2006 年 10 月 10 日 星期二 【晴】

今日低班去參觀「陽光笑容小樂園」...
係一個教小朋友點樣保護牙齒, 點刷牙的地方~~~
我今日一共要去兩次的, 因為有上午班同埋下午班嘛!!!

果度既環境好靚架...
有遊戲玩, 有vcd睇, 又可以比小朋友試下幫人檢查牙齒~
d小朋友玩得不知幾開心呀^^

如果多d時間可以去參觀就好喇.... 因為時間過得好快~
就好似今日下午返幼稚園既時候, 因為塞車, 所以返左去一陣間就放學了^^

而且今日班小朋友出去參觀都不知幾乖, 仲乖過上堂呀!

>>October 11, 2006 at 7:13:53 PM GMT+8

2006 年 10 月 9 日 星期一 【陰】

今日又要返工喇.... 好唔想起身lor~~~
成日都不在狀態呀... 覺得好似病病地... 喉嚨痛, 流鼻水, 咳~ 唉....
可能星期六o係琴姐屋企過夜冷親喇!!!! 最衰都係雯雯啦~ 搶哂我D被!!!! 哈哈哈^^

明天去參觀呀^^ 好開心, 因為好快就會過左一日架喇....

如果今日係星期五就好喇! 哈哈~

今日先知道原來星期六要返全日唔係因為家長會, 而係我地要上course呀~
不過就唔知係咩野course lor~~~ 唉~ 勁灰!

>>October 9, 2006 at 10:41:25 PM GMT+8

2006 年 10 月 8 日 星期日 【晴】

今日8點幾就醒左喇..... 因為訓唔著了~~ 結果我係最早醒的一個~
到左差唔多10點個個先梳洗好~~~ 出門口喇~
今日見識到長毛的「神鵰俠侶」了.... 勁好笑^^


我, 寶, 雯by mtr返家.... 返到去就同爸媽飲茶.....

下午同爸媽出了mk..... 諗住買衫的, 不過睇唔岩...
最後買了一個袋, 一件外套~

之後就去了朗豪坊整mp3... 激死我了~ 做咩事搬左去果邊呀???
又入廠了, 希望今次整得好, 唔駛我再整過啦!!!!!!
5點by 118返家~~~


>>October 8, 2006 at 7:16:03 PM GMT+8

2006 年 10 月 7 日 星期六 【晴】

今日係教會四周年堂慶同埋今年既來賓日(三).....
難得適逢係中秋節.... 紅假呀~ 所以我唔駛返工可以返教會^^

一落到去徐太就叫我幫手做十童女之中聰明的其中一個...
嘩.... 咩都唔知道, 唔知要做D咩野?!?! 不過頂硬上啦~~~
要換衫, 戴頭飾... 突然之間多左好多個「白衣人」呀~ 哈哈^^

到正式既時候又要跳下舞咁.... 個個都好high呢!!!
佢地幾個跳返帳棚大會時果隻舞... 跳得幾好呢^^

之後又係聚餐的時間了^^ 好多野食呢~~~

下午兩點正, 來賓日(三)正式開始...
首先, 唱左D歌, 玩下遊戲作為開始~~ 原來今日既節目係「聖經問答比賽」呀!!!
我係第3組.. 隊員有我, 寶, 寶欣, 一個不知名男仔....
但係玩左好耐我地都仲係冇分呀~~ 因為爭答問題既時候唔夠其他組快呢~
而且決定邊一組答問題既方式係次次都唔同的... 好難哦....
不過最後我地組經過換人之後, 加入了婉婷同婉嫻~~ 就終於有1分喇^^
Yeah^^ 唔駛最尾呀^^~~~ 哈哈^^

玩完之後就返屋企了... 決定今晚去琴姐屋企玩!

6:30pm出門口, 同stefanie, danielle & her bf去cwb dinner....
去了名店廊的麻布茶房食野.... 都ok好味啦~~~
之後就行左一陣.... then佢地話去唱k... 咁就跟埋去啦~
因為我都係坐一陣就走, 所以唔計我$的~

10點幾終於聯絡到阿怡喇... 不過佢居然電話冇電....
但我記得同佢講左cwb mtr車頭等的, 由10:10等到10:25都唔見佢呀~
咁就打比琴姐佢地... 琴姐叫我自己黎先... so就一個人去坑口先喇!!!

