2006 年 5 月 16 日 星期二 【颱風】

今日係3號風球, 雨不大, 風很大
今日bobo 話我知, 7仔今之買滿20數換大口仔鎖匙扣
一聽到不知幾開心, 諗住可以搵男同事幫手
以為又可以好似上次換kitty 咁, 買煙就可以 (佢一日一包)...........點知
今日賤7仔竟然話買煙唔計........oh~~~~ 心情往下沉

so...... 夜晚就走去7仔買雜誌&雪糕
因為買滿20蛟送1個, 30蛟2個, 40蛟有3個
我就買滿40蛟, 有3個, 點知..........3個中, 有2個都係相同, no. 26
oh~~my god
天呀~~點鮮呀~~

but anyway 我都好開心, 因為在我去台北時你給了我天朗氣清的假期
thank god

>>May 18, 2006 at 6:46:52 AM GMT+8

2006 年 5 月 13 日 星期六 【陰】

14/5 星期日
經過昨日咁辛苦的旅程, 我都只係睡左3.5 hrs 左右, 因為夜晚同ivy 傾計傾到3點, 4點才睡得著, 未夠6點又比隔壁師奶團吵醒, 8點幾就起身.......我好想睡哦~~
今日係最後一日係台灣, 下午4點左右就要去中正機場準備返 HK
估唔到最後一日係咁不幸~~我地竟然拖住沉重的行李以為坐 XX號的巴士會可以到台北車站
點知係唔得既~~喫~~我地只好下車, 再自行步行去車站, IVY 提議坐TAXI, 可惜......我地想慳D嘛~~
但~~見IVY 拖坐D行李好似好辛苦咁, 個0急又唔多聽話, 東倒西歪.....這個畫面令我諗起都想笑^3^
把行李寄存係儲存區之後我地就開始行台北車站去書局街進發.......
今次又同上次一樣, 行了成條街都買唔到一本細老想要的書, 仲要比店員問我, 呢本咁舊的書我都冇賣WOR........都已經唔都印啦 = = """" 細老下次你唔好再搵我幫你買書LA, 你D 書咁舊
經過一間文具店, 那兒的文具 & 精品都好平哦~~我無法控制自己, 見到靚的就買, 特別是大口仔CARD, 實在太靚啦......唔買對唔住自己(雖然上次都買左好多), 今次買左十幾張, 又買左幾個細細個紙袋, 扣針 etc..... 埋單時千幾......oh~~~~乜我買左咁多咩 = = ?? 哈哈
最可惜的就是bobo 買的豬仔燈, 被收銀員打破了(係最後一個).......可惜 可惜

之後我地行西門町, 哈哈.......咁arm 又比我地遇到張棟樑係度搞簽名會.......
佢個樣好Q, 塊面包包的......排隊簽名的人唔算多, 我都拍左幾張相.......哈哈, 聽講下午3-4點左右有SOLER tim ........ 我對佢地冇咩興趣...........哈哈
而今日最後一餐係台灣食既野就係意粉, 入到去吸引我的 唔係意粉, 而係桌上的鹽 & 胡椒粉,
個瓶可卡哇衣哦~~哈哈~~我同BOBO 不停為它們拍照, 而D意粉就麻麻地啦~~

之前行左好多間康是美, 都買唔到鍾記想買左SET MASK, 不過......王天不負有心人
最後真係比我係台北車站的康是美買到, 因為佢唔似其他康是美咁SET 死晒, 而係任選3盒 (NT558), YEAH~~~不知不覺就買左8盒........超重哦

P.S 返到屋企才發現, 原來我幫鍾記買漏左1盒清酒MASK, 而自己就買左3盒都係乳酪MASK.....OH~~~點解要返到屋企才發覺呢......唔制呀......3盒都係呢個 > < """"""""
仲有就係 返到屋企時(10點幾)比留上7樓的黃生捉住左傾計, 問我去台灣去左邊度, 有咩好SUGGEST, 自己又年年去旅行, 講好多好多野.......搞到我11點幾才可以真真正正入屋放低野休息
OH~~~~真係好累 好累

ps ps. 今個旅程雖然好累好似好辛苦, 但真係好開心, 第一次同咁多好朋友去trip, it is a good experience of my life, I very enjoy that.........I hope have a next time

