2003 年 9 月 5 日 星期五 【綿綿細雨】

好悶呀！！！
所以咪睇左無線的”總廚有請”之食譜來整曲奇～～
因為睇佢地整得好靚，所以咪整來睇睇！！！
我起初唸應該都ｏｋ，但整完之後．．．有ｄ後悔啦！！！
都係之前整個ｄ好食ｄ，今次個ｄ無咁好食，失敗！！！
下次唔整呢ｄ，我個係最最最好．．．食～ ^^ （笑）
　　
唉！！！
好悶＋無奈！！！
點解會係咁家！！！
自己都覺自己似個陪唱！！！
有無攪錯，明明話有三個女仔去，點知個個臨時唔得！！！
一個話（好似）high 大左，都叫佢唔好食個野，個ｄ野食多左會死家！！！
又唔聽～～～第二個又話因為夜唔出．．．
唉～～～無野好講！！！
你夜？？？我都覺夜啦～～～（灰）
最後得我一個女仔加六個大男人，唉！！！
下次我一定唔出！！！
　　
又話唱ｋ，個個都唔唱，去黎做麥！！！
錯誤的決定～～～
　　
見返以前個男朋友，好．．唔知點！！！
各坐一邊！！！無同佢傾過！！！
都想同佢傾，但．．．唉！！！點解會變成咁！！！
同佢 friend 返又驚佢又有野，點解男同女唔可以只係朋友關係呢？？？
唔明！！！
以前一得閒，我都會成日找佢，而家．．．所以都好少同ｄ男仔太過 friend ～
要不然就係佢唸左野，或者係我表錯情！！！
咁就麻煩啦！！！
　　
其實佢都好好，只係我同佢喜歡對方的時間不同！！！
好耐之前確實對佢有 feel ，但慢慢就覺得佢係個好知己＋好朋友＋好哥哥咁！！！
　　
事實上，我只係驚一大班人出去，而係一大班人中有喜歡自己的人！！！
我唔識得去面對呢ｄ野！！！
同六個男生出去，發覺有一個舊男友及一個好似對自己有 feel 的男生，自己總覺得不好意思！！！
好怕他們呀！！！
我唔喜歡他們就唔想佢地送我返屋企，唔想有事發生．．．
唉！！！所以今晚都好早返屋企．．．自己一個搭車！！！
　　
雖然佢想送我，但我話唔洗啦！！！
同 cocoa 係ｋ房外傾左一陣，佢都話我應該走，真係未試過唱ｋ時會出左去傾電話，哈！！！
　　
今日的心情係極低！！！

今日快樂指數：＊
今日失控指數：＊

>>November 25, 2003 at 1:52:33 PM GMT+8

2003 年 9 月 4 日 星期四 【綿綿細雨】

好慚愧呀！！！
約人食飯又要人地出錢～～～
我唔想家，如果我有錢一定請你食飯！！！
今日真係好累，都不知自己是否病了！！！
但又唔想留係屋企，好悶，好煩！！！
食完 lunch ，自己盪左一陣，唉！！！
好多野，自己都身不由己！！！
　　
返左屋企，成個人好累，好殘！！！
睇睇下漫畫就訓了！！！
屋企個電話又 shot 左，所以咪開住左手提，訓訓下電話一響，
cocoa 打來，同佢傾左好耐，連有人入線我都無理！！！
若果唔係佢電話無電，我唸我地會再傾，大家傾完後都覺好開心，
可能係有ｄ野唔想講都講左出來，所以咪舒服左！！！
　　
收左線之後，我睇到有人 call 我，事實上我都估到係邊個打來！！！
我真係無錢，唔想去！！
有錢的話，我一定去～～～唉！！！
雄仔打完一之又一次，起碼有三至四次～～～
不斷係度叫我去！！！
我都話我無錢，做麥係要我去！！！
最後佢話請我喎，咁就．．．
但係我真係唔想人地請，雖然佢話當我的生日禮物，但．．．
同佢識左好耐，但都．．．唔係咁好意思！！！
同佢傾下電話，原來可以發現好多野家．．．知道左有ｄ朋友仔的秘密！！！
聽日我一定要”八卦”下先啦！！！

