|
2008 年 8 月 11 日 星期一 【晴】
.
哇
今日勁好天呀!
可惜我冇出街
因為一大籮奧運賽事等住我
一朝早就爬起身睇michael
因為佢話要拎8個金牌
我就dayday一早起身同佢數住
佢上一屆一樣報呢8項,, 有6金2銅
果2銅就係4x100 free style 接力 同埋200 free style
所以見佢琴日拎左接力冠軍佢開心到丫
今朝再睇埋佢200m free style輕鬆壓住條WR線泥游
真係好勁
聽日佢又會拎2個金牌喇
4x200 free style 同埋200 蝶泳
勁緊張囉!!! 加油呀michael!
上年佢就係用呢個笑容殺死左我喇...
或者因為呢個係上屆拎銅牌o既 200 free style la
佢真係好難得咁俾d笑容出泥喇~
琴日佢游4x100m 時....
今日佢游200m free style時...
點解你係要一邊整味鏡一邊整樣呢...
so cute~~ =]
好彩kayan叫我睇體操
實在我對男子體操冇乜特別興趣
我諗對於中國人泥講呢個「第10面金牌」真係好特別
偏偏要係男團體操拎返失落8年o既金牌
我見到劉威喊到... 哇... 仲有李小鵬呀...
下一屆就唔會見到呢2個人lu...
haha... 原來果個幼齒叫做鄒凱
同鄒凱光差一個字... 個physical image差咁遠o既.....
你睇在場幾多人支持佢地
企哂起身lor!
奏國歌果時佢地唱得勁大聲!
望唔望到呀!!!
佢右手近手爭果到個傷呀...
真係係咁飛d血出泥... 好恐怖!
晏晝我緊係有睇basketball 中國vs 西班牙 la!
基本上我已經冇接觸NBA好耐
所以我連西班牙果邊有條友係kobe o係lakers o既partner都唔知囉...
雖然係本住「中國都會輸嫁喇...」o既心態去睇
但由第2節佢起竟然意外地追返上去之後
仲要拋離西班牙成10幾分... 我真係覺得國家隊好型好勁嫁
even我之前係咁話「成個阿叔咁...」o既王治郅都勁型!
係咁喪射我最愛看的三分球
仲有果個朱芳雨... d三分真係百分百中咁滯!
可惜後來西班牙唔知係咪食左爽朗
suddenly成個人精神哂
係咁偷波... 又係咁快攻
仲搞到ym 5foul離場... -__________-
ym果個兇狠樣我到而家都仲記得
睇到72vs72平分加時
睇到我心跳勁大聲... mami 坐o係側邊都話我「你心跳好大力... 我都feel到」
緊係la!
同一個世界同一個夢想丫嘛
更何況我同國家隊係同一個國藉??? 緊係想贏la!
雖然最後加時都輸左... 但我覺得睇左今日場波
我真係泥越鍾意易建聯呀!!!
仲有果個孫悅聽聞以後會係kobe o既partner...
但佢... 唔洗3秒已經2個吹foul 喎...
加油la~
易建聯送波入籃...
下面果個洗唔洗咬腰咬咁盡呀.... -__________-
緊接o既 US vs 安哥拉la
不過又疊住我勁想睇o既當狗愛上貓喎
所以o係明知 US 會贏... 加上kobe 又冇乜落場底下
我都只係廣告禁過去望下
死la... 安哥拉d 人seems 勁過國家隊咁
好彩聽日冇波睇
唔係我個心又死好多細胞...!!!
looking forward to 後日... 中國vs 安哥拉 and 希臘vs US...
佢係咁挫樽入樽爆樽囉!
當然我都係負責叫囂o既其中一個la =]
呢排電視好似不斷咁迫你喊咁...
加上我呢排根本離不開部電視
望到d運動員... esp 國家隊拎金牌喊...
我就勁感觸
今日明明冇睇到男團體操
望到李小鵬果2滴我又已經泥料喇...
後來睇籃球國家隊臨尾香又... 有d想喊...
之後睇當狗愛上貓
根本已經係喊出泥
tvb 好心你簽返羅嘉良做長約演員la
雖然馬德鐘同三哥都好型
雖然劉松仁都好好戲
雖然謝天華跳舞好勁
但... 其實我已經望佢地望到厭喇...
俾羅嘉良返泥... 或者重播下佢個mr.diana... 止下渴丫..
