|
2008 年 8 月 22 日 星期五 【晴】
.
颱風過後
原來天氣可以如此清新
望住窗外景色
好想出門跑一轉
但我最後賴在sofa上打發一天
今日竟然出奇地唔開心
前幾日睇完咖啡王子大結局
基本上我只係上網睇左佢個introduction
之後o係有線間斷咁睇左最尾果3,4集
但已經愛上尹恩惠
誰不知我即晚o係yahoo search佢o既相
就彈篇即日新聞
劇入面果個李言哥車禍死左
有一刻以為自己edmond上身
呢頭睇完果頭過身
我down到呆望住個mon個腦blank左
追看o既小說o既情節令我唔想睇落去
無論劇集,, 漫畫,, 小說都總會出現一d衰人
尤其果d狐狸精勾引男主角o既戲碼...
雖然不斷咁重複,, 但我始終對於好奸好嘈好令人抆憎o既角色好排斥
仲有果d俾狐狸精呃左o既男主角
even佢後來回頭我都只想睇佢回頭唔想睇佢點背叛女主角...
所以家好月圓我都只係o係房聽到d貎似笑點我先出去睇
陳豪雖然無緣問鼎視帝again
但你o係呢套劇依然係我最想睇o既位
林峰扮sa姨又kai又唔好笑... 正經到爆................
不過令我最down o既係... 我今日冇去開會
我唔開心到o係elsa打俾我前我都只係坐o係床上面發白日夢
胡思亂想好多
唔知係咪放假放到個人慌哂呢?
所以elsa一打泥我就blahblah不斷講
去poly個網先發現kylie個mail
明明平時都會forward去hotmail 嫁嘛
點解會咁ga.......
唉
原來我msn short左
難怪我開一日msn都冇人理我
難怪我一開msn就一炸貎似人地中毒o既msg彈出泥
難怪我send乜俾人人地都唔知la........
今日阿浩msn我...
我係咁覆佢佢都好似收唔到
我真係抆到熄機疊埋心水去dl 個msn..........
點解一個dayday冇野做stay o係屋企o係人都可以唔知msn down左?
阿左叫我去搵org
早知我死都撲返去poly
次次唔開會我都實有d 堅野要做...
我已經唔係第一次有share job等於冇share job
anyway
我會加油。
聽日1430
我睇你呀kobe bryant =]
>>August 23, 2008 at 7:21:42 PM GMT+8
2008 年 8 月 21 日 星期四 【驟雨】
.
鸚鵡吹得好行
加上我o係海旁... 真係聽住d風聲都幾驚
even d門閂哂都冇用
因為會吹到o彭o彭聲...
baba同mami 仲要屎忽痕去蛇口喎
最後咪遊左半日地鐵河囉.... -________- 傻仔!
我覺得我並唔係神經好大條o既人
甚至細到令我自己都討厭
好似不停咁用放大鏡咁去睇人地
成日唔鍾意呢個唔鍾意果個
但又不斷叫自己去忍...
又會諗... 究竟係咪我太小器?
有時同人講我會介意某d野
我覺得講出泥都好醜
但偏偏我就係咁討厭呢d野...
我唔鍾意人地踩我張床
我唔鍾意人地唔理人之後大大聲用電腦播歌
我唔鍾意人地食完飯唔汁碗
我唔鍾意人地連人地幫佢買野都仲要嫌三嫌四
我諗我真係果種相見好同住難o既人
難怪我對好多人都得三分鐘熱度la... -__________-
因為只要同佢相處一陣發現佢d劣習我就會毛管棟
同埋alert自己千祈唔好同佢去camp....
p.s. Happy Birthday To Kobe Bryant.
我還是喜歡心口有個8字的KOBE BRYANT
>>August 22, 2008 at 5:04:28 PM GMT+8
2008 年 8 月 20 日 星期三 【清涼】
.
哇
今日真係熱到死
就咁坐o係到都會流汗
天文台究竟係咪唔洗讀書都入到去讀o既呢?
點解佢地好似成日講完又唔算數
做野又慢又成日出錯呢?
琴晚話個風唔會入香港
而家就吹到正...
琴晚話掛更高信號係冇乜可能
點知今晚就掛左3號
而家返學就話冇所謂
到時返工你同我玩野
搞到我冇左一日糧你就死!
男籃又冇
女排都冇埋
真係冇野好睇lar... -____________________-
>>August 21, 2008 at 4:05:29 PM GMT+8
2008 年 8 月 19 日 星期二 【酷熱】
.
今日有冇抬頭望下個天空呀?
放晴有藍天
陰天會天灰
雖然天空有好多唔同o既顏色
但原來o係煙霞咁重o既今日
個天空可以變成粉紅色嫁...
