2007 年 1 月 4 日 星期四 【乍雨乍晴】

.



postnatal ward - day 2

今日做左孤兒仔
因為冇guide nurse
完全冇人理我地又冇人俾野我地做
全日都係咁周圍行

swabbing睇左2次都未有得做
見到有個女仔19歲女就生
佢o岩o岩生完個figure仲好過我未生...-﹏-"

bb都唔係幾掂得
基本上d nurse都唔鍾意見到我地去仔房

幫bb 沖涼
自問做得唔錯,, 又真係沖得好徹底
好彩冇人泥鬧我... 心情ok

返P真係好難熬...
好彩放工仲可以一齊睇賭場風雲大結局
三哥d戲好過bobby多多聲啦,,
癲都癲得型過人!!!

聽日最後一日喇...
真係chur一聲,, 好快過

>>January 12, 2007 at 6:59:24 AM GMT+8

2007 年 1 月 3 日 星期三 【乍雨乍晴】

.



postnatal ward - day 1

終於泥到傳說中最開心果個ward
個個都話最後入PN ward係最開心

琴晚又訓PA房,, 好灰...
joey又搵埋queenie落去睇勁歌金曲,, 我就一於少理快d訓左去
點知唔記得較返遲個鐘,, 早左成5mins起身
好眼訓又訓唔返,, 唯有死死地氣起左身算數

polly講中左我地真係跟洪姑娘
佢幾好人,, 好淋善o既感覺
但最好笑係為左唔俾人偷bb走,, 果個ward度門係要入pw嫁囉

其實今日都冇乜掂過d bb
唯一掂佢地o既時間剩係好狠心咁同佢地打針咋
仲要打落大脾,, 真係心都痛埋

睇醫生同bb做body check
唔知bb d心雜聲係點o既呢???
因為媽咪話我同家姐細個都有嫁,, 但係個醫生都話係bb都會有...-﹏-"
最好笑係做個motor test... 真係個個bb都會遞起對手,, hahha!!!

d bb個個都好可愛,, 但今日撞唔正沖涼個routine
唯一o既娛樂就係睇mami餵人奶
原來我打針果個bb係indian,, 真係唔睇佢mami都唔知

到睇d mami喇
都係跟醫生巡房啦,, 睇下佢地個會陰傷口啦,, 又睇下佢地個c/s wound啦
哇,, 原來c/s wound係可以痛到d mami 面容扭曲
我諗我reject wound dressing o既決定係明確嫁~~
queenie仲要毫不客氣咁用返美月用果一套咁大力洗人個wound... 真係睇到我腳仔軟

之後又跟埋d mami聽出院talk啦
悶到訓著左,, 認真唔俾面
仲要訓俾d mami睇,, 真係好唔pro

洪姑娘係一個好感性o既人,, 剩係一日都睇得出佢好受d pt o既歡迎
佢又好健談啦,, 同d警察又傾一餐,, 同我地又傾十餐
但最慘係我又勁累又勁唔想聽書丫

放左工,, 竟然白痴地慢慢沖慢慢泥
點知補習就遲左15mins,, 但個o靚仔就以為我補3點半
最好笑當佢見到我早左15mins 走o既時候佢問我今日係咪補3點半
我咪話我早左泥,, 咁咪早d放佢溫書 [佢十成唔溫]
點知佢竟然話我蛇王囉.... 真係好想殺死佢!!!

搭車落葵芳再搭地鐵
全程冇坐位,, 好累冇得訓
返到poly cast緊阿里... 好好笑,, cast完仲係到傾閒計囉

成晚冇乜做過野,, 剩係同jasmine傾計
希望可以多d同佢傾計,, 多d了解佢,, 同埋可以令我地個partnership做得更好
或者我比較性急啦,, 我希望以後可以多d慢慢聽人講野
我發覺我一聽到人地講野慢就會開始加把口

cast到9點半,, 走人...
陪jasmine去奶巴還碟就去搭車

都唔知做乜無lala想嘔,, 係架車係咁想嘔想嘔
最慘落左車個人又浮浮地又嘔唔出
係咁掃個心口都嘔唔出,, 返到屋企對住馬桶又係咁
但係就好想嘔囉.... 真係damn it!!!

聽日唔洗補習又返p...
終於可以夜訓,, 可惜今日唔係casting第二日丫,,
如果唔係就可以一盡我designer o既責任
真係好想星期六請假....

