|
2005 年 5 月 10 日 星期二 【晴】
黃昏時 , 看著一位女孩的日記
原來在不知不覺間 , 她今年要升中四了
傾刻間 , 記起了那個從前在每個周末也會嚷著思源哥哥的她
有時亦會通通電話 , 談談天 ......... 一切一切還像是昨天的事
現在的她竟已快要成為會考生了 , 時光飛逝之快真的可怕
昨天的小女孩已經長大了 , 還越來越成熟起來
百般思潮間 , 我只有嘆聲 : 我老喇 ......
搵來搵去都搵唔到我 Mission Teens 件衫
如果真係唔見咗我絕對絕對會超勁唔開心 .........
呢件衫對我尼講太重要喇
===================================================================================
用牙刷同牙膏响每個階專嘅邊邊擦呀擦 ??
又真係幾愚蠢嘅方法喎 , 哈哈
比我講啱咗 , 我都話妳係傻妹尼架啦 , 呵呵
===================================================================================
繼續努力操好啲
要超越以前 , 暫時以六十下 push-up 同百六下 sit-up 為目標
以前都可以五十下同百二下啦 , 肯操返嘅話係冇理由唔得嘅
( 當然係要一口氣做晒啦 , 我並唔係浪得虛名嘅 , 哈哈 )
===================================================================================
突然好死想搵阿豬朋狗友唱 k 唱到通宵達旦
飲下啤酒 , 橫豎我都未嘗試過飲到盡 , 一於就嘗試下
食煙就唔洗預我 , 雖然係識食 , 但係唔係咁受得啲氣味
不過都係要到暑假先有機會架啦 ......
>>May 11, 2005 at 2:51:54 PM GMT+8
2005 年 5 月 9 日 星期一 【晴】
又到咗暨大 700 變變變生命力嘅時間
地點依然係 6402 嘅
首先望望上面 , 一隻蒼蠅同一隻飛蛾正在大戰
努力呀飛蛾 , 我支持你
再望下前面位同學個頭 , 有一隻甲蟲跳緊 para para 喎
跳得幾鬼 happy 呀
咦 , 睇下張枱 , 有一對昆蟲拍緊拖喎 , 幾鬼 sweet 呀
哇哇 , 阿蚊仔 , 你想點呀 , 响我本書上面經典下典下 , 發姣呀你
再望自己件衫同條褲 , 各有一隻小昆蟲响度悠遊自在咁曬緊燈光
不知幾咁 soft , 仲好過去夏威夷呀
仲有 ..........
歡樂時光過得特別快 , 又係時間講 bye bye
下周同樣時間歡迎大家繼續收看 , 多謝觀賞
===================================================================================
好似好耐冇見妳出現喎 .........
搞咩啫 ..........
所有嘢我一直都係講真而唔係講笑架
===================================================================================
尋日突然諗起一個勁耐冇見嘅 fd , 直頭連 online 都冇
點知尋晚就見佢 online , 人生真係有趣 .........
吹咗陣水 , 竟然見到潘小姐出現喎
真係比妳笑鬼死呀 , 減乜鬼丫妳
仲有我係好認真好認真 : 究竟係咩啫 , 答我啦 , sorry lor ^^!
===================================================================================
星期日都係落下樟木頭搵下爹娘弟弟啦
剪下頭髮順便拎多少少洗費都好
>>May 10, 2005 at 1:48:36 PM GMT+8
2005 年 5 月 9 日 星期一 【晴】
好想好想做一件事
大回顧呀
如何能讓妳知道總欠力氣
無人搖動我心意別放棄
( 忘記妳 , 想見妳 ) 曲 : 5/9/02 , 詞 [with Tony少]
Holding you
Feeling your heart so close to mine
With my whispering , saying how much I love you
( Lovin'U Holdin'U ) 曲/詞 : 6/5/02
你在說一聲好友似刀割我心萬次
我卻沒說一聲你留低吧
( 你最愛是我 ) 曲/詞 : 28/11/02
我唯求能和妳成就個永恆傳奇
無懼愛磨練到下世紀
( 永恆傳奇 ) 曲/詞 : 29/1/03
灰雲中 , 它的心沒有光彩
是欠了金邊還未給的愛
( 烏雲金邊 ) 曲 : 22/4/01 , 詞 : 24/4/01
在明日 , 在寒夜冷雨裡孤身撐過
不必呵我 , 少擔心我 , 餘下半生終須過
( 失戀王的重生日 ) 曲 : 25/11/02 , 詞 : 18/12/02
如果有一個期限
我但願是一萬年
