|
2005 年 5 月 1 日 星期日 【晴】
看了一套很好看電影
吃了一餐很好吃下午茶
逛了一圈很好玩的玩具反斗城
但其實只要身邊的是妳
便已經是最好
===================================================================================
看著這一幕 , 失落感不停的湧上
第一次有這種感覺 , 很不開心
只想吃一片檸檬 , 跟心情共鳴一番
那份很甜 , 很酸 , 也很苦的感覺 ...........
===================================================================================
仍然 ...... ( 歌詞暫定 , 未改 )
曲/詞 : ParisMan
望著妳的背影漸消失飄遠 漸覺忐忐忑忑沒法平靜
沒法再多想一個藉口叫妳逗留 如何不捨得也要讓妳走
任那冷風吹得我極疲累 任那雨點灑得我像沉睡
但妳要歸到家裡 沿途我沒妳伴隨 落泊這車廂之中極度憔悴
仍然不知進退 仍然不哼一句 仍然不敢說出心裡愛意總猜測相對
願抱著妳兩手 日子飛過了盡頭 永不足夠
仍然都只得我一個走 似個木偶
>>May 2, 2005 at 1:33:27 PM GMT+8
2005 年 4 月 30 日 星期六 【晴】
期待已久的一天
===================================================================================
哇哇哇
見到兩個靚女
絕對係配得上 "絕色" 呢兩個字
靚到丫 ............ 真係好耐冇見過咁靚既女仔
===================================================================================
今日睇細佬打區際籃球比賽
第一場贏左 , 不過只係因為對手太弱而已
第二場既對手就似 d 樣 , 點知細佬 d 隊友打到屎咁
完半場落後 12 比 4 , 睇到眼火爆
點解我話係因為 d 隊友問題而唔關我細佬事
因為我細佬上半場只係起過一兩次手 , 不過係其次
而重點就係下半場 , 雖然最後係輸左 , 但係完場既比數係 25 比 20
整整十六分全部都係我細佬搶返尼既
開始下半場時 , 細佬開始搶分 , 不過追得好辛苦
d 隊友又唔生性 , 搶到分都仲要落後 22 比 10 , 落後多左一球兩分波
只係打出一段 10 比 6 既攻勢
然而 , 之後細佬就打左一段 1 比 10 既攻勢
完場前十幾秒追到 23 比 20 , 只相差一球三分而已
當然 , 以我細佬既準確度要入波唔難 ( 因為我有信心比著我會做到 )
可惜有條友唔爭氣 , 防守對方己場開波時
唔睇實對方比對方拎到波 , 仲要比對方得分兼得罰球
雖然罰球冇入到 , 但係 d 低能隊友竟然唔即時交去前面
浪費左好幾秒至過半場 , 又過左一陣至交比細佬
當細佬拎到波既時候就完場 lu
跟住見細佬個樣就知佢唔多妥 , 佢領隊訓話時就哭左出尼
衰仔 , 搞到阿哥都眼濕濕
而領隊都大讚細佬已經好好 , 雖然贏唔到 , 但都曾有一線贏既希望
而 d 低能隊友當然比領隊鬧到 pk , 話 : 唔係有萬思行你地輸得仲慘呀
唉 , 不過細佬真係好唔開心既 , 而最主要係好唔甘心 , 有 d 咁既隊友 ..............
上半場一早肯比多 d 波細佬射就唔洗輸啦 , 下半場十五分鐘拎左十六分呀
冇法啦 , 球員質素參差 ..........
===================================================================================
星期二拎部 mp3 出去整
星期三就同晴去睇 "早熟" , 呵呵
剩低四至日 , 仲有 d 人要搵 ......... 要諗諗點安排 ............
>>May 2, 2005 at 5:59:56 PM GMT+8
2005 年 4 月 29 日 星期五 【晴】
咦咦咦
根據所得情報
某女生同一位男生去街街喎
若果呢位男生係某女生既男朋友的話
咁小弟在此處以最真誠既心祝福呢位男生啦
good luck 啦哥仔 , 做人要吃得苦受得氣
===================================================================================
同細佬打波
先來兩場三分 key ( 輸左 )
跟住玩 O.U.T ( 又輸左 )
之後射 key ( 贏 lu )
然後再射二十球罰球 ( 輸左 , 不過係因為兩隻眼唔舒服 , 十二球有一半我係閉眼射入既 )
最後再來兩場三分 key ( 贏埋 )
睇落我好似好水喎 , 不過實情就唔係喎
1) 我細佬成日打開波 , 又校隊又區隊 , 佢射得準係應該既
2) 要知道我係好日都唔打一次波 , 成個月先打得兩個鐘 , 我可以有幾準呢
3) 耐冇打以致命中率下降之外 , 我竟然可以忘記左自己既射波理論 -- 向上拋物線
而我記返起既時候 , 正正係尾二場三分 key 入第二球既時候
雖然只有以前八成半功力 , 不過已經足夠贏
基本上街場 d 人成日話我細佬射波好準
呢一層當然啦 , 佢由 02 年小四開始已經同我鬥三分想超越我
訓練左三年當然有咁上下啦 , 不過從上述三點同今日尾兩場證實
我細佬既三分係仲未超越到我既 , 呵呵
記得對 03 中醫開波之前
有一位同學以不屑眼光同語氣
對我話 : 你又打 ? 你得唔得架 ?