>>January 4, 2007 at 4:41:38 PM GMT+8

2007 年 1 月 2 日 星期二 【颳風】

.



Labour ward - day 3

今日係3日產房最熱鬧o既一日
唔係好多女人,, 而係個個都要生
我地睇完呢個生完,, 都未睇完佢個胎盤出又要過去隔離睇救仔喇

總括泥講,, 呢3日我都有腳軟o既感覺
第一日睇生仔,, 我就腳仔軟喇
第二日一樣係生仔,, 我已經好d唔會驚,, 點知睇埋佢剪會陰,, 我又腳軟
到左今日,, 又生仔又剪會陰,, 冇腳震,,
但竟然個胎盤出動到醫生去 "抄" 佢出泥,, 我想暈!!!!!!!

今日好多野睇,, 生左唔知3定4個bb... 有2個係cord round head
一生出泥已經塊面有d pale... 仲要唔曉喊,, 嚇到我心都停埋咁滯
只見missy係咁打佢腳板都冇反應,, 真係好驚
好彩最後佢都肯喊2聲泥應酬下我地~~

之後隔離房先堅,, 個太太簡直係利害
話說佢生個bb要剪會陰啦
生完之後就係咁流血有停過... 因為要等個placenta出泥,, 姑娘就幫佢massage個子宮
一massage就係咁出血,, 最後出左成個大kidney dish咁多o既血
最後真係出唔到個placenta,, 因為植入左個子宮
所以要勞煩醫生高抬貴手申入去個子宮到拎返佢出泥
哇,, 拎出泥先勁,, 一堆野,, 真係覺得好似咬爛左o既人腦咁囉...-__________-"

有個dm mama生bb,, 佢個placenta 紫色添呀... 好似膠咁!!!

但最無辜都係我同joey對白飯魚,, 無lala最後一日報銷左
話說有個mami 生緊個胎盤出泥,, 用力得滯,, 成條血柱飛出泥
一野噴落我對白飯魚到.... 白底紅點,, 真係潮爆
都算,, 之後個mami仲要求睇個胎盤,, 姑娘俾佢睇果時冇gard住條cord
d血周圍飛,, 搞到我同joey都那哂野
我對腳全部都係血.. 唯有dum埋我對絲襪,, 得返2對都要dum一對,, 點過呀!!!
最慘係d血又滲過絲襪,, 我唯有..... 洗腳囉...
洗完腳仲要唔著襪咁著返對白鞋,, 超disgusting!!!

睇完又take下obs同d client傾下計
之後就入房仔睇天書,, 成個人都好累
剩係係到傾d AIDS case呀,, 又傾下twins呀,, 多胎症呀咁
差唔多放工就走人lu~~~

本身諗住唔洗沖涼都要沖
沖好就即刻衝返屋企休息下
終於可以返屋企,, 感覺良好
可惜因為老豆轉左更,, 所以sofa被霸佔,, 係totally being霸佔ed囉....

5點15,, 就落去等小巴上安蔭補習
等呀等,, 當我等到5點45時,, 覺得有d唔對路就走去川龍街總站睇下有冇車搭
點知都係冇.. 等到6點唯有打俾o靚仔話遲d泥
再等5mins,, 都冇車,, o靚仔打泥話唔洗去,, 話mami同佢都有野做要出門口
唉~~ side我一個鐘,, 係屋企訓好過啦

打返電話俾阿娟,, 聽聞琴晚除左mami之外,, 佢係另一個打鑼咁搵我o既人
傾左好耐計,, 但就斷左線4次
喂,, 我真係唔係消失左,, 只係唔想side時間 "布" 係個pc前面
因為睇電視係開心過上網一百倍

返到屋企hea到賭場風雲一半就返PA房lu~
唉~ 灰.... 又訓房,, 真係見班teamates仲多過屋企人囉!!!!!!!!!!!

>>January 4, 2007 at 5:13:47 PM GMT+8

2007 年 1 月 1 日 星期一 【乍雨乍晴】

.



