|
2005 年 7 月 12 日 星期二 【乍雨乍晴】
我整直咗d頭髮呀!!!啱啱見到自己d頭髮好直既時候真係好怪架.....可能太耐冇見自己直頭髮啦~今日我哋四個人一齊整頭髮,我哋有carrie,竹竹,ar no仲有我,我哋個個都整d唔同既嘢bo~我整游離子,竹竹電髮,ar no染髮,carrie整負離子,呵呵~~~個個都有新image啦~~~不過唔知大家會唔會睇唔慣呢...
前幾日我又配咗眼鏡,今日打咗電話嚟話攞得啦~唔....我唔知幾時去攞好呀~~不過今日見到中生攞嗰副眼鏡好正呀~哈哈~佢仲好hard sale添....不過的確幾好架,最衰我啱啱先配呢副啦....
香港寬頻個sale都幾煩架,由尋日打到今日,呀!我連miss佢call,佢都仲o係咁打,我諗佢都打到傻架啦~而且我又咁煩bo~我自己又想轉走,但又唔知轉到邊度好,哈哈~不過最後佢都算係咁啦...佢俾咗d discount我囉....(but佢都話係問咗佢呀head先至有咁既dicount,唔....唔知如果我同佢呀head傾可唔可以仲平d呢....哈哈)
啱啱唔知點解o係邊度睇返一篇嘢,下面嗰篇係架啦~~~miss(ing) you!!! but........=__="
【不在你身邊的他 不等於不愛你 】
【不在你身邊的他，不等於不愛你。
常常覺得，談戀愛的人就像小孩子一樣，
要寵著哄著，要時時陪伴，更要無微不至。
還記得嗎？在我們很小的時候，
只要看不見媽媽，就會因為不安而大哭起來。
其實，媽媽只是不在我們的眼前，
我們只因為眼前看不見，所以就認為媽媽不見了，
認為媽媽不見了的同時，也以為媽媽不愛我們了。
戀愛，不就跟那時的我們很像？
在被擁抱的時候，聽對方說情話的時候，
手牽手逛街的時候，我們都覺得對方是百分之百地愛著我們。
可是，就從道了再見，關上家門的那一刻起，
內心懸念，因為見不到，擔心對方有沒有想念我們，
聽不到，見不到的我們，憂慮對方會不忠於我們，
只因為不在我們身邊，我們就以為愛會不見，
卻不知道，不在身邊的他，不等於不愛你，
很多事情，看不到不等於不存在。
而且，每一個人都是戀愛中的人，
所以，不安的不只我們，還有看不見我們的他，
彼此，都有著一樣的不安，都期望相同的諒解。
有時候，我們會抱怨當我們需要他的時候，他總是不在身旁，
可有些時候，他最需要我們的時候，我們也不知情，不是嗎？
我想，很多人在年輕的時候，都會很熱衷於工作，
也有很多人的工作，屬於長期需要超時工作的狀態，
對這些人的戀人來說，也許覺得心愛的人常常無法照顧自己，
可對那些人來說也是相同的，心愛的人常常不在身邊，
不管因為什麼原因無法見面或分隔兩地，
真心相愛的兩個人，內心所感受的寂寞與不安會是相同的。
彼此，都有可能在最需要對方的時候，卻必須一個人堅強起來。
他是愛你的，就如同看不見他的你，
還是深深愛著他的，不是嗎？
吃到好吃的東西時，看到美麗的景物時，都會希望和他分享，
他不在身邊的時候，你不也抱著這樣的心情在愛他嗎？
為何，就不能相信他也和你一樣呢？你說是嗎？
我相信，真心相愛的兩個人，就算不在彼此身邊，還是深深愛著的，
兩顆心，也會因為著愛，而緊緊相繫。 】
>>July 13, 2005 at 5:06:05 PM GMT+8
2005 年 7 月 10 日 星期日 【乍雨乍晴】
我冇諗過原來您仲記得我有個日記架,唔知您係見無聊所以上嚟睇下呀,定真係有心想上嚟睇下我到底打咗d咩...anyway~我都係開心既,因為at least您都仲記得...我最唔開心既就係您唔記得我d嘢,您知道嗎~我真係會好hurt架!!!
