2005 年 6 月 24 日 星期五 【晴】

好興奮!!
Ｋylie 今朝返左黎ＨＫ喇，
１１點幾打左個電話俾我!!
夜晚我地就再繼續傾啦
…
呵呵，衰婆，你終於返來了，實在太好喇。

期待星期２去唱ｋ～　

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊


培賢６Ｃ班的朋友，我地決定返培賢探老師喇～
闊別４年的母校，係時候返去聚一聚！

將會返去既有：林世、楊浩、楊啟、蘇健聰、陳文龜、曹碧、鍾嘉、賤哥…

之後果ｄ相信要電聯喇。
呵呵，好興奮呀！　希望搵到多ｄ人返啦

>>June 25, 2005 at 5:32:09 PM GMT+8

2005 年 6 月 24 日 星期五 【晴】




>>June 25, 2005 at 5:14:39 PM GMT+8

2005 年 6 月 23 日 星期四 【晴】

依家既 ｆeel 好似考完試咁…
輕鬆到訓足半日，好滿足！
成個 ｗeek 都唔夠訓，勁辛苦。

死仔賢又話今日入黎呀…　後尾咪又係放我飛機。
好彩我走去訓教無等佢！　真係明智呀我… 哈哈

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

近排都發生左ｄ野，好搞笑，關於我阿妹的。
哈哈，估唔到我妹妹的魅力只限於傻仔？

陳姑＆劉老師，講得好嚴重咁…
我又覺得：唔駛呀化？　會唔會擔心得太多呢？　
同能係我仲未知事情嚴重性掛。

陳姑問我意?I，又話我會搞得掂…
果時忙緊溫 Ｅcon，分身不暇去理呢ｄ！
同埋，依家愈黎愈唔想理呢ｄ問題…

不過自己阿妹，無計，一定要幫。
即管試下掂到我阿妹一條毛髮丫，我擔保佢無機會再做男生呀！！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

好期待見返ｋｙｌｉｅ，心情好似返番以前Ｆ．１咁！
我有好多好多野想同你講，
有好多好多地方想同你一齊去玩～
仲有好想講句：好掛住你呀！！！！！！！！！！！！！！

>>June 25, 2005 at 5:29:30 PM GMT+8

2005 年 6 月 17 日 星期五 【晴】

我都唔覺自己係考緊試。　
一ｄ緊張心情都無… 拎本書黎溫既心都無…　

或會心諗：唔係咁勁呀？　溫到唔駛再溫喇？
實際上，你既諗法係錯既，我完全未溫過。

我在考試嗎？　

我部計算機又有新ｌｏｏｋ喇！
ｋｅｒｏｐｐｉ版計算機～
Ｉ　ａｍ　ｌｏｖｉｎｇ　ｉｔ。

>>June 18, 2005 at 5:23:40 PM GMT+8

2005 年 6 月 16 日 星期四 【晴】

死仔楊浩賢今晚入左黎，其實我唔知佢入黎仲乜。
係我屋企食左飯，陪左我阿媽吹左陣水，
之後我陪佢行左陣大中，佢就返佢既觀塘。

本來想帶佢行ｂａｒ鋪，點知佢著住校服就廢事啦。
ｂand １ 學校 ｂand ３ 學生~
車！　今次就唔行住啦。

算唔算真係了解佢呢？　我就唔知喇。
不過我地真係ｆｄ到唔可以再ｆｄ囉。
我都唔知仲乜答佢個問題可以咁順口！
好似平時人地問：「食左飯未呀？」答：「食左。」
試下第２個問，仲唔一巴車左落去？！
哈哈，算啦，咁樣都唔錯丫。
ｈａｌｏ～　親朋！

死野呀！　唔公平呀！
搬返黎大埔啦，你避難就識走黎我度，
我唔識去佢果邊呀！　搭車轉車再行路… =.=”
最好搬返黎之前果位，方便我嘛，落樓對面果座就係喇！

最後，多謝你支柑桔！
雖然買一送一 =.=”

>>June 18, 2005 at 5:17:38 PM GMT+8

2005 年 6 月 15 日 星期三 【晴】

好多謝你地關心呀!! ^^朋友~
一場大雨將沈悶的心情嘩啦嘩啦沖走。
雨後晴天，心情靚靚。

>>June 18, 2005 at 5:21:31 PM GMT+8

2005 年 6 月 10 日 星期五 【晴】

我知我令到你咁苦惱、惆悵，我好想同你講，唔好為我而煩。
我明白到你對我好好，處處照顧我感受，
反而我成日都令你唔開心，真係好對唔住。
你唔好諗太多野啦，其實事情好簡單。
現在最重要都係請你專心於考試！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

我唔理你個ｉｎｆｏ寫既對象係咪我…　但我都好想回應。
開心既事真係好多人可以同我分享，無錯，因為我連唔識既人都可以將我既喜悅話俾佢知。
唔開心呢？我會話俾邊個知？呢個答案，我答唔出，真正聽過我唔開心事既人，真係少之又少。
大概可能係我唔習慣將唔開心同人講，又可能係我唔識表達，
我會講出唔開心俾佢知既話，通常係我極度信任既人，咁我先可以一字不漏咁講出黎。
大多數我都係喊過、訓過後，就無事！