最近心繫奧運
所以同內地大部份o既民眾一樣處於ok唔開心o既狀態
當年李寧冇左個金牌
佢變成我baba mami果個年代無法原諒o既 "罪人"
但北京奧運開幕禮上面
佢以佢幾廿歲人o既體力o係半空行左10幾公里
點著鳥巢個火炬
所以今日佢變左 "英雄"
呢幾日有好多人報導劉翔受傷離場o既新聞
仲有好多人即刻拎返佢04年雅典d片段la... 仲有世錦賽破WR o既片段la
仲有人cut埋佢d 金句片段出泥
「黃種人也有跑在黑種人前面的一天」
就好似果時珊珊拎風帆金牌
我就唔知聽左幾多次「香港人唔係垃圾」呢句說話
因為我本來就冇乜跟田徑比賽
睇住一班瘦到眼都凸出泥
跑贏比賽同隊友攬埋一齊個體積都仲細我一個圈o既黑人
坦言... 真係飯都食唔落
但當我見到劉翔受傷痛到塊面那住哂個樣
知道有鏡頭影住果時又扮冇事個樣...
我覺得呢個人... 真係背負太多喇...
之前射擊大熱孫麗竟然連牌都冇...
當時佢就o係自己個blog到寫話覺得好大壓力
就連佢本身對獎牌冇興趣o既人都變得執著
tvb新聞派左柳俊江去扮要買黃牛飛o既人
有個欲哭無淚o既婆婆o係鳥巢出面捉住柳俊江話
「我本來1100塊買回來的,, 我現在賣你1000塊吧!!! 劉翔害我沒了100塊了!!!」
或者呢$100令婆婆好痛心
但係呢句說話... 如果俾劉翔聽到... 我諗佢都幾難振作起泥
我陸續o係報紙到睇到好多有關佢o既專欄
有人r 返佢自己2次偷步所以冇得比賽o既事出泥講
話佢為左唔洗賠錢俾贊助商
所以狀態唔好都落場... 寧願2次偷步俾人趕出場
從而推斷佢今次受傷係扮野...
咩事呀...
個教練喊到咁你有冇睇到呀?
有冇睇到劉翔幾辛苦呀?
我見古巨基報導果時對眼紅哂咁...
佢冇得出賽係令人覺得失望
但每次報導見到佢個痛苦樣... 加埋佢之後話會繼續努力o既發言
我覺得rather than 失望... 我覺得係心痛囉...
加油呀~ 劉翔!
今日睇波...
中國唔入四強係預左
但係... 估唔到係打得咁衰姐
大郅已經打到隻眼爆哂血
我都唔明做乜仲要佢落場
流到落頸喇大佬!
阿聯狀態大勇就收埋佢成節
最過份有一下出佢換姚明
只係跑左個場來回一次就放返姚明出泥捉返阿聯入去
我一邊聽翁金驊o既抆薑旁述我都抆埋一份
有乜可能最後一場都唔俾我望下阿聯嫁!
寧願出果個獨食精陳江華... 同埋果個老人家... -__________-
雖然有孫悅睇呀
但睇到佢拎住個波冇人可以俾o既時候
真係覺得佢好慘...
睇姚明俾人地係咁打手... 覺得佢好似當年o既o'neal
好彩佢d罰球準d咋...
不過last 呢場真係十萬個side我時間睇
根本係睇住一班「預左輸硬」o既中年男人同人打波
唉
你睇姚明真係球球都咁多人mark
千手佛咁...
真係要曉變魔術先可以入到波喇....
夜晚睇埋us vs 澳洲
le bron真係... 好似一隻野獸
睇NBA都有咁強烈感覺想睇佢
因為NBA成日都見到呢d咁 "亢奮" o既athelet 嫁la
但係泥到奧運唔到
你睇住佢搶籃板之後撞低人仲要俾佢駁到個防守犯規
仲要企返o係到對住記者d相機咆哮
就覺得「呢個人唔打波真係唔知可以去邊發洩餘力」
佢簡直係力的表現
睇佢場場無lala o係鏡頭外跑入泥之後無lala入樽
神速又神力... 痴線...
kobe個神返泥喇
就如翁金驊所講... d人買飛真係泥睇佢d三分同入樽嫁咋
佢真係好型... 最尾仲要連練2個三分...
tvb訪問李小鵬,, 鄒凱同埋楊威
haha.. 鄒凱真係好可愛
「我覺得還是拿下團體的那塊金牌讓我最開心」
睇呢d冇壓力o既人無lala中獎咁拎到金牌真係好得意
呢排轉左bg music 做倖田來未o既 moon crying
因為一個偶然睇到個mv
個男主角好靚仔... 同埋o係mv可以見到倖田個素顏
佢都真係大犧牲喇!
不過main point都係呢首歌好好聽!!!
呢幾日都斷斷續續咁睇左幾眼咖啡王子一號店
好鍾意睇佢地d sweet sweet片段...
尹恩惠真係好可愛... 但佢真係o岩扮男仔頭
佢變返宮個樣我又好唔慣...
我mami 見我睇到係咁 "姣笑"
都好奇o係廚房到衝出泥
「你笑得好難聽呀!!! 思春呀???」
我諗mami 應該係想講叫春... -_________-
呢排佢同baba成日講錯野
baba前幾日問我「呢晚有冇老鼠愛上貓呀?」
我即刻問我baba「你幾時o係套劇到見到老鼠呀?」
baba仍然執迷不悟「下! 咁佢做乜改個咁o既名呀?」
p.s.
外國d球迷為中國男足特訂o既banner
真係... 多謝哂~
>>August 20, 2008 at 6:28:58 PM GMT+8
2008 年 8 月 16 日 星期六 【晴】
.
