2004 年 9 月 15 日 星期三 【晴】

嘩哈哈 今日lunchtime又有班際打喇
今日對7s 天氣有d熱 有d焗促
開波冇耐都一直冇入波
好彩係下半場既時候叫做有d進帳 先來一球籃底補籃成功-->屈高
之後再來一記漂亮的三分球...多得肥龍幫我pick 漂亮地中鵠^o^
之後仲有一球 阿板好高速咁切入 入到籃底 作勢射波 點知其實係將個波交俾係籃底既我
勁靚!!! 我當然不負所托 射入佢啦
結果我地班贏26比19 7分...剛好就係我射入個7分=.=
不過打得好開心

放學同廖柏軒去左整身份證 張相影得勁猙獰囉....
成個大陸落來既Ｉ.Ｉ.咁... 有人話好奸 有人話好惡 有人話賊眉賊貌=.=
唉...咁就跟我一世喇

>>September 17, 2004 at 11:05:08 AM GMT+8

2004 年 9 月 13 日 星期一 【晴】

勁呀 但係tired到趴係度
今日lunch班際籃球
我地7Avs7E 上年對佢地(6E)俾佢地炒30分囉....=.=
今年...嘩哈哈 總數23:24 一分之微 輸左...
不過唔緊要啦...我今次一場都入左6分 都算係咁喇
仲記得前個幾年 打班際社際根本就冇波入 所以係一個大進步!!!
好可惜呀...完場前一分鐘仲lead緊4分架
之後無端端俾人地神奇地入左一球3分同埋一球罰球線jumpshoot
其實場波勁hea...因為只係我地一班中七話要打就打 冇人做球證 連雞(哨子)都冇
不過後尾好多人睇波 自己都打得好好呢 哈哈哈
期待下一場呀....同埋班際足球呀

lunch完之後係ca堂 但係我要食飯所以走左堂 食完之後即刻上pe堂
連踢個半鐘 冇波入 有助攻 做龍時亦都令到對方零入球^^
個時個人已經好tired 之後有人搬d欄出來練跨欄 我都一齊練...
我要學劉翔 做110mH 飛人 練練下小腿差d抽筋 好彩阿板幫我壓腿
壓完之後又再跳過 不斷留意自己既動作究竟點樣跨欄先會快...
我呢d新手...上年only識跳欄...今年要真係跨過去...要快過上年!!!
i swear~!

返到屋企訓覺...z.z..

>>September 14, 2004 at 3:13:12 PM GMT+8

2004 年 9 月 11 日 星期六 【晴】

寫日記...=.=
近排好勤力 日日都有接觸過書本
大概真係大個仔左?
唔通真係生日個一日去溫書就象徵住全年都會好勤力咁溫呢??? 唔知喇
唔想理咁多 個人又開始自閉 有d dup...
************************************************************************
灣青龍舟大賽
日期:10月3日(星期日)
地點:西貢
價錢:@150
無論你識唔識游水 有冇力爬 乜都好 都要參加~!!!
因為呢個係一個訓內既活動XDDD
大家想出來玩就快d同我or其他組長or Mandy講喇

>>September 12, 2004 at 2:37:33 PM GMT+8

2004 年 9 月 5 日 星期日 【晴】

太驚訝 太神奇 太意想不到 一個充滿神秘 驚嚇 爆笑情節的生日派對
於2004年9月6日星期一在我身上上演

**********************************************心路歷程***********************************************

還記得9月5日當晚becky致電給我
「kenny 我約你聽日1730金百利等丫好唔好???」 「好丫~!!!」 我滿心歡喜
夜一點的時候 靚女女主角helen電我
「kenny 我約你聽日5點幾拿econ pastpaper得唔得呀? 我聽日去中央呀~」 順個便吧...我答道「好丫~冇問題!!聽日電我聯絡啦~~~」
再晚一點...約10點多11點的時候 becky再致電...
「kenny呀...對唔住呀 我聽日去唔到喇」 心中帶點失望, 問道「有邊個去呀聽日?」
得來的答案竟是...「冇呀 我都冇約人...」 我追問「得你一個約我?!」 她有點遲疑的答道...「是啊...」 心情驟然跌落谷底 但有點奇怪 為何只得becky一人單獨約我???算吧...

