2004 年 7 月 22 日 星期四 【晴】

去完camp之後出camp成個人呆左
可能因為睡眠嚴重不足 2晚訓左4-5個鐘左右
出camp個朝又約左人打波 打完=冇左3/4條命

講番個camp 最enjoy一刻都係水戰既時候
潑到人地濕晒
其次d mass game campfire 都好好玩 跳到high high地
夜晚大家一齊玩個感覺都好好 好好笑好好玩
不過可惜自己捱唔住 第二晚玩玩下就訓左
可惜就係兩晚都冇星睇...
更加可惜既就係 皇仁始終敵不過宿命 依然...僅次於聖言 落敗...
只可以安慰自己 真的沒下過苦工 又或安慰自己他們是搶答機器
睇住我地呢組由最初好生保 到最後大家走既時候都笑口常開 吱吱喳喳咁 都真係咪話唔過癮

玩camp既時候我已經好靜
玩完個camp之後成個人仲呆左 又孤獨左
我唔想失去我之前個種大癲大吠既感覺 我仲好想嘈嘈閉 發神經
希望呢個只不過係睡眠不足既後遺症啦
希望我今晚訓醒之後聽日開會同service又癲啦....
我好想做好d 做好本份呀

>>July 23, 2004 at 3:44:36 PM GMT+8

2004 年 7 月 19 日 星期一 【晴】

母親大人說得也很對
我是一個感性的人 尤其喜歡緬懷過去的回憶
嗯 我很重視回憶這東西 回憶往往是使我開心的原動力
這幾天都有看別人的xanga 總是隱隱晦晦的 從中更可看出悲傷的情感
再回看自己的日記 每天都記載著回憶 每天都可以看到我的表情是高興 開心的
我相信 這 是因為我喜歡記憶 尤其喜歡快樂的回憶
寫下每天發生的趣事 自然成為了我的一種習慣 這裡 幫我記下了一些我或許已遺忘的記憶

這晚 母親大人懇求我陪佢出席一個有關控制低落情緒的講座
但係我真係好累...我連跟朋友吃飯時也睡著了 抱歉
但係 呢個topic的確令我諗番起自己
點解我自己好似冇乜低落的情緒呢???
答案就在這裡 正是你們正在看的

>>July 20, 2004 at 10:43:04 AM GMT+8

2004 年 7 月 18 日 星期日 【晴】

今早830起身 返學校參加HUNGER BANQUET既briefing
900到達 但係原來早左半個鐘...明明聽到阿luk叫我9:00到 \ . /~
算...返正都有不少識既com. 仲有肥龍到同我一樣早到左
愈來愈多人到 10:00終於開始
將在場所有helpers and group leaders 分組 玩左少少ice-breaking games
好危險既ice-breaking game....分分鐘撞死人...
之後就係checkpoint time....
checkpoint個d game真係...好新奇...但係勁難玩 勁辛苦 隻隻game都拿人命...x_x
結果走完checkpoint之後返去繼續briefing...我竟然訓著左 太累了
訓醒既時候已經brief得七七八八 =.=
唯有31/7 當晚臨場發揮啦
之後大家去食飯 我應承左屋企人返屋企食飯
所以冇同大家一齊去食飯 sory ah 下次再食過!!!
返屋企抖+訓左陣 同朱潤去葵芳還tents 山長水遠 天氣炎熱 拿我地來玩咩...
跟住yonnie仲話唔使開會 玩殘朱潤...佢今次係長洲出來真係only還tents...無奈
之後同佢去食野 一路都有傾有講 發覺潤哥真係親切可人 又能言善辯...
讚夠...留番d俾自己先
啊!!!! 母親大人由大陸回來了@@....佢唔係度呢3日真係好開心呢=PPP

