2008 年 7 月 22 日 星期二 【酷熱】

.




前幾日梁朝偉同劉嘉玲終於結左婚
劉嘉玲終於成為梁太lu

呢2公婆我點望都眼係有d唔平衡
眼係覺得... 劉嘉玲真係好老
同埋佢果鍾處之泰然o既態度真係好似阿媽
所以當我見到新聞
偉仔話 "邊有人好似我咁幸運嫁"
真係嚇親我
睇唔出佢咁鍾意劉嘉玲

不過
究竟有幾多人可以好似佢地咁
行左20年
仲要生活o係一個咁多誘惑o既地方
但依然都會認定對方係行埋下半世o既終生伴侶?





我本身以為我呢對朋友會一直到永遠
但估唔到最近佢地分開左

佢地俾我o既感覺係佢地之間好有親人o既感情
佢地唔單只關心對方
仲關心佢地o既工作環境,, 家人
除非已經一齊一段時間la
otherwise要做到呢個階段應該都要好深o既感情

但最後佢地都係分開左






我地總會話阿邊個襯唔起阿邊個
但感情呢家野堅唔係1加1等於2
原來我地睇死俾人飛果個
最後可以係做飛人o既狠心角色

真係令人毛管棟
就好似睇緊鬼片咁
原來鍾意一個人o既心情可以變得咁快





聽人話
只要一去到社會大學
2個人之間o既感情就好容易有變
因為面對o既係更多誘惑
同埋更多唔同o既話題

社會大學就好似佛地魔咁
就算你唔埋佢身佢都會殺埋身
之後傷害你傷害你屋企人傷害你健康
令你鍾意o既人離開你
逼你同你唔鍾意o既人一齊生活
仲晚晚折磨你等你發惡夢甚至冇得訓做通頂





在學中o既你
又拍緊拖o既話
要知道原來上堂冇得坐埋一齊唔緊要
唔同一班唔同一間學校都唔緊要

原來係大家o係唔同地方返工
先係最危險最恐怖

>>July 23, 2008 at 4:25:27 PM GMT+8

2008 年 7 月 19 日 星期六 【酷熱】

.




琴晚同susana去左睇劇
又去左食仙跡岩個呃人拉麵
根本就係公仔麵
扮乜鬼野拉麵丫...

個場刊好靚好dum本...
同poster一樣
一望就認得出水樽個身影

基本上睇個陣容我都十分之咁appreciate
好似好吸引咁
個故事亦唔差
加上編劇o係人物d名到花咁多心機
我覺得好似睇緊d小說咁

d演員都唔差丫
做得好好睇ga
只係當我知道阿濤原來係代表 "sex impulse" 時
我就覺得佢身上面果d肉色o既頸巾同埋波波好 "意淫"
同埋中途發現陸靖d指甲油... 點解要扮人妖打排球...

同埋最大問題係... d light同sound真係...
令我感覺全晚最爆係阿濤果下 "下!!!!" 真係勁大聲







今日乜都冇做o係屋企hea
本身想去cwb到睇bra
最後都係退而求其次去左吉之島買算喇...

怒download電話d java game
download到monopoly玩,, 超正!
仲有麻雀打... 雖然short short地... -_________-

聽日屋企冇水... 又無聊一日

>>July 20, 2008 at 4:09:43 PM GMT+8

2008 年 7 月 16 日 星期三 【乍寒還暖】

.



今日無所事事
冇游水冇行街冇睇電視冇開電腦
剩係怒睇赤川次郎
見到自己連續幾日日記都寫「赤川次郎」呢4個字都感到厭卷

夜晚去左搵三添的仔女
其實都係susana 阿里 阿豐同埋霆鋒

真係唔知佢地發生左咩事
至從我地34屆 (好唔慣用呢個term)離開佢地
佢地就好似痴哂線咁
勁麻甩勁變態囉
成日用d term都要我update過先知佢地up緊乜

果時就係咁講fing bra
之後聽過嘍囉... 到而家o既強姦
下次阿草聽到佢地咁講野
又會話我教壞哂班細路喇...