睇新聞都知
有人打去電台話2位英勇殉職o既消防員蕭永方同陳兆龍
係因為將自己o既氧氣罩俾左個人用
雖然未經警方證實
但無論咁樣做果個消防員係咪佢2個都好
我諗好多人都會好感動
原來香港仲有呢d咁有人情味o既人...
或者因為咁樣做而冇左條命係好傻...
但偏偏就係因為有咁樣o既人
先會令果d站在最前線o既人反省要更努力去救人
如果我而家返緊TUNS
我相信我一定會更用心咁去對待我o既pt...
「呢d pt.. 係消防員...警察... 救護員努力咁救返泥嫁...」
有呢種諗法
或者就會令我地更努力更用心咁去對待傷患...
好希望
每一個人都可以為呢2個英雄... 致敬
>>August 12, 2008 at 7:24:54 PM GMT+8
2008 年 8 月 9 日 星期六 【晴】
.
michael 真係好堅好堅好堅
22歲仔... bush大大話都叫總統
特登咁早起身泥睇你... 真係大件事
真感謝我上年有睇你拎o既第一個金牌
以致今日我會愛上你呢個冠軍級人馬
琴日睇到你破左紀錄都冇反應
點知今日拎獎果時又成個細路咁笑
日練夜練... 真係抵拎la
後日要加油呀~
雖然今日係凱凱生日
但我地確實只係為gathering先揀今日出泥
我多數只會同朋友唱k
我地8表姐妹雖然最大同最細果個只係爭9年
但3年就一個generation gap真係冇錯
雖然我都唔識鍾舒曼d歌
但知道大表姐連張韶涵都未聽過都幾驚
but... 我絕對係會同大表姐一齊high翻城城d歌囉~
today實在high過了少少
亦唔小心禍從口出... 希望各位唔好介意在下o既粗言穢語la~
夜晚去左意粉屋食
終於呢世人第一次食意粉屋
好好味呀d意粉~~~!!!
同表姐妹分別之時在於10點45
嗯... 於是立即打個電話問baba場波打成點
「緊係高比仔領先la!」
於是即刻仆返去睇埋落去
睇埋第3節kobe已經唔打lu~
雖然我十分之唔鍾意睇ym.... 因為佢真係好似一個巨大的怪物
但係見到佢扭傷腳果刻都有d心痛
baba話佢o係第1,2節好俾心機打
仲有果個易建聯,, 超勁
baba話佢由第1節開始冇一刻係放鬆過lor
雖然miss左講波佬不斷話好好睇o既第一節
但我都覺得國家隊真係冇丟架la!
對住kobe... james又長期落場喎...
同埋果個wade好似好勁咁... 喪入3分波... 扮三井壽... -_________-
本身我今日心情真係好好嫁
但睇左新聞真係笑都笑唔出
今朝睇新聞果時
o係嘉禾到救出泥果d巿民仲好地地咁
雖然都有講果2個消防員推出泥果時已經昏迷
但我估唔到
一睇新聞... 就係佢2個o既死訊...
我真係即時d眼淚嘩啦嘩啦咁飛出泥
一個做左成24年嫁喇
好話唔好話... 可能做多2年都已經可以考慮退休唔做
就算唔係大粒野... 都一定阿頭,, 一定係前輩級人馬...
一個o岩o岩做左1年... 先得24歲咋...
o岩o岩出泥貢獻社會... 就連條命都貢獻出泥...
我見到班消防員... 一班大男人喊到口腫面腫
佢地個樣心痛到... 根本未係任何一個金像獎影帝o既電影中見過...
有d人粒聲唔出坐埋一邊喊
有d人跪地向個天大嗌
有d人伏o係地下... 個身不停咁震...
o岩o岩o係station,, 我地仲傾緊場波...
o岩o岩o係車,, 我地仲諗緊今晚去邊食...
o岩o岩o係嘉禾出面,, 望到無線個女主播幾靚女...
之後... 就冇o岩o岩喇...
「佢地係專業嫁ma... 實係自己唔小心先搞到咁la」
唔該你收返la
除非你願意去做一份工作
而果份工作係分分鐘用條命去搏,, 分分鐘命換命嫁!
>>August 10, 2008 at 6:43:24 PM GMT+8
2008 年 8 月 8 日 星期五 【晴】
.
今日有冇睇奧運呀???
睇左體操呀
勁鍾意今朝意大利d人玩單槓
勁型
睇中國睇到我嘩嘩聲
果個李小鵬... 好堅! 好型! 好鬼型!
