Showhappy.net - Members diary

日記

日記主簡介

<< 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 >>

2006 年 7 月 5 日星期三【微冷】

.

k i m o c h i ~ ~

昨晚簡直是興奮到極點
整晚沒睡過,, 一直等到開賽
好緊張!!! 好像只為看亨利一樣...
姐姐倒是因為看著c朗一次又一次的獨食而失望
整個客廳怨聲四起,, 我倆卻不能興奮的叫出來

蠻討厭無線的講波佬
尤其是那個所謂的導演!!!
很明顯他是葡萄牙球迷,, 一直針對亨利被勾腳那一幕說個不停!!!
還說什麼亨利可以去演戲!!!

不過看球最開心莫過於跟我的夫人互傳短訊
哈哈哈哈哈哈哈哈!!! 好像兩個人一起在看一樣~~
好爽哎~~

最後看著費高跟施丹互換球衣那一刻我覺得蠻感動的
讓我覺得費高真的很君子 [可能只是錯覺]

五點睡覺,, 但因為喝了整整六杯的茶
我都沒睡好,, 聽著爸爸跟媽媽起床都還沒睡著
終於睡著,, 卻在十一點多自然醒了!!!
驚人!!! 前幾天都睡到差不多一點才起床呢~~
本來還在賴床,, 但楊姐姐突然打來,, 於是我便起床了

起床後便吃午飯,, 不也是cup noodle
看著桃色蛋白質的特別篇,, 是訪問jolin,, 看她一天的行程
jolin有著長長的假指甲我想很多人都知道
看著她玩保齡,, 指甲沒斷之餘還要拿下131的分數!!! 好利害!!!

吃完便去百佳買米,, 好久沒買米,, 很重!!!
今天的天氣很好,, 太陽雖然猛烈
站在30樓的公寓裏卻能享受迎面吹來的風
"我鍾意同陽光玩遊戲!!!" 只想到這句話
很舒服,, 但風卻被我昨天晾曬的衣服擋住了
於是半推半就的把衣服摺好了~~~
kimochi~~~ 風吹過來超爽的!!!

風吹著,, 我看著《童夢奇緣》
最近眼淚都好像不要錢一樣不斷流
我覺得我是變了,, 這樣的戲我竟然哭得要抽泣起來
但我還是蠻喜歡飾演劉德華小時候的那個小男生
他的戲還真不錯哎!!! jacky仔也不錯!!!

運動時間又到了
今天還可以趕在媽媽回家前完成
有點 "體力回歸" 的感覺,, 雖然只是自己輕微的感覺
從第一天轉呼啦圈不到十下就跌下來
今天卻能一直持續到30多下都沒跌下來
其實我也不算累,, 只是汗流得一個地下都是就不大好了

這個星期做運動後都洗冷水澡
害我昨天有點傷風了
所以今天改用溫水洗澡
很舒服,, 腿軟的感覺也沒那麼強烈了

媽媽今天炒了兩個青菜給我,, 是菜心跟通心菜呢!!!
她瞧我買了米還摺了衣服,, 便切了個apple給我吃~~ 哈哈哈哈哈哈!!!

越來越愛看男人之苦,, 因為有rocky呀!!!
多得詩兒當時的一票,, 不然今天可不能在電視看到他了

今天晚下充滿了w-inds. 的空氣
我拿了很久以前燒的cd出來聽,, 哇,, 好久沒聽過呢~~

妹妹又不開心了,, 她的朋友到底是怎樣呢???
我覺得好像她周圍的都不是好人呢... 或者我也是其中一個壞人呢
明天要上學去做工作人員!!! 嗯!!! 要帶腦袋去!!!

>>July 6, 2006 at 1:59:22 PM GMT+8

2006 年 7 月 3 日星期一【清涼】

.

好熱呀 ! ! !

一朝早俾人嘈醒去打羽毛球
半hea半醒咁汁好個樣出門口
出到去食個lunch行下街
稻草人都唔知幾時變左lsp人ge 聚腳地
側邊2檯都係lsp人,, 認真恐怖

楊sir 簡直係難得ge 貼心同埋有記性
安排左我同娟去做計分,, good view呀~
希望到時唔會睇到條頸痛啦

之後見到樹榮,, 同佢聊左陣就散水lu~
d死氣係咁飄浮都咪話唔驚

返到屋企拿拿聲曬埋d衫佢
因為今朝趕住出門口衫都冇晾
又熱,, 晾衫果時又要行泥行去,, 搞到個頭勁暈

晾好衫就食飯睇電視沖涼
今晚要養精蓄銳通頂睇波!!!

可惜可惜,, 最後我都係輸左
睇左下半場唔夠果10mins就係sofa訓著左
差唔多4點半先熱到返房訓... 認真惡夢!!!

>>July 5, 2006 at 1:33:58 PM GMT+8

2006 年 6 月 29 日星期四【清涼】

.

BACK TO LSP with CK

嗯... 今日係中七放榜好日子
諗返起上年放榜,, 咁就過左一年
仲係有d un住un住咁ge感覺
如果我repeat,, 唔知會有幾多分呢???
如果我repeat,, 唔知仲有冇得升大學呢???
太多如果我repeat ge假設喇.................

冇打俾kapo,, 都唔知同佢講乜好...
不過最後我地single club都冇實體咁陪住佢

返左李城璧,, 唔係睇中七放榜,, 係睇社舞
以為今日係rehearsal囉....

