2004 年 2 月 25 日 星期三 【晴】

個頭好痛，麥事呀？？？
無啦啦痛，有ｄ唔想返，但唔返既話 yan yan 一定問長問短～～～
唯有頂住先啦，食ｄ止痛藥．．．

返到學校先知自己個 power point 做錯野．．．
shit ～～～今次一定死得，好驚．．．
點知一 present ， yan yan 就話呢樣唔得，果樣唔得．．．
唉～～～都唔知想點，到最後大部份人都要返去做過！！！

>>February 26, 2004 at 11:11:15 AM GMT+8

2004 年 2 月 24 日 星期二 【晴】

琴日既 cs canel 左，改左今日下午上堂～～～
所以就諗住去睇 hong knog story 呢個 exhibition ～
因為睇完呢個 exhibition 之後要寫 report ，點都要去，早去好過遲去嘛～～～
遲ｄ又多左野做，又無麥時間去家啦！！！

約左 andrew 去睇，但．．．話明唔可以遲到，點解又遲．．．
等左一陣，又無野做，係度等不如自己一條友入去睇先．．．
咁咪入左去睇野先．．．睇左成半個鐘， andrew 先到，有無遲左ｄ呀＞＜

ｄ野都幾好睇，ｄ店舖好似，好得意，估唔到都幾特別喎．．．
都睇左成二個鐘，事實上都未點睇完，但要返學，所以要走啦～～～

返到去都幾無聊，之前果幾個 year 3 present 都ｏｋ，但之後就．．．
無心機睇，好悶，咁走囉～～～
都好”比面”個 tutor ，返左半堂囉．．．
而家留係度都無聊啦，不如早ｄ返去做功課好過啦！！！

>>February 26, 2004 at 11:06:16 AM GMT+8

2004 年 2 月 23 日 星期一 【晴】

今日一早起身做功課，因為琴晚唔知麥事．．．無麥點做野！！！
所以決定一早起身做．．．

雖然係返九點半，但我都係九點三先出門口～～～
算啦～～～ bella 都係一個個見，都已經無麥所謂！！！
返到去先發現無麥人．．．
見到女田，所以咪坐過去囉，又同佢一齊爆肚！！！
唔係掛，我地講咩 bella 都聽到！！！
係我地大聲，定係 bella 唔專心 "crit" 人地ｄ野！！！

好失敗．．．我個 remote 壞左， shit ！！！
怪唔知呢幾日”眼眉挑”啦！！！
shit ～～～又要出旺角．．．唉～～～

返屋企個陣見到隔離有個二十歲左右既女人．．．
嘩！！！佢都幾．．．唔斯文，係車度食野！！！
食完一樣又一樣，重要大口大口既食，無眼睇佢～～～＞＜

>>February 24, 2004 at 11:29:35 AM GMT+8

2004 年 2 月 22 日 星期日 【晴】

個個禮拜既星期一都係遲半個鐘先返，今日都唔例外！！！
好似遲到返學一種”例行”既習慣～～～
上 antony 堂都唔知佢做麥家啦，都係要靠自己．．．
所以上ＣＡＤ堂都變得心淡意冷啦！！！

又要交？？？痴線咩？？？
都無教人點做，無啦啦又要人地交， shit ！！！
（死得，上左 year 2 ，ｄ脾氣好似大左．．．＝．＝點算！！！）

多謝你呀， petpat ，無你既話我一定唔識做．．．同一定無得交～～～ //////
但點解教完我之後你又唔記得左既？？？
哈哈！！！人地教完我，而家又教返人，都唔知想點囉．．．
原來好多人都唔識，好多人都交唔到．．．所以～～～
初時以為聽日 typo 要 final ，所以個個都好緊張，個個同學仔都話不如成班一齊走堂！！！
但最後．．．發現原來係”虛驚一場”．．．
傾得來．．．英文堂都無上，又走堂！！！
近來成日走堂，點算呀！！！

走堂既時間走左去教同學仔做ＣＡＤ．．．但．．．．
點解隔離ｄ電腦係 flash 5 既．．．唔知做麥．．．＠．＠
嘩！！！ petpat 好厲害．．．偷偷走去人地上堂個班去做！！！
哎呀～～～比 antony 知道我地講佢就死得啦！！！
ｄ同學仔話我咁樣話個 tutor 都得既．．．
事實上我都有ｄ驚，如果佢知道既話我一定死得！！！

同一個 flash 功課，只係改左ｄ色就交，方便！！！
（係咁幫人改色同交功課，自己都．．．）

同左 maggie ， andrew 同男田一齊出去食 lunch ！！！
都好開心，因為係．．．無佢既出現嘛～～～
討厭那個人，都未見過咁既人， cheap ！！！

又到 yan yan 堂，感覺上比 project A 好一點啦～～～
輕鬆左，但．．．
在完全沒有想過 concept 之下，竟然可以”吹”左一個 concept ～～～
重要係個 tutor ”buy”，怪～～～

>>February 24, 2004 at 11:14:18 AM GMT+8

2004 年 2 月 15 日 星期日 【晴】

岩岩 project 完左，而家又有新既來緊．．．
唉～～～
上ＣＡＤ都唔知發生咩事，ｄ flash 難到爆！！！
什麼 action ar ～～～玩野嘛，咁多 programme 既野＠～＠

lunch 都唔想點食野，因為．．．唉～～～
一上呢個 tutor 堂就無胃口食野～～～

點解咁多人話我同 andrew 有野喎．．．
佢係我好細佬來家，點解無人信．．．（無奈）
ｄ人咁家．．．

ｄ同學仔話我整ｄ曲奇好好味．．．太好啦～～～
重驚佢地話唔好食，而家鬆左一口氣啦！！！（笑）
佢地話重想食，聽日一於再拿比佢地食．．．
因為果日真係整多左．．．都已經拿左一大包比 ivy 食．．．
而家重有一盒多～～～
下次有時間再整其他野比你地食呀！！！