>>July 19, 2004 at 12:53:34 PM GMT+8

2004 年 7 月 17 日 星期六 【酷熱】

原本諗住今日pre-beach party等個pre字 唔會玩得癲
所以only帶多左件衫去換 點知...
朝早10點去大坑幫手拿野 見到jackson好孤獨無助咁係大坑度
於是我伸出了一雙強而有力的手援助他
冇幾耐 bess都來左 於是三個人係大坑執野 又去大坑雜貨鋪買水桶
出發去筲地恆 去到就等
相繼見到阿will 薯仔 paulo morris 機器 朱潤 小白 eunice athena louisa jolene
入到去 settle down左 先來個10人11腳
好快大家就有共識 打橫行到去目標喇
再來的是水排球 好快玩完...不過都ok好玩 可惜大熱天時仲未濕身
不過作為熱身都ok既...
之後yonnie 同阿nic都入左來 食lunch既時候落雨
不過只係驟雨only 食左一份好好味既腿蛋同餐蛋治 雖然唔夠飽 但都好有風味...
又大風 又有味 正!!!
食完之後 死..唔記得玩咩tim....之後好似玩美女色魔拳
所謂警察贏色魔 色魔剋美女 警察又難過美人關
真係好好玩 可惜曬左少少 曬到我後面個eunice死左
之後水戰....水槍出馬 每一個人最少身中數槍
大命既只是身體部份濕左 唔好彩既好似我咁...會被人由頭淋到落腳...
仲有玩細聲公大聲婆...感覺上只係坐係度暴曬... 似乎....冇乜意思
仲有呢個灣青拳...即係小白玩殘jackson jackson又ko司徒 司徒又制伏小白咁樣...
不過我玩左一鋪就敗陣...好失敗
之後落水時間...jackson識做 換左條新買既褲落水...
不幸既係 大家玩玩下 竟然逐個逐個人dang落水
係冇人知道我唔識游水既情況下就咁俾人掟左一獲甘既...
不過...個個都陪過我落水...哈哈 因為我好唔客氣咁抱起d人送佢地落水^o^
哈哈 有人陪...濕下算啦...
well....冇帶底 冇帶褲...點算
於是10蚊買左條有內行既褲當底褲著...出面加多條濕左既褲...
變左3層...=.=.....出面條褲sin水 好快乾晒
回程又係巴士度嘈嘈閉 哈哈哈 好盡情呀
返到天后仲未high完 係咁吱吱喳喳 屋企個個都以為我咩事咁high
之後我發覺原來灣青真係一個好好既地方 令到我盡情地發癲
可能因為大個左...面皮厚左 玩得癲左 深明白盡情玩的時日不多...
所以每一次都好博命去玩 所以...以後多d搵我去玩啦 嘩哈哈哈

食飽飯返屋企沖涼 舒舒服服咁又坐係電腦前面
由早到晚都好開心呀 希望以後日日都可以咁開心啦
我要繼續盡情下去!

>>July 18, 2004 at 5:32:23 PM GMT+8

2004 年 7 月 16 日 星期五 【乍寒還暖】

圓規我要親手宰割你...搞到我冇得去camp
結果大家即刻發脾氣出來唱k抒發冇得去camp既悶氣
有11個人咁多
我 司徒 阿will jackson eunice 小白 yonnie louisa jolene paulo 婷婷
司徒一個人可以唱晒咁多首歌...jackson同司徒既歌喉都好好 讚~^^
好多謝司徒搞氣氛搞得咁好 大家都玩得好癲好興
之後走去怡和街麥記開會
開會本已悶...加上眼訓 狀態=0 開完知道聽日又要早起身...
於是返屋企抖 打左陣機 打打下都訓著...
食完飯之後即刻趴落床訓 訓左3個鐘起身見到家姐返來一齊睇spiderman 2 dvd
我鍾意個劇情 有意義有意思
今日有一件幾令我開心既事 或者真係一件好minor既事 但已經令到我高興不已