( 五百年前的一萬年 ) 曲/詞 : 21/12/02
在你的手中怎麼思想
越要多猜想即將缺氧
( 這樣 ) 曲詞 : 21/3/03
看著冷夜雨絲絲跌跌墜墜
掛念妳卻抵不了空虛
( 亂 ) 曲 : 4/5/03 , 詞 : 7/5/03
一分鐘不見徒添了我的思念
不要再想念可是我不能拒絕
( 想念 ) 曲/詞 : 15/5/03
Season's changing but my love has no change
Would you trust me oh my baby , you'll realise it's so amazing
( On My Mind ) 曲/詞 : 11/6/03
心中相信妳或我
誰亦痴痴的夢過床邊的妳常陪著我
( 如沒有妳 ) 曲/詞 : 24/6/03
讓我們清洗這人間 , 讓我們苦歷千百遍
紅的世界 , 水成鮮血 , 讓我們喝生命之泉
( 驚情四百年 ) 曲/詞 : 5/9/03
多少人任對方走過
一起又分開為什麼
( 愛路過 ) 曲/詞 : 8/9/03
凡事你要勉強硬來總會有害
難道我盡力會得到你掌聲喝采
( 哭泣演說 ) 曲/詞 : 11/9/03
從我心輕輕點愛火
憑愛火哪怕泯滅我
( 歲月 ) 曲/詞 : 20/8/03
若是愛來到不應錯過
但你竟狠心推開了我
( 多找一個 ) 曲/詞 : 6/10/03
幸福的愛我不能給
妳現在找誰來給妳安慰
( 不是我 ) 曲/詞 : 9/10/03
花可以美多少歲
不可與地永相隨
( 風 ) 曲/詞 : 14/10/03
越去想越憔悴 , 當愛是冷水
只有唏噓沒讚許
( 忘愛 ) 曲 : 28/11/03 , 詞 : 30/11/03
在妳身體的暖溫中我韻樂輕奏
在妳呼叫吸間輕舞我雙手
( 雙手之禱 ) 曲 : 5/1/04 , 詞 : 7/1/04
思潮中又再忐忑跌蕩
天天回想妳的最美顏容
( 心夢 ) 曲/詞 : 13/3/04
別回望沿途跟你每顆音有過曙光
共妳緣盡了 , 琴弦斷了 , 常長夜獨奏傷心的歌
( 斷弦琴 ) 曲/詞 : 13/4/04
過去已過 , 不算什麼
人願長久 , 地老天荒
( 緣 ) 詞 : 3/3/02
妳要醉一醉 , 妳要睡一睡 , 妳要安靜了
我可以沉默相對 , 妳心情我總體會
( 祝福 ) 曲/詞 : 31/8/04
How do I live without you
There will be nothing I can do
( How Do I Live Without You ) 曲 : 8/3/04 , 詞 : 19/9/04
是妳的笑窩偷偷將我心帶走
每晚心中多盼望會共妳走到白頭
( 偷心之秋 ) 曲 : 9/10/04 . 詞 : 10/10/04
那麼可笑曾給過承諾
永遠愛我 , 永不放手
( 忘憂草 ) 曲 : 13/10/04 , 詞 : 15/10/04
願我可一生緊抱著你 , 願我可一生親吻著你
但此際你已逝去 , 只有在夢裡方可觸摸你
( 愛作戰 ) 曲/詞 : 20/10/04
Oh baby I wanna sleep
I wanna see you in my dream
( Sleeping ) 曲/詞 : 3/11/04
Let's drink some water and you'll remember me
Coz' you'll think of the source of water that my name is
( Let's Drink Some Water ) 曲/詞 : 4/11/04
容我躺進妳心內就似睡床
無懼世間變幻
( 被窩 ) 曲/詞 : 23/11/04
如可跟妳天天共遊戲
不理光陰或場地
( 雪兔 ) 曲/詞 : 4/12/04
如果你此刻給我熱烈地一吻
尤像赤道燙滾熾熱的吻
( 巧克力 ) 曲/詞 : 10/12/04
I feel blue , I wanna cry
Can anyone save my life
( Lost ) 曲/詞 : 17/12/04
其實妳亦明白我多喜歡妳
妳最清楚
( 隨遇而安 ) 曲/詞 : 4/1/05
怎麼我總是想得想得太多
想太多我心不停不停難過
( 太陽星星月亮 ) 曲/詞 : 22/1/05
如可每天能跟妳日夜暢遊
遊盡多少商店或壯麗公園也未夠
( 暢遊 ) 曲 : 25/1/05 [by角仔] , 詞 : 26/1/05
無法挽救這一道裂痕 , 漸已走進了自困
愛得深也會恨得極深 , 即使過往很歡欣
( 殺機 ) 曲/詞 : 27/1/05
一百三十二天已過
妳我在某店裡重逢
( 132 ) 曲/詞 : 29/1/05
誰人也讚過我是極好
可惜未被妳討好
( 討好 ) 曲/詞 : 2/3/05~4/3/05
也想過喝個半醉放任胡混
但若是沒愛得真怎算是人
( 不是人 ) 曲/詞 : 9/3/05~10/3/05
If the world will disappear on the day after tomorrow
Please take my hands before time and be my guiding angel