同埋果個楊威... 好型!
其實我未睇過單車
今日先知原來d參賽者係唔會著底褲嫁...
踩成4,5個鐘
真係急起尿泥點鬼算??
仲有睇柔道la
果個一達完人喊到呼天搶地咁o既korean真係印像深刻
不過全day最令我high起來o既緊係... my dear michael!
MICHAEL PHELPS... 點解你咁型點解你咁勁
我即刻無聊開返果年睇佢比賽
之後怒貼佢d 相o既果篇diary
點解你又後生又靚仔又高大... 點解你第一年參加就8個獎牌
點解你可以咁堅第一年就有olympic record...
點解你今日又咁堅打破埋4年前個OR...
點解你可以打破完仲咁cool 咁上水當冇事發生???
你真係好charm 好吸引...
琴晚等你成晚都冇影
不過算la =]
睇黑妹羽毛波果下真係好激動
我地全家一齊食飯
但大家就拎住d筷子停哂手掛住睇
睇到佢輸左之後仲要接受訪問
佢對眼已經閃到d眼淚就快bid出泥
tvb唔好咁衰la
仲要係咁講
「呀~ 平時佢都好肯撲嫁喎... 今日真係失哂準」
人地無lala冇左10lbs
你試下丫
連體重都失準... 身手點會保持到呀
仲落井下石...
聽晚就會見到kobe vs 姚明
omg~
聽晚仲要出街食飯添嫁
but... really wanna kiss kobe thru tv!!! >田<
>>August 9, 2008 at 7:13:58 PM GMT+8
2008 年 8 月 7 日 星期四 【乍寒還暖】
.
8月8
真係等到你頸都長埋
睇到o哂咀
唔怪之得人搞奧運我搞奧運
搞到洩錢...
張藝謀你真係唔同d
中國真係曬冷
我地咩最勁? 咪就係勁在夠人多
人地外國先進科技好勁咩
我地可以用人手做d CG效果出泥添呀
第一幕見到打鼓果幕
唔知以為自己睇緊 i robot
齊到好似CG咁
之後睇印刷做字粒果到真係睇到毛管棟
d人都唔知係點樣可以協調得咁勁
真係十萬個靚
不過張藝謀真係冇乜變
一邊睇都一邊掛o係口邊「真係滿城盡帶黃金甲喎...」
係爭在d女仔冇頂半個碗型胸出泥咋嘛
之後等d國家出場
又話跟筆劃
仲以為中國好快出場
點知玩壓軸呢d老土野
睇到美國果時不知幾high
點知一句 "菲比斯今日就冇出席開幕禮o既~~" 擊潰左我
頂你我等左成晚你同我講唔泥???
就連睇澳洲我都望唔到科比....
意外見到荷蘭持旗手係剷左青o既nowitzki !!!!
想當年佢係我唯一o係NBA鍾情過o既白人
今日你剷左青真係認唔到你... 你做乜變到成個DR. HOUSE咁呀...
同埋最開心係... KOBEKOBEKOBEKOBE!!!
見到我最愛的KOBE BRYANT...
我以為你會擺明星款唔出席嫁
我想話... 你真係越泥越型越泥越charm越泥越引死我!
真係好後悔year1果時冇衝入去球場見你真人一眼
但曾經可以同你只相距唔超過10米
咁o既記錄已經夠我sweet 一世
雖然到而家我都覺得姚明個樣有d嚇親我
但今日見到佢同個四川小英雄o既互動
就好似睇到隻巨型恐龍o係到同隻小貓咪玩咁
其實姚明你都幾cute丫
不過唔好意思,, 籃球方面我係會支持美國囉 =]
基本上最後果7棒係我全晚最想睇
點知睇完都唔知係邊個o既無奈point
但最尾果棒果個人真係好型
吊到咁高
仲要拎住支火炬
仲要扮跑步跑完成個鳥巢
仲要點著聖火
你真係好型!!!!!!!!
好型好型好型!!!!!!!!!!
今晚同表姐sssss一齊睇
同葉婷笑唔停口
jay: 呢個國家個首都叫「基多」喎...
婷: 有幾多呀??
jay: [諗左一陣] 下??? 2009幾萬囉...
之後笑左好耐
jay: 呢個國家個首都仲勁!!! 叫「波多大」!!!
婷: 咁有幾大呀??
jay: 哈哈哈哈哈哈哈哈哈哈哈哈哈哈哈哈!!