時間：00:00
地點：家姐間房電腦面前
由於手機壞左, 特登借左阿媽部機, 換左張sim卡, 等msg...等電話到...
將近凌晨...有十幾名好友icq我跟我說生日快樂 但手機始終沒有響過 sms倒有一兩個 一是來自同學, 另一個是我拜託我的朋友send sms來試電話的=__=
跟好友阿花及叉傾會議 將不快心情宣洩 他們安慰我「我18歲個日都冇人約啦...結果咪一班豹去食飯囉~~~」
等了又等 等完又再等 兩點多了 還是甚麼都沒有 眼也睏了 沖一沖身後便睡了

第二天早上 (9月6日) 0802分左右 一起來 便拿起手機來看 喔...仍然是沒有人致電給我
於是 懷著一種 總欠缺了什麼的心情上學去
幸好 回到學校 一眾同窗跟我來一句生日快樂 還在英文堂上公然高唱生日歌
空堂時 無聊兼想試試媽媽的手機work唔work 於是來個掃sms大行動 send了一句gd morning給部份灣青人
怎料 得來的回應 只有agnes及病卧在家中的suet...算吧算吧 心想...大概大家都在專心上堂吧
心更淡 乘著lunch後的PE堂發洩一下

放學了 3點正在學校hea了一會兒 負著背包跟沉重的心情回家
開icq 有個fd問我「生日唔出街玩?」 「係呀...等陣出架喇」
「係唔係冇人陪你呀???」 「下....唔係呀...」(.....%g&)@)hbg#ny&)

4點幾 阿花打俾我 「珞珞今晚出來食飯好唔好呀?」 「好呀好呀」有點興奮
「咁我約你今晚7點半係金百利啦 我幫你搵人」 「好呀~唔該晒^o^ 」

5點15分 我帶著econ pastpaper步向中央 上到8樓 見到helen agnes qq同埋angee
閒談了一會 無端端helen問我「kenny你今晚得唔得閒呀?」 「做咩事呀?」
「你今晚得唔得閒o者?」 有人加多句「helen原本約左人，比人甩左底呀」
心裡有點懷疑「哦...你想我做咩呀???」 她說「我想你陪我溫書呀」
「真係溫書咁簡單? 咁之後會唔會去食飯架?」 「會掛~」
聽到這裡 我的心即時想到：會唔會係灣青人想約我呢???

「但係咁bor...我約左人7點係銅鑼灣wor」 「7點?可唔可以遲d先呀?」
「下... 我約左d同學7點半係金百利食dinner wor...」 「下?你等我一等」
看著她拿著電話離去 匆匆的走進廁所 應該是有急事吧
等了一會 她回來了
又再問我「你真的不能陪我嗎???」 「陪到幾點先???」
「我溫到8點就走架喇...」她望住我 那種眼神真是有點兒那個

我想了很久 覺得她的行為有點兒奇怪 瞞住我的感覺
我決定看事情怎樣發展下去 因為我始終抱有一丁點希望：應該是灣青人一起吃飯吧~~~
於是我將食飯的約會推到了第二天 跟helen說聲「我今晚陪你啦~」心裡卻在想像晚上大家一起的情景

