2006 年 3 月 8 日 星期三 【晴】

今日放工返到屋企, 媽咪第一句就同我講: 阿女, 媽咪比人呃錢呀
我即時反應係問: 呃咩呀 ??
原來今日有人上門自稱係電話公司的人
佢一o黎就叫我媽咪開門比佢入
點知我媽咪連人地的証件都未睇清楚就開門比佢入屋
係人都知入都o黎做咩都冇人知o架啦
我阿媽竟然夠謄死真係開門
佢一入o黎就叫我媽咪買電話香貼
話電話公司規定要買, 唔可以唔買
我媽咪就話冇錢........佢就大大聲咁話: 咁你而家有幾多丫
嘩....嘩....呢個咩世界呀......佢咁樣做同搶錢有咩分別呀
我媽咪比佢咁大聲的說話嚇怕左, 比左 $240買左個24包咁既香貼

我真係好嬲點解有d 咁既人
最嬲就係媽咪, 點解要開門比d 陌生人
錢唔見左唔緊要, 最怕就係佢會傷害我媽咪

>>March 10, 2006 at 11:37:59 AM GMT+8

2006 年 3 月 2 日 星期四 【晴】

YEAH !YEAH !
今日去左上瑜珈, 原來瑜珈都幾好玩
頭半個鐘都幾易學, 但半個鐘後就.....好難
因為好講身體的平衡 & 柔軟度
我就是缺少了這兩樣, 要我單手單腳做個平衡的姿勢
喫~~我手腳不停震.....哈哈~~~
好彩我身邊D 同學仔都係咁O者.....哈哈.....唔係就羞死怪 LOR~~
仲要比老師不停叫我將個 PAT PAT 抬高D, 又要收腹
真係好難哦 ~~

最鍾意就係最尾的動作


就係訓覺休息............哈哈
一路放音樂一路訓覺覺
快活過神仙
哈哈


P.S 今日開始同 XENIA & IVY 用OUTLOOK SEND MESSAGE
哈哈~~可惜佢地又話我SEND 得慢 >______< """""""

>>March 3, 2006 at 3:17:56 PM GMT+8

2006 年 3 月 1 日 星期三 【晴】

今日實在是十萬個不願意起身
因為我實在太太太累啦~~
下床時對腳痛到我死下死下
點解要咁對我WOR~~~
我咁比心機做運動........做完之後整個身體都好似唔屬於我咁
>_______________< '''''''''

金比一定會繼續堅持做運動
為的是可以繼續食 BUFFUT..........哈哈

>>March 3, 2006 at 3:07:08 PM GMT+8

2006 年 2 月 28 日 星期二 【乍寒還暖】

今日第一日去做GYM
感覺有點兒陌生, 又有點兒熟悉
因為上年都有JOIN 過二星期
但今日去到竟然唔記得左上COURSE 的地方係邊
而D MACHINE 都已經忘記了少許.........哈哈 ...... 以我的記性來說都係咁喇

回到家都已經11 點LU~~~
原本以為歸家後會唔食O野, 點知都係忍唔到口
因為實在太太太肚餓啦~~
SO........我最後都係被魔鬼(魔鬼就係我肚子 & MAMI) 說服左, 食左少少野啦~~哈哈
D 食物實在太好食喇.....^(00)^
YUMMY YUMMY

>>March 3, 2006 at 3:02:57 PM GMT+8

2006 年 2 月 19 日 星期日 【雷雨】

今天8:00a.m集合, 由於昨夜找資料找到1點幾2點, 今日6點就要起身準備, 真的十萬個不願意, 很想很想打電話比阿傑, 話比佢知唔去........但.......我係唔可以咁做, 咁做太衰女啦, 一D 都唔似我, 那只好慢慢地從溫暖的被窩, 走到冷冷的地板上, 窗外傳來一陣冷風, 哦 .....好凍呀, 仲要落著毛毛雨

昨夜打電話到九巴, 那位小姐說由我家到西區7號差館需時40mins 左右, 約10mins 一班, 咁我就7點鐘出門, 等到7:10a.m. 就有車到, 到7:25a.m 左右, 阿傑打電話比我, 問我起左身未 ?? 哈哈~~我答在車上了, 很快就會到西隧, 我說完之後佢就同我講, 咁快到西隧, 佢而家仲係屋企, 由佢屋企去西區7號差館約 6-7 mins 車程, 仲係屋企=___________= """"""" 6-7mins 車徨.......唔係化.......咁我點呀, 話口未完 7:30a.m 到左7號差館

果然, 我係唔需要咁早起身架, 咁早人影都冇隻, 九巴小姐, 你要賠返半個鐘比我訓呀 , 與其係度食西北風, 不如找個地方坐坐食個早餐避避雨

食完豐富的早餐, 就準時8:00am走返去 7號差館等, 等了一會兒佢地才慢條斯理咁走過來, 這時阿傑的媽咪開始講解咁一全程係點, 而團友亦開始一個一個到達, 唔知點解我今日又唔係好緊張, 可能係太眼訓掛, 未識驚

到了8:30am 我點齊人數開始叫師傅(司機)可以開車, 這時對著60個團友才開始有點兒緊張起來, 由於阿傑之前教了我兩"蕉"拖時間的方法, 第一就係係派發label 時, 一個一個幫佢地貼上去, 這"蕉"都可以拖好耐, 唔洗講夥住, 咁我就照做.........點知......班團友話唔洗我一個一個幫佢地貼wor.....叫我比晒d label 佢地傳過去就得, 我話咁唔係咁好, 佢地又話唔洗我行來行去咁麻煩wor.....你地咁做我咪冇得拖時間 lor 唉......你地鍾意點就點啦

