼灣店舖都逛了,連新開都有看過,
下一個目的地是世貿中心,Emily想帶我同嘟嘟去打遊戲機,
點知我撞到一個是另外一班個同學,點解唔撞其他同學呢!
行完咁我們一定去悠閒咖啡食晚餐,我們都同意下一次聚會去悠閒咖啡,
因為有個姐姐呀,毎次去到都見到姐姐,不過今次多了一個哥哥做水吧,
結果,我好想姐姐做一杯荔枝綠茶,這樣姐姐幫我們做啦!我走都有同姐姐
講再見,佢地冇講可唔可惡,我們下一個站去返灣仔玩具街,今次Emily想去,
所以帶了佢去,Emily買了一個粗冷,想着聖誕前可唔可以戴到,
咁我們去了碼頭乘車回家,阿儀是唔是好想同我們一齊去玩呢!
咁你就快些返來,不過行了有八至九個鐘啦!


>>December 24, 2003 at 3:47:33 AM GMT+8

2003 年 12 月 10 日 星期三 【颳風】


一年一度團月日子又到,不過我錯過一次好機會,
見不到雪魚男朋友,今次好難得有咁多人,
仲是第一次食早餐,都是邊個邊個弄到我太興奮,
興奮到睡不着,結果沒有去到啦!好想去呀!最後,
每個人都有打電話給我,我都是不知道,到了十點左右,
一個電話一定要出去,她們都約好一齊吃午餐,
我,helen,嘟嘟,雪魚同麵包超人去了桃遠島,
我們吃完就行街街,行到大家開始有收穫,
每個人都為香港消費,你們話幾好啦!
麵包超人個男朋友話想帶班朋人見佢,仲嚴重是個男朋友
想帶佢見媽媽,你話勁唔勁啦!
返到公司又俾恩兒話,最可惜是有五日都見不到
恩兒,恩兒我好掛住你,幾時同我一齊去街街呀!


>>December 12, 2003 at 4:45:48 PM GMT+8