2006 年 7 月 12 日 星期三 【晴】

今日一早返到學校
等chimpanzee
等等下
見到丁生
佢叫我埋去
原來係比張書展入場券比我同姓陶的人
雖然張野係寫明話要24號去
但係丁生同我講話幾時去都得
等到alien 返黎
佢問我搵邊個
我話搵梁生..
佢話下....我話梁健芬miss leung 佢先知
之後話佢未返
講講下...
佢又同我投訴操場個地下好污濁..
你叫我可以點.....
同我講都冇用架..
之後佢又同我講左一大輪ta 既野..
~
返上課室
已經搭11 la~
但係仍然一個人都冇.,.,
搞到我幾驚以為入錯班房...以為大家都去左中七個班房..
因為平時我返到之後冇耐
咪莉就會返黎ga la ma~
~
之後就影學生相
~
影完補課
~
搵seto
第一次聽到佢叫我後面果兩個字,,,
比alien 叫得仲噁心
同學叫就話冇乜所謂..
但係老師叫就....
~
早走..
等了又等
等完該等既野
又再等
今次等左足足5個鐘....~
為既只係得果30秒~!
可惡
成日考驗我既耐性
搞到我係最遲既一個先走...
d 職員都走哂咁滯
仲搞到我補唔到 UE
.....>.<"
~
今日證實有d 野真係留左係度..
驚..
聽日就...
~~
今日話係正式放暑假
但係我真係既暑假就只有下一個禮拜
今個禮拜五同六都要返學補課+幫手...咩新生家長日
7月24 號到8月4號....日日除左六,日之外又要返學校
做助教...<--唔知算唔算係人生既第一份工呢..雖然d 錢真係唔多
8月7號到31號....又係除左六,日之外
日日返學校補課...
反正...我留係屋企都冇乜野做...
剛考完試明明仲好有心機日日溫書..
但係宜家竟然冇咁既恆心..
我諗下星期真係又要開始努力la~
直到宜家...都只係每日keep 住睇bbc 同cnn...就連scmp..都冇睇到
宜家既我...真係好懶

>>July 13, 2006 at 11:53:22 AM GMT+8

2006 年 7 月 11 日 星期二 【晴】

今日一早返學..
興幸唔使當門口...
先係結業禮頒獎...
上左5次台...拎左7個獎
真係估唔到...
但係今年分科成績第一名冇獎學金
舊年都一科500蚊
今年....唉...
1500蚊飛走左
反而係..兩小功兩優點有100蚊
講起就激氣
全校只有姓陶的人拎一大功~!!!
而我只有兩小功兩優點...
仲有一個優點先有一大功~!
一日都係甘仔
又話唔止會比一個優點我咁少
宜家咪一樣只係比一個....
搞到我輸比姓陶的人
之後呀周我同講..
話我有3科第一
姓陶的人只有一科第一
我有操行獎
姓陶的人冇
仲有我兩小功兩優點呢個名長過姓陶的人一大功..三隻字...
咁都得?!
好彩中化同音樂都嬴左姓陶的人...
不枉我咁比心機去嬴佢
鬼叫佢上學期咁可惡
係咁曬
佢中化,音樂,倫宗,數統第一
我夠中化,音樂,電腦第一la 果陣...
哼~~
成日咁囂張...
宜家終於輸比我...
我要繼續keep 住...
中七繼續嬴你~~
~~
甘仔.....>.<"
地理學會果度..
你連 IT 個位都冇落比我
宜家只係比一個優點我
而其他成日唔黎開會
掛名幹事都有一個優點
太可惡la~!!!!
雖然你有恩於我
但係我都好不滿呀..
你搞到我冇左一大功~!!!
副校係綵排果陣話
得一個拎一大功咋...
而校長頒獎比我果陣話
你隻手好凍wor...好緊張呢...
坐果個位...點會唔凍..
~
頒完獎
上番課室
拎成績表...
發覺獎勵果欄有23 個獎..
從來未試過有咁多..
不過好似打漏左個
不過是但la~
但估唔到...
下學期既成績比上學期好...
但係全班名次...冇升冇跌..
但係全級名次就升左4名..
哂氣....
包依然都係我之前果名..
1,2 仍然都係呀周同helen...
根本就好似成班既名次都冇乜點郁過咁
~
放學等嘉嘉...搵miss tse
等左佢足足一個鐘]
等緊果陣
甘仔又係咁搵我地
搞黎搞去
之後明明同佢話甘地理室拎番d通心粉
點知上到地理室
甘仔周圍搵
話唔見我地d 爽身粉~!
哈哈
笑到我地唔知點咁
原來佢以為我地要拎番d 就過期既爽身粉....
但係佢知道原來係通心粉之後..
o
原來佢一早已經派哂比其他人...
~
落番教員室...
等子子上2D 搵嘉嘉
甘仔同我講埋D 無聊野..
我都唔知點應佢好
之後見到余生
佢話你拎左好多獎wor
見到miss ho...可惡
比佢拍左一下
話我點解星期六唔返去幫佢手
明明都話左星期六我會返去ga la~
都唔知有冇搞錯..
~~
alien 剪左新髮
個頭中間特特別別有一棟樹左起身
姓陶的人見到笑到飛起
話好想一把鉸剪同佢剪左佢
無聊~!
~
放學同嘉嘉同子子食野
再去食糖水
飽死..
~~
我估某某人..成世都改唔到呢個壞習慣ga la~
唉唉唉
講極都係咁....
引人犯罪
就算什麼什麼都唔怪得人...
~~