>>June 6, 2006 at 7:29:27 AM GMT+8

2006 年 5 月 12 日 星期五 【綿綿細雨】

13/5 星期六
今日一早吃過早餐就準備去睇 9:00am 忠烈祠的交按
因為時間太趕啦~~so....我地又決定豪一次, 坐taxi 去忠烈祠
果然......坐taxi 去真係好快就到(9:45-9:50 am)......到達時人唔算太多
唔夠 5-8 mins 人開始越來越多, 越來越迫
今次係第二次去睇. 上一次自己坐巴士, 果日下好大的雨
人又多, 根本就看不清楚.........而今次就唔同......天朗氣清(好熱就真)
在大熱天時, 我真的好佩服站住大門兩側的衛兵門, 動也不動, 眼也不合
人總不能5mins 也不合眼, 但他們果真做得到.....過了不久
我看見站在左邊門的衛兵, 右眼開始流眼水, 看見了也替他辛苦
睇完之後我地去左圓山站的酒泉街搵維格買鳳梨酥.....嘻嘻~~係果度試食左少少~~
熱騰騰的鳳梨酥(大 nt 400)最好味, 而凍冰冰的綠豆糕(nt 260) 都不錯, 各買了一盒
下一站我地就去台北車站搭火車去瑞芳, 平溪, 十分, 係十分站就最好玩
以為火車多數都會好舊o下, 係大陸坐過一次, 但原本台灣的火車都幾靚
只可惜今日天公不做美........竟然落雨, 4個人只有bobo 有帶雨傘
anyway don't worry be happy, 冇雨傘我都一樣可以玩得好開心........哈哈
我地停留在一間賣紀念品的小店.....玩印印, d 印仔好靚, 可惜無得買
唔知買夠幾多錢就有得玩挾公仔抽獎.....哈哈.....我有4 次機會呢
可惜頭2次都唔中, 第三次抽中左一包lemon tea, 最後一次比我抽中了一個 mouse.......哈哈
感覺唔錯...... 抽到都要謝小朋友的仗義相助, 無佢的幫手, 我諗以自己咁笨的身手是不會抽到的
離開小店之後我地就向目的地 " 十分瀑布" 出發, 上網查過, 佢話有車上瀑布的, 可惜我地等唔到
只好步行去, 在橫風橫雨, 無遮無擋, 又凍又濕的環境下, 我地行了差不多1個小時終於到達目的地, 真係好不辛苦......眼見的瀑布並沒有想像中的壯觀, 有少許失望, 但過程都係開心的
在回程途中, 比我們發現了一部巴士, 可以車到我們去捷運站.........oh~~ thx god
今日的行程實在太太太辛苦啦.....今日一定唔可以虐待自己, 要食返一餐好的獎勵自己
我地今日去左食韓式海鮮火鍋(nt 960) & 牛肉石頭鍋飯(nt 240)
唔知係唔係好肚餓的關係呢, 所有野食對我0黎說都好好味 ^(00)^, 事實又真係好好味~~
食完之後我地就行埋忠孝東路的地下街就回酒店~~
原本個地下街係咁長, 又多店舖, 可以我地太夜行啦, 許多店舖都已經關門......
但ivy & cici 都係酒舖買了幾瓶酒.......個酒瓶都幾靚, 但因為我都唔飲既~~
so.......就算幾Q 我都冇買......哈哈~~我要留返D 錢買 mask ~~ mask 你等我

