2003 年 8 月 30 日 星期六 【晴】

又病喇．．．唉，都唔知乜事．．．今次仲嚴重！到依家都仲未好。

星期六晚已經有少少唔舒服，諗住早ｄ訓，第２朝應該冇乜事，點知，第２朝我又發燒喇．嗚～～～

但朝早訓覺其間，不停發夢，夢到杰倫簽名會ｄ情形，仲去埋機場送機。病都要諗起佢．．．直到１：３０自己突然醒左，咁岩佢個簽名會又係１：３０完，好奇怪。

起身之後覺得好辛苦，成屋都冇人，打俾媽咪又唔聽電話，於是就打俾大家姐，佢都訓緊覺，我出唔到聲咁滯，只可以用氣講野。打完俾佢之後我繼續訓，佢個幾鐘之後先返到黎，買左碗粥同ｄ煎釀３寶。我真係乜都食唔落，淨係好想睇醫生，好辛苦，又有少少咳喎，條友又係咁迫我食野，仲話要開冷氣添喎，變態架！人地仲要吹冷氣，人地咳仲買煎炸野．．．之後我又要等佢食野先可以出去，因為我出唔到聲，所以叫佢拎紙同筆俾我，佢成日都唔明我想講乜，搞到我好激氣！！我已經冇力，佢都唔扶下我，由得我死屍咁行落樓。我叫佢拎紙巾佢又唔拎，叫佢拎支筆俾我寫野，佢又拎支冇墨既，白痴！佢完全唔識照顧人！如果唔係我冇力，我寧願自己一個去睇。

去到急症室之後就探熱，成３９．９度呀！勁熱！！不過我諗呢個度數唔係最熱既時候。之後好快就到我睇喇，可能佢驚我係ｓａｒｓ掛，之後安排我去照肺同驗血，由３：３０到到７：３０先返到屋企呀！搞左成日．．．

>>September 2, 2003 at 1:16:50 AM GMT+8

2003 年 8 月 29 日 星期五 【晴】

今日，有係勁早起。好支力呀！！勁唔想起身，但最後一日返博文軒，所以我都死撐起身。一起身已經覺得勁喉嚨痛，唔想講野，即刻啪粒喉糖先。
我買左ｄ優之良品小食俾佢地，同埋帶相機影相囉。佢地唔係個個都鍾意食個ｄ野，得聰仔同葆琳即刻食咋，但係佢地食到成地都係！好麻煩！　聰仔今日又好曳喇，走黎走去，又大嗌喎！我好想鬧佢！但真係冇聲喇．
影左ｄ相，好好笑，佢地有ｄ唔想影，我夾硬迫佢地，哈哈！　
另外，今日有２個新同學，２姐弟（５才／３才），個細佬唔識聽廣東話，所以我要同佢講普通話，哈～可以乘機練習。
好想ｐｏｓｔ　ｄ想上黎，但我唔識呀！有冇人可以教我呀？？ｐｌｅａｓｅ～

到左ｌｕｎｃｈ　ｔｉｍｅ，我去左大圍ｈｓｂｃ　ｆａｘ　ｐａｓｓｐｏｒｔ，之後去富嘉入信俾王山，個信封我叫子濠幫我寫架！好可愛既細路字！仲要寫錯添！好小學ｆｅｅｌ呀！本來想買東海堂買ｃａｋｅｓ當ｌｕｎｃｈ，但諗諗下都係去百佳買雞蛋仔好，點知返到新翠先發現百佳檔野冇左．．．ｙｕｃｋ！　諗住買ｃｏｓｍｏｇｉｒｌ，但又好似冇乜野好睇咁，我驚知道左〔向左走向右走〕個故事之後更加想睇，到時睇唔到咪死！

晏晝繼續返田心，得雁柔一個，佢好快就畫完，咁就同佢玩啦。越玩越眼訓。突然，她唱起歌來了，是楊千嬅的可惜我是水瓶座。好勁呀佢！３歲咋，識唱ｄ咁既歌！我即刻６低左，哈哈～好好笑呀依家聽返！