>>July 12, 2006 at 12:39:53 PM GMT+8

2006 年 7 月 10 日 星期一 【晴】

今日8點半返到學校
係學校門口撞到個派到入我地學校既學生家長
比佢捉住問左一大輪..
如果真係唔鍾意我地學校....就唔好揀第一志願la~
入到又話唔鍾意....
真係煩
上到教員室
見到甘仔
之後佢就同我上地理室
點知地理室d 冷氣比人拆哂~!!!
甘仔怕我地中暑..就叫我返屋企
又話爭我一個大人情...
又係咁講對唔住..唔好意思
佢真係太客氣la~
佢仲叫我打比子瑩叫佢唔使返...
但係打通冇人聽wor>...<
最終到9點佢同lee 返左黎
我都冇辨法
之後等左alien 好耐比番d 文件佢
比完又見到副校...
佢話打比我唔通...問我點解唔開機..
我都唔會關機既..
不過可能又係較左震機聽唔到
然後上左410 等lee 用電腦
點知比我見到個蜂巢
仲有好多蜜蜂係度....!!
好得人驚..
不過因為反光既關係...
影得唔清楚~!
等lee 搞埋d 野
就落去搵多次甘仔
佢比番d 錢我地..
首先
佢比500蚊我地
就話那...多左果d 唔好諗住比番我
果度多左成百幾蚊..
佢話比我地食番個豐富既早餐
不過我地唔收
最終佢比左380我地...多左5蚊...
lee 又明示...la
甘sir 話....識做識做....應該既
哈...
搞到好似唔知點咁
然後就一齊走人la~
見到劉永生好多人叩門..
但係我地學校得果幾個嘉諾撒既女仔...唉
點解~~!!

>>July 11, 2006 at 3:18:07 AM GMT+8

2006 年 7 月 9 日 星期日 【晴】

剛剛alien 又打黎 la~...

