2003 年 6 月 22 日 星期日 【晴】

今日晨早流流點幾2點俾人打電話嘈醒~
其實我好鬼眼訓~都唔知點解佢地唔覺ga~
仲已經出左街~

佢一打黎~就同我講打牌~我咪話打囉~
佢又話我聽錯~之後唔知佢up乜~
無喇喇我又聽到佢問我去唔去"小玲國"
"小玲國"????小玲姨姨屋企呀????咩黎ga??
佢又話我聽錯~頂~~冇野牙??又聽錯!!?
佢原來係話"小熊國"~都唔知咩黎~又係未聽過~
佢話$78~仲有餐飯食~
頂~冇野牙~78蚊入去食飯!!?又唔係有咩特別野食~
我煮俾你食喇~
講講下斷左線~
都係打牌好d~小熊國!?我先冇咁低b呀~

睇睇下電視~無喇喇特別新聞~話香港而家唔再係疫區喎~
又話董建華去淘大巡視~哈~點知俾果度d居民串話佢有事果時又一次都冇黎過~
而家冇事就黎~話佢黎得太遲~
都話董建華d條友虛偽gala~抵佢俾人叫落台!!!~



>>June 23, 2003 at 7:37:28 AM GMT+8

2003 年 6 月 21 日 星期六 【晴】

琴晚唔知做咩~
眼光光~望天光~
都唔知做乜~
係好想訓覺囉~
但係hup埋眼又訓極都訓唔著~
shit!~

起左身之後~就睇番"花樣年華"
張曼玉..著旗袍好靚呀~
梁朝偉...wooooooooo
其實都唔係好知佢想講d咩~好有深度
不過入面d野好正~
講d野好好笑~

發現自己d個日記板好無聊~
有時都唔知寫咩~
日日都冇咩經歷~
冇咩好寫~
不過我都會繼續日日寫~
我唔可以俾自己半途而廢!!!!!!!!!!!!

>>June 23, 2003 at 7:15:59 AM GMT+8

2003 年 6 月 20 日 星期五 【晴】

禮拜六~冇野做~~又係一個好悶既weeken~

d個星期~成日都係屋企~睇電視,食飯,玩電腦,訓覺,
好無聊喎!!!~
點解我既生活會變到咁無顏色ga~
不過.....no money no talk~
冇$$又點可以成日出街呢!~

我要努力搵野做!!!!!!!!!

今晚半晚電視做"半夜無人屍語時"
睇左d套野幾次~
不過都仲係好唔明點解用d個名~
個名好似同套野冇乜關係~
個名仲有d似.....咸片名....../.\

>>June 23, 2003 at 7:09:48 AM GMT+8

2003 年 6 月 19 日 星期四 【晴】

唔知係咪受到琴日睇左"六樓后座"既影響.....琴晚訓覺不停係咁稔左好多野!~
"做乜稔野呀???"

係六樓后座~個個都好鐘意玩truth or dare~
個個都要講or做一d平時唔會講,唔會做既野~
個個都好似比平時黎得真誠~黎得坦蕩蕩
冇哂d面具~
係果度~可以搵到一個人真真正正既一面~
亦可以搵到人最脆弱~最容易被人打擊既心

當你入到"六樓后座"d一個地方~
就可以變得無拘無束~真係可以好坦蕩蕩~
有無重一身輕既感覺~
因為~每個人都可以放低面具~
盡情咁係d一個地方~
去尋找你最想要,最希望得到既野-------快樂和夢想

如果.......真係可以擁有一個屬於你,我,大家既"六樓后座"
你話幾好呢~^^



>>June 20, 2003 at 6:18:53 PM GMT+8

2003 年 6 月 18 日 星期三 【晴】

今日又係一個好熱好熱既日子~真係,.....嘩~熱到.....頂!~

晨早10點就起身lu......去勞工處~抽籤中左喎~
不過去到~我問佢如果未有ce result~會唔會仲有得interveiw!?
佢話冇呀>3<
即係又衰左喇!~
唉...........................

番到屋企~嘩~熱到爆炸~
係度睇電視~
之後就同家姐亞媽去飲茶~
好耐冇飲茶lu.....