無鬼聊 >田<
>>August 8, 2008 at 6:57:44 PM GMT+8
2008 年 8 月 6 日 星期三 【乍寒還暖】
.
雖然呢個禮拜天氣都唔會好
雖然我腳o既傷口仲未埋口
但係... 我那渴望活動o既心情係不滅嫁
確實都有段長時間冇去游水喇
姨媽到... 加上傷口未埋口
我真係好想同d比堅尼女仔去城門谷爭位游呀..............
取而代之呢排dayday留o係屋企
係咁喪睇書
書展果d都仲未掂過
因為我仲睇緊圖書館借返泥果d
爽香系列我仲有3本就睇完喇
真係好好睇
由佢16歲,, 睇到佢而家26歲 [仲大過我]
由爽香同明男識左,, 拍拖,, 分手,, 明男殺人,, 坐監,, 到而家出獄同爽香復合
真係老土d講句都要... 「好引人入勝呀!!!」
o岩o岩睇完果集仲好睇
講有個女仔細個睇住個好朋友俾個賊用槍打死
點知大個左之後,, 竟然同個賊個同黨結左婚都唔知
我buy呢d老土橋段喎
今日難得出到街
就去左圖書館一轉
放完呢個暑假我諗我都係要到40幾歲先會再泥呢個圖書館到
借d無關痛癢o既書嫁喇
聽日就係奧運o既大日子
我真係好緊張嫁
今日睇到d人排哂o係長城到fing d黃色扇
真係好靚
我諗如果我o係現場我會感動到喊囉...
唔知最尾果棒係邊個呢
我本身估楊利偉嫁,, 點知佢今日又跑左...
話時話...
成龍跑左未嫁? 佢未跑o既就應該係佢la...
我最想睇係游水!
因為我想睇菲比斯呀!!!!
好掛住你呀衰野~
其實我真係好憎d人
一個email send過泥洗死人...
真係missy就大曬咩......................
>>August 7, 2008 at 7:19:53 PM GMT+8
2008 年 8 月 5 日 星期二 【驟雨】
.
前幾日睇新聞
果個天文台主任話個風只係輕輕揩過香港
原來輕輕揩過都可以搞個八號風球出泥
呢d咪叫做「勁抽」囉
因為八號打足全日,, 落完波又掛返
所以一家四口就難得有一日共聚天倫
所謂o既共聚天倫
係潤潤o係房睇PPstream,, 我都o係房「行網上街」
mami o係出面繼續車百家被,, baba o係出面霸住電視睇
hahahahahahahahaha~~
最近變左電視迷
無線3套劇睇足
同事三分親聽日就大結局
呢套俾哂本港台人做o既無線劇終於都完喇
我baba今日因為打風先第一次睇呢套劇
佢指住裘俊問我佢仲做過乜野劇
我話「本港台我唔知喇,, 無線o既話就應該得呢套係做有 "名" o既角色囉」
雖然王祖藍係好戲係搞笑
但我覺得成套劇最好睇都係黎耀祥同埋doris
每次講佢2個我都覺得好sweet好lum
真係十足《重慶森林》咁
仲有marco... 佢d戲都幾好嫁喎!
我緊係有睇《當狗愛上貓》啦
我都叫做係等佢出泥嫁
確實係鍾意睇羅嘉良做戲
以佢做開流金歲月,, 創世紀果d
果時幾驚佢會中個頭埋去《歲月風雲》呀
唔知係咪因為佢做戲太好呢
我覺得成套劇真係得佢係順眼d
胡杏兒勁唔知想點... 我覺得佢誇張到有d似做緊舞台劇
同埋佢d 眼睫毛呀...
tvb!!! 唔該la... 可唔可以唔好將d女演員化到咁行呀???
但呢套劇真係擺到明係笑劇
剩係睇許紹雄果幾集都夠笑
同埋中間加插一d貓貓狗狗片段
所以都幾好睇~
上年我冇睇溏心風暴
點知佢變左大家茶餘飯後o既話題
我今次緊係唔汁輸la
集集睇足咁滯
我本身以為幾悶嫁
點知我睇左一集就停唔到
楊怡返返屋企果集喊到收唔到囉
一大班同你冇血緣o既人
通山跑周圍搵你... 真係sweet到丫...
不過今輯真係擺明捧林峰
可惜丫... 人地陳豪一件長褸一副rayban已經夠哂
佢每次出場都同成套劇個氣氛撞到彭彭聲
快d講到佢同楊怡一齊la,, 我想睇呀!