>>July 10, 2006 at 2:48:58 AM GMT+8

2006 年 7 月 8 日 星期六 【晴】

2006 年 07 月 09 日 星期日 【晴】

今日係open day 既最後一日
8點9返到...
係校門條斜路
離遠見到miss lau+佢老公同個仔
上到學校
乜人都冇...
行到教員室果層
又見到miss ho...
同樣又比佢煩住..要我搵人派寶礦力wor...
我去邊度搵咁多人比佢~!
可惡...又話我唔搵..佢會比副校鬧
個個返得黎ga 人梗係有野做先返黎ga la~
邊個得閒理你wor
~
之後就上遊戲室
上到去冇耐
副校竟然打黎
一聽電話就話"喂~黃子瑩呀..."
我話..."下...我係..."
佢又問我係唔係係學校..又問子瑩個電話no.又問佢係邊..?!
過左陣
miss 同佢老公+個仔上左黎
只係企係門口"裝裝"下
又唔入黎...
今次望清楚佢個仔
都唔得意既
之後甘仔就上左黎
佢格眼比左60蚊我
話比我地食飯
佢話佢都知自己"姑行"
其實都係...60 蚊for 4個人...$15 per person..
我係咁推黎推佢
佢又係咁要我收
又話d 錢唔係佢..佢有得問學校拎番...邊個信?!
我同佢一路咁推黎推去
搞成5分鐘咁耐..
最後佢忍唔住
塞左d 錢落我度就走人...話仲欠我地一大餐
~
子瑩同lee 9點半先到...
明明話9點ga ma...
搞到我好無聊..
不過是但la~
~
到10點
open day 先正式開始
d 人都越黎越多
1點幾.2點果陣
d 人多到我做都做唔哂
有超多人玩完又玩
仲一次過比5,6 張問題紙我..
做到踢哂腳
有4,5 個可惡既人
玩成30次都有la~
本來加印左800張問題紙已經一早用哂
因為琴日都唔夠要擦左d 答案再比人玩先印咁多
見到就快冇哂
就即刻打比甘仔求救..
點知根本就未印好
我估今日2000人次都有la 掛...
同室既其他攤位都冇乜人玩
~
子瑩個大大米奇最終都唔使送出去...
根本就冇乜可能會咁準拋到米奇個頭
不過都有唔少人中到果格...
d細獎一早送哂出去
估唔到d 電話繩咁受歡迎
~~
到2點9落hall 幫手sing con
又見到miss ho
佢竟然鬧我話
我唔係幫手解板ga 咩
我一早同佢講左
話果段時間我唔得閒
但係佢又唔斑我..
只係係之話我...
果塊咁既訓導組版得一面....又冇乜野
其實根本唔使人去解...亦都冇人會去睇...~!
好可惡呀佢~!!!!
~
落去hall
去後台
坐係電腦前面準備等間用既野
alien 同陾發脾氣
話d 人都唔知去哂邊..搞到佢要做埋場務~話佢自己勞唔勞氣丫...
點解佢次次都同我"申"...
明明唔多關我事ga ma...
~
之後個歌唱比賽就開始la~
戴志豪見到我話
我地又見面la~....我仲見到邵燕婷添呀~
第4個就到佢唱
見到戴志豪咁既一面..
佢d台風．．．嘩．．
全場拍哂手...+ 狂尖叫..
成個比賽
d觀眾都好興奮...
我完全估唔到佢會咁....!
嚇死人la~
~
整個sing con
chimpanzee 一共4次叫我搬走d 椅
但係人地明明要用ga ma
剛搬走
就叫我搬番入去
過左陣
又叫我出去
拍番好果兩張椅..
玩咩....
~~
間場有人跳舞
明明冇播錯歌
但係播左音樂d人都仲唔跳
好奇怪
之後重新播左兩次都係咁
之後alien 就上左黎
仲有另一個f.4
個f.4 搞搞震
alien 大叫話比番我搞...叫佢唔好亂黎
原來d 人係聽唔到個音樂開始果兩聲..bob bob 唔識跳
搞到好似係我播錯咁..
最後..
d人上哂黎後台計分...
我見到呀周既分
嚇左我一跳
原來佢係8個人之中
最低分果個..
仲寫住音準不準添...
唔係呀ma>....
佢今次咁失準既
~
完左就上番遊戲室拾野
剛上到去
alien 就開大咪叫我落教員室搵佢
落到好
等左好耐先見人
見到佢
佢話佢打左我個手機...又係留言信箱冇人聽..
梗係la....我以為到sing con.就唔會有老師
冇lala 打我手機搵我
所以就放左係袋...咁我又唔會知佢搵我呢..
原來佢搵我
又係比野我做..
~
之後就同子瑩+兩位嘉欣+某某人放學
個個都拎好多野..
都係派唔哂果d 禮物....
不過梗係唔會要果d玩具la~
然後一齊去麥記食野
我好似坐錯位...隔開左某某同某某
試左果杯唔知咩新雪榚..
好甜好難食~!!
我以後都唔會再食ga la~
~
返到屋企
即刻搞埋alien d 野
我發覺我兩手不由自主咁震~!
可能都係因為呢幾日太太太累既結果
特別係今日
派金幣..收問題紙..
又多又煩...
重複性施緊傷害呀...
~
係呀...
琴日放學等miss ho 影埋d 野比我果陣
見到張修女
佢竟然以為個唔知咩科既教學助理係校友
仲問佢第幾屆架..
劉燕嫣見到就話...佢係同事黎架..
哈哈
大家超尷尬
~

