2003 年 9 月 10 日 星期三 【晴】

今日係返 chi tak 最後一日, 有 d 唔係咁捨得.......哈哈
一早返到舖頭, d 同事同已往一樣早過我, 我差不多永遠都係最遲一個返到 ^(00)^
返到無耐, 老細就話我而家出去剪髮, 剪個靚髮今晚請你地食飯
嘩~~ 我返左三年 chi tak, 佢都係第一次話請食飯
雖然我地係去大家樂食, but 我地食得好開心
我同阿君仲叫左個鐵板餐 tim..... 每人差不多要 $40 找數
平時佢都幾孤寒, 唔知佢會唔會覺得肉痛呢 ^(00)^

琴日有個客好搞笑
佢走黎話要換書, 佢話佢係買數學書, 點知我地就執左 eng 比佢
緊住 maggie 就係度串佢
話琴 日明明係佢面前對好 d 書
問佢係唔係真係要, 佢自己話係要, sin 去比 $$$
緊住佢竟然話唔知, 係我地比錯, 佢係唔要 eng
緊住其他人都話見住佢話係要既, 點知竟然緊張到即刻 smoking
係一路 smoking 一路食香口膠, 哈哈
好搞笑, 但最後老細都係幫佢換


>>September 11, 2003 at 6:18:41 PM GMT+8

2003 年 9 月 9 日 星期二 【晴】

今日老細係朝早離開左舖頭個半鐘
我地所有人都覺得好奇怪, 但又好開心
哈哈~~ 因為冇王管嘛......呵呵
到落貨時才知, 原來其他分店的老細都離開左舖頭成個鐘
咦 =____= ???? 究竟有咩事發生呢 ????

今日 Irene 返黎舖頭探我地, 好開心呀
佢仲帶左好多野食比我地, 有蛋糕同好好味的sushi
d sushi 仲有我鍾意食的鰻魚sushi tim 呀 ^(00)^ 正

今日除了有 Irene 的sushi 同蛋糕外
阿欣(唔知佢係唔係呢個欣)仲買左 tiramisu 比我食,原本係話我 last day 個日請, 但....因為我 last day 個日佢唔會返 chi tak, so..... 佢就提早買比我食 (佢要去匯景個邊幫手 拆架同 pack書), 佢買左兩杯, 兩杯都比晒我食, 杯 tiramisu 好好味....... 今日ｄ下午茶真係正 +.+
嘻嘻.....今日真係有食神
你地買咁多野食比我, 會把我儲肥的

咁我只好來日再減肥 lu~~~
咁多美食係面前, 唔食好浪費嘛

今日金比好嬲, 因為阿賓冇口齒
佢答應會過黎同我食飯, 點知佢冇黎到 >﹏<
我嬲你 : p

>>September 10, 2003 at 1:01:54 AM GMT+8

2003 年 9 月 8 日 星期一 【晴】

今日去左大家樂食一哥焗飯, 好味, 好滿足, coz 我今日遲左起身
so..... 冇食到早餐, 就係因為咁, 所以很肚餓, 有一碟熱騰騰的焗飯已很滿足 ^(00)^

今日阿君講佢去澳門的趣事, 真的好搞笑
佢個朋友唔飲得, 飲完不久, 佢就講我暈啦, 砰一聲就跌左落地
佢身邊個朋友仲搞笑, 竟然問呢個係邊個黎架 =____= 唔係化

其實我好憎食杏仁, 平時我一食到杏仁就會想嘔, so....我未食過杏仁餅
but 唔知點解阿君買返黎的杏仁餅我竟然食左好多, coz 真係好好好味
but 我仍然無法接受 ( 澳門)杏仁餅以外的 食物, coz 個 d 真係好難食 -_______-
聞到陣味都怕......