Labour ward - day 2

話說琴晚睇叱吒睇到2點先訓,,
今朝幫個o靚仔補習補到想訓.....-﹏-"

同佢補完就去ok到買左個三文治食
食完等車,, 等極都冇車,, 等左足足半個鐘,, 死啦,, 勁驚遲到
好彩最後架車o係12:45泥左,, 都叫做泥得切
但最慘個司機又掛住同個客人傾計,, 架車行得勁慢

終於返到宿舍,, 真係一支箭係咁換衫換衫
上到去仲要換衫,, 竟然要換全set,, 搞到又要換多次
新missy都幾好人,, 有d珊珊o既感覺

上個禮拜就睇左人地生仔,, 今日睇o既時候都ok頂得順
但最可怕o既係今日仲要睇埋 "剪會陰"... 真係好恐怖!!!
睇住果個人d 血係咁流呀流... 仲要係active bleeding,, 完全唔客氣!!!
個bb出泥果時個傷口仲要越mark越大... 嘔~~~

今日睇到幾次生仔,, 終於叫做好返d
為左挑戰自己,, 我決定去睇 "縫傷口"...
嚇死人... 我一路都以為剩係有出面果個傷口
但原來果個助產士仲要幫佢搞掂埋入面d傷口
我睇住佢一把又一把鉸剪塞入去個女人下面.. 又用條nylon扯下扯下
真係嚇死我... 好恐怖!!!

最慘係人地俾得你睇,, 你冇理由中途離場嫁嘛
個missy又要成日拎轉面講述下自己做緊d乜
搞到我想哩埋一邊唔睇都唔得... 勁恐怖...

今日都比較少睇野,, 因為冇乜媽媽
所以都係周圍睇下野就算
今日係電視房睇救仔睇到訓著左

唉,, 因為冇野做
今次第一次俾sister叫我地快d走.....>﹏<
真係擺到明話我地阻手阻腳囉

返到PA房就訓lu~....
眼訓!!!

>>January 8, 2007 at 5:24:54 AM GMT+8

2006 年 12 月 31 日 星期日 【乍雨乍晴】

.



零 六 回 顧

今年真係發生左好多事
開左個好頭,, 估唔到得出個爛尾

做左好多第一次
第一次幫人補習,, 係阿娟介紹o既
個小朋友好可愛,, 可惜佢好似唔係好需要我
第一次返工,, 係隊長介紹o既
份工幾唔錯,, 人工都ok,, 老細都ok,, 可惜timetable撞到癲左
第一次睇波,, 係carmen介紹o既
踢波o既人真係ok型,, 可惜最型o既施丹竟然係我o岩o岩鍾意佢就頂人個肺退出球壇
第一次收咁大紥花,, 係五星送o既
雖然係handmade,, 但你地唔講我真係睇唔出,, d花好靚好有心思
第一次追星,, 有ck陪我
因為王子變青蛙效應去奧海城追183club,, 諗起都覺得好低b
第一次去disney,, 同婷婷,, 奀媽,, 大姨,, 大姨個fd一年去
因為奀媽坐輪椅,, 所以乜都唔洗排同埋乜都係第一
睇獅子王個show坐第一真係好high!!!
第一次7b gathering,, 泥o既老師得ccy同埋方sir
係幾失望o既,, 但我都唔想自己肥得得個樣俾 "佢" 睇到

年頭曾經鍾意過人,, 但最後就無疾而終lu~
到左3月,, 阿娟好曖昧咁約左我出去
點知俾左封垃圾信俾我...
唉,, d人做野真係好低裝,, 寫信泥鬧臭我

之後我就開始醉心於睇漫畫,, 又狐忍,, 又亂馬,, 又NANA,, 又chobits
後期仲愛上左星期六o既12:15檔o既動畫
開始睇天狗春華,, 七武士......

3月最開心係生日,, 同五星,, singles,, 屋企人,, sound team同埋弟弟s過
好多好鍾意o既禮物,, 花啦,, joejoe同singles送o既頸鍊啦,,
嘉欣送o既筆啦,, 五星搞gag o既電鑽啦,, 屋企人送o既超正水果蛋糕

但係3月,, 4月同5月好難過
3月因為有JUAP同patho,, 要二選一
之後4月5月有一咋papers,, tests,, presents同埋OSCA,, 又要出ward...
真係好辛苦,, 讀nursing就好似玩緊鐵人賽咁,, 比賽一個接一個但又辛苦喎

好彩6同7月有一咋o既試後活動
返李城璧睇舞蹈比賽,, 去做計分員,, 連樹榮都返去!!!
最好睇都係optional dance,, 見到fifi拎舞女,, 真係感動到想喊~~

四星台灣之旅啦,, 就係咁,, vava同詩兒認識到佢地o既baby....-﹏-"
仲有好好笑o既珠媽同珠仔,, HCA阿姨,, 醫護人員叔叔,, 真係幾好玩....