水立方o既游水項目今日係最後一日
緊張地觀望michael 最後一日賽事
4x100 四式接力佢係第3棒蝶式
北島康介超勁!!! 佢個蛙式at least 追左3個身位
最後michael都只係追過日本1個身位唔夠
好彩最後都係第一... 拎埋最後o既第8金
你睇佢對眼... 淚眼盈眶
仲以為會喊添~
佢仲拎多左個獎
好似係咩最佳運動員...
後來睇佢即刻撲去佢mama 同家姐到
好touch呀...
不過如果冇咁高... 我諗想鍚佢mama都幾難...
新一代水怪正式誕生...
你睇幾多記者撲埋去影佢!!!
唔知下個奧運仲見唔見到佢呢???
4年後要返工,, 都唔知睇到幾多場lu~
鄒凱真係好似小朋友
佢做自由體操果時d動件堅似生手
我真係唔多識睇體操...
咁都有金牌... haha
佢咬住個金牌超似食新年果d朱古力金幣...
我同潤潤講
佢隔離果2個做得佢老豆添lor...
佢邊到似20歲呀...
俾盡佢咪16歲!
今日都算幾悶...
有贏硬o既拿度la... 又有贏硬o既郭晶晶同埋贏硬o既超級丹
都唔知拿度發生咩事
打到勁衰咁... 係咁俾人步步進迫...
翁金驊好好笑... 佢話拿度呢d人簡直係psp 到走出泥
「佢呢d摩打腳麒麟臂...
真係perfect 到好似psp 入面果d 無論skill bar同energy bar都爆哂燈o既character!!!」
你睇佢撲球個步輻幾大!!!
痴線嫁!
夜晚睇埋超級丹
佢根本就係禁住人泥打
佢跑得好快
佢d反射神經真係拍得住拿度
我mami 仲要話馬來西亞果個係林丹!!!
「佢緊係唔係la!!!」
「下... 你話林丹靚仔丫嘛~」
「咪係囉!!!! 馬來西亞果個成個許志安咁... 邊到靚仔呀!!!」
「許志安都幾靚仔呀~」
唔怪之得mami 成日話baba靚仔...
唔係點會嫁俾一個吳孟達mix 王青o既男人???
咩眼光泥嫁...
你睇佢跳得幾高!!!
佢應該可以入到樽!!!
haha~ 開心到扁哂咀
但佢真係開心到癲左!!
又掟羽毛拍... 仲即場除埋對鞋掟上去...
之前同潤潤嘈交
最記得o既係佢話我成日o係mami 面前扮乖
「你咁做究竟想點!!! 係喇你最乖喇!!! 你個心入面諗咩你自己最清楚」
真係入心入肺
至此我都唔敢佢o係到時幫手做家務
今日我同mami 傾計咋...
佢已經係咁望入泥又成日借d衣入泥聽我地講乜
都唔知做乜要咁樣... -__________-
我覺得真係唔識同佢相處
佢好多小動作令我好不安好唔舒服
今晚只係講左句「你o係廳d書仲未汁喎」
佢已經一句惡埋泥「洗唔洗你管呀... 成個管家婆咁!」
好心提醒佢......... 一句得埋泥.................唉
婷婷仲問我會唔會唔捨得佢去日本
佢真係收皮la
果時佢做手術我為佢流眼淚我都不知幾後悔
連佢自己都唔鍚身
我做乜要擔心佢做乜要關心佢
佢快d去日本仲好
我相信baba mami 一定會覺得果半年係呢輩子最開心最和平o既日子
最好嫁埋日本仔... 呢世唔洗見到佢
p.s.
kobe... 睇佢昅女個衰樣...
聽日仲有比賽仲泥睇沙排~
>>August 18, 2008 at 1:50:37 PM GMT+8
2008 年 8 月 15 日 星期五 【晴】
.
今朝早睇michael
礙於我一起身就係佢o既賽事
緊張到我面都唔洗即刻仆入房拎副眼鏡出泥睇
雖然一朝早有d運動增加血液循環係好事
但俾佢咁驚險o既奪金賽事嚇一嚇
心跳應該double上囉
睇完之後小方不斷話「哇... 哇... 有冇咁犀利呀...」
睇埋個慢鏡... 真係點都唔會相信michael竟然咁樣贏左人
雖然... 真係十萬個好彩
正因為cavid 升左個頭上泥所以慢左
但... 連個天都要你23歲仔拎14個奧運金牌
真係想唔要都唔得
去左唱k...
本身都幾looking forward嫁...
但原來我比我想像中更想留o係屋企
唱k 唱到人都悶
唔只自己唱得悶... 開始連聽人唱歌都會諗 "又係呢首" or "又係呢把聲"
唉... 突然好掛住中學果d暑期作業同埋補課...
或者我真係唔悶得
基本上我真係一個極之多咀o既人
如同一隻烏蠅
我好怕身邊有一分鐘係deadair
所以都會好多野講
但今日我竟然發現原來唔出聲都幾舒服
but... 就有種怪感覺
唔知朋友會唔會覺得
"佢咁靜o既? 唔開心呀?" 咁呢...
