2003 年 7 月 3 日 星期四 【晴】

尋日原本諗住通宵唔訓迎接今日呢個咁緊張ge日子ga,不過最後因為對住部腦太耐,搞到對眼勁痛wor,所以差唔多3點我就放棄o左通宵呢個念頭o勒,如果唔係今日對眼一定睇唔到野......

今日一起身,諗ge唔係會拎d咩成績,反而係諗放o左榜之後去邊度玩好,haha.....差唔多8點番到學校,大家都係o係停車場果邊聚集,行行企企傾下偈咁la,開頭都冇乜野ge,但係見到d同學s咁緊張,搞到我都開始有d驚,好不容易先等到可以上課室wor,上到去d老師s又係度講下d廢話,真係麻鬼煩ar,快快脆脆派o左咪算lor,講咁多野做乜wor...

好在我唔洗等好耐就拎到result,拎果時個肥婆用一個好不屑ge眼神望住我,我真係費鬼事理佢ar,拎o左就走,望都唔望佢,個result都係我預期之內la,所以都冇乜點失望到,反而見到英文有D就真係開心o勒,因為都叫有希望可以入港大ma,hahaaa(幾驚如果E o左就真係大鑊o勒..)雖然之前有諗過如果成績唔好會repeat ge,不過宜家呢個成績wor,我死都唔repeat ga o勒,求其有d咩都要讀住先ar...

拎完result之後就同Vanness and仔仔去旺角唱K o勒,因為阿旭話想問下揀科d野,所以佢就唔去lu,去到旺角,搵埋大佬and嫂嫂and大佬個fd 一齊,6個人可以唱4個鐘,唱到冇心機唱tim ar,唱完之後就各自歸家lu..

番到屋企都係繼續行行企企咁la,訓o左一個鐘ge傍晚覺,好在趕得切起身食飯o者,都唔知做乜會冇人叫我起身食飯ga,食完飯之後就打電話去問表姐s d意見,應該點排位好o勒,同佢地總共傾o左差唔多3個鐘,計埋尋日搵細表姐預測"賽果",一共傾o左4個鐘la,同佢地傾完之後好安心咁諗住一天都光晒唔洗再理ga o勒,點知威哥打電話o黎繼續同我研究研究wor,聽佢講完之後搞到我又開始好驚咁o勒,話晒威哥有經驗過表姐s wor(因為表姐s係冇讀中7就入o左大學,而且佢地果時都仲未有JUPAS呢個咁煩ge野),咁我應該信威哥好定信表姐s好呢?好煩ar~~

係度多謝晒咁多個支持我ge人la~~

謝謝大家的支持,我會繼續努力的啦~~

>>July 5, 2003 at 5:01:13 AM GMT+8

2003 年 6 月 30 日 星期一 【晴】

今日同大佬and威哥去o左旺角睇"千機變",係一齣服裝,道具,場景,電腦特技都好正ge戲,不過劇情同剪接就......睇完戲之後就去o左行信和,我終於都見到爸爸新一輯百事相o勒~~~不過我覺得都唔係影得太好la,所以都係冇買到,跟住就去o左打機o勒,打完機之後都係繼續打機,其實原本諗住去唱K ge,不過因為太唔抵所以我地繼續打機la,但係就轉o左場去維港灣打,打到咁上下我就出去大埔lu,去o左大埔中心行o左陣,發現原來以前果間賣玩具ge文具鋪竟然仲未執wor,厲害ar~~不過我都發現大埔變o左好多,我仲唔認得路tim...行到9點幾我就入去姑姑度lu,好耐都冇見過Bobo同BB o勒,好鬼掛住佢地ar~~BB剪短o左d毛,個樣變得好鬼得意,hahaha........而且今日仲見到好多星tim,不過白痴ge我竟然諗住搵獵戶座lor,搵o左好耐都搵唔到wor,最後先諗起宜家係夏天ar,邊有獵戶座wor!?真係好白痴ar~~~但係最後我都搵到個天鵝座,好靚ar~~~

>>July 2, 2003 at 5:06:40 AM GMT+8

2003 年 6 月 29 日 星期日 【晴】

今日補完習之後就去o左荃灣等格格一齊上堂,係等ge途中就去o左三聯睇書,點知竟然俾我發現o左好多好正ge書wor,首先就有素黑本新書la,之後又搵到幾米ge"你們我們他們"(果書名好似係咁卦),兩本都好好睇ar~~跟住又俾我搵到"源氏物語"同埋夏目漱石ge"夢十夜",最後仲發現到"新紮師妹2"ge小說tim~~~死la,咁多書,買邊本好ar?

同格格食飯果時無端端講起"The Amazing Race"wor,原來格格都有睇ga~~不過我就自從番o左工之後就冇睇lu,所以要格格講番俾我知宜家個賽況...

死la,下堂日文堂要默書tim,最憎就係溫書ga o勒~~~


>>July 2, 2003 at 5:03:43 AM GMT+8

2003 年 6 月 28 日 星期六 【晴】

仲以為今日會比尋日更悶,但事實係今日只係同尋日一樣咁悶...

