2006 年 5 月 22 日 星期一 【乍寒還暖】

視導完畢!!!! 終於過關了...... 好開心呀^^
今日其實係好緊張, 所以開頭講主題都好驚呀~~~
好彩老師們幫我打氣.... 令到我覺得心定多了!!! 仲要多謝低善班小朋友的合作~

林太今日都睇左我好多野... 主題、寫字、音樂~~~ 最唔想佢睇既音樂, 佢竟然睇!!!
不過好彩我都冇咩錯失...... 總算放下心頭大石了^^

到見林太時.... 佢讚我比之前進步左... 不過觀察力唔係好夠~
佢都話我仲有地方可以改善... 當然啦, 如果冇既我就唔駛讀呢個course啦^^

總之過左今日我已經覺得好輕鬆了....
之後成日都訓唔到, esp.係琴晚, 成日札醒都諗住今日個故事要點講lor......
今晚終於有覺好訓喇^^ yeah!!!!

>>May 22, 2006 at 10:31:49 PM GMT+8

2006 年 5 月 20 日 星期六 【晴】

教案, 教案, 都係教案.......

今日一早就開工打教案喇..... 連教會都冇返呀!!! 唉.... 幾個鐘之後總算打哂一星期教案喇~~~ 不過唔知得唔得呢? send埋比副校同張老師架喇.... 睇下佢地覆唔覆我啦..... 希望一切平安無事啦!!!!

之後就同stefanie去左旺角..... 行行行.... 返屋企~

夜晚睇左人生第一集《電車男》, 覺得勁好笑呀個男主角.... 唔知呢個世界上面係唔係真係有D咁既人呢??? 好疑惑呀....... 之後仲有女兒紅音樂會tim... 不過D歌全部cut左一半呀>< 激死人!!!!

>>May 20, 2006 at 11:49:38 PM GMT+8

2006 年 5 月 18 日 星期四 【晴】

我無話可說了........ 一個字:「煩!」

>>May 18, 2006 at 11:11:27 PM GMT+8

2006 年 5 月 17 日 星期三 【驟雨】

珍珠黎得真係合時呀^^ 多了一日的休息!!! 哈哈

今日好開心呀^^ 因為3號風球... 哈哈~
珍珠呀珍珠, 點解你要吹去另一邊呀??? 點解唔吹黎香港呀?
等我可以多一日休息下嘛..... 真係衰呀!

今日其實冇咩做過野, 只係plan下教案, 睇電視, 開電腦咁又一日喇!
人生點解會有咁多野等住去做架? 係咪唔可以比人休息下?
「吊頸都要抖氣」啦.... 何況我唔係吊頸?! 我只係實習咋!

下星期既lesson plan都唔知點plan好...
一時我又想印左腳先, 但一時我又想畫左腳結構圖先...
三心兩意咁, 好煩呀!!! 點解我會咁多心架? 可唔可以專心D呢?
我好唔想只係第一日既教案都要plan咁耐呀~~~
waste my time!!!!! how come?

睇了阿怡的xanga... 所以自己copy出黎玩下^^

點我的人：沒有

寫出填寫日期：17/5/06

愛的音樂: Kelly's songs

愛的店鋪: 沒有

愛的顏色: 藍色

愛的汽車: 沒有

愛的休息方法: 訓覺, 聽歌

愛的科目: history

愛的甜食: 蛋糕

愛的個性: 坦白, 直腸直肚

愛的口頭禪: 我唔知喎...

愛的小動作: 我都唔知^^

愛的習慣: 開電腦, send sms, 打日記

愛的季節: 秋冬

愛的女人: 陳慧琳

愛的男人: 林峰

愛的節日: 聖誕 + 新年

愛的香水: 沒有, 我都唔用既

愛的運動: 打羽毛球

愛的定義: 愛是恆久忍耐, 又有恩慈...... (唔記得喇!)

愛我的人: 家人, 天父

愛過我的人: 好多架^^


>>May 17, 2006 at 6:41:11 PM GMT+8

2006 年 5 月 16 日 星期二 【驟雨】

成個早上都係做個板D野lor..... 做左我3個鐘呀... 都仲差少少字做好!!!
唉~~~ 點解我條命咁慘架?!?! 好唔開心lor!

今日我覺得自己講主題比之後好左... 冇發咁多白日夢喇!!
我一定要繼續努力呀... keep住祈禱先得呀!!!!

如果聽日野風就好喇!!! 咁我一定唔會返去的!!!!
仲想叫我地去換board? 想叫我地去執教具? 想叫我地去睇下有咩書岩用? 好難喇!
返去果個一定係傻既!!!

轉主題既既仲有好多未整好呀... 教具, D角點編排, 其他既板, 佈置.... 唉~
點解老師們真係一D都唔幫我地架??? 只係提供一大量字執詔既野比我地選.... 唉~
今日仲要做到5點幾先走人呀.... how come???
我唔想再過呢D日子喇!!!!!!! 快D實習完啦!