被老爸急call返屋企
好彩... 有得睇中國 vs 德國
其實我都幾唔想睇呢場波... 因為有nowitzki...
雖然我鍾意kobe.. 但夢8對中國果時我都冇野
夢8贏硬o既... 加上kobe又冇得進攻... 我果時又未鍾意任何一個中國球員
but... 家陣我又心儀阿連~~~ [易建聯]
佢仲要同舊愛nowitzki one on one...
好怕睇... 所以我就邊睇邊將心神集中o係今日o既家庭會議上
表姐s泥得... 其實我都知咩事
雖然家家有本難念的經...
但只要試下o係人地個角度諗... 我其實都明白各有難處
難得潤潤早返... 所以佢都有加入家庭會議
但佢同baba o既意見基本上充滿了contrast
迅間好似變左佢2個o既辯論大會咁...
如果一家人日日都嘈交
仲要係得一個人,, 每日都總要黑口黑面搵d野出泥同其他人嘈o既
我覺得分開並唔係壞事
表姐s 都咁大個人... why not?
baba話始終係一頭家... 唔需要搬出去住... 最多咪出街之後鎖埋房門
食飯呀乜都好出街搞掂咪得lor
咁潤潤緊係即刻叫baba收皮la...
作為一個baba一家之主... 當然冇左個家... 就冇所謂o既一家之主
所以我都明點解baba會咁諗
但 "家" 係靈魂... 冇左靈魂... 呢度頂龍咪叫做 "屋"
既然係唔開心... give me a break... why not?
baba話忍多一年細表姐就可以出泥做野
咁到時表姐s 就叫做有經濟來源... 到時搬出去都未遲
如果設身處地咁諗... 每一日我一返屋企
有個黑面神對住我
我每做一樣野都要怕會stimulate到佢去發脾氣
咁... 我留o係屋企o既意義係乜?? 做出氣袋??
一年365過住咁o既日子
365呀... 我剩係同潤潤嗌交1日我都頂唔順
你叫人忍一年... 點忍呀baba...
mami 今日用 "報應" 泥形容成件事
但我始終相信o既係... 人類即使幾唔好學... 都一定會學自己父母o既處事態度
即係我mami 對奀媽點... 我就會點對我mami
我baba 對朋友點... 我就會點對我朋友
我mami 對我姨好但佢竟然鬧返我mami 轉頭,, 我就唔洗mami 講佢是非我都會唔鍾意佢
所以有時d父母真係唔應該o係仔女面前講太多人地o既是是非非
因為仔女真係你o既24小時影印機
你做過d乜... 佢將來某一日都會咁做...
所以我覺得舅母對奀媽唔好,, 自自然然我表姐就會對舅母唔好
呢d根本就係世代相傳o既...
所以你想個女對你好d?
對你屋企裏面o既長輩好d lor!!!
打完呢篇日記我終於明白點解我咁鍾意同老人家打交道
因為我baba mami 同奀媽 o既關係都超好
我baba係奀媽最鍾意o既女婿添~ [嘻嘻]
>>August 16, 2008 at 6:31:12 PM GMT+8
2008 年 8 月 15 日 星期五 【晴】
.
恭喜michael phelps 拎到第7金!
亦係佢人生中第13個奧運金牌!
恭喜佢破左史畢茲個人連奪4金紀錄~
聽日! 聽日我要睇住你拎8金!
睇你開心到~
差0.01秒咋... 真係好好彩
明明睇住cavid 掂左板先
但佢竟然拮高頭... 唔怪得michael 會特然快過佢...
加油~
你永遠都係第一! =]
>>August 16, 2008 at 3:13:48 AM GMT+8
2008 年 8 月 14 日 星期四 【晴】
.
今朝9點幾就起身
你個死人tvb fake我... 又話9點會直播
搞到我一起身牙都未擦就坐o係sofa
點知我一開... 見到光之美少女... !!!!!!＞田＜
咁多日水立方o既賽事真係得michael一個人吸引到我
令我可以晨咁早起身睇佢
但今日終於放左d時間望下隔離d麻甩仔
maybe michael 無論落水也好出水也好都咁靚仔
所以我估唔到那個loche出左水可以靚仔咁多
yes! that's loche...
佢出水之後... 靚仔過michael 喎... *w*
佢拎左200m背泳金牌
點知隔左個女子泳賽之後佢就要再游100m 蝶泳
加上有michael... 佢都幾吃力
但估唔到佢都游到第3
如果佢2個賽事隔遠d
可能佢同michael都冇得 "鍊"
事關michael o係呢項賽事竟然冇破到WR....
係佢6個金牌以泥第一個冇破WR...
我諗佢都有d down...
see~ 佢手上是一個泳帽
double 泳帽... 唔知作用為何呢??
夾實在佢個兜風耳... 發現佢塊面真係長到... 真係同佢身高係by ratio..
之後我睇埋個女子體操個人全能就冇睇lu
睇完跳馬之後我真係覺得中國係應該冇牌嫁
人地美國同羅馬尼亞真係超堅
but somehow個計分制度又變左... 係咁計佢難度有幾高有幾高
以前我睇體操都唔覺成日會有失誤嫁
呢個又跌落街... 果個又轉過龍...
