2003 年 6 月 22 日 星期日 【晴】

噚晚10點半訓,今日朝早...5點半起左身.....居然可以咁早起身..但係我都仲係唔滿足,再訓,再起身...已經係....下晝3點!!破記錄ar!!!17個鐘~!!!!!簡直係勁~同埋,今日老豆終於都有得番工la~~真係好~^^感謝神~~~
ar...但係..下晝做咩好呢~??~??~
今晚再寫多篇先~~~食野~!!!

>>June 23, 2003 at 7:09:46 AM GMT+8

2003 年 6 月 21 日 星期六 【晴】

6月 22,星期日又係有敬拜,又係有bass,又係有我,但係有幾個星期都因為有病而黎唔到ge 張生~又開始青年敬拜訓練la~~
之前個幾個星期同d 現有敬拜隊(都係d 大人)有d悶.....但係今日張生一黎,即刻又學到唔少新野~但係...好勁難呀><...一首我識ge歌,用第個彈法.....簡直係難到爆.....睇怕我要用成個月黎攪,不過講番轉頭,其實我學左咁耐,係為自己,定係為左敬拜神呢??ar...依家ge我,兩者都有,但係日後可能會有改變8月中...同依家仲有個半月..唔知到時我可以有幾多進步呢~?
今日我決定左,以後星期六到星期日都唔訓,睇聖經,靈修,追番之前漏左ge時間,一定會做落去ge.....

好眼訓~~~@@唔打多la
2003年 6月22日,17歲.勁哂,有雨,但係好舒服ge一日

>>June 23, 2003 at 7:01:23 AM GMT+8

2003 年 6 月 20 日 星期五 【雨】

今日係星期六,又係一日落大雨落到好似東南亞咁,定時定候就停雨,之後就一直有d 微雨,感謝神la,都冇淋濕過~
今日係團契攪食野週,平時ge 靈修,查經都有d 悶,今日就食野~幾好~
之後就同大班義工fd 去m記食飯...10幾人去m記..仲要個個都18,9 20咁...真係都咪話唔怪...但係都唔係太顯眼......好在...不過係食野當中見到有兩個女人好似好怪咁係度裝我地...我見到佢地又係咁抄野...好似唔知做咩咁...當佢地同我4目(應該係6目,因為係3人)交投個陣,佢地都好似俾左個唔係太順氣ge眼神....阻到你呀??~..不過算la~
其實係一個義工朋友生日,同埋同去美國個fd 餞行(賤行~hoho)但係就去食m記,真係..有夠別出心裁la~~
其實回想,呢個月都好多事發生....
由6月頭,知道lo 去美國,到一個小學同學要去識一個心儀ge男仔(可惜不是我)到考oral,到我成日去打機,又第一次參加敬拜做bass,到我一直想講自己ge心意俾佢知但係又唔講,到發現自己其實都可能冇以前咁鍾意個女仔小學同學,一個好好ge net fd 考試....睇衰鬼上帝,一次,兩次.......聽到電台主持謝茜嘉讀到我ge mail,係at17個web 大活躍,一個我好鍾意ge game 係ps2有得玩,失驚無神就有兩個camp,一個義工,一個團契,係聯和墟同一間青年中心ge人一見如故,到個同學因為做謝師宴唔再同我講咁多野,又到一個成日都好似好多野煩ge網友阿凡又成日唔出聲,到想寫好多好多詩,散文,到寫唔出,到父親係屋企冇工開,到撞到捐血站,到同一個外地ge網友好好傾,到開始寫日記,到現在.....當中有笑,有迷茫,有唔知點做,有唔開心,有聽到一首歌就想喊,有心靈好似突然被洗滌,有充滿力量,又有洩氣ge時候......我覺得,我係度經過緊青春,我一直都以為自己未經驗過ge青春,依家就係我身上.....同時間一齊流動,我覺得我一世人都唔會忘記呢個月,2003年6月
今日聽到4點水重播,原來首歌係小胡唱,我仲以為係eason...ha~