一路溫書 我不時追問helen 食唔食飯...係唔係得我地兩個食飯
佢每次答案都係「係呀~」 我對這個吃飯計劃的估計 開始有點動搖
這時媽媽的一個電話 問我在幹甚麼
「我在圖書館溫書耶...」媽聲線有點驚訝 怎麼兒子在生日的時候竟然去中央溫書呢
收線之後 我又再胡思亂想：如果真的不是跟灣青人去吃飯那怎辦呢... 算吧算吧 就算大家忘記我也沒緊要吧 幸好還有個helen在 可以陪在下食飯
番埋座位 helen問我係唔係有phy chem bio pastpaper 我當然有「下次拿俾你好冇?」
helen突然說「不如等陣上你屋企拿丫?」 「下...咁你咪即係要幫我執房?」有點驚訝...但玩笑照開
「係呀~冇所謂啦^_^ 」在這時這人生最失落的時刻 有位這樣的美人兒跟你這樣說...殺死人了x_x哈哈哈

但我又開始懷疑 為何不斷咁話要上我屋企??? 我不斷問她...
問了好幾次 她終於轉了口風「我其實想上你屋企燒番一隻有灣青相既碟」
很合理 也很自然 那上就上吧

8點正 我聽到helen講電話 話題之中我聽到了「禮物」兩個字 又見到helen悄悄的偷望我
這對我來說多重要~!!! 於是我開始笑了 並且開始執拾東西「走吧~」
helen剛想認真溫習 怎料我突然爆出口 她也無奈只好執野一齊走

步行回家 沿途跟helen研究家族高度這個問題
行樓梯既時候 見到佢行得好快 總覺得事有蹺蹊 以為會係屋企樓下有d咩驚喜
點知...冇 走過了看更亭 慣性的望上屋企 helen卻在我旁邊揮手「唔好睇啦」
...這是我的習慣嘛「我屋企都唔睇得???」我即刻覺得有d野
一路笑住咁入lift 覺得有d野 心想可能屋企有好多人?
係門口準備拿鎖匙既時候 聽到入面好靜 心裡又有點出奇「如果大家係入面又點會咁靜?」

打開了門 進去竟是冷清清的一個人也沒有 helen行動很迅速的叫我坐在沙發上休息一會
我眼尾向走廊瞟了一眼 黑漆漆的 門也全都關上 實在是太奇怪了
「且看helen有甚麼作為吧~」我心想 一個屁股兒坐在沙發上 以最舒服的姿勢躺著
helen面紅紅的坐在我旁邊「kenny...我有d野想同你講呀」 「咩事呀???」我笑著問
「但係我驚我講左我地會冇frd做...」 「講啦~ 大家fd來架嘛~!」我已經笑了出來 弄得helen有點不知所措
「其實呢 我有d野 我唔知你係唔係 但係我知我一定係...」
我在想...這些對白 總跟戲劇中的沒有分別 雖然表面在笑 但內心卻又很想知道下一句是甚麼 XD
「我想同你講三個字...」期待...
「...我.....我....」她含羞答答的樣子好像在考驗我的定力
「...我.....」還未說出口嗎?



「我急屎!」終於說出來了！
哈哈哈 臨危不亂的我立即向走廊方向指 「廁所直行右邊第二間房~~」
呼...幸好情急智生 給了自己一個台階好讓自己下台～XDDD

正想帶她到廁所 一望向漆黑的走廊
*******************************************************************************************
一張張熟悉的面孔
一班在暑假時曾一起渡過快樂時光的朋友
一位位擁有善良的心樂於助人的義工
一個互相關心互相扶持 又溫暖的大家庭
一剎那全部出現在我面前
一種不知怎樣的感覺 湧上了心頭
一陣熱血 充滿了我的頭顱 使我的臉上添了一層紅暈
一個蛋糕 兩張卡 三份禮物
一次畢生難忘的十八歲生日會
一晚永誌心中的感人場面
一切的就在這晚發生