我當時心諗 : 你條 x 樣同我鬥三分我一定贏梗你
而o個一場波尚好 , 都有其他人交下波比我
第二場就食屎啦 , 要我成場企三分線睇波
不過今日我向自己再次證明自己既三分能力
一個成日比人讚射波準既人都仲未超越到我
我既三分並唔係浪得虛名既
===================================================================================
星期一 , 星期一
去睇戲戲呀 , 好開心呀
重要既其實係見到妳o者 , hehe
===================================================================================
我心愛既 Jolin 出左新碟呀
勁爆開心 , 二話不說即買啦
仲要好好彩係最後一隻尼架 , 感謝主呀
同埋好彩之前睇到條褲冇買到
>>April 30, 2005 at 5:23:10 PM GMT+8
2005 年 4 月 28 日 星期四 【晴】
落左火車
跟住打電話比乖乖女傾左陣
真開心 , 如果佢努力溫書我就仲開心
新老豆 : 我呢 d 仲討論緊大學生應否拍拖架嘛
乖乖女 : 咁你之前o個個係邊個尼架
新老豆 : A .... r ...... 中學生應該拍拖嘛 , 中學生得大學生唔得架
===================================================================================
死野 , 成日唔聽電話
妳個電話要尼做乜架
我好似二月已經話搵妳去街街架喇喎
===================================================================================
又打左比 KeyKi 傾左陣
hehe , 真係多晒關心呀
我話咁快就病完 lu
遲 d 我地又去睇套戲食餐飯呀下
===================================================================================
讓我唱
曲/詞 : ParisMan ( 29/4/05 )
全然獻奉我深切感恩歸予你
獲你十架犧牲的愛 明白我未配得起
全然注視你終這一生奔向你
沿路有著你即使苦困亦美
讓我唱 la la la la la la la
讓我高歌讚頌你
赦下一身重擔 在你恩典裡得釋放
讓我唱 la la la la la la la
讓我安躺你膀臂
全地遍達讚美 獨你是至高尊貴 你永是王
>>April 29, 2005 at 3:34:30 PM GMT+8
2005 年 4 月 27 日 星期三 【晴】
何以似個傻瓜
口結了巴
然而往後一切
也許只是我想得太差
一反常態 , 竟然有啲緊張感 ..........
===================================================================================
請恕我不思進取
只想留在那裡
儘管那處不少眼淚
情長卻似江水
"小天使" , 聽著不禁滿眶熱淚 ..............
===================================================================================
二時二十四分火車
預算三時四十一分到站
四時三十分前可回到家中
唔知 "龍虎門" 講到邊呢 @@!
太中意王小龍呢個角色喇
好心王小虎就咪鬼成日咁多戲啦
石黑龍近來又係冇乜戲份
既然三個都係主角
三個啲戲份就應該平均啲啦
===================================================================================
討厭常雨下至紅歸峻嶺
巒嶂之上失卻嬝嬝景致
心中盡是想念七色霓裳
奈何眼前只有灰色一片
唉 ..................
>>April 28, 2005 at 1:41:34 PM GMT+8
2005 年 4 月 26 日 星期二 【晴】
是遠亦近 , 愛是永不止息的
你與我所走過的 , 都不會逝去
總會長留在我思憶之中
縱使 , 以後的路程還有很多
但我相信 , 我的一生總有你在旁
無論是遠是近 --------- 5/11/01
冇記錯嘅話 , 呢段嘢係當晚維奶一邊同陳某小姐 icq
一邊同我傾電話時我即興諗到
呢段話詩係 for 佢地兩個嘅 , 包含咗我對佢地嘅感情
我記憶之中好似冇講過比維奶知
咁就 ........ 呢段嘢你睇到就算 , 睇唔到都算啦
呢一兩日入心面諗起一啲事 , 諗起一直以來同你真係好好朋友
雖然大家一樣咁火爆 , 經常星期六响少青嘈交 , 但係次次嘈完之後不到十分鐘
大家可以好似冇事發現過咁一齊諗完咗聚會去邊食嘢
而無論咩事你都明白到我嘅感受同諗法 ( 縱使認同係另一會事 )
當然大家感情係淡咗 , 不過依舊係好朋友
就好似有啲事你只會同我一個講 , 而我亦有啲事只會同你一個講
===================================================================================
我相信真正嘅好朋友係唔會怕嘈交
相比起爭吵不休 , 大家更怕嘅係睇住對方死
===================================================================================
乖乖女比心機呀
唔好做咗不孝女呀下
少極都要同我拎到十七分呀
===================================================================================
hahahahahahahaha ...........