但成套劇真係會令你血壓上升
就如vava所講
琴姐真係一出聲就令你想熄電視
仲有關菊英... 我做觀眾都o係sofa到跳起身鬧佢!!!!!!!!!!!!
冇計... 你真係做得好乞人憎....
原來夏雨今輯做衰baba喎
咁得la... 視帝點會頒俾衰人嫁
林峰真係贏硬~
前幾晚我仲睇埋舞動奇跡最後一集
我一直以為係胡定欣同王君馨之爭嫁
但原來洪天明最後果隻舞咁好睇
所以係佢果pair同王君馨爭
次次睇tick走一team
見到佢地喊哂咁我都勁想喊
我覺得藝人真係好勁
講真丫.. 我地社舞都係用咁短時間操
仲要操o既係我地都叫做識少少o既西方舞
仲要自己又唔係唯一主角喎
仲要最後上台都總會有錯
但d藝人就可以完全唔識跳舞
由本身跳到好似鐵甲人咁
到後來可以挑戰rumba... 好勁
所以我覺得洪天明真係好勁好勁!
最尾果集佢真係跳得好好睇!
我今日先知原來《浪漫滿屋》係中國人編劇嫁
原來個故事本身係想話韓國女主角中左彩票 [好似好多錢]
之後就旅行la.. 就o係飛機上面認識左中國o既男主角
當然男主角同rain一樣都係一個artist la
原先係叫蘇有朋做rain果個角色嫁...
我未睇過《浪漫滿屋》
但我諗睇過o既人都唔會想蘇有朋代替rain囉... -____________-
聖誕呀...
我等你呀阿沁
我等你泥香港呀!
>>August 6, 2008 at 4:48:58 PM GMT+8
2008 年 8 月 2 日 星期六 【酷熱】
.
ck生日快樂!!
潮樓真係一個極品飲茶天地
實在係太好味喇~
可惜唔可以嗌到點心... -_______-
好掛住佢d蝦餃!
根據readable o既memory泥講
今次應該係第一次食壽包
原來壽包同月餅係一樣味ge~
收到阿娟o既手信
有我成日枕住想買o既手錶!
嗯... 睇慣左跳字錶而家唔識睇時針錶...
同埋堅要減減隻手臂先
實在戴完隻錶個錶痕都幾深 >田<"
ck一個人ko左2個壽包!
如果我唔係唔鍾意食蓮蓉
我諗我o既肚餓程度絕對做得到!
是日主角 - 壽包
壽包呀壽包
點解你天生一副淫賤相...
個師傅點解要搓到你咁樣呀...
哇....
扁喇扁喇... 壓扁我喇...
是日第二主角 - 魚眼鏡
真係冇買錯你
簡直成為當晚o既風頭疐呀!
勁!
>>August 5, 2008 at 3:41:47 PM GMT+8
2008 年 7 月 30 日 星期三 【酷熱】
.
前幾日追睇返康熙來了
所以轉左bg music
蕭敬騰唔再怕醜... 唔再得我歡心喇
估唔到呢首咁fiesta o既歌會係佢作o既曲... un be li bu lu
今日搭地鐵果時見到呢個廣告
嚇左一嚇....
唔明點解tvb要袁詠儀扮到成個miss tse咁
你睇佢... 靚到暈
雖然我先得果22歲花樣年華
但都不得不話當年
因為... 你望下而家果幾屆港姐...
之後再望下袁詠儀...
你問前幾屆落選果d鄧上文,, 李詩韻幾咁慘
如果肯等多幾年先選
或者大家可以真係睇重返 "美貌與智慧" 而唔係 "升cup與爆冷"
dayday同mami聽風show快活人
難免會同佢地一樣咁期待8月8 o既來臨
個個都話難得今年唔洗通頂睇比賽
但個問題係... 真係會成日有得睇比賽????
我諗應該得收費台可以咁做囉
今日特登走上去睇奧運d網
哇
原來水立方咁靚嫁~
著左燈勁靚
d燈仲可以變色... 好靚!
仲可以整埋2008字樣添呀~
雖然唔知真定假
但朋友你呢刻o既心情我可以理解
真嫁
無奈你又唔o係當地
加上亦冇辦法去參透事情o既真相
既然你係鍾意佢o既
唔需要信or 唔信
只需要支持佢就夠哂數
橕住呀!