前日同尋日我都唔o係屋企,我又嚟啦~我真係想俾人打呀!!!前日就因為去咗華都打牌,都知唔會返屋企瞓架啦~(我輸成底呀!!!都好耐冇試過咁啦~叮噹就發啦!~)而尋日其實我真係唔係有心唔想返屋企架,我其實不知幾想可以返屋企,因為話哂前日都冇返,唔想連續兩日都仲係著同一件3,不過我真係大意啦~掛住傾計都唔記得咗會冇車返屋企架,我知可以搭taxi,but我真係唔想坐成兩舊水去囉~我情願攞去玩咗佢算啦...
前日係polly生日,所以我哋約咗去食飯,順便食埋calvin要請既嗰餐。呀......我咁快經已唔記得我哋去嗰間嘢叫咩添~淨係記得係韓燒,因為太多韓燒啦~我都唔記得d名咁多啦~雖然我遲好多,因為我去做d嘢...(待續)但我都食到超飽,因為佢哋都燒定好多嘢俾我食,仲有我又食雪糕又飲糖水...嘩~~~個肚都真係........呀!!!我記得啦~我o係華都俾人用個排球打中呀!!!食哂波餅囉....真係痛架,唉~~~邊個就唔o係度多講啦...佢咁衰我都唔想提呀!~算啦...講返點解我會遲咁多啦,其實因為我要去ymca度一齊開開會,冇計,我唔可以唔去,都經已決定咗要去台灣~~~
【對唔住!!!我厄唔到您,更加厄唔到自己,我係心情唔好,我係好唔開心,我係好多嘢諗,我改唔到自己,暫時到呢一刻我都仲未改到,我真係感受到唔舒服,我唔想厄您,因為我知道自己一定會撐得好辛苦,我想您知道我真正既心情感覺,我知雖然會令您唔係咁開心,但我想您幫我分擔呀!我冇可能自己一個撐哂,因為我真係撐唔到啦!~雖然我唔係第一次有類似既感覺,但今次我唔識用方法去忘記呀!~
我知您聽日就會去廣州,好想同您一齊去呀!(我知冇可能)因為唔捨得您囉...】
真係有好多嘢唔係話冇可能就冇可能,而且我仲記得係容sir教我呢個世界冇嘢係絕對既!~突然感受到那種可怕...
>>July 11, 2005 at 1:09:33 PM GMT+8
2005 年 7 月 7 日 星期四 【晴】
我前日去咗睇 “龍咁威2 皇母娘娘呢?(Dragon Reloaded)”,同我諗既差唔多啦~都係笑埋d核凸嘢囉~~~雖然我都愈睇愈笑得勁,因為我又係遲到(唔知呀…其實我覺得自己一遲入場d mood多數都係差d架啦~so難有feel d囉…)唉~~~我都唔知攪咩架,睇完出嚟隻右腳唔知咩事呀…超痛,唔係好行到囉~好辛苦,但真係唔知因為咩事攪成咁,不過見您都有關心我,幫我捽下個膝頭,我都要快d行返.如果唔係要您擔心就唔好啦~~~
尋日去咗銅鑼灣既一間嘢度做激光脫毛,哈哈~做under arm,當然係唔駛$先走上去玩下啦~因為如果要$既話就真係唔好玩啦…成$5700做一次,仲要唔係一次搞掟哂bo~如果係要做哂成個既話就,哈哈~~~$15000呀!!!打死我,我都唔會自己俾咁多$呀!!!呵呵……今次送俾我,我就當然去做啦~^^~hehe
遲d返嚟再打過……因為宜家打唔到呀!!!
冇記性,已經唔記得要打咩...
>>July 11, 2005 at 1:08:40 PM GMT+8
2005 年 7 月 4 日 星期一 【晴】
係我知雖然我,宜家經已好攰好眼瞓,但我真係好想打埋呢篇日記先,可能會打得好亂,但我真係想記低下d嘢.....
