2003 年 8 月 1 日 星期五 【晴】

倒數4日~

今日做卡拉ok比賽總決賽~
做左成日野~
唉.....好累啊>.<"

2點幾就起左身lu~
一路同亞鹽jennet icq一路食野~
仲有熨衫~好多野做喎~
做唔切呀~又要亞魚等我喇....唔好意思>.<"

約左3點半~不過...搭9先去到~
唉~去到d人都未黎齊喇~
都話唔駛咁準時gala~呵呵呵呵~

冇咩野做~淨係睇~
同埋走黎走去~企係後台
成日都睇到d野好好笑~
又同亞婷呀果d玩~
呀~識左幾個人.....不過唔記得問佢地叫咩名tim>.<"
下次有機會再見到佢地~要問下先^^

做典禮果時~勁瘀爆囉~
要收番d獎呀紀念品咁~
d嘉賓坐哂係前面~後面又有d台楷~
跟住台楷後面就有d背景板~
本來行嘉賓後面去拎番咪好囉~
俾亞paul點左我行背景板後面~
勁瘀囉~就......
今年d結果有d...出乎意料之外..............

做完野~梗係去食埋糖水喇^^
呵呵~去rainbow食左個新彩虹~
好味~不過食完好飽/.\

好累呀~咁又一日~
仲有...3日咋.....>.<"


>>August 2, 2003 at 4:41:13 PM GMT+8

2003 年 7 月 31 日 星期四 【晴】

唉~倒數5日~

琴晚....好忙..好多野做~
打左成晚字......打到4點幾~
累死左>.<"
以為咁樣就可以一撻落床就訓到昏迷咁..
不過......都仲係唔得.........
好煩呀>.<"
勁炆呀~
點解唔俾我訓jei~//.\\

唔知幾點~開始聽到雀仔聲~
好好聽~聽聽下就不知不覺訓著左~

訓到兩點幾~唔係好想起身>.<"
訓係張床度發夢~
持續左琴日既心情------冇心情~好煩惱
不過~咁岩嘉鳳打電話黎~傾左陣~
又line埋俾elaine~一齊傾~
哈哈~一傾就傾左幾個鐘~
傾到5點幾~我就......未起身~未刷牙洗面~未食野~
好dirty呢~^^

收左線~勁冇mood~唔想食野~想繼續訓..................
唉...之前好活躍既jarb走左去邊呀......!?
快d番黎好冇呀!??好掛住你呀~番黎喇!!!!!!!!

一直到7點幾~我先開始食我今日既"早餐"~
冇咩心情食~好無聊呢~

近排鐘意番蕭亞軒隻歌"最熟悉的陌生人"
個歌名好諷刺~
"為了寂寞 是否找個人填心中空白
我們變成了世上 最熟悉的陌生人
今後各自曲折 各自悲哀"

如果真係有一個熟悉既陌生人...我稔都幾驚~
好恐懼gabor~
好似好了解佢咁~但其實..同佢一d都唔識.....一d都唔了解佢~
個種感覺~好難受>.<"
係我身邊.....會唔會都有d咁既人呢......!?
不過我唔想知~唔想有驚既感覺~好可怕+__+

**發現到爸爸鐘冇教到我一樣野~
冇教我對住d triangle要點呀~
應該點計既呢.............!!?
R哂頭......
???????????????????

>>August 1, 2003 at 6:04:22 PM GMT+8

2003 年 7 月 30 日 星期三 【晴】

今日心情唔係幾好.........>.<"
唔知點解......
成個下晝都唔想講野...........downing.............

琴晚睇書睇到一句野~
「寬恕別人就等於善待自己」
講得好岩~如果嬲一個人恨一個人~
唔止對方會唔開心~難過
自己亦都唔會好好過~
一樣會辛苦~難過~
只有寬恕別人~唔再嬲唔再恨
自己同埋對方先會開心~
咁樣先係一個~亦都係唯一一個可以對自己好既方法!!~

今日聽番一d好耐冇聽過既歌~
真係冇聽好耐~聽番蕭亞軒~少爺占好天氣入面d歌
好好聽呀~真係好好好好好正呀^^
又聽番好多好多唔同人以前d舊歌~
發現原來有好多歌~
一聽到就會聯想到一d人
例如....