一入門口就見到錢錢[ge 背脊],, 嚇到心都跳埋出泥
同ck 上左hall底幫手汁衫
哈哈哈哈哈哈哈哈~~ 玩得好開心呀!!!
最衰今日冇帶相機啦!!! 以後都係學vava咁相機旁身先得!!!
俾我搵到好多假花,, 同ck 擺係個頭到扮卡門,, 又扮中國舞...
仲有把好大ge 中國舞果d 扇,, 好好笑!!!
最慘我披左條毛毛帶上身之後,, 成身都係白色毛毛囉!!!
ck 同kayan係到幫我痴返d 毛毛出泥... 好尷尬!!!

我同ck 掛住玩,, kayan佢地好勤力咁汁
之後mandy都入埋泥,, 佢瘦左好多!!! 尤其是條腿呀!!! 好掂!!!
原來佢返成4份工呀!!! 好變態!!! 真係忙到得閒死唔得閒病!!!
唉,, 童星真係害人不淺,, 返親童星都好似會死咁... 真係慘

汁好d衫就上左去413 [新翼d房] 果邊睇紅社低form跳舞
一入房就見到有個女仔喊住咁行左出去
原來佢arm arm俾另一個女仔kum左一把
擾攘左一番我先見到kum佢果個女仔,, 傳說中我honey[蔡俊文] ge fans!!!
雖然咁踩人好衰,, 但果個女仔係我見過最似技安嫁囉!!!
佢真係又肥又高又黑又醜樣!!!
我成日都覺得如果我上中學果時冇改變自己ge 性格可能會變成佢咁!!!

今日帶左d麻糬請kayan佢地食...
唉,, 見到d人q住手好唔願意拎都唔知送唔送俾佢好,, 佢個樣又勁臭喎
佢教低form果時先失敗,, 都未見過d人坐係到教人跳舞嫁
咁得閒洗你教咩!!! 你幾時見過楊sir坐係到教我地跳舞????
算la,, 總之就好唔鍾意呢個女仔!!!

俾爸b 派左去收風,, 打左俾婷婷問佢考成點
佢好勁呀!!! 中史拎A呀!!!
combine cert 就一個A,, 2個C同2個D嫁喇!!!
鄧佢開心並唔難,, 但係我會諗到好多野...
不過算la,, mami講得arm,, 我好好讀nursing都得ge 姐~~

之後去左睇紅社高form,, 同ck 係隔離誤導佢地
哈哈哈哈哈哈哈哈!!! 跳波蘭真係好開心~~~

跳完就說左fifi同我地一齊dinner
行左陣,, 阿鳳走左之後就去左新之城扭蛋蛋
我扭左個史迪仔,, 嗯......... 藍光紅燈好核突...

上左稻草人食野兼等kayan
傾左好多野,, fifi 去瑞士ge 野la,, 我地d心事la~~
fifi 鍾意ge人同我鍾意ge人都係咁難猜測...哈哈哈哈哈哈~~

食左個冷麵,, 唔係難食,, 但食到悶囉...
早知叫果個石頭鍋飯la!!!

等埋kayan我地就去行左陣街就返屋企lu~
返屋企果時幾乎半行半跑咁
因為我要趕返屋企睇阿拉丁呀!!!
點知過份又自私又固執ge 爸b 都係決定要睇法證先鋒!!!
我一邊無奈咁睇王賢誌不知所謂ge 演技簡直係o 哂咀...
仲衰過佢係火舞涼瓜果d 演技... 佢都係做返mc算la

冇左個開頭,, 實在唔想睇阿拉丁個尾
可惜mami 死都話唔想睇班核突港男
但我又冇乜野喎,, 睇下d 核突佬都幾好丫,, 等我出街都覺得d男仔靚仔d

睇左阿拉丁個尾... 真係好好睇!!!
我鍾意睇阿拉丁一泥d 歌好聽
但最重要都係阿拉丁靚仔,, 真係冇乜邊套迪士尼卡通係以男人做主角
仲要個男人係靚仔!!!
除左阿拉丁之外,, 我都係覺得小魚仙果個王子最靚仔~~~ 冇嫁喇!!!
野獸變返人之後仲樣衰過佢本身,, 真係o 哂咀...

睇完之後就返房繼續打diary
今晚,, 終於ko哂d diary喇!!!
好開心*w*

>>July 2, 2006 at 8:07:14 AM GMT+8

2006 年 6 月 28 日星期三【清涼】

.

BACK TO LSP

琴晚半夜sudden收到kayan ge 電話
真係慶幸我呢個家姐冇乜野做,, 所以同佢傾到差唔多3點
都半眼訓嫁,, 好彩講野都叫做有d文路
仲應承左佢同佢返lsp

因為半夜應承,, 加上要一早返到去
所以想叫ck 都冇辦法

返左去兜左個round搵到tracy就出左去食飯
痴線,, 返泥果時都仲天晴到曬謝我,, 點知一出去食飯就落狗c
去左上海店食... kayan將琴日同我講ge 野又講返俾tracy 知
不過算la... 咪鬼理果個阿height la~~

返到去,, 同kayan2丁友仔
tracy又要去做主席要做ge 野,, 冇幾耐有個叫冼偉成ge人入左泥
kayan又好死唔死走埋去,, 留低我同佢
佢同我講野都算la... 仲要無lala dum野囉
又話 "而家點會搵呢d人做社長",, 關我鬼事咩...

我同kayan都認為高form就算cut一pair都唔可以出呢個男仔
要佢追趕返其他男仔都已經難la,, 仲要next fri就係比賽喇喎...
個男仔又煩,, 一路話 "我唔跳唔緊要,, 我唔想對唔住我個partner咋"
頂... 真係無奈爆... 我同kayan都頂佢唔順,, 借尿頓

大家都唔理佢咁滯,, 自己有自己跳
我呢d冇野好跳ge 咪搵蔡俊文教我跳funky days囉
係喎係喎.. 蔡俊文家陣係我honey喇,, 咪蝦佢呀~~ fifi係我baby呀,, 都唔好蝦佢呀!!!
果個冼偉成仲悶到訓著左,, 扯哂鼻鼾... 滴汗....

