|
2005 年 9 月 15 日 星期四 【晴】
估唔到我宜家又再o係su room打日記啦~~~唔記得對上次嗰次o係幾時lu~~~不過ja係証明我宜家又冇乜事幹stay咗o係房囉....我今日淨係得一堂marketing要上仲要係上一個鐘咋.......仲要係返上午9:30至10:30呀~~~~~好眼瞓呀.....不過我冇瞓到....唉.....上一個鐘.....真係唔知攪咩~~~so我宜家咪o係度幫手收下書....得咪打兩隻字.....囉~~~~如果唔係我返到屋企又想瞓,咁我又唔會開電腦呢打日記架啦!!!~
唔知係咪呢個星期未算係正式上堂,所以我都仲係未係好慣,而且又冇乜邊個同我同班....攪到我好lonely添....(講下笑咋....)我希望我同您都可以俾心機o係呢年讀好dd書....我哋要一齊向scholarship進發......哈哈~~~~~~~加油加油加油!!!!!!!!
雖然發生咗好多不如意事,但我都唔想多提啦~因為宜家我都唔知會有邊d人係真係會嚟睇我打既日記....(如果明我講咩既就當然好啦~如果唔明,我就有時間既時候,同大家吹返水囉......)我唔想話o係到單打邊個....我會比面人哋既.....唔會好似有d人唔用腦,唔識大體唔識比面人哋當眾暗串....不過我算....我聽完,又有人support我,我驚咩呀!!!!!係囉.....大家睇得明就明啦..睇唔明....就當唔記得算啦........打住咁多先~~^^~~
>>September 16, 2005 at 3:45:39 AM GMT+8
2005 年 9 月 12 日 星期一 【晴】
尋日就係我哋開學既大日子.....我真係估唔到真係一開學就要上埋堂,仲要係一上就上到5:30,我上年都未試過遲過4:30放學....但我都淨係星期一放咁晏ja~~~其餘都放1:30,所以我都想搵d嘢攪....
第一日係同細明一齊約咗o係荃灣等,then一齊搭車返學,因為佢宜家o係青衣ive讀,所以就一齊返lu~不過我同佢對完timetable後,又發現完全唔match呀~~~so我諗我哋應該好少見架la.....
尋日好樣衰地俾竹竹同呀鼠撞到....嗚........竹竹我成日都俾你發現我d嘢~~~我唔制呀~~~
我同您唔同班lu~~~要學下自己一個人上堂lu...希望您同我都俾心機一齊讀書啦~~~加油加油加油!!!!!
我又俾人話我唔打日記啦.....不過我又知多咗,原來又有多d人係會嚟睇我日記架.....
我一路同大口傾計一路打日記,攪到唔知打咩好添......諗唔到住呀!!!我要瞓覺啦~聽日又要返學.......都夜啦!!!
>>September 13, 2005 at 4:29:51 PM GMT+8
2005 年 9 月 8 日 星期四 【乍寒還暖】
尋日終於完成咗個o'camp啦.....唉~返到出嚟同我原本想像差唔多啦,我又暈咗囉......一瞓又瞓返十幾個鐘先起返身....
我o係呢個o'camp真係得到咗好多嘢,但我亦有發現我失去咗一d嘢(雖然我唔知自己到底係諗得多定係真係發生咗...但我向來d直覺都唔差呀!!!)我好開心我多咗一班仔仔囡囡,佢哋都叫做乖架啦....換轉係我........哈哈~唔知呢....今次我既第一次咁就俾咗佢哋啦.....(我班仔仔囡囡)我真係第一次帶住一班人,其實都算係咁啦....佢哋都平平安安咁.....雖然佢哋既表現唔係話特別特出,但我經已好開心,佢哋會有聽我講既時候,雖然我嗰team係好似比較多問題出現,又唔係話可以即時解決,但佢哋都有講返d意見俾我聽,而唔係真係當我冇到.....(已經感動..>_<...)
失去既我唔講啦....因為雖然我話自己d直覺準ja,但我都係唔太想提啦....