>>July 10, 2006 at 2:34:21 AM GMT+8

2006 年 7 月 7 日 星期五 【晴】

今日係學校10年先一次既開放日...
建校以黎
只有6次open day...
比起其他學校年年都一次..真係
~
搭地鐵返學果陣
係同一卡
見到謝浩標..黃敬華...仲有一個唔知係咩科既教學助理..
竟然會見到咁多人..
~
返到學校12點半
一上樓梯
就見到alien
佢向我大嗌話記得等間1點3..舞蹈室
之後就上hall "頭"涼
seto 見到我又問
校歌同amazing grace 係唔係我彈
之後又問choir 陣間表演既野
講完就見到副校
佢問我拎電話no.
~~
過多陣
就落去練歌
miss ho 見到我
叫我去toilet 執執..
就算宜家執黎都冇用...實在太熱la~
都唔明..
朝早明明仲係黃雨
一到下午就天晴..
唔通校長佢地 d祈禱真係咁有用...?
我記得之前水運會(f.4 )果次又係
明明天陰落緊雨ga ma
點知一祈完禱就立即天晴...
練choir
alien 遲到
彈左一首都未完
副校已經搵人催我上去
話我負責果個第四屆校友早到左好多
要教佢敲鐘
個校友真係...
我叫佢行去中間度敲
佢又唔行
副校見到
話我....>.<"
教完佢敲
明明要上番去102
但係上到一半
佢又話要睇下d 碑
同陪佢睇左好耐...
之後即刻落番去
練左一首
alien話d choir 越唱越急
追到我死..
然後就上去hall la~
~~
個開幕禮先唱amazing grace..再到校歌...
最後到choir 唱天山明月
~~
完左就坐左落去下面
一到中樂團表演
見到miss ho 同alien 講緊d 唔知咩
之後又問d choir 唔知咩
原來佢搵緊我~!
miss ho 話
你仲坐係度...嚇死我la~
之後就趕我落去...
明明副校話等埋勞艮笑先一齊落去ga ma...
~~
落去敲鐘
miss ho 又摸我個頭....
琴日仲摸唔夠咩...?!
個第四屆校友
我仲記得佢叫宋碧雲
敲完又唔聽我講企去右手面
佢竟然自己走去左手面..
又比副校話....
望上去見到媽咪同我細佬..
原來最後佢地咩都冇玩...只係睇埋哂d 無聊表演
敲完上返去hall 拎番我個袋
原來miss ho 將我個袋是但放左係張櫈度
嘩...我個銀包...手提..全部係哂裡面架
好彩冇比人偷野咋...
~~
之後上番去我地個攤位開檔
seto 黎玩...
發覺我地個攤位
可能因為d 禮物同其他果d 完全唔同
仲有個正版大大米奇公仔...
好多人黎玩..
d 人玩完又玩..
有個人玩成10幾次...
~~
過左陣
又要落番hall
alien 先到我
同我投訴話唔知d choir 去哂邊...
等左好耐先開始
今場表演我在船上等你同天山明月都唱哂
呢次...可能係成世最後一次係學校既台上幫choir 彈..
亦可能係最後一次同alien 合作...整整5年 la....
無人試過做accompanist 可以做咁耐..
表演完左
拉幕
冷下防
alien 突然係後面一攬攬住我
真係攬落黎...然後扒落我度~!!!!
我冇諗過佢會咁做
佢果一下
真係嚇死我
之後佢同我講
話頭先
唱得好急...
唉....最後一次都唔可以完完滿滿..
唔好頭都好尾丫..
~~
之後就趕番上去看攤位
又係一樣..'
好多好多人...
d 人又係玩完又玩....
~~
5點半
甘仔上黎..
係咁讚我地
仲要拎住隻大大米奇
佢自己都話..
同佢好唔襯
講講下
仲要話好男不與女鬥..?!
甘sir 熱衷話一定好受歡迎既電腦砌圖
只有一個人玩
連用手砌果d 都只係得好似3個定唔知係4個人玩..
heaaaa
仲話唔好拋階磚...
如果真係唔拋就...o no la~
~~
最終搞到6點幾先走
去到地下..
又見到miss ho
唉..真係比你玩死....
同lee+子瑩放學
去到地鐵站
仲多左個"外人"<--對我黎講
但係對某某黎講
哈哈哈~~~~~
~~
返到屋企
累死...
本來已經腰酸骨痛..
宜家更加係...
連續5日訓左都唔知有冇12個鐘
成好多晚都訓唔著
但係又唔累wor..
~~