今日一早就出去奧海城同姨媽佢地飲茶,飲完茶之後原本以為要上去大表姐屋企發呆,點知西門總裁話想番屋企先,於是我同保鑣都即係話要一齊番去,就係咁我地就分別番o左屋企o勒,留番西門夫人係果度打麻雀

番到屋企,西門總裁同保鑣各自整自己部腦,而我就當然唔會浪費時間on下9咁la,不過其實on o左之後都冇同人講過野,都唔知自己on o黎做乜,之後睇o左半集EVA,到o左差唔多時間我地又再出番去大表姐屋企食飯o勒...

食完飯之後我同總裁佢地分開番屋企,因為總裁死都話搭地鐵wor,但係因為我唔想行,所以就堅持搭巴士,於是我就同細表姐佢地一齊搭巴士走o勒,而總裁佢地3個就搭地鐵...

係巴士度同細表姐講o左好多野,最重要就係同佢講揀科d野la,有o左佢係度俾意見我,我都冇咁驚o勒~~

夜晚又再次訓唔到wor,於是就睇電視o勒,睇完星期五果集衛斯理之後就睇重播ge流星花園,我以前一早都唔知點解青和俾人叫佢做暴發戶個仔,而且又唔知原來滕堂靜咁衰ga,好彩睇番呢集o者,宜家終於都明晒o勒,haha.....

P.S.我明白ga o勒,只要我一日有書讀我都會繼續讀落去,到第時賺到錢,想去邊度讀獸醫都得la,haha~~~而且我一定要自力更生ar~~自己養自己,horhorhor~~要多幾份補習先得~~接多幾個function都得,hahaaaaa :D

再P.S.再一次多謝Ron提我睇軒仔la,唔該晒ar~~~

Re: 娘親~睇o黎我拉二胡ge程度同你細佬一樣wor,咁可以一齊報同一班學o勒,haha
糖哥哥~你竟然o係我個diary度留粗口!?你太過份o勒~~~ :D 不過真係恭喜晒PK考完試ar,至於出o黎玩ar?我幾時都得ga wor,最緊要係有雪糕食咁我就一定出la,hahahaaaaa.....



>>June 30, 2003 at 5:11:05 AM GMT+8

2003 年 6 月 27 日 星期五 【晴】

今日成日o係屋企,都係睇下書,睇下電視,on下9咁la,朝頭早果時忽然興之所致拉二胡wor,但係只係拉o左半個鐘d手指就已經又紅又痛o勒,而且我咁耐冇拉,覺得自己真係拉得好鬼難聽ar,睇o黎遲d都要搵娘親個細佬幫我補習兩堂先得o勒

夜晚又冇電視睇wor,於是就繼續on9la,本來想去睇下介紹EVA果個網頁ga,點知又入唔到去wor,都唔知做乜.....總之今日成日都咁無聊la(不過我諗一定唔會無聊得過聽日o勒)


>>June 29, 2003 at 7:52:58 AM GMT+8

2003 年 6 月 26 日 星期四 【雨】

今朝一早,芙蓉格格竟然打o黎問我去唔去唱K,其實我勁爆眼訓ga,因為尋晚2點半先訓wor,不過為o左去玩,我都係出o左去 :D

但係唔知點解今日勁多人唱K lor,搞到我地得個半鐘唱,而且我仲要係遲o左半個鐘去,所以唱得一個鐘o乍,真係唔夠喉ar,但都好在唱o左幾首孫燕姿o者,今日狀態極好,簡直就好似孫燕姿上身咁ar,我都覺得自己唱得好好ar,horhorhor~~~下次要再接再厲先得,hahaaa.....

唱完K之後就去o左打機,我玩o左果部不知名ge"跳舞機"la,真係佩服自己玩第二次就已經可以玩到咁好ar,hahahaaaaa......(好明顯今日係自大狂病發作ar )

夜晚番工老細竟然叫我地開會wor,真係麻鬼煩,搞到我遲o左差唔多半個鐘先走得,而且仲冇得計OT tim,可惡ar~~~~


>>June 28, 2003 at 4:06:31 AM GMT+8

2003 年 6 月 24 日 星期二 【晴】

今日都ok開心la,朝早約o左娘親行街+聚舊,傾o左好多野ar,而且仲收埋佢封信,仲以為要等一年佢先回我信tim,haha...跟住就去補習,然後夜晚又係番工咁la...

今日知道又有個fd因為屋企問題唔開心o勒,我自己先arm arm搞掂呢個問題(其實唔應該話搞掂ge,因為佢地對我ge態度依舊,只係我ge態度變o左o者,i mean係因為我已經唔再理佢地點對我o勒,總之自己開心就得la,而且根本就係佢地唔o岩,我又洗乜唔開心wor,咪由佢地發下癲鬧我lor),希望佢ge問題可以快d解決到la~~


>>June 26, 2003 at 6:40:02 AM GMT+8

2003 年 6 月 23 日 星期一 【晴】

由上個星期五到尋日我都係處於黑暗期,情況就同Harry放暑假係佢姨丈屋企住咁樣一模一樣,真係唔想提ar,不過好在仲有d"真--正--朋--友--"o者,如果唔係我都唔知點算ar......