最後男社長同佢傾左陣佢終於都明白,, 終於都走喇!!!

紅社個波蘭真係... 都唔知點講
我寧願要阿鳳都唔想要果2個女仔...
佢地跳得又唔認真,, 自己搞唔掂,, 又唔會教下個男partner...
個helicopter又唔得,, 又唔諗下阿超果個踢腿點算...
希望最後比賽果日會所有野都已經ready好哂la!!!

跳完就同fifi and kayan去左楊屋道睇佢地5E班跳funky days
哈哈哈哈哈哈哈哈~~ honey唔知做乜勁怕醜囉,, 又發姣喎~~
我同kayan都睇唔過眼!!!

原來我同kayan坐果到後面個簾一打開就可以見到下面d人做緊gym
最好笑當我同kayan好張揚咁望左幾眼之後,, sudden有個男人望左上泥!!!
我同kayan都好合拍咁拉埋條簾!!!
好後悔呀!!! 或者我地行開比起拉埋簾會更好,, 咁都冇咁明顯囉...

差唔多7點ge時候有個mami帶埋佢個囡囡落泥睇人跳舞
個妹妹好可愛,, 對眼又大,, d皮膚仲好白好滑!!!
7點有班阿太就行左入泥,, 咁我地都ready to go嫁喇
只不過傾多一陣姐,, 有個阿太走埋泥話:
"阿姐,, 而家都七點嫁喇喎,, 你地應該早就走嫁喇喎"
我地全人類都唔知講乜好...

同kayan去左吉之島搵佢家姐要ge 咭套
我仲送左個minnie ge 筆袋俾kayan 添呀,, 好靚!!! 勁襯佢!!!

吉之島都多左幾多靚野~~
可惜同kayan想搵果隻disney介指仔扭下都冇
一係壞機一係冇哂... 痴線...

今晚爸b 同mami 又催我搵工喇...
好煩呀!!!
家姐喪霸住陪電腦,, 我又冇乜野做
於是決定decorate下自己個床頭...
meet 左w-inds. ge ageha poster,, 反而痴左更多ge magazine photos上去
哈哈,, 好開心!!! 又有w-inds.又有Lead,, 又有玉榮,, 又有達倫!!!

好美滿咁訓左lu~

>>July 2, 2006 at 8:08:40 AM GMT+8

2006 年 6 月 27 日星期二【酷熱】

.

運動

今日唔洗幫欣欣補習
因為今日係驗收佢補習成果ge 日子
好無聊ge 我今日一於一次過睇哂近所物語剩返果幾集

一個晏晝係咁睇
我就喊左幾次... 真係好touch~
"多麼青澀的日子".... 我個心不斷咁出現呢句野
真係好單純好青春ge 漫畫!!!

睇到差唔多又冇野做
終於都無聊到拎條繩出泥跳
諗住mami一返泥就停就去沖涼
點知我由5點半跳呀跳,, 跳到6點3,, 都已經500下有多mami都未返
但對腳已經又震又軟,, 於是放棄,, 就去左玩呼拉圈
要知道我又唔係好識玩,, 唔夠20下又跌落泥喎個呼啦圈
就咁跌完又做做完又跌,, 又做左差唔多500下,, mami終於返泥喇!!!
即刻撲入廁所沖凍水涼!!! 好舒服!!!

返出泥先發覺個地下充滿左我頭先滴落泥ge 汗囉...
真係無奈爆!!!

今日真係好健康ge 姐~~~

>>July 2, 2006 at 8:00:05 AM GMT+8

2006 年 6 月 24 日星期六【清涼】

.

成千蚊呀 ! ! !

琴晚差唔多3點訓覺
今朝差唔多2點先起身
一起身發覺,, mami竟然唔係屋企!!!
星期日mami唔係屋企簡直係惡夢!!!
仲要比我早少少起身ge家姐一洗完臉第一件事竟然係開pc 睇漫畫!!!
點呀!!! 老豆又掛住睇陳文茜
好彩唔算肚餓,, 等到mami返到泥差唔多3點
mami見我地勁頹廢咁又唔煮野食
於是撈左d "阿篤" 俾我地食...

講返家姐先驚,,
話說佢尋日去做facial,, 點知今朝一早見到佢
成個下巴爛左!!!!
佢: 我而家仲核突過你呀...
我: 你不嬲都核突過我嫁啦...-﹏-"
佢: 你咁ge 野都講得出....

睇左一個晏晝漫畫
哇,, 好耐冇睇過d 青梅竹馬ge 愛情漫畫喇!!!
仲有我最愛ge 勤勤,, 真係好開心!!!
睇住佢同實果子嗌嗌下交,, 終於都起埋一齊
只不過係2集ge事,, 已經令我好開心喇~~~

睇完漫畫就同潤潤去左欣欣果到補習
佢死都要跟泥都幾無奈~
欣欣28號就考maths喇,, 我真係好stress呀~~
我好怕佢唔合格呀!!!
因為我真係好俾心機去幫佢補習嫁喇!!!
一泥驚俾mami話我啦,, 二泥佢係我表妹,, 我都想佢好嫁~~

最恐怖係佢mami竟然塞左$1000俾我呀!!!
我真係嚇死左!!!
初頭佢話俾$600嫁咋!!! 無lala 塞多左$400俾我~~
我已經叫佢俾d時間我同mami講,, 佢又唔俾,, 硬塞俾我
又唔可以話佢夾硬泥ge,, 咁多少我都想收ge....

