|
2005 年 1 月 29 日 星期六 【暴雨】
今日好興奮、好緊張又好開心呀～～～我做咗件事係我四年前嘅我唔會去做，而且唔敢去做嘅事！今日我ｏ係荃豐最後嘅商場位置，見到我成日都想撞見嘅一個人（我相信了解我嘅都應該估到係邊個架啦～）係！就係斌佬啦．．．我又撞見佢啦！見到佢就立即諗返起我有事需要佢幫我手，就係想佢幫我學校做一做三人籃球比賽嘅評審～但我誓估唔到，我真係夠膽走去問佢可唔可以幫下手＾＾其實由見到佢，到佢經過身邊，再到佢行過幾個商場後，我先鼓起勇氣跑去問佢嘢．．．我相信我當時嘅心情、表情同動態最清楚就莫過於Ｌｉｎ Ｌｉｎ同蕃茄啦～～～因為佢兩個就睇住我到底會點做，到我真係走咗去搵斌佬後，佢哋又企去一個地方度等我，冇走咗去～我攞咗佢手提架啦．．．不過未打返俾佢囉～不過我相信我好快會ｃｏｎｔａｃｔ佢，希望佢唔係厄我真係得啦～ｈｅｈｅ＾＾
今日除咗呢件開心事之外，當然仲有您啦．．．您特登走出嚟陪我食飯，我當然好好好開心啦～但不過您本來話約咗您ｄ ｆｒｉｅｎｄ架嗎．．．我唔想您冇時間去同您ｄ朋友ｋｅｅｐ ｃｏｎｔａｃｔ呀！您知您平時幾忙架啦～您ｄ ｆｒｉｅｎｄ咁難得約到您，您又得閒，其實好應該去下架～不過您選擇咗陪我，我知架（我好開心囉）～～～係架．．．順得哥情失嫂意，您今日都見到蕃茄幾慘架啦．．．可能下次到我會係咁架啦～哈哈．．．講笑咋！我都唔想發您咁多脾氣，俾人發脾有幾難受，我相信冇人唔知嘅．．．我知我嗰日您要送我搭車，我又偏偏唔搭，您問我呢樣我又話唔係，問我嗰樣我又話唔知，都真係想俾您打架啦．．．不過我嗰刻真係唔知自己想做乜，同埋想點，我只知道自己暫時唔係太想返屋企，但又唔想阻住您，因為您要返屋企架嗎．．．所以我咪攪成咁囉～好彩．．．您果然識做呀！＾＾ｈｅｈｅ我最終係開心咁走嘅．．．因為ｄ糖水好好味囉．．．哈哈～～～
係呀．．．星期三嗰日中生、Ａｒ Ｎｏ同我返咗才記呀～我哋都探咗好多見到好多個Ｍｉｓｓ呀Ｓｉｒ嘅～例如：Ｔａｉ杰杰、Ｍｉｓｓ Ｃｈｉｎｇ、Ｍｉｓｓ麥、鄭Ｓｉｒ、胡Ｓｉｒ、劉Ｓｉｒ、Ｍｉｓｓ曾、容Ｓｉｒ、何副校，仲有校工，死ｃｈｅａｐ精＜──我相信大家都知我講邊個架啦～鬼叫佢一直在線呀！早知會請佢食“達”就落瀉藥，瀉下佢啦～不過唔知點解佢好似少嘢講咗，唔知係病定係知衰呢～唉．．．唔鬼理佢！我估唔到我真係超掛住容Ｓｉｒ囉．．．當我見到佢嘅時候真係有ｄ想抱住佢架～因為真係好似親人好耐冇見咁，真係好掛住架！不過佢真係好忙，其實每個老師都好忙，佢哋都唔可以話可以同我哋吹水吹得太耐，另一件我估唔到嘅就係我同Ｔａｉ Ｓｉｒ傾得最耐，而且好似講咗好多嘢咁～佢又多個囡囡啦．．．真係勤力啦！哈哈．．．探完ｄ Ｍｉｓｓ呀Ｓｉｒ，我哋就同Ｅｍｉｌｙ、邪神一齊ｏ係象山食ｌｕｎｃｈ啦～原來我想食嗰間炸豬扒經已關門大吉啦．．．唯有ｏ係肥仔度食囉～不過好似有ｄ唔同咗囉．．．Ｉ ｍｅａｎ ｄ ｑｕａｌｉｔｙ ｌｏｗ～～～哈哈．．．之後去咗公園玩，好耐冇好似大細路咁ｏ係公園玩啦．．．好開心呀！！！
下次再有時間一定要再去探多幾次呀！！！ｄ ｆｅｅｌ好正呀！！！～～～
>>January 29, 2005 at 6:56:07 PM GMT+8