3點~約左亞ning去睇"六樓后座"
好睇呀~真係幾好睇~
前面果part好好笑~
後面果part有d感動~
好記得入面亞wing話"no music, no life"
好touch~我覺得d句講得好岩~
冇音樂~就等於冇左人生~
好枯燥~

最後~有一個好好既問題~
"青春係乜野!?"
有個人話青春係可以用黎徙
good!!!!!!~
青春真係可以用黎徙~
有青春既人~就係可以好豪咁徙d時間~
突然又稔到~自己好有青春~
我可以好豪咁徙時間~鐘意做咩就做咩~
唔做野又得~日日hea又得~
真係好好~
不過"青春有限"
當一個人長大之後~青春就變得愈黎愈遠喇~
唔可以再好似以前咁~鐘意點徙時間就點徙~
鐘意點就點~鐘意做咩就做咩~
真係可悲..................

我要為我既青春而努力~
盡力去保存有限既青春~
為日後既回憶......加添色彩~
a beautiful life is use my hand to build up~


>>June 19, 2003 at 11:11:00 AM GMT+8

2003 年 6 月 17 日 星期二 【晴】

今日好鬼熱呀~熱到好辛苦~想死呀真係!~

成日都好似好忙咁~一朝11點半就番左學校傾同學錄d野~
不過我番去似做gap多d~都冇乜貢獻.........
話一齊稔遊戲....都好似冇稔過......^^
1幾先番屋企~

唉呀~今日去上水見工呀~好緊張呀~
去到上水~都唔知間野係邊~
食屎ga~條友又講錯哂個地址俾我知~
搞到我搵左成個幾兩個鐘都搵唔到~pk
行到隻腳好累呀........
哈~不過d份工都死梗gala~
多數都唔請~
算吧喇~繼續努力!!!!!

番到大埔~好匆忙咁就仆去學校聽講座~
嘩~好耐冇同到咁多同學喇~
哈~今晚~主要係講f.6開多班同放榜既野~
d家長係咁插學校~話開多班會影響到佢地d仔女
問完又問~雖然好煩~又好悶~
不過我真係feel到d家長好關心/擔心子女升學既問題~
真係"父母"喎!!!!!~

番到屋企~好累呀今日~
好想訓番夠本呀!~~



>>June 19, 2003 at 10:55:29 AM GMT+8

2003 年 6 月 16 日 星期一 【陰】

今日唔駛番工喎~其實都唔係幾想番.............唔岩feel~
又可以訓番夠本喇!~

今日冇乜野做~淨係hea~
晏晝就同亞媽去買送<---好乖呢!~
今晚打邊爐~yeah~~~~
家姐唔知點解~成個星期都唔駛番工~
成家都咁得閒~咁點解唔去燒野食既!?
過下d家庭樂丫嘛~雖然都冇乜gala

唉...打邊爐........要開會呀~打咩丫~
食得果兩啖就要走喇~
仲要7點咁死早~
話就話7點~其實咪又係8點~
d人一定遲gala~<---雖然我都遲.....

今日都唔知開咩會~都冇乜野講既~
開左冇耐就散會lu...

之後例牌去左仙跡岩飲野~
近排好似飲得密左~成日都可以眾埋一齊~

唔知呢~d排覺得同佢地好開心~
以前成日覺得同佢地唔同年紀~好唔岩feel~
講d野都會唔同~唔係幾鐘意同佢地一齊~
但係而家唔同左lu~可以熟左喇~
而家反而愈黎愈鐘意同佢地一齊玩~
可以好玩過同自己d fd~
原來一班人坐埋一齊~只要個個都放開胸懷~
盡情地去說、去笑、去玩~真係可以好開心~
大家彼此都很融洽~~心裡只係稔住"我要笑,我都玩!!!"
就已經可以好開心!~
真係愈黎愈鐘意同佢地一齊!~>3<

>>June 19, 2003 at 10:46:46 AM GMT+8

2003 年 6 月 15 日 星期日 【陰】

嘩~~~今日第一日開工呀!!!!好緊張呀!!~

話就話去開工~其實就係去我姑姐公司幫佢手~

晨早就起要身lu~好辛苦呀/.\

搭左成個鐘頭車~去到青衣~唔係幾想落車......想遊巴士河~

去到~佢就開始同我講要做d咩~

原來冇乜野好做~佢只係想我幫佢搵客~遲d就要同客傾生意

不停搵電話~搵左成日黃頁~抄底哂d有用既電話~

好悶呀~都唔係我想要做既野既~唔係幾想再番...............