>>July 8, 2006 at 2:07:55 PM GMT+8

2006 年 7 月 6 日 星期四 【晴】

今日一早返學校
係offices 果層既到甘仔
佢係一樓嗌落黎
問我使唔使司琴
我話要
之後佢就叫我去搵子瑩..
搵完子瑩
飛快地落番去hall
alien 見到我
好surprise.
之後就上台等綵排
志明問我今次彈咩
佢又叫我老師la~.....>.<
之後曾生又叫我教佢彈琴
本來話教佢個仔
但係佢諗諗下話
都係教我好d..我好叻架..唔會激死你架
彈完amazing grace
seto 無lala 坐左係我隔離
亂彈左幾粒音
之後望住我傻笑...
綵掛完就立即去綵排敲鐘儀式
敲果個又唔係我
又唔係果d 扮嘉賓既老師
點解要綵排咁多次?!
~~~
原來好多人都知道"果件事"
究竟邊個got a big mouth????
~~
採掛完就上返去bomb 氣球
竟然要成600個...
使唔使咁多
~~
過左陣
就落hall 開會
alien 遲黎
咁多位唔坐
佢又係偏偏坐係我隔離~!
仲要同我咬耳仔...
開開下會
佢話佢盒飯好熱
之後掉左佢個飯兜既蓋係我條裙度..
條裙濕左....
佢又再次比哂d 電腦野我搞
成日話我d 電腦掂...
超級無奈
~~
開完會
同子瑩去小食部食麵
個office 小姐見到我
就話食麵咁慘呀
我話係呀..
點解好似好多人都識得我咁既
~
到2點半又去hall 搞sing con. 既rehearsal
點知見到小學同學...戴志豪
同佢傾左一陣
原來佢係金文泰既sing con.拎第一...估唔到
其實之前仲同華仁唱choir 果陣
我都已經見到佢係台上唱..
超齡呀佢...~!
f.4 仲可以參加14 歲以下組?!
又唔係accompanist
只係佢見唔到我,,,
點知佢確定係我..我又確定係佢果陣
佢面紅...之後用隻手掩住塊面..怕羞wor...
唔係呀ma....咁大個人...仲要係男仔黎ga wor..
傳聞小學果陣
佢什麼什麼我,,,
但係我唔覺得
亦都唔認為係
然後就上左去搞電腦 la..
聽到戴志豪唱歌...
mum...
冇野好講...
唱到咁..都拎到第一?!
~~
綵排完
就同lee+子瑩放學
子瑩幫我聽完miss ho 個電話
我部電話就冇事la>..
咁奇怪既
之前打極
人地都聽唔到我講野
但係我聽到人地講野..
都係姓陶的人
搞到我破戒
帶電話返學
原來佢自己日日都帶..
~
返到屋企
睇到我今日竟然有8個voice mails
其中2個係miss ho
5個係alien~!
我係學校ga ma...
仲要成日見到我
點解唔直接同我講
要留言...?!
alien...仲要留左5次
每隔兩分鐘一次
講埋d 剛剛係學校先同我講完既野
佢使唔使咁擔心?!
返到屋企成6點幾仲要係咁留言...

>>July 7, 2006 at 11:44:58 AM GMT+8

2006 年 7 月 1 日 星期六 【晴】

今日又死左一條魚
宜家細缸只係得番3條魚
~~
好surprise 呀
估唔到
我膽粗粗跟住星島個文法專欄既e-mail address send e-mail 比趙榮德問佢jupas 既野