p.s 今日咁累.......我諗就算隔壁點吵 我都應該睡得著啦........哈哈

>>June 6, 2006 at 6:39:37 AM GMT+8

2006 年 5 月 11 日 星期四 【酷熱】

12/5 晴
今日一早吃過早餐就準備去泡溫泉(北投春天)
我地由酒店步行去中山捷運站, 沿途不停拍照
由於唔係咁熟d 路, 有個好心的女士就教我們行, 可惜佢係日本人呢,
cici 只係聽到佢話行多20mins 左右就到.....哈哈....cici 同ivy 都有學過日文, 點解ivy 好似唔係好識咁既 = = ?? 原本預計去到北投可以坐10點幾班接駁巴士, 點知.......去到又arm arm 過左時間
只好等11點幾個班車, 悠悠長的一個鐘頭, 天氣又熱, 都唔知去得邊
所以就在附近行行走走, 我地先入OK店買左D野飲, IVY & BOBO 就買左D 通便便的藥丸
之後就利康是美, 嘩.......見到好多野都好想買, 尤其是我見到一支瘦身產品(NT 269)~~佢話噴一噴就可以擁有苗條的身段......
係唔係架?? 好想買黎試下, 因為又唔係貴, 但買左之後又冇理由拿著去泡湯, 太不方便了
就係咁, 不經不覺, 咿~~11點幾喇(我地只係行了兩間鋪) ?? 我地又係時候去返車站LU~~
唔去睇多次都唔知, 哈哈~~原來我睇錯左另一間的時間表.....OH MY GOD
咁我地個間係幾點呀~~OH~SHIT 12點~~咪仲有半個鐘等 lor
oh~~ bobo, cici & ivy 我對你地唔住呀, 係我睇錯左個 time table
終於等到12:10pm 車來了, 唔洗15mins 就到達目的地.......嘩~~環境好靚呀, 如果可以係度住一晚就好啦 ^(00)^
入面有6-8個水療按摩池, 其中有個係花花池, 我最喜歡的就是這個花花池, 坐上去, 感覺自己好似變了一個公主似的
好舒服, 週圍的景色又美麗, 可以說是五星級的享受......一個字 "正"
快樂不知時日過, 當bobo 話已經2:45pm時, 我們急不及待要去沐浴離開, 因為要坐3點幾架接駁巴士返去北投
點知當 一切準備好晒時, 才發覺個度個鐘係錯的.....快左一個鐘......哈哈~~唔係化.......點解今日所有時間都搞錯晒既 ??
又係有成個鐘, 我地又只好四周行行, 影下相, 我同bobo 不停進出酒店門口, 門口的waiter 不停為我地又開又閘......哈哈~~唔好意思呢~~車終於到達, 可惜太多人坐, 我地上唔到車, 點知佢地就搵人開架私家車(都幾舊下)車我地去北投捷運站, 呵呵~~又係另一種貴賓式的招待, 我下次一定會再來的...........北投春天溫泉.........你等我呀 ^(00)^
下一站目的地就係市政府站, 一去到我地就入左去新光三越的food court度食dinner
我叫左一鍋醬爆牛肉小鍋, 而ivy 就叫左一鍋唔知咩咩小鍋, 全鍋好似比孕婦食咁, 超酸......
眼見ivy 只係食飯 & 飲湯, 個鍋野就...........哈哈~~~bobo 同我就差唔多, 佢鍋係黑椒牛肉小鍋, 而cici 就係炸雞飯小鍋.......我地d野食都唔錯架~~
之後就去行左neo 19, new york york, 係假的自由神像下又拍照, 可惜夜晚太暗啦, 拍唔到靚相, 加上部機又冇咩電........so.......d 相實在太........之後入華納影城行左一圈, 係華納影城外有人做街頭賣藝, 扮演樹精, 個樣都好嚇人, 我不停拍照又睇佢, 但都冇比錢....哈哈~~唔好意思~~小朋友冇錢嘛~~下之啦......原本諗住去101行下, 點知10點幾就關門, 行唔到......我地只好坐巴士走..........點知又係個句, 人生路不熟..........搵唔到巴士站, 行左成個鐘都冇人知巴士站係邊........就連security guard 都唔係好知..... = = ?? 你點做security guard 架, 車上個女仔問你 你又咁多野講.....唉....仲要指我地返去101度邊, 話門口一定會有車坐返去........我地都知, 但見唔到才問你嘛.....
最後好彩遇到3個女仔, 佢地都知係邊度.......點知行過左101之後都仲未到巴士站.....足足行左大半個鐘才知道bus stop 係邊.........今日泡完溫泉的功效冇晒 lu~~~~
回到酒店之後 bobo 同ivy 落左7仔買野飲, 仲買埋餃子返黎食.......可惜我已經刷了牙......但食物的吸引力實在難以抵擋.......我食左.....哈哈~~~好好味呀