之後返屋企同mami講,, 好乖咁嘔返果$400出泥
叫mami俾返四姨囉,, 咩事呀家陣~~

食飯果時先好笑... 話說飯檯只能容納三個人
咁我見差唔多食完咪讓個位俾老豆囉
mami一句 "陳家d人都係咁假惺惺"
老豆即時搶閘: 你唔好唔記得你阿媽都姓陳嫁咋!!!
笑死我同家姐... 哈哈哈哈哈哈哈哈哈哈哈哈哈哈!!!

今晚《美女廚房》依舊好睇
都係joseph最好笑,, 佢好委屈咁講 "食蕉囉..." 真係好好笑!!!

死火啦,, save相save到爆哂memory喇
我真係要燒下碟喇....

>>June 30, 2006 at 6:52:49 PM GMT+8

2006 年 6 月 23 日星期五【晴】

.

７B ＧATHERING*

電乜鬼野髮丫
連為左電髮而早起ge決心都冇!!!
今日成1點先起身~
起左身之後同潤潤去左普洱到食lunch
直落佢去左思思介紹ge 美容院做facaial
我就繼續係屋企清行李同埋睇漫畫
睇左其中一本係台灣買返泥ge漫畫,,
《現在，很想見你》
即係漫畫版ge 藉著雨點說愛你
嗯... 漫畫版又冇戲咁好睇
最失望係,, 漫畫版ge 祐司勁大個,, 唔知想點!!!
反而taku真係靚仔好多!!! 靚仔過中村獅童la of coz

睇完就差唔多出發lu~
係地鐵站meet阿娟出發去mk
一路上都睇下台灣d相呀,, 送下手信咁
我: 我地個導遊都唔錯嫁...
娟: 咁樣都叫唔錯牙???
哈哈哈哈哈哈哈哈哈哈!! eason baby算係咁嫁喇
佢已經成功電暈2位團友,, 都算唔錯!!!

去到cafe樓下撞到ccy!!!
勁驚,, 無lala同我and 阿娟傾計
無奈地仲要同佢分lift上cafe
去到大家都冇乜野做,, 乜都玩下咁啦
阿sir得2個,, 方薯同埋ccy
一泥我地就分開左2堆人玩
玩uno玩得好開心!!! 最低分果個罰最高分果個
最後瑩瑩俾我罰左去跳高掂個橫樑,, 哈哈哈哈哈哈哈哈!!!

之後換左位去左男仔堆and 女仔堆ge中間
睇方薯佢地玩german bridge,, 好似好難玩咁
都睇唔明,, 於是同返女仔堆玩
一人抽一張紙仔放係額頭,, 要try ur best去令對方講佢額頭上面果個字
唉~~ 鬼叫我張紙係阿娟寫ge咩...
"白痴" 呢2個字我一日都唔知講幾多之... 真係中哂招!!!

去完個toliet阿娟就嗌走lu~
因為佢聽日要出發去馬來西亞旅行,, 所以要返屋企汁行李lu~
返返去坐,, 即時令我有點兒窒息
好彩有珊珊,, 如果唔係我真係覺得唔知點咁

講真,, 我真係唔識點去面對一d唔鍾意我ge人
仲要佢好似唔知我知道佢唔鍾意我...
同珊珊傾左好多,, 好想多d約佢出街傾計唱k...

間cafe真係亂嚇死你
d野食泥錯哂,, 仲要出哂野飲都未到我果杯,, 要追單!!!

見時間差唔多,, 大家就走人lu~
kachi好想去影貼紙相,, 但真係mission impossible囉...
於是搭地鐵返屋企,, 有d後悔~~
返到荃灣冇小巴返屋企!!! 早知搭30x...

嗯...
或者係我自己shape出泥ge...
連我自己都唔知自己係咪咁想要男朋友~

知易行難...
我都想隨遇而安*w*

>>June 30, 2006 at 6:50:16 PM GMT+8

2006 年 6 月 22 日星期四【酷熱】

.

與三星有個約會之四

終於泥到台灣之旅ge最後一日喇~~
今日係自由行ge一日,, 不過我地一於唔汁輸好早起身
早餐簡直掂呀!!! 係3日最正ge一日!!!
熱狗la,, 蛋la,, 多士la,, 沙律la,, 冷麵la,, 壽司la,, so good!!!
我緊係最鍾意詩兒筆俾我ge 咖哩蘿蔔la!!!

食完大家就出發向書局街lu~
睇完真係令人好開心!!! 愛上了九把刀ge 書呀!!!
好想買本返去睇~~ 睇中左佢ge《打噴嚏》!!!
可惜之後去其他間唔見呢本,, 於是冇買
反而買左好想好想買ge 漫畫《近所物語》
講真,, 如果見到《美鳥在身邊》我就唔會買《近所物語》嫁喇~~

買左2個file,, 本身睇到好大個post pet 公仔俾ck嫁
反正佢生日都差唔多
但真係太大喇個公仔,, 所以都放棄左...-﹏-"

係某書局仲見到壹周刊,, 話ella 倒追吳尊喎!!!
痴線嫁,, 唔怪之得d 台灣明星咁憎數字周刊啦!!!

去完書局街就去左西門町果豎食野
但因為太熱,, 大家都冇乜胃口
冇食到本身要食ge 謝謝魷魚同埋阿宗麵線
但都成功食左可麗餅!!! 好好味呀!!!
大家都飲左木瓜牛奶,, 我... 緊係唔飲啦
我唔想做乳牛囉... 所以飲左芋頭牛奶,, 都幾好味~~
仲食左賽門甜不辣,, 好好味!!!
個魚丸湯超好味!!! 幾熱都食得落*w*

行左菓風小舖,, 買左d m巾
又買左d手信俾隊長,, 真係好可愛呀間舖d野!!!

