2003 年 11 月 16 日 星期日 【綿綿細雨】

啦啦啦～～～都話啦！！！
條友一定有野，重唔係！！！
　　
ivy 打電話來問我今晚出唔出去唱ｋ唱”通頂”，睇來大多數唔去，
因為有ｄ唔舒服（事實上好想想想．．．去），唱”通頂”喎，幾好！！！
但聽日又返早，算啦～～～
　　
啦啦啦～～～出事啦！！！
ivy 話條友琴日送佢返屋企，今日又狂打電話比 ivy ，重唔係有野！！！
琴日同條友傾，都 feel 到佢有野！！！
無計喎．．．最多幫下口啦！！！

>>November 26, 2003 at 5:33:24 AM GMT+8

2003 年 11 月 15 日 星期六 【微雨】

一早就做 drawing ，但係做左咁耐都係得咁多多，想死！！！
琴日都已經做左四個鐘，今日一早起身就做左三個鐘，
做左成八個幾鐘先做得完，有無攪錯．．．///
　　
為左今日同 ivy 出街街,所以一早要做定ｄ功課～～～
事實上，今日係約左 ivy d netfriend 一齊出去睇戲～～～
ｄ氣氛一ｄ都唔好，兩男兩女，又無麥話題，成日 dead air ，錯誤既選擇！（係指出去）
ivy 個 netfriend 原來好細得十八歲，而另一個就二十一歲（依個係陪襯品．．．/// ）
不過兩個都好高，都成一八零左右．．．
年紀大個個好 cool ，好冷淡及冷漠，都幾得人驚，樣呀．．．都ｏｋ型～～～
而個個細，真係好細，無眼睇！！！
　　
最 cheap 既係兩條友都遲到，明知我最討厭人遲到家啦！！！（氣）
又話睇兩點個場，又遲到，玩野呀！！！
到左之後重係度嘮叨，一句”煩”～～～
又話要等好耐，想點呀！！！
你地遲到先無得睇呢場，攪到要睇下一場，過份！！！
後來走左去機鋪打機．．．打到咁上下就入埸．．．
睇完之後又唔知去邊，個個大年紀（到而家都唔知佢叫麥名），佢係度食煙．．．
好無奈我．．．之後個氣氛又唔知點，我咪話返屋企囉．．．
事實上，只係佢返先，我地三個又行過～～
　　
去左飲野，但好多時都係我出聲先，又話悶，又唔講野，得我係到講，
成個”白痴婆”咁．．．總之今日都好無奈．．．囉．．．我．．．

>>November 26, 2003 at 5:32:48 AM GMT+8

2003 年 11 月 9 日 星期日 【晴】

琴日同左細佬出左去睇 martix ，都幾好睇，不過都係之前個ｄ好睇ｄ！
講真，琴日都幾黑，一心唸住去百老滙睇，點知一早 full ，買唔到 ticket ！！！
之後唸住睇下一場，但都係無位，再之後走左去ＵＡ，但又未開，玩野呀！！！
盪左好耐先買到．．．唉～～～好黑呀！！！
　　
不過個男主角都幾型，部戲都ｏｋ，唔似ｄ人話睇唔明，我都睇得明，個結局都ｏｋ！
　　
前幾日（好似係星期五），我同 friend ＩＣＱ，佢問我見唔見到某某人，
我話唔知，重話我都好似唔
記得左ｄ人，死啦！！！
佢係唔係有ｄ生氣呢？？？
我唔想家，我份人就係好易唔記得ｄ人名，而家ｄ同學仔都知我係咁啦！！！
我唔想家～～～
　　

