2003 年 7 月 2 日 星期三 【晴】

心情爛得很.........

一大早就起左身等亞魚上黎~
亞魚黎左陣~跳左陣~稔住barbies跳"舞吧舞吧!"
見左前面果段仔gala~
佢走左~我一個人係屋企勁跳~
稔住晏晝同佢地......唉.......
自己練左個幾鐘~就出去join佢地練喇~

點知.....唉.........................
人就都幾齊..不過大家個心已經飛走了....
傷心得很......../.\

幾經辛苦~終於番到學校...仲稔住拿拿聲就開始練.........
點知............坐左幾個鐘都仲係係度坐...
唔想跳喎佢地.......
點算呀我!?
我覺得自己有責任在身gabor~
應承左人地既野~
我會負責任囉!~
不過之前佢地都應承左我gabor~
點解唔肯負番d應有責任呢!?

覺得自己既心機係白費囉~<-----今朝呀!!~
點解自己成日都做咁多野~
但係又唔關自己事gabor~
以前又係咁~而家又係咁~
做咁多野為咩丫!?
我都唔知喎.......

好耐都冇試過發咁大脾氣~咁嬲~
唉...我都唔知自己嬲咩~發咩脾氣~
淨係覺得d人講埋d野好唔負責任囉~
聽到勁嬲~火都黎埋~

係度~想同今日d人講聲"對唔住"
可能我既語氣比較重左d~"對唔住"
令到大家好似好唔愉快咁..............."對唔住"!!!

匆匆忙忙咁就走左.............
一路上~同嫻一路傾計......
心......其實稔緊好多野~
覺得好唔安樂.......大概內疚吧!!~
內疚自己點解要向大家發脾四~
覺得自己有dd野蠻~

心........都唔知去左邊lu...
夜晚約左亞魚珊春上黎我屋企打牌打邊爐...
不過......覺得有d不合時.....
我個心未available喎...
一路打牌~都心不在焉...
不停稔緊好多野~稔番晏晝果時d野...
唔開心喎!~真的唔開心喎!~
個心拿住拿住.....覺得自己做錯左好多野...
自己既負責未完成~仲點會有心情開開心心咁去玩丫...
好似總係仲有d野~唔係咁安樂...

玩到10點幾佢地就走lu....
要執野~洗野~掃地~拖地~
好多野做喎....
做完終於可以舒舒服服咁沖涼喇~
好dirty呢今日...

心情愈黎愈沉重...
坐在電腦前....自己都不知想做什麼....
聽歌吧~聽sammi隻cd喇~
唔知做咩...睇緊一張相.....突然....鼻子一酸..
流淚了...眼淚從眼角滴下...
一時之間唔知自己點解會咁...
可能真係........太需要吧!~
我冇稔過要控制一下自己既"情緒"..
我居然讓自己放縱地哭...!?
讓淚水完全沾濕一張紙巾.....
做緊咩呀我!?

情緒好耐都冇試過咁放縱...
"如發洩是生理需要 為何眼淚會缺少
如能為你哭 哭得出眼淚 失眠 至少能睡 "
"感激我們成熟了 應知道流淚有罪
承受任何是非都能捱下去
我都想假裝只得一歲"

希望聽日心情會好番d.......






>>July 3, 2003 at 7:13:29 PM GMT+8

2003 年 7 月 1 日 星期二 【晴】

拎番本紀念冊喇bor~
緊係拿拿聲俾人寫埋佢喇~
仲有好多未寫呢......^^

約左亞奶佢地3點出去尖沙咀睇下謝師宴個場喎~
點知有人...遲大到喎!!!!!
不過佢都係迫不得已既~
有苦衷ga!!!~

去到已經4點幾~本來有個男人出黎"招呼"我地~
佢都幾好人~雖然唔係靚仔~^^
不過都好過之後黎"招呼"我地既一個"惡女人"
佢一入黎~就好得人驚~~
唔知呢~可能佢把聲掛....總係覺得佢好惡~
好唔友善~對佢印象唔係咁好/.\

睇左陣~就走人lu~
個個都唔同路~
唯有就同郭聞俊同亞奶一齊搭火車喇~
不過亞奶就係旺角落左~
哈....同郭聞俊講咩好呢...!?
仲有好耐先到大埔喎~
好彩佢都仲好似以前咁低低bb~
講左好多野~問左好多野~
嘩~原來佢結他勁勁ga!~
識自己稔歌ga!~勁!!!!!~!!~
我仲好白痴咁問佢d鼓可唔可以搬去第二度用~又唔駛好大工程!?
雖然答案通常都係因為麻煩~不過佢咁都肯答我~哈哈哈~~
佢仲提議barbies跳新舞呢^^