估唔到既可以話係我自己既忍耐力,估唔到我都真係變得好假.......
我有事呀.....我覺得個心有d好辛苦既感覺呀!但我唔知係因為d咩呀.....我宜家自己淨係o係度係咁喊...但我解決唔到自己嗰種感覺呀......我想知自己又做咩.......到底又發生咗d乜事,我係咪傻咗呀......做咩d眼淚就係咁流,但我自己就根本唔知自己做緊咩......做咩事呀.........我淨係知自己好想喊.....但我唔知自己做咩要喊......我係咪有病呀????
我要瞓啦.....但唔知個抌頭會唔會俾我整到濕哂呢~~~
>>September 8, 2005 at 7:36:10 PM GMT+8
2005 年 8 月 31 日 星期三 【乍寒還暖】
啱啱我打咗篇嘢又唔見咗lu~~~唉~~~算啦.......我其實都係想打我唔捨得呀基,我唔捨得polly.....個個都走,我都想走呀!!!!!!!但我仲有好多嘢要做呀!!!!!
我發現最近情緒有問題,經常難控制,唔係好似以前咁大癲大"肺"笑唔停上身嗰d問題,而係相反唔識笑嗰種咁煩既問題,大家都知我唔笑個樣係人都想打架啦.....唉~~~好煩呀!!!!!
係呀!開學啦....大家又要開始俾心機啦.......又要努力努力啦~~~
對唔住各位,我最近都唔可以同大家一齊,又或者話會覆大家電話,但之後冇咗件事,sorry~~~~我知你哋會原諒我既!!!!!
好攰呀!!!!點解.........
>>August 31, 2005 at 5:28:38 PM GMT+8
2005 年 8 月 24 日 星期三 【晴】
hehe^^我見宜家得閒咪上嚟打下兩隻字囉....如果唔係我都唔知幾時先可以上嚟打日記lu~~~
哈哈......我尋日又睇多一次"千杯不醉"啦~~~我話想睇多次,當然要去啦.....唔知呀!~其實我覺得套戲有好多嘢都講得好啱架.....但我都知有好多嘢大家都會知係啱定係錯,但往往大家都可能唔會咁理智去一到所有事都會做得啱....
雖然呢兩日都唔駛返學校幾好呀.....不過尋日我做咗一樣嘢,呢樣嘢我真係以後有機會都唔想再試啦~~~~~就係清黑頭!!!整緊既時候我真係想死呀....我最後都係忍唔到流哂眼水....最唔開心就係一照鏡見到自己塊面腫咗...又紅.....唉~~~跟住我又唔知做乜鬼自己控制唔到自己..o係度係咁喊,又攪到emily同calvin嘈.....唉~最衰都係我....兩個都係關心我咋ma~但就攪到佢哋嘈交....不過好彩夜晚既時候就冇事lu~~~~~算啦~d唔開心嘢唔好提啦.....
哈哈~~~我哋o'camp都叫做收齊人lu.....yeah~~~
我希望.........................好多好多~~~唔講出嚟啦.......
>>August 25, 2005 at 5:35:40 AM GMT+8
2005 年 8 月 22 日 星期一 【晴】
我又唔知格咗幾多個世紀冇嚟寫日記lu~~~真係對唔住自己,就更對唔住d會成日上嚟睇我會唔會update diary既朋友仔.....=_="成日都令你哋失望....
呢幾日.....其實都要數好星期啦~~~我斷斷續續咁都返咗好多日學校,我相信有打過電話搵我既都知我到底返學校攪d咩架啦~~~如果唔知又想知既話咪得閒打個電話嚟關心下我囉.....如果真係好忙既,咪send個message嚟囉.....我就實知你有搵過我架啦~~
今日原本都好好地架....不過唔知係因為私事定因為公事...下半段既時候我真係好心灰意冷,可能我因為公事多d啦~~因為我連同人講時都係話返d公事,dd私事都冇提過,除咗同您講囉........我哋o'camp仲未搵夠人呀!!!!好希望聽日真係可以搵掟佢呀~~~因為真係仲有好多嘢要跟.....而且仲要plan舊書買賣啦.......噢~~~(加油加油加油!!!!!!!!!!!)