到左５點，我就同張詠怡去左ｔｓｔ喇。行左陣美麗華，之後去新港，我終於買左個背囊喇！！ｙｅａ～！多謝ａｄａ＆ｇｒａｃｅ！麻煩哂！好鍾意呀真係！！連２個家姐都話靚～呵呵～～　跟住見到條ｍａｒｙ　ｑｕａｎｔ　ｎｅｃｋｌａｃｅ，＄２５０咋！好平！但麻麻地靚啫，所以唔買ｌｕ，之前個ｄ靚好多～　又行去ｖｉｖｉｅｎｎｅ　ｗｅｓｔｗｏｏｄ　ａｃｃｅｓｓｏｒｉｅｓ，長個ｄ電話繩得返２隻色咋，短個ｄ就有５隻色浄。因為買左ｂａｃｋｐａｃｋ，所以冇乜錢淨，於是行去ｌｃｘ”禁”錢，又去睇袁敏嫻同埋ｂｕｒｂｅｒｒｙ眼鏡框，好鍾意個框呀真係！好難得有岩我既框，好靚，好鍾意，但係好貴！呀～～～～～～～～～好鍾意！！如果中多次６合彩就好喇！我一定即刻買！！
”禁”完錢，就去左休息，坐響太陽傘下面，對住個海，好舒服～　但因為驚條ｓｔｒｉｎｇ賣哂，好快就行ｌｕ．．

點知去到，有２個男仔拎住條繩打算買，我同張詠怡即刻走埋去，唉，點知都係俾人買左！超尷尬囉！！！我ｆｅｅｌ到自己有面紅．．唉，好核突呀真係！　好彩個ｓａｌｅｓ話ｃｗｂ分店有，我俾左錢先，星期一有得拎。

我地去食野啦諗住，因為我喉嚨痛，唔敢食熱氣野，搞到響ｃｉｔｙ　ｓｕｐｅｒ個ｆｏｏｄ　ｃｏｕｒｔ度坐左好耐之後走人．．．張詠怡又話要食意粉喎，成個低ｂ仔咁！咁我地就去左ｓｐａｇｅｔｔｉ　ｈｏｕｓｅ買ｔａｋｅ　ａｗａｙ去新港食，食完就返屋企ｌｕ。

我覺得今日買得好少野囉！又行得好少地方，９點就走喇，好早～　張詠怡又話支力喎，我一行街就好精神架喇！　今日飲左杯５花茶同一杯銀菊露，但喉嚨仍然好痛。
〔喉嚨痛得要死　連腸胃也翻起
好比吞了洗衣機　還頭痛得要死
連眉目也縮起　要這是為你起
如何和醫生說起　如何和醫生說起
和陳醫生說起 〕

搭車個陣笑到好辛苦，成個人精神哂！張詠怡話約王山聽朝食早餐，但個個都話早得滯，後尾ｃａｎｃｅｌ左，中途講咩快閃黨，好好笑！

黃蕙珊，祝你一路順風！

聽日唔去杰倫簽名會喇！我失聲喇就黎！我諗我又係作病！好似咳咳地咁．
杰倫～你要加油呀！我地幾年後見喇！你一要要繼續紅落去呀！得間黎英國拍ｍｖ啦！ｙｅａ～

>>August 30, 2003 at 4:42:01 PM GMT+8

2003 年 8 月 28 日 星期四 【晴】

今日一早起身去中環。
我好鍾意中環呀～好多外國人，ｄ人個個都好似好有學識咁，走黎走去好忙；又多名店，ｄ櫥窗好靚！！就算ｗｉｎｄｏｗ　ｓｈｏｐｐｉｎｇ都好開心！
去到ｈｓｂｃ，我覺得自己好似大客仔，個個都好有禮貌咁對我，講英文又好聽喎，好鍾意～幫我開戶口個個人叫ｓｔｅｐｈａｎｉｅ（哈～又係ｓｔｅｐｈａｎｉｅ，好多幫我既人都係呢個名～）　佢好好人架又係，又係叫我好好珍惜去外國讀書既機會囉。不過佢係咁ｓｅｌｌ保險俾我，有ｄ煩．．．星期一又去過ｌｕ。

之後去左ｍｃｄｏｎａｌｄ’ｓ食新包，即係林嘉欣賣廣告個個．．．　好好食呀！！如果冇生菜會更好囉，都幾貴～３０蚊一個餐，都叫做平過ｕｋ既。

跟住我就搭車去黃竹坑運動場喇。等左盧詠恩好耐呀！！佢塞車，搞到我鬼死咁緊張，不設劃位，驚企得好後丫嘛！　排隊入場其間，我幫佢做左份問卷，通識科的，ａｂｏｕｔ２性平等，但我好似幫唔到佢．．．ｓｏｒｒｙ！　之後佢就送左份禮物俾我，好鍾意呀我！！好靚！！係ｍｅｌｏｄｙ既２００４年年曆，好岩洗呀！！勁多謝！！！呢份係我第一份收既禮物！真係勁感動！！！！多謝你呀盧詠恩！！