平時我會好開心，好鍾意成日笑，係因為我想令身邊個個都會開心。
但點知令身邊既人成日唔開心都係因為我。
某程度都覺得自己幾失敗。

係屋企，我係硬著頭皮去充當堅強、強幹，一直都妄想可以取代阿哥在父母心中的位置。
原來無論點都係無可能！我一直都認為自己唔好，為呢個屋企帶來唔好運，發生咁既事唔多唔少關於我。
我知事實上唔係，呢個諗法太傻，但唔知點解，我一直都咁覺得。
其實我好介意爸媽講關於阿哥的事，成日都聽到「如果你阿哥係度，今年就１９歲喇」，
我聽完係好心痛，但偏偏又要若無其事好自然同返阿爸講，「算啦，都過左去，係你就係你，唔係你就唔係你啦」
點解我咁落力做足滿分，做父母心中的好孩子，唔會做ｄ令父母擔心既事，咁都唔可以代替阿哥呢？
講真，我好唔鍾意自己果生日！　仲咩要係我出世果日先知喎！　
人地既生日都可以過得好開心，我生日呢？　
我寧願世界上無１月１０日囉！根本無野值得慶祝！縱使每年都會有蛋糕慶祝，但我知到佢地會諗返起以前。
我以前做事太過生性、懂事，令父母都非常放心；但我反而想佢地擔心下我…

拍拖，我唔係一個好好既女朋友！有時我會懷疑自己究竟係咪１個女仔？
仲咩女仔應該有既細心、溫柔、體貼，一樣我都無既？
成日都因為我既疏忽大意令到自己ｂｆ唔開心！無好好地顧及佢感受！
最糟連分手都要係無疾而終咁對佢！佢真係好到唔可以再好，又點可以有個咁差勁既ｇｆ呢？！

朋友，我身邊既朋友全部都好好，同佢地一齊會好開心，最鍾意一大班人浩浩蕩蕩既感覺，
因為熱鬧丫嘛，我好怕靜！我都盡力令身邊朋友開心，我相信咁都俾我地相識到，真係一種緣份。
我都唔明仲咩我成日都會搞到你唔開心，次次都係俾你唔開心… 問題係咩呢？
每個朋友我都會重視，當然包括你在內。好多時我都會忽略左你，我知架！
我真係好唔想成日令你唔開心呀！

呢排一次過所有唔開心既都湧出黎，俾多少少時間我消化下！
遲下所有問題俾我ｋｏ晒後，開心既我又會返黎架喇。
依家就俾我解決呢ｄ不請自來又令人討厭既煩憂先啦！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

我之所以寫上黎，係因為呢個係屬於我既日記板。
乘載我既感覺、回憶、情！
放上黎我都明白無咩私隱權可言，但都請希望尊重返我。
唔好事後追問我因由、甚或討論。
呢個板板依家屬於私人性質，唔會再公開俾人，
姐係話，如果呢一刻睇到我既日記內容，我已經當你地係親朋好友。
所以，還請多多合作！　^^

>>June 11, 2005 at 5:04:48 PM GMT+8

2005 年 6 月 10 日 星期五 【晴】

今早同臀部ｂoｂo去自修室，途中見到小筠，
１０點先去到，已經無晒位。
初初坐係ｓofa 果邊，之後先去ｃoffee Conner 溫書！

今日見到 Ｅ.Ｉ、珠珠、斌妹、珊、菜濠、咖啡、賴賴、佳如，
之後Ｆiona、阿昇、阿狗、大猩猩都黎埋！

初頭同小筠傾偈多過溫書，後來先有溫過下。
愈來愈唔想小筠走呀…

我仲未溫書呀，真係想考天才？！

>>June 11, 2005 at 3:01:38 PM GMT+8

2005 年 6 月 5 日 星期日 【晴】

其實呢.... 我真係唔想見到囉。
但點解次次都要俾我見到呢？
你做ｄ咩，你既事，我無興趣知。　that's all

>>June 6, 2005 at 9:02:06 AM GMT+8

2005 年 6 月 4 日 星期六 【晴】

或者我唔係好岩自己一個人，
今日突然間有好強烈孤獨ｆeel！

岩岩屋企人出晒去藍田食飯，
阿晶又走埋時候，成間屋得自己１個。
唔知仲咩好鬼驚。

Ｌunch 又未食，又肚餓喎…
想食野又唔識煮，逼住要落街買…
我諗我有學煮野既必要！

但我好唔想入廚房…
如果將來有 bf 呢~ 一定要佢學煮野食姐…
咁咪唔洗我煮都有得食囉~!! ^^
呵呵呵呵~　發下夢先啦~

頭先見到林世，成個死狗咁，
返到屋企傾左陣ｉｃｑ講拍拖！
講真丫，我覺得佢靚仔左喎。
我一定記得呢個死野摑左我一巴！
我阿媽都未摑我，竟然俾佢摑！　哼～

>>June 5, 2005 at 1:44:18 PM GMT+8