就此我想黎一首歌

林一峰ge 我的日記

翻開我的日記 晴天陰天都有著你
一些是我念記 晴天陰天都很美
當中有我共你 開心傷心也會記起
當天世界很美 這麼生活像遊戲

二月十四 與你到公園嬉戲
十二月四 天氣涼了我抱著你

你說給我你的小手 我們逛逛半個地球
從早到晚都擁有 但還是覺愛得不夠
然後又到處走走 無方向永遠沒盡頭
從早到晚都擁有 但還是覺愛得不夠

你說給我你的小手 我們逛逛半個地球
從早到晚都擁有 但還是覺愛得不夠
然後又到處走走 無方向永遠沒盡頭
從早到晚都擁有 但還是覺愛得不夠

la...la...la...(日記使我永遠掛念你)

2003年6月21日,深夜,17歲,天空落左唔少雨,見到白色ge月亮

>>June 21, 2003 at 6:42:23 PM GMT+8

2003 年 6 月 19 日 星期四 【晴】

今日係6月20日,中午13:38,係好大~~~~~~~~~~雨呀><~~唔記得收衫....d 衫.....濕哂...-_-"......好在房d 窗關哂...唔係仲慘o~~~ar...只係....當落左一個鐘頭度就玩完lo~~~之前ge大風大雨好似未發生過咁天空依然一片棉花的感覺,好像一吹就散~今次應該會有風又有陽光lo 掛~!
另外,呢排完全搵唔到工睇怕今年都係玩算la~
冇咩野做,所以係咁睇戲,由戲院新上畫,到去租碟店租,我都好像一個星期看了4套電影~~~以上~最近最近ge生活就係咁la~

又一首歌~~今次就係二汶唱ge"好天氣"ga

藍和白形成了天 你共我樂透半天
倚在你肩 靠在海邊
星星月亮兩手牽 日與夜變化萬千
坐上飛毯 飛到天邊
在水平線 就這樣分不出黑白天
在天堂見 折翼天使吃著半支煙

天氣還算好 就算下大雨令你很糟
不覺你胡塗
天氣還算好 縱遇上風暴令你跌倒
有我待你好

在懸崖邊 遼闊天地再會看得見
在回南天 証實戀情日期沒改變

天氣還算好 就算下大雨令你很糟
不覺你胡塗
天氣還算好 縱遇上風暴令你跌倒
有我待你好

同再起步 同再起步
同再起步

今日係6月20日星期五,17歲,天氣係一場大雨,之後放晴

>>June 20, 2003 at 6:27:52 AM GMT+8

2003 年 6 月 18 日 星期三 【晴】

今日又係好熱,一片煙霞,但係有少少風,就算係熱風都好~~今晚個月亮唔知去左邊~咁我都冇咁得閒去搵佢la~算lo~
今日又拎支bass出黎彈,唔知係咪最近拎佢出入多左,隻手好似好力左~反應又好似快左....又接近0.1秒一步la~haha(正~樂器連健身器材~抵呀><)同埋係上個星期仲係覺得好難ge歌,依家已經係背得到譜la~~都唔係太難je~星期日又要早起..其實唔訓係咪會好d 呢~個日ge 主日崇拜應該都冇咩問題lo~~~ohho
最近聽緊陳綺貞,唔知點解,當鍾意聽一個歌手,我就唔會聽第個ga la....即係個排我鍾意聽linkin park,咁就係咁重聽再重聽...聽到識唱為止....都唔知做咩~性格問題la~~~不過呢個星期ge cash又見底....好似都係冇點儲到錢....頭痛ar~~~仲有,大家,考試加油ar~god bless u all~!!!

今日我哥租左金城武ge "returner "好好睇,完全係日本科技片佳作,點解叫科技片唔係科幻呢~原因....都唔係幻la~完全科技最勝~~呢排真係勁睇電影,睇完我都會有個自家影評law...但係我冇寫出黎,因為我ge見解,同人地ge未必一樣,無謂起爭端la~~當中歹角 溝口 個頭我好有興趣整law~~我長多d就可以咁整,但係我覺得依家個頭都好熱下.....點算呢~剪,唔剪??~@@

今日ge 歌係~~因為下午聽我覺得好match ge 陳綺貞"躺在你的衣櫃"ga~~~有呢首歌ge,自己聽la~呢排我都真係幾懶lo~~又唔打歌詞,又唔係好睇聖經..係咁等d 時間過.....反省下先..-_-"


