2003 年 8 月 22 日 星期五 【晴】

哎呀！超眼訓呀今日．．．尋晚食左ｄ豬頸肉，可能因為有味精，搞到我好口渴，飲左ｄ綠茶，成晚都訓唔著，天光６點先訓到呀，８點又要起身返博文軒喇！！真係眼訓到爆呀～～～

今日一返到去，我就同富叔講我返埋呢個月唔返，佢竟然好冇野咁話：好呀。　之後就問我點解啦，我冇同佢講我會讀書，話返診所做ｐａｒｔ－ｔｉｍｅ，好似好冇野咁。
我返埋下星期六就唔洗返喇．有少少唔捨得．．．ｄ細路個個都好可愛，畫畫又幾有天份喎，ｅｖｅｎ男仔都係！佢地有時又會好搞笑喎，好得意架真係！又有禮貌喎，ｄ英文又勁～　　
今日雅旻又送左張貼紙俾我呀，好乖呀佢～之前又送畫俾我喎，我幾鍾意佢架，雖然佢畫畫麻麻，但真係好乖！　相反，聰仔就曳左好多喇，今日成日都掛住玩，叫佢畫又唔畫喎，我一下真係搞到我好炆架！佢一玩就嗌得好大聲，痴哂線咁．．．　哈～佢話佢好鍾意寶琳喎，搞笑～　佢９月就返幼稚園喇，九龍塘架，幾勁！佢ｄ英文都幾好架！
希望佢地個個第時都好犀利啦！

依家聽緊周生既新作 [河濱公園] 呀，幾鍾意個編曲，ｂｕｔ　ｓｈｅ唱得麻麻。

頭先又食左好多野喇，個胃又有少少痛...　之後就幫ｃｗ入帖，終於為佢做左ｄ野喇！我叫佢到時寄張帖俾我呀，冇得去都可以紀念丫嘛，話哂我都咒左佢咁多年，恭喜佢終於嫁得出啦！我以前個日記咒過佢就算嫁得出都嫁個衰老公架，依家俾我講中左啦．所以唔好得罪我呀，哈哈～

>>August 23, 2003 at 3:22:40 PM GMT+8

2003 年 8 月 21 日 星期四 【晴】

今天好無聊．．．本來要和ｃｗ去羅浮宮選結婚照，但媽臨時要去九龍灣幫手，所以我也沒去了。　　彈了一會兒鋼琴，依然是那首．．．　　之後整天都在研究怎樣用這個ｄｉａｒｙ，好白痴呀我！什麼都不懂！！對電腦這東西真的又愛又恨～

終於寫了中文０那本紀念冊，完成了一大半。一直都很懶，不想寫．．．因為字變得很醜！而且過了那麼久，已經想不起該寫甚麼了。

又在看亞洲娛樂中心，有燕姿蓋章會，又聽遇見喇！！百聽不厭～　還看到杰倫跟莫文蔚打乒乓球，杰倫真的酷斃了！他反手然後轉身打球呢！　　終於看到１２３廣告最終回了，ｈａｐｐｙ　ｅｎｄｉｎｇ，幾好丫～

今天吃得好撐哦．有點胃痛。

>>August 23, 2003 at 2:32:14 PM GMT+8

2003 年 8 月 20 日 星期三 【晴】

杰倫２７號同３１號有活動，好想去！但唔想特登好癲咁打去９０３攞飛，唔想晨早咁去排隊等簽名．．．我大個喇，唔想好似ｄo靚妹咁瘋狂。但又唔想錯過見杰倫既機會，去左英國咁我就幾年都冇機會見佢架喇．嗚～～～～～～～～～～

ｓｏｎｙ正奸商！！！隻碟出勁多ｖｅｒｓｉｏｎ，預購版．豪華版，依家仲話出什麽（香港簽名會專用版）喎，擺明掠水啦！！

好想睇〔狂愛龍捲風〕，好似好好睇咁，不過，冇機會ｌｕ．．．

最近成日都聽燕姿首『遇見』，真係好好聽，超鍾意！！香港版既〔向左走向右走〕３首都係梁詠琪唱，未聽過，唔知會點呢．遇見係林一峰作曲架，好好呀真係！！

＞＞＞＞＞＞＞＞＞＞＞＞＞＞＞＞　遇見　孫燕姿　＜＜＜＜＜＜＜＜＜＜＜＜＜＜＜＜＜
　
　　　　　　　　　　　　聽見冬天的離開　我在某年某月醒過來
　　　　　　　　　　　　我想　我等　我期待　未來卻不能因此安排

