Showhappy.net - Members diary

日記

日記主簡介

<< 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 >>

2006 年 12 月 25 日星期一【陰晴不定】

.

約弟弟 s

今日成日係到整人地個生日禮物
但又遲左起身
唉~~ side左最後一日o既聖誕假...

起身之後mami出左去整頭髮,,
一邊整禮物一邊睇叮噹
好唔慣大雄把新o既聲,, 好怪

一路睇一路睇冇停過
睇埋桃色蛋白質,, 今日先知原來梁靜茹同張智成係表兄妹
同埋原來梁靜茹係同瑪莎有野嫁喎
我剩係知係五月天咋,, 今日先知係瑪莎

唉.. 份禮物整極都整唔好
最後都係放棄今日送
打左個電話俾吳鋒就差唔多出門口

mami去左奀媽屋企,, 所以家姐同我一齊出門口
去到A出口,, 書皮仲未同,, 所以家姐陪我一齊等
吳鋒一泥就同我家姐傾計,, 真係好好笑!!!

差唔多時候,, 傻智issac都泥埋就出發去稻草人lu~
係呀,, 勁頹,, 因為都冇人得閒應約
都好丫,, 我都好想同佢地傾下計

傾下果日佢地俾ck同阿娟包起唱通頂k 啦
仲有傾下傻智o既新戀情啦
泡妞o既進度啦
讀書o既辛酸咁啦
其實都係我同吳鋒講得多d.... 哈哈哈哈哈哈哈哈~~

傾到差唔多10點就去左影貼紙相
影完就走人lu~

聽日就要實習lu~
好唔捨得個假期呀!!!

>>December 26, 2006 at 3:27:46 PM GMT+8

2006 年 12 月 24 日星期日【颳風】

.

耶穌生日快樂 ! ! !

聖誕緊係留返俾最愛o既人嫁啦
但可惜我最愛o既人唔搵我丫
佢地一個二個出哂街... 真係好鬼灰o既姐

最後我一個人係屋企整禮物
又諗起2年前整o既果份生日禮物,, 諗起都會笑!!!

整到差唔多就傾下電話啦
因為要返工,, 所以佢都冇街出
於是大家就唔理三七廿一,, 理鬼佢會唔會脹價都傾餐飽

其實傾心事真係好開心嫁
但可惜,, 如果佢可以企係女仔o既立場都聽或者會好d

夜晚又睇陳坤過日晨
佢真係好靚仔!!!
同埋我要重申... 佢一d都唔似錦戶亮囉!!!

>>December 26, 2006 at 3:33:39 PM GMT+8

2006 年 12 月 23 日星期六【颳風】

.

平安過渡

今日應該係呢排最忙o既一日
話說琴日經過x'mas ball o既洗禮
我實在係早起唔到
但為左我班仔仔女女,, 我都係好乖咁起左身

遲左一個鐘起身我都係準時到步
仲早過我起身o既jasmine都遲到!!!

習合第五個人,, 我,, 豐,, susanna,, 里同埋pokman就出發去買野食先喇
後來行下行下,, jasmine,, catherine同埋羅文都泥埋
於是就搭車走入去lu~

早知早d上泥霸爐啦
我地竟然o岩o岩好冇爐要去租爐囉
d爐仲要$150/5hr咁貴添呀!!! 真係食錢獸泥嫁
不過阿姐都好好人,, 又借火機又借刀,, 仲送埋報紙過我地添

靠哂童軍阿豐幫我地起左個爐.. wow!!! 開始燒!!!

第一round我都係燒左最心愛o既獅子狗先
哇,, 原來菠菜丸又幾好味喎
不過可能因為冇乜胃口,, 加上坐係到o既姿勢令我唔係幾食得落野
所以最後我就食左唔夠3round就投降lu~
轉行去食下d棉花糖!!!

最好笑係食食下,, 上面玩緊降傘果d人就開始降落
原來係會落落個沙灘嫁!!!
好鬼抵死,, 我都好想試下呀!!! 佢地超勁,, 又識控制個方向喎...

大家都好興起咁燒
加上d人陸陸續續咁泥,, 阿草,, 蘭子,, vivian,, 阿駿同埋提子都泥左
d人都叫做可以清得七七八八
有阿草係到,, 唔洗怕太多野食o既,, 阿草食物x化爐泥嫁嘛

佢地就真係唔知做乜
冇野食就開始搵野泥搞
適逢又有d賓賓出左去沙灘到打波喎... 咁佢地就係到睇
見到人地個波跌落地又係到狂笑.... 痴線嫁
雖則真係幾好笑....