>>November 26, 2003 at 5:31:29 AM GMT+8

2003 年 11 月 6 日 星期四 【晴】

<<　超開心既一日　>>
　　
嘩～～～
超級開心囉！！！
繪圖版入手啦！！！
　　
今日一早同左ｄ同學仔出去拍ＤＶ！！！
十點幾就出左去尖沙咀既九龍公園，拍拍下 connie 話想食雪糕，
咪同佢一齊食囉，兩蚊個ｄ之嘛，好平！！！
買完返去， andrew 同 christy 就拍完一個 shot 啦，
但最好笑既係 andrew 中左”雀屎”～～～講真，個度真係幾多”雀仔”，都幾危險家！！！
之後我地就拍打破玻璃瓶既 shot ，好攪笑呀，打左三次先打得破，”頂忍”～
　　
行左一陣，要找一個湖放船，好恐怖呀”ｄ蚊”，
鬼咁多，係陽光底下ｄ蚊都好似塵咁，我地都好急咁行開，咦！！！
　　
放船，好好玩呀！！！
　　
見到龜龜呀，超爆笑～～～＞＜
　　
十二點就走得，太好啦！！！
christy 同 andrew 話要早走既關係！！！
同左 connie 同 andrew 買左”葡培”，好好味呀～～～
最近都愛上食這些！！！
一定同得 connie 多既關係！！！
我都覺近來同 connie 好 friend ，同佢識左無耐都好 friend ，一個多月之嘛～～～
　　
死啦！！！
近來成日講ｄ野都好無呢頭．．．
　　
同 connie 出左旺角 shopping ，好開心呀！！！
佢都買左條褲，ｏｋ啦～～～八十蚊到ｏｋ啦！！！
之後又買左個二百幾蚊既袋，同ｄ” beautiful rubbish ”又再"爆笑啦！！！
學 yan yan 話既～～～
我就買左繪圖版，想了好耐的終於買左啦！！！
但都洗左成五百蚊！！！（心痛）
　　
今個月都洸左成千蚊，死得！！！！！！！
　　
之後出左銅鑼彎拍最後一個 shot ，ｏｋ啦！！！
係時代拍，好好玩呀！！！
不過又唸起琴日同個 tutor 講數，我唔想改，又要人改，都Ａ左份功課，
重要人地改，好過份！！！
最後都係敗比佢，要改！！
　　

>>November 25, 2003 at 3:02:52 PM GMT+8

2003 年 11 月 3 日 星期一 【晴】

考車牌？＠^＠
我都有唸過考，但係咁忙，邊有時間考！！！
你咁聰明，點解考唔到呀？
我就話蠢姐，事實上成日都話自己唔叻，
但出來ｄ功課斬ｏｋ，ｄ同學仔話我邊到蠢，ｄ野都做得幾好！！！
好多謝佢地咁讚我，好開心呀！！！
　　
唉～～～
唔想做功課，好懶～
但係星期四又要交，死得！！！
個 idea 算係ｏｋ啦，但ｄ野重未夠多！！！
　　
今日個 typo 堂都幾廢， raymond 講ｄ野成日都好難明，唉！！！
做下做下都變個大 project ，變態～～～
bella 又無返，我地班ｄ同學仔都好多無返．．．
下星期又唔洗返，幾好！
同 connie 傾左成半個鐘電話先入課室，自己都覺自己有ｄ過份！！！
　　
好想行街街呀！！！
但又無時間，唉～～～

>>November 25, 2003 at 2:55:17 PM GMT+8

2003 年 10 月 31 日 星期五 【晴】

同 ivy 行街街呀～好耐未試過行得咁開心啦！
無唸過琴日走堂， andrew 會打電話來問我，我之前都有同佢講過八成機會唔返～
　　
嘩！！！
又洗左好多錢啦！！！
本來唸住陪 ivy 買鞋，點知最後變左我都買～～
買左成五百幾蚊野！！！
買左對 converse 既鞋，成二百蚊，之後又買左個差不多二百蚊既袋，
又買左幾件衫，食左野，加起來成五百幾～～～
我都自己買多左，ｄ野多到成手都係， ivy 都話我好多野！！！
　　
其實琴日都幾開心，最唔開心既係某某人，好煩呀！！！
ivy 都話我好有耐性，咁都唔爆粗，算啦，無理由係條街到爆粗家，好樣衰家！！！
人家係個斯文人來嘛．．．（笑）
其實最唔高興既係．．．
佢竟然打電話被我個 friend ，好過份囉～～～
攪到我有少少掃興！！！

>>November 25, 2003 at 2:52:19 PM GMT+8

2003 年 10 月 30 日 星期四 【晴】

嘩！！！
個網網終於回復正常，之前得閒又無得寫，而家人地開始又忙嘛，可惡！！！
　　
唉～～～
今日係萬聖節呀，一早約好ｉｖｙ，但另一方面．．．
都唔知點講，係唔識講先係，算吧啦，聽日先寫返之後我做過ｄ野，而家先十二點幾．．．
　　
哈哈，今日決定走堂，無辦法啦，ｉｖｙ咁難得放假，
而我個ｐｒｏｊｅｃｔ又剛剛開始，所以咪．．．
算好啦，開學以來第一次走堂，成兩個月啦，ｙｅａｒ１個時開學唔夠一個月就走堂，係咪？？？
好啦，過完今日再寫第二部份啦！！！

