2004 年 6 月 17 日 星期四 【晴】

-第三日考試-
第一科 係econ
歷時三小時既煎熬...
但 由於我整整花了一個星期多的時間於econ上
果然效果出來了
由於出卷既Mrs Ho 太懶既關係 大部份題目都係past paper & 書入面既exercise
書入面既exercise我操過不下十次 答案abcd都記得清清楚楚...
初見題目 心諗:「賺廿萬呀．．．」
點知做完卷出來同一班人 check答案 錯左.....
即刻爆句...:「蝕廿億呀．．．」

第二科 係practical skills
未考前已經講定聲「蝕梗廿萬呀...」
需知道「英文咁多科 ps做最"麼"」
睇睇份卷 即刻將自己既集中力200%聚集
果然 在忘我狀態之中 加上份卷又係淺...
終於係完結前十五分鐘做晒 輕輕鬆鬆咁過
去食tea既時候 講番份practical skills 發覺好似漏左唔少野...
**************「蝕．．蝕．．．蝕廿萬喇今鋪真係......」****************

「考完嘩哈哈 走去club house啦」
結果呢 我地一行9個人 浩浩蕩蕩殺上club house
上左去打保齡...超水準表現... 184分 全局5個全中 中間有4個連住...
完全係今年度最高得分....嘩哈哈
仲發現左好多"西"人 好西呀你地！！　　正西人=PPP
之後去左玩足球機...做親前鋒都入波 無他既...有技術丫嘛
點知次次一做龍就....=__+
跟住又走左上去打機 打metal slug 2 頂=__+ 十蚊入晒落去部機度
疲態漸生 但心仍未冷
閃左落去桌球室 打snooker......冇一球入過a"a "可怒也"
終於大家決定散
沿途一路行 一路研究:
「我要個波.......波..........波.............波蘿新地
仲有個奶...........奶.........奶..............奶昔............」XDDDDD 笑死喇哈哈哈
跟住去左怡和街老麥繼續吹水旅程
途中sing插入 又多左好多笑料
sing你真係好搞笑 勁呀

>>June 18, 2004 at 2:10:33 PM GMT+8

2004 年 6 月 16 日 星期三 【晴】

-第二日考試-
今日考兩份
UE paper B & C
即係作文& Usage
Usage我假假地上學期都全班有個名次 今次都要大炒人地!!!
可惜 第一份係作文...

第一份paper 係英文作文
「英文咁多份 作文我最笨」
果然係至理名言
難得揀左題有趣少少既題目 係講"what is an ideal man"
........各位放心 我唔會將自己個大名放入作文度
我始終有d自知之明XDDD
不過考完都係一句....
「渣!!!」

第二份係usage
速度高 以迅雷不及掩耳既速度ko份卷
份卷的確ok淺
但出來之後同全班英文第一既arthur對一對matching....
(咆哮)「渣!!!」

唔好意思呀渣...
今日叫左你個名兩次....

>>June 17, 2004 at 12:55:02 PM GMT+8

2004 年 6 月 15 日 星期二 【晴】

-第一日考試-
第一科係中文實用文寫作
返到學校 手唔震腳唔痺 完全冇考試mood
入到去開吹水機 由於心情勁輕鬆既關係
揀左條新聞稿題目 報導煙花...
我寫:
「觀眾群情洶湧，更有些觀眾為更接近煙花而跳落水中．．．
．．．據報，有數十人於是晚遇溺，幸大都獲救。」
.......PG&%^)@&_BNJB%#@

考完出來，知道係阮靈真改 心中暗忖:「大檸樂...」

第二份paper 係閱讀理解
做到第三篇 滿目之乎者也 心中再暗忖:「大檸樂...」
完全唔知自己寫乜 亦都完全唔知篇野講乜

第三份paper 係文化篇章
未做之前已經:「大檸樂....未溫過」
一貫吹水技巧發揮得淋漓盡致
將上堂僅學懂既丁點知識 由腦海中深深處中搾取
考完又是一句:「大檸樂...」

第四份paper 係中化聆聽
審完一次題 嚇個半死 預料到會炒
果然 聽得切都抄唔切 拿我命好過
於是又再次發揮吹水技巧 將類似既topic再加鹽加醋 炒埋一牒 上菜！！
出到試場 聽到周圍的人都以環迴立體聲嘆息:「 大檸樂....」

喝了不少「大檸樂」
咩感冒都清晒...