唉....barbies.......好煩呀..!~
都唔知想點~一時一樣~
夜晚都總算約左聽日練喇~
本來都好好地~一兩個唔黎得咁~
不過....shit....好嬲呀~
半夜起身開icq~一開就有個msg send黎~
仲係其他人send俾我gabor~
話有人唔想跳囉~
shit~即刻勁嬲~勁唔開心~
妖~之前又實牙實齒咁應承話跳~
唔係迫你gabor~!~你自己講ga喎~
而家又話唔想~仲要搵第二個人黎同我講~
搞到我好似迫你一定要咁~好冇面jei我~
(引用fanta果句)--->應承左既野就要做
做唔到既唔好應承

做人唔好咁冇口齒喇~唔細gala~
細路仔玩泥沙咩~>.<
勁討厭~/.\

嬲左勁耐~
有d肚餓~不過又好累.......
都係訓....

好煩呀~訓又訓唔著<----太早
但係又好累....熱辣辣咁成個人~
好辛苦呀~
係咪因為以前成日訓既報應呢....../.\

**上面如果有講得過份既野~對唔住!~

>>July 3, 2003 at 1:35:41 AM GMT+8

2003 年 6 月 30 日 星期一 【晴】

開始懷疑自己係咪吸過毒~
點解訓咁耐都訓唔夠ga >.<"

朝早1點~約左brenda拎番本紀念冊~
唔係幾想起身.....
不過為左爭取番本野~
都係要頂硬上!!!
估唔到.....佢真係..........寫得兩頁........................
不過都好過佢唔寫!~^^

之後番左屋企~亞媽無喇喇身痕咁話想去旺角行下~
咪陪佢去囉~好少同亞媽出街ga!~
至多都係同佢去買送~唔會去到咁遠!~

出到旺角都已經3點幾~我就冇乜心機行喇~
都冇野買既~
佢dd上左年紀既女人....行商場又唔岩佢~
咁就唯有熱d都陪佢去行女人街同花園街~
好彩我地行則邊d鋪頭~唔係同人迫係中間果度~
如果唔係~熱死都唔知咩事~

行下行下~咁就行左兩條街喇~
只不過係兩條街咋bor~點解會咁tire既~
平時行哂d商場~又左兜右兜~d度去果度去~
都好似冇今日咁tire~~
真係行到腳仔都軟哂~
7點幾~走人!!~
好想訓呀!~

番到屋企...累到好想即刻訓底~
不過又好想睇電視~嘻~^^

今晚亞珊打過電話黎...話星期四打邊爐喎^^
不過...亞魚唔係話星期四barbies練既咩!?
聽到勁驚訝!~唔通佢唔記得左!?
定係...我記錯!?
冇理由丫~
我冇可能記錯gabor~琴晚先講完~
唔知呢~同亞珊講完電話~
稔左好多野~
其實亞魚係唔想跳...定係........
唔知呢....
好矛盾../.\

有時覺得亞魚既心理都幾難觸摸!~
唔係好知佢稔咩.....

>>July 1, 2003 at 5:25:25 PM GMT+8

2003 年 6 月 29 日 星期日 【晴】

回鄉卡呀!!!!!!!
我都想換番張回鄉卡呀~
琴日陪亞媽去拎回鄉卡~
勁靚呀~又細張喎~張相都靚d ga~
好想要呀~
不過我果個回鄉"證"下年先到期~
亞媽話唔好換住~廢是蝕呀~
2百幾蚊ga!~都幾貴~>.<

拎完回鄉卡~就去食飯~
下晝約左brenda拎番本紀念冊~
點知.....唉......俾人放飛機喎~
估唔到我堂堂一個jarb都會俾人........唉.....
一早估到佢會唔記得~
所以係咁e等左兩三個字就走人lu...嘻嘻~^^

今日真係好熱~熱到唔知點咁~
企又唔係~坐又唔係~周身唔自在~
唯有...hea.................