2005 年 1 月 24 日 星期一 【微冷】
真係唔好意思啦～本來應該上個星期日就會打日記架啦．．．不過唔知點解冇啦啦上唔到網，所以咪冇上到嚟打囉～今日見好似冇乜嘢做咪打去問下到底咩事上唔到網囉．．．但我到宜家都唔知個原因係咩～～～我只知佢話我由１２月２４日嗰日開始ｃｏｎｎｅｃｔ咗之後，就一路都冇ｄｉｓｃｏｎｎｅｃｔ過啦．．．好彩無限上網咋，如果唔係條數就真係唔知點計囉．．．不過頭先真係唔該哂中生呀！！！全靠佢教下我到底點攪部腦咋．．．Ｔｈａｎｋｓ＾＾
星期五晚陪咗您睇“亞歷山大帝(Alexander)
”ｈｅｈｅ＾＾睇成３粒鐘，開頭都驚會瞓著，不過好彩都冇啫＾＾我覺得套戲都幾血腥架．．．係咁ｋｉｌｌ嚟ｋｉｌｌ去，死好多人呀～嗚．．．我想睇嗰套您就唔會陪我睇架啦．．．唯有等我自己得閒嘅時候去睇囉～
我隻牙牙都未拔得住呀！ｄ牙肉發炎，又要約過另一個時間去睇ｌｕ～嗰日聽到個女仔叫得好大聲其實都有ｄ驚架，不過我都知道咩咩長痛不如短痛，所以都要忍啦．．．
星期六嗰日好難得同Ｅｍｉｌｙ行街街呀．．．雖然等咗佢好耐，不過唔緊要啦～未去行街之前，去咗我好耐都冇去嘅地方───圖書館＾＾我仲借咗本書添，本書講ｄ嘢都幾有ｐｏｉｎｔ架，我睇咗少少咋～希望我會有時間睇得哂啦．．．我好耐冇睇書啦～有ｄ掛住以前有段成日借書睇嘅日子，因為我記得嗰陣時嘅我係好得閒，得閒到可以借幾本書返屋企睇～如果宜家可以咁就好啦～哈哈．．．
今日爸Ｂ都唔知痴咩線，一返嚟就話我成身煙味（講真嘅，我真係完成聞唔到！），之前好勁煙味又唔見佢會嘈．．．唉～唔知佢呀！我真係唔同佢嘈呀！搵嘢嚟鬧嘅．．．
Ｅｘａｍ完咗ｌｕ～又有新嘢啦．．．唔知我識唔識呢～
>>January 24, 2005 at 5:07:57 PM GMT+8
2005 年 1 月 14 日 星期五 【微冷】
今日等我動一動手寫日記先．．．可是我的日記已經唔可以再叫日記ｌｕ～我都唔可以日日去記低我想記低嘅嘢，我已經差唔多變成一個星期先寫一次嘢～唉．．．．．．
其實好似尋日咁，我好想上一上網寫嘢，但最終我都係做唔到，我好似有ｄ變啦～以前有好多嘢我諗到或者講咗會去做嘅，我都會去做，但宜家唔同咗啦～會諗多咗，而且懶咗，懶惰使我冇做到好多好多嘢．．．今日本來話出去架～都叫做約咗Ｌｉｎ Ｌｉｎ話搵佢，但可惜我實在太忙，我選擇咗做我自己ｄ嘢同埋同大口ｏ係ｉｃｑ度ｃｈａｔ ｃｈａｔ．．．之前其實都試過好多次要你等我，但估唔到今次連等都等唔到～本應亦都有諗過去華都搵你哋，但唔知點解沖完涼之後又唔係太想出去ｌｕ．．．可能我又諗得其他嘢太多啦～所以我全日都留咗ｏ係屋企！！！係咪實在太唔似我啦～我冇理由係咁架，我點會有街唔去嘅呢？？？我到底有冇問題．．．算啦～我唔知自己到底做咩呀！～
我真係冇諗過連ＰＯＬＬＹ都會關心我哋，估唔到佢都會留意到我哋，可能我個樣厄唔到人啦～ＰＯＬＬＹ講得好啱架，佢話一個人唔好咁易俾另一個人牽動自己嘅情緒，其實我都知，但我自己本來嘅情緒我經已難控制，更可況如果有事發生咗嘅話，我就一定更冇可能去控制自己．．．唉～我真係冇用啦．．．．．．