頭先啱啱買咗兩條牛仔褲.......嘩~~~我真係好勞氣囉......嗰個sales.....唉~~~我都唔知佢係咪想唔做,如果真係咁唔想做咪走囉......有病架佢.....攪到我好嬲呀!!!(我返到屋企諗返,係咪最近我少去呢d地方買3呢....我好似好唔鍾意佢哋d服務態度囉......)攪到我好似有少少對emily發脾氣添~~~sorry^^"
中生o係我同emily由學校走時叫我哋一齊去食飯呀~~~去荃廣下面嗰間叫滇家菜度食.....d嘢食都ok架.....不過條辣蕉就真係可以辣到我條舌痺哂呀~~~嘩......好激呢~~~
星期六睇咗結他表演.......星期日就同大家睇咗"千杯不醉"都幾好睇架.....我仲想睇多次呀~~~其實之前我仲好睇"冬蔭功"仲有"活死人地帶"......唔知仲有冇寫少,不過是蛋啦~~~寫住咁多先啦~~~
>>August 22, 2005 at 4:52:18 PM GMT+8
2005 年 8 月 12 日 星期五 【乍寒還暖】
嘩!好耐好耐都冇打過日記啦~前排就因為真係超級忙就連電腦都懶得想去開,更可況話打日記…….不過我點都要打打之前嗰幾日去咗台灣d嘢既~~咁開心點都值得我用d時間去記低既~
7月26日 我仲記得前兩日既時候有人同我講話(啱啱先發現)自己passport過咗期,我當時淨係知道自己一路o係度諗,唉~~~唔通第一次去交流團就要自己一個人孤伶伶咁過,不過…..香港始終都係一個講求效率既城市,果然一日就攪掟哂~~~咁我又唔駛諗埋d灰嘢啦~~哈哈^^” 我俾人客完之後,又到我客返人啦~~估唔到我又一次失策,攪到自己唔舒服,今次好似仲要唔係好少事,今次我真係好辛苦,但我又真係幾唔想睇醫生,but最後我都係俾您既關心迫咗去睇lu~~~噢~~~原來係生蠔+燒味攪到我中”蕉”….哈哈~您送我返屋企呀!~~真係第一次啦!!!~~~其實都幾唔捨得架,因為明知自己聽日就要上機,自己要好幾日後先可以見返您…..雖然自己係好唔舒服,不過個心又真係好開心…….
我哋一行十一人就坐咗架飛機” 飛”咗去台灣lu~~~雖然大家都唔係第一次見面,但大家都仲係比較陌生咁…..不過正因為咁,我就更加想去快d熟絡大家…..
第一晚就同台中的ymca幹員玩,佢哋俾我既感覺都係好熱情,好正!~哈哈……我仲第一次坐男仔電單車車尾添.雖然唔係”烈火戰車”係”綿羊仔”ja, 但都幾好feel架,佢叫呀sam呀~~~哈哈~佢哋好正架,個個都有”綿羊仔”既,攪到我勁想學,然後可以返學出街用呀!!!
