2005 年 5 月 9 日 星期一 【颱風】

呢一刻, 我又覺得屋企好warm
今日第一日返新工, 好唔開心...

過去兩年半, 我都係按自己方式做事
托賴, 冇乜大鑊野發生...
至今日, 我兩年來的功夫好似廢左...
我未適應係事實, 畢竟第一日
但係...個supervisor...點解佢完全冇耐性...
d野唔係由頭講, 呢度講d, 嗰度講d,
自己明就明, 唔明做錯左就俾佢話...
佢做左咁耐, d野梗係熟點做啦
佢講咁快係咪講俾自己聽者...?!

我今日d信心跌到負點
突然好懷念舊公司...
今日咁岩收到舊同事的mail問我近況
我喊左出來...好掛住佢地..........
始終佢地最有人情味呢.......

怎麼辦? 我不能回去, 但又唔喜歡新公司
唔知自己有冇後悔......但唔到我考究呢個對錯問題
我只知聽日真係好唔想返工啊..........
不如聽日就辭職好嗎?

>>May 9, 2005 at 8:36:22 PM GMT+8

2005 年 5 月 6 日 星期五 【晴】

岩岩在palace apm睇完三岔口...
戲院好正呢, 同palace ifc差不多
差就差在睇戲的街坊囉.....
我相信palace ifc睇戲的人,
唔會一邊睇一邊做旁述
又或把弄那條手柄,
然後笑笑笑可以變情侶座等大煞風景的事吧....
最慘係我隔離的那對twins...頂, 勁嘈
都冇計, 既然買左飛, 都冇得避架啦

至播微笑的魚時, d人開始意識到嗰度唔係街市係戲院
我也呼一口氣...可以安安靜靜睇戲,
唔需要同d街坊精神搏鬥........

我覺得條片好好睇呢...
比起那些真人版的向左走向右走,
或者地下鐵好睇呢....
真係幾驚睇開的書/漫畫d公仔變左真人....
d真人做得好就好, 做得唔好反而毀左原著的主角
原著中的主角, 即便是公仔/文字都有生命的
始終原著, 原味, 原本都是最好的...不要改它

>>May 6, 2005 at 6:16:15 PM GMT+8

2005 年 5 月 6 日 星期五 【陰】

琴日大半日都在西門町渡過...
本來身上還有600幾蚊台幣..
但去老天祿買鴨舌孝敬阿爸之後,
身上剩幾十蚊台幣, 係台幣喎!!!!!
如果係港幣都冇咁慌...
於是在我只能用身上僅有的錢食左碗餛飩....
之後身上冇晒錢了........
真係覺得自己好可憐, 嗰幾個小時也過得好驚險呢
最後平平安安離開西門町, 向著機場進發...

好開心, 我竟然在飛機上見到星星呢!!!!!!!!!!!!!!!!!!!!
本來我訓緊架啦, 但唔知點解突然醒左然後好自然望出面...
"咦?! 咁快降落啦?" 當時心想......
後來確定未降落, 我見到的"街燈"就是星星了 :D
我唔識睇星, 所以唔知見到的是什麼星座的星系...
只知道真的很美...

平時我地望上天的星星係好遠好遠的,
就好似在一塊黑布上掛幾顆銀珠罷了
而琴晚所見的, 係伸手就摘到, 那麼近的距離
然後見到星星係凌空懸掛的啊~~~~好立體的
我望了好一陣子, 忽然覺得應該許個願
因為覺得見到這些星星是一種緣份...
所以順理成章許了個願...
唔好challenge我住...我知唔係流星...
有時唔好用那麼理性的態度看待每件事...
其實對流星許願都係好唔理性的喔
(試著解釋自己做的事是合理的....呵呵)

大概9:30返到屋企了
oh...返到屋企感覺真好...