PM BBQ,, 好開心,, 一咋男人都預左冇好野,, 真係被拖落水
最好笑係我一心以為會去唱k,, 咪諗住著得熱d囉,, 點知竟然係去石澳bbq
d男仔仲核突,, 個個真空咁走... 以為自己係杰倫咩!!!真空!!!

但都有唔開心o既事
家姐身體有事,, 第一次後悔以前成日講 "鬼唔望你快d死!!!"
搞左4個月幾,, 終於係佢生日後一日做手術,, 但係個手術就失敗左...

仲有fifi同kayan都走,, 一個去瑞士一個去美國
嘉欣小朋友就咁就離開左香港... 仲要雞咁腳走... 留下一堆遺憾
好掛住佢,, 尤其是死亡筆記二上映果時,, 發現同我睇《一》o既已經走左...
聖誕佢未能返泥,, 但我相信佢下次返泥我地會有更多野傾...
熱切期待佢返泥~~

sem2更加唔洗講亦唔想多講
又少見屋企人又少見d fd... 日日唔係做paper report就係溫書
唔係勤力,, 而係人地迫成o既
仲要sem break唔夠一個wk就要出ward
marian呢個女王又要教我NT II又要係我個SAA... 都預左死硬

但最開心係有新一屆o既sound team
佢地個個都好可愛好乖
一齊走過DN,, 最開心最多人o既一個production~~

因為pinky要返工,, 搞到copy冇人陪佢,, 隻貓又死埋,, 所以好悶
就搞到佢每個月300幾咁送俾電話公司,, 係咁同我傾電話
就係咁我就每日用好多時間同佢傾,, 傾到電話成日冇電俾人complaine電話唔通...
但都多謝佢,, o係我最唔開心果時陪住我...

今年真係過得ok慢,, 實在太辛苦掛....
所以來年我o既願望唔會再好似上年咁簡單 [仲要實現唔到]
今年,, 我剩係希望我可以開心d....
希望我可以多d 見我o既朋友
希望我可以快d見到kayan同埋copy快d返泥香港
希望我可以hea讀爆四
希望家姐可以手術成功
希望爸爸可以唔洗返12個鐘都可以維持而家o既人工
希望媽媽可以身體健康
希望我可以瘦d又靚d
希望阿咩可以繼續o係吉之島到做
希望S.H.E. 快d o係我得閒o既時候泥香港兼俾我買到飛
希望.... 希望心想事成!!!
哈哈哈哈哈哈哈哈哈哈哈哈哈哈哈哈哈哈哈哈!!!

>>January 3, 2007 at 1:37:37 PM GMT+8

2006 年 12 月 30 日 星期六 【颳風】

.



零 六 唔 好 玩

其實出ward都唔係好辛苦
最辛苦係d guide nurse,, 要夾硬搵d我地識o既野俾我地做

本來我都唔係好累嫁出ward
可惜出ward前後仲要幫個低能兒補習
我就快谷爆咁滯
但都仲未開齋鬧佢... 我諗下個wk應該會鬧嫁喇
佢真係一樣功課都唔做俾我,, 正衰人!!!

今日又要幫佢補習
仲要10點半咁早,, 簡直係side我d訓覺時間
去到又係hea左個半鐘就走人
最慘我冇帶電話,, 又要出屯門搵奀媽喎

搭車返荃灣再轉車出屯門
好累
好彩今日天氣唔錯,, otherwise我深信支氣管炎會翻發
不枉我衝去奀媽屋企,, 有大大兜夢軒鴉等緊我食,, hahha!!!!

真係3個女人一個墟
mami + 3 and 4姨3個好似發左癲咁... 係咁跳舞
尤其是3姨,, 好好笑!!! 係咁跳chacha俾我地睇
mami就遜色d喇,, 剩係係側邊跳1~2 步就算
佢地累左又坐低傾下計
姨婆之後泥左,, 佢次次見我都講佢d 病俾我聽
我真係覺得有空都可以幫佢做份PBL report,, 搵下佢d s/s o既原因

等埋姨媽返泥我地就舉家走人lu~
返到荃灣都已經好夜
今晚又打邊爐,, 成功咁說服到家姐唔出街一家人開開心心係屋企過
經過沙咀道聽到fiona唱歌,, 真係好難頂...