>>May 25, 2006 at 8:35:48 AM GMT+8

2006 年 5 月 10 日 星期三 【晴】

今日7點就起身準備去機場, 原本預計7:45am 會合bobo 一齊去機場 (因為9:00前一定要到)
點知 bobo 的dad 叫佢早出d發, 當我打電話比佢時佢人已經地了東涌市中心
我只好自己一個人乘 E21去, 但就好黑仔lor.......一直等.....一直等........等到8:15am 才有車到
去機場要成個45 mins 架, 我怕趕唔到取機票 (取機票d 野係我度), 人越心急, 就覺得架車越行越慢
眼見其他車不停過佢頭, 心諗"司機......你洗唔洗咁安全呀, 係車都過你頭既 ? "
唉~~真係唔睇好過睇
9:10am 終於到達機場, 一落車就一支箭咁衝去搵人取票
10:25 am 機, 搞點晒所有野都已經9:30am, 原本諗住有時間可以去 m 記食埋早餐.........而家冇lu~~~

順利入到機, 當機飛機準備起飛時, 我地發現, 坐我斜對面個肥仔佢竟然一上機不久就睡著了
而且口中還有滴晶瑩剔透的口水在釣下釣下......... 都怪自己不停笑說, 最後比cic 見到佢滴口水掉了下來.....而家諗起都好笑.......哈哈 ^(00)^

我們準時辦好入境手續, 經過機場兌換店都冇兌錢, 因為會有人黎接我地 & 幫我地兌錢
SO...... 就即時走去集合地點, 點知等極都冇人, 眼見有3個人都貼上同我地一樣 LABEL 的人經過
我就走上前問問, 我手持該團的A4 紙問, 佢地話去陽明山, 唔係我地個團........SO........眼白白見佢地開車走左........最後我地才發現真係果架車...........真係好嬲..........點鮮你地要"握" 我........
1:20PM 我地四個只好去銀行兌錢, 唉........原本係機場內兌係1 VS 3.93, 而家只能兌到 3.83 仲要比手續費..........真係好嬲好嬲........最後只好坐飛九巴士去酒店 (NT135 大元) ........

