2005 年 5 月 20 日 星期五 【晴】

平時健步如飛的我，以超越前面果個過路行者為目標而暗地開心至死…
今日竟然比烏龜爬得更慢咁行…
何等的悲哀!!

仲要係街上，備受超過１0０對充滿歧視目光的人所掃視　＄％＆＊（！
咩姐？！　未見過人地咬柴咩？！　少見多怪！
（Ｐ.Ｓ: 咁白痴做統計的行為，全是我低ｂ妹妹幹的好事）

今日個義工活動都算成功!!
檢討時，Ａda 讚我做 ＭC & Ｈandle 彩傘活動做得好呀 ^^
Ｈappy！　Ｈappy！

彩傘果ｐart 其實係最無信心 & 臨時發揮…
琴日同雯雯對稿時，完全對呢ｐart 摸不著頭緒…
玩法又諗唔到…　講稿就更加唔駛旨意嘔到出黎…
打算執生啦，諗到玩咩就玩咩， ｈai 過就算！

出乎意料，小朋友既反應好好，大家都投入到呢個遊戲。
Ａda 話我指示得好好，令佢地ｇet 到我個意思，做到我想要既動作！

原來最唔在意既事，結果偏偏會是最好…

好多野都係咁… 好似１0人１1足…
愈想嬴，偏偏嬴唔到…　　無諗過會嬴，竟然會嬴左…
唔知係咪心態問題呢？
係無壓力之下，做出黎既效果一定係最好！　事實丫~

將希望打８折，失望機會都會減２折
ｄepreciation is show time ！　哈哈
〔智在必得〕呢個心態，只會令自己辛苦，令成功機會減低…　太唔要得了！

>>May 21, 2005 at 4:25:09 PM GMT+8

2005 年 5 月 20 日 星期五 【晴】

Ｍiss 張話我地今次成熟左…
係咪成熟就唔知… 但人大左，思想就真係唔同左！
經一事，長一智嘛。
有過一次經驗，自然下一次就會做得更好啦！

如果係以前既我，有問題發生，我會選擇逃避！
由時間沖淡罷了，其實無論多久，問題都依然存在，
只是我將它視為不見，便認為已經〔無問題〕了。
但其實咁樣做，對佢對我都毫無益處，只會令大家傷得更深…

唔知幾時開始，我終於醒悟…
明白到〔解決問題既重要性〕！

以前俾佢追問問題，我只會答：唔知呀、算啦、唔理喇、唔好問我啦！
但如果依家問我，我會答：好！　我會認認真真咁答你…

我學到了〔正視問題〕，徹徹底底將問題解決，才是上策！
將問題化解，才是令事情真正的完結。
否則沒完沒了的持續下去，有咩謂？

浪費心機、浪費精神！　雖知時間多麼的寶貴喔！
將ｄ珍貴既時間，投放係１個誤會上，令大家互存心結，
到頭來其實無事，係誤會喎～　哈？
呢個世界上又多２個愚蠢既人類了！

>>May 21, 2005 at 4:22:07 PM GMT+8

2005 年 5 月 19 日 星期四 【晴】

今早同ｉvy魏去ｌibrary還書…
遲還罰左＄3０… ＞＜俾我用黎食野仲好…
之後去左食野，行左陣，就走喇…

好耐無同佢地傾偈喇!!!
ＣC、小倫、方貴、Ｋingson、Ｂio、阿冼、女王….
唉… Ｋylie 係度好似容易ｄ ｇroup 晒成班出黎玩…
以前成日去溜冰、書展、美食展、ＢBQ、寧寧家…
好懷念呀!!!

之後雯雯上左我家一齊對稿…
聽日義工活動，我同佢負責做 ＭC…
搞左好耐先嘔到份台詞出黎…

咁就無左一個下午喇… 時間過得真係快…
諗住溫書，結果都係無… 早知入ｃamp 仲好 ＞＜

Ｍother 放工返黎太累… ｓo落街食！
之後返屋企時，同ｃandy 鬥快跑返黎….
點知就係大堂 “冼” 左落地…
拗柴… 舊患果位腫左… 頂… 未斷尾添…
仲未佢狂串，〔街唔係要黎行，係要黎仆既！〕 =.=”

死啦… 腫過豬頭… 痛得黎又唔行得喎…
咁我聽日點呀?!
我打死都照去架喇!! 大不了去完義工先去睇跌打囉…
如果唔係ｄ藥臭到死，整走晒ｄ小朋友咪大獲？!
依家拎冰敷… 好凍呀!!!!!!!!!!