最後的歌------會稔起亞珊
心動-------會稔起亞鹽
足印------會稔起熊貓
舞吧舞吧/相對濕度--------會稔起亞魚
心急人上------會稔起barbies咁多個
forever friends--------會稔起亞春---->我都唔知點解
趙微果首唔知咩-----會稔起林妍
感情線上----會稔起張嘉敏
我願意--------會稔起亞沈
亞門------會稔起馮婉明
忠孝東路走9遍-----會稔起分叉同亞雞
漁火閃閃-----會稔起brenda

哈哈哈~~好似每一個人都有一首屬於佢地自己既歌
咁我呢!?
我既歌...又會係咩呢....!?
thinking....................................



>>July 31, 2003 at 5:31:42 PM GMT+8

2003 年 7 月 29 日 星期二 【晴】

琴晚好夜訓~今朝..好早起身~
有d.......唔係幾想去書展tim....
咁早起身去書展都唔知為乜.../.\
不過都想去既~
何況都唔係好早~12點幾~哈哈哈

1幾就出去~今年都係同熊貓同柯鈞納同禧少出去~
不過今年多左個因子!!!~^^
哈哈哈~~個meeting好x喎~
我又x~佢又x~
亞邊個同邊個都x~
得亞邊個唔x
呵呵呵~場面有d搞笑~^^-------------->睇黎冇人知我up乜gala~呵呵呵~

去到灣仔~嘩~爆多人~
兜左唔知勁多個圈~行左唔知幾多路先入到去~
真係好多人喎~
不過入到去都ok喇~唔話太迫既~
俾人抽水+抽左唔少人水囉~--------->我都唔想~d人迫我!!!>.<"

行左勁耐都仲未行哂~
單單一個hall1都行左幾個鐘~
之後急急腳行埋hall2同hall5就走喇~
好累呢~行左冇乜心機~
total行左成4個幾5個鐘~
真係人都散/.\

哈哈~~今日買左兩本書~
一本赤川次郎~一本講情緒既------>勁有修養~呵呵呵~
好開心買到dd情緒書~
想學識多d control情緒既野~
唔鐘意自己成日亂發脾四~好黑人憎gama~
要高d EQ~IQ高埋就仲好喇~哈哈哈~~

去番尖咀食dinner~食日本野~
麻麻地好食....之後搭271走人
番到黎~亞魚打俾我~講升學d野.../.\
傾左陣~好開心呀~
原來大家都好掛住以為d日劇ga~
好想快d重播ga真係~好多套都好想睇番呀~^^

**今日係書展睇到一本書~唔知內容講咩~
不過本書係用......烏龜黎做題材既~哈哈哈哈~
下面有幾句寫：
「我不是一隻縮頭烏龜
我是一隻擁有堅硬外殼
能承受沉重生活壓力
的開心烏龜 」

聽落真係真係好好笑~不過真係好有意思^^

背左好多次~驚番到屋企會唔記得~哈哈^^


>>July 30, 2003 at 6:34:14 PM GMT+8

2003 年 7 月 28 日 星期一 【晴】

好累.........每晚持續訓唔著......
訓著都訓得唔好~
成日醒~
唉....................好冇mood....>.<"

唔好咁緊張唔好咁緊張唔好咁緊張唔好咁緊張唔好咁緊張唔好咁緊張唔好咁緊張
唔好咁緊張唔好咁緊張唔好咁緊張唔好咁緊張唔好咁緊張唔好咁緊張唔好咁緊張

今日個鬧鐘停左係點半~
點幾醒左~見到點幾~
再訓多陣~唔知過左幾耐~
再睇多次鐘~仲係點幾~
再訓~再醒~仲係點幾既!!!??
明明訓左好耐gabor~
一開電話~
e??原來已經3點幾~/.\
訓左真係好耐..不過仲係好累...../.\