>>June 20, 2003 at 6:13:56 AM GMT+8

2003 年 6 月 17 日 星期二 【晴】

今日,18日,天氣好熱,冇風,完全係我最唔鍾意ge 悶熱天,今日我同lo 剛仔去左旺角睇衰鬼上帝(係呀~睇多次唔得咩?!)....都係好好睇,我可能ge 話我會睇第3次都有。
但係我真係唔係太鍾意去旺角,太多人la....一去到呼吸就好有問題...好唔舒服...試過係旺角頭暈...可能係空氣同北區差太多la.....
仲有,去到好似係信和….見到一間賣漫畫刀劍的店舖,就走去看看:一間標準ge 混亂……真不知道怎樣在這種地方買賣@@,老闆見我好像看東西,於是我就問他給我看看一些刀劍…..只可惜…全都是…金玉其外,不,連外鞘太刀存..都不怎堅固和美觀……刃又崩又幼….最可怕是….我看的是杖中劍(即杖中有劍,通常都比較幼,脆弱,刀身十分直)…但那個老闆…..說那是忍者刀……忍者要是用那種刀死了不知多久la….就讓我說一點忍者刀的一點知識吧~~,首先,忍者刀的確是比一般刀直,但和一般刀一樣闊,原因是忍者刀是以刺為主,同時,因為刺及要方便,通常都比較短,只有60至70cm,我今天見的,起碼80,中國劍長度,另外,刀身比較堅固,是用以作攀登工具,還有,一定會有護手和刀鞘有刀帶,作為工具及踏板之用……明白了吧~

12點依家係仲係好好天,但係個月亮先0岩0岩由東西出現,佢依家係…黃色,淡黃之月…..~應該係過左15ga la……;所以就唔係圓月….
今日就聽陶吉吉ge 月亮代表誰的心吧~~


>>June 19, 2003 at 4:20:50 AM GMT+8

2003 年 6 月 16 日 星期一 【晴】

今日係6月17日,終於成日冇落雨la~~~心情都係大好
噚晚聽fd shop,我封mai中終於俾茜嘉姐姐讀左~心情好似舒服左唔少la~~~^^
今日我去左粉嶺又上水,行左好多我好耐都冇行過ge 地方,都有好多回憶ge 場所,真係有d 懷念以往~但係...
我都好滿足現在,就咁生存落去la~~日後再去改變la~
今日去左上水廣場,見到有得捐血,又見呢排自己好似好呆滯,放咁d 血會好d 掛(無憑據)所以就捐law,又係一支波針,我哥佢見太多人,唔排wo...但係佢都好似好欣賞我呢d 咁ge 人wo......
攪到我有少少飄team~

我今個日記就推薦聽hocc ge天使藍la~~

>>June 19, 2003 at 4:15:28 AM GMT+8

2003 年 6 月 15 日 星期日 【晴】

今日訓左16個鐘~~訓得足d ,個人都醒神d ga~~心情都好好多~同時,今日終於都見到個天有藍色ge空間la~心情真係大好~~~~
噚日聽到一個消息,就係我一個中學同學,佢要提早走.....今個月月尾.....有d 突然,但係祝佢一路順風la~~~去到記得認識d 靚ge鬼妹/華僑ar~~~仲要留番一兩個俾我呀~~hahahahaha~!
今日就整首咁ge 歌la~

不可能錯過你

唱:王力宏

有時候只需要
一首歌就能 讓我自在
忘掉要排隊
空氣濕答答 店員很壞

就是這個時候
有一朵玫瑰在我心盛開
就在這個時候
陽光跟着撒下来
看見整個城市在戀愛

不可能錯過你
缘份這件事有夠奇怪
我不期待 卻偏要來
不可能錯過你
愛情總叫人迫不及待
多麽愉快 自由自在

有時候只需要
一首歌就會 想談戀愛
忘掉不自由
錢會花很多 朋友責怪
就是這個時候
有一朵玫瑰在我心盛開
就在這個時候
彩虹跟着跑出來
那是你的微笑你的愛

不可能錯過你
缘份這件事有夠奇怪
我不期待 卻偏要來
不可能錯過你
愛情總叫人迫不及待
多麽愉快 自由自在

剛剛好轉的心情 就見烏雲飄過來
過去的陰影使你徘徊
我不是愛神只好 try..try..try
我不變 你就會明白

不可能錯過你
缘份這件事有夠奇怪
我不期待 卻偏要來
不可能錯過你
愛情總叫人迫不及待
多麽愉快 自由自在

O.S：
Alright everybody alright listen up listen up, be quiet, be quiet!
Now this is what making music is all about,
It's about getting stupid with your friends a little once in a while.
Yeah, you gotta let the music into your heart!
You know you gotta feel it! Alright, here we go!