我朝早先send 宜家就有回覆
太好了..~!


趙sir
您好!本人是您星島文法專欄的長期讀者，得知您對聯招方面亦很有心得，本人有些問題希望您可以解答。
本人會考有17分 AL UE(E),CHEM(E),BIO(D),CA(D),CLC(D),
那麼第一選擇中大音樂系or 浸大音樂系,第2選:應用生物兼生物科技 or ust:生物化學,第3 選浸大生物系 or cu:地資系 or 訊息工程系,有沒有機會?如有機會的話，那一個較大呢?另外，如高考沒有修讀物理或PURE MATHS 能否入讀中大的訊息工程系呢?


Mcan,

1. Music Dept gives interviews to suitable applicants. So, rememeber to bring your music certs if given an interview.
2. might have a chance in BU
3. No specific requirement.

Good luck

P Chiu

人地整理過d 改選問答之後
發現有兩個人都係問cu音樂系既野
但同我既答案點解截然不同既
我都一樣冇提過音樂公開試成績...佢又唔知我d 能力
咁機會仲係唔係好微?
如果揀bu music.又會點...
冇人可以答到我...

pp問：If CLC (E), UE(E) , GEOG(C) and ECON(D), should i put CU MUSIC and CITYU BBA IS as my first and second choice??
胡繼昌答：答 pp :中大音樂尚要考慮其他音樂公開試成績，而你沒有提及，單以AL成績難以分析機會.

HKO問：我CE 13分,Combined AL cert : CLC and UE :E , Geog: C & Econ D,請問應否選中大音樂系,城大測量及(bba)資訊系統呢?
吳寶城答：答 HKO :中大音樂系要面試,好講求你的音樂方面能力,例如有否其他有關音樂的資歷.其他兩科機會亦不太大. 不宜將三科同時放在Band A.

又擔心jupas 的東西
究竟仲讀唔讀音樂系好呢
雖然中三時
已經下定決心
非中大音樂系不可
但一來音樂是可以副修的
而如果我大個想教琴
唔使一定讀音樂系都可以教
雖然讀左係會有優勢
究竟我應該點..
真係好難決擇
我呀爸我表哥 dr tang又想我讀音樂
我呀媽又冇所謂
我自己心大心細
........
真係好難揀
~~~~~~~~~~~
我係電腦前面坐4個鐘
係明報既聯招改選區問問題(al 的成績係經睇左好多考評局既統計同我自己既預計計出黎)
(ce 果陣自己估成績除左音樂之外其他都幾準)
send 左n 次
有2個登出黎
暫時只有一個回覆
如下...
小二:會考17分,A Level :CLC,BIO,AS CA 都是D ,CHEM,UE 是E 那麼第一選擇中大音樂系,第2:理大化學科技,第3 浸大生物系,有無機會?謝謝

胡繼昌：答 小二 :中大音樂系機會不大，其他的尚可以．

我諗我係唔係要放棄音樂系呢??