4點幾就收工~番屋企!!!~

**想學多d電腦既野~有冇人幫下我!?


>>June 19, 2003 at 4:54:05 AM GMT+8

2003 年 6 月 14 日 星期六 【陰】

琴日雖然差唔多天光先訓~不過今日2點幾就起左身lu.....

日日都係咁~冇野做~上下網~聽下歌~睇下電視~

今日比較特別~我居然打機!!!!!!

對於我dd手指唔靈活既人黎講~打機係一件好難既事~

每行一步都要稔成幾秒~

所以平時好少打機!~同埋係唔識打機!!!!!

不過~今日居然去玩game~

突然鍾意左玩炸彈人同食鬼!!!!!!!!

好似dd game而家已經冇人玩~

不過對我黎講~都好難玩gala~


**聽日第一次番工!!!!!!
開工大吉!!!!!

>>June 18, 2003 at 6:11:08 AM GMT+8

2003 年 6 月 13 日 星期五 【陰】

唔知點解~今日點幾鐘就醒左~想訓多陣~但係又訓唔番~唔知點解呢!?

起左身~睇下電視~食下野咁就已經3點幾~日子真係過得過份無聊

之後就去左圖書館還番琴日還唔到果3本書~明明我有兩本係續借唔到~過左期要罰$~
但係佢又話唔駛~勁奇怪~我去果時仲問多佢一句"乜唔駛俾$咩"~真係唔駛喎!!!!!!!!
今日借左好多書~借左兩本赤川次郎~跟住借左3本電腦書!~我要係d個summer真真正正咁學識micosoft同office既野~唔會再係半桶水~!!!我要勁過IT佬~等佢成日牙刷刷咁丫拿!~以為全世界得佢一個識電腦!?shit!~我要勁勁勁!!!!!!!!!!!!!!!!!!!!!!!!!!!!!!!!!

番到屋企好興奮咁即刻拎d電腦書黎睇~仲學識整d effect落d相度tim~開始覺得自己好成功呀~^^

9點幾~就約左人出去飲野~亞婷琴日生日喎!!!~講聲生日快樂先!~>3<
去到已經有好多果人到左~嘩~今日total有9個人呀~有亞筠,亞ning,婷婷,崢嶸,德仔,鳳儀,亞傑,同埋金城~
其實同鳳儀亞傑同金城唔係咁熟~都驚去到冇野講~點知原來大家都係低b~玩埋d極低b既野~
白痴ga~我地玩埋d game極無聊~但係又勁好笑~成日要人估~又估唔到~個個d稔樣都好好笑!~哈
唉~今次我jarb都老貓燒鬚lu~真係俾d個"上山落山"玩到謝~稔極都唔明~其實d個game我由上個禮拜玩到而家都仲未明點玩~本來個個都唔識ga~得亞ning一個識~點知佢地估下估下~變到得番我一個唔識~我唔係真係咁蠢牙fa.....................................................!??
最後佢地講哂answer俾我聽.......不過其實我都係仲唔係好明 :p
算喇~唔玩喇~肯定呃人既~!!!!!!!

番到屋企~想打埋個日記就訓~咁岩嫻搵我~講f.6開多班既野~
點知講下講下~就講左好多其他野~~
再講下講下~就講到一d唔應該/唔可以講既野~
今次弊家火.............咁多年既秘密....今日居然俾佢知道左..................................唔准多咀呀你!!!!!!!!!!!!

嘩~我地好搞笑~
咁就講左成晚~成5點先收線~
訓覺喇~
一撻落床~嘩~好舒服呀!~
不過訓唔著~天開始光~d雀仔係咁叫~有d煩~不過聽落好有feel~^^
6點幾~就訓著lu......

>>June 15, 2003 at 12:51:17 PM GMT+8