燒到4點幾本身要走o既
但點知原來ck同阿娟諗住去time square搵家寶
所以我就5點幾先走,, 玩下玩下,, 就6點先走...

搭地鐵,, 俾我地發現左件小秘密,, 哈哈!!!
仲有pokman... 汁到啦,, catherine話同你食飯!!!

去到time square,, 好焗
等埋ck同阿娟就去搵家寶,, 佢好忙呀
連我地都見唔到... 又要成日守係個cashier到...
最後我地睇左陣就走人lu~

去左一間食咖哩o既地方食dinner,, 都幾好味
但我覺得自己bbq之後再食咖哩再食薯餅有d攞膽姐...
食完係到坐,, 但d人好似趕客咁死都唔幫我地針水... 勁衰!!!

傾到差唔多就賣單走人
諗住去睇下家寶生日禮物
點知有幾耐家寶就打電話泥話收工
我地迫埋拎左d白痴o既燈仔之後就搵埋家寶去再食多次飯

間cafe勁好笑,, 個set din 50幾蚊,, 但一杯野就要30幾蚊... 真係o咀
傾左d計,, 拍拖都幾慘...
但成日俾人管住真係好x慘
都唔明d人做咩成日要管住自己鍾意個人
咁冇安全感o既咪講囉,, 唔好下下管住哂啦
真係以為自己係佢個老公/老婆咩!!!

食完飲完去左世貿到去廁所,, 影左相
送埋家寶去中環就散水lu~

細佬打泥話尖咀勁恐怖... 又有人放臭彈又勁多人
都叫左佢地去睇戲嫁啦,, 又唔聽我講!!!

落左中環唔夠一陣就倒數lu~
都唔知發生咩事,, 就一下爆竹聲就聖誕~~ 好笑!!!
影左d相,, 今年冇許願咭寫呀....

去左皇后碼頭... 好多請願人士,, 警察同埋記者
果到好空曠,, 影左d相就返屋企lu~

成個人散哂,, 好累....
家姐真係好賤,, 問佢幾地西鐵冇車又亂答人
好彩我白白痴痴係南昌到走左出地鐵轉西鐵姐

好眼訓... 西鐵有艷遇...
都算個天對我不薄... 多哂~~~

生日快樂呀耶穌..........^^

>>December 30, 2006 at 5:28:33 PM GMT+8

2006 年 12 月 22 日星期五【陰晴不定】

.

P M X'MAS BALL

又係一年一度o既x'mas ball喇
想當年我第一個參加o既x'mas ball都係pm個x'mas ball咋
之後就係李城璧果個,, 真係玩得好開心
如果唔係x'mas ball,, 我諗我都唔會同班pm咁熟

同mandy負責跳舞
因為唔夠位,, 如果唔係實叫潘前斌泥幫手教

去到地鐵站,, 枉我以為我等緊一大咋人
原來我等緊o既只係mandy同亞也
好白痴,, 亞也係下面等,, 我係上面等....

冇等埋mandy就去左溫莎先
已經有幾個佬係到,, 同佢地玩層層疊
哇... 我竟然輸囉!!! 好唔開心~
但我都好奸詐咁托返實棟野當冇事發生過... hahahahah!!!

教跳舞,, 好好笑
matrix真係好可愛...
諗起果時郭將軍跳舞,, 好搞笑

教完個ball開始
個場係我地之前去o既大約一半
d人就一半都冇... 差唔多全場多過一半係p mates同alumni d人
都幾灰

玩左幾隻game,, 我基本上都係痴住mandy玩
之後教跳舞,, 教到3隻呀都,, good!!!
教完跳舞就開餐,, 阿包d雞翼好硬呀...
我食得唔多,, 飲左2包野飲呀,, 幾勁!!!

交換禮物section收到mini hidy o既禮物~~
係一個好可愛o既熊人公仔~~

收檔之後佢地做e 會
之後就一齊去許留山到食糖水
good,, 好味呀果毎多芒小丸子!!!

之後同女司儀energy (?) 一齊搭奪命小巴...
等左好耐,, 好累!!!