開心,, 因為重要日子有我最愛o既屋企人同我一齊過
之後同屋企人睇電視
家姐話有個男仔打俾我,, 我仲以為係吳鋒,, 原來係fish...
下個wk就casting喇,, 唔知soundteam有幾多人回流呢???

同家姐睇CSI
好彩我對住部notebk,, 如果唔係倒數都唔記得
最好笑搭正果時我好平靜咁同我家姐講左句新年快樂
之後佢質疑話都唔知我準唔準
點知一轉台去TVB又見到呂方係到 " oooo~~~ 沙沙的雨撲向我..."

今年一定唔會話 "wow,, 咁就一年"
因為今年年尾真係好難過
過得好唔開心
但仍然感謝各位好朋友為我帶泥極開心o既年頭至年中o既日子!!!

>>January 3, 2007 at 8:59:25 AM GMT+8

2006 年 12 月 29 日 星期五 【乍雨乍晴】

.



labour room - day 1

第一日出labour rm,, 簡直係惡夢
回想當日sarah俾我地睇果段生仔片
我就已嗌到癲左
點知今日唔洗隔住個電視,, 一泥就睇真人試範
仲快過方太果d [由於時間關係] 而即刻煮好o既菜

冇剪到,, 因為第3胎
但好似話有tear...
一入去唔夠1mins,, 個bb已經出左泥,, non stop係咁喊
mami就認真唔合作,, d腳又周圍隊,, 仲要死都唔肯縫針
搞到好似縫針係害緊佢咁,, 係咁好似小朋友咁撒賴
估唔到para3 o既人都會咁...
睇埋點樣examine個placenta... 真係手都震埋
好嘔心,, 好似人腦咁....!!!!!!!

因為冇乜case,, missy帶我地周圍行行企企睇下case
又因為著白飯魚,, 加上短袖,, 又凍又累仲要睇埋d咁令人反胃o既野
我差d想暈,, 我終於明白點解果時anakin會暈....

睇完case就睇帶
仲入肉過真人... 個鏡頭係咁zoom近個女人下面
帶入面果位太太係要剪o既,, 生完仔成個裂縫我諗都有一個1蚊咁大
我諗一定好痛好痛!!!
果時mami話生完仔縫完針洗傷口果時仲痛過生仔
諗起我手都軟埋,, 筆都渣唔到...!!!

睇帶睇到一半就落左去食早餐
我不嬲都唔會俾d核突野影響食慾o既
係個炒蛋有d似placenta所以食左一啖就放棄lu~

食完早餐上返去睇埋餅帶,, 睇下case
之後醫生泥做pv,, 我地又睇埋
唔知係咪個女人有o既我都有.. 眼係覺得自己下面有種怪怪o既感覺
睇住個醫生塞個鴨咀鉗落去我差d想嗌痛咁滯
手都軟哂,, 腳又震喎... 真係好驚....

睇完我地又hea左一陣,, 周圍睇d小冊子同埋睇case
哇,, 有個人好勁,, 27歲女已經g7喇!!! 即係有左7次!!!
但係就生左3個落左3個... 第一胎仲要係17歲!!!
內地o既女仔究竟係咪一出世就等自己m到o既一日之後搵個男人搞大自己個肚???
有乜可能可以咁嫁... 年頭生完一個年尾又泥多個
真係多d泥密d手喎....

因為冇野做,, 於是問左missy好多好多野之後就去tea
好好呀,, o岩o岩有個student midwife pass左個test所以請我地食野
個三文治好好味呀~~~
聽d RN講下d故事,, 好鍾意聽
仲有佢地叫我地想做果味野唔係唔好,, 但要識得用condom囉
嗯~~ 我諗呢句說話對我泥講都冇乜用

其實都冇阿雪佢地講得咁恐怖
missy同其他RN都好好人,, 仲要有poly o既師姐係到,, 格外有親切感
又知道好多好多書完全冇講過o既野啦
好似點解要做剖腹呀,, twins又點解要剖腹呀,, 咩叫紙樣嬰兒呀
仲有唔足月o既要點呀,, twins點分個胎盤呀咁
好開心!!! 對twins好有興趣!!!
仲要咁o岩俾我係果到d magazine到見到有篇新聞話有個女人生左6胞胎
但最重果個先得1.9kg咋... 真係好恐怖... 一次過生4男2女
chur,, 其實生孖胎都夠啦,, 洗唔洗去到6胞胎咁盡呀...