>>May 20, 2005 at 3:43:20 PM GMT+8

2005 年 5 月 18 日 星期三 【晴】

雷暴警告關係除消左個水運會… 好想後補返呀!!
今年係我地最後一屆架喇!! ＞＜　天公不做美
好可惜架… 明年今日我地就會考緊喇…

我地班就約左一齊去飲下午茶…
但９點就放人…
突出左既時間就去左打波喇!!
我、心、ｂoｂo 去左壁球中心打壁球…　
之後再去大埔體育館 ｊoin 返佢地…

各式各樣既活動都係晒乒乓球室裡面進行，乒乓球，鋤ｄee，打牌...
勁ｌei！　１0：00 – １2：00 就係咁過喇…

原來ｄ　bｏyｓ 打波都好叻下…
９仔鋤ｄ輸左２鋪，要罰俾ｆiona 坐上去做掌上壓…
ｍiko 就狂影 Ｎj 豔照…
原來高佬高 １8５ 呀… 嘩!!
跟住 細佬 同 高佬 拗手瓜!!　細佬嬴左呀!! 幾厲害~~

無共識下ｃancel 左飲茶… ^^ 其實我對飲茶不大興趣…
不過一大班人一齊又無咩所謂… 但有得揀我係唔會揀酒樓既~！

講左勁耐先決定到去邊度食ｌunch…
結果去左食扒王之王… 但有ｄ走左去食其他…
各人喜好，無得勉強… Ｎever mind！
食完野１３個人坐係度傾偈!！　^^

本來話再搵個地方傾偈…
但唔知仲咩ｄ人４散… 　我 & 心買完野都走ｌu…

經過大中個巴士站見到佢呀!！
好想望下佢去邊…　望住佢個背影有ｄ唔捨得走…　＞＜

返屋企聽歌時，訓著左…
訓到過龍… 鍾澄約左５點打波…　我５點半先醒…　ｓoｒ！
好彩佢地都齊人打緊波姐…

哎呀可惜呀！ 見唔到王子細佬添… 　仲想將佢地拍埋一齊比較下嘛!!!!
落到去珠珠叫我打波，但都未訓醒…　懶得郩… ^^"
坐係則邊望住左個細細粒既小朋友…

今日係壁球場都見到個肥肥地既小男孩…
好可愛… 笑得好甜又有點傻…
２歲乍… 佢咁活潑睇唔出佢係未足月ＢB！　仲要係ＳARS 時就出世…　
真係感謝主!! 未足月都可以咁健康!!

>>May 19, 2005 at 4:41:47 PM GMT+8

2005 年 5 月 16 日 星期一 【晴】

我唔理其他…
我只覺得 Winnie 係我心目中已經係 100 分既 miss！

佢肯犧牲２堂課堂同我地傾偈，解決問題…
有活動又肯陪我地去…　又肯聆聽我地既意見…　身體力行咁支持我地!!

今日講野果時… 其實我唔想喊架…
但唔知點解講講下就好有 feel 想喊…
搞到 winnie 都眼濕濕…

仲有佢講既比喻好正!!
將我地化為未啄磨既石… 我信我地好快會成為圓滑既石!!

周行件事… 由頭到尾，我唔係想搵交嗌…
我只係想正視個問題… 唔想由時間過去而沖淡…
我覺得咁樣只係消極既做法… 令事情變左冰山一角~
依家好啦!! 大家講清講楚，無任何誤解!!
呢件事上，２方都有唔岩地方…
有錯要認，打要企定，仲要去改（咁先岩嘛）!!　

信任真係好重要… 識左咁耐點解仲唔信佢?!
佢份人係點… 我知丫… 我覺得佢唔會咁做!!
但… 另一方面… 如果某個人問… 佢會唔會答呢…
細佬話：〔如果可以睇穿人地個心就好....　猜忌就一定唔會發生....〕
我唔想唔信我既朋友呀!!
經譚梓講一講，我同意咩事都唔應該懷疑自己個朋友!!
佢無論點都應該信佢!!　佢話無，就無!!　