不可能錯過你
缘份這件事有夠奇怪
我不期待 卻偏要來
不可能錯過你
愛情總叫人迫不及待
多麽愉快 我就是自由自在

17:25,天氣漸見明朗,17歲,2003年6月16日星期一

>>June 16, 2003 at 9:26:45 AM GMT+8

2003 年 6 月 14 日 星期六 【晴】

今日係父親節,同時係主日,而且係我第一次係教會以bass guiter 手 作事奉ge 第一個主日,狀態~一1流~感謝主~~~
但係...之前一日我係冇訓過law...可能係習慣,又或者係又有心事la...我都唔係好清楚...只係唔想訓........依家係19:14....想訓到爆........唔打多la....即刻黎歌詞時間la!!
噚晚訓唔著,又再重新聽番自己鍾意聽ge cd以下呢首係慢得黎幾舒服,有cd ge都不妨夜晚聽

不眠皇后
曲:eric kwok
詞:林夕
唱:hocc

記住不要睡眠睡眠 睡了怎會碰面
睡了怎會發現 伴侶正在面前
正在戀愛為何睡眠 讓我騷你背面
然後煮個冷麵 然後試用浴鹽

做人最快樂時候 能做多久
暫時我就像皇后 得到宇宙
睡眠要太耐時候 寧願不休 寧願不抖

記住聽過什麼歌 我們這樣甜美過
今夜躲進你的窩 臨睡時候亦有我
望著了你 昏睡中親我

我絕不要睡眠睡眠 睡了怎夠美艷
睡了怎去記念 睡寶寶的畫面
我恨今晚等到瘋了 睡了怎去記念
寧願戀愛過後 來日再睡十年

做人最快樂時候 能做多久
暫時我就像皇后 得到宇宙
睡眠要太耐時候 寧願不休 寧願不抖

記住聽過什麼歌 我們這樣甜美過
今夜躲進你的窩 臨睡時候亦有我
望著了你 昏睡中親我

記住聽過什麼歌 我們這樣甜美過
今夜躲進你的窩 臨睡時候亦有我
望著了你 昏睡中親我

2003年,6月15日,星期日,19:38,17歲

>>June 15, 2003 at 11:38:16 AM GMT+8

2003 年 6 月 13 日 星期五 【晴】

今日係6月14日,星期六,天氣.....多雲,但係終於都冇落雨,當佢係晴la.....
噚晚ge 第5日失眠之後,今日訓到2點先起身,但係都唔係好夠.........日日都訓到日上三竿....浪費唔少時間.....
講完d 廢話,其實今日我應該開心先0岩,考完哂會考,個fd 又向佢心儀ge 男孩表白,唔洗我成日聽佢講d 我唔明ge心事,我應該都好高興ga.....但係....都係失眠,心情好壞......人生挫折感太多,太大,人真係會死......我自己噚晚真係覺得想死,但係明白到自己本身,一黎怕死,二黎太多野我未做過,死左好唔抵,三黎唔珍惜自己生命ge人係唔抵可憐.....結果萌生左10分鐘都冇ge 想死念頭就咁抑制左,照舊個腦混亂,一片倫敦大霧ge感覺....聽埋友誼商店,聽到節目中ge 聽眾,節目主持都興高采烈,令我都感染到d 開心ge 氣氛,其中主持問d 聽眾有d 咩強項,我都好自然咁諗下,但係.........好似都冇咩強項....話記性好?大把人好過我,講搞笑,講野有pt,好過我ge,大有人在......原來一直以黎,我自己好都中庸,好傳統ge中國人,一條廢柴..........咩都冇ge一個人
但係人本身就咩都冇,只係生在世上,先會有咁多擁有ge物質同非物質,但係人地點解會有,我又一直都沒有?自己都不太清楚全部因素....只有一點,no pain no gain,自己不肯付出,又如何去要求?
諗番,其實自己都真係一個幾冇膽ge人,咩都怕蝕底,咩都唔敢去做,損失一下又唔係會死......
"犧牲自己,保全大局"呢種忠義,幾時先可以做出黎?一個人不斷咁利人損己,係咪可以生存落去?...呢d問題.....可能我要去試下先知....

6月14日,17歲,14:17,陰陰地

>>June 14, 2003 at 6:18:00 AM GMT+8