7月28日 上面就當我寫埋7月27日啦~~~嘩…一早就見到好多小朋友呀!~我哋去科博館參觀,嗰度都幾得意,幾多嘢睇架..仲有靚女添呀!~我覺得佢好似應采兒架!~係呀!差d唔記得提起Angel添,佢好可愛架,佢仲送咗個鎖匙扣俾我呀!!!去完科博館就去國小,仲多細路呀!!!同佢哋一齊食lunch同玩,佢哋有午睡架……..kawaii^^”
7 月29日 我好期待既一日,玩獨木舟呀!~最衰咩啦~~如果唔係我一定自己試下玩單人同落水游下架,日月潭bo~~淡水呀!~真係未試過……去獨木舟前,我哋去咗酒廠同紙寮,唔好俾酒廠個名厄到呀!因為完全係一個賣嘢既地方多過酒廠囉….so又買咗d嘢食啦~紙寮就真係好紙寮啦~~不過唔知點解好似似曾相識……
7月30日 唔知點解我最深刻印象就係嗰晚開會,雖然晚晚都要開,但唔知點解我就覺得嗰晚最開心!~仲有正太呀!~~我覺得佢好得意好叻呀!~~
7月31日 最樣衰的一天,極速十分鐘,換3刷牙拾嘢……仲差d唔記得帶眼鏡…….唉~阻住哂人哋去睇唔知咩乓,我覺得嗰d乓好攪笑架個樣,不過有個幾靚仔既~~仲有去行101,不過冇玩部lift,其實我幾想玩架,因為冇時間冇計!~
話咁快就五日啦~整體上我都覺得好開心,好好玩,不過時間比較急,好似好多嘢都好趕,但最令我開心就當然係識到大家啦!~^^”
>>August 12, 2005 at 7:30:39 PM GMT+8
2005 年 7 月 24 日 星期日 【乍雨乍晴】
今日係離開香港前一日(希望我真係去得成啦~)話哂都第一次呀ma~~
今日真係好辛苦呀.......好耐冇試過咁樣啦~要諗返起對上嗰次都好好好耐啦..應該係低form既時候,嗰次仲可怕,嗰次我入埋急証室,俾護士打針,不過今次點都心情唔同,我諗多咗好多嘢,我今日既感覺真係好辛苦,雖然我真係唔想任何人去擔心我,但我又確實厄唔到人,辛苦就係辛苦...我個肚真係好痛...想嘔....但我今日除咗感到辛苦外,另一種感覺係好好多架...雖然我真係開心,但真係好可惜點解我笑唔出.....您陪我睇醫生,您同我食粥,買嘢,買話梅,您仲送我返屋企,今次係您真真正正第一次送我返屋企呀!!!我一定會記得今日架.....^^
雖然我真係好唔舒服,但我點都想記一記底.....so打住再多啦.....我要再瞓覺啦~~~
>>July 25, 2005 at 3:55:27 PM GMT+8
2005 年 7 月 23 日 星期六 【乍雨乍晴】
我其實我唔係好想打日記.不過好耐冇上嚟打啦...點都要打返幾隻字既.......
唉~~~其實我前排一路都唔係幾開心,所以都冇上嚟,雖然唔係真係因為話唔開心所以先至唔上嚟囉...
我今日聽咗好多歌呀.....除咗d原本自己有既歌之外,有好多都係蝦米仔send俾我既,尤其是d ktv呀!!!唉~~~~好多都好多feel呀.........>_<...........其實我好想喊架,但我到最後都係冇喊到既........我要堅強d呀!!!!
>>July 23, 2005 at 10:07:43 PM GMT+8
2005 年 7 月 14 日 星期四 【乍雨乍晴】
今日去咗油麻地攞特區護照啦~好核凸呀!!!冇計啦...張相影得咁衰~~~我差d唔記得帶張紙去攞,成日都覺得自己冇乜記性....都唔知好定唔好~雖然d唔開心嘢可以忘記得快d,但d重要嘢就唔記得哂....
尋日收到大口既電話好開心呀!!!因為佢收到我寄俾佢既信啦~~~仲有本會刊呀!!!我哋仲傾咗好耐電話添,傾到舊電冇哂電,尋日denise都打電話俾我呀!!!都好surprise...好彩我等既電話都最後有打到俾我,如果唔係我就實發脾氣架...尋日我同呀撈,calvin一齊o係旺角食飯,一間茶餐廳....冇咩好既評語~~~本來想去tomato架,但原來經已執咗啦....噢~~~
之後細明收工就搵埋我哋去咗朗豪坊食糖水,嗰間叫做滿記呀!!!我覺得同細明一齊傾計玩好攪笑呀!!!跟住我哋食完都好快走咗la...因為嗰度都收鋪啦~唔好阻住人哋ma....haha^^
我真係幾鍾意嗰個袋架.....不過大家俾佢既評語好似都唔係咁好咋bo~而且仲有d係超反對我買添~點呢....我又好似冇乜其他choice啦bo.....