>>June 17, 2004 at 12:45:15 PM GMT+8

2004 年 6 月 14 日 星期一 【晴】

今日朝早去左中央 狀態不錯 迅速ko左一課
12點幾 仲未見肚餓 一路殺落去 再踩多課
之後同aiden arthur sing taki bowen走左去食好好味既外賣牛肉飯
唔係吉野家個d 係勁好食既 係st. paul 醫院附近
食到我勁滿足

之後我執野走人 走左去俱樂部
點解走去??? 因為打保齡囉 好平呀個度 15蚊一局 鞋3蚊對
呵呵 同arthur夾左一局 最終114完結 哈哈 sing你70分都唔到 係我地既一半
跟住返到去圖書館 勁hea 一時又睇漫畫 一時又訓覺 雖然最尾都終於睇晒econ
但好似唔記得晒 冇乜效率咁...鬼叫太多野玩咩... 連d無聊野都玩埋
做小丑....哈哈哈

>>June 15, 2004 at 11:37:39 AM GMT+8

2004 年 6 月 13 日 星期日 【晴】

頂 一大朝早起左身醒左之後 就轟轟聲咁
樓上係度打樁鑽地掘油井咁
仲要係正樓上 嘈到我死
起左身之後冇一分鐘係安寧既
原本都諗住睇下NBA先去圖書館 而家點睇wor
唯有反而仲早左一步出門口 去到中央門口仲要等左成10分鐘
今日既目標就係煲晒成科econ佢 加油加油^o^

>>June 14, 2004 at 2:25:57 AM GMT+8

2004 年 6 月 11 日 星期五 【晴】

嘩哈哈
我現在身處於中央圖書館
旁邊坐左arthur同埋bowen 對面就係crystal 同candy 斜後面就係tiffany 後面仲有tsun雋
好神奇 周街都係我識既人
跟住仲有肥邱 肥龍係樓上
好多人呀@@ 好似係qc到溫書咁 哈哈
又有靚女俾我"目及"wor 搞到我雙眼好疲倦呢~"~
有d眼訓tim 食飽飯....嗝~

>>June 12, 2004 at 5:26:45 AM GMT+8

2004 年 6 月 9 日 星期三 【晴】

無端端發神經
睇完人地d日記
見到有人為house而努力
見到有人為學業而掙扎
見到有人為勝利而驕傲
見到有人為女友而動情
見到有人為每天經歷的事情而成長
見到有人為朋友而高興

我呢??? 我在為什麼而生存呢???
我的目標呢??? ===>積極尋找中
我的人生呢??? ===>努力製造中
努力地過每一天
充實去渡每一日

今天工作不努力 明天努力找工作

>>June 10, 2004 at 12:07:58 PM GMT+8

2004 年 6 月 9 日 星期三 【晴】

開開心心的一天...
上堂既時候見到arthur訓覺... 唔係普通釣魚 係熟睡!!!
熟成點呢??? 我嘗試用筆係佢隻手上面寫字佢竟然完全feel唔到!
哈哈哈 機會來了...我即刻係佢隻手上面勁寫字...
勁寫一個人名...哈哈哈 寫左唔知幾多個
之後附近既人都發現arthur熟睡 見到我咁肆無忌憚咁係佢隻手上面寫字
於是又寫!!!
有粗口 有簽名 有圖畫 乜都有...^o^
之後我地仲發覺佢流口水呢...
notes上面有一團透明的液體....這團液體竟連著他的口!!!
好一條由notes通上口的天梯!!! @@
可憐淒慘既arthur 就咁樣俾我地玩殘...
哈哈哈

另外今早上梁sir堂 梁sir又幾好人 同我地一齊吹水
梁sir ms lee 虞sir 都係頂好既老師!!!
好開心可以係qc度讀^^

死喇 考試喇 仲係咁樣 冇讀過書
讀又讀唔入腦 好懶好hea呀... 仲好眼訓tim呀

>>June 10, 2004 at 9:39:27 AM GMT+8

2004 年 6 月 3 日 星期四 【晴】

勝利的感覺總是令人喜愛再三回味的!!!
今天lunchtime上演一場KAY vs TANNER既世紀大戰
說穿了其實不是什麼大戰...只是第7名的爭奪戰
只可以說...我們太不爭氣了
開始抽到好籤 卻不懂珍惜 以致連輸兩場
呢場第三場 亦都係最後一場 爭第7名之戰
但係無論如何 這場也不可以再輸

