2004 年 6 月 26 日 星期六 【清涼】

呢個星期日係想當之熱,7點起身,自己煮早餐食完就趕住出去番教會,之後又一個上晝ge 充實之後,因為沒有錢就主動去禁食祈禱,雖說冇得選擇而禁食,但係咁ge狀態去祈禱又真係幾集中ga wo,講起上黎,其實自己對於身為一個基督徒ge 行為都好似唔係太緊,有d 幾放任...最近對音樂有d 新ge 體會,音樂唔係為左去表現自己,而係去表達自己ge感覺,去感染人,去俾其他人感受到自己ge感受

>>June 30, 2004 at 8:37:55 AM GMT+8

2004 年 6 月 25 日 星期五 【晴】

26號,星期六,又一個weeken, 天氣好熱,又係咩風都冇ge 酷熱日子,上晝都係覺得無所事事...
下晝番到教會,團契係度講究竟明唔明白自己,呢個問題我自己都唔係太知個答案,因為只係覺得自己ge 人格係好多不知名ge 野纏繞集成,凌亂,不規則,但感覺是拉得很緊的,就快負荷不了的感覺...

>>June 30, 2004 at 7:43:15 AM GMT+8

2004 年 6 月 24 日 星期四 【酷熱】

今日都係可以鬧鐘一響就醒ge狀態,起左身見冇咩野做就做左d 家務咁la...期間我都唔係太用到個腦...腦袋空白,呢個狀態係呢個星期一直持續,好似冇咩目標咁...
係屋企睇住icq msn 個list 人來人往,卻似是與我不相干,真係感到有點憂鬱
明明夏天但成日匿係屋企,的確唔似樣

>>June 25, 2004 at 1:54:26 AM GMT+8

2004 年 6 月 23 日 星期三 【驟雨】

第二日好大風,仲有少少過雲雨,但係都唔係太大,所以都冇咩阻到晾衫程序,d 衫都係乾得好快~都幾唔錯
今日終於俾老媽洗左出街買送買貓糧,又0岩ge,成3日冇出去...就死咁

今日聽多樂飛講自尊心,佢講d人自尊低ge特徵:諗失敗多,睇人地ge負面反應會相當在意...愈聽愈似d 悲觀人,即係好似我...的而且確係...我自尊同自信都相當弱....心理,技術,體質3者,都係一個習武之人應該齊備...但係我好似3樣都冇....真係唔似樣...呢個暑假應該修煉,搵野做反而應該次要d

終於都鼓起勇氣去發言,原來都仲有野講...將想講ge講哂出黎,覺得心情都舒暢唔少,但係估唔到,離開ge日子原來已經迫緊,相信都好難再見,不過都已經冇咩牽掛la,只有講句一路順風吧la,人生路中有交會的一點都已很好。

>>June 25, 2004 at 1:47:04 AM GMT+8

2004 年 6 月 22 日 星期二 【寒冷】

今天是風日~好好風~好舒服,但係都好哂,而且又冇咩特別野...所以都係成日係屋企冇出去,今日又自己煮飯~~
最近心情其實唔算太差,但係有d 空盪盪的感覺..."究竟做什麼好呢"這個問題經常出現

不經不覺又一天了...

>>June 23, 2004 at 11:58:10 AM GMT+8

2004 年 6 月 21 日 星期一 【晴】

大晴天,仲有少少肚痛...早起身得好緊要....8點...好似今日吹東風,唔會落雨就好la~端午都冇咩野咁ge....
下晝都仲係屋企~~唔覺唔覺~好番哂lo~~真係gd 呀~~^^ 感謝主,感謝唔只係好番,係明白到,病左先知健康好,同埋我都有理我死活ge朋友同兄弟....真係好...
0岩0岩好番就食pizza....haha油到死....-_-"

最近覺得自己好似係等待某幾個人先至上網咁...其他都唔係太重要...