之後打的返李錦利買八仙果
原來錦ge國語係 "chin" 音嫁... 讀到錯哂...-﹏-"

買完就返左去hotel 拎埋d鴨舌,, 之後出發lu~
唔捨得又冇乜ge... 反而有d想快d返屋企~~

係車上面我地一於開心埋佢
人地訓覺我地就影相睇片...
睇返前幾日影果d片真係好好笑,, 尤其是偷拍果d...

最好笑係我地竟然要自己去維格到拎d 鳳梨酥囉...
上次明明係d人會送去機場,, 洗鬼自己拎... 真係o哂咀...

臨去到機場多數都係領隊講野
我記得第一次去台灣果時果個領隊elfi都係講左好耐
個個都係講做導遊呢行有幾唔好,, 起勢說我地唔好做
今次alfred先慘,, 一拎起個咪個咪就short左
佢講得都ok辛苦,, 我都冇乜聽佢up乜-﹏-"

去到機場我地就唱錢 + 搵人影相
我覺得醫護人員爸爸好好人,, 同我地傾好多醫療ge 野
如果出到泥做野撞得返佢同埋HCA阿姨就好喇...

之後又偷拍珠仔,, 可惜佢俾我地嚇走左 -______-"
入閘前同alfred baby影相,, 佢竟然話我大隻!!! 激死左...
枉我同佢唱錢!!! 佢仲要同果2個女仔去食dinner... vava同詩兒無奈爆

最唔開心ge野就咁發生左...
話說我又戴住belt過佢部senser啦,, 都預左佢會響
但佢唔同香港,, 佢要人地除左條belt 再過多次...
當眾除belt都已經唔太好受,, 過多次,, 佢竟然又beep
於是d人叫我除埋d鍊呀咁...
阿樂送俾我果條鍊個鍊咀係除果時仲係到...
但過完個輸送帶就唔見左...
好唔開心... 超唔開心... 爆唔開心!!!
雖然我呢條鍊唔係咩貴野,, 但唔見左人地d野,, d海關係冇理過我囉
反而我d團友就好好人咁幫我搵...
連d公公婆婆都停低幫我望...
可惜個地下係大理石紋,, 根本冇可能望到...
最後我都係搵唔返,, 而家得返條鍊,, 唉............

入到閘我地冇乜野做,, 同左珍珠佢地幾個影相
我地又去左d花花ge地方影下相... 咁都俾我地搵到達咁ge地方hea

上機lu~ 我地四個今次窗口位都冇
四個排排坐係中間果四個位
好開心呀,, 上親機最鍾意就係幫人拎d野上上面個櫃
好有虛榮感嫁.. *口*

部電視冇乜野睇,, 睇好耐之前tvb有播ge 迪士尼卡通
講一隻熊人渣飛機嫁,, 唔知你地記唔記得呢???
係喬宏配音添嫁喎~~ 超懷念~~

拿咁快就到左香港~
ko埋d行李就出閘lu~ vava就好la,, 有人泥接佢機
佢baba同細佬真係好...-﹏-"
不過我都唔差,, 返到荃灣baba係愉景等緊我... 哈哈哈哈哈哈哈哈~~

返到屋企仲要汁埋d 要洗ge衫褲出泥洗先夠膽訓...
點知!!! 部pc同我離開之前一樣上唔到網!!!
唯有係部腦到搞好d相,, 遲d先send俾佢地la...-﹏-"

死火la... 竟然有d緊張...
聽日就係7B gathering喇...*口*

>>June 30, 2006 at 6:34:21 PM GMT+8

2006 年 6 月 21 日星期三【清涼】

.

與三星有個約會之三

wow!!! 今日同carmen簡直係good呀!!!
好快汁完行李,, 因為要轉酒店!!! 我都想快d轉!!!

早餐,, 嗯... 同琴日果餐差唔多
琴日都數過下,, 今日都幾多行程嫁~~

一泥就去左裴勇俊曾經住過ge圓山大飯店
大到嚇死你,, 俾我入去行一轉都抵返哂啦
唔知點解呢,, 睇佢個外殼令我諗起春華呀... 好有feel!!!
大家都好聽史力加講,, 個個都同個 "皮丘" 影相
希望影完我真係好多$$$ la~~~
我地仲影左d "跳躍" ge 相~~ 哈哈哈哈哈哈哈哈~~

拾義團果豎有個中五妹妹仔,,
佢mami 叫佢影相果時佢勁扭擰囉...
嗯~~ 我諗如果我係果個mami我會以後都唔帶佢去旅行
出泥旅行仲咁婆媽,, 不爽!!! [好似唔多關我事...]

去完圓山大飯店就即刻去上堂,, 去左天祿
呢~~ 果到咪就係專賣皮丘嫁囉~~~
我覺得去到天祿係我最開心ge 時間,, 因為珍珠媽媽好可愛!!!
人地個講師一路講,, 佢一路駁咀~~~ 勁得意!!!
但個講師就一於唔汁輸,, 一路話 "好心你唔好講野la!!!"
佢地真係趕客咁嫁喎!!! 好心佢得閒睇下華仔果個廣告la!!!

又係例排果幾樣野la,, 聽完佢講野又測下字la~~
我寫左mami個名俾果個女人,, 佢好似唔多願意幫我測咁
我寫左我個名之後佢又係咁講,, 又話我惡又話我聰明...
都唔準ge~~ 我覺得我好溫柔囉... 女人都係蠢d好d,, 唔係咩???
測完一輪之後我咪又係冇買!!!