聽朝仲要bbq... 累爆!!!

>>December 29, 2006 at 1:10:55 PM GMT+8

2006 年 12 月 19 日星期二【炎熱】

.

生日派對 + 金鐘

今日認真多野做咯~~
因為唔舒服,, 所以冇同dear mami去跑步
所以一起身就好乖咁摺好左d衫

同mami去送飯俾老豆食
之後去左美豐買冷,, d冷真係越泥越貴呀!!!
同埋呢,, 原來我隻閃令令o既黑色冷仲有得賣喎
而家仲出埋閃令令白色,, 紫色同綠色添呀

去完美豐又返返去city到買蛋糕
點知打俾家姐問佢想食咩蛋糕之時
佢竟然話唔想食,, 係死都唔想食添呀
於是我同mami決定買自己鍾意食o既蛋糕就算喇
可惜o既係,, 我最愛o既cheese cake同tiramisu偏偏就係兩老最憎o既蛋糕
於是退而求其次,, 買左個一望就知好熱氣o既芒果蛋糕

拎住一大咋野,, 之後mami陪埋我去吉之島到睇下聖誕禮物
但因為冇乜手剩,, 最後買左幾個封套就走人lu~
直落去到日本城到買手套,, 因為家姐條白痴仔買左大碼手套俾mami囉
真係o 咀,, mami仲千叮萬囑話要細碼佢咁都買錯....-﹏-"

終於返到屋企,, 我就開始做我o既工作喇
畫下咭仔呀,, 整下禮物呀咁... 好累!!!
因為聽日就要見五星拿嘛,, 要快手d!!!

但真係冇辦法.. 因為今晚做金鐘,, 搞到我個心已經飄左過台灣
講真,, 佢十套有九套我都唔知係乜春
剩係識真命天女同埋愛殺十七
真係好長呀個頒獎典禮,, 但睇陶子都好夠本
佢o既talk show好掂,, 同埋我果時先知李李仁係artist泥嫁囉

到後來o既5566 都好好睇,, 係許孟哲唔知做緊乜囉....
不過都係一開場就頒獎o既ella係最奪目嫁~~
佢o既黃色小花裙真係好可愛... 仲有靚靚紅色高x鞋,, 正!!!
雖然拎唔到女主角,, 但真係好正~~~
佢o既身材真係wow wow~~

一路睇之餘,, 仲要幫家姐做生日
新歷過左,, 但舊歷仲未過,, 今日係慶祝舊歷生日
佢願都冇許呀!!! 真係那西都爆!!!!
但大家鍾意個蛋糕就真好喇~~~

睇完就繼續整咭仔啦
點知當我係msn到諗住同vava約下聽日o既時間o既時候....
只見五星一個一個咁加入討論
而最後結論係.... 我地係2006年都唔會再見喇...>﹏<

唔緊要啦,, looking forward to a beautiful new start丫嘛
五星戰隊,, 共同進退
一個也不能少~~ 一定要約哂五個出泥!!!

後來太眼訓,, 就同靚佬一齊共眠lu~

>>December 22, 2006 at 4:15:28 PM GMT+8

2006 年 12 月 18 日星期一【炎熱】

.

撈電視汁食飯

今日因為大姨媽o既再臨,, 所以冇出過門口
冇跑步,, 冇送飯,, 冇行街
好dry~~~ 成日係個電視前面

睇桃色蛋白質,, 有陳昇
估唔到佢係個咁仲意整估人o既明星
婚禮搵左佢都幾慘,, 野野俾佢玩新娘玩到應一應

後來睇埋東方流行風,, 見到vava個老公同個fd
仲有侯佩岑影相,, 勁靚!!!

睇左星夢馬戲團 (?),, 好好睇呀
睇親d表演o既野,, 無論係真人做定係卡通片都勁想喊勁感動
d畫仲好靚添呀~~~ good good!!!

直落睇埋放學ICU,, 好悶!!! 十級悶
於是又去有線到浮遊下
呢期成日見到KAT-TUN個新mv,, 估唔到KAT-TUN真係少左個人囉
西人真係冇係KAT-TUN生存喇喎,, 好唔知點咁
仲要俾田中聖上位,, 好似好夾硬泥

之後睇左聽聞好紅o既唱k小魚仙
哇,, d畫核突都算啦,, 仲要d配音員好似hea配咁囉,, 都唔o岩表情o既d對話
仲要用唱歌泥打敵人... 有d怪囉,, 搞到好似鬥難聽咁
我媽咪都睇到眼都凸哂

直落睇左陣有線
高朋滿座
爭霸
賭場風雲
友緣相聚
終於入房玩下msn

又話聽日開會,, 都冇人約我o既?!