星期五嗰日嘅會員大會唔能夠順利完成，不過唔緊要啦～我哋一齊展望星期一一定可以攪得成架！！！嗰日會員大會發生咗好多事，唔知點解嗰日我特別想發脾氣，可能我唔舒服同埋我覺得自己嗰日冇做好自己應該要做嘅嘢啦～～～有好多嘢雖然發生咗，但我唔想打啦．．．而且對於我嚟講仲要係唔開心嘅多，所以唔好提啦，我自己都唔想記得呀！
跟住呢個星期開始Ｅｘａｍ啦～～～唔知我識唔識添．．．至緊要ｐａｓｓ就得架啦～仲有．．．．．．唔講你知～哈哈．．．
>>January 15, 2005 at 4:30:19 PM GMT+8
2005 年 1 月 8 日 星期六 【微冷】
尋日您生日呢～生日快樂呀！＾＾”我呢個做女朋友嘅真係可算差極啦．．．又冇準備咩同您慶祝，又未買禮物就夠膽死走出嚟搵您，不過，冇計啦～唔搵您又點買俾您呢，哈哈～（真係懶到出汁呀～咩都唔駛諗！好彩您唔嬲咋＾＾ｈｅｈｅ）
今日我超大慒，我由青衣返荃灣時，一入完飛就一支箾咁飛奔咗上月台度搭地鐵，但當我搭到去荔景嘅時候，我就發現原來我冇攞返張飛就飛奔ｌｕ～哈哈．．．真係白痴啦～好彩返度嚟荃灣補飛嘅時候唔駛俾錢啫，原來要俾就要補返＄２６架！（我相信係俾全程最貴嗰個價）
其實您今日話得我好啱嘅，不過我真係好掛住佢哋呀嗎～
今日得知Ｅｍｉｌｙ之前病咗，最近都有好多人病呀！～好彩Ｅｍｉｌｙ都好返啦～聽日仲要考試添，要加油、努力呀！我都要乖乖地得閒溫下書啦～～～＾＾
>>January 9, 2005 at 4:17:04 PM GMT+8
2005 年 1 月 1 日 星期六 【乍雨乍晴】
我終於都動手打我嘅日記啦～～～但我完全唔覺得我係打日記嗰囉．．．人哋打日記就日日打嘅，而我．．．唉～～～
我好懶呀！！！我自己要做嘅嘢好似做極都做唔完咁．．．到底係好懶定係我真係支持唔住啦～～～ 唔知點解我覺得我好需要你哋呀！我突然覺得好辛苦，我好想有人撐我呀！我好ｔｉｒｅｄ呀．．．我想咩都唔駛做呀．．．．．．我．．．我．．．我有太多嘢想啦～
唔得！我一定要打返我之前ｄ嘢架！！！
以下有ｄ係我ｏ係未上機前手癢寫的，如果ｄ人睇唔到我寫乜，實以為我ｏ係度寫遺書～
今年聖誕對我嚟講特別唔同＾＾ｈｅｈｅ，今年聖誕估唔到會收到幾份禮物架！首先要多謝ｃｈｅｒｒｙ同企鵝（我個妹＾＾”）因為第一份聖誕禮物就係佢哋送俾我架啦～多謝哂！好有用呀！～我經已ｏ係聖誕正日就經已攞咗嚟用啦～「其實ｄ禮物應該ｂｏｘｉｎｇ ｄａｙ先到拆架嗎．．．但我全部都係一收到就拆ｌｕ～～因為太開心啦＾＾哈哈！」 第二份就係Ｅｍｉｌｙ嘅小禮物，仲有呀盈嘅小禮物，然後到ｖｉｎｃｙ嘅頸巾（好鍾意呀～紫色！）仲有唔知係買禮物定交換禮物嘅靚筆筆！＜－－（Ｃａｒｒｉｅ、呀芝）最最最重要嗰樣就當然係Ｃａｌｖｉｎ送嘅超超超靚鍊啦～我當然鍾意啦．．．因為您買架嗎＾３＾
除咗收到禮物外，我估唔到都收到聖誕ｃａｒｄ呀！排名不分先後，有ｙａｎ ｇｉｒｌ、呀芬、ｙｕｋｉ、ｃｈｅｒｒｙ、Ｃａｌｖｉｎ～好開心呢～不過我就衰啦，回唔到ｃａｒｄ同ｐｒｅｓｅｎｔ俾你哋呀！除咗．．．．．．哈哈～
平安夜－－－過得好簡單，不過整體上都過得好開心，因為有您ｏ係我身邊嗎ｈｅｈｅ＾＾”你哋睇戲我搵咗你哋一陣就急急腳咁走咗，唔好意思呀！但你哋明白我嘅～＾＾～之後去咗搵您，又走返出荃灣睇〔功夫〕，雖然我哋遲咗成半個鐘，但都睇得好開心呀～因為真係好好笑，好誇張、好騎呢呀！百老匯裝修完好正呀！ｄ椅超舒服呀，又大張～ＧＯＯＤ ａｒ！好ｆｅｅｌ咗好多！睇完戲就食嘢，然後上咗華都，您終於見到我第二個家啦～哈哈．．．