不過個金牌liukin... 好似中文名叫柳金... 真係好勁呀佢
又靚女,, 手長腳長都玩體操玩得咁勁
佢d咪腳尖勁靚呀!!!
佢個樣又靚喎... 如果佢把歌聲掂真係可以做娜姐接班人
一齊o係d高底槓都 "鍊" 返舖!
你感唔感覺到佢d "卓羅" 集中哂o係左腳呀???
真係咩人泥嫁... 咁都可以balance到...
簡直係違反人類 "coordination"!!!
你睇佢靚到!!!
劉旋都可以唱歌la
佢仲唔得?! 佢進軍荷里活都得la!
harry potter有冇爭人拍新一輯呀??? 搵佢la!!
睇完我就出左街去lib
諗住睇一個晏晝書先返去
點知... 都唔明d阿伯點解可以咁矛!!!
明明已經睇完一本書...
夠膽死將本書擺o係張凳到叫做「霸住張凳」
之後再去搵另一本泥睇囉!!!
咁我點等都唔會等到坐位la
於是乎就捧住疊書無奈地返屋企
點知原來我miss左女子跳水... shit到震
baba竟然乜都唔知走去睇大陸台
睇阿扁洗黑錢囉... shittttttttt!!!
夜晚難得出左去食飯
食米線呀!!! 好耐冇食
但我出門口前食左包skittles... 所以都冇乜胃口
返去睇女排... oops~
班美國女人醜到爛... 仲有一個勁似容祖兒...
我呢排好似睇咩波games... support 邊邊果邊就眼係會輸
好灰囉...
我真係專心睇排球冇睇羽毛球
排球就輸左... 羽毛球就贏左
前幾日睇網球捧費達拿... 佢就輸左
今日睇左拿度... 點知見佢同對手1vs1打決勝局
我決定專心睇當狗愛上貓大結局唔睇佢
佢就真係2vs1贏左人...
好彩...
michael 係游水o既姐~
好彩...
kobe 基本上係必勝o既姐~
睇呢個人舉重果時都冇乜感覺
或者因為我當場係聽緊國語la
點知睇返tvb... 聽見佢個名
「陸永」
e~~ 陸永你幾時練到咁大隻
仲泥埋參加奧運????
好kai 呀呢張相
聽聞係新年果時男團體操賀年show泥嫁
基本上我認唔到幾多個人
剩係知最右手邊呢個就係個人全能冠軍
呀劉威呀...
哇.... 你個女裝真係十萬個唔見得人
omg...
當狗愛上貓根本就爛尾
睇到羅嘉良係咁瞞胡杏兒
胡杏兒果d例牌爛面樣又出返泥
係咁追問 "點解你無lala會咁o既姐~" "點解你唔話我知呀?"
睇到我都煩
又唔知做乜要做到羅嘉良係咁堅持唔講
好喇... 叫做俾胡杏兒知道佢有病喇... 又要扮死
都唔知背後個意義在於邊到
據有經驗o既mami 話「唔咁拍我怕佢連19集都冇呀!」
唉... 其實成個故事我都好鍾意嫁
但奈何呢套劇真係令我十分之討厭胡杏兒
你苦情完未呀!!! 好煩呀
訓病房訓到你畫哂眼線搽哂 麥s care 拿!
最恐怖有幕... 胡杏兒真係好似隻鬼咁o係羅嘉良隔離飄出泥
嚇到我本身喊緊都噴哂d鼻水出泥
痴線!!!
羅嘉良真係好掂好掂好掂
但我而家先知原來佢拍呢套劇係因為佢一路爭tvb 10集劇嫁...
shitttt~~ 又要同羅嘉良say goodbye
咁就做完喇呢套刻
我真係好鍾意小巴呀... 佢真係好靚
好鍾意短毛大狗... 好靚 =]
唔知泥緊做咩劇呢???
p.s. "佢地" 今日又走埋一齊喇... 祝各位七夕快樂 =]
>>August 15, 2008 at 6:39:21 PM GMT+8
2008 年 8 月 13 日 星期三 【晴】
.
今日michael冇比賽
所以我真係訓到11點幾先起身
加上冇一台由頭開始直播男子體操
我都剩係睇左尾果幾項
kayan係咁話李小鵬靚仔
我前幾日睇到個網話李小鵬似吳彥祖...
點解... 佢明明同高皓正一個餅印... -______-
我都話劉威靚仔d嫁la
雖然last玩完單槓之後好耐都未出分
但望到佢係咁行泥行去又鞠躬又揮手
都知個金牌非佢莫屬la
本身諗住退休o既佢
因為今年難得一個機會
可以話冇人可以同佢鬥
佢就不惜忍痛練習又延遲結婚
終於拎郅呢個金牌... 真係抵到爛
但係... 佢last單槓個真係10個有10個核突... -________-
晏晝簡直就係我o既心跳時刻la
聽住翁金驊o既旁述
都覺得中國有時d 部署真係怪怪地
果個陳江華真係有時怪怪地
好鬼鍾意運球嫁wor... 又要成日俾人搶波...
睇國家隊而家最鍾意睇易建聯同埋孫悅
易建聯今日真係幾型... 好幾個籃板球
姚明真係好好笑...