下晝因子打黎~問我去唔去書展喎~
嘩~好多人喎~雖然係第2日~
不過...都仲好多人~會迫死gabor.........
佢話我成日托佢手睜~次次約我都唔去~
都幾ga~唔係你以為我好易約ga~呵呵呵呵^^
不過~算喇~我都想去書展~好!去!~^^

夜晚一路icq一路同...亞邊個講電話~
哈哈~~講完電話~睇番以前d新秀果d片~
嘩~真係笑死~d人d樣勁頂癮~
最好笑係張偉健,so wing hong同草蜢~
嘩~真係笑到我丫~
肚痛呀~個樣同d台風勁好笑~
搞到愈笑愈精神~又訓唔到喇~頂!~

真係好好笑~快d去 tvb.com睇下~
不過..都搵唔到分叉所講既阮兆祥既!??
佢真係係新秀出現過!!??
想知佢係咪又跳埋d十字步~哈哈哈^^



>>July 30, 2003 at 4:55:14 PM GMT+8

2003 年 7 月 27 日 星期日 【晴】

本來今朝稔住10點幾起身打電話俾黃玉珍~
問下佢d意見...不過.....都起唔到身................
訓到死左咁~

訓到2點幾~食左d野~
著埋校服出去搞埋d"身後事"
要影學生相~要影印成績表,身分證~
好多野要做~唔知會唔會做漏呢~

勁"駕呢"~著校服+平底鞋+太陽帽~
去raymond果度拎d報名表先~
行到出十字路口~有駕警車停左係前面~
d死差佬係咁望住我~頂~
著得"駕呢"d都唔駛咁牙~好似想check我身分證咁~
我係咁啤住架車~啤到見唔到為止~哈哈哈哈

死喇~仲有9日咋~
真係好緊張呀~感覺到自己好大壓力~
成日都覺得自己仲有好多野做~
但係又冇乜野做gajabor~
唔知自己做咩~唉~
都唔知點解要驚~
明明自己都決定左夠14分就升~有18分就報恆商----->一定冇機會可以報到/.\
冇14分就repeat/副學士
咩都稔好哂~仲有咩好驚呢!??
人既心理真係....好難明~/.\

**一次過打番咁多日既日記~有d累/.\


>>July 28, 2003 at 11:24:09 AM GMT+8

2003 年 7 月 26 日 星期六 【晴】

12幾醒左...訓唔番~
不過個人又好眼訓...
唉~而家晚晚要好耐先訓得著~
真係太緊張喇/.\

同家姐食完lunch~
自己一個人出左去鑽石山~
去睇果個咩展覽會~
嘩~出去勁快~半個鐘去到~
不過去到~都冇咩睇~
d人淨係派d資料俾你~一份份咁~
叫係自己睇下~或者上去網度睇~
都唔介紹下既~/.\
一行路d人就係咁叫你拎佢地d野~我差唔多拎哂~勁重!~
全部都係d資料黎既~多數都係副學士課程..
唉......愈睇愈唔知自己想讀咩...
我唔介意repeat ga~又唔介意讀副學士~
都係果句~升到就升~升唔到先算喇~

不過...大個喇bor,,,,,,,唔想自己咩事都係"煮到黎咪食囉"咁~
唔想再係"馬死落地行"果d心態~
要自己決定自己要行既路!!!
好似...突然一夜之間大個女咁~哈哈哈

夜晚~同嘉鳳講電話~
唉~稔住問下佢意見~
點知......佢愈講..我愈煩惱........
如果升到~當然會升喇~
但係如果升唔到..repeat好~定係讀副學士好呢...定係,,,,,讀其他野呢....
唉.....好煩呀真係.......