果然如我所瞭個個上到華都都唔捨得走，其實我都有ｄ唔想走架～但我真係唔想聖誕ｏ係一個室內渡過．．．ｓｏ我要出去！！！ Ｙｅａｈ～有Ｅｍｉｌｙ願意陪我走．．．仲有三哥、Ａｒ Ｎｏ架，而一早就出咗去嘅有Ｃａｒｒｉｅ、呀芝、呀芝男友（我真係唔記得佢叫咩名呀＝＿＝”）、Ｌｉｎ Ｌｉｎ、蕃茄。我好對唔住Ａｒ Ｎｏ呀！我差唔多全晚都照顧唔到你，要你搵咗我哋咁耐，當我知你電話冇電又要自己一個走過嚟搵我哋，我又知你喊嘅時候，我真係好擔心你架～好彩都俾我見到你！因為我知道我同你係有緣架！＾＾（但其實如果我真係見唔到你嘅話，我嗰晚一定會超唔開心咁返嚟）
聖誕正日我o係香港過唔夠平日我就要走ｌｕ～其實我真係唔係超想返大陸架咋．．．但呢次嘅機會又真係幾難得架，有幾何可以全家人一齊出去玩下呀！遲ｄ機會就愈嚟愈少架啦～ｓｏ．．．去咗玩～我瞓嘅地方係我舅母嘅學校宿舍，因為佢係教師所以住學校宿舍囉．．．嗰度都算幾入架，因為次次出去都要搭車出去，食親飯都有尊車接送，不過講真我去度嗰度真係冇乜得行過街囉，鬼叫我唔識路呀！媽咪、爸Ｂ又驚死我會唔見咁，又唔俾人自己搭車周圍去。連嗰日話您會送我返嚟都唔俾，就冇嘢好講啦～唉．．．我講過我第日都係自己去玩算啦．．．唔會跟住佢哋好玩ｄ呀！我細表姐送咗件外套俾我，大表姐就送咗件衫俾我細佬。ｏ係大陸好辛苦呀！個個煙同酒都不離手，食飯枱上，成枱男人得我爸Ｂ唔煙唔酒架咋．．．嘩～～～其他嗰ｄ真係．．．唉～我所有著去嘅所有衫都有陣煙味返嚟．．．最辛苦就係我哋坐車返嚟嘅時候，架車ｄ人都唔知係咪傻架，當架車停咗就冇開冷氣冇開窗，佢哋都ｏ係架車入面度食煙，我又唔舒服，好似有好多氣想嘔出嚟咁，但嘔極都嘔唔哂囉．．．嗰陣時真係超想撞個頭埋牆死咗佢算啦～又話坐７個鐘就一定到，點知上車就唔係咁講啦～唉．．．俾人厄！嘩．．．我哋加埋坐咗十幾個鐘囉！我哋仲要“拉屎”幾個過關，１２點就落閘，我哋幾個就係１２點到！我哋ｏ係羅湖搭到火車過九龍塘，但到咗九龍塘就冇車啦～唯有打的返荃灣囉．．．唉～返到屋企都兩點啦．．．人又凍勁想一返到就上床瞓覺囉，但我自己都頂唔住身上嘅嗰陣煙味，就算幾凍幾夜都要沖埋個涼先瞓！宜家攪到我出街聞到陣煙味就想嘔啦．．．以前都冇乜嘢嘅～
返到嚟話咁快又新年啦～我哋一心諗住打邊爐架嗎．．．但最後都係冇架！冇計唯有變咗做食扒王之王。菜珊冇講錯架，我哋真係少咗好多人呀！嗰晚我哋一齊食嘢嘅就只得六個人，丘記、細明、Ｌｉｎ Ｌｉｎ、Ｃａｒｒｉｅ、菜珊同我，不過唔知點解我真係覺得菜珊你講少咗好多嘢呀！你新嘅一年可唔可以講返多ｄ嘢呀！！！食完嘢Ａｒ Ｎｏ就嚟啦～跟住我哋去咗大河道倒數，撞到潘婷，ｍｅｅｔ返中生、中太，依舊我哋都係好嘈，唔知點解我哋新嘅一年要叫全朵，我哋要講新年快樂，唔講Ｈａｐｐｙ Ｎｅｗ Ｙｅａｒ架！＾＾”其實講咩都冇所謂，開心嘅就係我哋依然仲有一班人可以ｏ係埋一齊玩，希望嘅係下一年我哋呢一班人係有增冇減！攪笑嘅嘢－－＞今年我哋嘅新低點，最高嗰個係．．．中生呀！＾＾”哈哈．．．我哋都好掛住Ｔｏ Ｔｏ同大口呀！上年我哋都仲一齊過新年架，估唔到咁快又過咗一年啦～
