2003 年 9 月 7 日 星期日 【晴】

好唔得閒呀依家！我要爭取時間寫日記！

今日起身之後去左天水圍，約左２點，我２點先響秦石上車．．．

去到原來得東梅，康，細健到左，仲食緊ｍｃｄｏｎａｌｄ’ｓ。
之後上左阿星個ｆｄ屋企，打左陣麻雀，睇他與她的事情。
佢個ｆｄ屋企個鐘好搞笑架！入哂ｄ相入去，哎，我唔識形容呀，
總之就好得意啦。

之後落街買餸，東梅就陪我去阿ｂｕ屋企攞野，等左好耐呀。
上到去傾左計，阿ｂｕ姐姐話我黑左喎，叫我俾心機讀，
仲話遲ｄ叫埋彩君黎。佢痴左線．．．人地依家先小二，
有排都未啦。唉，阿ｂｕ真係勁唔掂！佢夠膽死成年冇洗過我ｄ衫！
低能架！！仲要掉左我套ｍｅｌｏｄｙ！真係勁想鬧佢！！！

到左８點幾，我就幫手批薯仔煲湯，好難批咁呀．．
唉～我去到英國都唔知點死．．．仲話要自己整餸！
我覺得我自己”春虫虫”得好緊要！白痴妹，乜都唔識
都唔知點照顧自己．．我唔想人為我擔心呀！！
呢排又病喎，我又成日胃痛，又鼻敏感皮膚敏感，煩死人喇！！

繼續講返先，我批完薯仔就響出面呆坐喇。乜都冇幫手，
但冇幫手既人唔止我一個，東梅，阿娥，紙巾，阿心同阿恩，
個個都坐響到等食。反而ｄ男仔入哂去煮．．大健同阿星都響度搞．
大健仲６親隻手添，辛苦佢喇，放左工仲要煮飯俾我地食！
我地一直呆坐到１１：３８先有得食．．．
勁無奈．．因為個陣我已經冇車走喇。

ｄ飯好難食！！”爛之之”，食左２啖已經頂唔順．．
仲有ｄ餸，好似好多咁，但其實好多我都唔食！
有叉燒炒蛋＜＜有葱，玉子豆腐+豬肉＜＜好咸
西蘭花炒牛肉＜＜唔食牛＆好咸，薯仔煮ｘｘ＜＜唔食薯
蕃茄薯仔湯＜＜唔食薯．．．．．．
所以我係冇乜點食過野。

呀～唔記得講
尋日係德棋正日生日，
１８歲呀佢！

食完野就走喇，個陣大概１２點３，
諗住同佢地一齊搭的士返上水，轉ｎ車再搭的士，
但媽打黎鬧！！話我冇分數喎，佢鬧完到爸鬧，
第一句即刻話：你去到英國又係咁呀！？
唉，我又要人擔心喇．．．
佢叫我唔好返黎喎，所以我就上左阿ｂｕ屋企訓喇
冇得沖涼，冇得刷牙．．好慘！！
張彩君仲要發開口夢，好大聲！

>>September 9, 2003 at 4:36:04 PM GMT+8

2003 年 9 月 7 日 星期日 【晴】

好激氣呀！！！！！！！聽日去天水圍，諗住去阿ｂｕ度攞返ｄ牙刷同衫啦。
頭先打俾佢，佢話掉左喎。超賤呀！！！我好嬲呀依家！！
套ｍｅｌｏｄｙ牙刷套裝係周小仙送俾我既生日禮物黎架！
ｅｅｅｅｅｅｅｅｅ，冇喇而家．．．白痴架佢，咁都掉，
枉我仲幫佢個女溫英文，等佢考得咁高分．．讀ｃ片啦佢！
咁多野唔"ｄｕｍ"，係都要ｄｕｍ我ｄ野！！
呀～～～～～～～～好忟呀！！！！！！！

陶吉吉同孫燕姿終於到手喇～仲有新ｄｉｓｃｍａｎ，可以去英國慢慢享用了～

東風頭先播反盜版音樂會，杰倫唱了２首歌，２首都唱錯歌詞．．
有首仲要係佢自己填詞架添，但有一度好好笑～
佢唔記得歌詞之後自己填左句”我怎麼又忘了歌詞”，哈～好好笑。

～期待聽晚張詠怡的電話演唱會～

>>September 7, 2003 at 5:00:54 PM GMT+8

2003 年 9 月 6 日 星期六 【雨】

2003 年 9 月 5 日 星期五 【雨】

尋日行得太耐，搞到今日起身好支力．．．

去左大圍俾野人，跟住去新城市，食左ｄ野之後去金獅執野，訓左２個鐘之後返黎。

ｍｔｖ有杰倫電視特輯，都幾好睇！

今日食左今年第一舊月餅，食完之後勁咳．．唉～好辛苦呀！不過都ｏｋ好食既。



>>September 6, 2003 at 2:22:01 PM GMT+8

2003 年 9 月 4 日 星期四 【晴】

雖然好多天氣揀，但係我都係最鍾意”晴天”，因為係周杰倫唱加嘛，哈哈！

今日我自己剪頭髮呀！連後面都係，幾勁。我要練習定丫嘛，去到英國剪頭髮咁貴．今次個頭唔核突，但一定唔叫好睇囉，自己剪算係咁架喇。

終於睇左牙醫喇，好痛呀！！！嗚～～～～～～～～到依家仲有ｄ酸痛．．．個牙醫幾好人既都，佢建議我箍牙喎，本來我都想架喇，不過咁貴，又要去英國喎，依家都唔知點咁．．．