～多謝大家～

>>September 9, 2004 at 4:02:16 PM GMT+8

2004 年 9 月 3 日 星期五 【酷熱】

朝早8點2就起左身 hea左陣 9點鐘出門口
9點15分到達維園球場 心情好興奮 因為我約左灣青人打籃球
成個summer programme都未打過呢...去到見到個個球場都有人打緊
唯有去其中一個射住先 冇幾耐norman都來左一齊射 之後jackson都來埋
就同個度d人打3on3 well....好似輸左 跟住朱潤同司徒來埋
仲有小白 jolene karen zoe 阿p mandy paulo carol helen 雞蟲 hilda
打左幾場好精彩 好疲累既波 好開心丫~~~
跟住大伙兒上左我屋企食lunch+沖涼 之後最精彩既一part就係大家係度睇相同埋睇片
估唔到大家係mandy生日個日係咁癲!!! 同埋睇片係真係要一齊睇先好笑架 哈哈 我好enjoy個一段時光呢
跟住大家有d無聊....玩疊羅漢...我同朱潤都做過個base....想死x_x
之後...玩改相 3張相...分別係 "jackson迷魂你" "norman 04 dunk very high" "bliz light year kenny"
................upload係呢度比大家睇下


well..............之後5點正走人...我去入石澳bbq

>>September 5, 2004 at 4:48:40 PM GMT+8

2004 年 9 月 2 日 星期四 【晴】

睇左mandy姐send來既相同埋片
心裡有一團火...火焰般的壯志

>>September 3, 2004 at 2:38:55 PM GMT+8

2004 年 9 月 1 日 星期三 【晴】

《歡送heidi ． farewell party》

相已經upload左係
http://photos.yahoo.com/yeungkenny36

試過一大班人係維園度野餐未???
我就試過呢
我地一班灣青人 足足二十人
去完pizza hut買外賣再加百佳買野飲
全部去晒手球場度做邊青 一度被差人叔叔行過來啤
為邊個??? 我的乖女組身大細小肥肥林嘉欣heidi也...
....我跟小白都有一個提問...難道灣青最新的一鼓潮...繼naminami後...竟是大跳脫衣舞?@@
看見司徒 朱潤 雞蟲三位竟然這樣... 我慶幸我沒有穿著校服 但也可惜沒有穿校服一齊玩
heidi你...感動到喊唔出呢...看來要引你發笑才可以見到你流眼淚
祝你 係英國 依然咁掛住我地!!!

>>September 3, 2004 at 2:37:24 PM GMT+8

2004 年 8 月 31 日 星期二 【晴】

第一天上學....頹.......
放學竟然又係灣青聚會....本來約左美國進 但最後演變成大家一齊去阿貓玩
雞蟲超型!!! 大家玩呀玩呀....可惜我第一日上學已經好tired...
所以頹下頹下咁...唔好意思^^"

>>September 2, 2004 at 5:10:29 PM GMT+8

2004 年 8 月 29 日 星期日 【晴】

MANDY生日 大伙兒同佢去慶祝
我有史以來唱得最high既一次k...
浪花一朵朵 對面的女孩看過來 我我我我我有胸部 等等.....
「光豬六壯士」現身....朱潤 雞蟲 andy 摘星 阿will 我....
更用朱古力醬...cream等等做facemask....
未試過可以係k房入面咁癲咁嘈.....
多謝大家俾左咁開心既一日俾我
更加恭祝老佛爺千歲千歲千千歲!!!

>>September 2, 2004 at 5:08:56 PM GMT+8

2004 年 8 月 28 日 星期六 【綿綿細雨】

去完個2日1夜camp 係灣青summer programme入面最後一個活動
亦都為成個暑假劃上一個休止符
感受好深刻

入camp前我地有部份人約左1pm去沙田新城市廣場食lunch 有d人遲到 (灣青既傳統嘛=_+)
之後去左東東雲吞麵食lunch 冇幾耐雞蟲到左 氣氛即刻唔同晒
全部人指住佢個頭來笑XDDD 多謝becky既魚膠粉o者喱糖!!!