０４我都發生咗好多嘢，我身邊亦都發生更多更多嘢，有好有唔好，但淨係要我數返出嚟我自己有咩係發生咗嘅，我都一定記唔哂！新嘅一年，証明我同我身邊嘅你哋嘅友誼又增加多咗一年，我哋嘅友誼歲月會不斷不斷增加～無論有長有短嘅．．．我都只希望有增無減！！！因為我知道我最需要嘅就係你哋，冇你哋我真係會唔知點好！所以你哋唔好走哂去呀～我都唔會走架！其實我都叫做好幸福架啦～我有你哋呢班陪咗我成八年嘅朋友，相比可能其他人就可能未必擁有，我擁有咗我唔會咁容易放手架！所以你哋唔駛諗住走啦～～～哈哈．．．．．．＾＾
Ｐ．Ｓ．爆涷呀！！！我隻手打到冇知覺啦～我知一定仲有好多嘢未打出嚟架啦，但我宜家真係ｏｎｌｙ可以打住咁多先啦．．．我唔可以再拖架ｌａ＾＾
兩個月啦～＾＾～
>>January 2, 2005 at 1:03:33 PM GMT+8
2004 年 12 月 24 日 星期五 【晴】
MERRY CHIRSTMAS!!!
我想打好多嘢呀＠～＠但宜家真係暫時冇乜太多空閒嘅時間俾我打，因為宜家有好多嘢等緊我做呀．．．我知有好多人都有睇我日記，我知如果我冇乜update新嘢就實在太對你哋唔住啦～不過．．．．．．好希望你哋等下我呀！我一得閒就會打架啦．．．等我呀！！！＾＾
>>January 2, 2005 at 11:12:25 AM GMT+8
2004 年 12 月 20 日 星期一 【晴】
近呢兩日成日都同您嘈．．．星期六、日都冇得見您，ｏ係電話度同您嘈真係好唔好受架．．．因為完全唔知點咁，有好多嘢又唔知應該點講～不過好彩都唔係好嚴重啫．．．
我有好多嘢都未一定會ｇｅｔ到架，ｓｏ您最好就講出嚟啦～不過您都可以等我ｆｅｅｌ下先ｇｅｔ下先嘅，但如果我都真ｇｅｔ唔到嘅話就真係要講啦～
近排我係咪真係蠢咗呢？？？連咁蠢嘅您都話我蠢＜－－講笑咋～唉．．．真係要醒返ｄ啦！！！
今日係呀芝生日呀！我都唔得閒同佢慶祝．．．唯有ｏ係度講聲【生日快樂】！！！＾＾
Ｐ．Ｓ．ｈｅｈｅ＾＾多謝您份嘢呀！！！
<簡愛>
不貪心 想你帶我遠飛
不痴想 跟你愛到鑽禧
只想把心中愛意作簡單處理
無非掛念你
期望能開開心心拍過拖
凡事從簡簡單單那算多
難道求快快樂樂也成為罪過
我不必管對錯 若你會珍惜我
如若能精精彩彩拍過拖
還用憑真真假假計算麼
來日如孤孤單單那又如何
昨天得你喜歡我 今天我可一個過
若你真正喜歡我 只需要緊緊抱我
*唔知點解一聽到呢首歌ｄ歌詞就超鍾意啦～可能我好鍾意歌詞ｄ意思掛＾＾”
>>December 20, 2004 at 5:37:18 PM GMT+8
2004 年 12 月 12 日 星期日 【微冷】
ｏｖｅｒａｌｌ今日全日都叫做開心嘅．．．除咗您陪唔到我，我又掛住玩冇份幫您手個心有ｄ唔好意思，同埋唱ｋ時中間一折嘅小插曲外，我過得好開心呀！
今日下午唔駛上ＩＴ堂，所以我哋決定去唱Ｋ～哈哈．．．我哋終於有時間可以一齊唱Ｋ啦．．．每次唔係我要開會就係總有ｄ事唔可以一齊去～今日有得唱真係超開心架！！！有呀呆、陞陞、呀姍仲有呀蚊～ｙｅａｈ＾＾”我哋ｏ係ｋ房玩到有ｄ癲癲地添ｈｅｈｅ＾＾ 估唔到同我哋平時唱ｋ一樣，唱完又去打機ｌｕ～哈哈．．．．．．ｏ係天天打唔夠，仲走埋去金星度打，其實可能真係因為我勁想打嗰部機，所以要去埋金星度玩先捨得返屋企。