比賽輸左… 好唔抵… 心機白費了…
不過我真係行得好差…
我同王子果條甩左… 恩恩同阿昇果條又甩左…
仲咩用返私家帶都會甩架？　 明明練果時實到分唔開架嘛…
難道連個天都唔鍾意我地??!
聽到 4B 勁開心咁歡呼… 勁想喊…

原來我反應真係幾遲鈍…
好似連續玩完幾次越礦飛車，無事，但係返到屋企先驚又暈…
比完賽果刻… 真係無事…
但見到 MISS 眼紅紅… 突然間有淚水湧!!
去完廁所洗完面… 無事~
大家上去班課嘆冷氣傾偈…
好搞笑… 大家坐晒埋牆邊… 為左唔俾巡樓老師見到而趕走!!
好低ｂ既行為，但係好難忘，好開心。

返屋企上論壇，見到王子篇野…　勁想喊…
始終都唔甘心… 好對唔住各位…

沖完涼死左係張床玩自閉…
拎左個音樂盒出黎…
聽到音樂盒ｄ音樂，唔知點解，眼淚就 “爸爸聲” 出黎…
完全收唔到制!！　
腦海一片空白，只係用盡力喊，個心痛住痛住黎喊…
之後喊到累就訓左…

>>May 18, 2005 at 5:32:53 PM GMT+8

2005 年 5 月 15 日 星期日 【晴】

聽日就比賽喇… 唔知點解我好擔心…
我唔係想計較輸嬴…
但總覺得依家我地既表現好似原地踏步…
咁我地咁辛苦，晒咁多精神、時間、體力… 為咩架?!
徒勞無功??! 白費心機??
好似周行一退出左… 我地就散晒… 成績不進則退…

王子講得岩…
始終佢係度果時我地整體行得最好、最齊、最夾既…
梗係啦… 練左咁耐喇喎…

唔甘心!! 唔甘心!! 唔甘心!! 唔甘心!! 唔甘心!! 唔甘心!!
不過無符… 點樣都係安全最重要…
但係點解呢家先要受傷喎… 我唔係怪佢… 我只係唔甘心呀~!!

相比Ｃ班… 我地對周行既態度已經好好…
Ｃ班爆晒粗… 態度惡劣 + 極端…

我有檢討過我地錯ｄ咩…
緊張… 係因為在乎…
好勝心話無就厄人既… 但一開始真係無點諗過… 可能後期會有…
唔知點解… 愈來愈壓力大咁…

我唔知係咪全部人想法… 但我只係想大家一齊練習得好 d …
成績出黎好 d 咁姐… 要付出先會有收獲架嘛~
同埋過程都好緊要… 係練習過程我地都過得好開心丫~

過份緊張…
我地咁早練… 係想慢慢練習…
唔想臨比賽先黎〔臨急抱佛腳〕谷住黎練… 咁樣唔係會變左反效果咩??

不過我都覺得我地練習時間係長左…
但唔係我本意…
我本意想一日練ｄ，一日練ｄ，累積出成績…
同埋唔係我想話事架… 個個雄心壯志話練… 唔通唔練咩~
我幫手拎個中位數決定之嘛… 真係好難做得２全其美!
好難滿足晒所有人…

我覺得我錯係唔夠體諒人，
但要明白佢既前科…　仲想我點做喎…

仲有好多好多我好想講…　

>>May 16, 2005 at 2:43:20 PM GMT+8

2005 年 5 月 15 日 星期日 【晴】

點解俾我知道係佢呀…
點解要係佢呀…
我知道左真係好失望…
點解係佢話俾人知架…?!!
如果係第二個… 我可能無咁嬲…
但係係佢呀…
講真… 我真係好嬲好嬲…

我無記錯… 係佢問我個時間，係我答佢架…
我點都估唔到佢會話俾人知囉!!
知唔知我地練得幾辛苦幾耐先有咁既成績呀?!
依家可能做唔返呢個成績呀…

你竟然走去話俾人知?!!
人地依家當左係目標啦…
萬一佢地真係超愈左… 我地咪白費心機?!
豬龍話未必係佢自願… 可能係被迫既…
但點都自佢口中所爆丫…

佢徹徹底底令我完完全全失望到無野可以再望囉!!