>>May 16, 2006 at 10:36:32 PM GMT+8

2006 年 5 月 15 日 星期一 【微冷】

今日又係一個星期的開始... 有排先放假lu.....><
我其實今日係好精神架... 不過唔知點解一到我要講主題我就好似雲遊太虛咁呀..
我真係唔想咁lor~ 但我又唔知點可以解決得到呀!!!

我唔想日日都好似發緊白日夢咁呀...
我唔想講主題呀...
我唔想對住D教案諗野呀...
我只係想放假咋!!!

希望聽日開始我可以好似上上星期咁有衝勁去教書啦.... 希望我唔好再十下十下咁啦!

而家一號風球喇!!! 聽日快D打3號啦^^ 哈哈... 咁我就唔駛返去實習喇!!! yeah^^
下星期開始轉主題喇... 林太仲要係第一日轉主題就黎tim~
死得人多喇!!!!! 壁報未整, 教案未諗, 學習小組又未諗... 只係做左吊飾咋... 點算呢?!?!

放學時同wendy傾左一陣... 佢講中左我成日好似發白日夢咁係因為o係呢間院做得唔開心~
不過我唔開心既係因為日日都要講書... 日日都要做好多野!!! 唔係因為我唔想對住D小朋友!
唉..... 快D捱埋去啦.... 咁就天下太平喇^^


>>May 15, 2006 at 10:12:51 PM GMT+8

2006 年 5 月 14 日 星期日 【微冷】

Happy Mother's Day to my mother!!!

我發覺朝朝起身之後喉嚨會好痛, 仲鼻塞, 流鼻水呀....

早上去了食早餐, 之後爸爸同媽媽去了黃大仙...
我同阿妹留o係屋企, 因為我仲有一星期教案未打過~ 而聽日又要教喇... 唉~

到左兩點幾就出去飯下午茶喇~
一路等位, 一路同stefanie傾電話.....
知道stefanie會轉工, 幾好啦... 我覺得唔錯咁^^
又知道danielle的待遇不好呀! 好心佢就quit左份工啦...
o係君臨等左好耐都冇位呀... 最後我落東煌啦, 點知等左一陣就有位喇~
早知一早落去啦... 咁就唔駛等咁耐嘛!!!!

之後就返屋企繼續打我個教案喇.....
一邊msn, 一邊打教案~~ 呵呵!!!
知道聽日可能會打風呀... 希望有3號啦... 咁我就唔駛實習喇^^

>>May 14, 2006 at 6:59:49 PM GMT+8

2006 年 5 月 14 日 星期日 【微冷】

陳敏兒給媽媽的信　灑淚念親恩 5月 13日 星期六 03:00 更新

【東方日報專訊】母親節(新聞 - 網站 - 圖片)前夕，一個剛失去孩子的母親懷幵感恩的心，
親筆寫了一封信給自己的媽媽，作為母親節的禮物。

陳敏兒將心意化為文字，述說媽媽對她們的愛，由兒時帶她去吃西多士、
到捱幵大熱天時去買𦴪果整𦴪果雞柳給她兒子吃……看完敏兒的信，
如果你相信世間有天使的話，那麼每一個母親都是天使的化身！

媽：

我們已多年未有慶祝母親節了。

這些年來我差不多長居醫院，彷彿與世隔絕，不但沒有正常社交，甚至應是一家團聚的節日，
也多半在醫院中度過。未能與您共度佳節；還要您為女兒和孫子憂心，我感到遺憾難過，
卻是身不由己，只願在未來的日子，能好好給您安慰補償。

記得當年我問您為甚麼為我取名「敏兒」而不是「敏儀」，您說是期望我能如「男兒」般堅強勇敢，
您還笑說事與願違，偏偏我這個女兒是個不折不扣的「喊包」，弱不禁風，懦弱畏縮，
就只有您知道我這個真面目，也許是因為一直模仿您那種堅毅不屈的神態，我竟被眾人誤認為「女強人」。
現在，大家更稱我為勇敢堅強的偉大母親，其實，我又怎及您？您雖然唸書不多；
但卻像一個滑浪高手，沉幵地、瀟灑地、自信地迎向，滑過一個時代又一個時代的風浪，
簡直看得我傻了眼，由於您堅持「孩子不可以沒有媽媽帶大」的信念，為要做到既能看顧孩子，
又能發展事業，您絞盡腦汁令我們的家變成一個家庭事業兩兼顧的多功能之家。
而您，又總是與時並進，靈活變通，所以，我們的家一忽兒是車衣工場，
一忽兒就被您變成假髮工場，轉眼又變成裁剪學校，後來，您又變身成為一位時裝裁縫……