　　　　　　　　　　　　陰天　傍晚　車窗外　未來有一個人在等待
　　　　　　　　　　　　向左　向右　向前看　愛要拐幾個彎才來

　　　　　　　　　　　　　　　我遇見誰會有怎樣的對白　
　　　　　　　　　　　　　　　我等的人　他在多遠的未來
　　　　　　　　　　　　　　　我聽見風來自地鐵和人海　
　　　　　　　　　　　　　　　我排著隊　拿著愛的號碼牌

　　　　　　　　　　　　　　　我往前飛　飛過一片時間海
　　　　　　　　　　　　　　　我們也曾在愛情裡受傷害
　　　　　　　　　　　　　　　我看著路　夢的入口有點窄
　　　　　　　　　　　　　　　我遇見你是最美麗的意外

　　　　　　　　　　　　　　　終有一天　我的迷底會解開

>>August 22, 2003 at 3:53:17 PM GMT+8

2003 年 8 月 19 日 星期二 【晴】

今日訓到好晏呀！好耐未試過喇！！好好呀真係～

起身冇耐，媽就打返黎，話我知新城市有我想要個對鞋呀！！佢竟然咁醒喎！哈哈～

今日成日都充滿住杰倫呀！ｓｉｎａ有ｌｉｖｅ訪問，仲有咩紅人館，都係北京既ｎｅｔ　ｉｎｔｅｒｖｉｅｗ。佢幫美思特邦威拍廣告，出席ｐｒｅｓｓ　ｃｏｎ　ｄ相度，發現佢有蛀牙呀！！哈哈，好搞笑～佢件衫又好似女裝喎，７分袖．．．真噁心．

今日既亞洲娛樂中心好好睇！有向左走向右走預告片，又有燕姿遇見既ｍｖ首播，仲有杰倫獨家訪問添！！好正呀！仲有同佢打籃球既廣告，叫人去挑戰佢喎～

真係勁想睇向左走向右走囉！！遇見真係好好聽！個ｍｖ拍到ｙａｎｚｉ好靚～希望睇到啦，但硬係覺得佢會中秋節夜晚先上．．．哎呀，個陣我已經響飛機上面啦．

ｍｔｖ敲三下呢個禮拜都係杰倫做ｇｕｅｓｔ　ｖｊ，好彩地我集集都有睇到！但佢播黎播去都係〔以父之名〕，〔晴天〕同〔東風破〕。晴天同東風破ｍｖ我都幾鍾意，但真係唔明點解要有ｋｉｓｓ既鏡頭囉，冇咁既必要！！！！！！
呢排仲有陶吉吉既樂之路電視特輯，幾正！

唉，好多碟想買呀！！燕姿啦，陶吉吉，仲有莫文蔚．．．

噢，ｔｖｂ依家又有吉吉ｌｕ！佢真係唱得超好聽！！又係問佢同杰倫比較既問題．．．

娛樂陶子秀超正呀！！！今集係訪問杰倫，成個鐘都係講佢！！杰倫又彈琴喇！！真的帥呆了～他彈了蕭邦的歌，古典歌耶！還秀了他的古董出來，很有ｔａｓｔｅ喔，呵呵～他收藏的畫跟燈都很漂亮，我都很喜歡呢！他說他喜歡的女生要有氣質，懂音樂，不說髒話，不多話的。哈～．．．．．．佢仲反拍狗仔隊，真係勁！！他說：我們不如去拍那些小狗狗。＜＜講到好好笑！　　我發覺佢最近好似好喜歡穿個條粉紅色褲，成日都見佢著．．．
好想睇多次呀！好好睇呀真係！　幾時重播呀？．．．

>>August 20, 2003 at 3:51:42 PM GMT+8

2003 年 8 月 18 日 星期一 【晴】

我都係鍾意用手寫日記多ｄ！手寫我會寫多好多野，咁會好ｄ！希望快ｄ買到ｄｉａｒｙ　ｂｏｏｋ啦～

今日又係一早起身．．．勁唔願起囉！返田心講故事。
勁搞笑囉佢地２個－－聰仔同寶琳。佢地成日玩，都唔聽我講野既，佢地玩個ｄ遊戲好好笑，就咁走黎走去，之後扮跌到．．真係好好笑！！後尾寶琳仲玩到唔捨得走，俾公公喊住咁抱走。聰仔讚我隻錶靚呀，哈哈，識貨～