1點半準時放工
一支公沖涼,, 好lonely呀!!! 點解我唔可以返屋企喎!!! 就為左個連名都唔知o既o靚仔



沖完涼hea行去搭車
怒曬左3-4個字先有車,, 真係等到腳都軟,, 又未食lunch喎
好彩上到去仲有時間俾我買個sandwich食

上到去,, auntie唔係到...
佢又係咁hea聽我講野,, 真係火起上泥都幾想爆粗
我都想好似阿娟咁齋動手不動口
因為我覺得我動口會仲激動過動手囉....

我真係頂佢唔順!!! 我覺得好似幫個小學生補中三數學咁
(a+2)(a-9)點計都唔識,, 點算呀?!
最離譜係我已經教左佢 開方同二次可以抵消,, 講左一定多過10次
佢都仍然唔上腦,, 真係好想亨爆佢個腦!!!

補到過哂時,, 都唔知自己做左d乜
auntie返左泥,, 頂唔順都鬧q佢幾句,, 俾我真係粗口出哂泥啦
4號要考試要考d乜又唔知... 真係唔知咩事

行返屋企經過大會堂側跟個公園
真係好靚呀... 搞到我有近路唔行行遠路行係果d燈飾下面
好好feel!!!



返到屋企今晚打邊爐
有賣飛佛o既牛柏葉同埋蟹粉丸
可惜冇芋絲同埋蟹柳....

今睇一邊睇一公升眼淚一邊睇許冠文個talk show
真係幾辛苦,, 喊完一邊又笑返... 真係人都癲

唉... 咁又做完一個我可以追o既劇... 真係好失落。

>>December 30, 2006 at 4:54:11 PM GMT+8

2006 年 12 月 28 日 星期四 【乍雨乍晴】

.



antenatal ward - last day

最後一天總是最忙

missy遲返,, 俾已婚RN教摸肚,, 又係第二回事
本身都ok冇野做,, sudden好多好多野做
好叻女,, 一個人做admission,, 仲要俾missy讚我做得好好
佢俾到好大信心我自己,, 佢放手俾我地做好多野
我又自己寫CMS啦,, 帶床啦,, 做哂admission要做o既野,, 好叻~~

因為吉房sudden爆滿
d CTG機 fully occupied囉,, set好機又要做admission,, 又要聽肚
好豐足呀今日!!!

tea完之後missy講書
我訓著左,, 我諗佢見到所以喪叫我地break一break再聽
最後講唔哂,, 剩係tick好d form就走lu~

今日要補習,, 所以撲出去搭車
搭410,, 叫個司機係安蔭叫我落車,, 因為第一次搭丫嘛
點知個賤人司機無lala係石梨就踢左我落車
於是我就成舊飯咁係石梨到問人點去安蔭
最後我好白痴咁行左2個斜波同埋搭一個lift,, 返到頭先落車個小巴站.....
terrible!!!!
時間無多,, 我就係小巴站到周圍搵車去安蔭
個個都唔係,, 唯有去問站長
站長叫我等返410
我鬼知去安蔭o既410同去PMH o既410係同一個站喎
咪截左去PMH o既410囉,, 一上去就俾人問候我媽媽
真係勁委屈!!! 勁想喊....

終於遲左半個鐘上去
係lift口撞到o靚仔,, sudden覺得遲到都幾好彩
otherwise我就會摸門釘囉...

佢都係咁hea聽我講
真係覺得好side時間.....

返屋企,, 食左個飯,, 整下diary
呢排photobucket upload 相都好慢
搞到勁夜都未搞掂,, 冇計,, 都係10點好走人
好凍呀大佬,, 好彩返屋企有得換返件羽絨出街...
點知上到去PA房個個都未到
等到joey同queenie返到泥我就訓lu~

聽日第一日labour room... 期待!!!