今日比阿君話我講野個 tone 好平, 唉~~~
我淨係比阿 sir 話我講英文時個 tone 平, but 我竟然連講中文都係咁 +___________+ ????
真的嗎 ????? 咁我可以點改善我講說話的 tone 呢 ???
我今日都問過我細老, 佢話香港人大多數都係咁, 而且佢已習慣我說話 tone, so.... 覺得冇咩野
唉~~~ 我唔想咁, 等我諗下辦法去改善下 sin 得

今日見到 dreyers 雪糕特價, so, 我買左一合
but 返到屋企有 d 後悔, 因我之前講過話要盡量唔食戒甜食........點知......
咁只好自己食少 d , 比多 d 細老食囉 ^(00)^

>>September 8, 2003 at 11:50:05 PM GMT+8

2003 年 9 月 7 日 星期日 【雨】

今日係 irene 最後一日返 chi tak
so..... 我就做了糯米慈, 點知做..... 好硬呀........真失敗
諗住留返個好印象比 irene......點知 >________<

今日阿麗去買包, 本來我地係食開金龍船的, 唔知點解佢去左依藤家買
就係咁..... 比老細鬧, 我諗住會有好野食, 點知個個食完都問 d 包點解咁硬
而款式 得餐蛋......唉......

今日阿麗仲搞笑, 個客黎買新書, 佢竟然問知客要幾新
我聽完 maggie 講之後, 我;心諗新書想要幾新呢 ???
佢係唔係想講另一個意思呢 ???? 我到而家都諗唔到 +__________+
哈哈~~~ 我覺得呢個係一個好好笑的笑話囉

今日返工都有 d 無聊, 今日老細竟然叫我地抄書的 isbn
都唔知抄黎做咩, but 都好過冇野做

>>September 8, 2003 at 12:07:45 AM GMT+8

2003 年 9 月 6 日 星期六 【雨】

今日朝早有個 F.2 的男仔黎換書
首先佢問如果買錯書有無得換 ???
咁我就同佢講點買錯呀 ???
佢比張書單我睇, 書單係寫要買 target english, 而我地就執錯左 english express 比佢
咁我就同佢講, 係我地執錯, 之後我問佢有冇帶收據, 我換返比你
佢話冇左, 咁我就同佢講, 冇左冇得換喎, 你返屋企搵清楚 d 啦
點知佢話搵過, 真係冇, 咁我就話你等我老細返黎同佢講, 跟住佢就走
我叫佢等等, 我老細好快返, 跟住佢就眼紅紅同我講, 我真係唔見左張收據
之後就係度流眼水同鼻水, 講野都震震下, 我見佢咁, 就親老細唔係度, 靜雞雞幫佢換
免得佢比媽咪鬧 ( 我諗佢怕媽咪鬧 所以就喊 ), 佢除了 eng 執錯, 就連中史都執錯版
唉~~ 我幫佢換完後佢就話唔該姐姐, 開始冇喊
我咁大個人都係第一次見到男仔係我面前喊 ( except my brother )
真係好驚, 除了驚佢喊, 又驚老細係我換換下時返到黎
因為我老細一返黎, 比佢知個男仔冇帶單, 又咁弱, 實唔會換比佢
咁佢實受皮肉之苦, 藤條炆豬肉 >_______<

今日 gary 返黎舖頭, 見佢同老細傾左好耐, 唔知傾 d 咩 ???
阿君同我講, 個個返黎都會帶野食, 叫佢去買 cake 又唔買,
我就係度附和, 係啦, 孤寒鬼 ^(00)^

>>September 7, 2003 at 12:07:43 AM GMT+8

2003 年 9 月 5 日 星期五 【陰】

嘻~嘻~ 嘻~~~ ^(00)^
今日真係好開心, coz 今日阿基, grace and cherry 都返左黎舖頭
阿基仲買左 cheese cake tim, 仲有我鍾意食的 blueburry cheese cake ^ _____ ^ 好好味
而阿 grace 就買左燒魷魚, 牛肉乾同唔知咩野魚, 果個唔知咩魚好鬼死辣, so 我only 食左一片, 牛肉乾我都係食左一塊咁多, 呢班同事都幾食得 ^(00)^
而燒魷魚我就一條都冇食到, coz 當時我 serving 緊一個客, 佢到好衰o架, 又唔留返條比我
一條都可呀, 點知係冇, 鬚都冇條留比我, 好可憐啊 >﹏<, 阿君仲要講"我點知你未食o者"
嗚~嗚~嗚~ 呢句係一個不負責任的說話 >________<

放工後, cherry, grace, o者哩, 阿基 and me 去左食返, 我地食完之後一直傾計
不知不覺已經傾到十點幾...... 哈哈..... 時間過得好快

最慘係o係我乘車回家途中, 我又胃痛, 好彩今次痛唔係好耐
我諗痛左20 mins 左右啦


>>September 6, 2003 at 12:29:09 AM GMT+8

2003 年 9 月 4 日 星期四 【雷雨】

今日一返到舖頭見到個架亂過亂葬崗, d 書又未分類,
阿君(樂哥的語氣) =.= 你點做野架 =.= ...... 哈哈
點解夜晚都咁忙呢 =.= ???