算啦 , 冇人會明我笑乜架喇 ^^
>>April 27, 2005 at 2:56:29 PM GMT+8
2005 年 4 月 25 日 星期一 【晴】
la lei ?? 就快冇電要購電 ??
唔好啦 , 挨到星期五我就 ok 架喇
咪鬼咁煩啦 , 要冇都等到我返尼先再算啦
===================================================================================
終於搞到自己有點生病 lu
都係正路嘅 , 呢幾日咁搞法 .........
===================================================================================
如無意外嘅話
聽日就可以 ....... yeah ^^
===================================================================================
la lei ?? 今日考體能 ??
大鑊 !! 死得 !!
之但係已經周身骨痛
都係算吧啦
>>April 26, 2005 at 10:09:45 AM GMT+8
2005 年 4 月 24 日 星期日 【晴】
唔好問自己能夠做啲乜
要問自己想做啲乜
然後係要做啲乜
===================================================================================
晏晝淋咗陣雨 , 好中意嗰份洗滌感
雖然心入面其實明白啲雨水係骯髒得過份
不過算啦 , 沖過涼又係好漢一條
===================================================================================
風雨雷電 , 樹响沙沙
編織成嘅樂章幾時都係咁動聽
然後聽返一闕 "絕" , 一首 "天使藍" , 一曲 "Let Me Die"
呢種心境氣氛 , 真係久違了
===================================================================================
唔好意思呀阿慈
小弟能力有限幫妳唔到
===================================================================================
應該會是這一兩晚吧
等得我很苦了
===================================================================================
倫理學講起安樂死
諗起蘇東坡一句 "因病得閒殊不惡 , 安心是藥更無方"
去得心安理得至係真真正正嘅安樂死
===================================================================================
平日對身邊一啲人冇乜嘢
只係因為時常本住 "人不犯我 , 我不犯人"
我好似冇乜嘢唔代表我會容忍
若果惹起我 , 我可以同你沒了沒完
我絕對唔係一個好惹嘅人
你狂 , 我會比你更狂
你狠 , 我可以比你更狠
>>April 25, 2005 at 2:31:20 PM GMT+8
2005 年 4 月 23 日 星期六 【晴】
野炊 , 突然有份 wild camp 感
諗起同維奶阿宜佢地嘅日子
然後已分不清是被煙燻了眼而流淚
還是自己衝動地流了淚 ............
夜晚 , 越熱鬧越覺得孤獨
心入面最掛住嘅嗰啲人都唔响身邊
飲咗罐唔多凍嘅啤酒
烏雲葬月閉夜星 , 獨對漆黑醉未醒
好想好想聽 "安靜" , 可惜冇 diseman
只有吹口琴 , 就好似當年一樣
响帳篷入面唔多慣 , 少咗啲浪濤聲
然而又彷彿感到每個朋友
身邊係維奶 , 某一處係 Daisy 同宜
某一處係倫越 , 角仔同肥 Ray
某一處係盈同 Gary
某一處係 GiGi 同 Tony少
無奈掀起帳篷 , 只有一抹冷風
>>April 24, 2005 at 1:13:07 AM GMT+8
2005 年 4 月 22 日 星期五 【晴】
計落都過咗一個月冇飲過酒 lu
我諗我係有少少酒癮
每個月都要啤啤佢至得
不過其實閒來整返幾罐又真係幾爽嘅
酒呀 , 酒呀 , 我愛酒呀
===================================================================================
乜鬼醫生尼架
兩個都唔同版本嘅
容乜易第三條友會有新版本架
突然諗起 "天下無賊" 入面
劉德華 send 比 劉若英嘅一個 message
"有我在 , 妳放心"
===================================================================================
咦 , 有四個月冇見過天茵
八個月冇見過 Daisy
過咗外國嘅心, 倫越同肥 Ray 唔知又幾時返呢
同寶瑩就兩年兩個月冇見啦
仲有都幾想見下阿宜
如果撞到嘉怡都唔錯喎
靚女高材生 , 真係幾鬼靚嘅啫
不過大家只係萍水相逢而已
可能佢連我係邊鬼個都唔記得 , 哈哈
===================================================================================
好正呀 ~ !!
愛不起 ( 王杰 )
講不出的都可給你猜透
令我發覺開不了口
你那眼角斜望著我
令我心動 讓我心跳 令我失控
很想講的不敢跟你講
最怕進退不得的迷惘
每次偶爾沿途遇上
令我失儀 讓我失控 令我失意
躲於哪處 總是想你 沒一處不在
花花世界 這麼廣闊
就算天那樣大 或處境怎樣壞
但已跨過疆界
Wow 永沒法子愛你 你或會同情我
極度迷惑了 而能力上永遠付不起
Wow 永遠沒法給予你
你渴望那份完美
越是迷住我 豪華名貴
越是發現愛不起
>>April 22, 2005 at 5:33:03 PM GMT+8
|
人氣: 36611
Design & Scripting by ShowHappy.Net
|
看了一套很好看電影
期待已久的一天
何以似個傻瓜
計落都過咗一個月冇飲過酒 lu
可否告訴教會的地址?
<br>