2003 年 5 月 23 日 星期五 【晴】

今日我地G3(今次冇o左阿旭),聯同糖哥哥,張偉健,表妹,表妹個fd,Shirley and Ada簡一 齊去石澳BBQ,又再次係勁熱la,而且又勁多人wor......

好在表妹一早霸到爐,我地去到之後,糖哥哥同張偉健+Vanness就透爐la,好快咁就有得燒o勒,今次我地好勁ar,竟然可以一燒就燒o左差唔多2個鐘,我覺得自己都好勁o丫,可以一直唔停咁食,hahaaa

最後我地燒到9點半到就走lu,走之前of coz去一下個沙灘度"漫步"la,仲諗住睇星ga ma,點知果時個天行雷lor,仲勁大舊雲tim,激死ar~~行o左半個鐘到就走lu......

去到筲箕灣地鐵站,竟然俾我見到阿昌lor,佢拎住個結他好似好眼訓咁,所以我都冇同佢打招呼lu,反正佢都未必認得我la(不過阿昌好似一向都係眼訓樣ga wor~~~)

番到屋企其實已經累死la,不過又唔想訓住wor,之後就on9 on到2點幾o勒,hahahahaaaaaa....


>>May 29, 2003 at 6:07:17 AM GMT+8

2003 年 5 月 22 日 星期四 【晴】

冇睇話劇成年有多,今日終於都可以再次去睇o勒,hahaaaa,今次係去睇一個我一直都覺得d劇麻麻地好睇ge劇團------前進進ge劇.......

套劇叫"奧利安娜的迷惑",講真o丫,除o左彭俊傑同羅靜雯呢兩個人我係聽過下之外,其他d人我完全係唔識,hahaaaaa,o係一個完全唔知咩人做,而且又唔知個劇想講咩ge情況下睇一個劇,講真真係幾"迷惑"下^_^,加上呢個劇我覺得都幾深下,要一路睇一路諗佢究竟想講d咩,要不停咁用住腦o黎睇,真係仲慘過睇柯南ar,最後都係明d唔明d咁la,好在佢有演後討論,如果唔係我諗我睇完會仲迷惑過未睇果時ar......

>>May 29, 2003 at 6:09:17 AM GMT+8

2003 年 5 月 20 日 星期二 【晴】

我地G3去o左港大聽talk,其實聽talk都係次要ge,最重要都係去沾下果度d靈氣,haha

聽完之後我地就去o左金鐘間Delifrance食焗薯,好好味ar~~~~

食完之後就番屋企lu,係屋企睇o左2套柯南,然後就食飯,on9,咁樣又過o左1日o勒

>>May 29, 2003 at 6:53:39 AM GMT+8

2003 年 5 月 17 日 星期六 【陰】

由於尋晚太夜訓o勒,所以今朝成12點先起身,起o左身之後都仲係矇下矇下咁,食o左早餐冇幾耐就食晏,都唔知我個早餐食o黎做乜....

之後我竟然仲無聊到走去畫畫,hahaa...都係因為尋日西門夫人拎o左一棵好靚ge紫色花番o黎,因為佢太靚o勒,所以我就畫低o左佢最美麗ge一刻,hahahaa....

之後今日成日都係on下9,煲下粥,睇下書咁,呢d就係一隻樹懶最想要ge生活la,咩都唔洗做真係太好o勒~~~(我果然係好懶ar)

今日仲有一個好消息,就係芙蓉格格幫我買o左Audrey ge VCD ar,實在係太好o勒,真係想快d拎晒番o黎睇晒佢,horhorhor


>>May 29, 2003 at 6:16:23 AM GMT+8

2003 年 5 月 16 日 星期五 【晴】

今日晨咁早起身就係為o左去唱K,hahaha...今次係同表妹佢地,表妹個fd唱得勁好聽la,好似容祖兒上身咁,可怕ar~~~

唱完之後我地就周圍行o勒,首先就係去S & K,(鬼叫周太同吳太都係度咩?冇得唔去la),之後再去信和,我買o左一張Shine ge相la,有天佑又有又南,最重要ge係有埋姚明.................個簽名hahahaaaaaaa,之後我地又再行其他地方o勒,連花墟,金魚街都行埋,行到腳都斷ar