>>June 22, 2004 at 1:57:49 PM GMT+8

2004 年 6 月 20 日 星期日 【晴】

相當辛苦...成日係屋企...咩都冇做,死下死下...不過哥佢見我咁煲左d 粥我食...呢d人又係ge..係呢d 時間就會做d 適當ge野~

下晝得自己一個係屋企het....8點幾,沖完涼,發覺...屋企咩都冇...唉...出去食law....9點幾先食野...

11點幾番到屋企...又係得個het字....病左真係好恐怖...咩都做唔到

>>June 22, 2004 at 2:06:57 AM GMT+8

2004 年 6 月 19 日 星期六 【晴】

星期日la 父親節,但係父親唔係度~冇野做lo~~番到教會,又遲到...唉....死人鬧鐘...虧ga...
所以,成個上晝都冇食野,直踩到下晝2點幾先去食飯....胡里胡塗咁食完之後...死la...出事...個人有d唔舒服....係咁het....又有d想嘔...~@
之後真係嘔....晏晝個d 嘔哂~~成日冇食野咁la~夜晚又訓唔到...應該係感冒入肚掛...真係慘...T_T

>>June 22, 2004 at 1:59:19 AM GMT+8

2004 年 6 月 18 日 星期五 【晴】

最近成日都係咁,夜晚至朝早落雨,之後就大太陽咁,呢d天氣係易病 law...小心小心
聽講ellen 感冒了,真係..應棍...-_-"

星期六團契~但係之前就要幫手拎d野去分堂先...又係好熱la....@_@

團契今次係睇電影,睇咪走雞,好笑之餘又有意思幾好ga~電影係有幾種,賣劇情賣卡士,同埋賣meanning,都係有吸引之處ge~

同親戚食飯....又係咁食食食...食完~閃咁la
番到屋企,一點鐘準時訓覺~聽日又要早起la~

>>June 22, 2004 at 1:59:51 AM GMT+8

2004 年 6 月 17 日 星期四 【酷熱】

happy friday~噚晚ge show 今日仲留係個腦入便,而且今日天氣超好~真係好爽快~但係真係好熱lo =o="

晏盡想話去探下mandy,但係結果都係冇去,鬼咩,晏d又要番粉嶺同班義工fd 去打邊爐...出得黎都要閃人lo...下次先la

今日同carman傾電話,佢話番大陸玩,北上尋歡wo~但係番到屋企,見到佢online...原來....佢又訓過龍...咁好訓呀-_-"

下晝個段時間我去左分堂個便,同logo 傾左陣,覺得又認識左身邊ge人多一d,原來一個人ge觀點有限,仲要係有限得好過份個隻...

同義工fd去打邊爐,條路真係長,由粉嶺去到牽情間再過聯和墟...真係九曲十三彎ga~食野就食到好滯law~仲有咩~真係再講明d,兩罐啤酒真係飲我唔醉ga wo~~

番到屋企,就將條bass 線拎去上左佢la...但係.......都係買d 貴d 吧la下星期...-_-"

原來九方真係相當之易學ga wo~得閒都用下先

今日都係覺得心情有d怪...睇睇下又一個月la...都係有d 隱隱痛...氣管個方面又係咁...都係冇咩點好過...算la...我都預左我成世人都同呢個病一齊ga la~都好ge,限住我唔好咁勞氣呀~

今日ge消費目標預算: 7900 打工真係事在必行個隻lo~~不過自己真係好似對影野都有d興趣ge...好過電腦先la...

沖涼個陣突然問自己,自己算唔算負責任ge人呢?應該唔係,因為好多野都虎頭蛇尾,對生活係咁對感情都係咁...先會落得如此下場,呢個真係要花一生黎反省改正...

呢幾日係有幾個人生日ga~ 團契ge阿朗,阿湖,仲有網友章魚~就咁~!!

>>June 18, 2004 at 5:46:26 PM GMT+8