>>July 31, 2008 at 6:46:00 PM GMT+8
2008 年 7 月 29 日 星期二 【酷熱】
.
出席左susana (大人) o既成人禮
整個形式都係我夢寐以求o既生日party
好鍾意條片... =]
如果未來有一個喜歡我o既人出現
我一定會話佢知我參加左一個咁o既生日會
之後要佢幫我搞返個!
我想唔認老都唔得
佢地成班講o既野或者好有fo
但係我就完全catch up唔到
樣衰到連kelvin個女朋友個名都up唔出
第一次參與麻甩talk
十分之有收獲
原來所謂o既隱形系列係咁o既一回事
[由於上次由講麻甩野極度冇經驗o既susana 解釋 "隱形系列" 呢個term
引致我r甩半邊頭髮都唔係好明...]
肥明真係一個好值得去認識o既朋友
好想同佢麻甩talk多幾次
難得有人可以咁放得開咁講AV d野我知
老實講我真係連片都未睇過... 更唔好講無碼
我唯一見過無碼o既就得陳冠希同bobo果張相咋
大家好認真係籌劃一個「不可能的production」
講到似層層咁
又話搵肥明做導演 [都知係咩戲種啦... haha]
肥明仲話搵阿里做後備女主角
到時可以幫手「試位」同埋「教戲」... hahahahahahah!
我地連promotion果d poster呀,, leaflet呀,, 完場片都諗好哂嫁喇...
唔知王晶有冇興趣買我地條橋呢?
今晚susana叫我地講同佢最深刻o既事
而家有補充
唔知susana知唔知呢件事
因為呢件事我一直以泥都覺得好對佢唔住
o係o岩o岩認識佢果時
由於佢太過於進取
我同各consultant試過一邊開會一邊傳紙仔
紙仔上面o既基本上都係一堆質疑susana o既說話
後泥俾當時o既producer見到
佢就講左句 "點解你唔當面話佢要o係到傳紙仔?"
我相信即使幾咁留心開會o既人
都會聽到佢講呢句... 亦會知佢講o既係咩一回事
我知susana因為過於進取一事有改進過
當我係咁暗地裏話佢咁唔o岩咁唔o岩o既時候
佢原來已經走左去改...
我知道之後,, 有一排真係唔知應該點面對呢個囡囡
本來差d會失去多一個朋友o既機會
好彩我地最後都做到friend
仲係佢o既朋友圈中... 成為被抽選到成人禮o既幸運兒 =]
狗改不了吃大便
當我的底褲朋友不斷咁用呢句去鬧d賤人時
我覺得呢句說話真係同我無限個襯
我一路都覺得人地話我搞笑係件好事
但如果用到d noun泥形容 e.g. 笑匠,, 諧角
我就覺得好 "銀" 耳
但奈何呢d都係人地送俾我o既形容詞
真係堅第一次知道
原來我仲有一個形容詞... 「鹹濕」
真係omg... 呢2個字簡直係整花我個底
仲要識左短短5個鐘,, 已經令人覺得我鹹濕
連我自己都唔知自己字字珠機到出左招我都唔知...
陳曉盈
拜託你改下啦...
p.s. 同阿里個ps一樣.. susana你都係留返o係廳到等食la.. 唔好入廚房喇
>>July 31, 2008 at 5:35:59 PM GMT+8
2008 年 7 月 25 日 星期五 【酷熱】
.
其實今朝早真係好唔想起身
even 老公已經係咁叫我
我第一次最遲果個到
同小朋友約會真係唔同d
最近大家見到我都會講一句
"阿jay你瘦左呀~"
真係由心底裏多謝你地
fifi 今日都有讚我瘦左
好多謝你呀 =]
我會繼續努力
同埋ps一句
係叫催谷我減肥o既人並冇佔到我減肥動力o既任何1個%
同佢地唱得好開心
原來張濤都幾好唱口
一齊唱蘇打綠果時有d嚇親...
點解把聲咁青峰o既???
同埋好耐冇人同我high過戀愛ing喇
或者係大家都唱爛左呢首歌la
但感恩o既係冇果d幾分鐘o既勁歌金曲出現
因為我已經唱到唔想唱同唔想聽
唱k下場
fifi 同張濤前後腳去書展
而我同kayan同阿鳳就去shopping
好開心買到2隻襪仔... 仲好平添
今日另一行程係去書展
約左ck o既大學同學同行
真係嫁
下次約kachi o既話
一定要等佢打泥話出門口先好出門口
去到見到ck o既同學同時
見到阿里!!!!!!!!!!!!