話說佢地話有個freshman同阿里道歉
道歉內容竟然係「對唔住呀阿里,, 我冇強姦到susana呀...」
哇!!! 乜d freshman咁狼死嫁...
原來所謂o既「強姦」係講緊「用意淫o既字眼去玩人」...
o 哂咀

坐o係阿豐對面真係食啖飯都難落格d嫁
係咁搞gag... 仲有佢d死人笑聲呀
真係同ck kayan有得揮
但都感謝佢嗌我一聲「索女」o既...

susana無lala隊左幾張咭俾我地4個
我初時以為好似d福音報道會咁...
原來係 "invitation card"
仲要係 "birthday party invitation card"!!!!
真係好有心機呀!
至從冇去m記慶祝生日之後
我都冇收過invitation card喇
好想去呀!

不過希望到時我唔會同班男人係咁爆d核突terms嚇死班女仔la -________________-

>>July 17, 2008 at 4:40:42 PM GMT+8

2008 年 7 月 15 日 星期二 【雷雨】

.




琴晚睇左殺神特工
本身係為左睇angelina jolie o既
但個個都話我知佢冇乜shots同埋套戲唔好睇
所以對佢都冇乜期望
只係冇諗過套戲咁鬼暴力姐

個男主角勁似tobey
2個人d戲路激似

我地去左女人街到食馬拉野
平平地又幾好味
個龍眼冰簡直係掂
但我學會檸茶入面o既檸檬可以篤
但龍眼冰入面o既龍眼萬萬不能篤
篤完真係好甜
甜到好似同緊100個周杰倫拍拖咁

o係旺中撞到susana
竟然劈頭第一句係 "你塊面做咩呀"
好hurt囉
長大o既女就係潑出去o既水
-______________________-






今日終於的起心肝去還書
一堆赤川一堆韓文書
再咁睇落去我驚我去書展會破產
早知學上年咁迷漫畫好過迷書囉...

還左4本,, 又借返2本返泥
無聊人做無聊事
真係一見人地擺本周杰倫上櫃我就轉頭即刻拎返落泥

同娟and ck又行左一陣
之後就返屋企睇甜言密語
原來我miss左幾集喊戲...
但今集真係好touch好喊...
我終於明白點解阿里會咁鍾意馬國明
佢皺眉頭個樣真係好似小朋友

沖埋涼急急腳開始睇我o既赤川次郎lu
因為想今個月快d搞掂埋個爽香系列
咁8月我可以專心睇下漫畫咁囉

仲未有工請我呀
點算?

>>July 16, 2008 at 5:30:22 PM GMT+8

2008 年 7 月 13 日 星期日 【乍寒還暖】

.




太陽伯伯終於出泥喇...
真係好天都唔恨

一朝早見到baba仲訓o係床到
"e? 點解佢唔洗返工o既?"
原來架車拎左去整
唔怪之得琴日問我去唔去swim la
可惜我實在太想買部新電話
最後都係date左ck出泥

終於買左電話喇!
今晚充埋電
我聽日就會乖乖入返大家d電話入去
咁唔洗乜水打泥都 "邊位呀?"

由於電話失靈
前幾日收到幾個sms都miss哂...
唉...

之後同ck去左行又一城
其實主要係想自己可以行summer風
想去H&M到try下有冇d o岩洗o岩用o既背心仔玩下
皆因呢幾日都著tee落水都幾濕滯
又唔想side錢再去買過件泳衣...
真係shit

試左條都幾formal o既one piece
同ck一試完都不停讚嘆 "好靚呀!"
但好想講...
"我一個人,, 真係拉唔到條拉鍊..."
都係練多幾年瑜伽先可以自己拉到背脊條鍊lor!

但最後都係冇買
不過行得我都幾開心

食左久違o既小雨天
好辣
但同時有不同o既孖煙通o係我面前行過
最正都係最後果位levi's 波點
男人之家條under搞到咁都算姣喇

葵芳繼續行
可惜都係冇收穫
好想買返對拖鞋or涼鞋.....
仲有我o既帽同超呀....