之後我就去姑姑屋企o勒,好在我係勁晏先入去,唔係就悶死o勒~~~佢地又係勁夜先肯走,煩ar~~~番到屋企沖涼洗頭,點知西門總裁又係度發脾4wor,西門夫人又嘈住晒唔俾我開電腦,搞到我唔可以玩住icq等個頭乾,最鬼憎就係吹頭ga ma~~~~~~~就係呢個時候我就諗到阿旭佢地果時發明果部自動洗頭機o勒,如果可以將佢改造成自動吹頭機咁就好o勒~~~~呢個應該有得諗下wor~~~

夜晚果時行雷閃電,搞到我冇覺好訓,慘ar~~~我雖然鍾意落雨打風o者,不過唔係鍾意夜晚行雷lor,嘈到我訓唔著,就算訓著o左都俾佢嘈醒晒, 好慘ar~~~


>>May 29, 2003 at 6:57:51 AM GMT+8

2003 年 5 月 14 日 星期三 【晴】

呢幾日都冇出到街,不過就係屋企勁睇書,係一起身就睇書,睇到食lunch,食完再睇,等到西門夫人睇完都市閒情,咁我就睇錄低o左ge柯南o勒,睇完柯南之後又繼續睇書,睇到食晚飯,食完再睇,到o左就o黎10點就on下9咁........

我真係好耐都冇試過呢種由朝睇書睇到晚ge日子o勒,可以睇書實在係太幸福o勒~~~~可以咁hea住過日子都好幸福,hahaha...不過就窮o左d lor,究竟幾時先有人會請我ar!?!?

>>May 29, 2003 at 7:02:15 AM GMT+8

2003 年 5 月 10 日 星期六 【晴】

今日母親節,西門夫人大晒la,佢話去邊冇人敢反抗,但問題係佢將個決定權俾o左西門總裁,咁即係話總裁話要去邊我地都冇得反抗,就係咁我地就被迫要去"遊車河"o勒......

我地第一站係去龍古灘,感覺就好似係去o左黑沙灣咁,點解d沙可以咁黑ga,由於我嘈住話好晒同好熱,所以我地好快就上番車去第二站o勒,第二站係稔灣,果度都唔知有咩睇,好快咁我地就去第三站----係天水圍ge水澤田園,果度以前好大規模ge,宜家就變到同錦田冇乜分別,由此我地可以睇到香港經濟果然係愈o黎愈差ga,到最後一站就係姑姑屋企o勒,因為總裁話果度食飯可以唔洗俾錢wor一_一||

可憐ge係我竟然俾Bobo抓傷o左,只不過係冇見一日之ma,佢洗唔洗咁熱情,見到我就一野咁撲埋o黎wor~~又唔知自己重wor,搞到我差d跌低.之後我又同BB剃毛,hahaha...佢剃完毛個樣真係好搞笑ar~~~


>>May 29, 2003 at 7:05:52 AM GMT+8

2003 年 5 月 9 日 星期五 【晴】

今日我地G4又行動o勒,而今日個function就係去睇"絕世好男人",真係好鬼好睇ar,杜汶澤又搞笑wor....真係好笑到喊ar.......不過好慘ge就係要8點幾起身,因為我地係睇早場,唉....想訓耐d都唔得~~~睇完戲之後阿旭就走先,淨番我地G3同茶爸爸一齊食lunch,食完lunch我地就周圍行下街o勒,行到咁上下,茶爸爸話不如出旺角,由於尋日我先行完旺角,加上我又極度眼訓wor,於是我就話唔去la,之後仔仔又話唔去wor,順利成章Vanness就同茶爸爸2個二人世界o勒,hahahaaaaa........

番到屋企,on o左陣9,煲o左陣粥,之後再睇埋尋晚套柯南咁就去訓o勒,訓o左唔夠1個鐘,西門夫人又打電話o黎嘈醒我叫我去姑姑度wor.....唉~~~~真係唔想去ar,不過話晒今個禮拜日係母親節,都係算罷啦六師弟,費事番到屋企佢又鵝我o勒

>>May 29, 2003 at 7:11:23 AM GMT+8

2003 年 5 月 8 日 星期四 【晴】

今日成朝無所事事,好不容易先等到3:30,咁就出門口去旺角o勒,因為大佬之前話送果條月份星星頸鍊俾我,所以我今日係出去領取我ge禮物,hahaha........多謝大佬wor,你真係好人ga o者,horhorhor~~~