係啦....我記得啦....細明講咗d好似好有道理既嘢呀!!!就係"我唔係嫌棄呀!我係放棄!!!"........嗯!唔知點解我突然覺得好有feel,係囉....嫌棄同放棄真係好大分別,嫌棄都仲有忍耐,而放棄就真係咩都冇架啦.....
我哋今日撞到王sir,以前教physics嗰個呀~~~唔知我哋係咪客親佢呢~~~
啱啱做咗d嘢,唔知係錯定.....白痴!!!
>>July 15, 2005 at 6:23:39 PM GMT+8
|
![]()
 我係......
經常都係一個講就無敵,做就無能為力o既人
有陣時會係一個對人就歡笑,背人就垂淚o既人
想更清楚了解我就關心下我啦～～～
留言板去下啦～>
|
廣告 |
|
|
讀者留言 |
| 路人留言
|
 嘩！現在你地個個都去買!~
<b
>>September 18, 2006 at 9:30:33 AM GMT+8
真係咁咩.........???
>>August 10, 2006 at 9:14:04 AM GMT+8
哈哈!~隻野真係醒目啊!!~
<
>>June 29, 2006 at 11:51:41 AM GMT+8
黎偷睇你ge日記~
<br>梗係
>>May 22, 2006 at 5:55:55 PM GMT+8
知就好啦......^^
<br
>>April 23, 2006 at 11:05:50 AM GMT+8
唔....o的咁貴價o的野都係唔
>>April 10, 2006 at 4:33:19 PM GMT+8
是呀!包容與忍耐很重要,尢其是與
>>January 11, 2006 at 11:35:29 AM GMT+8
HAPPY NEW YEAR~~
>>January 2, 2006 at 11:03:12 AM GMT+8
恨心？
<br>
>>December 17, 2005 at 5:33:39 AM GMT+8
太過份了
<br>你要返學ar~
>>November 19, 2005 at 8:03:45 PM GMT+8
Hello!!家下O的學生原來咁
>>November 9, 2005 at 2:54:26 PM GMT+8
知唔知我係邊個先?哈哈
<br>
>>October 8, 2005 at 11:47:16 AM GMT+8
我有睇你日記家~~~~
<br>
>>September 16, 2005 at 7:28:27 PM GMT+8
嘩！做乜咁睇唔開食咁辣o既野丫
>>August 23, 2005 at 1:36:47 PM GMT+8
好耐無上來視察下lu....
<
>>July 8, 2005 at 3:33:03 PM GMT+8
哇...真係睇到我頭暈眼花~_~
>>July 7, 2005 at 3:03:31 AM GMT+8
薯片問你幾時再帶佢散步？？
<b
>>June 29, 2005 at 6:23:07 PM GMT+8
哈哈...你都知你好耐冇打日記呢
>>June 21, 2005 at 3:27:23 AM GMT+8
我哋幾時一齊出來呀
>>June 4, 2005 at 4:24:38 PM GMT+8
我相信比你食到幾舖十三么,咁你一
>>May 31, 2005 at 2:18:09 PM GMT+8
呵呵~~
<br>我終於可以罵得
>>May 26, 2005 at 5:37:18 PM GMT+8
你多d update 你個日記呀
>>May 21, 2005 at 4:31:05 AM GMT+8
好慘!!!!
<br>
<br>
>>May 9, 2005 at 11:02:32 AM GMT+8
BABY!!你最愛對我的存在一d
>>April 28, 2005 at 6:28:37 PM GMT+8
Thx喎!!
<br>會照顧自己
>>April 27, 2005 at 10:30:33 AM GMT+8
HI~~~ｂａｂｙ！
<br>鼠
>>April 26, 2005 at 3:20:44 PM GMT+8
溜冰...唉!!
