|
2005 年 5 月 19 日 星期四 【晴】
終於重新 record 好 "Lovin'U Holdin'U"
原先諗住跟足當年嘅第一版開始係用勾指
不過好麻煩 , 而且出尼嘅效果唔好
唯有改用掃 , 估唔到原來仲好聽
除此之外 , 結他 solo 部份個尾加多咗幾個音
而結他 jam 嘅部份保留咗八成 , 仲有當然係唱歌進步咗啦
錄嘅時候都幾感觸下 , 嗰陣第一版响維奶屋企搞嘅
一支結他加一支口琴做起晒成首歌
勾指 , 掃 chord , 跟住打 bass , 又倒轉支他當搖鼓拍
尤其吹口琴嘅時候 , 唔經唔覺支口琴已經陪咗我差唔多三年
呢首歌 ....... 太多太多回憶 , 而且絕對係我最溫馨細膩嘅一首歌
人會變 , 但係呢首歌入面嘅感情係永遠都唔會變
十八歲女 , 妳明嘅當時人
成日都一句起兩句止 , 當我生人勿近咁 ..........
冇咩好講 ? 妳份人就係咁架啦 ..........
===================================================================================
多謝天茵 , 雖然妳唔係第一個話首歌好聽架喇 , 哈哈
而且妳又成日記得身邊有我呢我老朋友
我幾時都撐妳架
"先天茵之憂而憂 , 後天茵之樂而樂" 丫嘛 , 哈哈
===================================================================================
估唔到 "Trational Treasure" 都幾好睇喎
"西西里的美麗傳說" 就淒淒楚楚
===================================================================================
啍 ! 我係唔會坐以待斃嘅 !
努力 ! 加油 !
>>May 20, 2005 at 2:17:55 PM GMT+8
2005 年 5 月 18 日 星期三 【晴】
同學仔搵我合唱
好啦 , 就陪你玩下啦
原先想唱老爹嘅 "勇氣" , 不過啲和音高到和唔到喎
都係 "愛我別走" 好 , 雖然啲和音都幾高
不過我總算唱到丫嘛
我自己就玩唔玩好呢 ........
仲有原創同獨唱喎 .......
睇下心情點啦
都唔知搞乜 , 唱歌越來越退步喎
雖然近來不停咁摸索點放位啫
難道係飲得凍嘢多 ??
===================================================================================
熱吻 , 體溫 , 多少纏綿感覺殘留至今
若果今天便是我的一生
也許一生最錯就是那不顧一切的一吻
假如讓你吻下去
主唱：林憶蓮 | 曲：李宗盛 | 詞：林振強 | 編：Jenny Chin/Mac Chew
( 收錄於一九九三年六月專輯 "不如重新開始" )
或是怕再告吹 才不敢因你心醉
也許生活慣了孤單 忘掉其實這叫空虛
夜幕滲滿雨水 仍然想把你婉轉相拒
卻似推不掉暖暖的咀 你抱緊孤獨身軀
如讓你吻下去吻下去
人生可否變做漫長浪漫程序
或情是一曲短得太短插曲
事完後更空虛 (明天會更空虛)
其實盼醉下去醉下去
人生清醒眼淚令人倦令人累
但如又真的交出整個心 會否只換到唏噓
或是這晚太早 不應跟你擁抱
卻也許不是太早 其實時日我已虛度
但願你對我好 話真心不要草草
也許今夜我只好 半醉中甘願賭一舖
===================================================================================
久違了的感覺 , 重現了的苦味
卻會使人無力對抗
讓人輸得一敗涂地
>>May 19, 2005 at 12:51:32 PM GMT+8
2005 年 5 月 17 日 星期二 【晴】
I always love you my dear friend
And my love for you is always more than the words I can say
Happy Birthday to 宜
我嘅話只可以講咁多 , 我只能代佢向妳問候一句
呢個始終係妳兩個嘅問題
我可以做嘅事只有支持妳地兩個 , 事情就唔到我理咁多
同埋兩個都係十八歲合法成年人
妳地應該自有解決妳地之間嘅問題嘅能力同辦法
我好希望妳地兩個可以和好
===================================================================================
一下抬腿 , 竟然就咁中咗腳跟個傷口
仲要中得應到無可再應 , 痛爆之餘只有好無奈 .......