不過諗返轉頭
人地kayan同ck就話去oversea要黑超姐
我買副超,, 真係唔知買泥做乜
唔通真係買副超返泥cosplay張繼聰咩...

返到屋企睇舞動奇跡
次次睇人俾人out出局then全部人係咁喊
我都會跟住喊...
湯盈盈同佢partner終於out埋出局
估唔到洪天明同馬國明仲有得留低
不過下星期應該都係佢地2個其中一個嫁lar

聽日再出街
睇殺神特工! yoho!

>>July 14, 2008 at 6:08:17 PM GMT+8

2008 年 7 月 12 日 星期六 【晴】

.




今日天氣好好
本身諗住去游水ga
但全家都唔理我dum低我一個o係屋企

一次過怒cher赤川次郎
爽香系列已經由佢國三睇到佢而家大三lu
大學二年級o既爽香同明男終於分左手
咁o岩果時mtv台播緊楊宗緯首「幸福的風」
估唔到我睇懸疑小說都睇到喊

買左應該有半年o既周杰倫演唱會終於o係今日睇得lu
真係high翻了
同家姐不停咁嗌呀嗌
好彩隔離屋冇投訴姐~~
開心到癲
台灣個場真係大過紅館好多好多
但比起香港現場就少好多野
起碼冇左杰倫教我地唱雙截棍果part先la =]

手提又壞左
點解可以唔見又壞埋...
o 咀...

>>July 14, 2008 at 5:54:21 AM GMT+8

2008 年 7 月 11 日 星期五 【乍寒還暖】

.




琴日唔記得寫唱k趣事
mainpoint係ck俾大龜搞high左
仲要high到申哂利...
that's all







今日一返到去見到某同學
都知今日冇運行
已經即刻sms俾gloria埋怨一下

cynthia唔記得轉左時間
不過都係等左半個鐘就開會lu
其實老師講o既野我都好鍾意聽
尤其是d老師願意細group discussion形式咁傾計
耐何o係我頭腦極之不清醒下
聽左missy一堆唔知係故事定係道理o既物體後
我個腦只係浮現2個句子
1. 我完全catch唔到
2. 幾時先講完?

missy問左幾次 "你地話係咪先" "咁講o岩唔o岩先"
但我都未知佢呢d問題o既主角究竟係乜

interview呢家野真係試過先知難
d問題真係繞口慘手... 問完都唔知自己問緊乜







開完會d黑仔野就陸續咁泥lu

首先
我地就出左去新世紀
詩兒想買白鞋星期一出ward
試完之後又搞左一輪後
"唔好意思冇貨,, 或者我幫你睇下其他分店有冇貨幫你keep住丫"
無奈詩兒只好繼續心驚膽跳
擔心有冇白鞋出ward多2日la

then
去左風月堂食dinner
對於一切非我偏食族類o既食物
我對佢o既煮法要求都較簡單
只要o係我肚餓時泥一碟大碟d o既
凍果時泥碟熱d o既
口渴果時泥碟淡 d o既就ok la
但唔知係想趕我地走定係點
幾碟野都好細
不其然同隔離個太太比較一下
點解人地果碟大碟咁多我地奀咁多?

個甜品簡真係... 我覺得佢應該係light diet lor
得一件cake仔... 注意... 唔係cake,, 而係cake仔... 但要成$40...
我地5個好似難民咁將個煙盒咁上下大o既cake仔切成5份
一人食得一條cake 仔... 真係勁乞衣...

then
我地就前往潮特買鞋
誰知因為我一個無心插柳就一齊去睇keroro
去左mk百老匯睇,, 佢連keroro張poster都冇
於是行返去朗豪坊UA睇
keroro最後果場o係半個鐘之前已經開始左...
諗住轉移目標睇功夫熊貓la
點知佢最尾果場o係幾個字之前亦都開始左
抱住2008奧運精神o既我地
不屈不撓又走返去mk百老匯望下有冇功夫熊貓睇
yoho~~~ 9點幾有一場!
我地即刻走埋去排隊買飛la
真係連個天都唔鍾意我...