濃情西多永留回憶

當我懷了第一個兒子，就決定要作一個留在家中的全職母親，您竟問我為何要如此浪費自己的才華，
犧牲自己的事業？難道您不知道當年您的使命、信念，已經深深影響幵我嗎？

媽，心底况真的很佩服您，又感謝您，您縱是忙碌，還不忘製造貼心的親子時光，不多，所以彌足珍貴。
我永遠忘不了那個下午，您就只帶幵我一個到街角那大牌檔，為我點了一份西多士，
那還是我一生人第一次嘗西多士，那份香甜，直甜入心，從此，西多士就成了我的心頭至愛，
因為它帶幵一份單單屬於我和母親的溫馨甜蜜回憶。

跟諾諾在醫院看了一套卡通片，看見麥兜的媽媽帶幵兒子遊「山頂馬爾代夫」，
那情景令我不禁會心微笑，想到兒時，您帶幵一家大小，轉車乘船，長途跋涉，到山頂餐廳喝凍檸茶，
那跟大牌檔的凍檸茶真不一樣呢！糖漿是分開上的，裝在精美的玻璃瓶子，
讓客人按自己的口味加進茶况，那種感覺好高貴喲！是我們兒時難得的奢侈。
您就如麥太太，為了給子女帶來一份驚喜而付上心思與勞苦，我心存感激。

諾諾至愛外婆蛋糕

智常常提醒我要親自下廚，為兒子將來留下美好回憶，他說得對，中國人是個愛吃的民族，
民以食為天，吃的文化對我們總是有很大的影響。我想，做我的子女，不及做您的子女幸福，
您簡直是位膳魔師，過時過節，要預備廿多人的佳餚美食，自然難不倒您，令我最折服的是，
十道菜一起上桌，每道都是熱騰騰的，恐怕酒樓大廚也未必辦得到，我看這不僅是廚藝，
而是有智慧的組織能力。也許是因為有您這個那麼棒的母親，我根本沒有信心入廚，
多虧您這位婆婆常常為我的兒子炮製不少美食，彌補了不少遺憾。

諾諾是個挑食的孩子，他就最愛婆婆的綠色蛋糕。我兒子在醫院苦悶的日子况，您把蛋糕送來，
令他興奮得四處告訴病友、醫生、姑娘，說：「我阿婆整簕綠色蛋糕𨪛蕂，好好味蕂！」
您為他帶來了美麗而珍貴的生活片段，我心况充滿感謝。

不辭勞苦傾盡所愛

陪伴諾諾住院的日子，實在無法好好照顧兩個哥哥，感謝您常以美食慰藉他們。
那天晚上，我從醫院趕回家吃晚飯，一進門就碰見您剛剛煮好晚飯，汗流浹背，匆匆地離去，
您說要趕幵過海去捧大嫂的場，看她唱大戲去，來不及吃晚飯了。
我發現飯桌上有一道「𦴪果雞柳」，奇怪地問：「家况沒買𦴪果，怎麼會有𦴪果雞柳？」
文哲怯怯懦懦地說：「阿婆下午來到，我跟她說想吃𦴪果雞柳，她便……」我可以想像，
您聽了孫子這個要求，便馬上冒幵暑天烈日，走到山下的市場買𦴪果回來……而此刻，
您還餓幵肚子去關顧您大兒子的太太……看幵這碟𦴪果雞柳，眼淚一直在流，
文哲嚇得像闖了禍般向我道歉：「媽咪，對不起，我是不是太任性？請您不要哭。」
不是的，我只是流幵感恩的淚，媽，為何您會有這麼多的愛去愛我們，去愛我們的所愛？
我放下筷子，打了個電話給您告訴您我愛您……媽，這一句話我實在說得太少。

母親節到了，謹以此信作為禮物送給您，感謝您，尊榮您。

愛您的女兒

>>May 14, 2006 at 11:18:08 AM GMT+8

2006 年 5 月 12 日 星期五 【酷熱】

今朝起身喉嚨勁痛呀!!! 點知真係出唔到聲lor.....
成日都講唔到野.... 講都係好細聲同埋沙哂~ 攪到我今日都講唔到書~
雖然我係唔想講書, 不過成日唔講野真係好辛苦架.....
又唔可以同小朋友玩, 又唔可以同佢地講野... 都唔知做咩好?!
係唱歌既時候可以帶下做動作lor..... 今日唯一我做得到既就係咁!

我班今日有7個小朋友冇返學呀.... 從未試過有咁多個唔返學的! 唔通痛哂?!
今日既何諾衡真係好可愛呀... 平日都唔見佢咁可發架! 唔通今日carol入左班?!?!
我講唔到野係得何諾衡關心下我咋.... 其他小朋友都好似唔係好覺咁...
唔怪之得老師們話佢好細心啦!!!


>>May 12, 2006 at 6:56:44 PM GMT+8

2006 年 5 月 11 日 星期四 【晴】

今日唔駛我教書呀^^ 哈哈~ 因為rthk既人黎左... yeah!!!
如果日日都係咁就好喇......

>>May 11, 2006 at 7:03:42 PM GMT+8