去到既時候佢地成班人都出左黎接我... 原來佢地諗住接我同阿怡既時候先食野~
點知我去到既時候都已經係11點幾了~~~ 結果佢地就11點幾先食野lu~

食完野就上琴姐度喇.... 真係比佢地笑死了~ 點解可以做出一個咁搞笑既動作呢?
esp.係尤蘅啦~~~~ 哈哈^^ 爆笑呢~
上到去玩下killer.... 每玩一鋪都要笑幾分鐘呢..... why? 笑得好辛苦架!
之後「一家三口」既瑜伽教室又係笑死... 旌婷, 尤蘅, 長毛既傻家庭~

我地最終玩到差唔多3點先開始訓覺呀~~~
不過個個都係一訓就訓著左喇... 咩都冇講到~~~

琴姐屋企真係勁多winnie the pooh呀.... 我都攬住一隻訓覺呀^^


>>October 8, 2006 at 7:10:16 PM GMT+8

2006 年 10 月 6 日 星期五 【晴】

今日係中秋節呀!!! 祝各位中秋節快樂先^^
返埋今日又有兩日假放喇~~ yeah^^

今天係中秋賞燈會.... 小朋友不知幾開心... 因為唔需要分組做功課~
又可以一齊玩燈籠, 食月餅同水果....
不過比較混亂的時候係佢地玩燈籠果時... 佢地好似發癲咁呢~~~
下午班仲厲害, 好多個小朋友玩到燈籠都爛左....

放工之後就返家了... 今日七叔, 七嬸, 五叔黎食飯~~
好多好野食^^ 我阿爸實在太勁了!!! 一個人可以整到咁多送出黎喎....

今天我們是白綠的組合呀!!!

---
右手無名指上的介指是代表什麼呢?
為什麼之前從不發覺的呢? 又為什麼今天發覺到你的介指呢?
心情由天空上驟降至谷底..... 希望不是心想的那種意思吧!!!!


>>October 6, 2006 at 11:26:38 PM GMT+8

2006 年 10 月 5 日 星期四 【晴】

今日放工之後約了stefanie去太古ua睇《寶貝計劃》...

我地本來諗住去food court食的.... 不過之後去了pizza hut食呀~
食了個二人的helloween餐~~~ D名都好恐怖架, 但係我唔記得哂lu.....

7:30am就去睇戲了~~~ 套戲超好睇呀^^
大哥同古天樂都做得好搞笑~ 當然唔少得個bb啦~~~
其實成套戲都係笑的.... 但唔似有D戲咁無厘頭咁笑~~
個故事都ok..... 有D感人位, 有勁多笑位~
最好笑係古天樂同大哥唱歌比bb聽果part^^

>>October 5, 2006 at 10:59:57 PM GMT+8

2006 年 10 月 4 日 星期三 【晴】

今日左邊的耳仔同埋牙肉, 喉嚨都好痛呀....
唉~~~ 真3唔舒服呢... 本來諗住放工之後去睇e生的...
點知許其發今日收6點呀~ 我返到黎佢都關左門啦!!!!!!

今日陳鳴俊帶左成盒月餅返來呀~~~ 嘩.... 太多了!
所以老師叫佢帶埋3個返屋企~~ 因為唔需要太多嘛!!!

放學之後散哂喇......

>>October 4, 2006 at 10:29:41 PM GMT+8

2006 年 10 月 3 日 星期二 【晴】

今日又返工喇...... 太好了^^ 可以見到我班仔~~~

其實都冇咩特別事, 好似平日上堂咁....
佢地今個月可以踏單車喇..... 睇佢地玩得好開心咁呀^^
不過佢地今日帶左好多燈籠, 月餅, 水果返黎...
因為星期五係中秋賞燈會呀~~~~

放左學之後就要o係操場掛燈籠佈置喇....
差唔多6點先走人~~~

>>October 3, 2006 at 10:34:24 PM GMT+8

2006 年 10 月 2 日 星期一 【晴】

今日冇咩街去,,, 阿姨佢地黎左探阿公...
所以下午去了柴灣飲茶喇~~~~

之後就行下街....
今天的收獲 : 一隻錶, 一隻cd......
不過係唔駛$$$$的~ 哈哈哈哈哈^^

明天又要返工了...... 努力多4日又放假了! yeah^^

>>October 2, 2006 at 10:36:35 PM GMT+8

2006 年 10 月 1 日 星期日 【晴】

今日早上去了吃早餐, 之後就返屋企了....
佢地個個都有街去, 得我一個o係屋企~
所以昨天已經約了stefanie去唱k喇!!!!!!!

今日唱了很多歌呀....... 勁呢~
希望明天唔好聲沙啦~~~ 之後就行左cwb地帶~
stefanie買了銀包給她的妹妹, 我自己都買了一個呀...
終於買了!!! 有新銀包用喇^^ 哈哈.......

then就去了一間叫「笑笑」的日本野食飯....
我地已經plan好哂聖誕節既節目了, 有好多choices比danielle選擇呀...
等佢唔駛諗喇.... 不過佢要選擇一個佢最想既節目, 咁我地就會跟住plan架喇^^

10點幾返到屋企... 睇了《女王的教室》, 今晚大結局呀!!!!
好感人, 睇到我都眼濕濕呀........
下星期都要睇先得呢~~~

>>October 1, 2006 at 11:50:11 PM GMT+8