竟大然
得返3個位囉
多哂! =________________________=

then
放棄睇戲o既我地繼續去潮特出發
因為隊長要幫人買brikenstock
點知上到去... 冇左果個款...
真係可以黑到咁...

then
去到朗豪坊
有人o係到玩疊啤牌鬥高
真係人輸真係唔好亂咁手指指
隊長係咁二指下,, 人地疊左好耐o既3層就咁仆直
唔信邪轉頭又再指
哇啦一聲人地果2層又跌哂落泥
唔知真係以為我地變魔術...

then
行完又行行完又行
見累咪去許留山又坐底食個糖水囉
多芒小丸子... 芒果唔覺好多... 仲少過以前
同埋d小丸子... 睇泥係 "少" 丸子囉... 十粒都唔夠
應該同dinner果餐一樣係想我地快d食完快d走
確實我地都好快食完,, 仲好快收埋我地碗
正當我地食完想話傾計姐... 個阿姐唔知係邊到sip左埋泥
"唔好意思呀,, 你地願唔願意讓張檯出泥呢,, 拿你知la,, 今日假期丫嘛,, 好多人等位gaaaaaa...."
佢一lun咀咁講佢d理由趕我地走
趕我地走唔緊要,, 但當我地唱散紙時佢竟然一句
"我自己都唔夠用呀~~"
真係... 痴能線







好掃興囉今日
好彩冇俾隊長tum到去唱k
otherwise可能3點幾俾人o係k場踢出泥都似
真係好黑仔好黑仔!

聽日一定會好天o既!

就泥m完喇
最近的好友swimming pool... 我地又可以見面喇 =]



好恐怖呀
我琴晚先睇完貞子
今日佢2個就幫我影到d面容扭曲相喇...
嚇死我呀~
枉佢2個仲笑得咁開心!



影得唔係好clear o既餐單
其實風月堂d野食都值得一試
佢個炒烏冬同埋朱古力香蕉多士好好味!



on居的我自己一個衝過馬路
寂寞的x然回首... 那4星卻在燈火欄柵處...



好搞笑
睇唔睇到鏡入面渣機o既詩兒??



雖然係影左張冇隊長份o既
但擺得上diary
我點敢唔擺你丫



終於
五星都約到出泥喇...
呢個暑假唔知幾時又有得見呢?

>>July 12, 2008 at 7:38:58 PM GMT+8

2008 年 7 月 10 日 星期四 【溫暖】

.




呢2日潤潤病左
冇得開冷氣之下我唯有出廳開風扇訓

2點幾諗住訓
點知個天都唔知係咪玩野係咁行雷閃電
又光又嘈都唔知點訓
碌到3點幾都訓唔著
於是走返入房諗住熱都唔理喇... 起碼訓住先

唔知係咪前2晚o係床到發現小強o既經歷
搞到我成晚身痕咁look左好耐都訓唔著
起返身點蚊香
又強行將個大風扇拎入房
最後5點幾睇住個天光先訓著

奈何今日又約左唱k
最後10點幾起身... 訓得果6個鐘都冇
預左d人遲到所以我都走左去manning都買左con水先去

唱k真係越泥越冇歌好唱
因為... 真係冇乜歌好唱
我而家識d歌d人個個都唔識
香港歌手d歌又難唱... 同埋眼係有種厭惡o既感覺

唱完k去左大龜屋企打牌
一泥就輸左$50
由ck補上都係咁輸冇停過
大龜都冇放過ck.. 不斷咁迫佢埋牆

不過今日我最大得著係終於睇左午夜兇鈴
呢套戲曾經令到我大膽o既家姐睇完返泥
沖涼要開住門沖... 訓覺要訓入面唔訓出面 [當時我地2個訓雙人床]
仲話 "我驚訓覺果時有人抆我隻手"
基於好奇心,, 一向唔睇鬼片o既我一直都好想睇呢套野
但我又唔敢睇喎
今日終於有成村人陪我睇
我仲唔把握機會好好睇左佢?!

