2003 年 6 月 16 日 星期一 【晴】

今日都只係o係屋企發下霉咁,朝早睇o左"Breakfast At Tiffany's",Audrey真係好靚ar~~到o左晏晝就on下9咁la,之後仲訓o左一個好舒服ge晏覺tim...

食完飯之後就番工lu,今日勁嘆la,唔洗半個鐘就收晒d數,之後仲有成個鐘俾我地蛇王tim,hahahaha...唔知點解胡小姐無端端講起生仔wor,之後我地幾個都好有興趣咁聽,於是佢就講o左佢個生仔經過俾我地聽o勒,果然係夠晒"搞笑"ar,笑到我地幾個肚都痛,hahahaa,仲傾到差d唔記得番office tim,番到去我地繼續傾,傾到就o黎10點半先走,黃小姐竟然奸狡到寫我地OT o左半個鐘,但係其實我地一早做好晒d野唔走之ma...就咁樣我地就呃多半個鐘人工o勒,hahaaa......

P.S.多謝嫂嫂,大佬同Rachel姐姐ge關心la~~~

Re:Ron~唔要"千金",咁"千嬅"得o勒卦?
糖哥哥~本Monday同Yes Idol有咩咁正ar?


>>June 19, 2003 at 2:57:45 AM GMT+8

2003 年 6 月 15 日 星期日 【晴】

今日我特登等西門總裁同夫人都出o左街之後先起身,跟住就即刻on9,on到咁上下先off,之後西門夫人番o黎,我都一直冇同佢講野,處於一個嬲人ge狀態,不過其實一向都係咁ga la,只係今次變o左係我唔同佢講野而唔係佢唔應我之ma,就係咁,一個朝早就過去o勒...

跟住我就出去幫堂妹補習o勒,其實一出o左街我就已經開心番晒lu,因為唔洗再對住西門總裁同夫人兩個,所以都冇必要繼續嬲la,haha...不過我就一直都搵唔到芙蓉格格wor,所以就擔心住今日可能要自己一個食飯,但係好在最後都搵到佢o者......

補完習之後就同格格會合,行o左一陣街就食野,之後就去上堂la,我覺得呢個日文班有d呃錢lor,佢教o左一堂都只係講o左一版紙ge生字,而且佢仲講我地呢個課程最多只教本書裡面一半ge課文,咁我買咁大本書做乜ar?

上完堂之後其實我諗住自己一個係出面hea到就o黎12點先番ga,免得係屋企又要對住總裁同夫人la,不過最後都冇咁做,因為諗住番o黎on下9都得ma,hahaa....番到o黎之後總裁無端端問我幫堂妹補習補成點wor,又失驚無神話俾我幫d堂妹補習係為我好想我學下野,我心諗佢之前好似係唔俾我同佢地補ga wor,係咁arm尋日阿嬸當面問我我話好佢先冇得阻攔我同佢地補之ma,宜家又係度扮晒用心良苦想我去學野咁,我都費鬼事理佢ar,扮聽唔到繼續做我自己野,haha...

Re:娘親~你都冇講過話唔俾講


>>June 17, 2003 at 5:27:20 AM GMT+8

2003 年 6 月 14 日 星期六 【雨】

今日唔知做乜,竟然5點幾醒o左,之後就一直訓唔番,於是就好早就起o左身,仲發現o左原來宜家高達番做tim,下個禮拜要早d起身睇先得,狄奧好可愛,希羅好有型ar~~~

本來今日想出去Ada個function ge,不過考慮到我今個禮拜洗o左太多錢,而且夜d又要出去食飯wor,所以我就留o左係屋企on下9咁la,同o左一個日本人研究日文,我先先仲以為佢地學漢字都唔係咩難事la,點知原來佢地最驚就係漢字,而且仲話難學tim~~~真係唔講都唔知ar...之後我又聽番新城以前d廣播劇wor,始終都係覺得佢地出品ge廣播劇係最正ga~~~

到o左差唔多時候就出去食飯o勒,悶死o左,又係佢地有佢地講埋d無聊野,我有我自己睇書la...佢地無端端講到話叫我同d堂妹s補習wor,反正我都冇野做,幫下佢地都冇所謂ge,但係點知阿嬸緊張到我一番到屋企就即係打o黎問我幾時開始幫佢地補習,我心諗唔係ar fa,點都俾d時間我準備一下問下行情先同佢講la,但係西門夫人就一手搶o左個電話同佢講o勒,兩個師奶講o左一陣就收線,之後阿夫人就同我講聽日開始同佢地補,有冇搞錯ar!?!?問都唔問下我得唔得閒就應承人?宜家係我同佢地補唔係佢wor,我係咪至少都可以有d選擇權呢?