<br>我都好
>>March 30, 2005 at 11:05:27 AM GMT+8
你快d睇下我個dairy la
>>March 26, 2005 at 3:05:31 AM GMT+8
＾＾
>>March 23, 2005 at 5:24:56 PM GMT+8
我都好想返學校見下啲
>>February 3, 2005 at 5:57:53 AM GMT+8
HALO~~~~~
<br>等我
>>January 21, 2005 at 6:15:33 AM GMT+8
我會支持你架．．．．．．．
<b
>>January 6, 2005 at 5:07:12 PM GMT+8
happy new year..
>>January 1, 2005 at 1:10:42 AM GMT+8
仲未返來嗎?
<br>好掛住你呀
>>December 31, 2004 at 2:23:04 AM GMT+8
HehE.....^^.....
>>December 25, 2004 at 3:46:14 PM GMT+8
^^ 我令願我銀包係肥肥的
<b
>>December 8, 2004 at 11:43:50 AM GMT+8
擁有一個人就一定要好好去愛他,唔
>>November 20, 2004 at 7:08:11 AM GMT+8
我地會有大把CHANCE的/..
>>November 19, 2004 at 4:24:03 PM GMT+8
睇到你同竹竹的日記都話Emily
>>November 15, 2004 at 11:19:05 PM GMT+8
你忙完了學生會没有
>>November 14, 2004 at 8:44:34 AM GMT+8
硬係多人睇啦...咪講笑....
>>November 8, 2004 at 11:53:49 PM GMT+8
相愛簡單，相處難，但是分手更難
>>November 7, 2004 at 5:38:53 AM GMT+8
""尋晚你終於講到我想你講
>>November 5, 2004 at 2:08:00 PM GMT+8
最早到係fat Ping ar!
>>October 29, 2004 at 10:03:39 AM GMT+8
請支持一號RAINBOW...
>>October 26, 2004 at 11:29:09 AM GMT+8
我都覺得套戲真的好好睇呀!!!
>>October 19, 2004 at 12:09:29 PM GMT+8
thx a lot ,i wil
>>October 11, 2004 at 1:38:30 AM GMT+8
SAMMI 呀～！
<br>
<
>>October 10, 2004 at 12:19:41 PM GMT+8
你係唔係咩到呀!!!
<br>飲
>>October 8, 2004 at 1:13:20 PM GMT+8
old 's one don't
>>September 21, 2004 at 12:32:30 PM GMT+8
|
|
估唔到我宜家又再o係su room打日記啦~~~唔記得對上次嗰次o係幾時lu~~~不過ja係証明我宜家又冇乜事幹stay咗o係房囉....我今日淨係得一堂marketing要上仲要係上一個鐘咋.......仲要係返上午9:30至10:30呀~~~~~好眼瞓呀.....不過我冇瞓到....唉.....上一個鐘.....真係唔知攪咩~~~so我宜家咪o係度幫手收下書....得咪打兩隻字.....囉~~~~如果唔係我返到屋企又想瞓,咁我又唔會開電腦呢打日記架啦!!!~
尋日就係我哋開學既大日子.....我真係估唔到真係一開學就要上埋堂,仲要係一上就上到5:30,我上年都未試過遲過4:30放學....但我都淨係星期一放咁晏ja~~~其餘都放1:30,所以我都想搵d嘢攪....
尋日終於完成咗個o'camp啦.....唉~返到出嚟同我原本想像差唔多啦,我又暈咗囉......一瞓又瞓返十幾個鐘先起返身....
啱啱我打咗篇嘢又唔見咗lu~~~唉~~~算啦.......我其實都係想打我唔捨得呀基,我唔捨得polly.....個個都走,我都想走呀!!!!!!!但我仲有好多嘢要做呀!!!!!
嘩!好耐好耐都冇打過日記啦~前排就因為真係超級忙就連電腦都懶得想去開,更可況話打日記…….不過我點都要打打之前嗰幾日去咗台灣d嘢既~~咁開心點都值得我用d時間去記低既~