好快就係門口到呆企等車到~~
係果時突然d 團友姨姨泥同我地傾計喎~~
原來其中一個係HCA泥嫁~~ 唔知佢係好ge定係衰ge呢???
不過佢係將軍澳到做,, 都唔會撞到嫁la!!! [希望唔洗去到將軍澳出ward la!!!!]

車到,, 上車之後史力加就送左d 鳳梨酥同埋綠豆糕俾我地食喎~~
哦~~ 因為下一站係去維格呀!!!
雖然mami 叫我唔好買,, 但多多少少都要買ge,, 爸b咁鍾意食!!!
訂好餅我就周圍望d 餅同埋蛋糕!!!
好奢侈呀佢果到d蛋糕,, 靚到嚇死你!!! 如果我生日有呢d蛋糕就好喇!!!

可能睇完一咋餅啦,, 之後去食飯都冇乜胃口
又係去點水樓ge 樓上囉!!! 又係食果餐食到飽死ge 一餐!!!
我唔似得同檯果個女仔咁唔識寫 "浪費" 2個字囉
成日拎哂d 送返去自己果到,, 但咬2啖就唔食...
又唔諗下人地都要食... 真係好鬼死衰ge 姐個女仔!!!
好彩今餐冇野要同佢地share!!!

因為俾個鳳梨酥同埋綠豆糕質飽左,, 所以大家都冇乜胃口
但對於我呢個大胃王泥講緊係唔係因為冇胃口而停口la!!!
係因為等陣去九份呀!!! 大把野食!!! 洗鬼食呢餐咩!!!
食完落左去點水樓等車,, 仲幫詩兒影左d 扮係點水樓食野ge 相
哈哈哈哈哈哈~~ 仲俾我乘機影左baby添呀~~~ 仲俾vava 估到我果"龍"野添~~

之後去左袖珍博物館,, 好開心呀!!!
因為我第一次去咋!!! 果到d野真係好靚!!! 亦係一個買手信ge 好地方!!!
我地4個忘我咁各自搵野泥影呀影~~~ 我都影得唔似真ge~~~
我最鍾意都係七彩繽粉ge 小朋友房仔,, 真係好靚!!!
如果有日我可以住間咁ge 屋,, 真係一級棒!!!

最好笑係baby,, 佢都唔似導遊ge!!!
因為袖珍博物館每間屋仔前面都有個印仔可以印落本小冊子到ge
baby又真係即刻買左本泥印喎,, 哈哈哈哈哈哈哈哈哈哈!!!
邊個先係遊客呢????

買左d手信,, 我地又上車,, 坐最耐ge 車程去傳說中ge 九份喇~~
好耐之前都聽講過九份個名ge 由來,, 但都已經唔記得左...
問阿娟或者佢仲記得...
訓得好辛苦~~ 架車好搖,, 仲感覺到撞到vava個頭囉...-﹏-"

終於都到我最愛ge 九份呀!!!
果到真係可以完全感覺到自己去左d 唔似香港ge地方!!!
d野食又好味,, d野又靚喎~~
但買到最愛ge 芋頭味麻糬,, lucky!!!
買好麻糬就去左食牛肉湯麵~~ 好好味,, 又平喎
仲俾我發現左一個好好ge view,, 大家齊齊影相lu!!!

影左陣相,, sudden越泥越多人埋我地果邊係到影果個景~~
好彩我地都影哂姐~~~
食埋兜麵,, 陪carmen去埋個toliet 就係seven 等團友一齊上車
點知................ 我同詩兒竟然俾隻不明來歷ge 野 "盯上了"!!!
本身佢係詩兒個背脊到停留,, 拾義團個伯伯sudden 指住詩兒個背脊
雖然我神高神大,, 但我相信我未夠秤同呢隻飛來猛打過
於是我就一於走人... 留低詩兒孤軍作戰!!!
奮勇ge vava 好勁咁整甩左佢,, 估唔到... 隻野ge next target竟然係本小姐!!!
佢唔客氣咁降落係我d 手抽袋到!!! 嚇到我全身都冇哂肉!!! [我都想...]
本身珍珠仔仔都想做英雄去救我呢個美人,, 可惜都係俾醫家人ge baba搶先一步~~
真係對唔住珍珠仔仔,, 我.... 都係唔可以同你一齊嫁喇...

係我一陣ge 歡呼聲中... 我地都係上左車離開九份~~
離開九份之後我地踏上去新hotel之旅!!!
今次去果間 "聽聞" 好近西門町~~
最好笑係差唔多去到酒店,, 史力加就同我地講因為有bellboy幫我地搬行李
所以我地最好就打賞俾佢,, 嗯~~ 我都明丫,, 人之常情喎~~
但佢過份在要我地返到酒店之後半個鐘之內去返酒店門口集合搭車去西門町中心
大家都好擔心d bellboy 搬行李會慢,, 咁變左會遲到...
仲要史力加話不見即散,, 珍珠媽媽就出聲話,, 唔洗bellboy拎,, 我地自己拎上房
死人史力加都唔明人地苦心... 一句"得"埋去: 你果d貼士我俾囉!!!
頂... 我同vava果d已經勁無奈,, 仲要珍珠媽媽同佢解釋佢都唔聽
一於用個咪靠大聲話返珍珠媽媽轉頭囉...
我諗所有團友 [除左果個不近不情ge 女仔之外] 都好鄧珍珠媽媽唔抵...

最後我地咪趕頭趕命咁走返房,, 今次同詩兒佢地間房仲遠過之前!!!
佢地817,, 我地835,, 聽個number都知遠la!!!
不過間房就ok大,, 詩兒佢地又抽到細房
算la~~ 咪讓間大房俾我同carmen 曳曳囉~~~ 哈哈哈哈哈哈哈哈哈哈!!!