還有另一個問題未答...AL UE(E),CHEM(E),BIO(D),CA(D),CLC(D),1st poly:應用生物兼生物科技,2nd :ust:生物化學,3nd :cu:地資系,機會如何?ce 有修地理拎A



仍然在等....對住電腦咁耐隻眼好累...


但我這人....是緊張大師...做事要未雨綢繆....

我發覺事實上...仍不可放棄浸大....雖然我十個不喜歡
但仍要向現實低頭

>>July 2, 2006 at 6:43:21 AM GMT+8

2006 年 6 月 30 日 星期五 【晴】

29/6/06
又死了一條孔雀
1/7/06
又再次死了一條孔雀
~
今日終於買番部新dc..
舊果部壞左好耐都冇理
~
究竟仲讀唔讀音樂系好呢
雖然中三時
已經下定決心
非中大音樂系不可
但一來音樂是可以副修的
而如果我大個想教琴
唔使一定讀音樂系都可以教
雖然讀左係會有優勢
究竟我應該點..
真係好難決擇
我呀爸我表哥 dr tang又想我讀音樂
我呀媽又冇所謂
我自己心大心細
一日都係果個咁既miss cheung...
令我對音樂既熱誠已經漸漸減少..失去信心

>>July 1, 2006 at 8:33:50 AM GMT+8

2006 年 6 月 29 日 星期四 【晴】

天呀
我竟然免費上左星島頭版～！
～
今日又係7點半返到學校
照舊係教員室出面等甘仔開門
點知見到miss ho
仲比佢話我唔去幫佢搵人番黎open day 幫手~
有冇搞錯~~
宜家打左30幾個電話
但係事實上係冇人得丫ma~!
又唔係唔同佢搵
佢話我會搞到佢比丁生話
過左陣
seto 番黎
佢見到我就走黎同我講
話今日中七放榜
問我知唔知
我話我知呀
之後唔記得講d 咩
講起
我排左大學既band a 同band b 選科次序
...
點解佢無lala 對我咁我咁既
~~
甘仔番黎
先去點禮物
d 禮物唔係就過期既通心粉
就係d 好舊既燈同勁多既n 年前玩既玩具..
.送比我都唔要
最緊要係好舊
過左陣就上番地理室做野
~
甘仔乜都拎哂黎做
明明其他科都有份既野
全部都叫哂我地3個做
你估我地萬能架
梗係la~...又唔使你做
我朝朝7點幾做到6點幾先走
先做得哂d 野
但係其他學會既人
又遲番
又唔做野
懶懶閒咁
搞到乜都未做
點解我地要幫佢做埋
好唔忿氣呀
好討厭整board~!
甘仔今次真係好過份
佢有冇諗過我地會點諗
佢都冇問過我地意見
又成日驚我地做唔切
宜家我地做我自己本份
又要理人地d 野
how come...
~
lunch 同lee &子瑩又去桃源島食
~
食完又返學校整board
同包去搵alien
alien 係咁望住我
佢一路望我
一路同包講野
我同佢企到咁遠
點解佢會望住我同包講野~!
~
今日搞到6點先走
~
放學返到屋企
食埋飯
我呀媽就比我呀爸睇張報紙
原來我地琴日聽講座比人影左好多相
其中一大張上左星島既頭版...~!
救命呀
goodness me~!!!
幅相真係好大
個頭都好大
都係lee ~!!!
如果唔係你話要坐中間既中間就唔會比人影到咁正
幅相又大
個頭又大
仲要正正係中間
加上仲要好奇怪地著校服
一睇就比人睇到
死la~...
希望識得我地老師同同學冇睇星島就好la~
就算睇星島都唔好睇到我...
~

>>June 30, 2006 at 12:51:55 PM GMT+8