好可憐ar~~~最憎就係d細路ga o勒,而且仲要係幫我最唔鍾意ge果個叔ge女s補習wor,仲有ar,水瓶座最冇耐性ga ma,佢地如果係聰明咁都好d,但係如果佢地講極都唔明我真係會發脾4ga~~

我真係寧願行多幾層樓收下數好過o勒,雖然又要俾人鬧,又賺得少wor,但係點都好過對住d可怕ge小朋友ar~~

>>June 16, 2003 at 2:46:54 AM GMT+8

2003 年 6 月 13 日 星期五 【雨】

今日同阿旭,大佬,嫂嫂and阿錢去o左唱K,原來屯門間Neway都幾靚ga wor,不過只係唱到1點半o乍...

唱完之後就去o左打機,再之後就去開會o勒,今日個會真係悶到嘔...同聯天果時差唔多la,唯一唔同ge就係,聯天果時係要我地幫手諗idea,不過諗完之後又改晒佢,而呢度就直情唔洗我地諗idea,因為佢地已經一早決定晒,相反,我地要幫手諗人地果組d野lor....咁我地呢個小組做乜要開會o者!?

開完個無聊會之後我同阿旭+大佬,阿錢去o左睇"六樓后座",笑爆肚ar,hahahahaaaa...盧巧音好鬼搞野~~佢唔知做乜學o左杜汶澤咁,不停講"鞏係",而且又爆肚wor,hahahaaaa...好好睇ar~~我諗我地G4第時都唔一定要買貝沙灣ge,好似佢地6個咁租間唐樓住都得la....得閒又可以叫d fd一齊o黎玩wor,正ar~~~~

睇完戲之後就去吉之島個美食廣場食野,我同阿旭食o左個上海麵食兩人餐,好鬼抵ar,又好食wor~~食飽之後我同阿旭就搭車走lu~~

坐車果時無端端講起我好似變得愈o黎愈爛玩...成日都想出街,就算出去唔知做乜好都想出下去,而且好似自從識o左仔仔同Vanness之後就變得更加鍾意玩,連書都唔想讀tim.......好似好曳tim~~

>>June 14, 2003 at 2:43:53 PM GMT+8

2003 年 6 月 11 日 星期三 【雨】

今日同芙蓉格格一齊去葵芳幫手振興香港ge本土經濟,我同佢一人買o左一條裙,另外格格就買o左一個銀包送俾人做生日禮物,我都買o左大佬ge生日禮物la,最後我仲買o左本"牛奶"tim~~~因為爸爸做封面^_^就係咁樣今日就洗o左成百蚊錢o勒,雖然我話帶少d錢出街,咁樣應該可以迫我自己洗少d,但係我諗呢個方法都係唔係幾work,因為原來唔夠洗我會問人借一_一||咁樣做可能仲洗多d tim,都係算罷啦,"錢用完就算~~~"

今日番工我係第一次自己一個去收數,都算幾成功ga,做o左個免費ga lor :D,放工之後都係忍唔住要on一on9,於是就以睇VCD作掩飾,偷偷地咁樣on9,我覺得自己好聰明ga,因為我扮睇Audrey d戲,咁樣佢地就算見到我睇緊VCD都唔會有興趣走埋o黎一齊睇la,hahahaaaaa......

不過Audrey真係好靚女ar~~~~~~


>>June 19, 2003 at 2:58:51 AM GMT+8

2003 年 6 月 10 日 星期二 【雨】

今日我地G4又行動o勒~~好耐都冇試過淨係我地4個人一齊出街,今日我地去o左荃灣個玩具開倉日,最衰阿旭唔記得帶埋張報紙la,搞到我地係工廠都上一上去,hahaaaaa...不過好在最後都搵到果個地方...

先先仲幻想住開倉就一定好大ga la,點知原來個倉係細到多幾個人入去都企唔到......不過果度又真係有幾多玩具ge~~多數都係d figure,有高達果d la,又有Disney果d...應該全部都係日本出ga la,我地行o左一陣,我就搵到一套史迪仔(史迪仔好可愛ar~~~),仔仔就搵到佢ge柯南,而阿旭就買o左一套扮Lego ge Winnie The Poor,之後我地就走lu......

跟住因為Vanness未食野,所以我地就一齊去搵野食o勒,最後去o左濠江,yeahyeahyeah~~~又食o左個豬扒豬仔飽o勒,實在係太好味o勒~~~~

食完之後陪Vanness去銀行,and then我地再去南豐睇旅行社去台北d資料,點知真係好似我地預期咁,所有台北ge行程都冇,但係我地就問o左包團要幾多人,but個職員只係求其撕張紙寫o左個電話,之後叫我地打去果個"包團部"度問下...