今日快樂指數：＊＊
今日失控指數：＊

>>November 25, 2003 at 1:49:22 PM GMT+8

2003 年 9 月 3 日 星期三 【陰】

嘩！嘩！嘩！！！
收到 ivy 的 message ，好開心＋好感動！！！
我都知你忙，工作至上嘛！！！努力ｄ啦～～～
補返給我，你有時間先啦！！！
ivy 果然係我最最最好．．的朋友～～
　　
同左 cocoa ，阿崙去左睇ＬＸＧ（好似係呢套），唔記得啦！！！
都幾好睇，本來唸住睇什麼．．．
肢解什麼（唔記得），兩後來發現片長好短，好似唔係咁”化算”，
所以咪唔睇，近來已經洗左好多錢，唔想再洗Ｄ自己覺得唔值的東西上！！！
原來無錢係咁辛苦家，又無工返，無錢洗！！！
個學生重未給我人工，好慘！！！
而家佢重要轉左校，返屋企都好夜，我又要等佢，我返學時個樣一定好殘！！！
講到返學，而家剩我同 andrew 升 high-dip 啦！！！
得我同佢！！！好慘呀～～～
　　
死啦！！！
我又好似得罪人咁！！！
唔計啦～～～
我真係好飽，同 cocoa 佢地飲左野，又食左ｄ野，好飽！！！
所以咪．．．最驚推左ｄ約會，最驚呢ｄ野！！！
約會，聚會！！！
今次我又唔知點死！！！
個 friend 無啦啦打電話，話星期六出去食飯，我已經無錢啦，重要我．．．
食食食，偏偏要係我最無錢的時候食，已經同佢講左我無錢唔想去，點知．．．
佢話無所謂，錢唔係一個問題！！！
”唔係掛”．．．咁都話唔所謂，我話我無錢，佢話支助我，
我會．．．唔好意思家，所以．．．
　　
第二個問題係．．．我以前個男朋友又去，有ｄ野．．．唉！！！
唔識講．．．好驚佢．．．如果佢無野就好啦，我就無咁驚，唔係的話，我又．．．唔想去，超級唔想去！！！
點算呀！！！救命呀！！！

今日快樂指數：＊＊＊＊
今日失控指數：＊

>>November 25, 2003 at 1:47:52 PM GMT+8

2003 年 9 月 2 日 星期二 【颱風】

好大雨呀！！！
無唸過個颱風走得咁快，簡直係來去衝衝喎！！！
唔知今日洗唔洗補呢？？？
算啦，如果懶．．．或者落太雨就唔去啦！！！
一於咁話～～～
邊個叫佢成日都係咁，玩死我，重要勁夜都唔返屋企，令我成日都好夜先有要同佢補！！！
唉～～～懶＋煩！！！
　　
唔知呢幾日係唔係都落雨呢？？
　　
前兩日有個朋友打電話來，佢話多謝我！！！
起初都覺得好怪，做麥多謝我！！！
之後同傾下傾下先佢好似識左個女朋友，佢話我之前被左ｄ意見佢喎！！！
事實上，我只係被左好少好少的意見～～～
我覺得男生唔可以因為一次失敗就放棄，追女仔，事業，學業．．都係．．
可能ｄ男生會話好唔公平，但係係香港來講就行得通！！！
我話佢”你追到都係因為你的誠意，唔關我事，唔洗多謝我”點都好，同佢都算係由細就識，算係咁！！！
　　　
kaki ，好耐無同你傾電話，一傾就傾左好耐，你個阿頭咁家，我睇佢都好唔掂！！！
佢呢ｄ人，唉～～～
無眼睇！！！
好時間都想同你出街，但你咁忙～～

今日快樂指數：＊＊
今日失控指數：＊

>>November 25, 2003 at 1:45:51 PM GMT+8

2003 年 8 月 31 日 星期日 【晴】

今日係自己的生日，已經有好耐未試過同屋企人過生日，
但係生日唔生日對我來講已經無麥特別，可能年年都係咁，只係大左一歲，
應該係話老左一年啦！！！
講就話係生日，但係屋企人都唔知我今日生日，只係得我細佬講先有人知，算啦～～～
我都唔介意呢ｄ野，之後佢地就”被”左一百蚊我，共二百蚊當生日禮物！！！
我細佬總問我借一百蚊，哈～～～
算啦，自己又無想買的野，想買的都買左啦！！！
有錢咪借被佢，呢ｄ叫幫得就幫！！！
點都好，都謝謝各位朋友～～～
有些朋友也 send 左 message 被我，有些就打左電話被我，
但係點都唸過姚姚同韻明會寄生日咭被我，好特別呀！！！
有時間的話，我都想見你地，自上次聖誕之後都好耐無見～～～
呀！！！係呀！！！
都謝謝 jovi ，同我傾左一陣電話，咁我又可以無咁悶～～～
最後謝謝各位朋友！！！

今日快樂指數：＊＊
今日失控指數：＊

>>November 25, 2003 at 1:39:42 PM GMT+8

2003 年 8 月 30 日 星期六 【晴】

嘩！！！
今日係ｃｗ的大日子，對於以前的我來說，我一定好緊張！
今日本來想約多ｄ人去，但係次次都咁樣．．．
都係算了，所以今日只係同 cocoa 去，聽講佢個朋友仔都有去，重係玩 cosplay ～～

本來想早ｄ去，但點知一去到見到好多好多人，好似漫畫節咁多，場面好恐怖！！！
起初我地唸住遲ｄ應該會少ｄ人，所以咪等下同傾下，無去排隊，
點知越來越多人，故此即刻走去排隊～好曬呀～～///
又熱！！
都唔知原來咁熱？？
＊︿＊排左都唔知幾耐！！！