之後我就同媽出左ｔｓｔ喇。行下街，準備ｄ野去英國。一落車就去左裕華國貨，ｄ野真係好國貨囉，都唔明點解會賣到咁貴既！大６野咋喎．．．睇中左件棉”立”囉，但又麻麻地好，所以乜都冇買。

跟住去新港，諗住買ｂｉｒｋｅｎｓｔｏｃｋ．ｅｅｅｅｅ！！勁乞人憎呀！點解我次次睇中既都會冇架！！勁過份囉．．．．．．．

ｔｈｅｎ，ｗｅ　ｗｅｎｔ　ｔｏ　ｏｃｅａｎ　ｔｅｒｍｉｎａｌ．去左ｖｉｖｉｅｎｎｅ　ｗｅｓｔｗｏｏｄ間野，睇下有冇野岩去ｕｋ，一行入去冇耐，就有個人響我後面嗌我喇。哈～原來係袁敏嫻呀！！嘩，真係勁耐冇見過佢囉！！年幾喇我諗有，傾左幾分鐘倒啦，廢事阻住佢做野嘛．　　一擰轉就俾我”目及”中左個ｐｏｒｔｅｒ袋喇！好想買！！
之後繼續行，有間好細既ｅｙｅ　ｗｅａｒ　ｓｈｏｐ，有好多牌子既鏡框，ａｎｎａ　ｓｕｉ，ｄ＆ｇ，ｃａｒｔｉｅｒ．．．
好快地，我又睇中左個框喇！ｂｕｒｂｅｒｒｙ，＄１４８０，有七折呀！好抵！！好想要！好敗家呀．．明明冇配眼鏡既須要，但好難得有框岩我丫嘛，好細架個框，好好呀！又藍色喎，真係幾好架！！
行完想行既野，我又走返轉頭，去多次袁敏嫻個度，問佢ｐｏｒｔｅｒ個袋幾錢，佢搵左好耐先搵到個ｐｒｉｃｅ，＄１１００．．．勁想要，幾貴，但價錢又合理喎．哎呀，買唔買好呀？

響咁樣情況下撞到同學，好搞笑！佢讀黃允畋呀依家，返學好方便～我話佢知我就走，跟住就話約出黎喇遲ｄ，但佢日日都要返工，直到開學．．．我唔記得問佢攞電話，但好彩我俾左我電話佢～　媽起初唔記得佢係邊個，淨係覺得好熟，我話佢知係２７樓，咁就記得返哂喇．佢話袁敏嫻幾高喎，仲問我點解佢唔箍牙.....

之後行返去ｈａｒｂｏｕｒ　ｃｉｔｙ，響ｕｎｅ　ｎａｎａ　ｃｏｏｌ度買左件ｔｓｕｍｏｒｉ　ｃｈｉｓａｔｏ既ｕｎｄｅｒｗｅａｒ，好靚架！！但要自己俾錢，＄３００．

行到４點幾先發現原來一直都未食過野，咁就行返出去，好順勢地去左糖朝。

〔美麗在望〕容祖兒好好笑呀，好誇張呀佢，好似日本卡通好誇張個ｄ人．．

〔周杰倫　晴天〕


>>August 19, 2003 at 4:28:41 PM GMT+8

2003 年 8 月 17 日 星期日 【晴】

第一天的網上日記。

未買到日記簿之前，用住呢個寫先～

本來好想響ｕｄｉａｒｙ度開架！但無奈個野又就快摺喎，真係可惜。

今朝一早就起左身，仲早過細家姐！本來約左小學同學打麻雀，又ｃａｎｃｅｌ左。因為好早起身，咁岩又睇到ｍａｇａｚｉｎｅ講ｆｏｏｄ　ｅｘｐｏ，咁就同媽去左。
勁多人呀真係！變態架ｄｃ拉，迫黎迫去．．．　我都冇乜買野，淨係買左ｄ公仔麵，但媽就買左勁多海味。

跟住返到屋企已經好晏，勁支力，又眼訓喎，第二朝又要一早起身，所以點幾就訓左。

〔孫燕姿　遇見〕

>>August 19, 2003 at 3:48:33 PM GMT+8