去到大堂,, 撞到baby終於忍唔住問佢做乜成日分開我地
佢竟然出動到... "咁我知你地唔會嬲嫁嘛~~"
即時vava同詩兒都已經溶左... sweet 到溜呀~~

去到西門町,, 我地跟住史力加行左條街先la
我同carmen都唔多跟大隊,, 走左去同我老公[edison]影相~~~ 哈哈哈哈~~
拍左段片俾隊長,, 睇返都知vava開心死,, 因為詩兒囉,, 拍到vava同baby好似couple咁~

自由活動~~ 我地周圍影相睇野食野
食左鴨肉扁,, 比想像中難食同埋貴~~

行街先開心喎,, 大家一齊入左間舖la~~
vava 就揀衫俾細佬喎,, 詩兒就一路望住某張檯上面ge 書喎
eee... 係 "護理基本xxx" 咁ge 野,, 望一望個sales,, 佢仲著住對護士鞋
個sales姐姐已經望住我地,, 於是我地就同佢講我地係hk ge nursing students
好開心呀!! 泥到台灣都遇到nursing人!!! 仲比想像中多!!!
原來台北d nurse 人工好奀嫁咋!!! 我實唔會去台北到做nurse!!!
佢話哂都係我地ge師姐,, 不過應該都唔會見到la~~

今日係我收穫最豐富ge一日!!!
本身諗住買南拳媽媽ge 調色盤,, 可惜真係好貴!!!
最後竟然俾我係玫瑰唱片果豎見到 "183club愛情魔髮" ge寫真集
本身諗住買,, 但佢地俾w-inds. 打低左lu~
話哂我鍾意w-inds.耐d同埋真係3個都鍾意嘛~~ 於是買左佢地ageha tour ge 寫真集
好開心呀!!! 比起香港真係平好多!!!
如果我說服到自己,, 我可能會買埋涼平ge 寫真集!!! 不過都係冇...

因為唔多識行西門町,, 我地行得累之餘又冇乜行到d乜咁
返到酒店同d 戰利品影相,, 不過好少添~~

yea~ 仲係電視上面睇到darling~~ 小豬寶貝*口*
佢同twins唱《同是天涯淪落人》,, 好好笑!!! 不過阿sa唱歌都幾好聽喎~~

未有耐詩兒同vava都過埋泥一齊傾聽日ge 行程
因為聽日係自由行嫁,, 所以自己plan~~
carmen一早係我地傾緊ge時候就訓緊... 繼續努力傾呀傾
嗯!!! 希望聽日行得哂la!!! 奸爸爹!!!

>>June 30, 2006 at 6:51:55 PM GMT+8

2006 年 6 月 20 日星期二【酷熱】

.

與三星有個約會之二
[UPDATED on 1/7]

-﹏-"
好彩琴日有去度小月食飯
如果今日ge 早餐係我台北ge第一餐
我相信呢個開始非常惡劣囉...

好似食緊自助m記精選早餐,,
仲要係走漢堡扒走薯餅果隻...^^"
不過唔緊要la~ 大家得開心嘛~~ hhahahah~~

今日第一站係中正紀念堂~~
聽史力加講估仔,, 都幾開心,, 好似上堂咁
12位團友 [暫名: "拾義團"] ge 果位伯伯仲撩我傾計添呀~~
嗯... 老人家撩女仔真係好,, 冇揀擇,, 哈哈哈哈哈哈哈哈哈哈~~
最好笑有個人拎住部DC係咁影我地,, 但又唔係我地d團友泥嫁喎
史力加仲好似好enjoy 上鏡咁繼續講書
我地就繼續跟,, 跟下跟下,, 都時間去會訪樓上ge "蔣銅像" lu~
不過冇緊要,, 同佢個 "外殼" 影下相都幾好丫
vava話齋,, 琉璃瓦喎~~ 中化都有教la~~ [jj : 我冇聽書都唔知係邊課...]

之後好趕咁走左去忠烈祠都睇 "交更"
太好喇,, 終於唔係睇RN交更,, 而係睇d soldier 交更呀!!!
今日都真係好熱嫁,, 睇住個軍人一邊拋窗一邊滴汗
真係名副其實ge "滴汗"喇~~~

係食lunch之前我地都去左轉見山地公主
咪又係買蜂王漿ge 時候囉~~
話說mami第一次泥買左十幾廿罐蜂王漿返去
食到我同家姐想嘔咁滯!!! 而家見到都怕怕~~

carmen做孝順孫女,, 買左個m size ge蜂王漿俾屋企老人家*333*
因為NT money同HK 都唔夠,, 於是個個係到籌棋
哈哈哈哈哈哈哈哈~~ 呢個時候我先發覺我唔夠錢俾導遊費!!!
史力加個衰人仲要話唔收台幣!!! 乞人憎!!!

終於都食lunch喇,, 去左和味ge 魯肉飯~~ oishi!!!!
都已經唔係第一泥呢間舖食,, 但都唔知呢間野叫乜...-﹏-"
食完飯仲上左去佢樓上ge 舖頭行左個round~~
好好笑,, 間舖ge 門口有d好似seven咁入泥會響ge machine
初頭入去剩係聽到 "xxx richard"... 都唔知佢up乜
當我地離開果時聽到 "arigatogozaimasuta" 先知,, 原來佢up緊日文... 吹脹...

