2006 年 9 月 30 日 星期六 【晴】

今日返左9點, 不過返到去先知原來係返8點的....
其實全部老師都返左9點呀~~~ 副校同校長又冇話我地咩野喎~ 所以就算了~

成日返左去就係開教務會議, 同埋級會~
講左好多野呀... 又親子旅行, 新生接見事宜.......
又要我地d新老師講下做左1個月有咩感受, 同埋對推行德育事項既感受~
1點就走人了~~~ yeah^^ 又兩日holiday~

返到小西灣就同媽媽去食野, 之後買了牛仔褲.....
then行左一陣商場就返屋企了!!!

晚上得我同媽媽食飯, 所以去了大家樂~~~

今日出左糧喇!!!! 太開心喇^^

>>September 30, 2006 at 8:15:44 PM GMT+8

2006 年 9 月 29 日 星期五 【晴】

今日開生日會.... 唔駛上堂^^
佢地好似癲鬼左咁好開心, 仲有D發癲tim呀~~~
真係多得佢地唔少喇......

生日既小朋友會帶自製既生日帽返黎....
而且仲有好多小朋友帶左野食, 燈籠(下星期賞燈會用)~
呢排佢地好鍾意keroro呀..... 燈籠都係keroro架!

落去mr. hymn度玩game既時候, 佢地仲嘈呀...
個個又跳又叫... 極度興奮呢!!!! 嘈到我耳鳴喇~~~ ><

好開心.. 今天我們是黑黑組合^^

>>September 29, 2006 at 10:11:13 PM GMT+8

2006 年 9 月 28 日 星期四 【晴】

今天早左少少返到去... 之後就開工了~~~
又係當值, 迎接小朋友, 搬體能用品等.......
每天如是... 冇咩新意~
不過今日兩班小朋友都比老師「訓話」過... 所以好自動自覺咁去做野呀^^
如果日日都係咁就好喇.... 唔駛我叫到氣咳!!!

我發覺我把聲開始沙沙地呀.... 希望冇咩事啦~~~
都唔知係咪大聲講野多呀, 搞到咁....

明天生日會.... 呵呵... 開心的遊戲呀^^
就黎放假喇.......... yeah^^

今日我們是白白組合..... 哈哈^^


>>September 28, 2006 at 10:41:12 PM GMT+8

2006 年 9 月 27 日 星期三 【微冷】

上午班沒有上音樂堂呀, 因為時間不足....
而且佢地做水彩畫既時候已經整到對手污糟哂喇!!!!! 我都係呀~~~

下午班冇咩特別, 不過我鍾意既博文佢唔驚我呀...
我話佢佢都好似當冇事咁, 仲對住我笑呀~~
不過劉老師話佢既時候, 佢就驚死了~~~ 咁唔得架喎~~~ 點算好呢?!?!
放學既時候, 葉銘熙無啦啦跳舞呀.... 之後又有小朋友跟住佢跳... 真係激死我了!!!

我們今日是橙綠的組合呀.... 都幾好呀^^

期待weekend的假期^^


>>September 27, 2006 at 10:40:49 PM GMT+8

2006 年 9 月 26 日 星期二 【微冷】

今日好黑仔呀.... 部mp3正式宣佈死亡... 開唔到機了!!!
唉~~ 我真係黑仔喇.... 買兩部都係咁, 又用唔到... 咁點呀? 我聽咩野呀?
激死我了!!!!!!!!!!!!!!!!!!!!!!!!!!!!