( The Day After Tomorrow ) 曲 : 11/4/05 , 詞 : 12/4/05
仍然自閉著每日每夜不見晴天
獨閉這幽暗家裡跟那死角共對千萬年
( 不見天日 ) 曲/詞 : 15/4/05
願抱著妳兩手
日子飛過了盡頭永不足夠
( 仍然 ) 曲/詞 : 2/5/05
暫時有咗詞嘅歌有咁多首
仲有一大堆未填嘅歌
>>May 10, 2005 at 9:36:44 AM GMT+8
2005 年 5 月 8 日 星期日 【晴】
今朝難敵眼瞓 , 走咗四堂
覺得自己好鬼失敗
可能太多嘢諗又瞓到傻傻地
成個人迷迷茫茫咁 , 睇完 "戀愛行星" 之後出咗去行一陣
行行諗起不時有人話生死只係相隔一線
不過在我看來就連條線都唔存在
生何衰 , 死何苦 , 冇乜所謂啦
大家聽返首 "活著多好" 悼念一下我就夠架喇
諗諗下 , 其實自己都幾幸福
有自己嘅信仰 , 有個好好嘅屋企 ( 尤其係有個我好中意嘅細佬 )
有自己嘅理想 , 有個目標比自己前進 ( 世界上有太多人係冇自己嘅理想 )
有自己嘅興趣 , 玩下樂器寫下歌 ( 世界上有太多人終日無所事事 )
有自己中意嘅人 ( 世界上有太多人只求刹那激情就算 )
身邊有唔少好朋友 ( 一定會講妳啦 , 晴 ! 仲有維奶 , vector 組 , 乖女 , 同埋其他不能盡錄啦 )
仲有古代嘅人生四大目標我亦做咗 75% lu
所以說到底我迷乜鬼茫丫 , 重要只係自己要爭氣要努力啫
雖然有好多嘢都怕自己做唔到 , 但係至少要先做一件事
亦都係最重要嘅一件事 : 順服神
People try their best and God do the rest
雖然唔知聽日會點 , 但係都要努力繼續前行
===================================================================================
"原來中意一個人係可以咁架 , 一個係人 , 一個係鬼 , 明知冇可能架嘛 , 但係中意就中意架喇 , 唔洗諗有冇可能架 , 原來愛情係冇得計架" ( 戀愛行星 )
所以 ....... 都係無謂諗咁多 lu
===================================================================================
Love at first sight ( "戀愛行星" 插曲 ) 好好聽架 ^^
The first time I saw your face
My heart traveled to a magical place
Now I know what they said about love was so right
I believe in love at first sight
Sometimes it rains
Sometimes it shines so bright
Which is wrong ? Which is right ?
Sometimes you cry
Sometimes you smile so bright
Is it love ? What is love ?
>>May 9, 2005 at 10:21:22 AM GMT+8
2005 年 5 月 7 日 星期六 【晴】
尋晚上咗維奶屋企
飲咗罐啤 , 點幾至瞓
瞓到唔願起身 , 不過點都要起身返教會
返到去竟然見到阿媽同阿爸
估唔到佢地會返座堂喎 , 阿媽仲做伴唱 tim
講道講到公義嘅問題
唉 ...... 我都知我冇乜嘅 ......... 要改善一下再多幾下
食完嘢就返歸收拾行囊 , 細佬竟然又去咗打波 ..........
落到深圳買車飛時有條友响側邊插隊 , 即刻用打波啲食位方法頂住佢
然後大大聲咁叫佢排隊 , 點知條友冇有識死話係我排得唔好喎
又係比位我上啦 , 即刻回應一句 : 排隊排响人地側邊嘅咩 , 排响人地後面架嘛
係咪呢 , 講少句咪好 lor , 係都要我窒到你冇聲出嘅
明明係你唔啱認咗佢咪算 lor , 仲想話返我呀 ? 節省啲啦你
落咗火車睇過時間表 , 如果走一堂坐十二點鐘就可以一點半到深圳
約四點响銅鑼灣嘅話仲有兩個半鐘時間可以用 , 一定夠返完屋企再出
雖然已經問過亦都得到一口答應 , 不過到時約唔約仲係未知之數
約唔到就 ...... 晴 , 到時妳陪我呀下 , 我地順便去打機 , 哈哈
===================================================================================
睇下 "娃鬼新娘" 先
跟住睇第四次嘅 "Tiramisu"
===================================================================================
收穫係知道咗真相 , 損失係冇咗平常心
而家已經絕對肯定完全清楚明白了解自己點
但係 ........ 我又可以點 ..................