>>December 30, 2006 at 5:19:26 PM GMT+8

2006 年 12 月 27 日 星期三 【乍雨乍晴】

.



antenatal ward - day 2

p shift,, 但要補習,, 所以依舊早起
天氣冷下來,, 風狠狠吹來
瞧我只穿兩件衣服,, 總覺得自己變得不顧健康了

第一次去安蔭,, 那裏很涼
補習的小弟有點呆呆的
他家的地板超冰,, 沒拖鞋,, 腳都結冰了

到時間便出發回瑪嘉烈
早了一個小時
慢慢換衣服,, 但天氣真的很冷

今天工作量不多
卻學習了很多
CTG機,, DOTONE [?],, 還有摸肚
看著那些 [人仔細細] 的媽媽,, 挺著比西瓜還大的肚子,, 很利害
那條linear liquor沒想到明顯得那樣誇張!!!
不過還是不大懂怎麼摸到bb的spine....>﹏<

missy還蠻好人的
介紹了幾個case給我們
雖然有很多都不明白,, 聽交更也不知道在說什麼
但還是硬聽進去了

今天晚上來了4個新媽媽
有一個是聾啞人仕,, 想起阿娟那時的同事
終於明白什麼叫做 [講到但又好似講唔到]
還有幾位內地來的媽媽... 嗯... 她們好像都成為06熱門話題呢

跟mandy一起做了一次admission,, 還算成功吧...
還一起量BP,, 很快就完成了~

大致上也只做了這些吧
今天跟其他2個wards的同學都是p shift
難得晚飯能夠碰一個面
阿雪還是依舊超多話

又睡PA房了
好像跟它做了好朋友呢.....-﹏-"

>>December 30, 2006 at 3:56:04 PM GMT+8

2006 年 12 月 26 日 星期二 【乍雨乍晴】

.



antenatal ward - day 1

欣 欣 生 日 快 樂 ! ! !

27號,, 唉,, 終於都要開始出ward
好難先起到身
搭爸b架車,, 差d遲到.....

好多人呀,, 又係BSN 1,2同4都係到,, 仲有HD3添呀
有人荔景大樓,, 有人long conso., 真係好amazing
可惜今次見唔到阿chris,, 但見到joey,, 阿招佢地
今次5個人一1group,, 同queenie,, mandy,, kat同埋joey一group

一朝早,, 聽個連自己都唔介紹o既missy up完一大輪
加埋betty au yeung又講一陣
傾完又去聽第3次o既瑪嘉烈 ICN o既talk
又要著多次PPE,, 屋企又多一套PPE... 真係麻鬼煩....

食完lunch就上ward
我地個supervisor原來一路都等緊我地
唉,, 都唔知點安排o既
算啦,, 唔係自己錯都唔好解釋太多

今日冇乜做到野
剩係周圍行下睇下
聽下肚摸下肚,, 睇下機呀咁...

聽日返P喎原來,, 之後星期五返A....
真係估佢唔到,, 搞乜完全冇人同我地講嫁...
咁遲d轉ward返咩shift呀??? 想點呀... 又要自己去問???!!!