哈哈~~ 今日又有蛋糕食, 又有 tea 食 ^(00)^
個蛋糕係阿昌買的, 嘻嘻 ^(00)^, 多謝阿昌
如果下次買 blueberry cheese cake 就最好,
coz 我喜歡食 blueberry 多過 strawberry cheese cake
哈哈~~ 記住啦

今日見到阿宗的哥同佢另一個話都係阿宗的哥哥的人黎買書 ( 我覺得果個人唔似係 )
唔好 play 我, 哈哈
阿宗的哥哥同佢好似唔多似樣, 哈哈~~
就咁睇佢阿哥比較靜, 唔多出聱, but 另外果哥又自稱係阿宗的哥的人就比較搞笑d
哈哈~~ 下次見到阿宗問下佢到底有幾多個阿哥 sin 得

今日咁o岩係 mtr 撞到阿老, 我地就一齊去 supermaket 買野食
我地買左好多, 荷包大出血 ^(00)^



>>September 4, 2003 at 11:14:11 PM GMT+8

2003 年 9 月 3 日 星期三 【暴雨】

唔知點解今日食左 lunch 個胃都痛 =﹏=
近期胃痛的次數增加左
有時唔食會痛, 食完不久又會痛
可能係因為返工食冇定時...... 時多時少 (只可以係咁諗 )
唉~~ 好怕胃痛的感覺 +﹏+
又唔可以話比媽咪知, 佢知道左會好擔心 ( coz 佢甚麼都會憂一餐 )

今日係 daniel chan 的生日
嘻嘻~~ 生日快樂呀 ^(00)^

>>September 3, 2003 at 11:53:56 PM GMT+8

2003 年 9 月 2 日 星期二 【驟雨】

因為昨晚答應了阿君會做白汁意粉比佢食, so.....
今日 9: 30 am 就起身準備今晚的 dinner 了
當我做好了今晚的 dinner 後, 我開始燙衣服準備出門返工
怎料........ 電話突然響起, 我收到老細的電話, 佢話佢已經準備收舖
coz.... 佢話天文台將會掛起 8 號風球, 佢仲叫我休息一日喎
今日 so lucky, 本來我今日係返早, 但因為返夜的人數得返一個 ( 阿君)
so.... 我同老細講今日返夜好嗎~~ 佢話當然好啦 ..... 阿君聽到仲開心
因為唔洗佢一個人上書咁慘嘛, 有我陪佢嘛.... 嘻嘻 ^(00)^
就係因為咁.......我就避過返早要早走的遭遇..... 返唔夠兩個鐘就話收舖
車錢都 lose , 琪琪就最慘, coz 佢住好遠
哈哈~~~ 聽到唔洗返工時真係好開心, 因為我做足個幾月都冇休息過
家下可以好好休息 lu~~~
but ..... 咁我煮左咁多意粉點算呀 =.= ????
難道要我一個人食晒佢 =﹏=
早知我就一早睇定 news 啦,


>>September 3, 2003 at 12:22:44 AM GMT+8

2003 年 9 月 1 日 星期一 【晴】

今日是一個多災多難的一日
第一, 今日 8 點幾對腳就抽筋, 痛到醒 >.<~~~
好想今日唔返工, 留係屋企休息, 可惜我又答應左老闆今日會返工........ 唉.....好後悔
第二, 就係今晚上完 longman 架之後行開無耐, d 書就毛拿拿扇晒落地下
咁我就拿拿臨去執返佢, 點知係我彎低執書時, d 書毛拿拿又再扇過,
嘩~~嘩~~嘩.... 啪啪聲咁跌落我個頭度, 好彩 d 書唔係好重嗜, 如果唔係.....哈哈哈
我今日都唔可以係度寫 dairy 囉 ^........^ 太感神
阿君你好衰, 睇住書跌落黎都見死不救, 仲係度不停笑 >.<~~~

>>September 1, 2003 at 11:45:46 PM GMT+8