臨開場時 我們竟然立即變陣
換我守龍 子宇做馬餾
這個安排 似乎的確為我們奏響了勝利之歌
"咇咇"的一聲響下 由我方先開波
先說一說對面TANNER的陣勢
對面的球員都不太利害 沒多大攻擊力
相反最利害的要算是把守最後一關的龍門了
他是出名的鋼龍...
我在心裡盤算 雖然我不是鋼龍 但只要我守好每一球
即使對方龍門怎樣利害也不能抵擋我們凌厲的攻勢吧???
心裡盤算好 我方射了一球 被敵方龍門(西)擋出
然後輪到他們進攻
我紮一下馬 深一下呼吸 又再想一想幸運字
準備好了.......
由於我們正面的防守好 tanner被迫向左右兩方邊緣進攻
有位tanner球員在邊線位置放了一球冷箭
球來了!!! 我的第一球啊!!! 好緊張....緊張....緊張...怕接不住
啪的一聲......
擋出了嗎??? 不......
是牢牢的接住了 我的雙手 正在牢牢的拿著這個從敵方球員手上射出的手球
呼了一口氣 將球傳予我方球員繼續進攻...
這大概真要謝謝我平日打的籃球
使我不會有怕波的習慣 而且練得反應敏捷

上半場過了一半 突然對方來一個強攻 由中路殺入
敵方球員一球彈地波 球....
球....就從我腳邊溜走了 溜進了龍門
我不敢相信 我很討厭這種感覺
周勤的一句 "你守得很好 我們會追番的..."
肥邱的一句 "唔緊要,好快入得番..."
..............

全場完結...比數3比1
KAY House 以3比1 反勝 TANNER
連追3球...
其後kay house沒有任何失球
只因他們兩人的一句
令我暗下誓言 不守好我絕不罷休...

我們的第一球 是周勤在上半場強行搶進裡面射球搏得犯規的
一球7碼 追了平手
我對住個龍門心裡暗暗的講...你同我生生性性一齊守好d呀!!!
果然 對方在突然來一個快攻 眼看敵方球員迅速接近...
他跳射了....
球被我的右腳擋橫了 在右邊龍門柱上啪的一聲!!!
！！！！！．．．．
球沒有進網!!!
彈出了 而且被我沒收了!!! 多謝你 "好朋友"!!!

平手進入下半場
對方射來的球 全都在半身以上 我全部都以雙手接穩 這跟平日籃球的傳球沒兩樣
我們的第二球
是在偷波後來一個快攻
那位中三的靚仔 以極速快放對手
單刀控球於射球線前跳射 球的去速極快極急
即使擋到也入網了 真利害
這球實在是我們的定心針

第三球
周勤在左邊一輪搶攻
傳予肥邱 拉開了防守後 又再回傳予周勤
其後他竄進了防線 強行射門
成功了
果然 任憑龍門多利害也好
沒有進攻球員 也只是處於捱打狀態

哈哈
在地理堂上跟arthur一起享受我們的勝利午餐叉燒飯
我們倆都很喜歡那種勝利的喜悅^^
原來我燥燥的心情也似有種解脫了

>>June 10, 2004 at 11:08:46 AM GMT+8

2004 年 6 月 2 日 星期三 【晴】

勁開心
今日ce oral 4:15分考
我4點鐘到達聖馬可中學 位於筲箕灣的
因為未夠鐘入試場
所以要係門口傻企一陣...
此時 有3名年青少女向我們一眾會考生走過來...
難道想色誘我們讓我這些年青壯男打亂陣腳?!?!?!
我立時瞪起眼睛看著她們...她們果然真的向我們走來...
兩女分別向我方走來....難道知道我太利害...要來個二打一?!?!
瞪著眼睛果然有效...兩女分開了...均向我身邊的壯男"埋手"
正在"埋手"之際...兩女在背包裏拿出了....
是哥羅芳嗎??? 是假藥嗎???=.=.....
啊...是一枝筆跟一疊紙耶...係一個唔知咩咩咩會幫會考生做問卷耶...

唔講咁多廢話喇....一句講晒....
考得勁好
role play做得爆正 需要既做齊晒 唔要既都做埋
group discussion 又由頭帶到尾
咩interaction skills 用晒出來
勁到爆呀哈哈哈
其中有個weak candidate唔識講 我仲幫左佢一把呀
呵呵呵

>>June 4, 2004 at 1:46:46 PM GMT+8