今日情緒好低落,但其實又係因為電話.......一個電話令我需諗去我要諗既嘢.....一個電話令我成個人都變哂.....一個電話令我們彼此又再次發生誤會....一個電話令我想知道的事,我知道了,可是我其實不想面對......電話真的是我又愛又恨的東西。我有想過一手把它掉了,我亦有將它當寶貝一樣對待過; 但為何你今天要令我如此傷心、心痛,我知道責任不是全數都要算盡在你身上,可是你的責任真大.......雖然我知道此刻事件經已平定,但我知道下一刻你又會令我痛不欲生。
我相信唔少人一定睇唔明我上面到底o係度打緊d咩架啦~睇得明......good~睇唔明........so good~~~我今日又發癲啦!~到底係因為我精神有問題,定還是真係因為外界有d因素攪到我白白痴痴呢~~~唉.......唔知呀!!!我又再諗咗好多好多既嘢,我其實真係唔知自己下次到底控唔控制到自己.......我真係想學到d有用既發洩方法,又唔會煩到人,又唔會令人擔心.......如果唔係我就真係........唉~~~
尋日sent咗d嘢出去架啦~唔知收唔收到呢......希望收到啦!~
尋日同今日都o係陪邪神行呀行......買d咁重要既嘢,當然要陪下架啦......哎呀!~真係唔知竹竹點啦~~~
呀撈: 我唔想打今日發生過d咩呀!因為我唔想自己會睇返,而且一係就笑爆嘴一係就喊到死....so決定唔打detail....
我今日霸咗旺角新之城最嗰間女廁好耐,如果大家因為咁而有咩不便,真係唔好意思,因為如果我唔stay in toilet,我覺得我會客親更多人,我又驚我有會打人......雖然有癲咗一輪o係街,仲差d撞爆玻璃,不過最後都有人帶走咗我! 就係呀撈,我哋去咗一休,佢雖然就話係同我一齊食,但我知道佢都食咗好多餐應該真係食唔落架啦......算啦~但我真係好想叫好多好多嘢嚟食呀!!!哈哈~真係叫咗好多樣,但我又真係食唔哂.....証明我唔係真係可以化所有"卑奮"<---好似打錯字,但唔知呀!~為食量.....細明又真係唔幫手~~~我經已到極點,雖然我之後又可以再食雪糕,哈哈~~~哈密瓜,好味!~
過多幾個鐘頭後我哋要開會啦......唔知又會點呢~如果聽日打到就打啦~~~不過打唔到多架啦~~~
>>July 5, 2005 at 9:35:39 PM GMT+8
2005 年 7 月 1 日 星期五 【晴】
今日好開心呀!!!^^hehe因為.......您記得囉!!~有呢份心意,我經已開心到爆啦~~~而且您仲畫咗d嘢俾我,雖然我冇攞到,因為我個袋都袋唔落,不過仲種surprise我就已經通通收哂o係個心裡面啦~~~哈哈.......^^
今日約咗呀姍去買walkie talkie,因為佢識人,而且仲有discount當然要佢帶我去先得啦~~~雖然今日都係真係幾熱,不過我哋都要完成我既任務先得,so thanks you so much呀姍....^^"我買咗六部呀~嗰間嘢係我哋行咁多間最平既價架啦~因為部機加埋hand free先係人哋部機既價,不過我諗都真係因為呀姍識佢先可以咁平啦!!!我哋冇理由就咁出一出去買完就走架ma~so 我哋就去埋西九龍囉...行下商場呀ma..熱成咁會死架...haha~不過其實我哋大部份時間都係為食嘢多,因為要等位同埋我哋都一路食嘢一路傾咗好耐計呀!!!食完嘢行緊既時候,唔知有咩明星囉(因為我真係識佢老鼠,都唔知佢係邊個)人行商場佢行商場,佢行時又要有security 幫佢開路.....駛唔駛呀!!!我都唔識佢,其實我想講係應該冇人識佢呀~因為我哋同商場鋪位d老闆都傾話知唔知係乜水,但真係冇人知囉...又冇fans,又冇人同佢影相,算啦佢!!~~唉.....因為我淨係覺得佢阻住我行ja~不過我又諗返起Alex嗰次,但佢嗰次假假地都有fans呀,而且我都識佢呀!!今日呢個.....真係可以返屋企瞓覺啦....