食完之後 朱潤同佢個gp都來食野 跟住我地一班人就去惠康買野食
買到3點鐘 就返去集合地點 集合之間 朱潤同雞蟲係新城市廣場表現其胸肌!!! 小弟衷心佩服
入左去之後 同朱廸(jolene)去搵雪櫃擺蛋糕 皇天不負有心人 終於有解決既辦法...可惜到最後...

跟住去hall 5 玩踩波 憑著一身身輕如燕及凌波微步 初期力保不失 但後力不繼 終被人爆波...
不過就勁熱....之後玩擲雞蛋 我地個組用報紙包既雞蛋勁到可以當波踢!!!
玩完晒d mass game 竟然得個第一... 好野~~~ 野飲有著落

快快趣趣食完dinner之後 我地就去set soci game
唔好意思 我好似冇乜點幫手prepare過...
放左d組仔女入來 brief完之後 就開波喇
全日最精彩既 相信就係呢個soci game 呢個game帶左好多訊息出來 完完全全係現實既反映
所以我相信大家都得益不少
完左之後 開個細e 去接nancy入camp之後 就準備幫朱潤慶祝生日

最初我地搵winnie佢地拉住朱潤等我地有時間準備
大伙兒預備好之後 就一鼓兒衝入去扮搵mandy...事後mandy拿住個蛋糕入來 朱潤已經除定眼鏡等食蛋糕 犀利!!! d人逐個逐個咁上前跟朱潤擁抱 後悔我沒有下來跟你來一個呢*兄弟~!
***********************************************
一幕幕令人感動的場面 一齣齣感人肺腑的片段 在這個小小的房間內 不斷重演再重演
主角 當然是壽星仔朱潤 18歲了 兄弟 祝你生日快樂!!!!
**********************************************
隨後我地再送上生日卡 還有壓軸的 自製cheese cake 雖然溶掉了 但還是好好味的~
高興而流淚的 不只朱潤一個 甚至坐在衣櫃上的我 也感受到那種氣氛 鼻子酸溜溜的
灣青是一個大家庭 一個好溫暖好溫暖既大家庭

之後就返房沖涼
沖完涼就去左d女間房度傾sharing d野同埋玩
我做燈柱 becky做盲婆 heidi做好心青年 4哥做蜘蛛俠 阿pen做智障兒童 zoe做中心姑娘 nancy做阿婆 theresa做義工 linny做心底話 howard做抵死旁述
之後又hea又玩左陣 人太多 反而玩唔到d咩@@...唯獨有一場naminami加唔現睇下
多謝表演者hilda 雞蟲 jackson agnes 跳跳下俾人鬧我地嘈....
其後換左房 去左同朱潤佢地一齊玩 玩左陣 自己已經攤左係度訓...
於是乘眾人不發覺 我竄了回房訓覺覺

第二朝早 一個好令人感動既sharing
不少組別都以戲劇形式 爆笑之餘 又勾起大家快樂的回憶
這時相信是最有成功感的一刻
好多謝oc helpers們 好多謝組仔組女們 好多謝各位組長
之後寫背脊時間 係灣青一個傳統....可惜時間太少 好多人未寫+好多野想寫
出左camp之後仲有一大班雞蟲naminami既fan屎係巴士上面同雞蟲打招呼!!! 難忘!!!

之後返沙田食野+hea 繼續寫背脊 但係個人已經好疲累
之後好似好型咁飲左一枝醋+可樂之後就醒左...分離總是令人傷心的
走既時候 影左貼紙相 之後就散.................................

heidi...你永遠是我的乖乖女 你永遠都是那麼的天真 給人一種與世無爭的感覺
我好開心 識到你 你就像是殘酷社會中的一點點綴 小肥肥 對著你 我由心的笑出來
你還記得踩地雷吧??? 我不會再輸的 如果再有機會的話...
祝你一帆風順....多點回來喔...

>>September 2, 2004 at 5:01:43 PM GMT+8