佢地貼完label 都唔洗2mins , 咁我只好開始同佢地玩遊戲, 好彩佢地都有比反應我

仲有唔到15mins 就到達第一站, 志蓮淨苑, 我就叫佢地休息下

到第二站時我就同佢地玩IQ 題. 真係估唔到佢地D IQ 題係咁叻, 特別係D 小朋友, 佢地反應最熱烈, 有個小朋友, 3歲半, 差不多我所問的問題都係由佢咁中晒,

超勁, 玩完IQ題之後就係唱歌的時候, 好彩有位小朋友(女仔)幫我, 全程都係由佢獨唱, 真係唱得好好好好聽, 佢仲好靚女TIM, 小臉蛋粉紅粉紅, 可愛到極, 我好鍾意佢呀

最後一個目的地就係中文大學, 在中大係玩得最開心的一站, 因為我同班小朋友係度玩麻鷹捉雞仔, 鬥快跑, 狐狸先生幾多點....哈哈...很久沒有玩過喇......好似回到小學時期咁........不經不覺就玩左45mins 夠鐘離開, 而我亦玩到太累太累, 年紀大, 唔夠小朋友跑, 哈哈.....係最後離程個段時間, 我地再玩唱歌仔, 而我就在團友的鼓勵同熱烈的掌聲下唱了兩首歌, 一首係問我, 另一首係朋友作總結

我相信今次這個本地團真的帶給我人生裡一個好好好好的回憶 & 經驗, 仲有就係識到3位活潑的小朋友, 返到屋企仲收到小朋友友send 比的 SMS, 個心好甜呀.............哈哈

>>February 24, 2006 at 11:02:43 AM GMT+8

2006 年 2 月 18 日 星期六 【陰】

當領隊

今日答應左阿傑去帶團, 第一次帶團的確有點兒緊張, 唔知到時有咩野講, 我問佢地問題時, 團友反應又會係點呢, 如果佢地冇反應比我我又可以點呢 哎呀~~點解我會答應做領隊架

一於上網找下ｄ IQ題, 笑話比佢地玩下，希望佢反應會熱烈Ｄ 唔好死氣沉沉就得, 原主保佑明天大步跨過 YEAH

>>February 21, 2006 at 11:08:59 AM GMT+8

2006 年 2 月 10 日 星期五 【晴】

沙嗲王

今日約左阿俊同bobo 去咖哩屋食飯......點知去到原來係沙嗲王唔係咖哩屋.........嗚嗚 有d失望 tim.....因為好想食咖哩

上到去見到都有幾多人, 可能係星期五吧~~我地一坐下就開始睇 meal.......唔覺唔覺原來已點了11樣餸 .......嘩....咁多唔知食唔食得晒呢.......我諗都應該可以吧......哈哈~~因為我都覺得自己都幾大食........雖然我成日都話自己唔係咁大食........哈哈(但個個 friend 都係咁講........都唔到自己唔認 )

食完我地行一回就回家......而阿俊就陪我地行返屋企.........哈哈~~唔係我地迫你架 (00)

最後都要多謝你今餐..........食得好開心 & 無論你最終決定留係公司一年 or 之後會轉工我都一定會支持你的決定, 因為人生總會面對很多很難做的決定, 但無論這個決定係對 or 錯 都係一個好好的經驗......加油

>>February 22, 2006 at 11:32:12 AM GMT+8

2006 年 2 月 2 日 星期四 【晴】

今日BOBO 做了一盒馬豆糕給我, 嘻嘻....好開心呀
第一時間就拿上樓同媽咪細佬一起分享 ^(00)^
YUMMY YUMMY.......好好味, 對我來說甜左少少, 但真的做得不錯
媽咪仲讚口不絕 TIM.......你要加油哦......下次我要食蛋糕架 ^(00)^

>>February 13, 2006 at 11:43:12 AM GMT+8

2006 年 2 月 1 日 星期三 【晴】

年初一

今日係年初一, 細老要返 ocean park 度做 part-time

so ..... 今日得我同媽咪係屋企, 兩手閒閒唔知做咩.....去行商埸的話....店舖又一停唔開.......年初一都唔知做咩好

嘻嘻.....終於比我諗到有咩做啦 就係試,下整年糕.....今次決定整一條黃金錦鋰 & 吉絲蒂 kitty...... 由於蒸的時間好長, 所以就同媽咪一齊睇華姐.....一路睇一路笑......唔覺唔覺就蒸左2個半鐘, 但都係唔熟......無咩耐性又心急的我開始忍唔住, 唔蒸住~~~待吉絲蒂 kitty 稍涼就開始脫模, 點知失敗左.......好傷心呀......好彩仲有條黃金錦鋰, 我留到10點幾才脫模........yeah !!!!

今次脫模成功, 雖然係脫得差左 D, 但都有個形係度嘛.....呢D 就係缺陷美......哈哈

>>February 1, 2006 at 9:35:31 AM GMT+8

2006 年 1 月 26 日 星期四 【晴】

今日獨自留係公司食 lunch (D 同事個個約晒人 )

咁仲好.....不知約free, 可以一路睇碟一路食飯.....yeah

食完後就拿我盆花過老板間房晒太陽, 點知就見到樓下公園鄰近的走廊見到有雜物被燒著, 而附近就有3 個小朋友跨欄離開, 我見火勢好似唔係好大, 燒下停下咁, 之後坐埋位諗緊應唔應該報警好 =___= ?? or 打電話話落管理處, 在我考慮之際, 我開始聞到有陣濃濃的煙味, 轉身一看, 黑煙不斷向上升, 全部雜物被火勢所包圍, 此時消防員都已經到達, 不一會兒, 火勢已被救息

如果我當時能夠即時打電話報警, 可能就唔會發生咁既事, so....我有d愧疚 & 好唔開心

>>January 26, 2006 at 3:55:10 PM GMT+8