有一球本身係希臘o既... 但後來俾國家隊搶左
咁咪即刻大力掟過半場快攻囉
點知鏡頭一轉姚明已經 o係籃框下面
旁述話...「好彩頭先姚明攻過去跑唔切姐~」
HAHAHAHAHAHA!!! 笑爆~~!!
孫悅今日好好睇...
睇佢真係只因為佢將會成為kobe o既team member
不過正因為佢
先發現奧運連籃球員果d手套都整得咁靚
本身睇中國網球員同體操隊d衫已經好靚
估唔到連呢d咁細微o既accessories都整得咁靚!!
睇得我幾緊張... 幾驚國家隊又輸呀
好彩最後都贏!!! 勁開心!!! 又唔洗加時喎~~
佢竟然擺出港女自拍例牌動作
木咀!
WTH~~
真係出過去打NBA先會做d咁o既入樽動作
浸過下鹹水果然唔同d~
你要加油呀聯~~~~~~~
其實孫悅都幾靚仔丫可~
你望下佢右手個手套... 幾靚 =]
你地有冇睇花劍呀
佢地好可愛呀,, 一得分就勁開心咁又笑又跳
最可愛有個人仲要篤篤下甩左隻鞋出泥
佢尷尬地笑之餘仲要坐o係到著返對鞋先... hahahaha!!
睇李靜高禮澤
唉... 我真係睇親港隊都會輸
都唔知係我黑仔定係佢地真係咁差
我睇黑妹果場羽毛波見佢輸左想喊咁已經勁灰
今日睇阿澤果下眉頭深鎖都知唔方好野la...
點知佢地單打唔得連雙打孖寶齊齊上都死... -_______-
仲要輸俾2個我打死都唔信佢地係日本人o既日本人...
佢2個真係似韓國人多d lor... 對眼咁細o既....
睇男籃美國vs希臘
baba話希臘贏過夢7嫁喎
不過none of my business
因為我零個識希臘人... 緊係捧夢8 la!
不過睇咁多場
我都依然冇一場係覺得kobe好睇
佢都唔知做緊乜... 籃板又唔搶,, 起手又唔入,, 剩係識通場走
佢連駁人犯規都唔做... 真係唔知做左d乜...
反而lebron真係如旁述話齋
「坦克o既身型,, 跑車果副 "計",, 電單車咁靈敏」
雖然佢個樣又狼死又兇狠
好幾下嚇到我覺得佢似打交多過打波
但佢真係好堅... 乜都有佢份
基本上我都唔係幾分到佢究竟係做緊進攻定防守
我發現原來好多講波佬都勁鍾意睇jason kidd
但可惜我十萬個討厭佢
我仍然深深記得佢點樣用引人犯規o既奸招去對待o'neal
雖然打波玩呢d招數人之常情...
但果時我係抆到熄左部電視唔睇... 呢個人真係好乞我憎...
保殊個牙套呀... 想點呀....
傳說中o既大帝lebron...
痴線... 真係射完波等d記者影你咁囉...
真係好有火....
夜晚轉台間俾我咁o岩望到michael
即刻嚇親我... 「佢今日有賽事咩?!」
哦~~ 原來係100m butterfly o既初賽... 嚇鬼我
人要睇佢游得第二... 嚇死我呀! 以為咁就冇左個金牌添!!!
michael ma呀~
場場都有泥睇嫁~
michael 第一個得獎香檳就係送俾mama lar
佢就幸福la... 有個咁靚仔咁年青有為o既仔~
勁似keroro變左人lor!!!
朋友泥嫁喎佢2個....
香港果個女飛魚破左香港紀錄喇
佢真係好靚女
唔怪之得佢個名最近變左圖片搜尋o既熱門la~
16歲女咋
你要好好地讀書... 唔好入娛樂圈呀... 係都唔係入金牌呀
寧願游多幾個奧運呀~~ 加油!!!
星期六唱k!!!
yes~~ 終於有人約我出街喇
好幾日冇游水... 好dry!!!
有冇望到廣告呀??
今個月26號... 明珠做HOUSE喇
終於唔洗o係AXN到跟字幕跟到傻喇!!!
yes!!!
>>August 15, 2008 at 3:02:32 AM GMT+8
2008 年 8 月 12 日 星期二 【晴】
.
今朝起身起得特別難
因為琴晚睇奧運d野睇到4點先訓
有2單大新聞
其一... 奧運開幕果個o靚妹已經俾人踢爆左係咪咀
我都話嫁la... 假到爆
但估唔到o既係... 咪咀果個根本唔係佢本人把聲
而係由另一個「天籟之聲」live咁o係另一邊箱唱出泥
聽聞果個女仔因為正值換牙期
所以就... 崩牙甩甩地咁... 所以就要換個可愛d o既小妹妹上陣囉
其二... 2大電視台o既主持都俾人媽叉到飛起
基本上都唔係咩新聞
04雅典奧運,, 我記得好清楚... 係馬德鐘做主持
佢真係冇料到唔恨... 又鍾意搶野講又唔知自己講乜...
tvb重施故技... 又整多個乞鬼人憎o既無能叻出泥
我諗男籃中國vs US果場係睇tvb o既都應該會好想拉阿叻出泥打
我最記得佢吹水
「美國人d體力真係唔講得笑嫁,, 果時我打波撞到michael jordon喎
我轉頭打完18個洞就望下佢la... 佢已經book埋要打36喇...」
「我覺得最可惜我唔可以代表中國參加足球,, 唔係我唔掂呀,, 係其他10個唔掂咋」
我都想斬死佢
聽聞有人投左最佳3個主持係李克勤,, dodo姐同顧老闆
我都未有幸聽呢3個人旁述
加上我多數睇明珠台... 所以都好少接觸到tvb果d爛gag主持
不過呢幾日聽埋聽埋...