好無奈 ........ 同埋都係痛爆 ............ 頂 ................
===================================================================================
已經早一步諗定對應之策
>>May 18, 2005 at 12:47:25 PM GMT+8
2005 年 5 月 16 日 星期一 【晴】
感恩
之前嘅兩個問題都得到好好嘅解決
而且仲要有所剩餘
祢的恩典每天夠我用
===================================================================================
聽日係阿宜嘅生日
01年認識到而家咁多年
好似都冇同佢講過一句生日快樂
聽日一定要打電話比佢
仲有都要代天茵同佢講埋
求主保守當年嘅 do re me fa
好希望佢地四個重拾關係
===================================================================================
睇到一個人响 icq 嘅一段話
有人說如果你很想要一件東西，就放它走，
如果它回來找你，就會永遠屬於你，
要是它不回來，那麼它根本就不是你的。
我好唔認同 , 因為世上有一樣嘢叫 "錯過"
有啲嘢本來係自己嘅 , 但係都要自己珍惜
係自己放到嗰樣嘢走嘅 , 咁就係自己嘅責任
冇得賴嗰樣嘢唔返轉頭 , 然後怨天怨地話根本唔係自己嘅
假如賴呢個世界唔公平 , 其實自己對嗰樣嘢至係最唔公平
到最後嗰樣嘢唔返轉頭 , 唔通自己就唔可以自己去爭取咩
呢種根本係不負責任 , 惡人先告狀嘅諗
做人唔應該係咁架 !!
===================================================================================
近來最中意嘅歌始終都係阿 Lam 嘅 "誰能明白我"
呢首歌最能夠表達我心裡感覺
誰能明白我
曲：林子祥 | 詞：鄭國江
昂然 踏著前路去 追趕理想旅途上
前行步步懷自信 風吹雨打不退讓
無論我去到那方 心裡夢想不變樣
是新生 是醒覺 夢想永遠在世上
前路哪怕遠只要自強 我繼續獨自尋路向
常為以往夢想發狂 耐心摸索路途上
懷自信我永不怕夜航 到睏倦我自彈自唱
掌聲我向夢想裡尋 儘管一切是狂想
途人路上回望我 只因我的怪模樣
途人誰能明白我 今天眼睛多雪亮
人是各有各理想 奔向目標不退讓
用歌聲 用歡笑 來博知音的讚賞
懷自信我永不怕夜航 到睏倦我自彈自唱
掌聲我向夢想裡尋 儘管一切是狂想
昂然踏著前路去 追趕理想旅途上
前行步步懷自信 依照心中那個正確方向
懷著愛與恕的心 充夢想的笑匠
用歌聲 用歡笑 來博知音的讚賞
>>May 17, 2005 at 3:28:13 PM GMT+8
2005 年 5 月 15 日 星期日 【晴】
尋晚同細佬一齊瞓 , 佢瞓出我瞓入
衰仔越瞓越入 , 仲要搵隻腳頂住我
搞到我打側貼住牆 , 勁辛苦
點知跟住佢越瞓越出 , 响正床邊就跌落地咁 , 搞到我要拉返佢入尼
佢瞓太入我就煩 , 佢瞓太出我就驚
做人大佬真係唔易 , 唉 ......... 冇覺好瞓
朝早好似瞓到十點幾就比阿媽叫醒出去食嘢
食完嘢同細佬返到打咗個半鐘波
之後再游水游咗一個鐘 , 成個人散晒咁
食過晚飯然後坐火車返宿舍
坐火車時斜對方有個女人喺開咗車之後喊
大人嘢 , 我呢啲 ( 相對佢嘅 ) 小朋友都係無謂理咁多
如果同我差唔多大又靚女嘅我即刻過去睇睇啦 , 呵呵
後尾落車嘅時候佢刻意留低咗一楸鎖匙 , 而我亦都好刻意咁拎咗
其實拎尼做乜我都唔知 , 但係就有呢份衝動
返到宿舍即刻去睇兩個日記同一個留言版
都係冇變動 , 失望 ...........
===================================================================================
想搞好幾首歌 , 不過要用好多精神同時間至得 , 唉 ........