>>May 6, 2005 at 11:09:46 AM GMT+8

2005 年 5 月 5 日 星期四 【晴】

hihi, 我而家仲在台北啊
今晚搭飛機返香港lu~
奇怪我現在在那裡打這篇日記啊?!
我就在西門町的萬年大廈QED上緊網....
呢度除左上網, 仲可以睇下雜誌同漫畫...
總之係一個可以hea的地方囉
冇辦法啦, 太早啦, 乜都未開...
我要在這裡消磨一點點時間先落街行...
還有喔, 告訴大家, 今日台北大太陽, 好熱啊........
真係好想跳落水降下溫...

好啦, 同大家分享呢幾日一個人在台北的感覺...
馬上, 腦海只想到倦, 悶...因為一天到晚都在外面嘛
雖然是一個人, 但不會怕...
生活方式同香港沒兩樣嘛...
只係周圍的人唔係講廣東話, 當然偶爾都會撞到香港人啦
突然想打電話時, 又覺得IDD太貴了,
最後還是一個人在街上走走吧

去過新光三越, SOGO, 誠品,
發現賣的東西跟香港一樣...
所以沒花太多時間在裡面...
至琴日去過陽明山睇海芋...才有點點不一樣
雖然唔係想像中咁壯觀,
(我指的壯觀係好似普羅旺斯整片薰衣草田,
又或京都櫻花樹林那一種壯觀)
但係感覺好舒服, 空氣好清新,
好想就這樣大字形的躺在地上
浸淫在海芋當中, OH~~~讚呢....

雖然去陽明山的過程中有少少阻滯
唔識落車, 被車到一個叫金山的鬼地方...
真架, 那裡除了歐巴桑, 都是歐巴桑....
好不容易找到一家吃牛肉麵的...
吃飽之後繼續旅程...
回台北時, 我坐在某個巴士站等公車,
望著前面的景緻, 彷彿身在日本某個破落的火車站...
真的, 真的很有日本FEEL的...
就這樣, 我在陽明山消磨一個半天....
之後返到市區, 又有目的冇目的的周圍行....
就是這樣, 呢幾日就係很放鬆的渡過了....

其實呢幾日, 只有在搭捷運或公車才感覺自己在台北
否則都很香港嘛.....但....又不像在香港的自在...不知啊...
我覺得3天的行程剛好, 再多一天兩天真的會把我悶死的....
想想沒話說的日子多痛苦.....還好可以找到上網的地方
但我還是需要講話的........呵呵

嗯....旅行嘛, 如果可以的話, 最好還是有伴好...

>>May 5, 2005 at 11:43:43 AM GMT+8

2005 年 5 月 2 日 星期一 【晴】

我是憤怒!!!
本來一心諗住聽日去旅行的事
點知, 7:00幾收到舊公司電話
頂~ 火都黎!!
打黎問我點解今個月要找咁多數?!
有冇病?! 既然業績破紀錄, 咁入貨一定會增加架啦

佢的語氣令我覺得佢質疑我囉
我想話個電話打來真係一d意義都冇
事實係有咁多, 就要俾咁多架啦
平時又係佢地叫我要安排進貨...
而家老闆問, 就來問我....問番自己啦
仲有, 我而家已經離職架啦,
唔好係唔係都打來問我啦
我已經唔係under你公司架啦

影響晒我d心情!!!!!!!!!!!!!!!!@$!&#)@!&#

>>May 2, 2005 at 10:10:19 PM GMT+8

2005 年 5 月 2 日 星期一 【晴】

聽日飛台北啦, 3日2夜
行程大概plan好左啦
不過驚自己因為唔識路
或者因為搵路浪費好多時間, 最後去唔成囉

不過, 相信都係一個好好的體驗
咩都要試下,
試下自己一個去旅行
試下自己plan行程
試下自己在陌生地方搭車

好啦, 祝自己好運, 5號返來再說~

>>May 2, 2005 at 2:13:35 PM GMT+8

2005 年 4 月 28 日 星期四 【晴】

聽日last day啦
問我有冇唔捨得, 好似冇...
遞信時有嘅, 後來漸漸冇

每次離職當day, 總有同事都同我講
"你就好啦, 甩難啦"
今次都有.....但係...係咪真係甩難呢?