嚇死我呀!!!!!!!!!!!!
hahahahahahahahaha!!! 世界真細小!!!!!!!!!
原來阿里係ck同學o既中同! -________-
好驚嚇
去左大婆牛肉麵
好好味呀!!!!!! 一食果下真係好想大大聲講 "好好味呀~"
但礙於牛肉會令我塊面惡化
所以好多舊肉我都冇食呀...
書展好多人呀
我勁熱,, d汗不停blahblah聲咁流
不過見到d書真係會對眼發光嫁
基本上我想個個counter都入
奈何正如阿鳳話齋
d書真係只可以眺望... 一係就成個身貼實d書泥睇
真係有次鑽到入去d書隔離睇
後面個女人一個袋枕落我patpat到
繼而我feel m 到咁o既感覺...
總之好痛la....
同ck班fd 唔多熟
所以都幾尷尬
有時見到佢地成班男仔o係個corridor到等我地
就覺得我地好似阻住佢地睇書咁...
好彩見到赤川次郎d書果時佢地唔係左更
我先可以瘋狂地露出色狼般的眼神去搜刮寶物
確實預留左budget俾赤川
好彩自己有忍手冇買到阿信果本相冊
最後買左4本赤川次郎... 仲要有本係新書泥嫁!
男仔之一o既肥強原來都係赤川迷
佢仲落手落腳買 "三色貓系列"
雖然當初我o係lsp 個圖書館睇左呢個系列先鍾意赤川次郎
但我而家真係一本都唔會睇
因為講一隻貓去破案真係令我覺得... 你真係寫緊科幻小說喎...
我仲買左本偽鑑證科學...
雖然已經o係三聯睇哂,, 但真係好想買返泥笑下~
本身諗住買潮語咭俾baba mami笑下
因為佢地成日睇掌門人都係咁問我 "hea即係咩呀.."
但後來諗真... 都係唔好
廢時俾佢地話我side前
幾年書展都有見到stars
最記得緊係fiona啦! 佢對眼大到可以吸我入去!
仲有周鈫琦啦,, 蔡一智,, 鄭伊健,, 陳志雲,, [唔記得仲有邊個lu]
但今次終於係見到d想見o既人
可惜實在太多人圍住佢地...
佢地就係 ben bob 同埋ricky!
基本上一開波係認到bob個頭先嫁~
成日聽d人講ben有幾靚仔
但睇相明明唔靚仔
但原來真人真係ok attractive
同埋再一次覺得... 佢係戴左眼鏡o既尹子維 =]
原來書展有韓星攤位嫁
但budget有限
同埋屋企都有2本super junior o既寫真集la
鑒於之前鍾意汪東城o既經驗
我相信2本已經好足夠
行完我真係十分之肚餓
加上買書o既使命感已經fulfill左
所以成個人都好累...
本身諗住去kachi樓下買魚肉翅食 [而家講起又想食]
但真係好累喇
今朝10點就起身喇...
返到屋企奀媽泥左
所以baba mami o係客廳拍拖更做廳長
搞到我沖完涼又唔吹得頭
真係幾時先會乾呀....
>>July 27, 2008 at 5:13:07 PM GMT+8
|
TVXQ - Love is...
|
|
廣告 |
|
|
讀者留言 |
| 路人留言
|
 唐生d歌真係好好聽law! *v
>>February 17, 2009 at 12:13:16 PM GMT+8
D故事可以向邊睇到架?
>>February 17, 2009 at 6:12:33 AM GMT+8
今日條賤人聽到有學生要考TPC
>>February 12, 2009 at 5:12:05 PM GMT+8
今日向日經被放逐一個半鐘頭睇紅白
>>February 10, 2009 at 4:11:56 PM GMT+8
我地ward都一樣有歧視scho
>>February 4, 2009 at 4:35:50 PM GMT+8
仲有一日假期就完
<br>好好享
>>January 27, 2009 at 3:03:13 PM GMT+8
個老闆娘唔係話
<br>"唔怪之
>>January 2, 2009 at 3:54:16 AM GMT+8
jj，你有冇睇錯?
<br>我冇
>>December 9, 2008 at 4:48:34 PM GMT+8
我o個人講野，真係咁有智慧??!