或者真係有人陪壯左膽la
加上我其實唔係幾跟到套戲個flow
所以都唔算太驚
仲有專人cue我話我知 "拿... 睇住喇... 泥料喇"
等我遮定一邊眼先咁先冇咁驚

其實貞子都幾慘
佢只係天生有奇怪o既能力
所以就要俾人殺... 真係好慘

打完麻雀輸清光
食埋飯就返屋企lu

睇疑情別戀睇到一舊舊
唔明點解dick會對湯盈盈 "因愛成恨"
my god

返到屋企怒痾
唔知係咪俾餐廳隻老鼠落左藥
係咁痾完一坐返o係sofa又走去痾過
起碼咁樣來回左4,5次
真係想搬埋部notebook入去邊痾邊打算喇...
真係痾到腳仔軟

今晚又行雷閃電
點訓呀大佬... 俾d面好喎.......................
聽日又係要早起... 要返學校開會囉...

>>July 11, 2008 at 6:25:45 PM GMT+8

2008 年 7 月 9 日 星期三 【乍寒還暖】

.





祝花美男希澈生日快樂~~ =]
祝巡迴演唱大成功!
莎朗嘿唷...................... [sweet]







琴晚約左好耐冇見o既舞蹈咀bb出泥食飯
好歹我地往時都叫做以darling honey泥相稱過丫 hahahahahhahahha!

聽佢地講今年個dancing competition真係好正
又可以唔洗跳西方舞
仲要我咁多年都未聽過舞男會頒俾舞蹈咀外o既人
不過睇完張to影返泥段片
果個男仔真係好正~ 當然burger亦好利害
2個男仔上去跳舞孃真係無比o既勇氣
又扭又fing
假髮小背心短裙仔乜都齊
好盞鬼外,, 佢地咁用心去練呢隻舞真係好令人佩服!

蔡文同rainbow果隻舞都唔錯wor
正呀呢個 「RJ」組合

成晚都傾得好開心
舞蹈咀確實係一個充滿是非o既地方
當然o係我果個年代都好多la
不過而家都只係大家茶餘飯後o既笑話一側
而同檯o既呢班師弟師妹亦冇被同化
抽身離開之後都仍然係咁單純可愛... hahahahahhaha~

張to真係好多笑point!
佢o既「迷失時代」...
仲有「你有咩好快d講喇,, 等陣______ 泥左你就收皮喇!」

正日最正o既gag係蔡文....「你係我o既命根」!
遲d o係荃威再見到d 遛鳥俠可能就係蔡文!
今日仲幫2個「好朋友」改左d sucking 花名
多得我個死人耳仔聽錯哂... hahahahahhahahah!

佢地考AL考得唔錯呀~
蔡文林鳳都好叻仔叻女呀!
聽埋陳豪個成績我簡直係o 左咀...
勁喎o靚仔~
聽聞有人仲中化straight A.... 嚇鬼囉~~

原來青春o既男仔d疑問真係好好笑ga!
question 1: 點解女仔pee要抹o既?
question 2: 一塊m巾可唔可以吸到一篤尿?

question 2 基本上即使用過m巾都唔會知
因為應該冇女仔會o係m 巾到 pee
但根據各大衛生巾品牌o既廣告
咁大杯blue liquid都吸到
應該都吸到一篤尿o既~~

傾到11點半
真係好想繼續傾落去
可惜fifi要返工丫
期待26號之約!
咪甩底呀!

>>July 10, 2008 at 4:42:05 PM GMT+8

2008 年 7 月 6 日 星期日 【乍寒還暖】

.




都唔見左電話近2個星期
因為祈福糜爛o既生活
令我根本冇motivation去出返部新手提
除左ck 同 kayan 2個之外
基本上每個人打泥我都係果句 "你邊個呀?"







前排同mami入場睇hancock
又係一套為追星而入場o既電影
will smith實在太型
可惜佢身謂o既大膽演出不見任何肌肉
只見佢黑溜溜的patpat

睇完又記到2句對白lu
"ass-hole~" 同埋 "good job!"