>>December 19, 2006 at 5:31:49 PM GMT+8

2006 年 12 月 17 日星期日【乍雨乍晴】

.

消失的姨媽 . . . 再臨 ! ! !

十個眼訓
一堆喊怒
一對眼袋
真係頹住咁去跑步
但就因為好鬼靚o既陽光打落我塊面,, 即刻精神返哂
用左1個鐘跑去灣景再返返去西鐵站,, 好累

返到屋企沖左個涼hea多半個鐘就食早餐
lunch同mami送飯俾老豆食
因為mami係好多核突佬o既德華公園到送飯
所以我選擇左去銀行入錢
超,, 以為自己入好多錢,, 都只不過係填返前幾個月拎出泥o既錢囉

搵埋mami去川味,, 點知勁多人
於是走去city到行街買我要買o既野
頂,, 真係第一次d sales係咁係上面隊d衫俾你試
試到都唔知幾時先可以著返自己d衫出返泥
睇到自己著果個size真係嚇死自己

買完已經覺得自己有d唔妥
都唔理三七廿一去左川味食飯
食食下已經痛到冇胃口,, 第一次食唔哂兜野!!!
行呀行,, 行到mami都要扶住我咁滯
真係好唔掂,, 返到屋企喪嘔返頭先川味食果d野出泥
早知唔頂硬上啦

唉~~ 估唔到消失的姨媽只係一個海巿蜃樓
我都知冇咁筍嫁喇,, 尤其我係大姨媽之前仲要食咁多補血o既野
又豬潤,, 又紅棗,, 又雞湯,, 唔流鼻血都已經偷笑啦
今次大姨媽仲唔血流成河??

係張sofa到喪訓
訓下又去下廁所,, 去完又再訓
每次起身條腰都好似俾好多支針拮左千幾下咁痛,, 癲嫁!!!

同mami睇左神奇四俠,, 十個好睇!!!
真係好型呀!!! 尤其是噴火仔,, good 到爆!!!

dinner爬左足足七啖飯 + 送就繼續攤屍
真係唔知自己今朝跑果d而家係咪已經返哂泥
今晚有陳坤做o既爭霸呀!!! 緊係睇啦!!!
佢真係我覺得最好戲o既大陸演員
又好唱口又好戲,, 雖然唔算十萬靚仔,,
但真係o係我心目中已經係全大陸最靚仔o既演員!!!!!!!

今晚好辛苦... 早d訓..............

>>December 19, 2006 at 5:35:01 PM GMT+8

2006 年 12 月 16 日星期六【颳風】

.

好久不見

happy birthday to lovely ryuichi kun & catherine@sd!!! >333<

好遲好遲先起身呀~
一入廁所,, 嚇親.... 真係估唔到姨媽真係泥得快去得快
1日搞掂?! 咁做乜要草足半個幾月?!

晏晝個個都走哂
家姐去補習,, mami同爸b去工展會直落去埋奀媽到
得返我一個有咩好做??? ans. : hea

hea到差唔多3點,, 約左ck出泥
city真係熱到嚇死人,, 又多人,, 空氣極之唔流通!!!
同ck講返琴晚佢地同issac同吳鋒o既通宵k過程,, 真係好好笑
吳鋒真係傻傻地... 真係笑死我... 仲要話自己係支柱,, 真係好低b!!!
搞到我真係miss左d乜咁添!!!