入到去冇幾耐就開ｓｈｏｗ喇，好熱好逼！！我出哂汗，好”立”．我地本來要企響ａ１，但太遠，所以自己走左去ｂ１睇，企響杰倫ｆａｎｃｌｕｂ隔離。佢地著哂會服，帶哂牌黎舉，我都有幫手呀！好靚架個牌，不過好尖！刮到好痛～　我仲同盧詠恩合照添！　

冇幾耐，杰倫就出場喇！佢打頭陣！！咁我地成堆就勁舉牌同尖叫啦～唉，但好可惜，佢淨係唱左首〔妳聽得到〕咋．．．樣都未睇清楚佢就走左喇．．．．．．．．．．．．　其餘都係ｄ無聊人，得ｅａｓｏｎ稍為好ｄ。

好支力呀！！！！！！企足４粒鐘！仲要一早起身喎！支力到吽吽地，搞到我好少講野，好唔好意思呀！！叫盧詠恩出黎又唔點同佢講野喎。但我真係好開心２年都同佢一齊睇ｓｈｏｗ架！勁多謝份佢禮物～我會好好利用它的！


>>August 30, 2003 at 3:29:21 PM GMT+8

2003 年 8 月 27 日 星期三 【晴】

今日終於拎左身份証喇！但係點睇我都唔似成人．．．連我自己都唔覺！唉．好低ｂ呀我，究竟幾時先可以變得ｍａｔｕｒｅ呢？

〔今天我心情有一點怪怪　可是說不出來到底為什麼〕好想搵交嗌＜＜＜好變態！但我就係咁架喇．好耐冇喊過喇，想搵ｄ野發洩下！
今日最想鬧既人就係我媽，我真係好想鬧佢！！但我做唔出！佢隻耳好有問題，所有野我都要講３次佢先聽到，我講得大聲又好似好冇禮貌咁，次次都係第３次佢先聽到，講到我都發忟喇，對住佢都唔想同佢講野！！成日都　”下？講多次？”　煩到死！淨係我講野佢先聽唔到架喎！其他人佢又聽到，都唔知佢做乜．．．

我又買野喇．．．唉，敗家女！日日都勁洗錢，我唔想咁呀！！！

近排，每日都充滿住周杰倫，依家睇緊ｃｈａｎｎｅｌ　ｖ又有佢喇，佢同個女仔一齊彈琴，個女仔好犀利，又識打鼓喎，仲係要勁個隻！佢叫張詠晴，同張詠怡差一隻字咋，但我覺得張詠晴勁少少囉！

聽日會同盧詠恩睇太陽計劃閉幕音樂會，舊年都係同佢去，所以今年特登搵返佢一齊去！好耐冇見佢喇好似．我諗聽日可能係我最後一次見佢。
今年主題曲由孫燕姿唱－－〔太陽底下〕，但係佢可能黎唔到呀！本來係２４號舉行，但因為颱風，所以改左聽日，我諗冇左燕姿，盧詠恩會勁失望，好唔想去，覺得好無聊，去黎唔知做咩．．．ｅｔｃ．一定會咁！佢依家好似冇咁鍾意周杰倫啦，都唔狂熱既。舊年同佢睇，好開心架！我地２個都勁嗌囉，好好笑！佢又幫我一齊嗌杰倫，又一齊ｈｅｒ謝霆ｘ，到左燕姿出場，我都估唔到盧詠恩可以咁有爆發力架！佢尖叫，係勁尖個隻！但今年可能冇咁好玩ｌｕ．．．

>>August 28, 2003 at 12:32:38 PM GMT+8

2003 年 8 月 26 日 星期二 【晴】

最近有很多歌都很好聽～　都是國語歌

ｅｅｅｅｅｅｅｅｅｅｅｅ！！！！ｔｗｉｎｓ在勁歌中唱陳綺貞的〔還是會寂寞〕，唉，唱得超難聽！糟蹋了一首好歌，她們想唱和音，但真的唱得很爛！唉．．．


風吹亂頭髮 黑暗星空下 無盡的公路 無盡的自由
我需要 run away run away 不想再懷疑自己對不對
甩開一切無所謂 就快去 run away run away
我可以 run away run away 不想再懷疑自己對不對
是為自己不為誰 不在乎的 run away
很多人再說 不斷的一直說 必須這樣子做 不能夠那樣做
卻又沒有辦法在自己的生命中突破 oh ya~
如果再不走 就永遠不會走 別讓自己再回頭 沒掙扎怎能夠有自由 快走
[陶吉吉 runaway]

