2005 年 4 月 19 日 星期二 【晴】

- 我和我的影子　林一峰 [complete version]

我試過因會遲到竟不上學
我試過多次留堂欠交功課
由老師講課　雲遊太虛宇宙
我陪著我影子唱歌

世界高興　但我不很快樂
要我遵照遊戲規則束縛
誰也躲不過　由社會發落
過程尚有影子跟我

時間匆匆過　朋友太善忘
頑童們在公園建造那王國
如今經已失落
--------------------------------
碰見於街角共你開心笑著
你說會找我　但沒有下落
遙遙記憶飄遠　隨隨笑聲退落
最後還有影子跟我
我從沒有孤單一個
慶幸尚有影子跟我
我從沒有孤單一個....

Laaaaaaa

>>April 21, 2005 at 12:13:17 PM GMT+8

2005 年 4 月 17 日 星期日 【晴】

成日都有老師黎觀課架!? 今日輪到 中文、Ｅcon。
我相信Ｅcon 阿Ｓir 順利Ｐass 會有點難道…
壽頭好可愛！！　剃羊毛會令到隻羊死…
嘩哈哈哈，第一次聽乍！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

放學同ＢoＢo、Ｐinky 行左陣，之後返富亨時…
見到好多人圍觀，又手指指唔知指去邊！
我同ＢoＢo 係強烈好奇心下去探究事情既真相！

點知見到有人跳樓…
跳唔成，整爛左人地３架，頭破血流，半天吊在１２樓…

仲要果死人頭插左入１１樓某戶晾３房…
諗住睇埋佢跌落黎先走…
但係俾人趕話：學生唔好睇喇，返去啦…
之後入到屋，Ｍiko 打黎話聽到〔砰〕一聲…
好唔抵呀！　差一步就見到有人跳樓呀！！！！！

我最睇唔起ｄ人走去跳樓！
呢個仲白痴，都唔知佢點跳，
又要整爛人地ｄ野，仲要嚇親２戶人家…
呢ｄ咪累人累物囉！

我唔係黑心。
只不過真係唔明有勇氣跳落黎，仲咩無勇氣去面對現實？！
果三廿幾樓既衝力，你估少野呀，果下咪仲辛苦！
仲咩要鑽牛角尖喎，前面轉彎咪出路囉！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

ｆｄ呀ｆｄ呀們！！　你地仲咩約埋唔開心架？！
心事重重既樣，好令人擔心...
好想見到你地笑返既低ｂ既樣...
如果唔想講，無所謂，但唔好屈住屈住！　
（殊...人地話好易有 cancer 架!!）
想講既時候，實有人會聽既！！　ｏｋ？
快ｄ收拾心情！！

>>April 18, 2005 at 1:31:54 PM GMT+8

2005 年 4 月 16 日 星期六 【晴】

晨早７：３０去泳池，
方貴到左，跟住挽鞋安、Ｋingson、成哥仔、張俊、鍾子峰到齊後，
就入去游水喇！

依家泳池好麻煩，
男仔唔好以著波褲落水，女仔著Ｔ-Ｓhirt 一定要白色…
哈… 無違規丫我地，不知幾乖呀！

今日　＊凍到傻＊
落成人池，凍到會打冷震。之後去戲水池果邊，又係凍到癲！
挽鞋教我游水，原來練踢水都幾累下…
３分鐘熱度後，走左去同佢地玩水底包剪泵。
跟住佢地又玩埋ｄ低ｂ野，勁好笑。

鍾子峰凍到走左！　方貴果咀凍到勁紅…
哈哈，真係凍到入心入肺…　點滴左心頭！
之後去左習泳池，沉水＋傾偈。
Ｋingson 咩式都識，好厲害呀！

後尾凍到想走，點知又出太陽喎… =.=
我地坐係太陽椅度傾偈，
傾傾下冷風吹過，６條雪條成形，跟住走啦！

６個人去食野，本來話食富山（日本野），
唔知邊個話：反日呀！唔好食日本野…　（…傻架…）
結果去左食大大碗！
食完佢地去Ｋingson家繼續游乾水，我就返屋企訓教～

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

下晏，麻煩左周珩幫我ｕｐｌｏａｄ相。
原來佢電腦都好得下架！　佢整過網頁！　０丹丹都係！！
總之，今日５該晒佢地教我啦～　ｔｈｚ～！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