不過我同呀姍快樂既時光過得特別快,因為我要去搵calvin lu~~~去咗佢屋企呢...幫手做咗一陣嘢,雖然同我想像中差唔多,因為都係呢樣做咗d嗰樣又攪咗d咁啦~哈哈.....佢要o係佢爸爸返嚟之前出去,so我哋就一支箭咁走咗lu....佢帶咗我去旺角一間叫"魚翅大排擋" <---(希望我冇記錯啦!~)食飯,其實間嘢d feel係似一間茶樓,但嗰度好靜呀!~唔知係今日d人比較靜定係少人,定係向來都係咁靜啦....我覺得有少少唔慣,不過有您陪我,去邊都冇所謂啦.....^^hehe有魚翅食,仲有雪蛤膏.....好飽呀!!唉~~~同您一齊真係唔駛驚餓親,仲有想瘦都幾難~~~原來要睇戲既,不過突然有變,因為要送貨呀ma....不過唔緊要啦!~唔睇囉....我陪您送貨又點話呢....hehe^^我諗我應該會記得呢間觀塘架啦~~觀塘市中心落車,嗯!記得啦!~其實我想記得哂您送貨同收錢既地方,因為只要您同我講您去咗邊度咁我只少都大約知您o係邊啦....送完返嚟去咗舊屋天台睇星星,今日有帶眼鏡,hehe^^睇到多好多星星啦~~~原來暫時全香港最高既嗰座嘢d燈係會熄架....今日先見到~
有d白痴嘢.....關我自己事既~估唔到原來我自己都會記錯.....哈哈~~~
>>July 2, 2005 at 6:08:43 PM GMT+8
2005 年 6 月 30 日 星期四 【晴】
我又再一次令教到打哂D嘢,但又唔見哂啦~~~我知啦~~可能天意唔想我將我頭先打嗰D嘢出街啦~咁咪算囉.....(之前打嗰d好detail.宜家.....是蛋呀!!!)
我想講我今日去過look ling,好差,一百分都冇!!我同emily,平平,carrie,lin lin同吉仔食飯,一句說話得罪三個人,雖然我知emily同carrie應該冇嘢,但呀lin好似係認真架,雖然唔知點,但我知你嬲仲好過你唔嬲,因為你嬲係啱既....唔嬲仲驚~不過我都真係有原因先唔問你啫~希望你會明啦....冇奶油平平明你都唔明架!~^^~去咗機鋪,有兩個癲佬煲鼓機.....好可怕~有一個係可以一個人同時打兩部機,而且玩太鼓都係玩到好多粒星架.....痴線架....
尋日同大口傾過電話,知佢都好關心我.....多謝!!!不過最近唔知係咪有d問題,成日都有事發生,我都真係唔想好想咁樣!~~希望真係好似你講既考驗啦~我可以好快過到哂啦......
唔打啦.....頭先打多過呢度兩倍度啦.......不過我冇唔開心,因為我覺得我頭先打埋好多內心既嘢,而且好似連d唔開心嘢都打走哂咁,已經唔記得有咩唔開心啦~~~
P.S.咁又過咗一個月啦~~~
薯片咁乖咁可愛,我當然想成日搵佢啦~~~不如你幾時去放佢,我有時間就去搵你哋呀!!!
>>July 1, 2005 at 6:27:05 PM GMT+8
2005 年 6 月 27 日 星期一 【晴】
今日可算百感交集的一天......因為我又有煩惱又有開心,又有事要諗又有嘢要理.....我知原來做人真係唔易,唔係自己想點就點...唔係自己認為係啱既嘢大家都一定會認同,好可能往往大家既想法都唔一樣,更有可能係大大不同什至相反...除了這......大家即使講同一句說話,在不同人口中都有不同的表達效果.....但我真係無知,其實都可以說不是第一次發生類似的事,但我仍然是改不了我不能不管朋友的事的壞習慣(但那些事我是根本不應該知,更不應該管)我都知我最應該做的事就是我什麼都不知道就是最好的,但我不知道為何好像都好像我有事上身一樣,我都不經不覺做了那個角色,而且今次好像嚴重了很多.....她給我的感覺就是永遠以後我都不可能信任了....我好像一個做任何事都有我的目的,不是單單關心她那麼簡單.....我知道自己的確有做錯的位置,但可是我現在的感覺都真的難受,因為我好像真的失去了一份感情(雖然我真的感覺到了,但我希望我的感覺都是錯的,因為我現在的感受真的不好過....)