放心離開 我我會記得這一刻
那些還飛翔著 不可思議的夢
雨後的天空 會有絢爛的彩虹
像最初相信著 我會找到 自由

Oh 只是遠行 不是逃避
告別 是為延續回憶永恆的華麗
你 要照顧自己 不要忘記 那些燦爛過的痕跡
[孫燕姿 THE MOMENT]

唉 懶得去管 順其自然 天空為你我而藍
煩腦拋開 腦袋空白 糊里糊塗也不壞
[孫燕姿 懶得去管]

你是電 你是光 你是唯一的神話
我只愛你 You are my super star
你主宰 我崇拜 沒有更好的辦法
只能愛你 You are my super star
[S.H.E. Super Star]

河濱公園 我們肩並肩
草地綠得太鮮艷 說不出口那句再見
想一遍 初戀的感覺已走遠
我們都看見 結局在改變

河濱公園 我們將手牽
太過幸福的夏天 不適合說那句再見
你的臉 倒映在河岸的水面
我才發現 愛已被擱淺(不見)
[S.H.E. 河濱公園]


>>August 27, 2003 at 3:51:35 PM GMT+8

2003 年 8 月 26 日 星期二 【晴】

今日本來要去攞身份証，但後尾都係仲病病地，所以都冇去到，去左睇醫生。仲俾左本野戴靜雯寫添．

去到診所探熱，我已經退左燒，但仲係好似唔係咁精神咁，仲有少少胃痛痛添。ｅ生話我係感冒喎，開左ｄ維他命ｃ，仲有其他廢藥囉。
之後去左文化博物館，睇下有冇野岩去英國。買左件好靚既ｔｅｅ，但係冇貨，要遲ｄ先拎得；仲有３個散紙包同埋一疊好靚既紙，全部都好中國ｆｅｅｌ架～好鍾意！！本來仲想買張有我個名既ｓｔｉｃｋｅｒ，但得返最後一張，另外個款靚ｄ架，冇哂喇，下次再去先！

周生黎左香港喇！今日去左港台做訪問，但因為去睇醫生，ｍｉｓｓ左，好彩有得上網聽返姐！到左８點，呢個時候，杰倫應該響九展，我冇得去．．．響屋企睇電視，哈～ｃｈａｎｎｅｌ　〔ｖ〕拍拍走有佢呀！！！嘩～正死呀真係！彈琴，打鼓，唱歌，好好呀！！ｖ接客又有，東風又有，好唔得閒呀我～

頭先打俾王山，問佢有冇葉惠美簽名ｐａｓｓ，佢就打去問黃太啦，跟住佢媽媽就話送俾我喎！好好人呀！佢話因為我就黎走，所以送俾我，勁多謝佢！！佢媽媽（葉群英），同杰倫媽媽一樣，都是姓葉的，哈哈～

王山星期日就走喇，好快呀！！真係好快，本來一ｄ都冇唔捨得架，依家淨返幾日咋，我地識左１０幾年喇！佢係小學第一個同我講野既人，好難得１０幾年都仲可以咁ｆｒｉｅｎｄ，其他小學同學都唔知去哂邊ｌｕ。
本來星期日我都要返大６，諗住可以同佢一齊返，但佢話朝早返喎，唉，點解咁架？？！周生個簽名會又係ｓｕｎｄａｙ　ｍｏｒｎｉｎｇ，周生？王山？周生？王山？哎呀！好難揀呀！雖然王山返大６讀可以成日返黎，但等到佢返黎個陣，我又會去左英國，可能有排都見唔到喇．．．．．．今年佢份生日禮物，我特登送份貴重ｄ既ａｎｎａ　ｓｕｉ頸鏈，佢話好鍾意喎，但我又未見過佢戴喎，都唔知係咪既。嗯，希望佢讀得成啦，有時覺得佢同我一樣，都係唔知做緊咩咁既，又係掛住行街，不知所謂。但佢比我好囉我覺得，佢好似幾鍾意ｄｅｓｉｇｎ咁，但唔知搞乜鬼走去讀物流，不過如果佢真係讀既，應該冇問題既～加油喇！！