行到阿娟終於電完頭髮,, 我地就係issac鋪門口等佢
好odd呀見到issac,, 我又驚佢嬲我喎
又怕佢覺得我係詐病唔去佢果個生日party... 唉~~~~

同阿娟ck去左大兜米食米線
因為喉嚨痛所以冇食最愛o既腩肉反而揀左雲吞同腐竹
食完就周圍行,, 行左去諗住買冷... 點知閂左門... 魚..........-﹏-"

行左去南豐行街,, 順便借隻眼俾阿娟睇聖誕禮物
其實買化妝品俾friend都係個唔錯o既idea~~

行到差唔多時間阿娟又走去補習
得返我同ck,, 行返去city,, 我真係想睇boots同長褲呀~~
仲有電話... 好想買電話,, 要開始搵錢先得喇... 唔準咁懶

返到屋企,, 好彩o岩o岩miss左一忽仔o既一公升眼淚
真係好慘呀,, 家姐一路係到話麻生同學好靚仔,, 又話佢學邊個木村o既招牌動作
對呢套劇個個演員都冇乜feel,, 剩係鍾意阿湖同埋個爸爸
阿湖好靚同埋,, 佢好少笑,, 所以覺得佢笑起泥好好睇

之後直落繼續睇,, 原來而家星期日會做project runway
睇到差唔多時間都訓lu~ 因為聽日約左mami晨早跑步!!!

>>December 19, 2006 at 4:40:13 PM GMT+8

2006 年 12 月 15 日星期五【微冷】

.

冇覺好訓

happy birthday to issac and my dear keita kun~~~

今朝真係冇得訓
9點半倒先沖好涼訓得覺
訓左唔夠半個鐘已經全身出汗唔知咩事
走出去食左杯熱水之後開始肚痛,, 都知差唔多時候嫁喇
係估唔到我唱到個通宵k,, 唱唔到issac個生日k姐...

繼續訓,, 冇幾耐家姐個同事就泥左整電腦
有時覺得不如我搵人整好過
我家姐差唔多每隔15mins就泥問我一次野,, 搞到我勁想死

我就咁訓下醒下就12點起左身
起身果時勁辛苦,, 個喉嚨又痛,, 個肚又痛,, 個頭又赤喎
於是又沖多次涼啦,, 出到泥覺得好累好辛苦
度下temp先知發燒,, 今次真係發財!!!
又m痛又發燒,, 呢d咪叫做考試之後玩過龍囉

起左身,, mami好彩煮左粥俾我食.. 真係醒目
成日mami同家姐都出哂街,, 得我一個係到典
好累成個人都... 好眼訓,, 但又唔想去訓

後來五點幾見到vava online,, 仲話o岩o岩起身,, 真係sweet爆
我就褸住張被係電腦前面唔知做乜好
又唔想打diary,, 又唔想睇人地d唔update o既diary

夜晚勁歌金曲都唔想睇,, 走左去有線周圍睇
睇埋個10x10演唱會,, 真係唔知小春做乜越唱越核突
仲有點解關楚耀豆皮o既???

睇完又周圍hea睇到差唔多12點就訓lu~

>>December 19, 2006 at 4:12:11 PM GMT+8

2006 年 12 月 14 日星期四【微冷】

.

sem break 開始 ! ! !

今日終於到左考試正日
因為冇乜記性,, 我5點幾就起左身溫書

返到學校,, 等齊五星我地就入去考試lu~
份卷都ok喎,, 起碼對於我呢個坐d望c o既人泥講都唔算難o既
2個鐘,, 我做左45mins已經做哂識果d,, 爭d要慢慢磨出泥
之後做多半個鐘,, 同vava打眼色走人

出到去,, 隊長已經係到
最好笑係carmen,, 已經返左屋企訓覺.....................-﹏-"
詩兒仲勁,, 做到雕哂花,, 搞到做足2個鐘先出泥... 哈哈哈哈哈哈哈哈~~

考完隊長一句 "而家已經係sem break喇!!!" 好high!!!
即刻去禁錢welcome今日o既洗錢之旅!!!

先衝出旺角食lunch,, 雲南米線,, yummy!!!
最好笑係vava同詩兒2兜米線唔知點解無lala變左齋米線,, 哈哈哈哈!!!

食完去左朗豪坊睇戲
睇左我最想睇o既沖出水世界,, 因為陳曉媛極力介紹丫嘛

買左飛就行街,, 入左間買首飾o既地方
令我記起同mami係青衣 [記錯左係荃灣] 撞到bosco
果時佢仲未好紅,, 因為我果時睇yes! 記得佢,, 所以一見到佢就嗌佢個名出泥
佢仲好nice咁望住我... 我真係覺得佢好靚仔呀果時!!!

講返間首飾店,, 好靚呀d野,, 但係冇樣o岩我
反而隊長就買左對情侶介,, 詩兒就買左條鍊... 又洗未來錢!!!