食完lunch去左珍珠養殖場...
d sales好恐怖,, 好似十世未見過人咁... 起勢說你買珍珠囉...
講真,, 我地呢d 學生妹,, 買泥托咩....
佢仲要追住我唔放,, 一路話我塊面有幾核突,, 但又唔同我講d珍珠點幫到我喎
俾佢咁講完我仲走去買就真係低能嫁喇...... =[

但拾義團個靚仔個mami 好好笑~
話說佢叫果到d sales 賣平d俾佢,, 叫佢地一個價錢但秤多d俾佢
搞左好耐,, mami都係唔買喎~~ 於是佢個仔仔就發爛...
真係好好笑,, 佢個仔一路話 "賣出去都好丫!!!"
我同vava就一路係後面笑,, 真係好可愛ge 珍珠2母子!!!

next station is... 故宮博物館 [裝修already]
wow~~ 裝修完果然唔同d,, 超靚!!!
都係依舊,, 日本人仲多過講國語ge人...
冇乜野睇,, 反而去左手信counter睇野,, d野好靚呀~~!!!
本身想買條 "龍袍" ge 頸鍊,, 但我諗我返到香港都係唔會戴嫁喇~~

史力加又話話我地知我地個生肖ge 財位係邊
但轉個頭就剩係話俾拾義團d人知... 講過唔算數!!!

跟手去左所謂ge 溫泉... 哈哈哈哈哈哈~~
靚到嚇死你!!! 上次浸果個都叫做係木桶丫,, 今次... 真係似沖涼囉
仲要d房 full哂,, 果個PIC 仲想說我地浸大池,, 啋~~~
最後佢安排左d... 唔知點解出面有檯有凳有k唱ge房俾我地
入面好熱 [仲未開水嫁!!!],, 所以同vava寧願開d凍水泥浸腳算喇~~~
浸左一陣就走左去搵詩兒佢地一齊玩水...
痴線嫁,, 出左房都好熱,, 我流汗係冇停過囉...=口="

上車,, 出發去士林!!!
係車上面vava一路係到嘆: 點解今日d時間過得咁快嫁???
不過真係好似眨下眼,, 就已經係台北第2日喇wor~ 咁就過左一半lu~

去到士林,, 我地聽完史力加講野就去左食鐵板燒~~
雖然係貴d,, 差唔多$50 一個人,, 但真係好好味!!! 尤其是個牛扒呀!!!

個個行埋泥問我地食d乜,, 佢地個個都好似嫌貴咁... 哈哈哈哈哈哈哈哈~~
食完就買埋野飲就向夜巿出發~~
大家都因為手上面有杯野飲而煩腦~~ 台北真係冇乜垃圾桶
香港就每3, 4米就有一個,, 但人地條街都仲乾淨過我地香港囉...

d耳環好靚呀~~ 可惜我好似已經唔係好適合戴果d耳環
仲有d 頸鍊呀,, 勁lolita囉,, 咁我不如去旺中買...-﹏-"
最慘係一間碟鋪都冇咁滯... 想買碟都冇...
如果可以剩係買waterboys ge 大結局就好喇,, 因為我剩係鍾意佢地個結局~~*口*
vava 買左anego... 嗯~~ 佢應該會同ck一樣愛上jin嫁喇*333*

行左好耐,, 兜左幾個圈
又返左去 "美食廣場" 果豎食野
今次先食左個天婦羅同埋蚵仔煎,, 好好味呀~~
至今,, 天婦羅係乜都仍然係個謎...
之後又食左個類似刨冰咁ge 野,, 但佢冇刨冰咁硬,, 好好味!!!
好抵,, 勁大兜,, 我地四人分泥食到舔舔脷~~
最美麗ge ending緊係留返俾我可愛ge 豪大雞扒啦~~
係香港,, 我已經戒左哈迪斯ge 炸雞嫁喇... 就俾我係台灣放任下la!!!

俾個 "bravo"俾vava!!! 因為佢竟然買左苦瓜汁泥飲!!!
我同詩兒飲左一啖,, 飲落去果下好甜,, 但回甘果下真係苦到死!!!
最慘我杯野仲未整起,, d苦瓜係咁回甘,, 我成身起哂雞皮!!!
最後搭捷運返去,, 仲係捷運站同 "邪靈" 比卡超影相,,

唉~~ 放任係要有代價嫁,, 我上左車冇耐就爆鼻血喇~~
各位果然係nurse,, 處變不驚!!!
加上我已經流到慣哂,, 要止血都唔係好難...

行返酒店先恐怖呀!!! 我地簡直係狂奔!!!
好多小強!!! 嚇到我同carmen 鼻哥lone冇肉!!!

哈哈哈哈哈哈~~ 路經我地仲同左隊長心愛ge gucci影相添呀~~
vava 扮model 姿勢扮得好好笑~~~

返到去酒店,, 嚇死,, 間酒店好似冇電咁熄哂燈囉...
之前alfred叫我地將d唔想拎去行街ge 野放係車上面,, 佢會幫我地拎返去酒店
本以為佢會放係counter,, 但佢竟然就係公然放係大堂個sofa 隔離囉!!!
成大樽蜂王漿係入面嫁!!! 佢真係得嫁喇...
之後counter 果個reception超好!!! 佢見我地影相就開哂大堂d 燈俾我地~~
台北d人真係好好人!!! 佢仲係到同我地傾計!!! 超nice!!!

鐵板燒 + 雞扒 = 超熱氣!!!
所以大家集體敷mask!!!
哈哈哈哈哈哈哈哈~~ 我覺得我敷mask個樣真係好鬼smart!!!

今晚大家依舊睇電視~~
沈醉係100台果個橙皮pat~~ 哈哈哈哈哈哈~~
唔知點解今晚個《我愛黑澀會》做到咁夜ge????
但覺得d mama好慘呀,, 為左幫個女入娛樂圈,, 仲要出賣埋d 私隱~~

>>June 30, 2006 at 4:39:20 PM GMT+8