>>July 17, 2004 at 6:29:49 PM GMT+8

2004 年 7 月 13 日 星期二 【晴】

第一天放假 竟是匆忙的一天
早上幫灣青去樂富執tents
lunch @ 滿糖紅 1點去大坑曬tents...
惹怒了太陽伯伯 他像是要把我們每一個人都曬傷
大家都大汗淋漓 終於把大部份tents拿出來曬了 依未收回...我卻走了
走左去換新裝 幫頭髮上色 顏色有點突出...
當作是個人形象新突破吧
同阿板結伴同行去補習 板 希望你冇事
去到報暑期班先發覺 暑期冇優惠... 白行一趟
補左半小時 5:30pm左右 早走 落times食晚飯 再搭地鐵去中大參加天文計劃既opening
感覺是...有點糟 不懂天文亦不懂social的一個組爸 毫無氣氛 全程悶場...
眼看其他組嘻嘻哈哈 我組卻...唉
倒是期望組媽下次的到臨 因為跟她在電話中頗投契 她應該是一個較外向的人
應該會比今天好吧?
回到家 有點在意自己的新形象...
做回自己組長的本份 貢獻多了一丁點
跟妳談上了幾句 也是快樂的

>>July 17, 2004 at 6:13:32 PM GMT+8

2004 年 7 月 12 日 星期一 【晴】

Last Day of the School year 2004
everybody is leaving...to the EAS...or foreign colleges
in the morning i just take tonnes of photos with all of u
all who r leaving...all whom i can't meet next year
all of u would definitely stay in my mind
你們的聲線 你們的背影 你們的AJ...始終英文表達能力不足 唉
later...of coz i will upload those photos la...
for those who want le...contact me la
in the last assembly of school year 2004..we realized that many teachers are leaving
陳子英 任翠紅 歐陽偉邦副校 張sir 郭sir 馬sir
邦邦同埋陳子英的的確確係值得敬佩
they have really put a lot effort on educating students...用心良苦...
張sir 有d對佢唔住... 但係自己仲可以咁厚面皮搵佢影相...
郭sir 我知道佢係一個好受學生愛戴既老師...
任翠紅 一個被她教授過的班才會知道她的好處....的確 每一位老師都是傑出的人材
本年度最後一次全校齊聲頌唱的校歌隨著集會的結束而揚起
Hail! Alma mater...在場不知有多少人的心內是流著淚的
離別 難捨難離的情感 百般愁緒交集 在這響亮的校歌聲中 若隱若現

after 呢個咁傷心既assembly
我地一班人 除左wright house的幾個去慶功外...去左iron wood食
味道依然極佳 價錢卻平了一大截...
享受完一餐美好的後...
回學校繼續向spirit 2004 西瓜波組 高級組 冠軍進發
第一場對朱古力波 贏1:0...戰術成功
第二場對衛冕隊 更有叛徒大王...憑住大家防守精彩既表現
0:0完場 射7碼決勝負 結果輸2:3 其實大家也知道實力相差一大截
大家都安慰大家的說其實算是贏了...
我...僥倖地依然是零球失球...鋼龍啊^^

之後我去睇牙 睇完牙之後心神恍惚...
大概因為我見到一個勁有feel既女仔 係診所度不斷過電 (白日夢...)
佢離去之後竟然仲走返番來 (又發白日夢喇)...我記得佢好似叫黃浚雅(音..)
講完一場豔遇....
之後去到herpa同ex-5e食飯 + farewell sing去清華 liman拔尖 jim西去台灣讀牙醫...
各自各高飛 當然大家也是盡情的開懷大笑 畢竟機會不多了...
也影了幾mole相...
其後chason 東 vicvic走先...其餘人向世貿5樓進發...
sing演神技 10蚊換左隻勁靚既公仔 有日我一定要自己親手換番一隻送俾你
用左10蚊 大部份時間睇人打 都幾enjoy....總好過自己用錢....
個10蚊都用得幾抵....起碼唔會浪費係d無聊既game度...玩得開開心心
臨走時又影左一張團體相...
懷著開心又帶點哀的感覺 慢慢踱步...經過維園 回家...