>>May 8, 2005 at 11:34:51 AM GMT+8
2005 年 5 月 6 日 星期五 【晴】
打炸彈人打到四點訓
十一點半起身
一點飲茶
兩點同細佬打波
三點出沙田睇 "天國驕雄"
套嘢好一般下
睇完落上水食飯
之後傾咗個四十四分鐘嘅電話
搞到右手好累
跟住上朋友屋企
而家打日記
===================================================================================
晴晴呀
係我唔啱 , 係我唔好
千萬個對唔住呀下
咁即係到底咩呀 , 我都係仲未知喎
講啦 , 講啦 , 話我知啦
>>May 8, 2005 at 7:43:55 AM GMT+8
2005 年 5 月 5 日 星期四 【晴】
十二點半起身 , 睇左陣龍珠z
跟住都冇心情睇
想搵碟睇又冇咩好睇
都係又出旺角打下頭文字算
出到旺角撞到個朋友
撞完之後又撞多一個
打完機都七點八 lu
無無聊聊咪打下電話比人 lor
不過唔多合時 , 食緊飯
咁無謂阻住妳啦 ^^
跟住終於買左 "娃鬼新娘" lu
下次見妳拎埋比妳呀下
撘小巴返屋企時打電話比乖乖女
一傾就傾左半粒鐘 , 阻左乖乖女半個鐘溫書 tim ^^!
返到屋企睇下某人日記 , 未有變動
唉 ...... 同佢都唔知點好 ........ 亦都唔到我可以點 ...............
冇咩好做咪姑且打下自己日記 lor
跟住打下打下 , 就打到呢度 lu
>>May 6, 2005 at 1:34:52 PM GMT+8
2005 年 5 月 4 日 星期三 【晴】
無無聊聊冇咩野做
打過電話 lor
不過又係撞岩冇人聽
唉 ........ 冇乜緣咁 ...........
真唔開心 ................
===================================================================================
仲未睇 "娃鬼新娘"
聽日買返隻先
===================================================================================
約唔到就 ........ 又要等下啦 ...........
有排先至到月尾 ...........
小晴呀 , 救命呀 @@!
>>May 5, 2005 at 1:21:20 PM GMT+8
2005 年 5 月 3 日 星期二 【晴】
今日出左觀塘 APM 睇 "早熟"
估唔到套戲係勁爆笑
不過成日都聽唔到房祖明講乜
要睇字幕至得
阿明 , 你都係講返中文啦
小晴 , 我今日電梯講既野
我剩係同妳一個講架咋 ^^
呢件事真係令我幾煩惱下
妳知啦 , 現實客觀狀況 ............
===================================================================================
再落老旺打機 , 爽呀
===================================================================================
撘火車既時候突然諗到一樣得意野
希望到時會成功啦 , 得既話就開心死 lu
絕對會係一件好正既事 , 呵呵
誠心祝妳六月前都唔好搵到工呀
>>May 4, 2005 at 2:17:48 PM GMT+8
2005 年 5 月 2 日 星期一 【晴】
出左去 CausewayBay 搞部 mp3
搞完同個 fd 落返去旺角打機
由四點打到七點八至走
成身都係煙臭味 , 返到屋企沖左兩次涼
===================================================================================
心情一般 , 成日都係仲諗住某一日既事
對我尼講好特別既一日 , 真係 "遊盡多少商店或壯麗公園也未夠"
當時心入面既一份衝動仲沖擊到而家
我知道我今次係好認真
===================================================================================
不要說怕悶到我 , 相反地是我怕我令妳感到悶
好高興妳說我願意跟妳一起逛街已經很高興
而我心裡真正高興的不是大家做過什麼的事情
重要的是在我身邊的人是妳
不多說話便不多說話吧 , 這個才是妳
那麼 , 大家享受一起的時間便足夠了
還有在這裡對妳說聲 : 生日快樂
===================================================================================
TeQuirol
我知道我終有一日會開口說出
>>May 3, 2005 at 3:15:41 PM GMT+8
|
人氣: 36611
Design & Scripting by ShowHappy.Net
|
黃昏時 , 看著一位女孩的日記
又到咗暨大 700 變變變生命力嘅時間
尋晚上咗維奶屋企
無無聊聊冇咩野做
可否告訴教會的地址?
<br>