以往經驗話我知,
離開只係由一個火坑跳去另一個火坑者.......
anyway, 就當轉換一個環境也好...

最近覺得好攰...黑眼圈好深, 心態上好疲...
點解自己成日做付出一方...或者做照顧人的人...
點解唔可以hea下, 由其他人來為我做d野呢?

>>April 28, 2005 at 9:47:13 PM GMT+8

2005 年 4 月 23 日 星期六 【晴】

從來, 等待都係最漫長, 最無奈, 最痛苦的
小至等位食飯, 大至等一個offer...
同樣, 都係辛苦架......

我而家算係渡過左等待期, 但.........又唔可以完全唔等.........
(即係點, 好亂啊下嘛.........:P)
件事係咁嘅, 之前in過4份工...其中一份已經confirm左
呢份工喺而家公司附近, 隔離大廈者...
公司size大過而家少少啦, 做嘅野冇咁雜...返5日
d人...唔知, 因為我冇留意d人...
我只知in我的女人有少少棘手而已...
可能咁, 當佢confirm我時, 除了鬆一口氣嘅感覺之外,
好似冇乜開心嘅感覺囉.......(有工都唔開心, 係咪折墮?)

其實, 我喜歡另一份工多d, 而家, 就係等緊佢消息囉
所以, 而家算係渡過左等待期, 但又唔可以完全唔等囉.........

由星期三等到而家, agency話佢地下個星期一先有消息
唉, 雖然我知機會可能唔大,
但我又控制唔到自己對份工有所期待喎, 搞到自己訓得唔好
我會諗起嗰日interview可以改善嘅地方, 諗緊我d對手係咩人呢...諗緊......
唉..................

然後, 而家公司呢邊又煩喎
老闆都好d (不過可能只係冇喺我面前話我者...)
但佢老婆星期四就打電話來話我
話我5月初就要走的話, 新人都未到,
會冇人接手, 乜乜乜...
佢好似將成件事都怪喺我身上囉
我馬上問自己, 係咪我錯先?
我3月中就遞信, 已經俾左1.5個月通知
而自己亦盡量在自己離職之前跟好晒d手尾
handover list都做好.......
人又幫佢搵左....
另外, 我留左email, 電話, 隨時覆佢地問題
星期六有需要都可以返公司教個新人
我諗, 我冇乜野欠佢地囉!

我唔明佢老婆打電話來嘰lee呱啦做乜野???!!!
有病的!

anyway, 我覺得我已做了應該做的
唔需要在乎佢地諗乜啦

>>April 23, 2005 at 10:00:31 AM GMT+8

2005 年 4 月 15 日 星期五 【微冷】

唉....平常心吧

>>April 15, 2005 at 8:01:53 PM GMT+8

2005 年 4 月 11 日 星期一 【炎熱】

今日下奏到而家個心都好灰啊...
話說上星期我in左一份工,
今日問番agency result, 佢同我講
對方認為我dressing唔夠formal...
下?! 唔係嘛....我除左問號都係問號...
首先, 我嗰日的確冇著suit, 但都有著恤衫&裙, 係咪咁就唔大方呢?
第二, 到底而家請人係請外表還是請工作能力的呢?!
係咪個樣生得唔靚, 著得唔靚就代表工作能力低?

我真係唔明, 我而家仲未可以釋懷

我寧願佢話我唔合乎條件,
雖然都會唔開心,
但至少我輸得心服口服...
而家算係咩理由?! 簡直係莫須有!

我諗左好多野...
點解身邊d朋友話轉工就轉工.
人地一生有貴人幫...行一步, 有人送佢行多10步
我行一步, 冇人推我出門外, 已經謝天謝地..
人地愁緊兩份工揀邊份
我愁緊點解份份工都唔揀我...

真係好坎坷
永遠比人行更多路...
但...唔代表會苦盡甘來

真係好唔開心..........

>>April 11, 2005 at 8:54:14 PM GMT+8