放工返屋企,, 由美孚搭西鐵
ectutor打泥,, 終於有得補習,, good good~~
有錢賺,, 好開心。

>>December 29, 2006 at 1:24:39 PM GMT+8

TVXQ - Love is... 廣告 讀者留言 |  路人留言   | 唐生d歌真係好好聽law! *v >>February 17, 2009 at 12:13:16 PM GMT+8 D故事可以向邊睇到架? >>February 17, 2009 at 6:12:33 AM GMT+8 今日條賤人聽到有學生要考TPC >>February 12, 2009 at 5:12:05 PM GMT+8 今日向日經被放逐一個半鐘頭睇紅白 >>February 10, 2009 at 4:11:56 PM GMT+8 我地ward都一樣有歧視scho >>February 4, 2009 at 4:35:50 PM GMT+8 仲有一日假期就完 <br>好好享 >>January 27, 2009 at 3:03:13 PM GMT+8 個老闆娘唔係話 <br>"唔怪之 >>January 2, 2009 at 3:54:16 AM GMT+8 jj，你有冇睇錯? <br>我冇 >>December 9, 2008 at 4:48:34 PM GMT+8 我o個人講野，真係咁有智慧??! >>December 4, 2008 at 5:47:17 PM GMT+8 The new hair sty >>December 3, 2008 at 2:33:29 PM GMT+8 哈哈哈哈........ <br >>November 8, 2008 at 2:14:08 PM GMT+8 I can't imagine >>October 30, 2008 at 6:24:29 AM GMT+8 JJ, <br> <br>我地今 >>October 11, 2008 at 5:05:15 PM GMT+8 你應該做埋代購 <br>隻隻扣都 >>September 21, 2008 at 3:56:14 AM GMT+8 TMH... 哈哈哈哈哈哈... >>September 8, 2008 at 5:58:18 PM GMT+8 哈哈 <br>你側邊d相我試過停 >>September 5, 2008 at 7:03:42 PM GMT+8 絕對同意... <br> <br >>August 11, 2008 at 10:06:33 AM GMT+8 wa... <br>原來你首 b >>July 24, 2008 at 11:27:15 AM GMT+8 JAYJAY，估唔到你會去我XA >>May 22, 2008 at 11:49:07 AM GMT+8 ME too... <br> < >>April 29, 2008 at 8:50:51 AM GMT+8 如果 <br> <br>我唔理大 >>January 30, 2008 at 4:48:50 PM GMT+8 無他既... <br>鬼叫o個個 >>January 28, 2008 at 7:55:04 PM GMT+8 我今日都係咁溫日文呀... <b >>November 27, 2007 at 4:51:38 PM GMT+8 你無事嗎?傻婆!!我同你都經歷過 >>November 7, 2007 at 7:40:51 AM GMT+8 都唔好玩既,俾你估到我係邊個ti >>October 2, 2007 at 3:57:18 PM GMT+8 雖然入迪士尼好似用錢買快樂 < >>October 1, 2007 at 1:34:32 PM GMT+8 真係無諗過...好耐無睇過你日記 >>September 28, 2007 at 3:42:49 PM GMT+8 真係對唔住呢... <br>我諗 >>September 7, 2007 at 3:45:37 PM GMT+8 買呀!年票係今年必買呀!!! >>September 1, 2007 at 4:45:01 PM GMT+8 錢錢? <br> <br>哈哈哈 >>August 27, 2007 at 12:12:02 PM GMT+8 ar~ 我見到la 【私奔到月球 >>August 21, 2007 at 12:18:50 PM GMT+8 hi jj~ 路過的 你blog >>August 21, 2007 at 12:14:33 PM GMT+8 halo, jj~ <br>so >>August 7, 2007 at 2:15:00 AM GMT+8 今次bg 好靚呀!!! =] >>July 31, 2007 at 6:03:31 PM GMT+8 真羨慕你有個快樂placemen >>June 25, 2007 at 5:57:59 PM GMT+8 jj,知道anna係好人真係令我 >>June 21, 2007 at 3:59:13 PM GMT+8 Jayjay <br>加油呀~ >>June 12, 2007 at 4:21:55 AM GMT+8 你去student page 咪 >>June 11, 2007 at 5:45:25 AM GMT+8 今日search自己個名 <br >>May 29, 2007 at 7:20:26 PM GMT+8 幫我整個logo阿!!得吾得>? >>May 3, 2007 at 1:47:07 PM GMT+8 哈哈哈 <br> <br>有咩唔 >>May 2, 2007 at 4:44:46 PM GMT+8 Nevermind ar! BA >>April 17, 2007 at 3:43:42 PM GMT+8 起碼o係我唯一一次叫到你地泥睇之 >>March 30, 2007 at 5:28:29 PM GMT+8 第一次留言。 <br> <br> >>March 9, 2007 at 6:01:34 PM GMT+8 我唔番學係因為我連企起身既能力都 >>February 13, 2007 at 7:15:06 AM GMT+8 咩心事呢... <br> <br >>February 5, 2007 at 7:12:18 PM GMT+8 你睇套DRAMA 咁多混合體既. >>January 15, 2007 at 6:40:20 PM GMT+8 SZE2 在看jj 日記 <br >>December 13, 2006 at 4:46:47 PM GMT+8 竟然俾vava旱我一步讚你個ba >>December 13, 2006 at 4:29:51 PM GMT+8 好靚呀! <br> <br>但係 >>December 12, 2006 at 4:47:19 PM GMT+8

人氣: 72252

Design & Scripting by ShowHappy.Net