終於可以入去，好開心～～～
入左去，行左一圈，點知找不到我最想買的東西，好慘呀！！！
我唸最受歡迎的應該是山鬼（千草）的攤位，她的畫畫真的好靚，
但我不太喜歡買她的東西，所以都係無買，cocoa 就買左佢ｄpost card，我想最開心的．．．都係小雲的本本！！！
雖然不是她的個人本本，但裏面有很多以前很受歡迎的同人誌畫家的圖圖，都值得！！！
另一方面，我又同小雲傾左左陣，又拿到她的親筆簽名，好好好．．開心＞＜
　　
今日都洗左二百蚊，死火！！！
本來無唸住買的東西也買了！！！不是預算以內！！！
本來自己係幾日前預留一百蚊去ｃｗ，但而家．．．
一日都係去左三聯，被我睇到本關於”塔羅牌”的書書，因為都幾難找，所以．．．
即刻下定決心買下，一說”塔羅牌”，我想自己也玩了差不多五年了，話多不多，話小不小！！！
不過，透過它都大概知道一些事，準確性都幾好～自己也想買過一套，看來又要再出去看看！！！
今日又一日啦，好開心呢！！！

今日快樂指數：＊＊＊＊＊（有史以來最高，五粒呀＞＜）
今日失控指數：＊＊＊＊＊（ 小雲，我想要 2nd Journey ）

>>November 25, 2003 at 1:37:23 PM GMT+8

2003 年 8 月 29 日 星期五 【微雨】

逢星期六，媽咪實捉住我一早出街，今日都唔例外，晨早就起身出街買野！！！
不過同媽咪出街都有好處，食飯買野都係媽咪給錢，所以我覺得同媽咪出街都好好的～～^^
本來今日媽咪想我剪髮，但係自己又唔太想，所以咪無剪～
我唸星期一，二左右會剪掛，自己都唔知，算啦，都好長，剪下頭髮改變下形象麻！！！
　　
今日都算你有收獲，見到一對鞋，好靚靚，好想要，但係都要成百幾蚊～
近來又手緊，所以．．．
最後都係媽咪出錢買，好好好．．．多
謝你呀媽咪～～～（＊感動＊）
等我下星期有得補習，有人工時再給錢媽咪啦～～～

今日快樂指數：＊＊＊＊
今日失控指數：＊＊＊

>>November 25, 2003 at 1:33:21 PM GMT+8

2003 年 8 月 27 日 星期三 【晴】

好想睡呀！！！
今日一早就要起身，因為洗手間問題，媽咪一早就趕我同細路出街，
咁早，都無地方去啦，”鋪頭”都未開，叫我地去邊～～～
之後唸無可唸都係去左阿姨屋企，睇電視都睇到十一點幾，
之後恒恒一回來就吵著做功課，因為佢ｄ功課重有好多好多未做，邊個叫佢顧住玩，
但係做下做下．．．食完午飯就吵住打機．．．
佢不斷吵，又唔肯做功課，迫於無奈只好給他玩一陣，我地玩左賽車，講真幾”頂忍”～～
我玩下玩下都覺好”攪野”，可以上行人路，又可以跳車，勁呀！！！

死啦～～～我睇來有陣子無錢洗！！！
邊個叫我買左部ＭＤ，本來唸住千五至千七左右，但係．．．
聽個sales講下講下又買左個二千蚊，死啦～～～
部機係新款來的，所以．．．
算啦～～～
我幾年都無一次洗錢洗得咁厲害，只此一次啦！！！
講真，今年都洗得幾多錢，又買電話，又買ＭＤ，又去旅行，唉！！！
＞ｍ＜
　　
今日都好．．．腳軟～～
行左成幾個鐘，返到屋企重未攪好！！！
成十點幾先有得洗澡，差不多十二點幾先有得睡．．．

今日快樂指數：＊＊＊
今日失控指數：＊＊＊

>>November 25, 2003 at 1:28:45 PM GMT+8

2003 年 8 月 26 日 星期二 【晴】

嘩！嘩！
今日的蛋糕焗得好好呀～
只係欠ｃｒｅａｍ，有史以來做得最好～～～
唉！！！
明天要一大早起身，因為ｔｏｌｉｅｔ要裝修，所以．．．
不過一早都預備左野做，唔係得話都唔知點算！！！
今晚係火星最接近香港得日子，一陣都應該會出去睇睇，但唔知睇唔睇到呢？？？

今日快樂指數：＊＊
今日失控指數：零

>>November 25, 2003 at 1:26:52 PM GMT+8

2003 年 8 月 25 日 星期一 【陰】

好香呀，琴日ｄ香水重留係到～
今日好懶，自己都唔知點解～可能係琴日行左成日掛～
不過都算係ｏｋ啦～
本來想上網找多ｄ關於塔羅牌ｄ野，但到最後到係．．．
算啦～～
找一日出去海港城睇睇～
琴日個占卜師真係好好人，明知有 booking 都同我地傾野，重解釋左好多野～
我起初幾驚佢會收＄，我都無咁多元係身～
　　
玩左好多不同種類的占卜書，都幾準～～（一ｄ一ｄ啦！！！）
原來我同ｉｖｙ，ｂｅｃｋｙ佢地的看法有ｄ相同，我地都好重視感覺，
尤其係對戀愛個方面～
怪唔知我地咁
ｆｒｉｅｎｄ啦～～～^^

今日快樂指數：＊＊
今日失控指數：零

>>November 25, 2003 at 1:25:36 PM GMT+8