之後又行ｈａｂｏｕｒ　ｃｉｔｙ。我真係好鍾意行個度，次次都可以行好耐，仲買左好多野添呀今日，收穫豐富～　去左ｖｗ，之後行埋ｚｔａｍｐｚ，買左件褸，好鍾意～仲有ｄｉｓｃｏｕｎｔ添！跟住去埋ｉｚｚｕｅ買埋尋日睇中既衫，我諗左好耐要邊隻色好，佢個隻粉紅都唔係我想要個隻，但最終都要左．．希望冇揀錯啦。仲買左條千鳥格既ｓｈｏｅｓｌａｃｅ。

夜晚同媽媽去左ｃｉｔｙ　ｓｕｐｅｒ個ｆｏｏｄ　ｃｏｕｒｔ食，食左上次張詠怡好想食既餐，都ｏｋ丫，但係我ｄ牙好痛囉！！

>>September 5, 2003 at 4:12:26 PM GMT+8

2003 年 9 月 3 日 星期三 【晴】

今日最後都係冇睇牙，又拖到聽日先睇。

又去左中環，終於搞掂喇ｄ野喇，好麻煩呀真係！　　
仍然好鍾意中環既ｆｅｅｌ，今日仲見到ｊａｎｅｔ　ｍａ，好型呀佢。仲有皆大歡喜既ｏｋ姐，同”梅”到冇人識既林其欣。行左陣街，睇中左件粉紅色既冷衫，但好似女人得滯，驚ｃａｒｒｙ唔到，冇試到，依家又好想要．．．

今日食左好多唔應該食既野，仲未病好，我走去食雪糕，仲有蘋果批，炸軟殼蟹，炸芝士咩咩，炸炸炸．．．睇黎我有排都唔會好，媽成日都話唔俾你上飛機你就死！響度嚇我。無聊！

夜晚同媽媽＆ｖｗ食元６，等左好耐呀！無聊爆！！

剛才在ｉｃｑ一ｏｎｌｉｎｅ，收到薯的ｍｓｇ：
黃蕙珊小姐打左番黎喇～
佢話佢ｏ係ｏ個度生活得好好，
ｄ同學好好，好多都係香港人，
叫大家唔駛擔心。
而上面ｏ既治安都無想像中咁差，
而且ｄ野食好好食，物價指數又低，
所以佢覺得好抵！
但因為呢個月都會忙於搞開學ｄ野，
是以黃小姐會ｏ係國慶ｏ個陣先番黎，
（佢有一個禮拜國慶假期）
咁大家耐心ｄ等佢番黎啦！

估唔到，我最後一次見佢係睇陶吉吉ｃｏｎｃｅｒｔ個日（８月１６號）
可能我地要幾年後先見到ｌｕ，到時應該會幾唔同。


>>September 4, 2003 at 4:08:12 PM GMT+8

2003 年 9 月 2 日 星期二 【陰】

今日開始執野，準備下星期走人。

好煩，好多野執，勁流鼻水。

我煩緊帶咩ｃｄ去好，煩埋哂ｄ無聊野．．．

晏晝出去食粥見到周小仙、張詠怡同阿ｄｅｅ，３個來自不同學校的人。

明天去看牙醫，好驚！！！！

>>September 3, 2003 at 3:33:46 PM GMT+8

2003 年 9 月 1 日 星期一 【寒冷】

唉，究竟幾時先可以好返呀？　好煩呀依家！！就黎去英國先搞ｄ咁既野．．．攪到爸媽鬼死咁擔心，我自己都驚呀，去到又冇人照顧喎，ｔｏｕｃｈｗｏｏｄ講，死左都唔知咩事，我仲要自己一間房一個廁所，好似好恐怖咁。

仲有９日就走喇，我咩都未執過呀！又未去睇牙醫喎，乜都未準備好，依家仲病緊添．呀！我要快ｄ好返呀！！

老豆成朝都響到嘈，話我食〔優之良〕食壞左喎，痴孖根！咩優之良呀？優之良品呀？　同埋我都冇食過，我淨係買俾ｄ學生食之嘛！低能架佢都！又話我唔食藥喎，話我貪得意特登搭的士去睇醫生，睇完又唔食藥。車！佢想話我ｓｉｄｅ佢ｄ錢啫嘛！我即刻響銀包度拎左５００蚊塞住佢把口，佢真係冇聲出，死ｃｈｅａｐ精！！

我仲係講唔到野呀，好辛苦．．．救命！！

____________________________________________________________________________________________________________________________
剛才看了一篇報導：

周董曾立下「走遍世界每個角落」的宏願，下一站最想去英國，他說：「之前去歐洲工作，沒時間去英國，我得去看看，聽髮型師說，那裡骨董很多。」周董三句話不離骨董，原來都是在為未來的復古歐風餐廳盤算。

>>September 2, 2003 at 6:52:21 AM GMT+8

2003 年 8 月 31 日 星期日 【晴】

繼續都係病．．．

成日都攤屍咁，一直訓落去，中途起身食少少野，跟住食藥。

媽咪終於開左信箱，收到王山俾我個簽名會ｐａｓｓ，唔知點解好開心！一早就知張ｃａｒｄ係點，又知道佢會俾我，但係都會好開心！

到左夜晚７點幾（又係成屋冇人），我食左ｄ粥之後食藥，之後個胃就好唔舒服喇，好想嘔，但嘔唔出，咁諗住訓啦，訓訓下，就起身嘔喇。嘔個陣好辛苦，但嘔完就好舒服。

嘔完之後一路都唔敢食野，直到依家．．．好想快ｄ好返，但又唔想食藥，ｄ藥好難食！！

夜晚聽雲妮鍾情有杰倫訪問，聽完之後好似舒服好多咁。周杰倫，比醫生ｄ藥更有效！大搜查又有佢啦，不過我冇精神睇．．．

>>September 2, 2003 at 1:26:08 AM GMT+8