我平日都不喜歡打不高興的日記,因為我不想自己再重看自己的日記時會哭哭啼啼....所以我都大份都只記錄著開心的事,但這.....我覺得我真的需要記著,因為可能真的因為此事而令我失去了我覺得非常重要的---朋友。不是普通朋友那麼簡單,是一個經已認識了八年的朋友.....到底會不會因為這件事而令我失去,我知可能即使沒有失去,但都一定經已變質了....因為真的發生了,我有我的做錯....
嗯!!!我真的打到那個位不懂得再打下去了…所以我要停下來,我不再打啦…..我要打其他的了……
今日首先去咗機鋪,撞到Bryan同四哥,仲同佢哋玩咗一陣,但好快佢哋就走咗lu~之後打機同講電話,等到等到邪神同呀撈就走咗去”123” �---其實應該打哂中文,但因為我真係唔識打bo~我哋飲嘢,我好似係第一次o係嗰度飲嘢架咋….唔~~~我哋o係嗰度坐低傾計….都講咗好多嘢呀!!!(見到呀呆同呀陛….他cut了頭髮呢~)跟住Emily都嚟咗啦…..但emily嚟咗,我就好急啦~~呀撈仲好似就嘔添….所以我哋都嗱嗱臨咁走咗去廁所lu~之後邪神就走咗去搵中生,我哋又走咗去睇下carrie啦~左盪右盪又盪到食飯既時間,我好叻呀!(白痴自己話自己叻~_~)我話去沙嗲王冇人反對呀!!咁就上咗去lu~跟住呀鼠honey就嚟咗,跟住連carrie都嚟咗….唔…..一齊食mum mum~~~哈哈~撞到蘇飛呀!~傾咗兩句仲攞埋電話……走~^^~呵呵…..去咗honey屋企玩薯片(她的狗狗呀…)好可愛呀!!!佢又乖又得意…..我哋仲帶咗佢出去街街呀…..佢超開心囉…哈哈~~~佢o係屋企既時候係咁俾呀鼠罰佢企,好攪笑呢~~~我第一次帶狗狗去街街,好好玩呀!!!突然間覺得狗狗好得意呀….可能佢真係比較乖啦!!好抵錫呀!!!
竹竹婆婆唔舒服呀…..唔知有冇事呀~~~我哋約咗聽日去唱k,而且我下午仲要返學校開會,但我宜家仲未瞓…….唔知我會知醒ma???^^hehe
今日打既嘢都好亂…因為心情亂,冇乜組織能力(雖然平時都冇乜架啦~)我上面打既嘢都唔係諗住所有人會睇得明架啦~首先,唔明唔好問我,因為嗰d都係我當時諗既嘢同當時既感覺,可能呢一刻經已唔同咗~而且其實就算再問我到底打緊d乜…..我唔知呀!!!
>>June 28, 2005 at 8:51:29 PM GMT+8
2005 年 6 月 24 日 星期五 【晴】
估唔到我一出就出到頭先八點幾先再返到屋企....嗯!由尋日呀撈生日就走咗出去~~我都幾曳架~勁唔想返屋企,可能因為我又再一次要面對上次我唔想面對既嘢啦!!!而且仲有同calvin既gap.....哈哈~(我成日諗到好灰~冇架啦咁..不過emily不斷教咗我好多嘢,同我講咗好多好多,實在太太太關心我啦~~~咁我又忍唔住啦!!!係呀!!!我係好掛住你呀...咁點呀~~~哈哈^^)
一如幾往<-----應該有打錯字,因為唔識!我哋又係打下機look下ling(係呀!好耐冇look ling呀...都look得ok,不過就玩得一局咁少~實在太到喉唔到肺啦~不過鬼叫我哋"魔"咩~~~hehe^^我哋o係麥記度食由我honey呀鼠整既cheese cake為呀撈既生日蛋糕.......um~~~好彩我到都宜家都冇乜事啫~~哈哈~講笑啫!!!呀......我哋仲有去影到貼貼相架~~~但唔知點解我一張都冇攞到bo~oh.......um~~~因為太攪笑啦,我要唔落手!當然唔會啦....不過真係有d好攪笑架......哈哈^^
最後一站,都係華都,雖然得返emily,ar no,細明,丘記同中生,但我哋依然可以玩到天光,哈哈~~~因為四個人都經已可以玩天光啦.....雖然我哋冇做到emily想做到既"打三十六個東",但我哋都打咗八圈既~~雖然我哋真係叫打得快咗,但同三十六個東既距離始終仲離好遠呢......到天光,我哋先瞓,不過都唔係瞓得好耐咋...因為aunt返咗嚟,講真我同emily都唔好意思瞓啦~~咁我哋就走咗出去lu......
