2004 年 3 月 23 日 星期二 【晴】

繼續講埋星期一個下晝佢先~~
放左學做gym,係咁做對手臂,簡直到左係咁做ge 地步~
之後就去左又一城買左對3間ge 足球鞋~事關真係頂唔到la...上星期ge 係咁冼呔同拗柴...
打波個陣開頭好唔慣,但係之後真係覺得幾好~~仲要係打波拎得都幾多分ge 一日~~hahaha

番到屋企...好眼訓,但係都慣性咁開左部機,見到冇咩人online~之後就攪左d 無謂野就off左la

星期二,訓到3點~一個上晝就此報銷~食左d 粥,之後就一路睇我哥打機,雙手係完全唔可以大動作,真係要命~8點半番到教會上堂,上呢個摩西五經ge 研讀班,話實我都好似仲未郁過份report...^^"

完左之後去粉嶺搭車,撞到winnle,就傾左都幾耐...傻傻地ge 一男一女就咁企左係個商場ge 路口度係咁講係咁講...講到就12點我都仲好似有野講咁真係~ -_-"
12點安全上到小巴,鄉村車係咁ga wo~趕last 車真係趕死~

其實我呢排真係好懶,除左番學放學之外都咩都唔做~~~~~~要做番足呀!!!!!!!!!>
mandy,你唔係考得好差呀fa.....你對得d 鄉親父老住呀你....

>>March 23, 2004 at 6:09:01 PM GMT+8

2004 年 3 月 21 日 星期日 【晴】

過左去ge 福音主日,自己覺得好好~10分有7,8分咁ge 情況下結束。

今日朝早,4點幾又俾d 蚊嘈醒,之後又俾我哥嘈醒同埋有蚊香都唔點...攪到訓都訓唔好,番到ive,又俾d 鑽牆聲嘈到好辛苦,精神有d 半崩潰狀態....@.@.....

搭巴士番學途中見到road show 有個節目講hk sevens (7人欖球),見到....基仔...-_-...笑死我。

開始天氣熱,開始覺得自己似有聖靈係心中ge 基督徒,好似自己又大個左d....之前有人話我高左,又有人話我瘦左....真係唔知係唔係la,但係高左係好ga~

星期日夜晚好似見到個icq fd ,但係唔係好肯定係咪~~

今日繼續做gym 同打波~~!!

最近我哥買左隻"塊魂"ge ps2 game,好好玩wo~~爆得意咁~

原來自己有能力去做一d 我一直都想做ge 野,to be or not to be , all in your mind .

>>March 22, 2004 at 5:51:00 AM GMT+8

2004 年 3 月 14 日 星期日 【晴】

睇黎...屋企部機ge連線問題愈來愈大....上網睇漫畫都load 9 世...又去唔到yahoo 相簿又入唔到webct...icq又send唔到野...好心la...亞樂你教下我點整la....大佬....

星期日~又係唔夠訓ga~呢排都係早起身過個鬧鐘ga

心情? 好d la...星期六同班團友+牧師一齊傾下,心情真係好d~我又由情緒化ge我變番做唔經大腦la~~

呢幾個星期都幾養尊處優...對手臂好似幼左,但係又有人話我瘦左...係咩??

聽講話一早食蘋果比飲咖啡仲提神,係真ga wo~可以一試

>>March 15, 2004 at 6:48:35 AM GMT+8

2004 年 3 月 12 日 星期五 【清涼】

天氣炎熱,心情差極,可以用魔盜王個d 被詛咒ge海盜個種空虛...咩都滿足唔到ge慘況黎形容,個人有d 心神恍惚,個人勁冇mood,咩都提唔起勁

星期四個日開始發病,一日之內仆左4次樓梯,勁"盤pea",爆頹廢,到目前呢一分鐘我都仲未平復到。

唔該,可唔可以俾我自己去決定呀?just leave me alone ok?!反正你地個個都已經當我唔存在ga la,由我自己做我想做ge 野la....