CHECK IN 完畢我地就去左西門町醫肚.........爭鮮迥轉壽司
價錢都仲係 NT30一碟..........款式多過HK 好多, 又好味, 最喜歡就係草莓奶凍, 又滑又香
我地4 人共吃了32碟, 都係 NT960, 接著就行西門町, 見到康是美就入去掃貨,
一共買左4支菜瓜水(@NT 49), 1支蘆薈面膜(NT160)。之後我地坐捷運去劍潭站, 再坐接駁巴士到美麗華百樂坐摩天輪(NT 150), 遠睇摩天輪比較靚, 近睇就覺得不是甚麼, 因為摩天輪全被綠色燈光包圍, 感覺有少許恐怖
當坐上摩天輪, 由高處望向地面, 嘩..........原來台北都有咁美的夜景, 絕對不遜色於香港
由於有綠色燈光包圍整個摩天輪, BOBO & IVY 不停在車廂內做鬼瞼拍照..........哈哈
佢地做鬼瞼的樣又絕對不遜於 .......... 哈哈....... 大家都知係咩啦 ^3^
我同CICI 就失敗左D, 拍極都唔似。最後一站我地就去士林食野
我地四個人各買了一杯蜂蜜苦瓜汁(NT50), 實在太好飲啦...........
之後我地再買了一個雞肉棺材板(NT40) & 紅油炒手(NT40), 兩樣野都好好食
由於BOBO 唔係太舒服, SO.........冇食到野
接著我地去士林的另一邊, 行街街買衫(因為天氣好似會轉涼, BOBO & CICI 要買定衫) & 褲(因為我只帶了一條睡褲, 而第二日我地會去泡溫泉...SO......為了唔想冇褲穿去泡溫泉, 唯有買一條啦)
最後買左一條短褲 (NT 290) , 而BOBO & CICI 都買左件衫
由於行到 11點幾, 差不多到12點, 錯過了巴士回HOTEL, 於是就只好貴少少搭 TAXI
呢個司機實在就好人啦, 不停問我地會去邊度玩, 又介紹我地有咩好地方, 溫泉又邊度好
但我既普通話又真在太叻啦, 哈哈..........當我講我地會去北投(高音)春天泡溫泉.........佢就糾正我個發音..........說: 哦~~是北投(低音)呀........哈哈~~~佢咁都聽得明, 最差就係後坐個幾位乘客不停係度笑我........喜又齒你 ><~~~

全日的行程就咁結束了

>>May 25, 2006 at 8:02:08 AM GMT+8

2006 年 5 月 8 日 星期一 【晴】

嘩~~而家好興奮呀
yeah~~yeah~~
因為 11/5 就會同 bobo, ivy & cici 去台北玩
而家係度諗緊個行程, 真係諗到頭都大晒, 終於 plan 好左 (原無意外的話)

最重要係唔好落雨, 願主保佑

台北四天團

Day 1 11/5

8:45am 到達機場
1:00pm 到達中正機場
2:00pm check in First Hotel (台北市南京東路二段63 號)
捷運中山站(NT 20), 行15 mins
3:00pm 捷運市政府站(NT 20) ~ 台北101, New York New York
~ 上閣屋 (BUFFET)
台北旗艦店
注意：例假日用餐每個時段限用2小時。 營業時間/Am11:30-Am3:00

午餐： 11：30～13：40 628 元（另加一成服務費） 兒童計價方式說明 ：
下午餐： 13：40～16：20 568 元（另加一成服務費） 80～100公分酌收100元
晚餐： 17：00～21：30 758 元（另加一成服務費） 101～120公分半價計算
宵夜： 21：30～03：00 598 元 （另加一成服務費） 121公分以上正常計費
假日下午餐 14：00 進場

地址：台北市松壽路22號3樓
(華納威秀旁)
訂位專線：(02) 8789-5678



~ 新光三越, 國父紀念館, 忠孝敦化(東區地下街) 行至忠孝復興,
8:30pm 捷運劍潭站至美麗華百樂坐摩天輪 , 去士林夜市 --- 反hotel


Day 2 12/5

8:00am 早餐
9:00am 台北-->火車-->瑞芳-->(平溪小火車)-->十份-->菁桐總站-->瑞芳-->(巴士)-->九份-->(巴士1900前)-->基隆-->(火車2230前)-->松山(饒河街)

旅遊貼士 : 1) 去九份除搭火車去瑞芳鎮轉基隆客運的金瓜石線外, 可以在忠孝復興捷運站出口1搭國光客運前去. 2) 如由九份前去基隆可搭客運, 車資(NT44), 可順道去廟口小吃. 3) 如去十分/平溪等地方, 可以先在台北車站34號窗購買平溪線一日週遊卷 (NT54)或在瑞芳車站購買, 而且可以在平溪沿線一天內無限次上落, 如到十分瀑布可以有折扣, 入場費是(NT180), 但折扣後是(NT100).
平溪觀光小火車台鐵支線一日週遊券， 瑞芳至菁桐，全票54元,本券限當日使用，旅客可在區間內各站自由上、下車