hehe^^我同emily行下坐下,傾下玩下......就係咁,到頭先~平哥哥接走佢,我就去搵媽咪,爸B同細佬一齊食mum mum啦....食完先返屋企.......哈哈~~~沖涼!!! (我同細明係"乾淨人生"嚟架ma~~~)哈哈~~~
媽咪宜家對我好好呀!!!荔枝呀......好味呀!!!(但原來我差d荔枝同龍眼都唔識分~~~白痴!!!)
我其實仲有好多嘢想打,例如我d........哈哈~遲d再打過!!!
>>June 25, 2005 at 3:30:59 PM GMT+8
2005 年 6 月 23 日 星期四 【晴】
嘩.....低能架~我宜家仲未瞓呀!!!點解???咪就係由頭先未到十二點前就開始同佢哋傾電話傾到宜家囉....當然頭先既主角,就係今日既主角---呀撈!!!^^但宜家傾傾下就得返我,邪神同大口啦~~~咁難得大口打電話返嚟.當然要傾下啦!~
呀撈~生日快樂呀!!!
我暫時都唔知打咩好....因為我心情唔係咁好,我好驚會影響到大家呀!!!
>>June 23, 2005 at 8:24:59 PM GMT+8
2005 年 6 月 22 日 星期三 【乍寒還暖】
嗯!今日我哋SU要返學校開一開會呢.....出席既有:calvin,vincy,企鵝,cherry,ocean,terry,呀盈同埋我,仲有列席既POLLY....^^hehe我要食lunch所以遲大到呢~不過好彩大家都係d例遲既人,所以我都唔算叫遲好多,不過點都有唔啱架啦~唔好意思呀各位!!!今日開會既進度都ok,傾得都算快架啦!!不過唔知之後要跟既嘢係咪都可以好似傾嘢咁快就好啦....希望大家都可以俾d心機搞掟埋佢啦~~~
今日媽媽陪我一齊去咗油麻地,去嗰度攪咩?!咪就係要申請特照囉!(特區護照)如果我真係要走,冇護照又點走呢~係呀!我未申請之前真係冇護照架~得回鄉証,所以頂多都係走返大陸架咋...哈哈~~嘩!!!我蠢咗啦!~o係嗰度影相,除咗貴之仲好樣衰添呀!!!但我睇住張相笑咗好耐...我覺得超攪笑囉個樣!!!不過冇計趕時間,點都要俾人架啦~唉~~~仲要收三百二,我諗我都用得唔多架啦!咁咪choice三百二囉,唔通choice四百八咩!!!
就係因為整d咁既嘢,所以遲咗,但我可以同媽媽o係葵芳間苑園度食lunch都幾好呀!!!^^hehe d粟米勁好味呀!!
開完會本來諗住落返荃灣搵邪神同竹竹既,不過竹竹就仲o係屋企唔出嚟,而邪神都因為等得我太耐好醒目地搵咗中生,原來我放咗邪神好多次飛機架啦!(佢今日話我先知)我原來不知不覺做錯咗好多事!!!又一次~~~sor~~~
o係葵芳,四個人,calvin,terry,ocean,sammi哈哈~~打嗰部yes!sir!yes!sir!....第一次四個人同佢哋玩,三個字:有d迫!!!哈哈~~~我哋三個都幾有眼光,一買就中!(不過冇人陪~哈哈.....)跟住走咗出尖咀,因為約咗human o係嗰度ma~~~去咗之前都有食過既咩小城唔知咩度食dinner呢~(真係唔記得!記得下次打!)不過terry真係好攪笑,因為佢要趕住返屋企睇......."受過傷~~~先知道要........"哈哈~~真係咁好睇咩~~醫道!!!我記得你經已成日搶走我既calvin架啦...今日仲要吸走terry....嗚~~~你幾時先至唔E~道,變第道架......哈哈~~~~~
送走咗terry同calvin之後(其實terry都唔算有送架啦~因為佢係一支箭咁走咗架,因為我都唔知幾時開始唔見咗佢既~)我,ocean,human就行咗去海旁....其實如果唔係有雨同埋咁熱,可能我哋今晚好好好夜先返屋企都唔定~~~我哋o係嗰度影咗d相,都ok架....哈哈~~~跟住就行行行去咗星光大道,雖然我唔係第一次去,但就係第一次咁夜去到囉~原來夜晚個地仲靚d架....因為有d燈o係地下,幾正架!~行完都要走lu~要返屋企lu~~~
今次都打得幾多....嗯!我幾滿意,哈哈~~~
>>June 22, 2005 at 7:04:32 PM GMT+8
|
![]()
 我係......