慶祝金仔生日唱k
見返好耐冇見o既李城璧眾親朋
ck 大龜 嘉堯 金仔 simon 射wing 吉 同kachi
基本上好似得我同大龜係想泥唱k
支咪都好似冇乜離開過咁

可惜冇下場
真係好耐冇去過大龜屋企
同埋真係未試過同呢班茂利打牌!







有冇睇金曲獎呀?
我睇左個尾咋~
不過睇到tanya拎獎我又想喊喇
前年又係咁... 睇佢拎女歌手勁想喊
加上今次佢隻碟係因為同男朋友分手先作到出泥
所以覺得原來心情起伏真係可以有助藝術創作!

後來睇返重播先知周杰倫係成晚o既大贏家
恭喜哂呀baby~
同埋... eason果套西裝咁似賤精先生果套o既?
拍完戲拎去做演唱會再拎泥頒獎禮著
好慳喎~

即晚就發夢夢到周杰倫
ohohoh~~ 不過佢真係一個只能遠觀而不可x玩o既idol
我連發夢都只係夢到做佢fans o係台下嗌咋...
邊似得以前夢到同idol行街睇戲食飯丫...







好耐冇睇xg去update下la
聞到成陣火藥味

講真丫
玩咁多年社際我都試過唔開心過
但每一次我o既槍頭多數都係向外

低form果時會因為輸左唔開心
之後見到隔離社d人拎獎就自己圍內係咁 "cher,, 做馬o既~"
到左高form果時會因為又要練高form又要睇低form
屎忽痕又跳埋自選搞到心身疲累而唔開心
做主席果時最唔開心
係因為d人唔聽我話,, 唔跟規距

我記得果時跳自選
有個step我地點都跳唔到
後來由朱叔同卡文改左變成一d好簡單o既step
大家跳得開心之餘又唔辛苦
上到台又唔會核突甩咳
何樂而不為?

其實台下只有楊sir知道d西方舞step本身係點
如果改到簡單d大家都跳到
上到台咪可以少樣野擔心囉
如果咁多人得一pair人做到又有乜為?
叫得群舞就係大家一齊跳先叫群舞嫁ma
因為一個人o既執著而跳d會令大家辛苦o既step有乜為丫...

預左拎唔到獎o既話
咁唔改step... 就大家練得好辛苦但拎唔到獎
改左... 大家就可以舒舒服服咁跳... 最後咪賴話冇左果個step所以冇獎囉
真係改又死唔改又死...