好白痴呀我，整到個書包濕哂呀！好彩有Ｃｈｅｒｒｙ同Ｔｉｍｏｔｈｙ嘅ｔｉｓｓｕｅ相救，如果唔係就．．．唔知啦～～～Ｔｈｘ！
【就是愛】
氣象說溫度驟降 我預言愛情是晴朗
心能感應冷熱變化 眼神它反映著溫差
直覺在瞬間的剎那 這回真的被電到啦
怎麼辦 夢裡想你你裝傻 怎麼辦
知道我要什麼 MY GOD 如果愛像微風
和你一起吹過 連空氣味道都變成甜的
當我才發覺 就是愛 世界變了 當你在傳達
你愛我 手牽著我 當我正想你 就是愛
天空晴了 當我抬起頭 你在眼前了
我不做響應沒說法 答案卻都寫在臉上
擋不住嘴角也上揚 你眼睛突然眨一下
表情就靜止停在那 心怎麼跳的不像話
怎麼辦 夢裡想你裝傻 怎麼辦 知道我要什麼
MY GOD 如果愛像微風 和你一起吹過
連空氣味道都變成甜的
當我才發覺 就是愛 世界變了 當你在傳達
你愛我 手牽著我 當我正想你 就是愛
天空晴了 當我抬起頭 你在眼前了
《您喜歡，所以我喜歡》＜－－－（我要用普通話講嘅～）
>>December 13, 2004 at 6:34:07 PM GMT+8
2004 年 12 月 11 日 星期六 【晴】
我今日係好唔開心，本來想搵你哋陪下我，同我傾下計．．．但最後都冇做到～Ｅｍｉｌｙ點解你唔打返電話俾我，我本來有好多嘢好想同你講架，係咪因為你知我同緊佢一齊所以唔想阻住我呀？？？但你知唔知嗰刻我真係好想有你哋任何一個人陪ｏ係我身邊～可惜過咗去啦．．．可能真係要大個啦～有好多嘢需要自己解決．．．．．人哋未必再能夠咩都陪我幫我解決～
多嘢諗到底有冇錯？會否真的想得太多？簡單一點，單純一點，會否過得比較開心？聰明得還未夠，要是真正聰明就不會被人發現～我不想處於這個位置，笨一點–我會過得快樂一點；聰明一點–會令您過得少煩惱一點，可是現在偏偏兩樣都不是！
我會改，但希望我改咗之後唔會係一個令我會後悔嘅改變。
我睇咗【天下無賊】同【合盜偷天】，兩套戲有ｄ似，可能因為都係講偷嘢啦～不過兩個結局好唔同，華華嗰個當然唔想佢．．．而另外一套就真係估唔到賊中有賊．．．同人生一樣，唔到最後都唔會知個結局到底係點！亦有可能當你以為係結局嘅時候，往往仲有ｄ嘢係未知架！【天下無賊】我睇廣東話配音，比較攪笑，我相信原裝國語會感人ｄ～華華長頭髮真係好核突呀．．．都係短頭髮又靚仔又型！哈哈．．．＾＾
>>December 11, 2004 at 9:05:22 PM GMT+8
2004 年 12 月 6 日 星期一 【颳風】
今日知ｃｏｍｍｅｒｃｅ上次ｔｅｓｔ幾多分啦～勁驚唔合格架，不過好彩冇唔合格呀！！！如果唔合格，我個ｅｘａｍ就真係．．．唔知會點啦～一定要用萬二分精神去溫啦～
買咗個銀包啦．．．＾＾ｈｅｈｅ宜家用緊啦～佢好瘦架．．．唔似得以前嗰個咁肥，我諗佢以後都係咁瘦架啦～（希望啦＾＾”）
今日大口生日呀！生日快樂先～＾＾
>>December 7, 2004 at 5:29:19 PM GMT+8
|
![]()
 我係......