>>March 12, 2004 at 6:03:58 PM GMT+8

2004 年 3 月 9 日 星期二 【晴】

近幾日ge"十份好"~
星期三,本來要番學...但係...一起身...2點幾3點...算la....
同老哥出去買野,買左300幾...買送都買成咁...我好懷疑我呢一家人係癲ga...
夜晚,同亞man 傾左陣電話,其實聽佢講野,令我覺得自己都叫做好好ga la...不過,都係覺得自己係能醫不自醫ge人...有口話人law~
今日試左煮味新野~辣羊肉煮椰菜秀珍菇~送飯味道一流~
同d fd 講起我呢味野,都大受好評,可能我比自己所想ge更有用
多一個fd讚我d 相影得好~
終於都有人肯要我d 又一城溜冰優惠卷~
星期二十分無聊咁一過
星期一打波個陣發現自己係傳球個陣有彎低個人ge 習慣...要改...
呢幾日都好多蚊~

>>March 10, 2004 at 3:35:44 PM GMT+8

2004 年 3 月 6 日 星期六 【微冷】

星期六,團契開始改變,感覺...只係其次,重要ge係真係改變緊,而好定壞,睇怕都係要時間去證明
星期六,去左元朗睇一套鬧劇"喜尾注"我同琳恩都覺得好笑,但係同行另外三人...特別係suki...完全冇反應-_-" 喂...so man,唔好笑咩...
或者係我平時真係笑得少la,呢d 位我多數都會好似楊千嬅咁收唔到聲,而點解笑得少,一個可能係平時都好悶la...日日都番工咁...好呆滯,另外自己又唔係笑得好睇...費時自曝其短la所以一有機會有你冇你都笑番下先。
原來當人係趕住出去同唔趕咁回程對時間ge睇法都會唔同,前者永遠都唔夠,後者相反。所以話人易俾人影響都0岩ge,或者呢個就係當初夏娃同亞當會食禁果ge原因之一la不過我都冇必要猜測,因為事實未必如此。
一個李嘉誠ge中史miss 星期六結婚,姑勿論人地係咪郎才女貌先,老師結婚,真係都要夾時間係唔洗上堂ge 日子,真係習慣成自然,你平日做d 咩,就算突然有事要做,都會幾習慣優先。
其實如果人撇除靈魂之外,行為同意識的確與動物無異,一樣怕悶,一樣想呢樣想個樣但係又明白自己ge 無力,永遠都係失敗之後就對事物多一重介心。
最近成日都聽到有同學話人一世物一世咩都要試下,我同意ge,不過唔係全部,試ge當然係挑戰自己,發掘未知ge自己,唔應該試ge我都唔想去試,而且正因為在世有自由,先至可以揀做同唔做;有人問,點解一開頭上天要俾d 咁ge野我?冇呢樣野會好幾多? 其實,你有咩把握敢斷言一定好d?天機豈會咁易估到,你估到你就係神la。
星期六同一d 做義工時期ge朋友bbq,當中我發覺愈來愈同佢地唔熟,好奇怪..同一地點同一班人,一年時間可以有咁多唔同,或者人ge記憶會促成呢個問題,正如人地覺得我唔似係基督徒,但係我又係ga wo,只係平時唔講,又唔係好揚。牧師都明白,佢都話,因為外界ge人多數都對基督徒有一d 不知源由ge印象,一同現實比較,自然有出入,但係就唔質疑自己ge印象準確性,反而去質疑人地。同瞎子摸象有咩分別?
一直我都覺得自己同時下d 年青人一樣,電腦不能離身之餘,同人ge聯絡都會同電腦一樣接近。然而自己對住lcd mon 卻一直都冇人理,真係好諷刺,到底係我本身需要電腦定係習慣需要電腦?齋坐係度浪費電力,真係有d 白痴。
星期六呢一日,一切都好奇怪,諗深又會有理由俾自己,真係怪。