或者真係我地太低要求... 哈哈哈哈哈哈哈哈哈哈哈
我高form我都剩係跳polka咋嘛... ahahahahhahahah!
真係簡單到唔恨... 吹脹

>>July 7, 2008 at 6:54:05 PM GMT+8

TVXQ - Love is... 廣告 讀者留言 |  路人留言   | 唐生d歌真係好好聽law! *v >>February 17, 2009 at 12:13:16 PM GMT+8 D故事可以向邊睇到架? >>February 17, 2009 at 6:12:33 AM GMT+8 今日條賤人聽到有學生要考TPC >>February 12, 2009 at 5:12:05 PM GMT+8 今日向日經被放逐一個半鐘頭睇紅白 >>February 10, 2009 at 4:11:56 PM GMT+8 我地ward都一樣有歧視scho >>February 4, 2009 at 4:35:50 PM GMT+8 仲有一日假期就完 <br>好好享 >>January 27, 2009 at 3:03:13 PM GMT+8 個老闆娘唔係話 <br>"唔怪之 >>January 2, 2009 at 3:54:16 AM GMT+8 jj，你有冇睇錯? <br>我冇 >>December 9, 2008 at 4:48:34 PM GMT+8 我o個人講野，真係咁有智慧??! >>December 4, 2008 at 5:47:17 PM GMT+8 The new hair sty >>December 3, 2008 at 2:33:29 PM GMT+8 哈哈哈哈........ <br >>November 8, 2008 at 2:14:08 PM GMT+8 I can't imagine >>October 30, 2008 at 6:24:29 AM GMT+8 JJ, <br> <br>我地今 >>October 11, 2008 at 5:05:15 PM GMT+8 你應該做埋代購 <br>隻隻扣都 >>September 21, 2008 at 3:56:14 AM GMT+8 TMH... 哈哈哈哈哈哈... >>September 8, 2008 at 5:58:18 PM GMT+8 哈哈 <br>你側邊d相我試過停 >>September 5, 2008 at 7:03:42 PM GMT+8 絕對同意... <br> <br >>August 11, 2008 at 10:06:33 AM GMT+8 wa... <br>原來你首 b >>July 24, 2008 at 11:27:15 AM GMT+8 JAYJAY，估唔到你會去我XA >>May 22, 2008 at 11:49:07 AM GMT+8 ME too... <br> < >>April 29, 2008 at 8:50:51 AM GMT+8 如果 <br> <br>我唔理大 >>January 30, 2008 at 4:48:50 PM GMT+8 無他既... <br>鬼叫o個個 >>January 28, 2008 at 7:55:04 PM GMT+8 我今日都係咁溫日文呀... <b >>November 27, 2007 at 4:51:38 PM GMT+8 你無事嗎?傻婆!!我同你都經歷過 >>November 7, 2007 at 7:40:51 AM GMT+8 都唔好玩既,俾你估到我係邊個ti >>October 2, 2007 at 3:57:18 PM GMT+8 雖然入迪士尼好似用錢買快樂 < >>October 1, 2007 at 1:34:32 PM GMT+8 真係無諗過...好耐無睇過你日記 >>September 28, 2007 at 3:42:49 PM GMT+8 真係對唔住呢... <br>我諗 >>September 7, 2007 at 3:45:37 PM GMT+8 買呀!年票係今年必買呀!!! >>September 1, 2007 at 4:45:01 PM GMT+8 錢錢? <br> <br>哈哈哈 >>August 27, 2007 at 12:12:02 PM GMT+8 ar~ 我見到la 【私奔到月球 >>August 21, 2007 at 12:18:50 PM GMT+8 hi jj~ 路過的 你blog >>August 21, 2007 at 12:14:33 PM GMT+8 halo, jj~ <br>so >>August 7, 2007 at 2:15:00 AM GMT+8 今次bg 好靚呀!!! =] >>July 31, 2007 at 6:03:31 PM GMT+8 真羨慕你有個快樂placemen >>June 25, 2007 at 5:57:59 PM GMT+8 jj,知道anna係好人真係令我 >>June 21, 2007 at 3:59:13 PM GMT+8 Jayjay <br>加油呀~ >>June 12, 2007 at 4:21:55 AM GMT+8 你去student page 咪 >>June 11, 2007 at 5:45:25 AM GMT+8 今日search自己個名 <br >>May 29, 2007 at 7:20:26 PM GMT+8 幫我整個logo阿!!得吾得>? >>May 3, 2007 at 1:47:07 PM GMT+8 哈哈哈 <br> <br>有咩唔 >>May 2, 2007 at 4:44:46 PM GMT+8 Nevermind ar! BA >>April 17, 2007 at 3:43:42 PM GMT+8 起碼o係我唯一一次叫到你地泥睇之 >>March 30, 2007 at 5:28:29 PM GMT+8 第一次留言。 <br> <br> >>March 9, 2007 at 6:01:34 PM GMT+8 我唔番學係因為我連企起身既能力都 >>February 13, 2007 at 7:15:06 AM GMT+8 咩心事呢... <br> <br >>February 5, 2007 at 7:12:18 PM GMT+8 你睇套DRAMA 咁多混合體既. >>January 15, 2007 at 6:40:20 PM GMT+8 SZE2 在看jj 日記 <br >>December 13, 2006 at 4:46:47 PM GMT+8 竟然俾vava旱我一步讚你個ba >>December 13, 2006 at 4:29:51 PM GMT+8 好靚呀! <br> <br>但係 >>December 12, 2006 at 4:47:19 PM GMT+8

人氣: 72249

Design & Scripting by ShowHappy.Net