去完果度之後我地就行o左一陣綠楊,跟住就番屋企lu~~

>>June 12, 2003 at 2:34:43 AM GMT+8

2003 年 6 月 8 日 星期日 【雨】

今日又係o係屋企無聊o左成日,都係on下9,睇下電視咁la,個mon都唔知咩事,竟然玩玩下勁閃wor,搞到我冇得繼續玩...

之後都係例牌食飯番工la,都唔知做乜ga,西門夫人又要我洗o左碗先準出門口wor,煩到死~~於是我就好求其咁洗o左就算o勒...

今日番工我同胡小姐係有史以o黎收得最少數ge一日,勁down,點解會咁ga~~

今日好似做咩都唔順利咁ge,而且我又再次無端端咁有果種"我想哭但是哭不出來"ge感覺,好煩ar~~~點解想喊都喊唔出ga!?!?好想講粗口鬧人ar~~~~


>>June 9, 2003 at 3:23:27 PM GMT+8

2003 年 6 月 7 日 星期六 【晴】

今日同阿旭去o左屯門開第一次ge義工會,好鬼好玩ar(雖然要好早起身),我地兩個都入o左"舞台策劃"呢組,不過都係要諗埋"資源管理及宣傳"d野la,鬼叫大佬踩過界咩,咁我無理由唔幫下佢ge...

開完會之後就去食野,9個人2張檯(但係其實一張檯可以坐8個人 一_一||)之後我地兩個再同大佬and阿錢(<----大佬ge fd,個樣好似鄧一君ga,hahahaaa)一齊去行市中心,勁多人lor,搞到我唔係好想行,去o左CD鋪同商務行o左一陣之後我地就去機鋪打機 :D,不過最衰冇keyboard機la,但係我地就玩o左捽碟機,好勁ar我地~~嬴o左大佬同阿錢,hahahaaa....打完機之後大佬請食章魚小丸子,話o左叫佢買一盒就夠la,佢又死都買兩盒wor,搞到食唔晒,麻鬼煩...

番到屋企食完飯之後,又再繼續係電話同大佬講義工d野,中途加入過Rachel姐姐同威哥la...Rachel姐姐又再一次同我一齊夾攻大佬la,hahahaaa,而威哥講野就真係好有point,果然係阿sir ar,唔會講廢話,hahaha......

原來我會考考oral果間學校真係大佬間母校,唔怪之得我考得咁差la,好明顯係俾佢邪住......

>>June 9, 2003 at 7:04:49 AM GMT+8

2003 年 6 月 6 日 星期五 【雨】

呢2日都唔知咩事,我竟然變o左一個社工,不斷咁開解不同ge人,呢排好似好多fd都唔係好開心咁,希望佢地都唔好再係咁la,要開心番d 先得ga~~

各位朋友,你地有咩諗唔開就即管搵我la,等我幫你地分擔一下,(呢期我係專業社工la,hahahaa),況且我宜家咁鬼得閒ar,你地冇野做都可以搵下我ga,等我唔洗咁無聊ma~~~

蒲公英ge職責就係將開心帶俾所有人~~~ <-----好似好偉大咁wor :D

>>June 7, 2003 at 7:49:06 AM GMT+8

2003 年 6 月 4 日 星期三 【晴】

尋晚2點幾竟然熱醒o左,之後勁耐都訓唔著wor,點知今朝都可以9點幾起身lor,我真係覺得自己好勁~~~

今日勁灰,因為冇得上網,好可憐ar,幾經辛苦等到可以上網o勒,保鑣又話要上網做功課wor,煩~~~搞到我冇晒心機ar~~

到o左番工果時,本來都好累唔係好想陏,不過點知原來今日又多一個新同事wor,咁我地就可以有3個小隊一齊上樓o勒,我同總隊長胡小姐一組la,仲一次過掃2座樓,勁ar~~~我地呢個小組今日收o左3百幾蚊數,如果唔係另外一個小組出奸計收多人地ge錢,咁我地就可以保持最高收數金額記錄la~~唔得,聽日要再接再厲先得......

今日好真切咁感受到原來女校出o黎果然係大膽d ga(平時自己係唔會覺得咁ga),當大家都話我放工行果條"椰林樹影"路好恐怖而且可能會有人打劫ge時候,我竟然話俾佢地聽都唔係好恐怖o者,果度雖然冇乜人行,不過有好多車經過ga,而且仲可以欣賞葵芳夜景,好鬼靚ga,仲有果度又大風,行落好舒服ga......諗落都真係覺得自己大膽得滯,hahaha

>>June 5, 2003 at 3:24:42 PM GMT+8