"忘記妳 , 想見妳" ~ 同 tony少合填嘅一首歌 , 雖然唔知填乜鬼
"亂" ~ 寫比我好鍚嘅至尊寶嘅一首歌 , 雖然唔知點解會填到愛情歌咁
"Lovin'U Holdin'U" ~ 呢首太經典喇 , 點可以唔搞呀 , 雖然會諗起變心人
"忘愛" ~ 前年十一月尾聽過小晴某啲事而填嘅 , 我覺得填得幾好
"祝福" ~ 送比我好關心好關心嘅 Daisy , 我 everytime everywhere 都好撐妳架
===================================================================================
反覆咁諗起有個朋友話我似在乎又似唔在乎
或者 ....... 真正嘅我其實係在乎 , 而且係好在乎
當我越係在乎 , 就越感覺到嗰份無奈
而嗰份無奈 , 令到我時刻叫自己唔好太去在乎
唔在乎就成為一個自欺欺人嘅假象
或者 ....... 呢一個至係真相
>>May 16, 2005 at 3:42:25 PM GMT+8
2005 年 5 月 14 日 星期六 【晴】
睇咗 "神經俠侶" , 好一般喎
不過睇吳鎮宇做戲真係好正
跟住睇皇馬 , 施丹一球三十碼射門真係冇得頂
好可惜奧雲冇咩表現 , 真唔開心
同埋估唔到完場前幾分鐘比人追和咗
跟住四點睇巴塞 , 完咗半場頂唔順要瞓 lu
瞓到點半至起身 , 開 tv 見到有阿嬌嘅 "低一點的天空"
雖然套嘢又的確好一般 , 不過最重要係睇下阿嬌啫
大約四點家人到步 , 出去 hair-cut , 跟住同細佬打波
由籃底射到三分再射到入籃底 , 我都係不停地炒嘅 , 好無奈 .......
食完飯返去睇下英超護級戰 , 再睇咗套尚連奴主演嘅戲
跟住頂唔順 , 瞓 lu
不過套戲叫咩名到而家都唔知
>>May 16, 2005 at 3:31:23 PM GMT+8
2005 年 5 月 13 日 星期五 【晴】
一早起身考 BEC
用我最慢嘅 speed 做都仲有唔少時間剩
回想起 A-level 更加係一個地獄
晏晝考 oral , 真係有點火
個女人丫 , 明明啲時間未夠都叫停 , 勁乞人憎
有一 part 明明有一分鐘預備 , 佢半分鐘都唔到就話開始
咁都由得佢 , 但係我有一分鐘時間 present 架喎
佢又係半分鐘叫停 , 等我講得一半講唔到另一半
我比咗錢考試架喎 , 竟然唔比我講 , 真係過份啦 ^^!
不過最後一 part discussion 嘅最大問題係 ........
我好似搵錯咗 partner ........ 佢竟然咗得一兩句
其他時間要我不停咁搵嘢講 ........... 無奈 ...........
===================================================================================
返到宿舍又肚痛 , 九成九係今朝啲饅頭同豆漿
算啦 , 沖個涼 , 落樟木頭 lu
聽日又可以同細佬打下波 , 真開心 ^^
===================================================================================
仲有咩 ?
得一樣啫 , 日日都係嘅 .............
呢樣就 ....... 我諗小晴一定知係咩事嘅 , hehe
>>May 14, 2005 at 11:20:03 AM GMT+8
2005 年 5 月 13 日 星期五 【晴】
一早起身考 BEC
用我最慢嘅 speed 做都仲有唔少時間剩
回想起 A-level 更加係一個地獄
晏晝考 oral , 真係有點火
個女人丫 , 明明啲時間未夠都叫停 , 勁乞人憎
有一 part 明明有一分鐘預備 , 佢半分鐘都唔到就話開始
咁都由得佢 , 但係我有一分鐘時間 present 架喎
佢又係半分鐘叫停 , 等我講得一半講唔到另一半
我比咗錢考試架喎 , 竟然唔比我講 , 真係過份啦 ^^!
不過最後一 part discussion 嘅最大問題係 ........