>>November 25, 2003 at 2:44:27 PM GMT+8

2003 年 10 月 23 日 星期四 【晴】

好開心呀！！！
終於完了那個死人 project 啦！！！
好恐怖私 project ，會死人的！！！
今次的 project 做得不太好，改了一次又一次，最後的成品．．．
唉～是不是自己要求過高呢？？？
但．．．反而３Ｄ那方面出奇地好，怪！！！
事實上不是好，而是ｏｋ罷了！！！
但想也想不到最後給 tutor 收了，呀呀～～～
難以相信！！！
　　
同 connie，andrew，christy 去拍ＤＶ，因為今日ＣＡＤ上堂要用，
但事實上玩的成份多些，好開心，開學以來未試過咁輕鬆同開心，
我們幾個大朋友一齊去左 snopy land 玩，我同 connie ”專登”去買野，
因為有收據可以搭船船一次，好攪笑個場面！！！
andrew 還請吃雪糕，雖然是兩元的，但都好好啦～～～
　　
訓了很久．．．．
訓了有九個鍾，有很多個星期，一個月多沒有訓那麼多．．．
好想繼續，但給媽咪吵醒了，同ｉｖｙ一早ｉｃｑ，看看幾時買衫衫，
如果今天不用返就可以和她出街街，但．．．
又想走堂啦．．．
算了，個 tutor 好人加靚仔的關係不走啦．．．（笑）

>>November 25, 2003 at 2:42:19 PM GMT+8

2003 年 10 月 13 日 星期一 【颳風】

又好耐好耐無寫日記啦～～～
無辦法啦，ｄ野多到做都做唔完，而家都重努力緊！！！
　　
唉～
由日記變做週記，都唔知自己想點，星期五重死．．．
無啦啦做做下功課個肚痛都死，由十點幾開始痛，痛到一點左右，
食左藥都唔掂，所以走左去急症室．．．
都好似等左好耐下．．．
因為太痛，自己都唔知等左幾耐，後來痛到喊，個醫生先睇我．．．
幾日假期就咁無左，好慘，ｄ功課．．唉～～～
又要好趕啦！！！
今日先至好ｄ，可以做功課同有精神，琴日都好”支力”腳好軟，自己個身體．．
都唔知點，最後要我細佬送我返學，下午就無返，走左去睇西醫，
因為媽咪話政府醫院唔信得過，所以．．．
個西醫醫生話我要去 check ，但呢ｄ檢查都幾貴，事關同一般檢查唔同！！！
其實一ｄ普通既檢查我都做左，而家．．．
但而家至低限度知道我個病係良性，唔係惡性．．．．
但個醫生話有個檢查有機要開刀，聽完都幾可怕～～～
大多數我都係就咁 check 算啦～～～
　　
今日上 typo 係一星期中最開心的一日，今次只係 ban 左一 set 圖，太好啦！！！
同 andrew，connie，christy食 lunch，同佢地傾左好多野，嘩嘩！！！
andrew 原來密運中，不過我一早都估到啦，見佢成日傾電話．．．（奸笑）
做麥無啦啦燒來我到，我個樣真係似有拍拖咩，我真係無拍拖～～～
而且我又真係似成日飛人個ｄ人咩？？？
過份．．．唔玩啦！！！
不過 christy 好厲害呀，同佢 bf 拍左三年幾拖．．．重見家長，好佩服呀！！！
　　
好慘呀．．．
下星期起無得 day off 啦，星期三都要返，過份！！！
唔想返呀～～～

>>November 25, 2003 at 2:38:12 PM GMT+8

2003 年 10 月 8 日 星期三 【晴】

好耐無寫日記啦～
今日一班同學仔騙 miss 早落堂，所以可以早放，不然的話又要五點半先有得放！！！
個人真係好累，ｄ功課．．．想．．．唔知點算，個個都唔得，好心灰！！！
　　
前幾日都 peko 食 lunch ，自己都覺自己發左顛同好激動，點解？？？
都怪某 miss 既關係，唉～～～
不過講完之後舒服左ｄ，果日係返學以來最開心既 lunch ，
返左兩個幾星期，就好似返左一個月，以後ｄ日子有排受！！！
　　
琴日同左 connie 去左 fashion library 睇，但係無麥收穫！！！
係新識同學仔裹面， connie 係最好家，同佢都好好， christy 都 ok ～～
都幾好人，但都係 connie 好ｄ，至於 andrew ，佢好慘，今年又要同女仔食飯同玩啦！！！

>>November 25, 2003 at 2:33:30 PM GMT+8