>>March 6, 2004 at 7:36:42 PM GMT+8

2004 年 3 月 4 日 星期四 【晴】

咁快就星期五~呢3日都係得個het 字...今日ge retest, 一般la~係唔係都40分,咁落力有咩用~

>>March 5, 2004 at 2:04:43 PM GMT+8

2004 年 3 月 1 日 星期一 【暴雨】

星期二!!今日睇左明哥黃耀明做封面ge milk ,同左半個鐘lon 哂成本milk~之後就het左半個下晝~
沖完涼就出去粉嶺,去center 同d 小朋友玩,張姑娘仲叫我以後都去同佢地玩之外都教佢地做功課wo....都唔知去唔去好~有d 想用星期二ge時間4圍去呀~

今日下晝icq,又見到個雲南ge miss,佢問我考慮轉科考慮成點,我都係冇咩頭緒,講真我都仲未夠膽下定決心...真係優柔寡斷膽小懦弱兼而有之...

最近好多好耐冇見ge fd 都因為唔同ge 場合而碰面,大都寒暄兩句就算...真係有d 覺得可惜,都冇拎佢地d 聯絡,真係有d 空虛後悔。

噚晚我突然有個念頭,我想改自己個名,自己個名,欣豪,老媽都話個名冇意思,真係令人心都沉一野...我想改做 "欣號" 我覺得有d 意思過 "豪" law...反正發音差唔多ma...

一日之間,可以相差10度....20幾驟降至10幾...
分岔路之間,如何去留?

>>March 2, 2004 at 4:48:41 PM GMT+8

2004 年 2 月 29 日 星期日 【晴】

星期日~~~又係5點起身....之後就沖左個涼...成晚俾d 蚊圍攻真係訓唔到...一如平常番去教會,一去就一日,不過右手d 泡就有個彈穿左la~~就快好番哂lo~不過真係好累....之外個晚2點先訓....3個鐘真係令人吃不消...
之後,噚晚11點訓,今日都10點幾先起身...真係...唉...
出到粉嶺,諗住食d野先la....因為都遲ga la反正...點知咁0岩見到lks 教我hist ge 趙sir,一問原來今日f.5考mock...唔怪得之噚日小童同杰都咁早唔見左人la ...唔~~醒醒定定la~
...噚日聽徐牧師講道,有一個故事我覺得幾反映到香港人ga:
話說哥倫布係發現新大陸之後佢番到西班牙d 人都歡迎佢,但係係一個宴會當中一個人挑剔佢"車~你有咩叻ja,人人向西面出海都搵到la~"面對呢個人,哥倫布冇咩大反應,佢同在座ge人講"我地玩一個遊戲,呢道有一隻蛋,你地邊個可以將佢打楝攏係度?"個個都即刻係咁試,都唔得,之後哥倫布就示範,將隻蛋打爛個底,咁就企到la,咁頭先挑剔哥倫布個個人就又"車~咁ja~人人都得la",呢個時候,哥倫布就講la"你知唔知我同你ge分別係邊度?你話我唔係咁叻,咁你當日又唔係第一個向西出發ge人?我同你ge分別就係我夠膽去做你唔敢做ge野"
冇錯,人成日都馬後炮,但係又唔敢做第一個,咁又有咩用呢?

>>March 1, 2004 at 6:38:23 AM GMT+8

2004 年 2 月 28 日 星期六 【晴】

4年一次ge 29日~同上星期一樣,都係俾d 蚊嘈到訓唔到,簡直係唔知點好,一方面想訓多陣,另一方面又要起身,相當矛盾。
28號團契叫做last 一次,因為下星期開始就會叫做轉型,以小組形式出現係教會。而週會係令人覺得好累ge 跳舞!!因為當中有團友係跳開,咁就請佢教下我地呢班硬手硬腳又手腳唔協調ge團友lo~hoho,不過幾好玩,個位團友為何熱衷其中,我都應該叫做明白la
27號,校外教學,g 班同e 班,全部出席人數...20個都冇,ok好玩la~冇錯,我地都係當去玩ga...-_-
下晝d 堂都唔係太有心機上~
29日,今日我起左身,真係唔訓得la,於是開收音機,開左903,其實我係長set 903 ga,聽到普世佳音呢個節目,原來係一個基督教節目,真係意料之外,不過都唔錯呀~星期日起身就refill 一下先~ha
好la,係咁。

>>February 28, 2004 at 10:23:15 PM GMT+8