雖然豬龍狂話算啦，
做人應該開心…
大家一齊既時間都唔會好耐.點解唔好好珍惜~

但呢個怒氣衝天既關頭… 我唔嬲佢，我唔係人!!
就係因為佢係我好 fd 好 fd 好 fd 既 fd…
佢竟然背叛我地… 可惡至極!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

好想 thx 豬龍… 雖然佢睇唔到呢篇野架喇~
但佢講野真係好好… 估唔到講果ｄ說話係出自佢口中~

>>May 16, 2005 at 2:36:47 PM GMT+8

2005 年 5 月 14 日 星期六 【晴】

pg.26 〔2004 年 06 月 07 日 〕既日記…
正係上年１０人１１足比賽而寫的…
上年我地拎第２，用左８秒０３…
睇完… 真係沈默…

心機係唔會白廢… 要付出先有收獲…
要練習先可以得出好成績…
呢個顯淺而明既道理，咁都唔明？

上年：
〔我地咁辛苦出錢出汗 bk 場練果４個鐘！
汗流浹背咁係果個又多蚊 ge 地方練，練到隻腳俾野咬到一撻二撻！
晨早未訓醒６點幾出黎練！
o係停車場果度冒住俾車撞 ge 危險都仍然練！
徐鞋行石屎地，行坑渠蓋，然後痛到個個嗌救命，都繼續練！〕

今年呢…
相信今年練習時間不比上年少…
成績都應該會好過上年…
但到頭來… 得到的是什麼…

上年我地目標係要人爆玻璃…
今年目標係班霸…

我相信如果照先前練習成果…　我們黎目標不遠的…
但是現在…

上年比賽前阿ｍｏ講果句好正…
今年豬龍的說話更感動….

上年同今年我的位置一樣最旁邊…

上年有Ｋingson… 全賴佢成日的住我… 我好少會跌…
而上年練習雖然辛苦… 但仍然輕鬆…　（好掛住Ｋingson呀!!）
我仲記得上年Ｋingson係比賽果日先請假，
果時我幾驚無佢ｐart 我，好彩最後趕得切！
又記得鍾澄媽係電話度講野幾咁差…

今年有基基… 有個女人煩下佢都唔錯既…
但今年練習得來辛苦… 又有壓力…

點解咁唔同既…

>>May 14, 2005 at 6:59:57 PM GMT+8

2005 年 5 月 13 日 星期五 【晴】

果日喊…
除左心痛個個都因為練習而受傷…
痛，佢地既傷勢…
痛，練咁耐其實係為ｄ咩…
痛，如果唔係練習就唔會個個都受傷…
痛，點解會搞出咁多事非…
痛，寧願放棄比賽，都唔想再見到有人受傷…
痛，係我話要練習，而有意外受傷…
痛，點解要就黎比賽先唔玩…
痛，點解要前功盡廢….
痛，點解成功在望…. 竟然會化為烏有…
痛，點解可以有咁不負責任既人…
痛，點解個個都認真，咁都感染唔到佢？
痛，點解有人咁自私，咁自我？！
痛，點解我做得唔夠好…
痛，點解係我做決定…
痛，點解我無好好顧及人感受…
痛，我真係唔甘心!!!

＊＊＊＊＊＊＊＊＊＊＊＊＊＊＊＊＊＊＊＊＊＊

ｔｈｘ標叔同我傾左咁耐...
俾我向佢發牢騷... 辛苦 + 麻煩晒佢 ^^

＊＊＊＊＊＊＊＊＊＊＊＊＊＊＊＊＊＊＊＊＊＊

原來真係佢ｇｆ...
心在痛多２錢重~

>>May 14, 2005 at 6:30:14 PM GMT+8

2005 年 5 月 12 日 星期四 【晴】

一日裡面發生好多事...
教人喘氣...
事情進展到這地步...
意味著什麼呢?

祈禱令人安寧...
我知道任何時候、任何地點，
總會有人陪著我，
與我一起過每天，不會離棄我的。
這是我慈愛的父神，主耶穌基督！

>>May 14, 2005 at 6:15:55 PM GMT+8