請問大家可唔可以send番今日影既相俾我呢???
thanks~

有點矛盾 開心? 不太像 傷心?? 又好像不是
怎樣也好 分離已是鐵定的事實 只有衷心的祝福大家前程錦繡
健健康康 希望未來仍有聚舊時間吧

>>July 17, 2004 at 6:37:27 PM GMT+8

2004 年 7 月 11 日 星期日 【晴】

灣青opening搞得幾成功
反應幾好 d組仔組女都話幾好
希望真係做到一個好組長
做到小白的四個心 做到一條橋樑 帶領到大家一齊投入去玩

朋友是用來珍惜的
好好珍惜剩餘的時間啊朋友們...
一想起...不禁心酸

>>July 12, 2004 at 4:50:23 AM GMT+8

2004 年 7 月 9 日 星期五 【晴】

尋晚去bps睇me in the moVie SHOW
即係v-show
幾好呀 節目豐富
首先出場既係一班bps既女仔
大跳唔知咩舞.... 總之係舞啦...
有部份人係跳得幾好既 但係都係睇得出有d人跟唔到同埋未夠熟
其次有一隊叫SOON既新進band
佢地既唱功我真係不敢恭維....一首潛龍勿用 同埋 i believe....嘩 佢地既唱功有幾弱顯晒出來
不過算啦 頭盤多數難食d架喇
跟住就係木偶皮影劇 即係扯線公仔
真係幾佩服個扯線公仔大師黃暉 真係好野 一個人兩隻手控制幾廿條線又唔會亂
佩服 不過係悶左d...
接住落來應該係全場最精彩既singing
由肥丁彈琴 加上jerry edwin denise 同埋stephanie四位唱功一絕既型男索女
以佢地獨特既風格唱出一眾陳奕迅容祖兒名曲
不論原唱的音多麼的難達到 不論原唱的詞有多快
他們四個 總是能輕輕鬆鬆帶給全場觀眾驚喜
還要稱讚一下肥丁 自己作曲 將各首流行曲的伴奏 始奏等夾埋一齊
給人耳目一新的感覺....仲要唔使睇譜 勁呀
佢地果然沒有令大家失望 大家的歡呼聲沒有白給他們
絕對物超所值！！！
#我錄左兩段佢地唱歌既片 有興趣既人問我拿#
接著下來有一齣好有趣既drama 演員都做得幾好...
可惜的是 整套劇 沒有主旨 完全唔知講乜....
再來的是芭蕾 jazz & 現代舞混合的fusion表演
由八位st. joseph同埋mss既男女 合力演出
幾有睇頭 好明顯夾左好耐 勁有默契 勁有美感
恕我老實講句 同開頭bps跳既舞差好遠...
最後壓軸出場表演 掀起全場最高潮的 正是AT17的到臨表演
先後唱了《三分鐘後》 《女扮男生》 《The Best Is Yet To Come》三首成名曲
其中《the best is yet to come》俾我錄低左成首 唯獨是影像質素差
同想睇既人講聲唔好意思
#想睇既人問我拿啦#
高潮 人氣組合不愧為人氣組合 人人高叫encore...
發覺AT17性格的確很像我們這一代....

睇完show
go cafe de coral 食dinner with
肥邱 洗駿 小魚兒 爾揚 板 阿j 廖軒 周勤 汝江 yam
好笑好玩但係唔好食 不過勁開心 有得開懷大笑
一直傾到大家樂熄燈 我地先至起身走人^^
跟住散囉...
全晚都影左唔少相 不過都好矇
#想要既人問我拿啦#

今朝返scout meeting
係今年instructor 最後一次hold既meeting
廖軒 你終於都辛苦完喇 放下心頭大石喇 我知你做得好辛苦 好勞氣
最後一次meeting 如常繼操同埋phy train之後
就係信任遊戲同埋搶軍旗
希望d細既真係開開心心玩番次....
我自己就曬到紅晒 又黑左喇>_<
搶軍旗既時候冇乜人淋我 想濕下都唔得...
信任遊戲 我呢個哎呀instructor就企係下面 差唔多個個members都被我接住過...
希望布歐唔好再咁淆底啦 咁淆點做童軍呀
我又影左幾張搶軍哀懲罰既時候既相 #想要既問我拿啦又#

>>July 10, 2004 at 10:44:16 AM GMT+8

2004 年 7 月 9 日 星期五 【晴】

其實大家既日記我日日有睇你地又知唔知呢???

>>July 9, 2004 at 4:59:01 PM GMT+8