夠鐘就入場lu,, 我一路都以為主角係古巨基配音嫁,, 原來係古天樂
古天樂配到好似睇緊佢d戲咁... 真係堅係佢d 性格咁囉
最好笑係我地4個每逢見到果d 鼻涕蟲就會嗌餐死
仲有最爆o既yumiko畫面!!! 哈哈哈哈哈哈!!!

好好睇!!! 考完試應該睇呢d咁開心o既戲
好彩都冇介紹錯!!!
有d戲我真係唔明點解自己會入戲院睇嫁...
好似騎呢大帝呀,, 常在我心同埋.... 地海傳說... 真係好爛!!!

睇完戲又行左陣,, 行埋去東京銀座~~
原來阿蛇個男朋友係果到開左間鋪喎,,
仲有好多好多好摺o既明星係果到開左鋪
好似jackeline姐姐啦,, 梁芷珊啦,, 麥包啦,, 仲有揚言要整容o既吳文忻
如果覺得dry o既不防去果到行下,, 個個sales女o既索,, 男o既型!!!

之後行左潮特,, 見到好多大根呀,, 原來佢家陣咁hit!!!
行行下仲睇到四星bb仔電話繩呀~~ 點知剩係差我o既綠色囉

一行街又好掛住條黑色褲喇.... 幾時先買到呀?!
同詩兒睇銀包,, 2次都俾人瞭講野,, 感覺好唔知點咁
死啦,, 唔通我真係阿娟係form2果時講中果d人?!

上左茶禪,, 次次我地入去冇幾耐就會full house

我地入去嗌左野食,, 終於carmen都出返泥喇!!!
食完野大家又打麻雀
呢個時候,, 突然有個痴線佬殺左上泥苶禪喎
佢真係曳尖過皇帝呀
又要問人地用咩咖啡豆泥沖,, 又話一定要用咩方法呀咁
最過份係佢見差唔多d咖啡煮好喇,, 佢即刻仆埋去話要用d 耐熱d o既杯囉
又問老闆娘係用咩糖喎,, 又話一定要用焦糖唔可以用砂糖
真係好x煩呀佢!!!

打麻雀打到癲左... 喪話vava煩,, hahah!!!
一話佢煩佢個反應真係好好笑....

打完麻雀我地又畫下咭,, 會貼係茶禪個門口嫁~~
原來個個畫畫都咁叻,,
carmen畫o既小新,, 隊長畫o既小露寶同埋vava o既小丸子都似呀
[對唔住呀詩兒,, 因為我唔知你畫果個女仔係咩泥嫁...]

畫完我地又傾左陣,, 傾多陣就走人lu~
因為都差唔多11點,, 就去影貼紙相
我地真係好鬼屎呀,, 用左$120都未識用人地d機囉
最後影左3部機就走人lu~

不過都影左好耐,, 畫o既過程係最開心o既
中途mami打泥,, 呃屋企人o既感覺真係差

落到樓下本身話俾人許願o既人都收哂工lu~
我地就慢步過去旺中neway
間房比起上次真係細左一倍,, 完全冇發揮o既餘地
想話踩下上sofa都難啦,, 更何況跳舞?!

好開心唱左好多歌,, 連好耐之前婷婷教我唱o既 "我要你每夜陪住我" 都唱左
仲唱左飛輪海同埋陳豪呀!!!

差d唱到n'sync o既 "it's gotta be me" 嫁喇,, 但因為個mv實在太難頂喇!!!
冇乜high歌,, 因為真係high唔到...
今晚amazingly係得半個千嬅咋... 真係估唔到...
不過好開心有城城o既xxxx la la la... 好得意呀佢!!!

大家唱到喉都沙,, 隊長就.........唉~~~~~
搞到vava連佢o既至愛王傑都放棄左

睇完去左m記食早餐
好on居咁行去新世紀再行返去銀行中心
食左個扭扭粉,, 大家為幫我一圓謊話,, 再幫隊長解困
一講就講到8點,, 真係堅!!! 唔洗怕咩冇車啦

同vava行左去對岸搭巴士,, 我就緊係搭30x / 234x la
仲搭地鐵咩.. 真係方死自己唔會訓...

返到屋企沖埋個涼就訓左落mami張床到lu~
mami張床真係好舒服呀~~~~~~~~~~~~~~~~~~~~~~~~~

>>December 29, 2006 at 11:15:14 AM GMT+8