經常都係一個講就無敵,做就無能為力o既人
有陣時會係一個對人就歡笑,背人就垂淚o既人
想更清楚了解我就關心下我啦～～～
留言板去下啦～>
|
廣告 |
|
|
讀者留言 |
| 路人留言
|
 嘩！現在你地個個都去買!~
<b
>>September 18, 2006 at 9:30:33 AM GMT+8
真係咁咩.........???
>>August 10, 2006 at 9:14:04 AM GMT+8
哈哈!~隻野真係醒目啊!!~
<
>>June 29, 2006 at 11:51:41 AM GMT+8
黎偷睇你ge日記~
<br>梗係
>>May 22, 2006 at 5:55:55 PM GMT+8
知就好啦......^^
<br
>>April 23, 2006 at 11:05:50 AM GMT+8
唔....o的咁貴價o的野都係唔
>>April 10, 2006 at 4:33:19 PM GMT+8
是呀!包容與忍耐很重要,尢其是與
>>January 11, 2006 at 11:35:29 AM GMT+8
HAPPY NEW YEAR~~
>>January 2, 2006 at 11:03:12 AM GMT+8
恨心？
<br>
>>December 17, 2005 at 5:33:39 AM GMT+8
太過份了
<br>你要返學ar~
>>November 19, 2005 at 8:03:45 PM GMT+8
Hello!!家下O的學生原來咁
>>November 9, 2005 at 2:54:26 PM GMT+8
知唔知我係邊個先?哈哈
<br>
>>October 8, 2005 at 11:47:16 AM GMT+8
我有睇你日記家~~~~
<br>
>>September 16, 2005 at 7:28:27 PM GMT+8
嘩！做乜咁睇唔開食咁辣o既野丫
>>August 23, 2005 at 1:36:47 PM GMT+8
好耐無上來視察下lu....
<
>>July 8, 2005 at 3:33:03 PM GMT+8
哇...真係睇到我頭暈眼花~_~
>>July 7, 2005 at 3:03:31 AM GMT+8
薯片問你幾時再帶佢散步？？
<b
>>June 29, 2005 at 6:23:07 PM GMT+8
哈哈...你都知你好耐冇打日記呢
>>June 21, 2005 at 3:27:23 AM GMT+8
我哋幾時一齊出來呀
>>June 4, 2005 at 4:24:38 PM GMT+8
我相信比你食到幾舖十三么,咁你一
>>May 31, 2005 at 2:18:09 PM GMT+8
呵呵~~
<br>我終於可以罵得
>>May 26, 2005 at 5:37:18 PM GMT+8
你多d update 你個日記呀
>>May 21, 2005 at 4:31:05 AM GMT+8
好慘!!!!
<br>
<br>
>>May 9, 2005 at 11:02:32 AM GMT+8
BABY!!你最愛對我的存在一d
>>April 28, 2005 at 6:28:37 PM GMT+8
Thx喎!!
<br>會照顧自己
>>April 27, 2005 at 10:30:33 AM GMT+8
HI~~~ｂａｂｙ！
<br>鼠
>>April 26, 2005 at 3:20:44 PM GMT+8
溜冰...唉!!
<br>我都好
>>March 30, 2005 at 11:05:27 AM GMT+8
你快d睇下我個dairy la
>>March 26, 2005 at 3:05:31 AM GMT+8
＾＾
>>March 23, 2005 at 5:24:56 PM GMT+8
我都好想返學校見下啲
>>February 3, 2005 at 5:57:53 AM GMT+8
HALO~~~~~
<br>等我
>>January 21, 2005 at 6:15:33 AM GMT+8
我會支持你架．．．．．．．
<b
>>January 6, 2005 at 5:07:12 PM GMT+8
happy new year..