夜晚~去左富善~
拎亞沈本紀念冊~好耐冇見過亞沈喇~
佢得意左~變得有d陳寶珠feel~好得意喎^^

之後去左raymond度整暑期活動d宣傳海報~
我地唔知幾時會變左"宣傳活動小組"喎~
都幾多人到喇<-----不過黎黎去去都係我地幾果.....
不過呢...果度就得兩部電腦囉~
要咁多人黎做咩呢!?
哈~我稔都係想敘一敘~聊一聊咁囉~
整左成晚....只係整左一張poster同一張宣傳單張咋~
好慢呢...........
又一次見證左marginal return d樣野~哈哈哈^^

家姓終於去完camp番黎喇~
查實佢唔係度果幾晚...真係有d唔慣~
好似少緊d野咁~
夜晚又會好似等佢門咁~
梗係覺得仲有人番黎~
哈~原來少左佢一個~
都會搞到我生活唔正常呢~^^

>>July 1, 2003 at 5:58:58 AM GMT+8

2003 年 6 月 28 日 星期六 【晴】

一滴雨都冇落過...好熱....
人就係咁犯賤~
落雨既時候就想天晴~
到左天晴果陣又好想落番雨喎~
做人真係麻煩~

今晚睇左舍電視節目~
係講海底果d動物既~
講到果d動物係海底d個弱肉強食既世界裡面~
成日都為左保護自己~而要稔好多計仔出黎偽裝自己~
希望唔會俾敵人發現自己而被食~

睇到d度~覺得好驚~
係海洋世界裡面~
d動物都為左保護自己~
都做左好多同自己唔同既野~
令其他動物都睇唔到佢地既真面目~

既然海底世界都可以咁虛偽、咁唔真實
咁.......生存係d個世界既人類既腦咁發達...
咁咪會仲恐怖.!?
永遠唔知人地幾時係真
幾時係假~
只係知道如果自己都唔同佢地一樣--偽裝自己
自己就會被人食左~
死左都唔知咩事....

但係............偽裝做人...
會開心嗎??
唔覺得會喎~
成日都要擔驚受怕~
驚自己會偽裝得唔好~
會俾人發現自己既弱點~
又會驚自己唔夠人地偽裝得好~
唔夠人鬥~
打人之餘又要驚俾人打~
驚就唔好打喇!~

都係用番自己既真面目會比較好~
日日都要拎咁多假面具出去對住人~
好容易搞錯~
咁不如用番自己既真面目喇~
用得多假面具~
真係會驚最後連自己既真面目都唔記得係邊個......

>>June 29, 2003 at 5:41:26 PM GMT+8

2003 年 6 月 27 日 星期五 【晴】

身體比琴日好好多lu.....
畢竟琴日都訓左好多個鐘...嘻^^

晨早11點半就起身lu~
要去圖書館還書呢今日~
之後約左亞奶果d1點去mc記傾謝師宴d野~
終於約得成lu.....

還完書~勁快就行去mc記~
仲未夠鐘~
不過淨係得apply係度等緊~
d人勁遲先黎~
等左差唔多成個鐘先開始傾~
講左好多gap野~
笑死~

無喇喇我地傾緊果時~
坐我地後面張檯果pair人係度鬧交~
之後果男既入去廁所
點知果女既就係d個時候走人~
嘩~有野睇喎~
分手喇~反二果女既都唔係幾靚~
果男就好man~好似mr.bean~

傾到4點到喇~就走人lu.....
勁熱呀條街~
又一時雨一時晴~
玩哂野咁~
搞到心情都差左>.<

一路行番屋企~
稔番起果日亞新行過我則邊~
問左我一個問題
"你係度做緊咩!?"
..........稔左一陣............
一個好難答既問題...............
最後我都冇答到佢~
唔知點答佢......
真係唔知自己係度做緊咩.....
渾渾噩噩咁.......
發夢麼!?

原來一個咁簡單既問題
都可以變到好難答~
清醒點吧!!!!~

我想......我連自己的心
都忘了在做什麼....
我要找回它回來嗎!?


>>June 28, 2003 at 10:51:33 AM GMT+8

2003 年 6 月 26 日 星期四 【晴】

好辛苦…….唔知係咪因為琴晚果度太凍
今日有d頭赤赤…..暈陀陀咁……

訓左成日~3點幾4點先起身….
訓到個人有d浮~矇矇下咁~

之後去左銀行~家姐居然問我借$$$?????
太奇怪!?
佢個樣好似仲有米過我喎…..

番黎又再訓過~真係好累………
雖然唔係幾訓得著~不過hup下都舒服d…..
好想聽歌呀~突然…..不過又好累…..

8點幾又起身…..唉..要精神d先得喇!!!!
唔可以成日都係張床度ga!~

好似好耐都冇唔舒服過<-------其實都唔係好耐….
好想有人care下……..
朋友??
想問一個問題~
你們在哪裡呀??
好似好耐都冇見過我既朋友喇~
又想再問自己一個問題~
我有朋友麼??
成日都有稔過d個問題~
究竟我有麼?還是…..只係我一廂情願呢!?
哈~想不通~真的想不通
有人可以開估嗎!?