夜晚同老豆一齊睇波~
近排成日都睇波~今晚紐卡素對車路士~
場波好悶~冇咩好睇既~冇d技術~
都係下晝香港隊對利物浦好睇d~
6比0~勁野!!!!~

睇新聞~有s人話想香港請多d外國球隊黎同香港隊比賽~
d人都傻既~
仲瘀唔夠呀~
人地入6粒波~香港隊一粒都入唔到~
差勁就唔好同人比賽喇~
人地同你比賽當係練波咋~


>>July 28, 2003 at 11:11:55 AM GMT+8

2003 年 7 月 25 日 星期五 【陰】

今日冇出街~唔知做過d咩~
心神彷彿~一片空白~

聽完琴日果個講座.....
真係稔左成晚........
唔知自己會下年會讀咩........唉~
好煩惱呀~

而家開始發覺....有d緊張放榜喇~
有d壓力呀!~
開始唔係幾訓得著喇~死喇~
好驚呀~好緊張喎!!!!!!!!!!!

唔怕話俾人知丫.....有晚發夢....
我見到自己拎住張紙~
上面有個好大既數字~
寫住個"9"字~下面仲有一條線highlight住~
唔通...個夢暗示我會考得9分....!!??
好驚呀~唔要呀~
唔要得9分呀>.<""
好會喊ga@_@

>>July 28, 2003 at 10:47:12 AM GMT+8

2003 年 7 月 24 日 星期四 【陰】

今日又有人晨早打黎~
又係一打黎就響我全朵~咩事呀家陣!??~
今次係..女仔黎既~佢話佢係wyman個同事~
食ga!~次次都係人地訓緊就打黎~
仲要唔識你地gabor~同你有親咩!?

佢問我記唔記得今日個講座~
我話記得~星期六3點半丫嘛~
佢話係星期5~即係今日喎~
下??乜琴日唔係星期5咩??

好好好~去~打到黎叫埋我起身~
點敢唔去呀~
自己一條友去~去尖沙咀~
嘩~唔知佢果度咩地方~要上網搵個地圖出黎睇睇先~哈哈~
遲到~差唔多4點先上到去~
最衰架271~勁慢~成個鐘都未出到去~

上到去~好多人喎~唔知自己一個人可以坐邊~
冇咩單邊位坐~唯有同個.........胡so佬坐~
哈~佢個樣~有d似高比拜仁~成面胡so~黑mu mu咁~哈哈哈~
4點幾開始~嘩~勁悶呀~~又勁眼訓呀!~
~幾個月冇上堂~一聽埋dd咁既野就.....hup眼訓........
聽到7點~嘩~都幾長喎~
講野果條友成日懶好笑~
講埋d野以為好多人笑~
點知......真係好多人笑~
我.............都忍唔住!~都笑埋........./.\

7點幾走~好累~好眼訓~
聽完個講座~好有興趣~佢係讀d海外大學既副學士~
讀4年就ok喇~唔駛好似香港咁~讀5年先讀完大學~
好似好吸引咁......唉~聽完好煩惱呀~
唔知讀咩好~心大心細........>.<"

番黎~即刻問下老豆~
佢話冇問題喎~讀咩都冇所謂~
只要我鐘意囉~------>講講下~有d感動~其實老豆都幾錫我gabor~^^
淨係d學費既問題囉佢話~
睇下要幾多$~供唔供得起囉~
唔....我都唔知呀.........

問過亞ning~佢唔多贊成讀dd野囉~
都係讀f.6,7咁升u會好d...
不過........好矛盾.....
唔係好知自己想點.........
唉....稔稔先...

>>July 28, 2003 at 10:38:21 AM GMT+8

2003 年 7 月 23 日 星期三 【陰】

!?
n 世冇寫日記~
唔係好記得做過d乜~
不過好似今日打風~

今朝點幾有條友打俾我~
我又訓緊覺~------->乜我成日唔記得熄電話既!??
一打黎~頂~響我全朵~邊位呀!?
佢問我聽日得唔得閒~我又答佢我得閒喎~
不過....唔識佢gabor~點解我要答佢呢.......!?
講講下~佢叫我去聽佢地果升學講座~
都唔知係咩~咪應承住先囉~3唔識7~到時甩底又唔駛俾人打既~
哈哈哈哈~佢..好似叫....wyman.....
不過~硬係覺得~叫wyman既人~通常都係光頭既.....哈哈哈哈~


>>July 28, 2003 at 10:22:41 AM GMT+8