近排突然鍾意聽ｒｏｃｋ底既歌，好奇怪！！我從來都不太好呢種ｓｔｙｌｅ的，真係好怪囉～
ｓｈｅ的ｓｕｐｅｒ　ｓｔａｒ
吉吉的ｒｕｎａｗａｙ．．．
都幾好聽！

>>August 27, 2003 at 3:09:11 PM GMT+8

2003 年 8 月 25 日 星期一 【晴】

唉！我仲係病到吽吽地呀！下畫一排好左ｄ架，依家又病返咁．．．

頭先睇亞洲娛樂中心，有周杰倫打籃球，真係好型呀佢！聽日又有得睇～仲有孫燕姿打桌球添！

聽日杰倫就會黎香港喇！！我要快ｄ好返去搵佢！！如果唔係就冇機會喇～

杰倫宣傳活動如下：
27/8 12:00 CX469 到達香港
16:00-17:00 港台"娛樂滿天星" LIVE
20:00 九展 "903 新歌試影會"
28/8 15:00-17:00 商台 電台訪問
29/8 20:00 港台 "太陽計劃"
31/8 11:00 百德新街簽名會


>>August 26, 2003 at 2:26:37 PM GMT+8

2003 年 8 月 25 日 星期一 【陰】

發緊燒呀我依家，好辛苦！！！！！！！！！！！！！！！！！！　尋晚一直燒到依家，半夜食左２粒退燒藥，加上訓左１０幾個鐘，今朝以為冇事啦，點知．．．

我９點起身，去厠所刷牙，企左幾秒就暈低喇，好恐怖！！眼唔到野，耳鳴，有ｄ想嘔既感覺．．．勁標冷汗！搞到成身濕哂，所以即刻去訓覺。

本來想去睇急症，但我連起身都冇力，唯有一直訓落去．．．有幾次想起身，一起就眼花同頭暈，直到１點幾先再起身。

因為唔想空肚食藥，所以食左少少粥．　　

跟住聽９０３，一聽到有杰倫我就精神左ｄ，係咁打電話去，但都唔通．．．唉，註定我冇得去睇佢架喇，嗚～

因為訓左１０幾個鐘，加上隔離屋裝修勁嘈，我已經訓唔著喇．．．但仲係好辛苦，希望快ｄ好返啦！！！

>>August 26, 2003 at 7:30:56 AM GMT+8

2003 年 8 月 24 日 星期日 【雨】

一早起身同媽咪去飲茶，我冇帶遮，媽拎左把縮骨遮，但一開就爛左，真係廢．．．搞到我地勁狼狽咁．

飲完茶我地搭車去新城市，等車個陣發現一個好似ｃｏｏｋｅｒ的物體，基本上我淨係認得佢對鞋，但個身型一ｄ都唔似，跟住見到８０ｋ就上車啦，原來個個真係ｃｏｏｋｅｒ黎架！嘩～完全唔同哂囉！我媽都唔認得佢，佢仲話你個同學唔係肥仔黎架咩，做乜依家瘦左咁多既．

去到新城市，我又係咁買野喇。買左好多野食，仲響無印度買左ｄ即食栗子，好好食呀真係！！跟住就落去西田下低睇電飯煲啦，個ｓａｌｅｓ好恐怖架！佢一路介紹ｄ電飯煲，一路反白眼，勁得人驚！！成日都半開合咁喎，嚇死人！最終我都冇幫襯佢．．．去左先施買。

又去左買６合彩，又俾人ｃｈｅｃｋ左２次身份証．．．無奈。

隻眼又發炎，所以去左睇醫生，睇完就返屋企喇．中途見到何柏麒同ｌｏ記一齊，好噁心呀個場面．．．

夜晚７點倒，覺得有ｄ眼訓，所以就訓覺．本來諗住起身睇〔美麗在望〕，但點知原來我發燒．．．所以就一直訓喇

>>August 26, 2003 at 7:32:33 AM GMT+8

2003 年 8 月 23 日 星期六 【晴】

今天日記空白沒有關係　不必每件事情都在意　不想工作不想困擾自己　不必刻意想你　該是我的總會來　就算挑戰　我不走開

>>August 24, 2003 at 1:56:38 PM GMT+8