鄭敏生同學，
你鍾意講全名係你既事！　不過想話你知，我唔鍾意囉
但我又想話你知呢！！　我比較覺得NJ個名，幾適合你 ^^
ＮＪ～　ＮＪ～　ＮＪ～　ＮＪ～　
ＮＪ～

>>April 18, 2005 at 8:57:20 AM GMT+8

2005 年 4 月 15 日 星期五 【晴】

今日係「全球青年服務日２0０5」之「愛心『護』松柏」
我地邀請區內老人家黎學校，聽講座，免費量血壓＆血糖！
好好玩，被預計之中多人（超過１００名老人家）。

開幕禮時，得小貓３、４隻，到Ｌunch 時ｄ人湧黎咁…
本來我負責攤位，不過悶得很…
走左去帶公公婆婆去量血壓 ＆ 血糖，
佢地好好傾，好多野講，成日都好客氣，多謝前多謝後。
但有ｄ講鄉下話，聽死我，要靠估佢講咩。

趁Ｆree 玩左陣，同ｃ婷、Ｆanny、Ｉvy 魏玩自拍。
跟住入班房傾偈，火雞問我叫咩名…　佢以為我叫Ｉrene 喎！　
ＢoＢo 幫我量血壓… 高左呀>o!

本來諗住同死矮仔落籃球場打波，但落雨。　
不過佢同莫敏都衝左落去！
我無去，走左廢安娜 ＆ 史力加果邊。

廢安娜俾人話佢似律師（但佢將會做醫生）
之後就法官上身，話：我係真理！
結論：佢係傻架囉！
佢又問我係咪玩辯論，佢話我似喎！　（有樣睇咩？）

之後史力加爆佢ｄ野出黎，又一場追逐戰… 廿幾歲都唔化，唉～

仲有，我終於發現到Ｈarry 同余Ｓir 似既地方喇！
就係作弄人時既樣，兩父子都一模一樣。
史力加（Ｈarry ）好抵死，特登向住Ｐurple 大叫，嚇到佢跳起身　＊搞笑＊

今日試過陪婆婆驗尿糖。　哈哈，讀醫應該幾好玩！
不過無我份丫，我文商生黎既！
Ｂoｂo 都係傻架，佢吉到Ｂio 細佬隻手（驗血糖）就勁興奮... 哈~

今日發生小插曲，由於我唔係親身在場，所以不予置評！　
誰對誰錯已經過左，唔好為小事傷和氣啦！

差唔多４點完，同ｃ婷，ｂoｂo、ｉvy魏、Ｆanny 去行大中，
不過好累，行左陣就走ｌu。

>>April 16, 2005 at 3:53:46 PM GMT+8

2005 年 4 月 14 日 星期四 【晴】

仲有今日有１件事１定要寫日記，
以發我心頭中的『憤』！！

死人ＮＪ！！！　死Ｓｅｘｙｍａｎ！！
無野做搞事呀！！！　　搞到要調位．．．．

嗚．．．　離開左咖啡會死架我．．．
好容易悶死架．．．

無左咖啡做ｄ低ｂ野，無得笑，好難過呀．．．
無左咖啡講低ｂ野，生活變得沉悶．．．．
無左咖啡，我無得搶糖食．．．

睇黎將會有１個人成為香港開埠以來，
第１個會悶死既人．．．
真陰公～
罪魁禍首 －－＞ ＮＪ　＼＿／

>>April 15, 2005 at 3:10:38 PM GMT+8

2005 年 4 月 14 日 星期四 【晴】

呢２日忙於搞攤位。
今次有新嘗試，由我負責帶一組人去完成一個攤位。
由設計、準備、上板，都要由我們親力親為完成。
哈哈，當初天真地以為Ｅasy Ｊob…
但原來困難重重，因為出現預料之外既變數。

雖然已經分工，但工作進度仍然係原地踏步的。
可能係我係分工上做得唔夠細心。
但我已經連Ｓchedule 都編埋，其實佢地依住做就無問題…
可惜佢地係無做既。

雖然組員們係Ｆ.１-2，但都唔算太細個丫…
點可以叫佢幫手剪紙… 佢話：我唔識剪喎…
叫佢幫手包紙盒　佢話：我唔識包喎…
=.= 呆晒… 我好想問句，咁有咩係識架？！？！？！？！？

一個人做野真係好好好好好好辛苦架！!！
最辛苦係，當你埋頭苦幹緊果時，
有ｄ死矮仔不停係你身邊講／做野黎煩住晒，
我幾想一巴車埋去，再一腳申佢出大西洋呀，等佢大字形飛出地球外！！！！！！！