經常都係一個講就無敵,做就無能為力o既人
有陣時會係一個對人就歡笑,背人就垂淚o既人
想更清楚了解我就關心下我啦～～～
留言板去下啦～>
|
廣告 |
|
|
讀者留言 |
| 路人留言
|
 嘩！現在你地個個都去買!~
<b
>>September 18, 2006 at 9:30:33 AM GMT+8
真係咁咩.........???
>>August 10, 2006 at 9:14:04 AM GMT+8
哈哈!~隻野真係醒目啊!!~
<
>>June 29, 2006 at 11:51:41 AM GMT+8
黎偷睇你ge日記~
<br>梗係
>>May 22, 2006 at 5:55:55 PM GMT+8
知就好啦......^^
<br
>>April 23, 2006 at 11:05:50 AM GMT+8
唔....o的咁貴價o的野都係唔
>>April 10, 2006 at 4:33:19 PM GMT+8
是呀!包容與忍耐很重要,尢其是與
>>January 11, 2006 at 11:35:29 AM GMT+8
HAPPY NEW YEAR~~
>>January 2, 2006 at 11:03:12 AM GMT+8
恨心？
<br>
>>December 17, 2005 at 5:33:39 AM GMT+8
太過份了
<br>你要返學ar~
>>November 19, 2005 at 8:03:45 PM GMT+8
Hello!!家下O的學生原來咁
>>November 9, 2005 at 2:54:26 PM GMT+8
知唔知我係邊個先?哈哈
<br>
>>October 8, 2005 at 11:47:16 AM GMT+8
我有睇你日記家~~~~
<br>
>>September 16, 2005 at 7:28:27 PM GMT+8
嘩！做乜咁睇唔開食咁辣o既野丫
>>August 23, 2005 at 1:36:47 PM GMT+8
好耐無上來視察下lu....
<
>>July 8, 2005 at 3:33:03 PM GMT+8
哇...真係睇到我頭暈眼花~_~
>>July 7, 2005 at 3:03:31 AM GMT+8
薯片問你幾時再帶佢散步？？
<b
>>June 29, 2005 at 6:23:07 PM GMT+8
哈哈...你都知你好耐冇打日記呢
>>June 21, 2005 at 3:27:23 AM GMT+8
我哋幾時一齊出來呀
>>June 4, 2005 at 4:24:38 PM GMT+8
我相信比你食到幾舖十三么,咁你一
>>May 31, 2005 at 2:18:09 PM GMT+8
呵呵~~
<br>我終於可以罵得
>>May 26, 2005 at 5:37:18 PM GMT+8
你多d update 你個日記呀
>>May 21, 2005 at 4:31:05 AM GMT+8
好慘!!!!
<br>
<br>
>>May 9, 2005 at 11:02:32 AM GMT+8
BABY!!你最愛對我的存在一d
>>April 28, 2005 at 6:28:37 PM GMT+8
Thx喎!!
<br>會照顧自己
>>April 27, 2005 at 10:30:33 AM GMT+8
HI~~~ｂａｂｙ！
<br>鼠
>>April 26, 2005 at 3:20:44 PM GMT+8
溜冰...唉!!
<br>我都好
>>March 30, 2005 at 11:05:27 AM GMT+8
你快d睇下我個dairy la
>>March 26, 2005 at 3:05:31 AM GMT+8
＾＾
>>March 23, 2005 at 5:24:56 PM GMT+8
我都好想返學校見下啲
>>February 3, 2005 at 5:57:53 AM GMT+8
HALO~~~~~
<br>等我
>>January 21, 2005 at 6:15:33 AM GMT+8
我會支持你架．．．．．．．
<b
>>January 6, 2005 at 5:07:12 PM GMT+8
happy new year..
>>January 1, 2005 at 1:10:42 AM GMT+8
仲未返來嗎?
<br>好掛住你呀
>>December 31, 2004 at 2:23:04 AM GMT+8
HehE.....^^.....