>>January 1, 2005 at 1:10:42 AM GMT+8
仲未返來嗎?
<br>好掛住你呀
>>December 31, 2004 at 2:23:04 AM GMT+8
HehE.....^^.....
>>December 25, 2004 at 3:46:14 PM GMT+8
^^ 我令願我銀包係肥肥的
<b
>>December 8, 2004 at 11:43:50 AM GMT+8
擁有一個人就一定要好好去愛他,唔
>>November 20, 2004 at 7:08:11 AM GMT+8
我地會有大把CHANCE的/..
>>November 19, 2004 at 4:24:03 PM GMT+8
睇到你同竹竹的日記都話Emily
>>November 15, 2004 at 11:19:05 PM GMT+8
你忙完了學生會没有
>>November 14, 2004 at 8:44:34 AM GMT+8
硬係多人睇啦...咪講笑....
>>November 8, 2004 at 11:53:49 PM GMT+8
相愛簡單，相處難，但是分手更難
>>November 7, 2004 at 5:38:53 AM GMT+8
""尋晚你終於講到我想你講
>>November 5, 2004 at 2:08:00 PM GMT+8
最早到係fat Ping ar!
>>October 29, 2004 at 10:03:39 AM GMT+8
請支持一號RAINBOW...
>>October 26, 2004 at 11:29:09 AM GMT+8
我都覺得套戲真的好好睇呀!!!
>>October 19, 2004 at 12:09:29 PM GMT+8
thx a lot ,i wil
>>October 11, 2004 at 1:38:30 AM GMT+8
SAMMI 呀～！
<br>
<
>>October 10, 2004 at 12:19:41 PM GMT+8
你係唔係咩到呀!!!
<br>飲
>>October 8, 2004 at 1:13:20 PM GMT+8
old 's one don't
>>September 21, 2004 at 12:32:30 PM GMT+8
|
|
我整直咗d頭髮呀!!!啱啱見到自己d頭髮好直既時候真係好怪架.....可能太耐冇見自己直頭髮啦~今日我哋四個人一齊整頭髮,我哋有carrie,竹竹,ar no仲有我,我哋個個都整d唔同既嘢bo~我整游離子,竹竹電髮,ar no染髮,carrie整負離子,呵呵~~~個個都有新image啦~~~不過唔知大家會唔會睇唔慣呢...
我前日去咗睇 “龍咁威2 皇母娘娘呢?(Dragon Reloaded)”,同我諗既差唔多啦~都係笑埋d核凸嘢囉~~~雖然我都愈睇愈笑得勁,因為我又係遲到(唔知呀…其實我覺得自己一遲入場d mood多數都係差d架啦~so難有feel d囉…)唉~~~我都唔知攪咩架,睇完出嚟隻右腳唔知咩事呀…超痛,唔係好行到囉~好辛苦,但真係唔知因為咩事攪成咁,不過見您都有關心我,幫我捽下個膝頭,我都要快d行返.如果唔係要您擔心就唔好啦~~~
係我知雖然我,宜家經已好攰好眼瞓,但我真係好想打埋呢篇日記先,可能會打得好亂,但我真係想記低下d嘢.....
今日好開心呀!!!^^hehe因為.......您記得囉!!~有呢份心意,我經已開心到爆啦~~~而且您仲畫咗d嘢俾我,雖然我冇攞到,因為我個袋都袋唔落,不過仲種surprise我就已經通通收哂o係個心裡面啦~~~哈哈.......^^
嗯!今日我哋SU要返學校開一開會呢.....出席既有:calvin,vincy,企鵝,cherry,ocean,terry,呀盈同埋我,仲有列席既POLLY....^^hehe我要食lunch所以遲大到呢~不過好彩大家都係d例遲既人,所以我都唔算叫遲好多,不過點都有唔啱架啦~唔好意思呀各位!!!今日開會既進度都ok,傾得都算快架啦!!不過唔知之後要跟既嘢係咪都可以好似傾嘢咁快就好啦....希望大家都可以俾d心機搞掟埋佢啦~~~