我好似搵錯咗 partner ........ 佢竟然咗得一兩句
其他時間要我不停咁搵嘢講 ........... 無奈 ...........
===================================================================================
返到宿舍又肚痛 , 九成九係今朝啲饅頭同豆漿
算啦 , 沖個涼 , 落樟木頭 lu
聽日又可以同細佬打下波 , 真開心 ^^
===================================================================================
仲有咩 ?
得一樣啫 , 日日都係嘅 .............
>>May 14, 2005 at 11:19:12 AM GMT+8
2005 年 5 月 12 日 星期四 【晴】
等等等 , 寂寞到夜深
跟住瞓瞓瞓 , 瞓過了清晨
睇返集 one piece 落去食飯啱啱好
食過飯 , 一連睇咗一二集 the matrix
話咁快 , 又食飯 lu
食完飯睇下 jade 演唱會啦
好自然諗起至尊寶 , 因為佢中意 jade
唱歌又好聽 , 記得佢好似响學校入面加歌唱拎第二名
唱 jade 首 "負擔不起" , 真想聽到佢唱
我覺得我認識嘅女仔之中佢唱歌係最好嘅
雖然宜都好好 , 但係把聲一上高音就尖丫
又好鬼掛住至尊寶 tim , 呢個對自尼講好特別嘅別友
雖然佢知道自己事唔多 , 不過通常知親嘅就得佢一個知
都係我一啲最唔好嘅嘢 , 直頭可以用赤裸裸尼形容呀 , 哈哈
我諗第二個就一定係 Daisy , 又係知我唔少衰嘢嘅
可惜上星期至尊寶竟然上咗深圳 , 唉 ! 又話我返去搵到佢 ........
想打比宜 , 但係竟然冇做到 , 都唔知搞乜 , 打機打到傻咗卦 .......
想搵 Daisy 又係冇搵到 ..........
究竟我搞乜呢 ....... 咁奇怪嘅 .........
===================================================================================
出去閒逛一陣時諗起 e-kin 一首改編自 "東京愛的故事" 嘅歌
穿梭於擠迫都市 , 每步迎向路人 , 望著熱鬧霓虹燈跟這都市相映襯
匆匆的一刹 , 空虛的感覺 , 只想一個去安撫我心
我與妳彼此走近 ..........
努力去做好每一個決定啦
===================================================================================
或者 ....... 其實係知嘅 ...........
唔 ........ 我感覺係 !!
>>May 13, 2005 at 1:44:56 PM GMT+8
2005 年 5 月 11 日 星期三 【晴】
........ 啱啱發生兩件好唔開心嘅事 .........
............ shit ................
我可以動用嘅錢已經好就住用
咁搞法會冇晒架喎 ........... 好煩 ...... 好煩 ........
仲有隻 "愛作戰" 又失咗蹤
而佢又成個星期响 icq 失蹤
唉......... 咩事呀 ...........
睇尼 ........
又係體驗神恩嘅時候 .........
===================================================================================
頭先沖緊涼嘅時候 , 諗下諗下都係唔得咁架喎
應該要學保羅咁 , 衰到坐監都繼續讚美神
凡事總有意思嘅 , 而且我信總有出路嘅
或者下次返去似乎應該奉獻多少少喎 , 哈哈
從功利主義上尼睇 , 十一奉獻絕對係一項好有回報嘅投資
就以我啱啱個星期日奉獻咗二十蚊 ( 真差 ....... 二十 ........ ) 尼講啦
我上星期計過數 , 理論上我而家係仲有一百蚊額外資嘅金
但係家竟然多咗八十喎 , 而最有趣係我諗來諗去都諗唔到點解
究竟點解呢 .......... 總之就天靈靈 , 地靈靈 , 耶穌基督顯真靈喇
同學愛新鮮 , 主愛大過天呀 , 哈利路亞 , 善哉善哉
>>May 12, 2005 at 3:11:00 PM GMT+8
|
人氣: 36611
Design & Scripting by ShowHappy.Net
|
終於重新 record 好 "Lovin'U Holdin'U"
同學仔搵我合唱
一早起身考 BEC
等等等 , 寂寞到夜深
........ 啱啱發生兩件好唔開心嘅事 .........
可否告訴教會的地址?
<br>