今日lunch去上mr. hymn堂..... only聽english song lor~
有D無謂呀~ 不過冇法啦, 佢要我地去上嘛~~~

下午既時候唔知做咩事好眼訓.... 直頭恰埋左對眼呀~
仲要比博文小朋友見到tim~ 佢話: 「李老師, 點解你咁得意既?」...
嘩.... 之後我就不停咁同小朋友玩 & 傾計... 咁樣我會冇咁眼訓呀~

劉老師話下星期開始每個星期會比一日我講一次主題呀....
不過係佢prepare好之後我講~~ 都好啦, 唔駛我點諗野就得架喇^^
最後我係choose左星期五我..... 越遲越好呀^^


***

>>September 26, 2006 at 7:10:09 PM GMT+8

2006 年 9 月 25 日 星期一 【晴】

今日又係星期一, 又係一個星期既開始喇....
都唔知先等到星期六了???? 唉~~~

今日都冇咩特別, 小朋友比之前乖了~ 而且對每一日的流程都熟習了^^
咁就太好喇, 因為唔駛我同另外的老師講到冇氣呀......
對我地把聲都好好多^^

今日下午班放學之後幫老師做野.... 遲左兩個字先走人呀~


>>September 25, 2006 at 10:04:51 PM GMT+8

2006 年 9 月 24 日 星期日 【微冷】

今日早上去了灣仔合和中心飲茶... 呢度既view好靚, 棟野仲係圓形既tim~
我記得好耐之前已經黎過一次架喇.... 真係好耐之前喇!!!!
then就陪妹妹去sony ericsson整電話~~~ 好快喎~ 佢話聽日有得拎喇!

之後就by789去柴灣..... 永利... 整mp3...
點知果個女人叫我自己拎去維修中心維修呀....
佢話可能入面有D野click住左~~~ 不過我係唔會拎去的! 因為太遠了~
而家仲聽到就算啦.... why i'm so bad luck??????

then去了mtr station既馬拉松買運動褲+波鞋.... 大出血呀!!!!!!!
不過點都要買架喇~~~ 唉~~~~ 算啦!

之後行多一陣就返家了~~~ 好累......

>>September 24, 2006 at 5:49:14 PM GMT+8

2006 年 9 月 23 日 星期六 【晴】

今日返8放1..... 都好啦^^
返到小西灣同媽媽去了飲茶, 之後就去教會了~~~

晚上去了美心食飯...... 之後仲整了人名貼紙... $30有72張~
我想整好耐架喇!!!!! 終於整左喇~ 仲係我至愛既多啦A夢tim~~~ 呵呵^^
之後行左一陣藍灣... o係萬寧比我買到一千零一盒既多啦A夢微波爐盒呀!!!
太好了, 咁就多一個替換喇~~~~ yeah^^

返到屋企睇左《超人特工隊》.... 都幾好睇架~ 仲好好笑tim^^ 哈~


>>September 23, 2006 at 11:42:08 PM GMT+8

2006 年 9 月 22 日 星期五 【晴】

今日冇咩特別事情發生....
不過下午劉老師帶音樂既時候就全程比我彈琴喇~~
昨天放學之後仲練習左一陣, 好彩今日彈既時候都ok^^

好一個星期五... 聽日放1點^^
星期日又放假了~~~ 太開心喇!!!!

***


>>September 22, 2006 at 10:25:46 PM GMT+8

2006 年 9 月 20 日 星期三 【炎熱】

今日上午的陳正岡無啦啦放左佢自己張相落去我個信箱仔度...
之後何老師問佢做咩放D相落去我地個信箱度, 佢就話:因為想送比我地lor^^
今日的流程好左好多, 而且仲野又快左好多... 因為今日唔駛寫字嘛!
聽日就慘喇.... 要寫字, 又冇虛線比佢地跟住寫喎~ 唉~ 死得!!!!
盧朗韜今日好驚死... 因為何老師話佢地好嘈, 不如唔好放學喇.. 佢已經喊到死了!

中午食完飯之後就練左一陣琴.... 去左鄭老師個課室練呀~
因為我個課室佢地要黎開級會呀!!!!

下午班唔知點解呢幾日都好乖... 唔去玩具角玩, 個個都走去做哂野先~
可能上次劉老師話過佢地成日掛住玩唔做野掛?!
我發覺鄭博文真係好得意, 不過最衰佢成日搞搞震, 又唔聽話....
仲有我都鍾意范子聰, 佢好乖好聽話架.... 仲好有禮貌tim^^

而家每一日都好快就過左喇..... 真係話咁快又到左星期三了!

>>September 20, 2006 at 7:20:05 PM GMT+8