辛苦就係要將佢地做完既野，之後幫佢地執手尾…
（將一樣野要做２次… =.=）

另外有ｄ太太太太太被動，我終於知道咩叫「踢一腳先識郁一下」！
原來有時真係要「畫公仔要畫到出腸」
琴日真係好想講：我想劈炮呀，得唔得？

琴日真係好難過，好彩有ＢoＢo幫手、陪住… 　
（雖然係後來先黎 哈^^）><~ 感激呀! Ｔhz 爆＞３＜

今日唔知點解好ｄd，
被動果個已經主動左好好好好好好多。　
><~ 好感動，真係老懷安慰！
雖然有些組員早走的早走，唔黎的唔黎。

唔講都唔知，原來我組有５個組員喎？！　哈…=.=”
因為來來去去先得２個人做野，　（嚴格上得１個姐．．．）
慶幸都可以如期完成。　
（Ｅven 效果比較普通，想點喎？！算係咁啦，得一雙手乍！　
ＨeＨe，好彩一山還有一山『低』，有人劣過我多多聲）
嘩哈哈哈哈哈

>>April 15, 2005 at 2:55:36 PM GMT+8

2005 年 4 月 12 日 星期二 【晴】

昨日Ｐaul Ｓir 堂有 Ｍiss Ｌi 黎觀課；
今日Ｗinnie Ｃhow 仲勁，有校長、副校、Ｍadam黎。

Ｍadam 臨走都要投訴下點解上佢堂一ｄ都唔積極，
鬼咩，有時問野，愈解釋就愈唔明…　答完 ＝ 無答
╮(ˇˍˇ)╭　咁就無計啦～

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

Ｅcon 加分後，我合格喇…
呢科無咩點溫書，預左考得差。
依家要去入油，大考就可以大路上奔馳！　全力進攻～

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

放學本來要整攤位ｄ野，不過要補課…
交代晒工作，將Ｆ.1佢地分晒工就上返去補課。
依家都唔知佢地做成點添…　
＞＜　Ｗhy 我個組個個都係低Ｆorm架？

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

補課Ｄavid Ｓir 今堂講Ｂad Ｄebt，
我唔知發左咩神經突然開竅。
終於知道咩叫「通」喇。
上咁耐 Ａ/Ｃ 第一次對課題有興趣！

雖然平時上堂專心，但係呢隻耳入果隻耳出… =.=
希望對 Ａ/Ｃ 既興趣唔好３分鐘熱度就完啦。

放學又同Ｐinky 去Ｒainbow 食甜品，
其實我好累，好想返屋企訓，不過有個傻婆想去，唯有陪佢啦！
返到富亨，經過大家樂時，見到弗弗＆海哲係入面，
佢地又玩緊魔術喇！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

天氣轉得好快呀…
一時又熱，一時又凍，今日仲要落埋雨添…
勁凍呀！　快ｄ暖返呀～

>>April 13, 2005 at 12:34:11 PM GMT+8

2005 年 4 月 11 日 星期一 【晴】

終於派晒所有卷喇。
平平均均之餘，稍為偏低…
紅字科目分別係　Ａccount ＆ Ｅcon 。
出乎意料的科目係　Ｈistory ！

每次最有信心科目，偏偏會令我失望。
而每次最令我想放棄的科目，偏偏又會成績最好。
算啦，咁矛盾既事，經常都會發生。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊

中文堂作文，太耐無作文喇我，
搞到我唔知點落筆…　之後成堂係度傾偈。
咖啡好搞笑，作夜讀有感，作到好似驚慄鬼故咁…
好勁呀！

之後 Ｍiko 借左本書返黎研究掌紋，
我隻手係屬於 哲學掌
係咪好勁呢！ 唔唔... 本書都講得幾準　哈哈哈哈

唔知係我 理解能力低 ｏr 阿Ｓir 表達能力差，
Ｅcon 實習阿 Ｓir 愈講愈複雜。
但係 何應 & 豬龍 ( xp 哈哈) 一講，
我就明白果２幅 需求 & 需求量 既圖表喇！　
真係Ｔhz 兩位~

＊＊＊＊＊＊＊＊＊＊＊＊＊＊＊＊＊＊＊＊＊＊＊＊

今日係 Ｆanny 生日。　＜<Ｈappy Ｂirthday >＞
又係一班人去食 Ｌunch 慶祝！
哈哈，我地夠歲數喇，一定要去捐血呀！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊

放學 Ｒe-Ｔest Ａccount　（Ｂecoz 唔合格嘛）
始終都開唔完 ｄ Ｌedgre…
之後同 Ｐinky 去還小說，再去 Ｒainbow 食甜品。^^

＊＊＊＊＊＊＊＊＊＊＊＊＊＊＊＊＊＊＊＊＊＊＊＊

我屋企風水真係好！
外面凍，屋企就會好暖。
而相反外面暖，屋企就會好涼… =.=

＊＊＊＊＊＊＊＊＊＊＊＊＊＊＊＊＊＊＊＊＊＊＊＊

Ｈappy！ Ｋylie ６月２５ 返 ＨK
我地到時去邊度玩呢？
玩Ｄ咩好呢？　要好好計劃一下先得。
Ｉ ｍiss Ｕ ＮINGＮING~

>>April 12, 2005 at 3:04:18 PM GMT+8

2005 年 4 月 10 日 星期日 【晴】

今日係 林一峰 生日呀！
一峰　Ｈappy Ｂirthday。 ~^^~

我真係好好好好好想近距離見到一峰！
跟住要同佢影相，拎簽名，
然後要讚佢：你好叻呀！　我勁鍾意你呀！你要作多ｄ歌呀！
妄想ｄ梗係要黎返個擁抱先ｌａ～　哈哈哈哈哈

一峰的妹妹二汶，我試過同佢擦身而過，
之後仲停低腳步研究左好耐，
跟住好興奮大叫：媽咪，岩岩果個二汶黎架！
哈哈，媽咪話你早ｄ認出咪同以拎簽名囉．．．
唉，真失策～

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

唔知點解次次訓教都一定會有人打電話黎…
唔訓教果時又唔會有人搵我ｇe?！?

晚上７、８時左右，
當我還睡得朦朦朧朧之時，
Ｉvy魏 打黎叫我出大中，
我都仲未訓夠又未食晚飯又未做功課，
跟住含糊不清地話唔出，之後好似收左線！

剛收線就到大倫打黎叫出去，
哦… 原來佢地約左。
話左俾佢聽，岩岩Ｉvy早佢一步打黎。

收線後，電話再響，今次係ＣＣ！
哦… 原來佢地約左。
我都唔記得講咩喇，之後收左線！

終於可以攀著我軟綿綿既大狗蓋頭大睡之際，
親愛既娘親突然大呼： 開～飯～咯　

＞＜　Ｏh Ｍy Ｇod~
唔通連個天都唔俾我好好咁訓教？！

>>April 12, 2005 at 2:59:47 PM GMT+8

2005 年 4 月 8 日 星期五 【晴】

今早約了海哲一起去富善做臨時義工！
昨日才獲通知報名，皆因人手不足，
所要臨時拉夫。

本來一對一的照顧小朋友，
有３位缺席後，騰空了我出來 =.=”
結果我成為「御用閒人」。

不過我都有份參與活動，
只是不用個別照顧小朋友。

智障負責的那名小朋友，勁可愛。
由入課室的那刻，直至走出課室，他可以笑過不停。
自己坐在椅上傻傻的、可愛的笑，沒有停過下來！　（佩服~）

之後做手工，
要用鹽倒滿汽球內再畫一張臉來。
那小朋友十分十分貪吃，
連掉在地上的鹽也要吃。
看著智障連忙壓止著他放入口裡，不過始終都按捺不住。
那名小朋友勁可愛唷~~

而大佬平的男孩，經常坐在地上，
又依賴大佬不肯自己走路…　起初以為他依賴性強！
原來他是腳部肌肉不夠強，難以支持身體長時期站立。

後來我與大麻成一組，看顧一名小女孩。
基本上她沒有太大問題，
活動中頗投入，只是說話不太清晰！
與她的對話，
難於理解得到她的意思，經常需要靠估。
不過最有效的溝通, 莫過於 body language。　（哈哈，即是手指畫腳囉~）

幸福不是必然，身體健全也不是必然！

可以行動自如，可以口齒伶俐，可以言行一致，
並不是志在必得，其實有些人是求之不得的！

就連可以每天睜開雙眼，呼吸一口新鮮空氣，
就已經要感恩！

>>April 9, 2005 at 1:06:47 PM GMT+8