我覺得明珠o既陳恩能真係好掂...
佢真係好似講乜都得... 講gag又得
最正係佢partner如果講d爛gag... 佢真係會寧願deadair都唔會夾硬駁落去
聽佢講籃球真係聽到好開心
仲有佢講tennis果時果句「有拿度冇難度」真係好搞笑
仲有李思雅... 我估唔到佢都幾talk得
今晚聽佢同雷sir 講女排... 佢都好似好有料咁
或者真係同佢係打tennis有關係la
同埋我寧願聽佢o既真心笑... 都唔想聽到朱凱婷d夾硬笑囉
明明tvb搵左潘宗明返泥
但又好似冇乜佢講咁... 留o係hk 好似隨時要幫阿叻補鑊咁
最估唔到丘凱敏都做得咁差... 實在令人失望
雖然睇NBA真係聽慣左徐嘉諾把聲
但... ATV d畫質真係差d... 同埋d現場收聲都好差
全程剩係得佢一個人講其他人真係幫都唔幫下口
剩係識o係人地講波果時係咁問埋d gag問題
「嘉諾,, 以你所見,, 究竟國家隊要點先追得返上去呢?」
真係鬼知咩
我真係真心為michael數住d獎牌
所以今朝又10點準時起身睇
又拎多2個金牌
我諗by weekend 美國真係會拎多3個...
咁佢就拎哂8個... 亦係佢23歲仔o既入生裏面14個金牌
真係又一個WR
今日好誇張
我見到kobe都有去水立方睇michael比賽
michael仲要拎完獎
當正自己係歌手開演唱會咁
將一早準備好o既tee 同埋大會o既香檳掟上觀眾席囉!!!
佢又做埋d kai子野喇...
真係今日嫁... 奈何佢真係dayday都要俾人影d kai相先開心
你睇佢知道自己破左WR個樣幾開心
cute到暈!!!
michael 個身材真係唔惹少
件shark 泳衣就泥甩喇.... 休下條褲la!
當然我都有睇女子體操la
睇到驚心動魄
真係多得US team個失誤
唔係國家隊都冇乜可能會贏
睇住班幼齒小妹妹又跳又達
佢地真係好似真人版火影咁
尤其是平衡木果時
簡直係feel到佢地將d "卓羅" 集中哂o係腳到
唔係點會轉體1周之後可以企返o係舊木上面仲要唔跌落泥????
簡直係一班忍者!
同時發現有個好似我家姐....
so terrible!!!
左3... 真係好似我家姐...
of coz係細個果時個樣la!!!
初時我仲以為係班女團拋起佢教練
嚇到我... 「佢地真係天賜神力」
原來係班男人... 真係錯誤感嘆....
睇跳水
志不在睇中國隊贏 or 點樣贏
因為... 佢地贏跳水真係話都冇咁易
所以我o既志... 就放哂o係德國跳水仔身上
因為冇得睇英國cute cute跳水仔丫嘛
德國果個真係跳板又係佢... 高台又係佢... 唔知點解ga wor
但佢真係好靚仔... 得閒捧下場la =]
估唔到睇女排就同睇男籃一樣
令我心跳加速... 亦都失望而回
我當初都覺得中國會輸嫁
但贏開就好想佢贏
仲以為最後第4局俾古巴追成平手都算la
[如同當日中國俾西班牙o係完場追平一樣]
點知... 竟然duce 第5局竟然俾古巴追贏... -__________-
[如同當日西班牙o係duce到怒鏟中國球員]
令人痛心疾首
那個號稱「玻璃腳」o既妹妹仔...
估佢唔到... 雖然望落好高... 但原來佢唔知望落好高
in fact係very 高... 197cm...
姚明結左婚喇... 我介紹易建聯你識丫 =]
呢個就係玻璃腳趙蕊蕊 =]
幾可愛丫
聽日唔洗早起睇游水
聽日晏晝睇波 中國vs 安哥拉... 夜晚都睇波... US vs 希臘
p.s. 好耐冇見情人o既你... 後日15號係七夕喇... 俾個藉口,, 俾個機會自己見下佢la =]
>>August 13, 2008 at 6:48:29 PM GMT+8
|
TVXQ - Love is...
|
|
廣告 |
|
|
讀者留言 |
| 路人留言
|
 唐生d歌真係好好聽law! *v
>>February 17, 2009 at 12:13:16 PM GMT+8
D故事可以向邊睇到架?