Day 3 13/5

Choice 1
8:30 早餐
9:30 龍山寺 – 陽明山/北投(泡溫泉), 陽明山公園 or 淡水– 天母, 西門, 台北車站, 返hotel
旅遊資料 : 1)上陽明山可以在台北火車站出口1搭公車260,車費NT30便可到達陽明山停車場(車程時間為45分鐘左右,途經林語堂故居), 再轉乘108號觀光小車便可到達山上,車費是NT30或購買一天遊卷. 2) 建議回程可順道搭公車230去新北投浸溫泉. 3)台北火車站大堂下一層即南面或北面有行李寄存櫃, 每天收費是大型NT100,小型NT50, 先投錢幣, 如超過一天, 回來時補入便可以了. 4) 由淡水捷運站去漁人碼頭除搭紅26外,可在淡水碼頭搭船, 有二間船運公司, 票價不同NT160及NT100來回, 不同是貴那間不用掛隊,因少人搭. 5) 來往北投與新北投的捷運在非繁忙時間每隔15分鐘對開 (00,15,30,45), 尾班車是20:55.
Choice 2
8:00am 早餐
9:00am 六福村 (9:00am-9:00pm)/ (9:00am-6:00pm)
入場費 nt890 (hk 約225)
台北行天宮乘客運至六福村 nt 102 (約 hk26)

Day 4 14/5

8:30am 早餐
9:30am 忠烈寺/中正紀念堂
10:30am 行台北車站, 書局行, 西門町
4:00 pm 中正機場

>>May 9, 2006 at 6:34:16 AM GMT+8

2006 年 4 月 25 日 星期二 【晴】

今日睇到donna 去歐洲旅生的相, 發玩其中一張很有意思

The Life

It is like a voyage to some known point - I stand at the rudder, I have chosen my path,
but God rules the storm & the sea. He may direct it otherwise;
and then, happen what may it will be the best for me ...
my life will be the best illustration of all my work.-

Hans Christian Andresen: The True Story of my life : 1847

>>April 28, 2006 at 3:01:09 AM GMT+8

2006 年 4 月 22 日 星期六 【晴】

Virginia 大日子

今日係Virginia 娶新抱的大日子, 恭喜你呀
恭喜你有個咁靚的新抱, 見到你個仔同新抱仔咁恩愛, 咁幸福
我都替你高興, 希望你快d抱孫, 最好係三年抱兩 (d 人多數係咁講)......哈哈
其實我覺得今日都穿得不俗架, 係肥左少少, 最失敗的就是沒有一個合適的袋,
搞到好 9 唔搭 8.......哈哈



p.s 下次一定要買返個靚袋袋

>>April 25, 2006 at 1:54:11 AM GMT+8

2006 年 3 月 29 日 星期三 【晴】

已經睇了三日海豚灣戀人, 發覺劇內的人物都好似某某人

澤亞似鄭嘉穎, peggy 似胡杏兒, 曉剛有d似反町隆史, 每次睇到peggy 都覺得佢真係好似胡杏兒, 心裡不其然笑了出來

套劇睇到而家都覺得幾好睇(第十八集)......嘻嘻......每晚都要追這劇, 搞到晚晚12點幾才睡覺.........好睏哦

>>March 30, 2006 at 1:40:10 AM GMT+8

2006 年 3 月 18 日 星期六 【陰】

今日同媽咪去行旺角
當行到旺中時見到有一班人擁著一部VAN 仔
個個都高舉電話 & 相機
利近一望
哦~~李彩華
見到佢都唔覺有咩特別
不過真係瘦得滯, 肥返少少會好D
媽咪就話見唔到, 問我係邊個
我講完佢都唔知係邊個 =.= """"
行完返到屋企都7點~~
今晚我煮了百里香白汁芝士螺肉雞丁意大利粉
YEAH~~好味~~好味

>>March 20, 2006 at 3:36:24 AM GMT+8