之後我就去o左今日最重要一定要去ge地方------港台,因為今日係Ada last一日係果度做節目,(尋晚我仲因為諗住Ada今日係最後一日做節目,搞到我訓唔著tim ar)其實之前我話唔去ga,不過今日文文又打電話o黎同我講,搞到我突然勁想去lor,其實話晒今日係Ada 係港台last day,我諗今次都係最後一次係果度同佢見面o勒,所以去o左即使只可以係出面聽收音機我都覺得係有d值得ga.....(而且仲意外咁見到馬仔tim,horhorhor~~)

今日Ada節目開始同結尾都唱You've A Friend,佢呢首歌真係唱到我可以由尾倒番轉開始唱都得ar,而且我仲寫過2次信俾佢叫佢唔好再唱呢首歌tim,haha...不過其實呢首歌真係好好聽ge,我自己都好鍾意,叫佢唔好再唱只不過係覺得果時佢個個禮拜唱一次有d悶o者~~

今日仲係我聽o左Ada7年以o黎第1次phone in lor,其實係文文打ge,不過我順便講下野o者,文文同接線人講:呢度有2個聽o左Ada7年ge聽眾係度,咁佢想唔接我地出街都唔得la,haha.....不過搞笑ge係,當文文打完電話俾Ada同佢講我地2個係港台出面,果個接線人就打o黎話一陣會駁我地出街o勒,駁o左我地出街之後Ada第一句就係講:我知你係附近wor,搞到文文好唔好意思咁講:係ar,我地係出面,文文講完就到我講la,都係講埋d唔捨得你ar咁ge無聊野(不過真係唔捨得ga ma),講完電話之後我地就一直係出面聽住收音機o勒,後o黎Jenny o黎埋,我地又發現"希so"(唔識串佢個名tim^^")又係港台停車場度wor,於是我地就籍口話入去搵佢而走o左入去o勒,haha.....我地幾個企係出面仲大大聲咁講冇得聽Ada真係冇o左人生意義,而且仲話要丟o左個收音機tim,因為都冇用諾,hahaha....(不過唔知點解Jenny同希so都咁講,佢地唔係支持Mimi ga 咩??Ada都關佢地事??)

終於等到Ada做完節目出o黎o勒,我見住佢出o黎,真係有d想喊ga,不過Jenny叫住我唔好喊,其實文文自己都想喊la,但係我地都叫住大家唔準喊......睇到Ada化o左妝,真係有d唔同,haha...不過見到佢我又冇同佢講d咩ar,淨係叫佢同我簽一張相lor(我今次好好人ga o勒,次次我都係成30幾張咁叫佢簽ga,haha),最後大家都同Ada o黎一個擁抱(就連文文都係 一_一||,佢都傻傻地ga,佢係AF做野都會見到Ada ga la),不過我就冇o勒,我真係好驚自己會喊ar,所以都只係睇住Ada,睇佢同文文講野lor~~~

但係好開心一個消息就係原來Ada遲d果個劇係o係葵青劇院度做ar~~~咁我就算唔去睇都可以係後台門口等佢la,horhorhor~~~實在係太幸福o勒~~~


>>May 29, 2003 at 7:15:39 AM GMT+8

2003 年 5 月 7 日 星期三 【晴】

今日我地G4復出ge第一個function就係去大欖涌BBQ,而同行就有果個死南瓜

今日真係超熱lor,熱到我地想死咁滯ar,不過好在果度唔洗自己透爐,唔係就慘la....我地一開始就燒o左一輪野食,然後就開始打麻雀o勒,haha(其實今次出去ge目的都係為o左打牌o者,鬼叫我地冇地方可以打牌咩)打完一輪之後又再燒過,燒完之後又再打,hahahaha......打完之後阿旭同仔仔同死南瓜去o左釣蝦,我同建豪就睇雜誌la,到佢地釣完蝦,我地5個就一齊坐係度hea時間o勒,到差唔多話要走果時,我同仔仔就靜雞雞準備今日ge"重頭戲"<-----送生日蛋糕俾南瓜,不過都唔好玩ge,好快就俾佢識穿o左個蛋糕係假ge,送完蛋糕之後我地就走lu,上到巴士之後我地先將其他兩份禮物俾埋南瓜,hahaha....

究竟南瓜鍾意水精靈多d定柑多d呢!?!?hahahahahaaaaaaaaaa


>>May 29, 2003 at 6:43:57 AM GMT+8