>>February 17, 2009 at 6:12:33 AM GMT+8
今日條賤人聽到有學生要考TPC
>>February 12, 2009 at 5:12:05 PM GMT+8
今日向日經被放逐一個半鐘頭睇紅白
>>February 10, 2009 at 4:11:56 PM GMT+8
我地ward都一樣有歧視scho
>>February 4, 2009 at 4:35:50 PM GMT+8
仲有一日假期就完
<br>好好享
>>January 27, 2009 at 3:03:13 PM GMT+8
個老闆娘唔係話
<br>"唔怪之
>>January 2, 2009 at 3:54:16 AM GMT+8
jj，你有冇睇錯?
<br>我冇
>>December 9, 2008 at 4:48:34 PM GMT+8
我o個人講野，真係咁有智慧??!
>>December 4, 2008 at 5:47:17 PM GMT+8
The new hair sty
>>December 3, 2008 at 2:33:29 PM GMT+8
哈哈哈哈........
<br
>>November 8, 2008 at 2:14:08 PM GMT+8
I can't imagine
>>October 30, 2008 at 6:24:29 AM GMT+8
JJ,
<br>
<br>我地今
>>October 11, 2008 at 5:05:15 PM GMT+8
你應該做埋代購
<br>隻隻扣都
>>September 21, 2008 at 3:56:14 AM GMT+8
TMH... 哈哈哈哈哈哈...
>>September 8, 2008 at 5:58:18 PM GMT+8
哈哈
<br>你側邊d相我試過停
>>September 5, 2008 at 7:03:42 PM GMT+8
絕對同意...
<br>
<br
>>August 11, 2008 at 10:06:33 AM GMT+8
wa...
<br>原來你首 b
>>July 24, 2008 at 11:27:15 AM GMT+8
JAYJAY，估唔到你會去我XA
>>May 22, 2008 at 11:49:07 AM GMT+8
ME too...
<br>
<
>>April 29, 2008 at 8:50:51 AM GMT+8
如果
<br>
<br>我唔理大
>>January 30, 2008 at 4:48:50 PM GMT+8
無他既...
<br>鬼叫o個個
>>January 28, 2008 at 7:55:04 PM GMT+8
我今日都係咁溫日文呀...
<b
>>November 27, 2007 at 4:51:38 PM GMT+8
你無事嗎?傻婆!!我同你都經歷過
>>November 7, 2007 at 7:40:51 AM GMT+8
都唔好玩既,俾你估到我係邊個ti
>>October 2, 2007 at 3:57:18 PM GMT+8
雖然入迪士尼好似用錢買快樂
<
>>October 1, 2007 at 1:34:32 PM GMT+8
真係無諗過...好耐無睇過你日記
>>September 28, 2007 at 3:42:49 PM GMT+8
真係對唔住呢...
<br>我諗
>>September 7, 2007 at 3:45:37 PM GMT+8
買呀!年票係今年必買呀!!!
>>September 1, 2007 at 4:45:01 PM GMT+8
錢錢?
<br>
<br>哈哈哈
>>August 27, 2007 at 12:12:02 PM GMT+8
ar~ 我見到la 【私奔到月球
>>August 21, 2007 at 12:18:50 PM GMT+8
hi jj~ 路過的 你blog
>>August 21, 2007 at 12:14:33 PM GMT+8
halo, jj~
<br>so
>>August 7, 2007 at 2:15:00 AM GMT+8
今次bg 好靚呀!!! =]
>>July 31, 2007 at 6:03:31 PM GMT+8
真羨慕你有個快樂placemen
>>June 25, 2007 at 5:57:59 PM GMT+8
jj,知道anna係好人真係令我
>>June 21, 2007 at 3:59:13 PM GMT+8
Jayjay
<br>加油呀~
>>June 12, 2007 at 4:21:55 AM GMT+8
你去student page 咪
>>June 11, 2007 at 5:45:25 AM GMT+8
今日search自己個名
<br
>>May 29, 2007 at 7:20:26 PM GMT+8
幫我整個logo阿!!得吾得>?
>>May 3, 2007 at 1:47:07 PM GMT+8
哈哈哈
<br>
<br>有咩唔
>>May 2, 2007 at 4:44:46 PM GMT+8
Nevermind ar! BA
>>April 17, 2007 at 3:43:42 PM GMT+8
起碼o係我唯一一次叫到你地泥睇之
>>March 30, 2007 at 5:28:29 PM GMT+8
第一次留言。
<br>
<br>
>>March 9, 2007 at 6:01:34 PM GMT+8
我唔番學係因為我連企起身既能力都
>>February 13, 2007 at 7:15:06 AM GMT+8
咩心事呢...
<br>
<br
>>February 5, 2007 at 7:12:18 PM GMT+8
你睇套DRAMA 咁多混合體既.
>>January 15, 2007 at 6:40:20 PM GMT+8
SZE2 在看jj 日記
<br
>>December 13, 2006 at 4:46:47 PM GMT+8
竟然俾vava旱我一步讚你個ba
>>December 13, 2006 at 4:29:51 PM GMT+8
好靚呀!
<br>
<br>但係
>>December 12, 2006 at 4:47:19 PM GMT+8
|
|
人氣: 72247
Design & Scripting by ShowHappy.Net
|
.
.
.
.
.