>>February 16, 2004 at 11:06:53 AM GMT+8

2004 年 2 月 14 日 星期六 【晴】

訓左兩日，休息左兩日！！！
而家又要努力做功課啦～～～
唔想做呀！！！
好”支力”，又唔識做．．．
ｄ電腦功課難到爆，自己都唔知做麥野？？？
唉～～～

>>February 15, 2004 at 4:32:25 AM GMT+8

2004 年 2 月 12 日 星期四 【晴】

完左個 project 啦～～～
但好唔開心，今次個 project 真係好失敗．．．
未試過咁家，我係 advertising 個方面真真．．．係好唔掂！！！

今日訓左好耐，九點幾先起身．．．
因為聽日話同ｄ同學仔出去玩，要整野食拿去喎！！！

食完早餐都成十點幾，係時候整啦．．．
因為一陣下午又同 ivy 出街．．．
整左成兩倍既份量，原來都幾多～～～
之後磅下野，自己又 hea 下，就咁樣攪左好耐．．．
唉．．．點幾 ivy 打電話來，但ｄ野重未整好～～～
比佢話我好慢呀．．．我都唔想家～～～
點知ｄ曲奇整左好耐，都整左好多．．．
屋企有成兩盒多，但整死啦！！！

攞左一包比 ivy 食，都好耐無整比佢食啦！！！
出到去都成三點幾四點啦，上左佢屋企坐左一陣．．．
就出去行同攪我地既．．．攪作．．．（哈哈）

點知都整左好耐，十一點先返到去．．．好”支力”呀！！！

>>February 14, 2004 at 3:10:33 AM GMT+8

2004 年 2 月 11 日 星期三 【晴】

唉～～～
今日個 project 終於完啦！！！
好開心呀～～～
唔洗再煩啦！！！都未試過咁唔想做一個 project ～～～

而家做ｄ麥，係度無聊等 tutor 比分～～～
要成個鐘先有得上去．．．
一陣有可能要去補習，都有一陣子無去補啦！！！
星期二原本要補，但無啦啦走左去同ｄ同學出去買整蛋糕ｄ材料．．．
咁所以就．．．之後佢地又話要上我屋企拿漫畫．．．
哈哈～～～麥都唔記得，算吧啦！！！
我就係一個咁善忘既人～～～
攪到人地個 daddy 打電話來我先知原來個日要補習！！！

呀？？？
我 ignore 你，無呀！！！
忙之嘛，其他 friend 都覺我近來少左 online 啦～～～
好多多野做，事實上係ｄ野比人 ban 完又 ban ～～～
ban 到又要重新做過，攪到自己好忙．．．

我都自己唔係呢ｄ人， advertising 我係唔掂家，我唔想做呢行～～～
雖然話 advertising 夠剌激，但真係太激，我唔玩啦！！！
都係ｄ正常野先適合我．．．

最迎好鍾意聽 twins 既士多啤梨蘋果橙，隻歌好得意．．．
同 proud of you 都幾好．．． remax 好得意家！！！

今日返屋企真係想休息下，好”支力”呀！！！！！

>>February 12, 2004 at 7:11:59 AM GMT+8

2004 年 2 月 8 日 星期日 【乍雨乍晴】

唉～～～
好煩呀！！！
自己都唔知點解，今次個 project 都唔知點！！！
ｄ同學仔話我無可能會咁．．．
其實我唔係你地想像中咁好家，我唔係咁叻家．．．
唉～～～

好想快ｄ完左呢一個 project ～～～
咁我就會無咁煩啦！！！
下個要努力ｄ先得．．．

>>February 9, 2004 at 4:58:13 AM GMT+8

2004 年 2 月 1 日 星期日 【晴】

今日又開始返學啦～～～
新年做過ｄ麥？？？
拜年，拜年，拜年，再拜年．．．
功課，功課，功課，再功課．．．

年三十，初一：打機，打機，再打機，打左有大半日．．．
　　　　　　　之後就睇漫畫，一口氣睇左二十幾本漫畫．．．
年初二：去左阿姨屋企拜年，係天水圍，好遠．．．
　　　　洗唔洗咁呀，無見我一陣就話我個頭變左色．．．
　　　　表哥呀，你都唔洗咁大聲講出黎家，全世界都知啦～～～
年初三：去左阿姨屋企拜年，係青衣，又好遠．．．
　　　　係阿姨屋企剪野．．．係剪雜誌．．．
　　　　（自己都覺自己過份．．．）
年初四：屋企有人來拜年．．．所以留守家中．．．
　　　　但我都無點理，照打機，又打足一日，係果假期度打爆左兩隻 game ～～～
年初五：同 connie 出左一日街，同佢出街都洗得好多錢．．．
　　　　一早出左去睇雙年展（＄５），之後睇戲（＄４５）．．．
　　　　睇”德州大屠殺”，ｄ人話好恐怖，但我地就係要睇．．．
　　　　今日重要係最後一日上．．．之後又買左ＭＤ（＄７５）．．．
　　　　最後走左去唱Ｋ，又洗左＄１５０．．．
　　　　又一日破產．．．

玩左咁多日，呢一個星期就做．．．功課，多到死！！！

>>February 2, 2004 at 8:38:24 AM GMT+8