>>December 4, 2008 at 5:47:17 PM GMT+8
The new hair sty
>>December 3, 2008 at 2:33:29 PM GMT+8
哈哈哈哈........
<br
>>November 8, 2008 at 2:14:08 PM GMT+8
I can't imagine
>>October 30, 2008 at 6:24:29 AM GMT+8
JJ,
<br>
<br>我地今
>>October 11, 2008 at 5:05:15 PM GMT+8
你應該做埋代購
<br>隻隻扣都
>>September 21, 2008 at 3:56:14 AM GMT+8
TMH... 哈哈哈哈哈哈...
>>September 8, 2008 at 5:58:18 PM GMT+8
哈哈
<br>你側邊d相我試過停
>>September 5, 2008 at 7:03:42 PM GMT+8
絕對同意...
<br>
<br
>>August 11, 2008 at 10:06:33 AM GMT+8
wa...
<br>原來你首 b
>>July 24, 2008 at 11:27:15 AM GMT+8
JAYJAY，估唔到你會去我XA
>>May 22, 2008 at 11:49:07 AM GMT+8
ME too...
<br>
<
>>April 29, 2008 at 8:50:51 AM GMT+8
如果
<br>
<br>我唔理大
>>January 30, 2008 at 4:48:50 PM GMT+8
無他既...
<br>鬼叫o個個
>>January 28, 2008 at 7:55:04 PM GMT+8
我今日都係咁溫日文呀...
<b
>>November 27, 2007 at 4:51:38 PM GMT+8
你無事嗎?傻婆!!我同你都經歷過
>>November 7, 2007 at 7:40:51 AM GMT+8
都唔好玩既,俾你估到我係邊個ti
>>October 2, 2007 at 3:57:18 PM GMT+8
雖然入迪士尼好似用錢買快樂
<
>>October 1, 2007 at 1:34:32 PM GMT+8
真係無諗過...好耐無睇過你日記
>>September 28, 2007 at 3:42:49 PM GMT+8
真係對唔住呢...
<br>我諗
>>September 7, 2007 at 3:45:37 PM GMT+8
買呀!年票係今年必買呀!!!
>>September 1, 2007 at 4:45:01 PM GMT+8
錢錢?
<br>
<br>哈哈哈
>>August 27, 2007 at 12:12:02 PM GMT+8
ar~ 我見到la 【私奔到月球
>>August 21, 2007 at 12:18:50 PM GMT+8
hi jj~ 路過的 你blog
>>August 21, 2007 at 12:14:33 PM GMT+8
halo, jj~
<br>so
>>August 7, 2007 at 2:15:00 AM GMT+8
今次bg 好靚呀!!! =]
>>July 31, 2007 at 6:03:31 PM GMT+8
真羨慕你有個快樂placemen
>>June 25, 2007 at 5:57:59 PM GMT+8
jj,知道anna係好人真係令我
>>June 21, 2007 at 3:59:13 PM GMT+8
Jayjay
<br>加油呀~
>>June 12, 2007 at 4:21:55 AM GMT+8
你去student page 咪
>>June 11, 2007 at 5:45:25 AM GMT+8
今日search自己個名
<br
>>May 29, 2007 at 7:20:26 PM GMT+8
幫我整個logo阿!!得吾得>?
>>May 3, 2007 at 1:47:07 PM GMT+8
哈哈哈
<br>
<br>有咩唔
>>May 2, 2007 at 4:44:46 PM GMT+8
Nevermind ar! BA
>>April 17, 2007 at 3:43:42 PM GMT+8
起碼o係我唯一一次叫到你地泥睇之
>>March 30, 2007 at 5:28:29 PM GMT+8
第一次留言。
<br>
<br>
>>March 9, 2007 at 6:01:34 PM GMT+8
我唔番學係因為我連企起身既能力都
>>February 13, 2007 at 7:15:06 AM GMT+8
咩心事呢...
<br>
<br
>>February 5, 2007 at 7:12:18 PM GMT+8
你睇套DRAMA 咁多混合體既.
>>January 15, 2007 at 6:40:20 PM GMT+8
SZE2 在看jj 日記
<br
>>December 13, 2006 at 4:46:47 PM GMT+8
竟然俾vava旱我一步讚你個ba
>>December 13, 2006 at 4:29:51 PM GMT+8
好靚呀!
<br>
<br>但係
>>December 12, 2006 at 4:47:19 PM GMT+8
|
|
人氣: 72250
Design & Scripting by ShowHappy.Net
|
.
.
.