一天既辛苦~
得來既~
都仲係辛苦同煩惱……
唔想再稔lu……..

好想大嗌!!~


>>June 27, 2003 at 6:31:12 PM GMT+8

2003 年 6 月 25 日 星期三 【晴】

本來今日約埋d人傾謝師宴果日d野既~不過最後都冇~
因為有人唔記得左約....
呵~ 又可以訓晏d~

2點幾先起身~起身冇耐~
就俾亞瑜打黎叫我快d換衫~
換完衫就出去meet佢~
下?咁快?冇稔過要咁快出去gabor...
拿拿林就換衫出去~
不過我都唔係好知今日亞瑜叫我出去做d乜~
又唔知去邊~淨係知去尖咀咩咩海洋咩咩~
就係一舊雲咁~就出左去~

去到就d度做下~果度做下~
唔知係咪太耐冇做d粗重野既關係~
好快就好累喇.......唉..........
個節目開始左之後~
仲稔住可以抖下...
點知..俾個唔知咩亞太叫左去幫手做典禮d野~
頂~個亞太都唔知識唔識野ga~叫人地做d野都唔岩路數既~
d野又錯哂~亂黎ga!??shit~

做左好多野~行黎行去~
好凍...好累......../.\

今晚...見到亞邊個......唔知點咁~
好似......有d唔同左......just want to talk~

**唔知我個袋太大定係咩~
成日都搵唔到個電話係邊~
成日都拎唔切個電話聽...
係時候買條繩喇~

**換左新水杯~唔知係咪新野零舍香
好似飲多左好多水^^
好事黎既~


>>June 27, 2003 at 6:11:43 PM GMT+8

2003 年 6 月 24 日 星期二 【晴】

今日同肥仔同亞框去唱k~~
有d怪怪地既感覺...................
點解佢地冇搵嫻亞齊去既!!??小可喎~!?

低b ga佢地~
聽晚又唔約幾點~今朝又晨咁早8點幾打黎~
真係有d炆...............都叫阻唔好左我訓覺gala!!!!!!!~
阻我者死!!!!!~

唉...又遲到.......好似好衰咁..
愈黎愈覺得自己近排次次約人出街都遲到....
對唔住呀咁多位~真係對唔住呀~下次唔敢喇 /.\
我會改gala~!!!!!!!!!!!sorry!~

同兩個男人出去唱k~感覺真係有d......奇怪~
一路上都稔緊~我地可以唱咩歌呢!!?
最後我都決定我都要變做男人~
今日唱男人歌喇一於~

唱完行左陣~哈~~~信和...........
低b ga肥仔真係~又話買衫又話買袋~
我地指俾見果d衫同袋~佢都唔鐘意既~
最搞笑就係我地行到女人街~
去到一間賣袋既鋪頭~
個事頭婆一見到我地入黎~
就勁熱情咁介紹d袋俾佢地~
仲手摸摸佢地....個袋~
哈~仍地仲勁白痴咁俾人摸都唔走~
仲係度慢慢睇~
嘩~如果個事頭婆唔係賣袋既~
仲以為佢係做.....咩既tim....wooooo

行行下~佢地去左賣電腦野果個商場----唔係好知叫咩~
雖然我又唔係幾岩咀形...不過我都陪佢地行~
哈~佢地仲驚會悶死我~傻既
不過我真係冇咩問題~仲係間唔知咩鋪頭~賣書既~
見到一本好好見既書~不過冇買到~睇左幾頁~^^

**p.s 番到屋企....食完晚飯.......打爛左隻用左5,6年既水杯......
用左好耐...好有感情......有d心痛...../.\

>>June 25, 2003 at 12:12:15 PM GMT+8

2003 年 6 月 23 日 星期一 【晴】

又係一個好無聊既下午.................

起身~食飯~睇電視~聽歌~玩電腦~
已經成為每一日例牌會做既公事~

搵工?好難~真係好難~
要搵一份自己又鐘意~又做得開心~岩自己做既工~
真係好似要等奇蹟出現一樣~難!難!難!

奇蹟~哈~
今晚睇"黑夜彩虹"~講到有冇奇蹟d樣野~
令我真係好仔細咁稔左陣~
究竟d個世界係咪真係會有奇蹟出現既呢...!?

我相信有奇蹟d樣野~
不過我亦相信奇蹟係可以自己創造出黎既~
用自己既汗水~心血~努力
要奇蹟出現~根本就唔係一件難事~
奇蹟係可以自創~
奇蹟既出現其實就等於努力既成果~

咁你估奇蹟會唔會帶俾我一份好好既工呢!??^^


>>June 25, 2003 at 11:51:51 AM GMT+8