>>December 25, 2004 at 3:46:14 PM GMT+8
^^ 我令願我銀包係肥肥的
<b
>>December 8, 2004 at 11:43:50 AM GMT+8
擁有一個人就一定要好好去愛他,唔
>>November 20, 2004 at 7:08:11 AM GMT+8
我地會有大把CHANCE的/..
>>November 19, 2004 at 4:24:03 PM GMT+8
睇到你同竹竹的日記都話Emily
>>November 15, 2004 at 11:19:05 PM GMT+8
你忙完了學生會没有
>>November 14, 2004 at 8:44:34 AM GMT+8
硬係多人睇啦...咪講笑....
>>November 8, 2004 at 11:53:49 PM GMT+8
相愛簡單，相處難，但是分手更難
>>November 7, 2004 at 5:38:53 AM GMT+8
""尋晚你終於講到我想你講
>>November 5, 2004 at 2:08:00 PM GMT+8
最早到係fat Ping ar!
>>October 29, 2004 at 10:03:39 AM GMT+8
請支持一號RAINBOW...
>>October 26, 2004 at 11:29:09 AM GMT+8
我都覺得套戲真的好好睇呀!!!
>>October 19, 2004 at 12:09:29 PM GMT+8
thx a lot ,i wil
>>October 11, 2004 at 1:38:30 AM GMT+8
SAMMI 呀～！
<br>
<
>>October 10, 2004 at 12:19:41 PM GMT+8
你係唔係咩到呀!!!
<br>飲
>>October 8, 2004 at 1:13:20 PM GMT+8
old 's one don't
>>September 21, 2004 at 12:32:30 PM GMT+8
|
|
今日好興奮、好緊張又好開心呀～～～我做咗件事係我四年前嘅我唔會去做，而且唔敢去做嘅事！今日我ｏ係荃豐最後嘅商場位置，見到我成日都想撞見嘅一個人（我相信了解我嘅都應該估到係邊個架啦～）係！就係斌佬啦．．．我又撞見佢啦！見到佢就立即諗返起我有事需要佢幫我手，就係想佢幫我學校做一做三人籃球比賽嘅評審～但我誓估唔到，我真係夠膽走去問佢可唔可以幫下手＾＾其實由見到佢，到佢經過身邊，再到佢行過幾個商場後，我先鼓起勇氣跑去問佢嘢．．．我相信我當時嘅心情、表情同動態最清楚就莫過於Ｌｉｎ Ｌｉｎ同蕃茄啦～～～因為佢兩個就睇住我到底會點做，到我真係走咗去搵斌佬後，佢哋又企去一個地方度等我，冇走咗去～我攞咗佢手提架啦．．．不過未打返俾佢囉～不過我相信我好快會ｃｏｎｔａｃｔ佢，希望佢唔係厄我真係得啦～ｈｅｈｅ＾＾
真係唔好意思啦～本來應該上個星期日就會打日記架啦．．．不過唔知點解冇啦啦上唔到網，所以咪冇上到嚟打囉～今日見好似冇乜嘢做咪打去問下到底咩事上唔到網囉．．．但我到宜家都唔知個原因係咩～～～我只知佢話我由１２月２４日嗰日開始ｃｏｎｎｅｃｔ咗之後，就一路都冇ｄｉｓｃｏｎｎｅｃｔ過啦．．．好彩無限上網咋，如果唔係條數就真係唔知點計囉．．．不過頭先真係唔該哂中生呀！！！全靠佢教下我到底點攪部腦咋．．．Ｔｈａｎｋｓ＾＾
今日等我動一動手寫日記先．．．可是我的日記已經唔可以再叫日記ｌｕ～我都唔可以日日去記低我想記低嘅嘢，我已經差唔多變成一個星期先寫一次嘢～唉．．．．．．
尋日您生日呢～生日快樂呀！＾＾”我呢個做女朋友嘅真係可算差極啦．．．又冇準備咩同您慶祝，又未買禮物就夠膽死走出嚟搵您，不過，冇計啦～唔搵您又點買俾您呢，哈哈～（真係懶到出汁呀～咩都唔駛諗！好彩您唔嬲咋＾＾ｈｅｈｅ）
近呢兩日成日都同您嘈．．．星期六、日都冇得見您，ｏ係電話度同您嘈真係好唔好受架．．．因為完全唔知點咁，有好多嘢又唔知應該點講～不過好彩都唔係好嚴重啫．．．