到o左今日終於都可以盡情咁玩一大餐o勒,真係超勁開心,hahaha......今日去o左海洋公園la,同行ge有威哥,威哥ge同房兼"乖女"Danny,仲有佢個fd阿偉and佢表哥.

我真係好耐都冇去過海洋公園o勒,應該係自從安安同佳佳搬o左入去之後都冇去過,所以發現有好多野我都未玩過ga wor,首先當然係去睇下安安同佳佳先la,佢地真係好得意ar,其實做佢地都幾好,可以成日訓覺,真係幸福ar,跟住我地都有睇其他野ge,仲見到好大條魔鬼魚tim,真係好靚ar

至於機動遊戲,我淨係玩o左海盜船同跳樓機o乍,都唔知點解其實我唔驚玩跳樓機ga,但係到排隊果時竟然愈睇愈驚,而且Danny又話想嘔唔想玩wor,搞到我都唔想玩,不過到最後我都係玩o左ge~~真係好好玩ar~~hahaaa~~~不過今日又熱又曬,搞到我隻手又曬到兩截色o勒~~真係麻煩~~

雖然今日勁累,但係我都有番工,不過好慘ar,因為今日開始要遂間敲門踢人入會,好多人都拒絕,我都只係做o左一單生意o乍,真係可憐ar~~

>>June 26, 2003 at 6:38:44 AM GMT+8

2003 年 6 月 18 日 星期三 【晴】

今日成日無所事事,都係on下9,睇下書,訓下覺咁la,到o左差唔多6點,大佬打o黎叫我同佢行下wor,咁就梗係去la,可以唔洗對住屋企果3個人ma,hahaaaa....之後我地就係葵芳行o左陣,跟住就去吉野家食飯,食完就去打o左一陣機,再之後我就番工lu...

今日勁慘,行o左7層樓都只係收o左4家人ge數,我地做o左半個鐘倒就搞掂晒,於是就去傾下偈o勒,佢地無端端講起我地今日收數果座樓有好多人跳樓wor,仲要講佢地見到d人跳完之後d死狀tim,好得人驚ar~~搞到我同李小姐放工都唔敢行果條椰林樹影路,講講下之後又變o左講黃小姐同胡小姐ge情史,今次又係傾到差d唔記得番office la.....其實呢份工真係幾嘆,話就話番2個鐘,但通常都係有個半鐘走o左去嘆冷氣,傾偈,得半個鐘真係做野之ma,你話咁好ge工邊度搵o丫?hahaha....



>>June 20, 2003 at 4:13:03 AM GMT+8

2003 年 6 月 17 日 星期二 【晴】

今日冇特別野做,但係都竟然可以8點幾起身,我諗係自我放假以來第一次可以咁勁o勒~~因為今日真係太早起身o勒,所以我睇o左一個早場~~~haha....就係"新紮師妹"o勒(當然我係睇VCD la),好好睇ar~~~~~~~~~~~~~

睇完之後就on下9 o勒,同仔仔and威哥傾o左一陣la,到差唔多時間就出去補習o勒...

其實同堂妹補習都幾開心ge,因為雖然話補2個鐘,不過有半個鐘ge茶點時間,勁開心,hahaaa...我今日發現大堂妹同二堂妹都有d似我ga wor,大堂妹就唔洗講la,似我咁聰明,hahahaaaa(講下笑o者)其實我係發現原來佢同我一樣都係"左右有序"ga,我地兩個都係左手拎筆畫畫,右手拎筆寫字,左手拎筷子,右手用mouse咁,通常用左手ge人所有野都係用左手ga ma,好似我有個左撇子阿sir就係用左手控制mouse ga o勒,好少好似我地兩個咁左右手都用ga ma.....

而二堂妹似我就因為佢同我一樣咁硬頸ar,佢今日死都唔肯做功課wor,即使係俾人鬧到喊都唔肯做,果然係同我一樣咁硬頸ar,而且我仲發覺佢對眼好似周爸爸ar~~(不過咁樣即係唔靚女la,因為矇豬眼),但係好在我個三堂妹似楊思琦o者,好鬼可愛ga~~

到o左夜晚番工,今日我同胡小姐呢個A小隊終於都重振威名o勒,因為我地終於都再次成為收數收得最多ge一組,hahaha.....而且我地仲破o左自己ge紀錄,收o左19個人ge數tim,hahaha~~~

P.S.特別嗚謝Ron提我勁歌有軒仔la,果然係好朋友ar,唔該晒~~~(軒仔次次唱親My Way都有d唔同ge..)

>>June 19, 2003 at 2:56:47 AM GMT+8